Friday, March 31, 2017

ಹಣದ ವಿಚಾರಕ್ಕೆ ಜಗಳ
       ಹಣದ ವಿಚಾರದಲ್ಲಿ ಜಗಳ ಮಾಡಿ ಗಾಯಪಡಿಸಿರುವ ಘಟನೆ ಸೋಮವಾರಪೇಟೆ ತಾಲೂಕಿನ ಕೊಡ್ಲಿಪೇಟೆ ಎಂಬಲ್ಲಿ ವರದಿಯಾಗಿದೆ. ಕೊಡ್ಲಿಪೇಟೆಯ ದೊಡ್ಡಕೊಡ್ಲಿ ಗ್ರಾಮದ ನಿವಾಸಿಯಾದ ಗಣೇಶ ಎಂಬುವವರ ಮಗನೊಂದಿಗೆ ಅಭೀಷೇಕ್  ಎಂಬುವವನೊಂದಿಗೆ ಗೆಳೆಯರಾದ ದಿಲೀಪ್ ಮತ್ತು ಸಂದೀಪ್ ರವರು 100 ರೂ ಹಣದ ವಿಚಾರದಲ್ಲಿ ಜಗಳವಾಡಿ ಹಲ್ಲೆ ನಡೆಸಿದ್ದು ಈ ಬಗ್ಗೆ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.
ಕಾಳು ಮೆಣಸು ಕಳವು
     ಗೋದಾಮಿನಲ್ಲಿಟ್ಟಿದ್ದ ಕಾಳು ಮೆಣಸನ್ನು ಕಳವು ಮಾಡಿರುವ ಘಟನೆ ವಿರಾಜಪೇಟೆ ತಾಲೂಕಿನ ಕಣ್ಣಂಗಾಲ ಗ್ರಾಮದಲ್ಲಿ ವರದಿಯಾಗಿದೆ. ಪುಲಿಯೇರಿ ಗ್ರಾಮದ ನಿವಾಸಿಯಾದ ರಿಯಾಜ್ ಎಂಬುವವರು ಕೊಂಗಂಡ ರಾಧಾ ಬಿದ್ದಪ್ಪನವರ ಮಕ್ಕಳಾದ ಗಂಗಾ ಮತ್ತು ಲಾಕ್ ಮಿ ರವರಿಗೆ ಸೇರಿದ ಕಣ್ಣಂಗಾಲ ಗ್ರಾಮದಲ್ಲಿರುವ ಕಾಫಿ ತೋಟವನ್ನು ಭೋಗ್ಯಕ್ಕೆ ಪಡೆದಿದ್ದು, ತೋಟದಲ್ಲಿ ಬೆಳೆದ ಕಾಳುಮೆಣಸನ್ನು ಒಣಗಿಸಿ ಗೋದಾಮಿನಲ್ಲಿ ಶೇಖರಿಸಿಟ್ಟಿದ್ದು ದಿನಾಂಕ 29-3-2017ರ ರಾತ್ರಿ  ಗೋದಾಮಿನ ಬೀಗವನ್ನು ಮುರಿದು ಸುಮಾರು 300 ಕೆ.ಜಿ ಯಷ್ಟು ಕರಿಮೆಣಸನ್ನು ಯಾರೋ ಕಳವು ಮಾಡಿದ್ದು ಈ ಬಗ್ಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.
ಮೋಟಾರು ಸೈಕಲ್ ಅಪಘಾತ
     ಮೋಟಾರು ಸೈಕಲ್ ಅಪಘಾತಗೊಂಡು ಸವಾರ ಗಾಯಗೊಂಡ ಘಟನೆ ಸುಂಟಿಕೊಪ್ಪದ ಕೊಡಗರಹಳ್ಳಿಯಲ್ಲಿ ವರದಿಯಾಗಿದೆ. ಅರಕಲಗೋಡುವಿನ ನಿವಾಸಿಯಾದ ಧರ್ಮರವರ ಜೆ.ಸಿ.ಬಿಯಲ್ಲಿ ಚಾಲಕನಾಗಿರುವ ಮಂಜುನಾಥ ಎಂಬುವವರು ದಿನಾಂಕ  28-3-2017 ರಂದು ರಾತ್ರಿ 11-00 ಗಂಟೆಗೆ ಕೆಲಸ ಮುಗಿಸಿ ಮೋಟಾರು ಸೈಕಲಿನಲ್ಲಿ ಕುಶಾಲನಗರದಿಂದ ಮಡಿಕೇರಿ ಕಡೆಗೆ ಹೋಗುತ್ತಿರುವಾಗ ಕೊಡಗರಹಳ್ಳಿ ಎಂಬಲ್ಲಿಗೆ ತಲುಪುವಾಗ ಮೋಟಾರು ಸೈಕಲ್ ನಿಯಂತ್ರಣ ತಪ್ಪಿ ಮಗುಚಿಬಿದ್ದು ಗಾಯಗೊಂಡಿದ್ದು ಈ ಬಗ್ಗೆ ಧರ್ಮರವರು ನೀಡಿದ ದೂರಿನ ಮೇರೆ ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.
ಆಟವಾಡುತ್ತಿದ್ದ ಮಗುವಿಗೆ ಬೈಕ್ ಡಿಕ್ಕಿ
       ಆಟವಾಡುತ್ತಿದ್ದ ಮಗುವಿಗೆ ಬೈಕ್ ಡಿಕ್ಕಿಯಾಗಿ ಮಗು ಗಾಯಗೊಂಡ ಘಟನೆ ಸಿದ್ದಾಪುರ ಠಾಣಾ ಸರಹದ್ದಿನ ಬಾಡಗ ಬಾಣಂಗಾಲ ಗ್ರಾಮದ ಹುಂಡಿ ಎಂಬಲ್ಲಿ ವರದಿಯಾಗಿದೆ. ಬಾಡಗ ಬಾಣಂಗಾಲ ಗ್ರಾಮದ ನಿವಾಸಿಯಾದ ರಮೇಶರವರ 4 ವರ್ಷ ಪ್ರಾಯ ಮಗಳು ಶ್ರಾವ್ಯಳು ಮನೆಯ ಮುಂದಿನ ರಸ್ತೆಯಲ್ಲಿ ಆಟವಾಡುತ್ತಿದ್ದಾಗ ಅದೇ ಗ್ರಾಮದ ನಿವಾಸಿ ಅಪ್ಸಲ್ ಎಂಬುವವನು ಮೋಟಾರು ಸೈಕಲನ್ನು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಹೋಗಿ ಡಿಕ್ಕಿಪಡಿಸಿದ ಪರಿಣಾಮ ಶ್ರಾವ್ಯಳಿಗೆ ಗಾಯವಾಗಿದ್ದು ಸವಾರನು ಮೋಟಾರು ಸೈಕಲನ್ನು ನಿಲ್ಲಿಸದೇ ಹೋಗಿದ್ದು ಈ ಬಗ್ಗೆ ರಮೇಶರವರು ನೀಡಿದ ದೂರಿನ ಮೇರೆಗೆ ಸಿದ್ದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.
ಆಟೋ ರಿಕ್ಷಾಕ್ಕೆ ಸ್ಕೂಟಿ ಡಿಕ್ಕಿ
     ನಿಲ್ಲಿಸಿದ್ದ ಆಟೋರಿಕ್ಷಕ್ಕೆ ಸ್ಕೂಟಿ ಡಿಕ್ಕಿಯಾಗಿ ಸವಾರರಿಬ್ಬರು ಗಾಯಗೊಂಡ ಘಟನೆ ಕುಶಾಲನಗರದಲ್ಲಿ ವರದಿಯಾಗಿದೆ. ಬೈಲುಕೊಪ್ಪದ ನಿವಾಸಿಯಾದ ಸಾದಿಕ್ ಎಂಬುವವರು ಆಟೋರಿಕ್ಷಾವನ್ನು ದಿನಾಂಕ 30-3-2017 ರಂದು ಕುಶಾಲನಗರದ ಮಾರ್ಕೆಟ್ ಹತ್ತಿರ ಹಾದು ಹೋಗುವ ರಾಜ್ಯ ಹೆದ್ದಾರಿಯ ಪಕ್ಕದಲ್ಲಿ ನಿಲ್ಲಿಸಿದ್ದಾಗ ಎದುರಿನಿಂದ ಕುಶಾಲನಗರದ ನಿವಾಸಿಯಾದ ಮನೋಜ್ ಎಂಬುವವರು ಸ್ಕೂಟಿಯನ್ನು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಹೋಗಿ ನಿಲ್ಲಿಸಿದ್ದ ಆಟೋ ರಿಕ್ಷಾಕ್ಕೆ ಡಿಕ್ಕಿಪಡಿಸಿದ ಪರಿಣಾಮ ಸ್ಕೂಟಿಯಲ್ಲಿದ್ದ ಮನೋಜ್ ಮತ್ತು ದರ್ಶನ್ ರವರಿಗೆ ಗಾಯಗಳಾಗಿದ್ದು ಈ ಬಗ್ಗೆ ಕುಶಾಲನಗರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.
ಸಂಗಡಿಗರಿಂದ ವ್ಕಕ್ತಿಯ ಕೊಲೆ
    ವ್ಯಕ್ತಿಯೊಬ್ಬನನ್ನು ಸಹಚರರು ಕೊಲೆ ಮಾಡಿ ಕೆರೆಯಲ್ಲಿ ಹಾಕಿರುವ ಘಟನೆ ವಿರಾಜಪೇಟೆ ತಾಲೂಕಿನ ಕುಟ್ಟದ ನಾಥಂಗಲ್ ಎಂಬಲ್ಲಿ ವರದಿಯಾಗಿದೆ. ಕುಟ್ಟ ಗ್ರಾಮದ ನಾಥಂಗಲ್ ನಿವಾಸಿ ಮಾಚಿಮಾಡ ಸುಬ್ಬಯ್ಯ ಎಂಬುವವರ ತೋಟಕ್ಕೆ ಕರಿಮೆಣಸು ಕುಯ್ಯಲು ಕೇರಳ ರಾಜ್ಯದಿಂದ ದಿನಾಂಕ 21-3-2017 ರಂದು ಬಂದಿದ್ದ ಸುರೇಶ, ವಿಜಯ, ಹ್ಯಾಸ್ಲಿ ಜಾನ್ ಮತ್ತು ರಘು ಎಂಬುವವರ ದಿನಾಂಕ 21-3-2017 ರಂದು ಬಂದು ಸುರೇಶ ಎಂಬವನ್ನು ಯಾವುದೋ ಕಾರಣಕ್ಕೆ  ವಿಜಯ, ಹ್ಯಾಸ್ಲಿ ಜಾನ್ ಮತ್ತು ರಘು ರವರುಗಳು ಸೇರಿ ಕೊಲೆ ಮಾಡಿ ಮೃತದೇಹವನ್ನು ಕೆರೆಯೊಂದರಲ್ಲಿ ಹಾಕಿ ಹೋಗಿದ್ದು,  ದಿನಾಂಕ 30-3-2017 ರಂದು ತೋಟದ ಮಾಲಿಕ ಸುಬ್ಬಯ್ಯನವರು ತೋಟಕ್ಕೆ ಕೆರೆಯಿಂದ ನೀರನ್ನು ಹಾರಿಸಲು ಹೋದಾಗ ಕೆರೆಯಲ್ಲಿ ಸುರೇಶರವರ ಮೃತ ದೇಹ ಪತ್ತೆಯಾಗಿದ್ದು,  ಈ ಸಂಬಂಧ ಕುಟ್ಟ ಠಾಣೆಯಲ್ಲಿ ಕೊಲೆ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿರುತ್ತಾರೆ.

Thursday, March 30, 2017


ಕ್ಷುಲ್ಲಕ ಕಾರಣಕ್ಕೆ ಹಲ್ಲೆ
                ಕ್ಷುಲ್ಲಕ ಕಾರಣಕ್ಕೆ ಮಹಿಳೆಯ ಮೇಲೆ ಹಲ್ಲೆ ನಡೆಸಿದ ಘಟನೆ ಸೋಮವಾರಪೇಟೆ ತಾಲೂಕಿನ ಮಸಗೋಡು ಗ್ರಾಮದಿಂದ ವರದಿಯಾಗಿದೆ. ಮಸಗೋಡು ಗ್ರಾಮದ ನಿವಾಸಿ ಜಯಲಕ್ಷ್ಮಿಯವರ ಮನೆಯ ಪಕ್ಕದ ನಿವಾಸಿ ನವೀನ್ ಎಂಬುವವರು ಮದ್ಯಪಾನ ಮಾಡಿಕೊಂಡು ಹೋಗಿ ತಿನ್ನಲು ಕೋಳಿ ಮಾಂಸ ಕೊಡಿ ಎಂದು ಹೇಳಿ ಜಗಳ ತೆಗೆದು ಹಲ್ಲೆ ನಡೆಸಿದ್ದು ಈ ಬಗ್ಗೆ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಅಪಘಾತ ಗಾಯಗೊಂಡ ವ್ಯಕ್ತಿಯ ಸಾವು
                   ಅಪಘಾತಗೊಂಡು ಗಾಯಗೊಂಡಿದ್ದ ವ್ಯಕ್ತಿ ಚಿಕಿತ್ಸೆ ಫಲಕಾರಿಯಾಗದೇ ಮೃತಪಟ್ಟ ಘಟನೆ ವರದಿಯಾಗಿದೆ. ದಿನಾಂಕ 28-3-2017 ರಂದು ರಾತ್ರಿ ಪಂಜರುಪೇಟೆಯ ನಿವಾಸ ಟೋನಿ ಎಂಬುವವರು ಬಿಟ್ಟಂಗಾಲದಲ್ಲಿ ನಡೆಯುತ್ತಿದ್ದ ಮುತ್ತಪ್ಪ ತೆರೆ ಕಾರ್ಯಕ್ರಮಕ್ಕೆ ನಡೆದುಕೊಂಡು ಹೋಗುತ್ತಿರುವಾಗ ಬಿಟ್ಟಂಗಾಲದಲ್ಲಿರುವ ರೋಟರಿ ಶಾಲೆಯ ಹತ್ತಿರ ತಲುಪುವಾಗ ಎದುರುಗಡೆಯಿಂದ ನಾಂಗಾಲ ಗ್ರಾಮದ ನಿವಾಸಿ ಪ್ರವೀಣ್ ಎಂಬುವವರು ಮೋಟಾರು ಸೈಕಲನ್ನು ಅಜಾಗರೂಕತೆಯಿಂಧ ಚಾಲನೆ ಮಾಡಿಕೊಂಡು ಹೋಗಿ ಡಿಕ್ಕಿ ಪಡಿಸಿ ಗಾಯಗೊಂಡವನ್ನು ಚಿಕಿತ್ಸೆಯ ಬಗ್ಗೆ ಮಂಗಳೂರಿನ ವೆನ್ ಲಾಕ್ ಆಸ್ಪತ್ರೆಗೆ ದಾಖಲಿಸಿದ್ದು ಚಿಕಿತ್ಸೆ ಫಲಕಾರಿಯಾಗದೇ ದಿನಾಂಕ 29-3-2017 ರಂದು ಮೃತಪಟ್ಟಿದ್ದು ಈ ಬಗ್ಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಬೈಕ್ ಕಳ್ಳತನ
                   ನಿಲ್ಲಿಸಿದ್ದ ಬೈಕನ್ನು ಕಳ್ಳತನ ಮಾಡಿರುವ ಘಟನೆ ಸುಂಟಿಕೊಪ್ಪ ನಗರದಲ್ಲಿ ವರದಿಯಾಗಿದೆ. ನಾಕೂರು ಗ್ರಾಮದ ನಿವಾಸಿ ವಿನೀಶ್ ಎಂಬುವವರು ದಿನಾಂಕ ದಿನಾಂಕ 13-3-2017 ರಂದು ರಾತ್ರಿ ಸುಂಟಿಕೊಪ್ಪ ನಗರದ ಮಾದಾಪುರ ರಸ್ತೆಯಲ್ಲಿರುವ ರಮೇಶರವರ ವರ್ಕ್ ಶಾಪ್ ಬಳಿ ಅವರ ಪಲ್ಸರ್ ಮೋಟಾರು ಸೈಕಲನ್ನು ನಿಲ್ಲಿಸಿ ಮನೆಗೆ ಹೋಗಿದ್ದು ಮಾರನೆಯ ದಿನ ಬೆಳಿಗ್ಗೆ ನೋಡುವಾಗ ಬೈಕ್ ಕಳವು ಆಗಿದ್ದು ಈ ಬಗ್ಗೆ ಎಲ್ಲಾ ಕಡೆ ಹುಡುಕಾಡಿ ಬೈಕ್ ಪತ್ತೆಯಾಗದೇ ಇರುವುದರಿಂದ ದಿನಾಂಕ 29-3-2017 ರಂದು ಪುಕಾರು ನೀಡಿದ್ದು ಈ ಬಗ್ಗೆ ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಹಳೇ ದ್ವೇಷ ವ್ಯಕ್ತಿಯ ಮೇಲೆ ಹಲ್ಲೆ
                 ಹಳೇ ದ್ವೇಷದಿಂದ ವ್ಯಕ್ತಿಯ ಮೇಲೆ ಹಲ್ಲೆ ನಡೆಸಿದ ಘಟನೆ ವಿರಾಜಪೇಟೆ ತಾಲೂಕಿನ ತಿತಿಮತಿ ಗ್ರಾಮದಲ್ಲಿ ನಡೆದಿದೆ. ಭದ್ರಗೋಳ ಗ್ರಾಮದ ಪೋಡಮಾಡ ಮುತ್ತಣ್ಣನವರ ತೋಟದ ರೈಟರ್ ಆಗಿ ಕೆಲಸ ಮಾಡಿಕೊಂಡಿರುವ ವಿನೋದ್ ರವರು ದಿನಾಂಕ 29-3-2017 ರಂದು ಪಾಲಿಬೆಟ್ಟಕ್ಕೆ ಹೋಗಿದ್ದವರು ಮೋಟಾರು ಸೈಕಲಿನಲ್ಲಿ ವಾಪಾಸ್ಸು ಮನೆಗೆ ಹೋಗುತ್ತಿರುವಾಗ ತಿತಿಮತಿಯ ವಿವೇಕಾನಂದ ಆಸ್ಪತ್ರೆಯ ಬಳಿ ಚೆನ್ನಂಗೊಲ್ಲಿಯ ನಿವಾಸಿ ಅನಿ, ತಿತಿಮತಿಯ ಜನತಾ ಕಾಲೋನಿಯ ನಿವಾಸಿ ಅಪ್ಪಿ ಎಂಬುವವರು ಕಾರಿನಲ್ಲಿ ಬಂದು ಬೈಕನ್ನು ತಡೆದು ಅಪ್ಪಿಯು ನೀನು ಕೆಲಸ ಬಿಟ್ಟು ಹೋಗು ಎಂದು ಜಗಳ ತೆಗೆದು ಎಲ್ಲರೂ ಸೇರಿ ವಿನೋದ್ ರವರ ಮೇಲೆ ಹಲ್ಲೆ ನಡೆಸಿದ್ದು ಈ ಬಗ್ಗೆ ಪೊನ್ನಂಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

Wednesday, March 29, 2017


ಕಳವು ಪ್ರಕರಣ
         ಮನೆಯಲ್ಲಿ ಯಾರೂ ಇಲ್ಲದ ಸಮಯದಲ್ಲಿ ಮನೆಯ ಒಳಗೆ ನುಗ್ಗಿ ಕಳ್ಳತನ ಮಾಡಿರುವ ಘಟನೆ ಸೋಮವಾರಪೇಟೆ ತಾಲೂಕಿನ ಅಭ್ಯತ್ ಮಂಗಲ ಗ್ರಾಮದಲ್ಲಿ ವರದಿಯಾಗಿದೆ. ಅಭ್ಯತ್ ಮಂಗಲ ಗ್ರಾಮದ ನಿವಾಸಿ ಶ್ರೀಮತಿ ರತ್ನರವರು ದಿನಾಂಕ 26-3-2017 ರಂದು ಪತಿ ಸುಬ್ರಮಣ್ಯರವರೊಂದಿಗೆ ತಮ್ಮ ತವರು ಮನೆಗೆ ಹೋಗಿದ್ದು ವಾಪಾಸ್ಸು ಮನೆಗೆ ದಿನಾಂಕ 27-3-2017 ರಂದು ಬಂದು ನೋಡುವಾಗ ಮನೆಯ ಡೈನಿಂಗ್ ಹಾಲ್ ನ ಶೀಟನ್ನು ಒಡೆದು ಒಳನುಗ್ಗಿ ಶೋಕೇಸ್ ನಲ್ಲಿ ಇಟ್ಟಿದ್ದ 1,12,000 ರೂ ನಗದನ್ನು ಯಾರೋ ಕಳವು ಮಾಡಿದ್ದು ಈ ಬಗ್ಗೆ ಶ್ರೀಮತಿ ರತ್ನರವರು ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ. 

Tuesday, March 28, 2017

ವಿಷ ಸೇವಿಸಿದ್ದ  ಮಹಿಳೆ ಸಾವು
                     ದಿನಾಂಕ 22/03/2017ರಂದು ಪೊನ್ನಂಪೇಟೆ ಬಳಿಯ ನಿಟ್ಟೂರು ಕಾರ್ಮಾಡು ನಿವಾಸಿ ಪಣಿ ಎರವರ ಚೋಂದು ಎಂಬಾಕೆಯು ಯಾವುದೋ ಕಾರಣಕ್ಕೆ ಜೀವನದಲ್ಲಿ ಜುಗುಪ್ಸೆಗೊಂಡು ವಿಷ ಸೇವಿಸಿದ್ದಾಕೆಯನ್ನು ಚಿಕಿತ್ಸೆಗಾಗಿ ಮಡಿಕೇರಿಯ ಜಿಲ್ಲಾ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ಚಿಕಿತ್ಸೆ ಫಲಕಾರಿಯಾಗದೆ ಚೋಂದುರವರು ದಿನಾಂಕ 27/03/2017ರಂದು ಆಸ್ಪತ್ರೆಯಲ್ಲಿ ಮೃತರಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಪೊನ್ನಂಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ವ್ಯಕ್ತಿಯ ಮೇಲೆ ಹಲ್ಲೆ
                         ದಿನಾಂಕ 26/03/2017ರಂದು ರಾತ್ರಿ ವೇಳೆ ವಿರಾಜಪೇಟೆ ಬಳಿಯ ಕೊಳತ್ತೋಡು ಬೈಗೋಡು ನಿವಾಸಿ ಪಣಿ ಎರವರ ಬಸವ ಎಂಬವರು ಮನೆಯಲ್ಲಿರುವಾಗ ನೆರೆಮನೆಯ ರಾಜಪ್ಪ ಎಂಬವರು ಅವರ ಹೆಂಡತಿಯೊಂದಿಗೆ ಮದ್ಯಪಾನ ಮಾಡಿಕೊಂಡು ಗಲಾಟೆ ಮಾಡುತ್ತಿದ್ದುದನ್ನು ವಿಚಾರಿಸಿದ ಕಾರಣಕ್ಕೆ ರಾಜಪ್ಪನವರ ಪತ್ನಿ ಪ್ರಿಯಾಂಕ ಎಂಬಾಕೆಯು ಬಸವರವರ ಮೇಲೆ ಹಲ್ಲೆ ನಡೆಸಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಅಕ್ರಮ ಮದ್ಯ ಮಾರಾಟ
                      ದಿನಾಂಕ 27/03/2017ರಂದು ಕುಟ್ಟ ಬಳಿಯ ನಾಲ್ಕೇರಿ ಗ್ರಾಮದ ನಿವಾಸಿ ಪಿ.ಜೆ.ಬಾಬು ಯಾನೆ ಯೋಹಾನನ್ ಎಂಬವರು ಅವರ ಅಂಗಡಿಯ ಹಿಂಭಾಗದಲ್ಲಿ ಅಕ್ರಮವಾಗಿ ಸರ್ಕಾರದ ಪರವಾನಗಿ ಇಲ್ಲದೆ ಮದ್ಯ ಮಾರಾಟ ಮಾಡುತ್ತಿದ್ದುದನ್ನು ಪತ್ತೆ ಹಚ್ಚಿದ ಕುಟ್ಟ ಠಾಣೆಯ ಪಿಎಸ್‌ಐ ರವಿಕಿರಣ್‌ರವರು ಆರೋಪಿ ಪಿ.ಜೆ.ಬಾಬುರವರನ್ನು ಬಂಧಿಸಿ ಕುಟ್ಟ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಬೈಕ್‌ ಡಿಕ್ಕಿ
                           ದಿನಾಂಕ 27/03/2017ರಂದು ಕುಶಾಲನಗರದ ಮಾದಾಪಟ್ನ ನಿವಾಸಿ  ಮಂಜುನಾಥ  ಎಂಬವರು  ಅವರ ಗೆಳೆಯ  ರಾಜು ಎಂಬವರೊಂದಿಗೆ ರಾಜುರವರ ಮೋಟಾರು ಬೈಕಿನಲ್ಲಿ ಕುಶಾಲನಗರದಿಂದ ಗುಡ್ಡೆಹೊಸೂರಿಗೆ  ಹೋಗುತ್ತಾ ದಾರಿಯಲ್ಲಿ ಸಿದ್ದೇಶ್ವರ ಅಕ್ಕಿ ಗಿರಣಿಯ ಬಳಿ ರಸ್ತೆಯಲ್ಲಿ ನಿಂತುಕೊಂಡಿರುವಾಗ ಹಿಂದಿನಿಂದ ಬೆಂಗಳೂರಿನ ನಿವಾಸಿ ಟರ್ಲಿನ್‌ ಎಂಬವರು ಕೆಎ-05-ಜೆಎಕ್ಸ್-9774ರ ಮೋಟಾರು ಬೈಕನ್ನು ಅತಿ ವೇಗ  ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು  ಮಂಜುನಾಥರವರು ಚಾಲಿಸುತ್ತಿದ್ದು ನಿಲ್ಲಿಸಿದ್ದ ಬೈಕಿಗೆ ಡಿಕ್ಕಿಪಡಿಸಿದ ಪರಿಣಾಮ ಬೈಕಿನ ಹಿಂಬದಿಯಲ್ಲಿ ಕುಳಿತಿದ್ದ ರಾಜುರವರಿಗೆ ತೀವ್ರತರದ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Monday, March 27, 2017

ಮೋಟಾರು ಸೈಕಲ್ ಕಳವು
           ನಿಲ್ಲಿಸಿದ್ದ ಮೋಟಾರು ಸೈಕಲನ್ನು ಕಳವು ಮಾಡಿರುವ ಘಟನೆ ಸೋಮವಾರಪೇಟೆಯ ಬಜೆಗುಂಡಿ ಎಂಬಲ್ಲಿ ನಡೆದಿದೆ. ದಿನಾಂಕ 24-3-2017 ರಂದು ಬಜೆಗುಂಡಿಯ ನಿವಾಸಿ ವಿಜಯಕುಮಾರ್ ಎಂಬುವವರು ತಮ್ಮ ಪಲ್ಸರ್ ಮೋಟಾರು ಸೈಕಲನ್ನು ಬಜೆಗುಂಡಿಯ ಕಲ್ಲು ಬಂಗಲೆಯ ಹತ್ತಿರ ನಿಲ್ಲಿಸಿ ಕುಶಾಲನಗರಕ್ಕೆ ಹೋಗಿ ವಾಪಾಸ್ಸು ಬಂದು ನೋಡುವಾಗ ಕಳುವಾಗಿದ್ದು ಈ ಬಗ್ಗೆ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ವ್ಯಕ್ತಿಯ ಆತ್ಮಹತ್ಯೆ
              ವ್ಯಕ್ತಿಯೊಬ್ಬರು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಸೋಮವಾರಪೇಟೆ ತಾಲೂಕಿನ ಶಾಂತಳ್ಳಿ ಗ್ರಾಮದಲ್ಲಿ ನಡೆದಿದೆ. ಶಾಂತಳ್ಳಿಯ ನಿವಾಸಿ ಧರ್ಮಪ್ಪ ಎಂಬುವವರು ದಿನಾಂಕ 20-3-2017 ರಂದು ತನ್ನ ಪತ್ನಿಯನ್ನು ಕೊಲೆ ಮಾಡಿ ತಲೆಮರೆಸಿಕೊಂಡಿದ್ದು ದಿನಾಂಕ 26-3-2017 ರಂದು ಧರ್ಮಪ್ಪರವರ ಅಣ್ಣ ಪೊನ್ನಪ್ಪರವರು ತೋಟದ ಕಡೆಗೆ ಹೋಗುತ್ತಿರುವಾಗ ಕಾಡು ಪ್ರದೇಶದಲ್ಲಿ ಕೆಟ್ಟ ವಾಸನೆ ಬರುತ್ತಿದ್ದುದ್ದನ್ನು ಕಂಡು ಹೋಗಿ ನೋಡಲಾಗಿ ಧರ್ಮಪ್ಪರವರು ನೇಣು ಬಿಗಿದುಕೊಂಡು ಆತ್ಮ ಹತ್ಯೆ ಮಾಡಿಕೊಂಡು ದೇಹವು ಕೊಳೆತ ಸ್ಥಿತಿಯಲ್ಲಿದ್ದು ಈ ಬಗ್ಗೆ ಪೊನ್ನಪ್ಪನವರು ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಆಟೋ ರಿಕ್ಷಾಕ್ಕೆ ಟಾಟಾ ಸುಮೋ ಡಿಕ್ಕಿ
              ಆಟೋ ರಿಕ್ಷಾಕ್ಕೆ ಟಾಟಾ ಸುಮೋ ಡಿಕ್ಕಿಯಾಗಿ  ಪ್ರಯಾಣಿಕರು ಗಾಯಗೊಂಡ ಘಟನೆ ವಿರಾಜಪೇಟೆ ತಾಲೂಕಿನ ಕುಂದ ಗ್ರಾಮದಲ್ಲಿ ವರದಿಯಾಗಿದೆ. ದಿನಾಂಕ 26-3-2017 ರಂದು ಕುಂದ ಗ್ರಾಮದ ನಿವಾಸಿಸಿಯಾದ ಪ್ರೇಮ ಮತ್ತು ಪ್ರತೀಕರವರು ಆಟೋದಲ್ಲಿ ಮನೆಗೆ ಹೋಗುತ್ತಿರುವಾಗ ಹಳ್ಳಿಗಟ್ಟು ಎಂಬಲ್ಲಿ ಎದುರುಗಡೆಯಿಂದ ಟಾಟಾ ಸುಮೋವನ್ನು ಚಾಲಕ ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಹೋಗಿ ಆಟೋ ರಿಕ್ಷಾಕ್ಕೆ ಡಿಕ್ಕಿಪಡಿಸಿದ ಪರಿಣಾಮ ಆಟೋ ಚಾಲಕ ಪೊನ್ನಪ್ಪ ಹಾಗೂ ಪ್ರಯಾಣಿಕರಿಬ್ಬರಿಗೂ ಗಾಯಗಳಾಗಿದ್ದು ಈ ಬಗ್ಗೆ ಪೊನ್ನಂಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

 ಕಾಫಿ ಕಳವು
             ಕಾಫಿ ಕಣದಲ್ಲಿ ಒಣಗಲು ಹಾಕಿದ್ದ ಕಾಫಿಯನ್ನು ಕಳವು ಮಾಡಿರುವ ಘಟನೆ ವಿರಾಜಪೇಟೆ ತಾಲೂಕಿನ ಹೆಗ್ಗಳ ಗ್ರಾಮದಲ್ಲಿ ವರದಿಯಾಗಿದೆ. ಹೆಗ್ಗಳ ಗ್ರಾಮದ ನಿವಾಸಿಯಾದ ಶ್ರೀಮತಿ ಸುಶೀಲಾ ರಾಮ್ ದಾಸ್ ರವರು ತಮ್ಮ ಕಾಫಿ ಕಣದಲ್ಲಿ ಒಣಗಲು ಹಾಕಿದ್ದ ಕಾಫಿಯಲ್ಲಿ ಸುಮಾರು 7 ಚೀಲದಷ್ಟು ಕಾಫಿಯನ್ನು ದಿನಾಂಕ 25-3-2017 ರ ರಾತ್ರಿ ಯಾರೋ ಕಳವು ಮಾಡಿರುವುದಾಗಿ ಕೊಟ್ಟ ಪುಕಾರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

 ಪಾದಾಚಾರಿಗೆ ಕಾರು ಡಿಕ್ಕಿ
                  ಪಾದಾಚಾರಿ ಬಾಲಕನಿಗೆ ಕಾರು ಡಿಕ್ಕಿಯಾಗಿ ಬಾಲಕ ಗಾಯಗೊಂಡ ಘಟನೆ ವಿರಾಜಪೇಟೆಯ ಪೆರಂಬಾಡಿ ಎಂಬಲ್ಲಿ ವರದಿಯಾಗಿದೆ. ದಿನಾಂಕ 25-3-2017 ರಂದು ಪೆರಂಬಾಡಿಯ ನಿವಾಸಿ ಗಣೇಶರವರ ಮಗ 7 ವರ್ಷ ಪ್ರಾಯದ ಲತೀಶ್ ಅಯ್ಯಪ್ಪ ಎಂಬುವವನು ಅಂಗಡಿಗೆ ಹೋಗಿ ವಾಪಾಸ್ಸು ಮನೆಗೆ ಹೋಗುತ್ತಿರುವಾಗ 1 ನೇ ಪೆರಂಬಾಡಿ ಜಂಕ್ಷನ್ ಬಳಿ ಕಾರನ್ನು ಚಾಲಕ ಅಜಾಗರೂಕತೆಯಿಂಧ ಚಾಲನೆ ಮಾಡಿಕೊಂಡು ಹೋಗಿ ಡಿಕ್ಕಿಪಡಿಸಿದ ಪರಿಣಾಮ ಲತೀಶ್ ಅಯ್ಯಪ್ಪನಿಗೆ ಗಾಯವಾಗಿದ್ದು ಈ ಬಗ್ಗೆ ವಿರಾಜಪೇಟೆ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಬೈಕ್ ಅಪಘಾತ 
                 ಬೈಕು ಅಪಘಾತಗೊಂಡು ಹಿಂಬದಿ ಸವಾರ ಗಾಯಗೊಂಡ ಘಟನೆ ಕುಶಾಲನಗರದಲ್ಲಿ ವರದಿಯಾಗಿದೆ. ದಿನಾಂಕ 25-3-2017 ರಂದು ಕುಶಾಲನಗರದ ನಿವಾಸಿಯಾದ ಮೊಹಮ್ಮದ್ ಆಶಿಕ್ ಮತ್ತು ಪನಿಷಾರವರು ಮೋಟಾರು ಸೈಕಲಿನಲ್ಲಿ ಹೋಗುತ್ತಿರುವಾಗ ಟಾಪ್ ಇನ್ ಟೌನ್ ಹೊಟೆಲ್ ಹತ್ತಿರ ಬೈಕ್ ನಿಯಂತ್ರಣ ತಪ್ಪಿ ಬಿದ್ದು ಹಿಂಬದಿ ಸವಾರ ಪನಿಷಾ ರವರಿಗೆ ತಲೆಗೆ ಗಾಯವಾಗಿದ್ದು ಈ ಬಗ್ಗೆ ಕುಶಾಲನಗರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.





Sunday, March 26, 2017

ಮಹಿಳೆ ಮತ್ತು ಮಕ್ಕಳು ಕಾಣೆ
                 ಅಸ್ಸಾಂ ರಾಜ್ಯದ ಮೂಲದವರಾದ ರಾಮ್ ಬುಯನ್ ಎಂಬುವವರು ಸಂಸಾರದೊಂದಿಗೆ 2 ವರ್ಷಗಳಿಂದ ವಿರಾಜಪೇಟೆ ತಾಲೂಕಿನ ನರಿಯಂದಡ ಗ್ರಾಮದ ಬಷೀರ್ ರವರ ಲೈನ್ ಮನೆಯಲ್ಲಿ ವಾಸವಾಗಿದ್ದು ದಿನಾಂಕ 20-3-2017 ರಂದು ರಾಮ್ ಬುಯನ್ ರವರ ಪತ್ನಿ ರೀಟಾ ಮಕ್ಕಳಾದ ರಾಜ್, ರಾಜೇಶ್, ಗಿಟ್ಟಿಕಾರವರು ಕಾಣೆಯಾಗಿದ್ದು ಈ ಬಗ್ಗೆ ನಾಪೋಕ್ಲು ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ದೇವಸ್ಥಾನದ ಹುಂಡಿ ಕಳವು
                  ಕುಶಾಲನಗರದ ಗೊಂದಿಬಸವನಹಳ್ಳಿ ದೇವಿ ಕೆರೆಯಮ್ಮ ದೇವಸ್ಥಾನದ ಭಂಡಾರದ ಹುಂಡಿಯನ್ನು ಕಳವು ಮಾಡಿದ ಘಟನೆ ನಡೆದಿದೆ. ದಿನಾಂಕ 25-3-2017 ರಂದು ಗೊಂದಿಬಸವನಹಳ್ಳಿಯ ನಿವಾಸಿಯಾದ ಸಂತೋಷರವರು ಸ್ನೇಹಿತರೊಂದಿಗೆ ಕುಶಾಲನಗರಕ್ಕೆ ಹೋಗುತ್ತಿರುವಾಗ ಅದೇ ಗ್ರಾಮದ ನಿವಾಸಿಯಾದ ಯೋಗೇಶ ಎಂಬುವವರು ಗೊಂದಿಬಸವನಹಳ್ಳಿ ದೇವಿ ಕೆರೆಯಮ್ಮ ದೇವಸ್ಥಾನದ ಮುಂಭಾಗದಲ್ಲಿದ್ದ ಭಂಡಾರದ ಹುಂಡಿಯನ್ನು ಕಳವು ಮಾಡಿಕೊಂಡು ಹೋಗುತ್ತಿದ್ದವನನ್ನು ಹಿಡಿದು ಠಾಣೆಗೆ ಒಪ್ಪಿಸಿದ್ದು ಈ ಬಗ್ಗೆ ಕುಶಾಲನಗರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಮೋಟಾರು ಸೈಕಲಿಗೆ ಕಾರು ಡಿಕ್ಕಿ
                  ಮೋಟಾರು ಸೈಕಲಿಗೆ ಕಾರು ಡಿಕ್ಕಿಯಾಗಿ ಸವಾರ ಗಾಯಗೊಂಡ ಘಟನೆ ಕುಶಾಲನಗರದ ಗಂಧದಕೋಟೆ ಎಂಬಲ್ಲಿ ನಡೆದಿದೆ. ದಿನಾಂಕ 24-3-2017 ರಂದು ಬಸವನಹಳ್ಳಿಯ ನಿವಾಸಿಯಾದ ಪುರುಷೋತ್ತಮ ಎಂಬುವವರು ಕುಶಾಲನಗರದ ಕಡೆಗೆ ಹೋಗುತ್ತಿರುವಾಗ ಹಿಂದುಗಡೆಯಿಂದ ಮಾರುತಿ ಕಾರಿನ ಚಾಲಕ ಗಂಧದಕೋಟೆಯ ನಿವಾಸಿ ವೇಣುಗೋಪಾಲ ಎಂಬುವವರು ಅಜಾಗರೂಕತೆಯಿಂದ ಚಾಲನೆ ಮಾಡಿ ಹಿಂದುಗಡೆಯಿಂದ ಮೋಟಾರು ಸೈಕಲಿಗೆ ಡಿಕ್ಕಿ ಪಡಿಸಿ ಪುರುಷೋತ್ತಮರವರಿಗೆ ಗಾಯಗಳಾಗಿದ್ದು ಈ ಬಗ್ಗೆ ಕುಶಾಲನಗರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

Saturday, March 25, 2017

ಮೋಟಾರು ಸೈಕಲ್ ಗೆ ಲಾರಿ ಡಿಕ್ಕಿ
      ಮೋಟಾರು ಸೈಕಲಿಗೆ ಹಿಂದಿನಿಂದ ಕಂಟೇನರ್ ಲಾರಿ ಡಿಕ್ಕಿಯಾಗಿ ಸವಾರ ಗಾಯಗೊಂಡ ಘಟನೆ ಕುಶಾಲನಗರದ ಮುಳ್ಳುಸೋಗೆ ಎಂಬಲ್ಲಿಂದಸವರದಿಯಾಗಿದೆ. ದಿನಾಂಕ 22-3-2017 ರಂದು ಬೈಲ್ ಕೊಪ್ಪದ ನಿವಾಸಿ ರಮೇಶರವರು ಟಿವಿಎಸ್ ಮೊಪೆಡ್ ನಲ್ಲಿ ಹೋಗುತ್ತಿರುವಾಗ ಮುಳ್ಳುಸೋಗೆ ಎಂಬಲ್ಲಿಗೆ ತಲುಪುವಾಗ ಹಿಂದಿನಿಂದ ಬಂದ ಕಂಟೈನರ್ ಲಾರಿಯನ್ನು ಚಾಲಕ ತೀರ್ಥರಾಮ ಎಂಬುವವರು ಅಜಾಗರೂಕತೆಯಿಂದ ಚಾಲನೆ ಮಾಡಿ ಡಿಕ್ಕಿ ಪಡಿಸಿದ ಪರಿಣಾಮ ರಮೇಶರವರಿಗೆ ಗಾಯಗಳಾಗಿದ್ದು ಈ ಬಗ್ಗೆ ಕುಶಾಲನಗರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.
 
ಕ್ಷುಲ್ಲಕ ಕಾರಣಕ್ಕೆ ಜಗಳ:
      ಶ್ರೀಮಂಗಲ ಠಾಣಾ ಸರಹದ್ದಿನ ಬಾಡಗರಕೇರಿ ಗ್ರಾಮದ ನಿವಾಸಿಯಾದ ಮಲ್ಲೇಂಗಡ ತಿಮ್ಮಯ್ಯ ಎಂಬುವವರು  ಅದೇ ಗ್ರಾಮದ ಮಲ್ಲೇಂಗಡ ಮಾದಪ್ಪ ಎಂಬುವವರ ತೋಟದ ಒಳಗೆ ಪ್ರವೇಶ ಮಾಡಿ ಸ್ಪಿಂಕ್ಲರ್ ಪೈಪುಗಳನ್ನು ಜೋಡಿಸಿದ್ದು ಈ ಬಗ್ಗೆ ತಿಮ್ಮಯ್ಯನವರನ್ನು ವಿಚಾರಿಸಿದಾಗ ಜಗಳ ತೆಗೆದು ಗುದ್ದಿ ನೋವು ಪಡಿಸಿ ಅವ್ಯಾಚ ಶಬ್ದಗಳಿಂದ ಬೈದಿದ್ದು ಈ ಬಗ್ಗೆ ಶ್ರೀಮಂಗಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.
ವ್ಯಕ್ತಿ ಕಾಣೆ:
        ಕೆಲಸಕ್ಕೆ ಹೋದ ವ್ಯಕ್ತಿ ವಾಪಾಸ್ಸು ಮನೆಗೆ ಬಾರದೇ ಕಾಣೆಯಾಗಿರುವ ಘಟನೆ ವಿರಾಜಪೇಟೆ ತಾಲೂಕಿನ ಕೈಕೇರಿ ಗ್ರಾಮದಿಂದ ವರದಿಯಾಗಿದೆ. ದಿನಾಂಕ 16-3-2017 ರಂದು ಕೈಕೇರಿ ಗ್ರಾಮದ ಈರಣ್ಣ ಕಾಲೋನಿಯ ನಿವಾಸಿ 30 ವರ್ಷ ಪ್ರಾಯದ ಸುಬ್ರಮಣಿ ಎಂಬುವವರು ಸೆಂಟ್ರಿಂಗ್ ಕೆಲಸಕ್ಕೆ ಹೋಗುವುದಾಗಿ ಹೇಳಿ ಹೋದವರು ಒಂದು ವಾರವಾದರೂ ಮನೆಗೆ ಬಾರದೇ ಇದ್ದು ಈ ಬಗ್ಗೆ ಸುಬ್ರಮಣಿಯವರ ಪತ್ನಿ ರತ್ನ ರವರು ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.
 
ಕಾಡಾನೆ ದಾಳಿಗೆ ಕಾಲೇಜು ವಿದ್ಯಾರ್ಥಿನಿ ಬಲಿ:
      ವಿರಾಜಪೇಟೆ ತಾಲೂಕಿನ ತಾರಿಕಟ್ಟೆ ಭದ್ರಗೋಳ ಗ್ರಾಮದ ನಿವಾಸಿಯಾದ ಮುಸ್ತಫಾ ಎಂಬುವವರ ಮಗ ಸಾಕೀರ್ ಮತ್ತು ಮಗಳು ಸಫಾನ ಎಂಬುವವರು ಗೋಣಿಕೊಪ್ಪ ಕಾವೇರಿ ಕಾಲೇಜಿನಲ್ಲಿ ಬಿ.ಕಾಂ. ವ್ಯಾಸಾಂಗ ಮಾಡುತ್ತಿದ್ದು ದಿನಾಂಕ 24-3-2017 ರಂದು ಎಂದಿನಂತೆ ಕಾಲೇಜಿಗೆ ಸ್ಕೂಟಿಯಲ್ಲಿ ಇಬ್ಬರು ಹೋಗುತ್ತಿರುವಾಗ ಕಾಫಿ ತೋಟದ ಒಳಗಿನಿಂದ ಕಾಡಾನೆಯೊಂದು ಹಠಾತ್ ದಾಳಿ ನಡೆಸಿ ಸಫಾನರವರನ್ನು ಸಾಯಿಸಿದ್ದು, ಶಾಕೀರ್ ರವರಿಗೆ ಸಣ್ಣಪುಟ್ಟ ಗಾಯಗಳಾಗಿದ್ದು ಈ ಬಗ್ಗೆ ಗೋಣಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.
ಕೊಲೆಗೆ ಯತ್ನ:
      ಕ್ಷುಲ್ಲಕ ಕಾರಣಕ್ಕೆ ವ್ಯಕ್ತಿಯೊಬ್ಬರಿಗೆ ಚೂರಿಯಿಂದ ಇರಿದು ಗಾಯಗೊಳಿಸಿದ ಘಟನೆ ಮಡಿಕೇರಿ ತಾಲೂಕಿನ ಕಗ್ಗೋಡ್ಲು ಗ್ರಾಮದಲ್ಲಿ ವರದಿಯಾಗಿದೆ. ಕಗ್ಗೋಡ್ಲು ಗ್ರಾಮದ ಸ್ಟಾರ್ಸನ್ ರವರ ಲೈನು ಮನೆಯಲ್ಲಿ ವಾಸವಿರುವ ರಾಜು ಎಂಬುವವರು ಅವರ ಪತ್ನಿ ಯೊಂದಿಗೆ ಜಗಳಮಾಡಿದಾಗ ರಾಜುವಿನ ಪತ್ನಿ ದಿವ್ಯರವರು ಮಗುವನ್ನು ಕರೆದುಕೊಂಡು ಗುರುಪ್ರಸಾದ್ ರವರ ಮನೆಗೆ ಬಂದಾಗ ಗುರುಪ್ರಸಾದ್ ರವರು ಏಕೆ ಹೆಂಡತಿಯೊಂದಿಗೆ ಜಗಳ ಮಾಡುತ್ತೀಯಾ ಎಂದು ಕೇಳಿದ ವಿಷಯದಲ್ಲಿ  ಜಗಳ ತೆಗೆದು  ಚಾಕುವಿನಿಂದ ಗುರುಪ್ರಸಾದ್ ರವರ ಗಲ್ಲ, ಕುತ್ತಿಗೆಯ ಭಾಗಕ್ಕೆ  ತಿವಿದು ಗಾಯಪಡಿಸಿ ಕೊಲೆ ಮಾಡಲು ಯತ್ನಿಸಿದ್ದು ಈ ಬಗ್ಗೆ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.
ಹಳೇ ದ್ವೇಷ ವ್ಯಕ್ತಿಯ ಮೇಲೆ ಹಲ್ಲೆ:
      ಹಳೇ ದ್ವೇಷದಿಂದ ವ್ಯಕ್ತಿಯ ಮೇಲೆ ಹಲ್ಲೆ ನಡೆಸಿ ಗಾಯಗೊಳಿಸಿದ ಘಟನೆ ಮಡಿಕೇರಿ ತಾಲೂಕಿನ ಹೆರವನಾಡು ಗ್ರಾಮದಲ್ಲಿ ವರದಿಯಾಗಿದೆದಿನಾಂಕ 24-3-2017 ರಂದು ಹೆರವನಾಡು ಗ್ರಾಮದ ನಿವಾಸಿಯಾದ ಹೊನ್ನಪ್ಪರವರು ಐನ್ ಮನೆಯಿಂದ ನಡೆದುಕೊಂಡು ತಮ್ಮ ಮನೆಗೆ ಹೋಗುತ್ತಿರುವಾಗ ಗೋಪಾಲಕೃಷ್ಣ, ಇಂದಿರ ಮತ್ತು ಲವರವರು ಜಗಳ ತೆಗೆದು ಕೈಗಳಿಂದ ಹಾಗೂ ಕತ್ತಿಯಿಂದ ಹಲ್ಲೆ ನಡೆಸಿ ಗಾಯಪಡಿಸಿದ್ದು ಈ ಬಗ್ಗೆ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

Friday, March 24, 2017

ಮರದಿಂದ ಬಿದ್ದು ಗಾಯಗೊಂಡು ವ್ಯಕ್ತಿಯ ಮರಣ

              ವ್ಯಕ್ತಿಯೊಬ್ಬ ಕರಿಮೆಣಸನ್ನು ಕುಯ್ಯುತ್ತಿರುವಾಗ ಏಣಿಯಿಂದ ಕೆಳಕ್ಕೆ ಬಿದ್ದು ಗಾಯಗೊಂಡು ಮೃತಪಟ್ಟ ಘಟನೆ ಮಡಿಕೇರಿ ತಾಲೂಕಿನ ಕೈಕಾಡು ಗ್ರಾಮದಲ್ಲಿ ನಡೆದಿದೆ. ದಿನಾಂಕ 20-3-2017 ರಂದು ಬಲ್ಲಮಾವಟಿ ಗ್ರಾಮದ ನಿವಾಸಿ ನಾಣಯ್ಯ ಎಂಬುವವರು ಕೈಕಾಡು ಗ್ರಾಮದ ಬಟ್ಟಿಯಂಡ ರಮೇಶರವರ ಕಾಫಿ ತೋಟದಲ್ಲಿ ಕರಿಮೆಣಸನ್ನು ಕುಯ್ಯುತ್ತಿರುವಾಗ ಆಕಸ್ಮಿಕವಾಗಿ ಏಣಿಯಿಂದ ಕೆಳಗೆ ಬಿದ್ದು ಗಾಯಗೊಂಡವರನ್ನು ಚಿಕಿತ್ಸೆಯ ಬಗ್ಗೆ ಸುಳ್ಯದ ಕೆ.ವಿ.ಜಿ ಆಸ್ಪತ್ರೆಗೆ ದಾಖಲಿಸಿದ್ದು ಚಿಕಿತ್ಸೆ ಫಲಕಾರಿಯಾಗದೇ ದಿನಾಂಕ 23-3-2017 ರಂದು ಮೃತಪಟ್ಟಿದ್ದು ಈ ಬಗ್ಗೆ ನಾಪೋಕ್ಲು ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಕರಿ ಮೆಣಸು ಕಳವು

                 ಸೋಮವಾರಪೇಟೆ ತಾಲೂಕಿನ ನೇಗಳ್ಳೆ ಗ್ರಾಮದ ನಿವಾಸಿ ಅಜಿತ್ ಕುಮಾರ್ ಎಂಬುವವರು ಕಾಳು ಮೆಣಸನ್ನು ಕುಯ್ದು ತನ್ನ ಮನೆಯ ಅಂಗಳದಲ್ಲಿ ಇಟ್ಟಿದ್ದು, ದಿನಾಂಕ 18-3-2017 ರಂದು ಬೆಳಿಗ್ಗೆ ನೋಡುವಾಗ 14 ಚೀಲಗಳ ಪೈಕಿ 8 ಚೀಲ ಕಾಳು ಮೆಣಸು ಕಳವು ಆಗಿದ್ದು, ಈ ಬಗ್ಗೆ ಮೋಹನ ಮತ್ತು ಸಿಂದು ಎಂಬುವವರ ಮೇಲೆ ಗುಮಾನಿ ಇರುವುದಾಗಿ ದಿನಾಂಕ 23-3-2017 ರಂದು ಕೊಟ್ಟ ಪುಕಾರಿನ ಮೇರೆಗೆ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಅಕ್ರಮ ಮರಳು ಸಾಗಾಟ
               ಮಡಿಕೇರಿಯ ಗಣಿ ಮತ್ತು ಭೂ ಇಲಾಖೆಯ ಭೂ ವಿಜ್ಞಾನಿ ಶ್ರೀ ಎಸ್ ನಾಗೇಂದ್ರಪ್ಪರವರು ದಾಳಿ ನಡೆಸಿ ಅಕ್ರಮವಾಗಿ ಸರ್ಕಾರದ ಪರವಾನಿಗೆ ಇಲ್ಲದೆ ಮರಳನ್ನು ಸಾಗಾಟ ಮಾಡುತ್ತಿದ್ದ ಲಾರಿಯನ್ನು ವಶಪಡಿಸಿಕೊಂಡ ಘಟನೆ ವಿರಾಜಪೇಟೆ ತಾಲೂಕಿನ ಹರಿಹರ ಗ್ರಾಮದಲ್ಲಿ ನಡೆದಿದೆ. ದಿನಾಂಕ 23-3-2017 ರಂದು ಶ್ರೀ ಎಸ್ ನಾಗೇಂದ್ರ ರವರು ಬೆಳಿಗ್ಗೆ 6-00 ಗಂಟೆಯ ಸಮಯದಲ್ಲಿ ಹರಿಹರ ಗ್ರಾಮದಲ್ಲಿ ವಾಹನಗಳನ್ನು ಪರಿಶೀಲಿಸುತ್ತಿರುವಾಗ ಹರಿಹರ ಕಡೆಯಿಂದ ಬೆಳ್ಳೂರು ಕಡೆ ಹೋಗುವ ರಸ್ತೆಯಲ್ಲಿ ಬಂದಂತಹ ಕೆಎ-12-ಎ-9145 ರ ಸ್ವರಾಜ್ ಮಜ್ದಾ ವಾಹನವನ್ನು ತಡೆದು ಪರಿಶೀಲಿಸಿದಾಗ ಅದರಲ್ಲಿ ಮರಳು ತುಂಬಿದ್ದು, ಚಾಲಕನು ಓಡಿಹೋಗಿದ್ದು ಈ ಬಗ್ಗೆ ಶ್ರೀ ಎಸ್ ನಾಗೇಂದ್ರಪ್ಪ ರವರು ನೀಡಿದ ದೂರಿನ ಮೇರೆಗೆ ಶ್ರೀಮಂಗಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ವಿದ್ಯುತ್ ತಂತಿ ತಾಗಿ ವ್ಯಕ್ತಿಯ ದುರ್ಮರಣ
                 ಕಾಳು ಮೆಣಸು ಕುಯ್ಯುತ್ತಿರುವಾಗ ಅಲ್ಯುಮಿನಿಯಂ ಏಣಿಗೆ ವಿದ್ಯುತ್ ತಂಗಿ ತಾಗಿ ವ್ಯಕ್ತಿ ಮೃತಪಟ್ಟ ಘಟನೆ ಸುಂಟಿಕೊಪ್ಪ ಠಾಣಾ ಸರಹದ್ದಿನ ಹಾಲೇರಿ ಗ್ರಾಮದಲ್ಲಿ ವರದಿಯಾಗಿದೆ. ದಿನಾಂಕ 23-3-2017 ರಂದು ತಮಿಳುನಾಡು ರಾಜ್ಯದ ಸೇಲಂ ಜಿಲ್ಲೆಯ ನಿವಾಸಿ ಪಳನಿ ಸ್ವಾಮಿ ಎಂಬುವವರು ಹಾಲೇರಿ ಗ್ರಾಮದ ಬಾಲಕೃಷ್ಣ ರೈ ರವರ ತೋಟದಲ್ಲಿ ಕಾಳು ಮೆಣಸು ಕುಯ್ಯುತ್ತಿರುವಾಗ ಅಲ್ಯೂಮೀನಿಯಂ ಏಣಿಯನ್ನು ಒಂದು ಮರದಿಂದ ಇನ್ನೋಂದು ಮರಕ್ಕೆ ಬದಲಾಯಿಸುವಾಗ ಆಕಸ್ಮಿಕವಾಗಿ ವಿದ್ಯುತ್ ತಂತಿ ತಗುಲಿ ಪಳನಿಸ್ವಾಮಿಯವರು ಮೃತಪಟ್ಟಿದ್ದು ಈ ಬಗ್ಗೆ ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.


Thursday, March 23, 2017

 ಹಳೆ ದ್ವೇಷ, ವ್ಯಕ್ತಿಯ ಕೊಲೆ
                       ದಿನಾಂಕ22/03/2017ರಂದು  ನಗರದ  ಕನ್ನಂಡ ಬಾಣೆ ನಿವಾಸಿ ಗೋಕುಲ ಎಂವರು ನಗರದ ಕಡೆ ಹೋಗಿ ಬರುವುದಾಗಿ ಹೇಳಿ ಅವರ ಮೋಟಾರು  ಬೈಕಿನಲ್ಲಿ ಹೋಗಿದ್ದು, ನಂತರ ರಾತ್ರಿ 10 ಗಂಟೆಯಾದರೂ ಮನೆಗೆ  ಬಾರದಿದ್ದು, ಅದೇ ಸಮಯಕ್ಕೆ ಕನ್ನಂಡ ಬಾಣೆಯ ಮತ್ತೋರ್ವ ನಿವಾಸಿ ಪ್ರದೀಪ್‌ ಎಂಬವರು ಗೋಕುಲನ ತಂಗಿ ಕಾವ್ಯಶ್ರೀ ಎಂಬಾಕೆಗೆ ಮೊಬೈಲ್‌ ಕರೆ ಮಾಡಿ ಆಕೆಯ ಅಣ್ಣ ಗೋಕುಲ ಕನ್ನಂಡ ಬಾಣೆಯ ಪಂಪ್‌ ಹೌಸ್‌ ಬಳಿ ಬಿದ್ದಿರುವುದಾಗಿ ತಿಳಿಸಿದ್ದು ಕಾವ್ಯಶ್ರೀರವರು ಒಡನೆ ಅಲ್ಲಿಗೆ ಹೋದಾಗ ಗೋಕುಲನ ಬೈಕ್‌ ರಸ್ತೆಯ ಮದ್ಯದಲ್ಲಿ ಬಿದ್ದಿದ್ದು, ರಸ್ತೆಯ ಬದಿಯಲ್ಲಿ ಗೋಕುಲನು ರಕ್ತದ ಮಡುವಿನಲ್ಲಿ ಬಿದ್ದು ಮೈಯಲ್ಲಿ ತೀವ್ರವಾಗಿ ಕಡಿದ ಗಾಯಗಳನ್ನು ಕಂಡು ಕೂಡಲೇ ಆಸ್ಪತ್ರೆಗೆ ಸಾಗಿಸಿದಾಗ ಆಸ್ಪತ್ರೆಯಲ್ಲಿ ವೈದ್ಯರು ಗೋಕುಲನು ಮೃತನಾಘಿರುವುದಾಗಿ ತಿಳಿಸಿದರೆನ್ನಲಾಗಿದೆ. ಕಾವ್ಯಶ್ರೀಯ ಅಣ್ಣ ಗೋಕುಲ ಹಾಗೂ ನಗರದ ಚಾಮುಂಡೇಶ್ವರಿ ನಗರದ ನಿವಾಸಿ ಕಾರ್ತಿಕ್‌ ಎಂಬಾತನಿಗೆ ವೈಮನಸ್ಸಿದ್ದು ಆತನೇ ಗೋಕುಲನನ್ನು ಕೊಲೆ ಮಾಡಿರಬಹುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ವ್ಯಕ್ತಿಯ ಆಕಸ್ಮಿಕ ಸಾವು
                  ದಿನಾಂಕ 15/03/2017ರಂದು ಕುಟ್ಟ ಬಳಿಯ ನಾಲ್ಕೇರಿ ನಿವಾಸಿ ಪಣಿ ಎರವರ ಅಪ್ಪು ಎಂಬವರು ಅವರ ಮನೆಯಲ್ಲಿ ಮಲಗಿದ್ದಾಗ ಸೀಮೆಣ್ಣೆ ಬುಡ್ಡಿ ದೀಪವು ಮಗುಚಿ ಅಪ್ಪುರವರು ಮಲಗಿದ್ದ ಚಾಪಯ ಮೇಲೆ ಬಿದ್ದು ಬೆಂಕಿ ಹತ್ತಿಕೊಂಡ ಪರಿಣಾಮ ತೀವ್ರವಾಗಿ ಸುಟ್ಟು ಗಾಯಾಳುವಾದ ಅಪ್ಪುವನ್ನು ಚಿಕಿತ್ಸೆಗಾಗಿ ಮೈಸೂರಿನ ಕೆ.ಅರ್.ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೆ ದಿನಾಂಕ 22/03/2017ರಂದು ಅಪ್ಪುರವರು ಮೃತರಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಟ್ಟ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ನಕಲಿ ಸಹಿ, ಮೋಸ
               ಪೊನ್ನಂಪೇಟೆ  ಬಳಿಯ ನಲ್ಲೂರು ಗ್ರಾಮದ ನಿವಾಸಿಯಾಗಿರುವ ಟಿ.ಯು.ಮಂಜು ಎಂಬವರ ತಂದೆಯ ಹೆಸರಿನಲ್ಲಿರುವ ಕಾಫಿ ತೋಟದ ವಿಚಾರವಾಗಿ ನ್ಯಾಯಾಲಯದಲ್ಲಿ ವ್ಯಾಜ್ಯವಿದ್ದು ಈ ಸಂಬಂಧ ಪೊನ್ನಪ್ಪ ಸಂತೆಯ ಟಿ.ಯು.ಬೋಪಣ್ಣ, ಬೆಂಗಳೂರಿನ ಎಂ.ಕೆ.ಗೋಪಾಲ ಮತ್ತು ಎ.ಎನ್‌.ಅಶೋಕ ಎಂಬವರು ವಿವಿಧ ದಾಖಲೆಗಳಿಗೆ ನಕಲಿ ಸಹಿ ಮಾಡಿ ವಂಚಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ  ಪೊನ್ನಂಪೇಟೆ  ಪೊಲೀಸರು ಪ್ರಕರಣ  ದಾಖಲಿಸಿ  ತನಿಖೆ  ಕೈಗೊಂಡಿದ್ದಾರೆ. 

ವ್ಯಕ್ತಿಯ ಆಕಸ್ಮಿಕ ಸಾವು
                       ದಿನಾಂಕ 22/03/2017ರಂದು ಕುಟ್ಟ ಬಳಿಯ ಕೋತೂರು ನಿವಾಸಿ ಪಣಿ ಎರವರ ಮಣಿ ಎಂಬವರು ಅದೇ ಗ್ರಾಮದ ನಿವಾಸಿ ಬಾಲಕೃಷ್ಣ ಎಂಬವರ ಗದ್ದೆಯ ಬದಿಯಲ್ಲಿ ಕುಳಿತ್ತಿದ್ದಾತನು ಕುಳಿತಲ್ಲೇ ಮೃತನಾಗಿದ್ದು, ಅತೀವ ಮದ್ಯವ್ಯಸನಿಯಾಗಿರುವ ಕಾರಣದಿಂದ ಮಣಿಯು ಮೃತನಾಗಿರಬಹುದಾಗಿ ಆತನ ಪತ್ನಿ ಪಣಿ ಎರವರ ಪಾಲಿರವರು ನೀಡಿದ ದೂರಿನ ಮೇರೆಗೆ ಕುಟ್ಟ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ವ್ಯಕ್ತಿಯ ಆತ್ಮಹತ್ಯೆ
                     ದಿನಾಂಕ 22/03/2017ರಂದು ಗೋಣಿಕೊಪ್ಪ ಬಳಿಯ ಬಿ.ಶೆಟ್ಟಿಗೇರಿ ಗ್ರಾಮದ ನಿವಾಸಿ ಪಣಿ ಎರವರ ಮುತ್ತ ಎಂಬವರು ಮನೆಯಲ್ಲಿ ಯಾರೂ ಇಲ್ಲದ ಸಮಯದಲ್ಲಿ ಮನೆಯ ಹಿಂಭಾಗದಲ್ಲಿ ಮನೆಯ ಮಾಡಿಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು, ಆತನ ಪತ್ನಿ ತೀರಕೊಂಡ ಕಾರಣಕ್ಕೆ ಅತೀವ ಮದ್ಯ ವ್ಯಸನಿಯಾಗಿ ಜುಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿರಬಹುದಾಗಿ ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಹಣ ಕಳವು
                     ದಿನಾಂಕ 20/03/2017ರಂದು ಕೇರಳದ ಇರಿಟ್ಟಿ ನಿವಾಸಿ ಕುಂಞಿರಾಮನ್‌ ಎಂಬಾತನನ್ನು ಸುಳ್ಯದ ಸುರೇಶ್‌ ಕುಮಾರ್‌ ಎಂಬವನು ಇರಿಟ್ಟಿಯಲ್ಲಿ ಬೇಟೆಯಾಡಲು ಬರುವಂತೆ ಒತ್ತಾಯಿಸಿ ಮಡಿಕೇರಿಗೆ ಕರೆದುಕೊಂಡು ಬಂದಿದ್ದು ಮಡಿಕೇರಿಯ ಬಾರ್‌ ಒಂದರಲ್ಲಿ ಇಬ್ಬರೂ ಮದ್ಯಪಾನ ಮಾಡಿ ನಂತರ ರಾತ್ರಿ ನಗರದ ಬಸ್‌ ಸ್ಟ್ಯಾಂಡ್‌ನಲ್ಲಿ ಮಲಗಿದ್ದರೆನ್ನಲಾಗಿದೆ. ಮಾರನೇ ದಿನ ಬೆಳಿಗ್ಗೆ ಕುಂಞಿರಾಮನ್‌ರವರು ಎದ್ದು ನೋಡುವಾಗ ಸುರೇಶ್‌ ಕುಮಾರನು ಕಾಣೆಯಾಗಿದ್ದು ಕುಂಞಿರಾಮನ್‌ರವರು ಕೇರಳದಲ್ಲಿ ಲಾಟರಿ ಮಾರಾಟ ಮಾಡಿ ಸಂಪಾದಿಸಿದ ರೂ.80,000/- ಹಣವನ್ನು ಜೊತೆಯಲ್ಲಿಯೇ ಇಟ್ಟುಕೊಂಡಿದ್ದು ಆ ಹಣವೂ ಸಹಾ ಕಾಣೆಯಾಗಿದ್ದು, ಜೊತೆಗಿದ್ದ ಸುರೇಶ್‌ ಕುಮಾರನೇ ಕಳವು ಮಾಡಿರಬಹುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಕಾಫಿ ಕಳವು
                    ಸಿದ್ದಾಪುರ ಬಳಿಯ ಪಾಲಿಬೆಟ್ಟ ನಿವಾಸಿ ಟಿ.ಜಿ.ವಿಜೇಶ್‌ ಎಂಬವರು ಪಾಲಿಬೆಟ್ಟ ನಗರದಲ್ಲಿ ಕಾಫಿ ವ್ಯಾಪಾರ ಮಾಡುತ್ತಿದ್ದು ಖರೀದಿಸಿದ ಕಾಫಿಯನ್ನು ಅವರ ಅಂಗಡಿಯ ಕಟ್ಟಡದಲ್ಲಿರುವ ಗೋದಾಮಿನಲ್ಲಿ ಇಡುತ್ತಿದ್ದು ದಿನಾಂಕ 22/03/2017ರಂದು ಬೆಳಿಗ್ಗೆ ಗೋದಾಮಿನೆಡೆ ಹೋಗಿ ನೋಡಿದಾಗ ಯಾರೋ ಕಳ್ಳರು ಗೋದಾಮಿನ ಬಾಗಿಲಿನ ಬೀಗ ಮುರಿದು ಒಳ ಪ್ರವೇಶಿಸಿ ಅಲ್ಲಿಟ್ಟಿದ್ದ ಒಣಗಿದ ಕಾಫಿಗಳಿದ್ದ ಚೀಲಗಳ ಪೈಕಿ ಸುಮಾರು ರೂ.24,000/- ಬೆಲೆಯ 14 ಚೀಲ ಕಾಫಿಯನ್ನು ಕಳವು ಮಾಡಿಕೊಂಡು ಹೋಗಿರುವುದು ಕಂಡು ಬಂದಿರುವುದಾಗಿ ನೀಡಿದ ದೂರಿನ ಮೇರೆಗೆ ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಬೈಕಿಗೆ ಕಾರು ಡಿಕ್ಕಿ
               ದಿನಾಂಕ 22/03/2017ರಂದು ಸಿದ್ದಾಪುರ ಬಳಿಯ ಗುಹ್ಯ ನಿವಾಸಿರವಿ ಎಂಬವರು ಕುಮಾರಿ ಗಣ್ಯ ಎಂಬವರೊಂದಿಗೆ ಅವರ ಮೋಟಾರು ಸೈಕಲಿನಲ್ಲಿ ಪಾಲಿಬೆಟ್ಟದ ಕಡೆಗೆ ಹೋಗುತ್ತಿರುವಾಗ ಆರ್ಕಾಡ್‌ ಟಾಟಾ ಕಾಫಿ ತೋಟದ ಲೈನು ಮನೆಯ ಬಳಿ ಎದುರಿನಿಂದ ಕೆಎ-20-ಎಂ-7336ರ ಕಾರನ್ನು ಅದರ ಚಾಲಕ ಗೋಕುಲ ಎಂಬಾತನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಬೈಕಿಗೆ ಡಿಕ್ಕಿಪಡಿಸಿದ ಪರಿಣಾಮ ರವಿ ಹಾಗೂ ಗಣ್ಯರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Wednesday, March 22, 2017

ವಿಷ ಸೇವಿಸಿ ವ್ಯಕ್ತಿ ಆತ್ಮ ಹತ್ಯೆ:

    ಪೋಲಿಯೋ ಪೀಡಿತ ವ್ಯಕ್ತಿಯೊಬ್ಬರು ಜೀವನದಲ್ಲಿ ಜುಗುಪ್ಸೆಗೊಂಡು ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡ ಘಟನೆ ವಿರಾಜಪೇಟೆ ಸಮೀಪಕ ಕಡಂಗ ಅರಪಟ್ಟು ಗ್ರಾಮದಲ್ಲಿ ನಡೆದಿದೆ. ಕಡಂಗ ಅರಪಟ್ಟು ಗ್ರಾಮದ ನಿವಾಸಿ ಕೆ.ವಿ. ರಾಮಕೃಷ್ಣ ಎಂಬವರ ಹಿರಿಯ ಸಹೋದರ ಸುಬ್ರಮಣಿ (50) ಎಂಬವರು ಪೋಲಿಯೋ ಪೀಡಿತರಾಗಿದ್ದು, ಇದರಿಂದ ಜೀವನದಲ್ಲಿ ಜುಗುಪ್ಸೆಗೊಂಡು ದಿನಾಂಕ 20-3-2017 ರಂದು ಸಂಜೆ ಯಾವುದೋ ವಿಷ ಪದಾರ್ಥವನ್ನು ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದು ಮೃತರ ಕಿರಿಯ ಸಹೋದರ ಕೆ.ವಿ. ರಾಮಕೃಷ್ಣರವರು ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ಅಪರಿಚಿತ ಮಹಿಳೆ ಮೃತದೇಹ ಪತ್ತೆ:

      ಅಪರಿಚಿತ ಮಹಿಳೆಯೊಬ್ಬರ ಮೃತದೇಹವು ಸಿದ್ದಾಪುರ ಠಾಣಾ ವ್ಯಾಪ್ತಿಯ ಕರಡಿಗೋಡು ಗ್ರಾಮದ ಎಂ.ಸಿ. ಪೊನ್ನಪ್ಪ ಎಂಬವರಿಗೆ ಸೇರಿದ ಕಾಫಿ ಎಸ್ಟೇಟ್ ನಲ್ಲಿ ಪತ್ತೆಯಾಗಿದೆ. ದಿನಾಂಕ 21-3-2017 ರಂದು ಫಿರ್ಯಾದಿ ಕೆ.ಶಿವಣ್ಣ, ರೈಟರ್ ವೃತ್ತಿ, ಗೂಡುಗದ್ದೆ, ಗುಹ್ಯ ಗ್ರಾಮ ಇವರು  ಕೆಲಸ ನಿರ್ವಹಿಸುತ್ತಿರುವ ಕಾಫಿ ಎಸ್ಟೇಟ್ ಗೆ ಹೋಗಿದ್ದು ಅದೇ ಕಾಫಿ ತೋಟದ ಹತ್ತಿರ ವಿರುವ ಎಂ.ಸಿ. ಪೊನ್ನಪ್ಪ ಎಂಬವರ ಕಾಫಿ ತೋಟದಲ್ಲಿ ಅಂದಾಜು 38 ವರ್ಷ ಪ್ರಾಯದ ಒಂದು ಹೆಂಗಸಿನ ಮೃತದೇಹವು ಪತ್ತೆಯಾಗಿದ್ದು, ಈ ಸಂಬಂಧ ಸದರಿಯವರು ನೀಡಿದ ದೂರಿನ ಮೇರೆಗೆ ಸಿದ್ದಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

Tuesday, March 21, 2017

ರಸ್ತೆ ಅಪಘಾತ - ಸಾಮಾಜಿಕ ಜವಾಬ್ದಾರಿ  ಮುಖ್ಯ - ಪಿ.ರಾಜೇಂದ್ರ ಪ್ರಸಾದ್‌, ಐಪಿಎಸ್‌.
                  ರಸ್ತೆ ಅಪಘಾತಗಳಲ್ಲಿ ಪ್ರತಿ ನಾಗರಿಕನ ಜವಾಬ್ದಾರಿಯುತ ಪ್ರತಿಕ್ರಿಯೆಯು ಅನೇಕ ಪ್ರಾಣಗಳನ್ನು ಉಳಿಸಬಲ್ಲುದು ಎಂದು ಜಿಲ್ಲಾ  ಪೊಲೀಸ್‌ ವರಿಷ್ಠಾಧಿಕಾರಿ  ಶ್ರೀ ಪಿ.ರಾಜೇಂದ್ರ ಪ್ರಸಾದ್‌, ಐಪಿಎಸ್‌ ರವರು ಅಭಿಪ್ರಾಯಪಟ್ಟರು.
ಸಿಬ್ಬಂದಿಗಳನ್ನುದ್ದೇಶಿಸಿ ಮಾತನಾಡುತ್ತಿರುವ ಎಸ್‌.ಪಿ ರಾಜೇಂದ್ರ ಪ್ರಸಾದ್‌, ಐಪಿಎಸ್‌

               ಅವರು ಇಂದು ಮಡಿಕೇರಿ ನಗರದ ಮೈತ್ರಿ ಪೊಲೀಸ್‌ ಸಮುದಾಯ ಭವನದಲ್ಲಿ ಜಿಲ್ಲಾ ಪೊಲೀಸ್‌ ಇಲಾಖೆಯ ಆಶ್ರಯದಲ್ಲಿ ಮೈಸೂರಿನ ಶಾಂತವೇರಿ ಗೋಪಾಲಗೌಡ ಆಸ್ಪತ್ರೆಯ ಸಹಯೋಗದೊಂದಿಗೆ ಪೊಲೀಸ್‌ ಇಲಾಖಾ ಅಧಿಕಾರಿ ಮತ್ತು ಸಿಬ್ಬಂದಿ ವರ್ಗದವರಿಗೆ ರಸ್ತೆ ಅಪಘಾತಗಳ ಸಂದರ್ಭದಲ್ಲಿ ಗಾಯಾಳುಗಳ ಪ್ರಾಣ ಉಳಿಸಲು ಕೈಗೊಳ್ಳಬೇಕಾದ ತುರ್ತು ಕ್ರಮಗಳ ಕುರಿತು ನಡೆದ ಒಂದು ದಿನದ ಕಾರ್ಯಾಗಾರವನ್ನುದ್ದೇಶಿಸಿ ಮಾತನಾಡುತ್ತಿದ್ದರು. 
ಸಿಬ್ಬಂದಿಗಳಿಗೆ ಮಾಹಿತಿ ನೀಡುತ್ತಿರುವ  ತಜ್ಞ ವೈದ್ಯರು
ಜೀವರಕ್ಷಕ ಸಾಮಗ್ರಿಗಳ  ಬಗ್ಗೆ ಮಾಹಿತಿ ನೀಡುತ್ತಿರುವ  ವೈದ್ಯಕೀಯ ಸಿಬ್ಬಂದಿಗಳು
             ಅಮೆರಿಕಾದಂತಹ ಮುಂದುವರೆದ ದೇಶದಲ್ಲಿ ಭಾರತಕ್ಕಿಂತ ಹೆಚ್ಚಿನ ಸಂಖ್ಯೆಯಲ್ಲಿ ವಾಹನಗಳು ಹಾಗೂ ವಾಹನ ಅಪಘಾತಗಳು ಸಂಭವಿಸುತ್ತಿದ್ದರೂ ಸಹಾ ಅಲ್ಲಿ ಭಾರತಕ್ಕಿಂತ ವಾಹನ ಅಪಘಾತಗಳಿಂದ ಸಂಭವಿಸುವ ಮರಣಗಳ ಸಂಖ್ಯೆ ಅತ್ಯಂತ ಕಡಿಮೆ ಪ್ರಮಾಣದಲ್ಲಿದ್ದು ಇದಕ್ಕೆ ಅಪಘಾತ ಸಂಭವಿಸಿದ ಸಂದರ್ಭದಲ್ಲಿ ನಾಗರಿಕರ, ವೈದ್ಯರ ಮತ್ತು ಪೊಲೀಸ್‌ ಇಲಾಖೆಯ ತುರ್ತು ಸ್ಪಂದನೆಯೇ ಪ್ರಮುಖ ಕಾರಣವಾಗಿದ್ದು, ಇದೇ ರೀತಿ ಭಾರತದಲ್ಲೂ ಸಹಾ ಯಾವುದೇ ಅಪಘಾತ ನಡೆದ ಸಂದರ್ಭದಲ್ಲಿ ಗಾಯಾಳುಗಳ ರಕ್ಷಣೆಗೆ ಪ್ರಮುಖ ಆದ್ಯತೆ ನೀಡಿ ಗಾಯಾಳುಗಳ ಪ್ರಾಣ ಉಳಿಸಲು "ಅಮೃತ ಘಳಿಗೆ"ಯ ಪರಿಕಲ್ಪನೆಯನ್ನು ಸಾಕಾರಗೊಳಿಸುವಲ್ಲಿ ಸಮಾಜದ, ವೈದ್ಯಾಧಿಕಾರಿಗಳ ಮತ್ತು ಪೊಲೀಸ್‌ ಇಲಾಖೆಯ ಪಾತ್ರ ಅತಿ  ಮುಖ್ಯವಾಗುತ್ತದೆ ಎಂದು ಅಭಿಪ್ರಾಯಪಟ್ಟರು. ಅಲ್ಲದೆ ಮಾನ್ಯ ಸರ್ವೋಚ್ಚ ನ್ಯಾಯಾಲಯದ ಸೂಚನೆಯ ಪ್ರಕಾರ ಮಾನವೀಯ ನೆಲೆಯಲ್ಲಿ ಅಪಘಾತಕ್ಕೀಡಾದ ವ್ಯಕ್ತಿಯ ತುರ್ತು ಚಿಕಿತ್ಸೆಗೆ ಸ್ಪಂದಿಸುವ ಯಾವುದೇ ವ್ಯಕ್ತಿಗೆ ಯಾವುದೇ ರೀತಿಯಲ್ಲಿ ಯಾವುದೇ ಇಲಾಖೆಯಿಂದ ತೊಂದರೆಯುಂಟಾಗುವುದಿಲ್ಲ ಆದ್ದರಿಂದ ಅಪಘಾತದ ಸಂದರ್ಭದಲ್ಲಿ ಎಲ್ಲಾ ನಾಗರಿಕರು ಪೊಲೀಸರ  ಅಥವಾ ವೈದ್ಯರ ಬರುವಿಕೆಯನ್ನು ಕಾಯದೆ ಗಾಯಾಳುಗಳ ಪ್ರಾಣ ರಕ್ಷಣೆಗೆ ಮುಂದಾಗಬೇಕೆಂದು ಕರೆಯಿತ್ತರು.
              ಕಾರ್ಯಾಗಾರದಲ್ಲಿ ಮೈಸೂರಿನ ಶಾಂತವೇರಿ ಗೋಪಾಲಗೌಡ ಆಸ್ಪತ್ರೆಯ ತಜ್ಞ ವೈದ್ಯರ ತಂಡವು ರಸ್ತೆ ಅಪಘಾತ ಸಂದರ್ಭದಲ್ಲಿ ಗಾಯಾಳುಗಳ ಪ್ರಾಣ ಉಳಿಸಲು ತುರ್ತಾಗಿ ಕೈಗೊಳ್ಳಬೇಕಾದ ಕ್ರಮಗಳ ಕುರಿತು ಪೊಲೀಸ್‌ ಅಧಿಕಾರಿ ಮತ್ತು ಸಿಬ್ಬಂದಿಗಳಿಗೆ ಉತ್ತಮ ರೀತಿಯ ವಿವರಣೆ ಮತ್ತು ಪ್ರಾತ್ಯಕ್ಷಿಕೆಗಳ ಮೂಲಕ ತರಬೇತಿಯನ್ನು ನೀಡಿದರು.
              ಕಾರ್ಯಾಗಾರದಲ್ಲಿ ಕೊಡಗು ಜಲ್ಲೆಯ ಸುಮಾರು ನೂರಕ್ಕೂ ಹೆಚ್ಚು ಪೊಲೀಸ್‌ ಅಧಿಕಾರಿ ಮತ್ತು ಸಿಬ್ಬಂದಿಗಳು ಪಾಲ್ಗೊಂಡಿದ್ದರು.

ಅಕ್ರಮ ಮರಳು ಸಾಗಾಟ
                     ದಿನಾಂಕ 20/03/2017ರಂದು ಶನಿವಾರಸಂತೆ ನಗರದ ಪ್ರದೀಪ್‌ ಮತ್ತು ಲೋಹಿತ್‌ ಎಂಬವರು ಕೆಎ-21-ಎ-9178ರ ಟಿಪ್ಪರ್‌ ಲಾರಿಯಲ್ಲಿ ಅಕ್ರಮವಾಗಿ ಸರ್ಕಾರದ ಪರವಾನಗಿಯಿಲ್ಲದೆ ಮರಳನ್ನು ಸಾಗಿಸುತ್ತಿರುವುದನ್ನು ಪತ್ತೆ ಹಚ್ಚಿದ ಶನಿವಾರಸಂತೆ ಠಾಣೆ ಎಸ್‌ಐ ಬಿ.ಎಸ್‌.ಜನಾರ್ಧನರವರು ಟಿಪ್ಪರ್ ಸಮೇತ ಮರಳನ್ನು ವಶಪಡಿಸಿಕೊಂಡು ಶನಿವಾರಸಂತೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ವ್ಯಕ್ತಿಯ ಮೇಲೆ ಹಲ್ಲೆ
              ದಿನಾಂಕ 19/03/2017ರಂದು ಸೋಮವಾರಪೇಟೆ ಬಳಿಯ ಯಡವಾರೆ ಗ್ರಾಮದ ನಿವಾಸಿ ಲೋಕೇಶ್‌ ಎಂಬವರು ಕುಶಾಲನಗರದ ಕಡೆಗೆ ಹೋಗುತ್ತಿರುವಾಗ ಎರೆಪಾರೆ ಗ್ರಾಮದ ಬಳಿ ಬಾಣಾವಾರ ಗ್ರಾಮದ  ರಾಕೇಶ್‌, ಪ್ರಸಿದ್ದ್, ಮಧು ಮತ್ತು ರವಿ ಎಂಬವರು ಸೇರಿಕೊಂಡು ಕ್ಷುಲ್ಲಕ ಕಾರಣಕ್ಕೆ ಲೋಕೇಶ್‌ರವರ ಮೇಲೆ ಹಲ್ಲೆ ಮಾಡಿ ಕೊಲೆ ಬೆದರಿಕೆ ಹಾಕಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಹಲ್ಲೆ ಪ್ರಕರಣ
              ದಿನಾಂಕ 20/03/2017ರಂದು ಸೋಮವಾರಪೇಟೆ ಬಳಿಯ ಯಡವನಾಡು ನಿವಾಸಿ ಪ್ರವೀಣ ಎಂಬವರು ಸೋಮವಾರಪೇಟೆ ನಗರದಲ್ಲಿ ರಿಕ್ಷಾವೊಂದರಲ್ಲಿ ಹೋಗುತ್ತಿರುವಾಗ ಲೋಕೇಶ್ ಎಂಬಾತನು ದಾರಿ ತಡೆದು ಕ್ಷುಲ್ಲಕ ಕಾರಣಕ್ಕೆ ಪ್ರವೀಣರವರ ಮೇಲೆ ಹಲ್ಲೆ ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ವ್ಯಕ್ತಿಯ ಮೇಲೆ ಹಲ್ಲೆ
                 ದಿನಾಂಕ 19/03/2017ರಂದು ಶ್ರೀಮಂಗಲ ಬಳಿಯ ವೆಸ್ಟ್‌ ನೆಮ್ಮಲೆ ಗ್ರಾಮದ ನಿವಾಸಿ ಸಿ.ಎ.ಬೋಪಣ್ಣ ಎಂಬವರು ಕಾಫಿ ಕಣದಲ್ಲಿ  ಕೆಲಸ ಮಾಡಿಕೊಂಡಿರುವಾಗ ಅಲ್ಲಿಗೆ ಬಂದ ಪಣಿ ಎರವರ ಬೋಜ ಎಂಬಾತನನ್ನು ಕುರಿತು ಕಣಕ್ಕೆ ಬಾರದಂತೆ ಹೇಳಿದ ಕಾರಣಕ್ಕೆ ಬೋಜ ಮತ್ತು ಆತನ  ತೋಟದ  ಮಾಲೀಕರಾದ  ಅಚ್ಚಪ್ಪ ಮತ್ತು ನಂದಪ್ಪ ಎಂಬವರು ಸೇರಿಕೊಂಡು ಬೋಪಣ್ಣರವರ ಮೇಲೆ ಹಲ್ಲೆ ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಶ್ರೀಮಂಗಲ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ವ್ಯಕ್ತಿಯ ಮೇಲೆ ಹಲ್ಲೆ
                      ದಿನಾಂಕ 12/03/2017ರಂದು ಮಡಿಕೇರಿ ನಗರದ ಚೈನ್‌ ಗೇಟ್ ಬಳಿಯ ನಿವಾಸಿ ಸ್ವಾಮಿ ಎಂಬವರ ಮನೆಯ ಪಕ್ಕದ ಜಾಗದಲ್ಲಿದ್ದ ಗುರುತಿನ ಕಲ್ಲನ್ನು ಸುರೇಂದ್ರ ಎಂಬವರು ಅಕ್ರಮವಾಗಿ ಕಿತ್ತುಹಾಕಿ ಅವರ ಕಲ್ಲನ್ನು ನೆಟ್ಟು ಜಾಗ ಗುರುತಿಸಿದ್ದು ನಂತರ ಸುರೇಂದ್ರರವರು ಸ್ವಾಮಿಯನ್ನು ಕುರಿತು ಅಲ್ಲಿಂದ ಖಾಲಿ ಮಾಡುವಂತೆ ತಿಳಿಸಿ ಸ್ವಾಮಿಯವರು ಸೇರಿದ ಪರಿಶಿಷ್ಟ ಜಾತಿಯನ್ನು ನಿಂದಿಸಿದುದಲ್ಲದೆ ಸುರೇಂದ್ರರವರ ಅಣ್ಣ ಮತ್ತು ತಂಗಿ ಮೂವರೂ ಸೇರಿಕೊಂಡು ಹಲ್ಲೆ ಮಾಡಿ ಸ್ವಾಮಿಯವರಿಗೆ ಕೊಲೆ ಬೆದರಿಕೆ ಹಾಕಿರುವುದಾಗಿ  ದೂರು ನೀಡಿದ್ದು ಇದೇ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪುಟಾಣಿ  ನಗರದ ನಿವಾಸಿ ಎನ್‌.ಎಸ್‌.ಪುಷ್ಪ ಎಂಬವರು  ಸ್ವಾಮಿ, ಕಾವ್ಯ, ತಂಗಚ್ಚನ್ ಮತ್ತು ಸ್ವಾಮಿಯ ಭಾವ ಸೇರಿಕೊಂಡು ಪುಷ್ಪರವರ ಮೇಲೆ ಹಲ್ಲೆ ಮಾಡಿರುವುದಾಗಿಯೂ  ಮಡಿಕೇರಿ ನಗರ  ಠಾಣೆಯಲ್ಲಿ  ದೂರು ನೀಡಿದ್ದು  ಮಡಿಕೇರಿ  ನಗರ ಪೊಲೀಸರು ಎರಡೂ ದೂರುಗಳ ಮೇಲೆ ಪ್ರಕರಣ  ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ವ್ಯಕ್ತಿಯ ಆತ್ಮಹತ್ಯೆ
                ದಿನಾಂಕ 19/03/2017ರಂದು  ಸಿದ್ದಾಪುರ ಬಳಿಯ ಗುಹ್ಯ ಗ್ರಾಮದ ನಿವಾಸಿ ವೈ.ಟಿ. ಮಾರ ಎಂಬಾತನು ಯಾವುದೋ ಕಾರಣಕ್ಕೆ ವಿಷ ಪದಾರ್ಥವನ್ನು ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಮನುಷ್ಯ ಕಾಣೆ
                 ಸೋಮವಾರಪೇಟೆ ಬಳಿಯ ಹಂಪಾಪುರ ಬಳಿಯ ನಿವಾಸಿ ತಮ್ಮಣಿ ಎಂಬವರು ದಿನಾಂಕ  02/02/2017ರಂದು  ಗಾರೆ ಕೆಲಸಕ್ಕೆಂದು ಹೋದವರು ಇದುವರೆಗೂ ಮರಳಿ ಮನೆಗೆ ಬಾರದಿದ್ದು, ನೆಂಟರಿಷ್ಟರ ಎಲ್ಲಾ ಕಡೆ ಹುಡುಕಾಡಿದರೂ ಪತ್ತೆಯಾಗಿರುವುದಿಲ್ಲವೆಂದು ತಮ್ಮಣಿಯವರ ಪತ್ನಿ ಸೌಮ್ಯರವರು ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಪರಸ್ಪರ ಕಾರು ಡಿಕ್ಕಿ
              ದಿನಾಂಕ 20/03/2017ರಂದು ಮೈಸೂರು ನಿವಾಸಿ ಮುತ್ತುಮೈಲ್ ಎಂಬವರು ಅವರ ಕಾರಿನಲ್ಲಿ ಭಾಗಮಂಡಲದಿಂದ  ತಲಕಾವೇರಿ ಕಡೆಗೆ  ಹೋಗುತ್ತಿರುವಾಗ ಎದುರುಗಡೆಯಿಂದ ಕೆಎ-03-ಎಂಎನ್‌-6981ರ ಕಾರನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಮುತ್ತುಮೈಲ್‌ರವರ ಕಾರಿಗೆ ಡಿಕ್ಕಿಪಡಿಸಿದ ಪರಿಣಾಮ ಕಾರಿಗೆ ಹಾನಿಯುಂಟಾಗಿ ಕಾರಿನಲ್ಲಿದ್ದ ಮುತ್ತುಮೈಲ್‌ರವರ ಪತ್ನಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಭಾಗಮಂಡಲ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಪರಸ್ಪರ ಬೈಕ್‌ ಡಿಕ್ಕಿ
                     ದಿನಾಂಕ 20/03/2017ರಂದು ಕುಶಾಲನಗರ ಬಳಿಯ ಕೂಡುಮಂಗಳೂರು ನಿವಾಸಿ ಕೃಷ್ಣಪ್ಪ ಎಂಬವರು ಅವರ ಮೋಟಾರು ಬೈಕ್‌ ಸಂಖ್ಯೆ ಕೆಎ-12-ಕೆ-5863ರಲ್ಲಿ ಕೂಡಿಗೆ ಕಡೆಯಿಂದ ಅವರ ಮನೆಗೆ ಹೋಗುತ್ತಿರುವಾಗ ವಿಜಯಪುರ ಜಂಕ್ಷನ್‌ ಬಳಿ ಹಿಂದುಗಡೆಯಿಂದ ಕೆಎ-12-ಎಲ್‌-9380ರ ಮೋಟಾರು ಬೈಕನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು  ಕೃಷ್ಣಪ್ಪನವರ ಬೈಕಿಗೆ ಡಿಕ್ಕಿಪಡಿಸಿದ ಪರಿಣಾಮ ಎರಡೂ ಬೈಕ್‌ಗಳ ಸವಾರರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಪತಿಯಿಂದ ಪತ್ನಿಯ ಹಲ್ಲೆ
                       ದಿನಾಂಕ 20/03/2017ರಂದು ಸೋಮವಾರಪೇಟೆ ಬಳಿಯ ಶಾಂತಳ್ಳಿ ನಿವಾಸಿ ಧರ್ಮಪ್ಪ ಎಂಬವರು ಆತನ ಪತ್ನಿ ಪಾರ್ವತಿ ಎಂಬಾಕೆಯನ್ನು ಕತ್ತಿಯಿಂದ ಕಡಿದು ಕೊಲೆ ಮಾಡಿರುವುದಾಗಿ  ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಸ್ಕೂಟರ್‌ಗೆ ಜೀಪು ಡಿಕ್ಕಿ
                 ದಿನಾಂಕ 18/03/2017ರಂದು ಪೊನ್ನಂಪೇಟೆ ನಿವಾಸಿ ಹೆಚ್‌.ಡಿ.ಜವರಯ್ಯ ಎಂಬವರು ಅವರ ಸ್ಕೂಟರನ್ನು ಚಾಲಿಸಿಕೊಂಡು ಹೋಗುತ್ತಿರುವಾಗ ಜೋಡುಬೆಟ್ಟಿಯ ಬಳಿ ಅವರ ಹಿಂದುಗಡೆಯಿಂದ ಕೆಎ-12-ಬಿ-3256ರ ಪಿಕ್‌ಅಪ್‌ ಜೀಪನ್ನು ಅದರ ಚಾಲಕ ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಜವರಯ್ಯನವರ ಸ್ಕೂಟರಿಗೆ ಡಿಕ್ಕಿಪಡಿಸಿದ ಪರಿಣಾಮ ಜವರಯ್ಯನವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಪೊನ್ನಂಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಹಣ ಕಳ್ಳತನ
                    ಕುಶಾಲನಗರ ಬಳಿಯ ಬೊಳ್ಳೂರು ಗ್ರಾಮದಲ್ಲಿರುವ ಅಮನ್‌ವನ ರೆಸಾರ್ಟಿಗೆ ದಿನಾಂಕ 20/03/2017ರಂದು ಬಂದಿದ್ದ ಉತ್ತರ ಭಾರತದ ನಿವಾಸಿ ಶಶಾಂಕ್‌ ಜೈನ್‌ರವರು ಪಡೆದಿದ್ದ ಕೊಠಡಿ ಸಂಖ್ಯೆ 203ರಲ್ಲಿ ಇರಿಸಿದ್ದ ಅವರ ಹಣದ ಪರ್ಸಿನಿಂದ ರೂ.9,000/-ದಷ್ಟು ಹಣ ಕಳುವಾಗಿರುವುದಾಗಿ ತಿಳಿಸಿದ್ದು, ಈ ಹಿಂದೆಯೂ ರೆಸಾರ್ಟಿನಲ್ಲಿ ಚಿನ್ನದ ಆಭರಣಗಳು ಕಳವಾಗಿದ್ದು, ರೆಸಾರ್ಟಿನಲ್ಲಿ ಕೆಲಸ ಮಾಡಿಕೊಂಡಿರುವ ಬೈರಪ್ಪ ಮತ್ತು ಕೀರ್ತಿ ಎಂಬವರು ಕಳವು ಮಾಡಿರುವ ಸಂಶಯವಿರುವುದಾಗಿ ರೆಸಾರ್ಟಿನ ಅಧಿಕಾರಿ ನವೀನ್‌ ಕುಮಾರ್‌ ಎಂಬವರು ನೀಡಿದ ದೂರಿನ ಮೇರೆಗೆ ಕುಶಾಲನಗರ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Monday, March 20, 2017

ಬಸ್‌ ಅವಘಡ
                  ದಿನಾಂಕ 19/03/2017ರಂದು ಗಣಗೂರು ಗ್ರಾಮದ ನಿವಾಸಿ ಮದನ್‌ ಎಂಬವರು ಕೆಎ-19-ಎಫ್‌-3025ರ ಕೆಎಸ್‌ಆರ್‌ಟಿಸಿ ಬಸ್ಸಿನಲ್ಲಿ ಪ್ರಯಾಣಿಸುತ್ತಿರುವಾಗ ಹೊನ್ನವಳ್ಳಿ ಗ್ರಾಮದ ತಿರುವಿನ ಬಳಿ ಬಸ್ಸಿನ ಚಾಲಕ ಮೋಹನ್‌ ಸ್ವಾಮಿ ಎಂಬಾತನು ಬಸ್ಸನ್ನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿ ಬಸ್ಸನ್ನು ರಸ್ತೆ ಬದಿಯ ಸೇತುವೆಯ ಕಟ್ಟೆಗೆ ಡಿಕ್ಕಿ ಪಡಿಸಿದ ಪರಿಣಾಮ ಮದನ್‌ ಹಾಗೂ ಇತರರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ನೀರಿಗೆ ಬಿದ್ದು ವ್ಯಕ್ತಿಯ ಸಾವು
                     ದಿನಾಂಕ 19/03/2017ರಂದು ಸೋಮವಾರಪೇಟೆ ಮಲ್ಲಳ್ಳಿ ಜಲಪಾತ ವೀಕ್ಷಣೆಗೆಂದು ತುಮಕೂರಿನ ವೆಂಕಟೇಶ್‌ ಹಾಗೂ ಬೆಂಗಳೂರಿನ ನವೀನ್‌ ಎಂಬಿಬ್ಬರು ಬಂದಿದ್ದು ಜಲಪಾತದಲ್ಲಿ ಇಬ್ಬರೂ ನೀರಿಗಿಳಿದು ಸ್ನಾನ ಮಾಡುತ್ತಿರುವಾಗ ನವೀನ್‌ ನೀರಿನಲ್ಲಿ ಮುಳುಗಿದ್ದು ಈಜು ಬಾರದ ಕಾರಣ ನೀರಿನಲ್ಲಿ ಮುಳುಗಿ ಸಾವಿಗೀಡಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ವಾಹನ ಡಿಕ್ಕಿ, ಬಾಲಕನ ಸಾವು
                      ದಿನಾಂಕ 19/03/2017ರಂದು ಸುಂಟಿಕೊಪ್ಪ ಬಳಿಯ 7ನೇ ಹೊಸಕೋಟೆ ಗ್ರಾಮದ ಮೆಟ್ನಳ್ಳ ಬಳಿ ಅಲ್ಲಿನ ನಿವಾಸಿ ಹಂಸ ಎಂಬವರ ಮಗ 8 ವರ್ಷ ಪ್ರಾಯದ ಇಸಾಕ್‌  ಎಂಬ ಬಾಲಕನು ರಸ್ತೆಯನ್ನು ದಾಟುತ್ತಿರುವಾಗ ಮಡಿಕೇರಿ ಕಡೆಯಿಂದ ಕೆಎ-19-ಎಂಎಂ-3696ರ ಸ್ಕಾರ್ಪಿಯೋ ವಾಹನವನ್ನು ಅದರ ಚಾಲಕ ಮಂಗಳೂರಿನ ಇಸ್ಮಾಯಿಲ್‌ ಎಂಬಾತನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಬಾಲಕ ಇಸಾಕ್‌ಗೆ ಡಿಕ್ಕಿಪಡಿಸಿದ ಪರಿಣಾಮ ಇಸಾಕ್‌ ಮೃತಪಟ್ಟಿರುವುದಾಗಿ ನೀಡಿದ ದೂರಿನ ಮೇರೆಗೆ ಸುಂಟಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಬಸ್ಸಿಗೆ ಬೈಕ್‌  ಡಿಕ್ಕಿ
                 ದಿನಾಂಕ 18/03/2017ರಂದು ಕುಶಾಲನಗರ ಬಳಿಯ ಕಣಿವೆ ಗ್ರಾಮದಲ್ಲಿ ಕೆಎ-19-ಎಫ್‌-4738ರ ಕೆಎಸ್‌ಆರ್‌ಟಿಸಿ ಬಸ್ಸನ್ನು ಅದರ ಚಾಲಕ ಶಿವರಾಜ್‌ ಕುಮಾರ್‌ ಎಂಬವರು ಚಾಲಿಸುತ್ತಿರುವಾಗ ಕೆಎ-13-ಇಸಿ-7327ರ ಮೋಟಾರು ಬೈಕನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಬಸ್ಸಿಗೆ ಹಿಂದಿನಿಂದ ಡಿಕ್ಕಿಪಡಿಸಿದ ಪರಿಣಾಮ ಬೈಕಿನಲ್ಲಿದ್ದ ಸಚಿನ್‌ ಮತ್ತು ರಾಮು ಎಂಬವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಸ್ಕೂಟರ್‌ಗೆ ಕಾರು ಡಿಕ್ಕಿ
                      ದಿನಾಂಕ 19/03/2017ರಂದು ಕುಶಾಲನಗರ ನಿವಾಸಿ ಸಾಹುಲ್‌ ಹಮೀದ್‌ ಎಂಬವರು ಅಭ್ಯತ್‌ಮಂಗಲ ಗ್ರಾಮದ ಬಳಿ ಅವರ ಸ್ಕೂಟರ್‌ ನಲ್ಲಿ ಹೋಗುತ್ತಿರುವಾಗ ಎದುರಿನಿಂದ  ಕೆಎ-20-ಎಂ-2416ರ ಕಾರನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಸಾಹುಲ್‌ ಹಮೀದ್‌ರವರ ಸ್ಕೂಟರಿಗೆ ಡಿಕ್ಕಿಪಡಿಸಿದ ಪರಿಣಾಮ ಸಾಹುಲ್‌ ಹಮೀದ್‌ರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Sunday, March 19, 2017

ಅಪರಿಚಿತ ವ್ಯಕ್ತಿಯ ಮೃತದೇಹ ಪತ್ತೆ:

       ಅಪರಿಚಿತ ವ್ಯಕ್ತಿಯ ಮೃತದೇಹವೊಂದು ಮಡಿಕೇರಿ ತಾಲೋಕು ಮುರ್ನಾಡು ಸಮೀಪಿದ ಕಾಂತೂರು ಗ್ರಾಮದ ಕರೆಮನೆ ಪುರುಷೋತ್ತಮ ಎಂಬವರ ಕಾಫಿತೋಟದಲ್ಲಿ ಪತ್ತೆಯಾಗಿದೆ.   ದಿನಾಂಕ 18-3-2017 ರಂದು ಪುರುಷೋತ್ತಮರವರ ಅಳಿಯ ಮಹದೇವ ಎಂಬವರು ಕಾಫಿ ತೋಟಕ್ಕೆ ಹೋಗಿದ್ದಾಗ ಕಾಫಿ ತೋಟದ ರಸ್ತೆ ಬದಿಯಲ್ಲಿ ಒಬ್ಬ ಅಪರಿಚಿತ ಗಂಡಸಿನ ಮೃತದೇಹವು ಕೊಳೆತ ಸ್ಥಿತಿಯಲ್ಲಿ ಪತ್ತೆಯಾಗಿದ್ದು, ಈ ಸಂಬಂಧ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಆಸ್ತಿ ವಿವಾದ, ಕಾಫಿ ಗಿಡಗಳನ್ನು ಕಡಿದು ನಷ್ಟ:

     ಆಸ್ತಿ ವಿವಾದದ ಹಿನ್ನೆಲೆಯಲ್ಲಿ ತಮ್ಮನ ಕಾಫಿ ತೋಟಕ್ಕೆ ಅಣ್ಣನು ಅಕ್ರಮ ಪ್ರವೇಶ ಮಾಡಿ ಕಾಫಿಗಿಡಗಳನ್ನು ಕಡಿದು ನಷ್ಟಪಡಿಸಿದ ಘಟನೆ ಸುಂಟಿಕೊಪ್ಪ ಠಾಣಾ ಸರಹದ್ದಿನ ಮ್ಯಾಗ್ ಡೋರ್ ಕಾಫಿ ಎಸ್ಟೇಟ್ ನಲ್ಲಿ ನಡೆದಿದೆ. 7ನೇ ಹೊಸಕೋಟೆ ಗ್ರಾಮದಲ್ಲಿರುವ ಮ್ಯಾಗ್ ಡೋರ್ ಕಾಫಿತೋಟವನ್ನು ಫಿರ್ಯಾದಿ ನಳಿನಿ ತಂಗಪ್ಪ ಎಂಬವರ ಕಿರಿಯ ಮಗ ಟಿ.ಟಿ. ರಾಕೇಶ್ ಎಂಬವರು ನೋಡಿಕೊಳ್ಳುತ್ತಿದ್ದು, ಸದರಿ ಕಾಫಿತೋಟದ ವಿಚಾರದಲ್ಲಿ ವಿವಾದವಿದ್ದು, ಅವರ ಹಿರಿಯ ಅಣ್ಣ ಟಿ.ಟಿ. ರಾಜೇಶ್ ರವರು ದಿನಾಂಕ 18-3-2017 ರಂದು ಸಂಜೆ 4-45 ಗಂಟೆಯ ಸಮಯದಲ್ಲಿ ಮ್ಯಾಗ್ ಡೋರ್ ಕಾಫಿತೋಟಕ್ಕೆ ಅಕ್ರಮ ಪ್ರವೇಶ ಮಾಡಿ ಕಾಫಿಗಿಡಗಳ ರೆಕ್ಕೆಗಳನ್ನು ಕಡಿದು ನಷ್ಟಪಡಿಸಿದ್ದು, ಇದನ್ನು ವಿಚಾರಿಸಿದ ತಮ್ಮ ಟಿ.ಟಿ. ರಾಕೇಶ್ ರವರನ್ನು ಅವಾಚ್ಯ ಶಬ್ದಗಳಿಂದ ಬೈದು ಕೊಲೆಬೆದರಿಕೆ ಒಡ್ಡಿರುತ್ತಾನೆಂದು ಶ್ರೀಮತಿ ನಳಿನಿ ತಂಗಪ್ಪನವರು ನೀಡಿದ ದೂರಿನ ಮೇರೆಗೆ ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.

ಅಕ್ರಮ ಪ್ರವೇಶ, ಕೆರೆಯಿಂದ ಮೀನು ಕಳವು:

     ಮಹಿಳೆಯೊಬ್ಬರಿಗೆ ಸೇರಿದ ಕೆರೆಗೆ ಸುಮಾರು 15 ಮಂದಿಯ ಗುಂಪೊಂದು ಅಕ್ರಮ ಪ್ರವೇಶ ಮಾಡಿ ಕೆರೆಯಲ್ಲಿ ಸಾಕಾಣಿಕೆ ಮಾಡಿದ ಮೀನುಗಳನ್ನು ಕಳವು ಮಾಡಿ, ಕಾವಲುಗಾರನಿಗೆ ಕೊಲೆ ಬೆದರಿಕೆ ಹಾಕಿದ ಘಟನೆ ಶನಿವಾರಸಂತೆ ಠಾಣೆ ಸರಹದ್ದಿನ ಅಗಳಿ ಗ್ರಾಮದಲ್ಲಿ ನಡೆದಿದೆ. ಫಿರ್ಯಾದಿ ಶ್ರೀಮತಿ ನೇತ್ರಾವತಿ ಎಂಬವರು ಅಗಳಿ ಗ್ರಾಮದಲ್ಲಿ ವಾಸವಾಗಿದ್ದು ಬೆಸೂರು ಗ್ರಾಮ ಪಂಚಾಯ್ತಿ ವ್ಯಾಪ್ತಿಯ ದಳವಾಯಿ ಕೆರೆಯಲ್ಲಿ ಮೀನು ಸಾಕಾಣಿಕೆ ಮಾಡಿ ಮಾರಾಟ ಮಾಡಲು ಅನುಮತಿಯನ್ನು ಪಡೆದು ಕೆರೆಗೆ ಕಾವಲುಗಾರನನ್ನು ನೇಮಿಸಿದ್ದು, ದಿನಾಂಕ 1-11-2016 ರಂದು ಸಮಯ 2-30 ಪಿ.ಎಂ. ಸಮಯದಲ್ಲಿ ಅಗಲಿ ಗ್ರಾಮದ ನಿವಾಸಿಗಳಾದ ರಾಮಯ್ಯ ಮತ್ತು ಇತರೆ 14 ಜನರು ಅಕ್ರಮಕೂಟ ಸೇರಿ ಫಿರ್ಯಾದಿಯವರ ಕೆರೆಗೆ ಅಕ್ರಮ ಪ್ರವೇಶ ಮಾಡಿ ಕೆರೆಯಲ್ಲಿ ಸಾಕಿದ ಮೀನುಗಳನ್ನು ಹಿಡಿದು ಪಿಕ್ ಅಪ್ ವಾಹನದಲ್ಲಿ ತುಂಬಿಕೊಂಡು ಹೋಗಿದ್ದು, ಹೋಗುವಾಗ ಕಾವಲುಗಾರ ರಾಮಸ್ವಾಮಿ ಎಂಬಾತನ್ನು ಅವಾಚ್ಯ ಶಬ್ದಗಳಿಂದ ಬೈದು ಕೊಲೆ ಬೆದರಿಕೆ ಹಾಕಿ ಹೋಗಿರುವ ಬಗ್ಗೆ ನ್ಯಾಯಾಲಯ ನಿರ್ದೇಶಿತ ದೂರಿನ ಮೇರೆಗೆ ದಿನಾಂಕ 18-3-2017 ರಂದು ಶನಿವಾರಸಂತೆ ಪೊಲೀಸರು ಆರೋಪಿಗಳ ವಿರುದ್ಧ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಪತಿಯಿಂದ ಪತ್ನಿ ಮೇಲೆ ಹಲ್ಲೆ:

     ಪೊನ್ನಂಪೇಟೆ ಪೊಲೀಸ್ ಠಾಣಾ ವ್ಯಾಪ್ತಿಯ ದೇವನೂರು ಗ್ರಾಮದ ಕೊಡಂಬೂರು ಪೈಸಾರಿಯಲ್ಲಿ ವಾಸವಾಗಿರುವ ಶ್ರೀಮತಿ ಬಿ.ಆರ್. ಓಮನ ಎಂಬವರು ದಿನಾಂಕ 18-3-2017 ರಂದು ಸಮಯ 2-30 ಗಂಟೆ ಸಮಯದಲ್ಲಿ ದೇವನೂರು ಗ್ರಾಮದ ಸರ್ಕಲ್ ಎಸ್ಟೇಟಿನಲ್ಲಿ ಕೆಲಸ ಮಾಡಿಕೊಂಡಿರುವಾಗ ಆಕೆಯ ಪತಿ ಅಂಬು ಎಂಬಾತ ಅಲ್ಲಿಗೆ ಬಂದು ವಿನಾಕಾರಣ ಪತ್ನಿಯನ್ನು ಅವಾಚ್ಯ ಶಬ್ದಗಳಿಂದ ಬೈದು ಕಲ್ಲಿನಿಂದ ಹಲ್ಲೆ ಮಾಡಿ ಗಾಯಪಡಿಸಿರುತ್ತಾನೆಂದು ನೀಡಿದ ದೂರಿನ ಮೇರೆಗೆ ಪೊನ್ನಂಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಕಾರಿಗೆ ಜೆ.ಸಿ.ಬಿ. ಡಿಕ್ಕಿ, ಇಬ್ಬರಿಗೆ ಗಾಯ:

    ಕಾರೊಂದಕ್ಕೆ ಜಿ.ಸಿ.ಬಿ. ವಾಹನವು ಡಿಕ್ಕಿಯಾಗಿ ಚಾಲಕ ಸೇರಿ ಮಹಿಳೆಯೊಬ್ಬರು ಗಾಯಗೊಂಡು ಕಾರು ಜಖಂಗೊಂಡ ಘಟನೆ ವಿರಾಜಪೇಟೆ ತಾಲೋಕು ಬೆಕ್ಕಿಸೊಡ್ಲೂರು ಗ್ರಾಮದಲ್ಲಿ ನಡೆದಿದೆ. ದಿನಾಂಕ 17-3-2017 ರಂದು ಸಂಜೆ 4-30 ಗಂಟೆ ಸಮಯದಲ್ಲಿ ಫಿರ್ಯಾದಿ ಬಲ್ಯಮಂಡೂರು ಗ್ರಾಮದ ನಿವಾಸಿ ಕೊಕ್ಕಂಡ ಚಂಗಪ್ಪ ಎಂಬವರು ತನ್ನ ಕಾರಿನಲ್ಲಿ ಕೆಲಸಗಾರರಾದ ಶ್ರೀಮತಿ ತಾಯಮ್ಮ ಮತ್ತು ನಿಂಗಪ್ಪ ರವರನ್ನು ಕೂರಿಸಿಕೊಂಡು ತಮ್ಮ  ಮನೆಯ ಕಡೆಗೆ ಹೋಗುತ್ತಿದ್ದಾಗ ಎದುರುಗಡೆಯಿಂದ ಬಂದ ಕೆಎ-12-ಜೆಡ್-8102ರ ಜೆ.ಸಿ.ಬಿ. ವಾಹನವನ್ನು ಅದರ ಚಾಲಕ ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಕಾರಿಗೆ ಡಿಕ್ಕಿಪಡಿಸಿದ ಪರಿಣಾಮ ಕಾರು ಚಾಲಕ ಕೊಕ್ಕಂಡ ಚಂಗಪ್ಪ ಹಾಗು ಕಾರಿನಲ್ಲಿದ್ದ ತಾಯಮ್ಮನವರು ಗಾಯಗೊಂಡು ಕಾರು ಜಖಂ ಗೊಂಡಿದ್ದು, ಈ ಸಂಬಂಧ ಕೊಕ್ಕಂಡ ಚಂಗಪ್ಪನವರು ನೀಡಿದ ದೂರಿನ ಮೇರೆಗೆ ಪೊನ್ನಂಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

Saturday, March 18, 2017

ಕಾಫಿ ಗಿಡ ಕಡಿದು ನಷ್ಟ:

          ಸಿದ್ದಾಪುರ ಠಾಣಾ ಸರಹದ್ದಿನ ಯಡೂರು ಗ್ರಾಮದ ಐನಂಡ ಬೋಪಣ್ಣ ನವರ ಕಾಫಿ ತೋಟಕ್ಕೆ ದಿನಾಂಕ 15-3-2017 ರಂದು ಅದೇ ಗ್ರಾಮದ ಬಲ್ಲಚಂಡ ಕುಟ್ಟಪ್ಪ ನವರು ಕಾಫಿ ತೋಟಕ್ಕೆ ಪ್ರವೇಶ ಮಾಡಿ ಬೆಳೆದು ನಿಂತ ಸುಮಾರು 30 ರಿಂದ 50 ಕಾಫಿ ಗಿಡಗಳನ್ನು ಕಡಿದು ನಷ್ಟ ಪಡಿಸಿದ್ದು ಈ ಬಗ್ಗೆ ಬೋಪಣ್ಣನವರು ನೀಡಿದ ದೂರಿನ ಮೇರೆಗೆ ಸಿದ್ದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಮಹಿಳೆಗೆ ಬೆಂಕಿ ತಾಗಿ ಮೃತ
         ಮಹಿಳೆಯ ಬಟ್ಟೆಗೆ ಆಕಸ್ಮಿಕವಾಗಿ ಬೆಂಕಿ ತಗುಲಿ ಸುಟ್ಟ ಗಾಯಗಳಾಗಿ ಮೃತಪಟ್ಟ ಘಟನೆ ಮಡಿಕೇರಿ ತಾಲೂಕಿನ ನಾಲಡಿ ಗ್ರಾಮದಲ್ಲಿ ನಡೆದಿದೆ. ದಿನಾಂಕ 28-2-2017 ರಂದು ನಾಲಡಿ ಗ್ರಾಮದ ನಿವಾಸಿ ಚಂದ್ರಶೇಖರರವರ ಪತ್ನಿ ಗೀತಾರವರು ತಮ್ಮ ಮನೆಯಲ್ಲಿ ಕೆಲಸ ಮಾಡುತ್ತಿರುವಾಗ ದೀಪಕ್ಕೆ ಕೈ ತಾಗಿ ಕೆಳಗೆ ಬಿದ್ದು ಗೀತಾರವರು ಧರಿಸಿದ್ದ ಬಟ್ಟೆಗೆ ತಾಗಿ ಬೆಂಕಿ ಹತ್ತಿಕೊಂಡು ಸುಟ್ಟ ಗಾಯಗಳಾಗಿದ್ದು ಸದರಿಯವರನ್ನು ಸುಳ್ಯದ ಕೆ.ವಿ.ಜಿ ಆಸ್ಪತ್ರೆಗೆ ಚಿಕಿತ್ಸೆಯ ಬಗ್ಗೆ ದಾಖಲಿಸಿದ್ದು ಚಿಕಿತ್ಸೆ ಫಲಕಾರಿಯಾಗದೇ ದಿನಾಂಕ 17-3-2017 ರಂದು ಸದರಿಯವರು ಮೃತಪಟ್ಟಿದ್ದು ಈ ಬಗ್ಗೆ ನಾಪೋಕ್ಲು ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಬೈಕಿಗೆ ಕಾರು ಡಿಕ್ಕಿ:

                ಬೈಕಿಗೆ ಕಾರು ಡಿಕ್ಕಿಯಾಗಿ ಬೈಕ್ ಸವಾರನಿಗೆ ಗಾಯವಾದ ಘಟನೆ ವಿರಾಜಪೇಟೆ ತಾಲೂಕಿನ ಕೈಕೇರಿ ಎಂಬಲ್ಲಿ ನಡೆದಿದೆ.  ದಿನಾಂಕ 17-3-2017ರಂದು ತಿತಿಮತಿಯ ಭದ್ರಗೋಳ ಗ್ರಾಮದ ನಿವಾಸಿ ವಿನೋದ್ ಎಂಬುವವರು ಗೋಣಿಕೊಪ್ಪದಿಂದ ವಿರಾಜಪೇಟೆ ಕಡೆಗೆ ಹೋಗುತ್ತಿರುವಾಗ ಕೈಕೇರಿ ಎಂಬಲ್ಲಿಗೆ ತಲುಪುವಾಗ ಎದುರುಗಡೆಯಿಂದ ಕಾರನ್ನು ಅದರ ಚಾಲಕ ನಿರ್ಲಕ್ಷತನದಿಂದ ಚಾಲನೆ ಮಾಡಿಕೊಂಡು ಬಂದು ಬೈಕಿಗೆ ಡಿಕ್ಕಿ ಪಡಿಸಿದ ಪರಿಣಾಮ ವಿನೋದ್ ರವರಿಗೆ ಗಾಯವಾಗಿದ್ದು ಈ ಬಗ್ಗೆ ಗೋಣಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಅಕ್ರಮ ಮದ್ಯ ಮಾರಾಟ ಆರೋಪಿಯ ಬಂಧನ:
           ಶ್ರೀಮಂಗಲ ಪೊಲೀಸ್ ಠಾಣಾ ಉಪ ನಿರೀಕ್ಷಕರಾದ ಸಣ್ಣಯ್ಯರವರಿಗೆ ಸಿಕ್ಕಿದ ಮಾಹಿತಿ ಮೇರೆಗೆ ಬೆಳ್ಳೂರು ಗ್ರಾಮದ ನಿವಾಸಿ ನೂರೆರ ದಿಲೀಪ್ ಎಂಬುವವರು ಮನೆಯ ಪಕ್ಕ ಸಾರ್ವಜನಿಕ ಸ್ಥಳದಲ್ಲಿ ಅಕ್ರಮವಾಗಿ ಮದ್ಯ ಮಾರಾಟ ಮಾಡುತ್ತಿದ್ದವನ್ನು ಸಿಬ್ಬಂದಿಯವರೊಂದಿಗೆ ದಾಳಿ ಮಾಡಿ ಪತ್ತೆ ಹಚ್ಚಿ ಆತನ ಬಳಿ ಇದ್ದ 90 ಎಂಎಲ್ ನ 16 ಅಮೃತ್ ಸಿಲ್ವರ್ ಕಪ್ ರೇರ ಬ್ರಾಂದಿ ಪ್ಯಾಕೆಟ್ ಮತ್ತು 120 ರೂ ನಗದನ್ನು ವಶಪಡಿಸಿಕೊಂಡು ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ.

ಅಕ್ರಮ ಮದ್ಯ ಮಾರಾಟ:

         ಸೋಮವಾರಪೇಟೆ ಪೊಲೀಸ್ ಠಾಣಾ ವ್ಯಾಪ್ತಿಯ ದೊಡ್ಡಬ್ಬೂರು ಗ್ರಾಮದ ನಿವಾಸಿ ದೇವರಾಜಮ್ಮ @ ಮಂಜುಳ ಎಂಬುವವರು ಅಕ್ರಮವಾಗಿ ಮದ್ಯ ಮಾರಾಟ ಮಾಡುತ್ತಿದ್ದಾರೆಂಬ ಮಾಹಿತಿ ಮೇರೆಗೆ ಸೋಮವಾರಪೇಟೆ ಪೊಲೀಸ್ ಠಾಣೆಯ ಉಪ ನಿರೀಕ್ಷಕರಾದ ಮಂಚಯ್ಯರವರು ತಮ್ಮ ಸಿಬ್ಬಂದಿಯವರೊಂದಿಗೆ ದಿನಾಂಕ 17-3-2017 ರಂದು ದಾಳಿ ಮಾಡಿ ಆರೋಪಿ ದೇವರಾಜಮ್ಮ ನವರಿಂದ  90 ಎಂಎಲ್ ನ ಒರಿಜಿನಲ್ ಚಾಯ್ಸ್ 52 ಪ್ಯಾಕೆಟ್, 90 ಎಂಎಲ್ ನ ಕೋಡೆಸ್ ರಮ್ 5 ಪ್ಯಾಕೆಟ್ ಮತ್ತು 90 ಎಂಎಲ್ ನ ಒರಿಜಿನಲ್ ವಿಸ್ಕಿ 7 ಪ್ಲಾಸ್ಟಿಕ್ ಬಾಟಲಿಗಳನ್ನು ವಶಪಡಿಸಿಕೊಂಡು ಪ್ರಕರಣ ದಾಖಲಿಸಿಕೊಂಡಿರುತ್ತಾರೆ.

 

Friday, March 17, 2017

ಅಕ್ರಮ ಮರಳು ಸಾಗಾಟ:

      ವ್ಯಕ್ತಿಯೊಬ್ಬರು ಲಾರಿಯಲ್ಲಿ ಅಕ್ರಮ ಮರಳು ಸಾಗಾಟ ಮಾಡುತ್ತಿದ್ದುನ್ನು ಪತ್ತೆಹಚ್ಚಿದ ಸೋಮವಾರಪೇಟೆ ಪೊಲೀಸ್ ರು ಪ್ರಕರಣ ದಾಖಲಿಸಿದ್ದಾರೆ. ಕೆಎಲ್ 58 ಈ 0301 ರ ಟಿಪ್ಪರ್ ಚಾಲಕ ಹ್ಯಾರೀಸ್  ಎಂಬವರು ದಿನಾಂಕ 14-03-2017 ರಂದು ಇಗ್ಗೋಡ್ಲು ಗ್ರಾಮದದಲ್ಲಿ ಟಿಪ್ಪರ್ ಲಾರಿಯಲ್ಲಿ ಅಕ್ರಮವಾಗಿ ಮರಳನ್ನು ತುಂಬಿಸಿಕೊಂಡು ಸಾಗಾಟ ಮಾಡುತ್ತಿದ್ದನ್ನು ಪತ್ತೆಹಚ್ಚಿದ ಸೋಮವಾರಪೇಟೆ ಪೊಲೀಸ್ ಠಾಣೆಯ ಮಾದಾಪುರ ಉಪಠಾಣೆಯ ಸಿಹೆಚ್ ಸಿ ಕೆ.ಕೆ.ಶಶಿಧರ್ ರವರು ಲಾರಿಯಲ್ಲಿ ಮರಳನ್ನು ಸಾಗಿಸುತ್ತಿದ್ದನ್ನು ಚಾಲಕ ಹ್ಯಾರೀಸ್ ನವರಲ್ಲಿ ವಿಚಾರಿಸಿದಾಗ ಸದರಿ ಲಾರಿಯ ಚಾಲಕ ಪೊಲೀಸ್ ಸಿಬ್ಬಂದಿಯನ್ನು ತಳ್ಳಿ ಲಾರಿಯನ್ನು ಚಾಲಿಸಿಕೊಂಡು ಸ್ಥಳದಿಂದ ಪರಾರಿಯಾಗಿದ್ದು, ಈ ಬಗ್ಗೆ ಸೋಮವಾರಪೇಟೆ ಠಾಣೆಯಲ್ಲಿ ಆರೋಪಿ ವಿರುದ್ಧ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.
ಜೀಪು ಅಪಘಾತ, ಚಾಲಕ ಸೇರಿ ಇಬ್ಬರ ಸಾವು:

     ಚಾಲಕನ ನಿಯಂತ್ರಣ ಕಳೆದ ಪರಿಣಾಮ ಜೀಪೊಂಡು ಅಪಘಾತಕ್ಕೀಡಾಗಿ ಚಾಲಕ ಸಾವನಪ್ಪಿದ ಘಟನೆ ಶ್ರೀಮಂಗಲ ಠಾಣಾ ಸರಹದ್ದಿನ ಕಾಕೂರು ಗ್ರಾಮದಲ್ಲಿ ನಡೆದಿದೆ. ದಿನಾಂಕ 16-3-2017 ರಂದು ಕೇರಳ ರಾಜ್ಯದ ಅರಣಪಾರ ತೋಲ್ಪಟ್ಟಿ ಗ್ರಾಮದ ನಿವಾಸಿ ಅಜೀಜ್ ಎಂಬ ವ್ಯಕ್ತಿ ಕೆಲಸದಾಳುಗಳನ್ನು ತನ್ನ ಜೀಪಿನಲ್ಲಿ ಹರಿಹರ ಗ್ರಾಮಕ್ಕೆ ಕರಿಮೆಣಸು ಕುಯ್ಯುವ ಕೆಲಸದ ಬಾಪ್ತು ಹೋಗುತ್ತಿದ್ದಾಗ ಸದರಿ ಜೀಪು ಅಪಘಾತಕ್ಕೀಡಾಗಿ ಚಾಲಕ ಅಜೀಶ್ ಮತ್ತು ಶಿನೋಜ್ ರವರುಗಳು ತೀವ್ರವಾಗಿ ಗಾಯಗೊಂಡು ಆಸ್ಪತ್ರೆಗೆ ಸಾಗಿಸುವ ವೇಳೆ ಇಬ್ಬರು ಸಾವನಪ್ಪಿದ್ದು, ಶ್ರೀಮಂಗಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

Thursday, March 16, 2017

 ಅಕ್ರಮ ಜೂಜಾಟ ಆರೋಪಿಗಳ ಬಂಧನ

                  ದಿನಾಂಕ 15-3-2017 ರಂದು ವಿರಾಜಪೇಟೆ ಗ್ರಾಮಾಂತರ ಠಾಣಾ ಸರಹದ್ದಿನ ಮಾಕುಟ್ಟ ಉಪ ಠಾಣಾ ವ್ಯಾಪ್ತಿಯ ಕಾಕೆತೋಡು ಭಗವತಿ ಜಾತ್ರೆಯು ಜರುಗಿದ್ದು, ಈ ಸಂದರ್ಭದಲ್ಲಿ ಜೂಜಾಟ ಆಡುತ್ತಿರುವುದಾಗಿ ಬಂದ ಖಚಿತ ವರ್ತಮಾನದ ಮೇರೆಗೆ ಕೊಡಗು ಜಿಲ್ಲಾ ಪೊಲೀಸ್ ಅಧೀಕ್ಷಕರುರವರ ಮಾರ್ಗದರ್ಶನದಲ್ಲಿ ಪಿಐ ಡಿಸಿಬಿ, ಎಂ ಮಹೇಶ್, ಡಿಸಿಐಬಿ ಸಿಬ್ಬಂದಿಯವರಾದ ಹಮೀದ್, ತಮ್ಮಯ್ಯ, ಅನಿಲ್, ವೆಂಕಟೇಶ್, ನಿರಂಜನ್, ವಸಂತ, ಯೋಗೇಶ್, ಗಣೇಶ, ಶೇಷಪ್ಪ, ಶಶಿಧರ ರವರೊಂದಿಗೆ ಮಾಕುಟ್ಟ ರಕ್ಷಿತಾರಣ್ಯದ ಮದ್ಯದಲ್ಲಿ ಜೂಜಾಡುತ್ತಿದ್ದ ಗುಂಪಿನ ಮೇಲೆ ಧಾಳಿ ನಡೆಸಿ 16 ಜನ ಆರೋಪಿಗಳನ್ನು ವಶಕ್ಕೆ ಪಡೆದು, 55,980 ರೂ ನಗದು ಹಾಗೂ ಜೂಜಾಟಕ್ಕೆ ಬಳಸಿದ ವಸ್ತುಗಳನ್ನು ವಶಕ್ಕೆ ಪಡೆದಿದ್ದು, ಈ ಬಗ್ಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

 ಆಕಸ್ಮಿಕ ಮರಣ

             ದಿನಾಂಕ 14-3-2017 ರಂದು ವಿರಾಜಪೇಟೆ ತಾಲೂಕಿನ ಅಂಬಟ್ಟಿ ಗ್ರಾಮದ ನಿವಾಸಿ ಸುಬ್ಬಯ್ಯ ಎಂಬುವವರು ವಿಪರೀತ ಮದ್ಯಪಾನ ಮಾಡಿ ಮದ್ಯದ ಅಮಲಿನಲ್ಲಿ ಗ್ಯಾಸ್ಟ್ರಿಕ್ ಔಷಧಿ ಎಂದು ಕ್ರಿಮಿನಾಶಕ ಔಷಧಿಯನ್ನು ಆಕಸ್ಮಿಕವಾಗಿ ಸೇವಿಸಿ ಮೃತಪಟ್ಟಿದ್ದು ಈ ಬಗ್ಗೆ ಪತ್ನಿ ಮಮತಾರವರು ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

 ಕ್ಲುಲ್ಲಕ ಕಾರಣಕ್ಕೆ ವ್ಯಕ್ತಿಯ ಮೇಲೆ ಹಲ್ಲೆ

           ಕ್ಲುಲ್ಲಕ ಕಾರಣಕ್ಕೆ ವ್ಯಕ್ತಿಯ ಮೇಲೆ ಕತ್ತಿಯಿಂದ ಕಡಿದು ಗಾಯಪಡಿಸಿದ ಘಟನೆ ವಿರಾಜಪೇಟೆ ತಾಲೂಕಿನ ಕುಟ್ಟ ಬಳಿಯ ಮಂಚಳ್ಳಿ ಗ್ರಾಮದಲ್ಲಿ ನಡೆದಿದೆ. ಮಂಚಳ್ಳಿ ಗ್ರಾಮದ ಎಂ ಪಿ ಸೋಮಯ್ಯನವರ ಲೈನ್ ಮನೆಯಲ್ಲಿ ವಾಸವಿರುವ ಜವನ ಎಂಬುವವರು ದಿನಾಂಕ 14-3-2017 ರಂದು ಸಮಯ ರಾತ್ರಿ ಮನೆಯಲ್ಲಿ ಟಿ.ವಿ ನೋಡಿಕೊಂಡಿರುವಾಗ ಪಕ್ಕದಲ್ಲೇ ವಾಸವಿರುವ ಜವನರವರ ತಮ್ಮ ಬೊಳಕನು ಮದ್ಯಪಾನ ಮಾಡಿಕೊಂಡು ಮನೆಯ ಹತ್ತಿರ ಹೋಗಿ ಜಗಳ ತೆಗೆದು ಕತ್ತಿಯಿಂದ ತಲೆಗೆ ಕಡಿದು ಗಾಯಪಡಿಸಿದ್ದು ಈ ಬಗ್ಗೆ ಕುಟ್ಟ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಕಳವು ಪ್ರಕರಣ

            ಸೋಮವಾರಪೇಟೆ ತಾಲೂಕಿನ ಕೊಣ್ಣಿಗನಹಳ್ಳಿ ಗ್ರಾಮದ ನಿವಾಸಿ ಕೆ ಆರ್ ರಂಗಸ್ವಾಮಿ ಎಂಬುವವರು ಹಾಸನದಲ್ಲಿ ಉಪನ್ಯಾಸಕರಾಗಿದ್ದು ಕೊಣ್ಣಗನಹಳ್ಳಿಯ ತಮ್ಮ ಮನೆಯಲ್ಲಿ ಕಾಫಿ ಮತ್ತು ಕಾಳುಮೆಣಸನ್ನು ಮನೆಯ ಒಳಗಡೆ ಶೇಖರಿಸಿ ಇಟ್ಟಿದ್ದು, ದಿನಾಂಕ 14-3-2017 ರಂದು ಮನೆಗೆ ಬೀಗ ಹಾಕಿ ಹಾಸನದಲ್ಲಿರುವ ಮನೆಗೆ ಹೋಗಿದ್ದು ದಿನಾಂಕ 15-3-2017 ರಂದು ಸಹೋದರ ಸುಬ್ಬೇಗೌಡರು ದೂರವಾಣಿ ಕರೆ ಮಾಡಿ ಮನೆಯಲ್ಲಿಟ್ಟಿದ್ದ ಕಾಫಿ ಮತ್ತು ಕಾಳು ಮೆಣಸು ಕಳುವಾದ ಬಗ್ಗೆ ತಿಳಿಸಿದ ಮೇರೆಗೆ ಮನೆಗೆ ಬಂದು ನೋಡುವಾಗ 8 ಕ್ವಿಂಟಾಲ್ ಕಾಳು ಮೆಣಸು, 150 ಕೆ ಜಿ ರೋಬಸ್ಟಾ ಕಾಫಿ ಮತ್ತು 3 ಚೀಲ ತೆನೆ ಬಿಡಿಸದ ಹಸಿ ಕರಿ ಮೆಣಸನ್ನು ಕಳವು ಮಾಡಿರುವುದು ಕಂಡು ಬಂದಿದ್ದು, ಈ ಕಳವನ್ನು ಕೂಲಿ ಕೆಲಸ ಮಾಡುವ ಶಿವ, ಕುಮಾರ, ಸುರೇಶ ಮತ್ತು ಇತರರು ಮಾಡಿರುವುದಾಗಿ ಗುಮಾನಿ ಇರುವುದಾಗಿ ಕೊಟ್ಟ ಪುಕಾರಿನ ಮೇರೆಗೆ ಶನಿವಾರಸಂತೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

 ಮೋಟಾರು ಸೈಕಲ್ ಅಪಘಾತ ವ್ಯಕ್ತಿಯ ದುರ್ಮರಣ

             ದಿನಾಂಕ 11-3-2017 ರಂದು ಮಾದಾಪುರದ ಮೂವತ್ತೋಕ್ಲು ಗ್ರಾಮದ ನಿವಾಸಿ ರವಿರವರು ಸುಂಟಿಕೊಪ್ಪದಿಂದ ಮನೆಗೆ ಹೋಗುತ್ತಿರುವಾಗ ಗರಗಂದೂರು ಗ್ರಾಮದ ಸರ್ಕಾರಿ ಶಾಲೆಯ ಮುಂಭಾಗ ತಲುಪುವಾಗ ಅಜಾಗರೂಕತೆಯಿಂಧ ಚಾಲನೆ ಮಾಡಿ ನಿಯಂತ್ರಣ ತಪ್ಪಿ ಮಗುಚಿಬಿದ್ದು ಗಾಯಗೊಂಡವರನ್ನು ಚಿಕಿತ್ಸೆಯ ಬಗ್ಗೆ ಮೈಸೂರಿನ ಕೆ ಆರ್ ಆಸ್ಪತ್ರೆಗೆ ದಾಖಲಿಸಿದ್ದು ಚಿಕಿತ್ಸೆ ಫಲಕಾರಿಯಾಗದೇ ದಿನಾಂಕ 14-3-2017 ರಂದು ಮೃತಪಟ್ಟಿದ್ದು ಈ ಬಗ್ಗೆ ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

 ಕೆರೆಯಲ್ಲಿ ಈಜಲು ತೆರಳಿ ವ್ಯಕ್ತಿಯ ದುರ್ಮರಣ

               ವಿರಾಜಪೇಟೆ ತಾಲೂಕಿನ ಟಿ ಶೆಟ್ಟಿಗೇರಿ ಗ್ರಾಮದ ವಸಂತ ಎಂಬುವವರ ಲೈನ್ ಮನೆಯಲ್ಲಿ ವಾಸವಿರುವ ರಂಜು ಎಂಬುವವರು ದಿನಾಂಕ 14-3-2017 ರಂದು ಕೂಲಿ ಕೆಲಸ ಮುಗಿಸಿ ಸ್ನಾನ ಮಾಡಲು ಕೆರೆಗೆ ಹೋಗಿದ್ದು ಈಜುವ ಸಂದರ್ಭ ತಾವರೆ ಗಿಡದ ಬೇರು ಸಿಕ್ಕಿಹಾಕಿಕೊಂಡು ಈಜಲು ಸಾದ್ಯವಾಗದೇ ನೀರಿನಲ್ಲಿ ಮುಳುಗಿ ಮೃತಪಟ್ಟಿದ್ದು ಈ ಬಗ್ಗೆ ಶ್ರೀಮಂಗಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

 ಸರಣಿ ಅಪಘಾತ

             ದಿನಾಂಕ 15-3-2017 ರಂದು ಕುಶಾಲನಗರದ ನಿವಾಸಿ ಕೃಷ್ಣಪ್ಪ ಎಂಬುವವರು ಮಾದಪಟ್ಟಣ ಗ್ರಾಮದ ಶಿವಣ್ಣ ಎಂಬುವರೊಂದಿಗೆ ಮೋಟಾರು ಬೈಕಿನಲ್ಲಿ ಕೆಲಸಕ್ಕೆಂದು ಕಂಬಿ ಬಾಣೆಗೆ ಹೋಗಿ ವಾಪಾಸ್ಸು ಬರುವಾಗ ಆನೆ ಕಾಡು ಎಂಬಲ್ಲಿಗೆ ತಲುಪುವಾಗ ರಾಜ್ಯ ಹೆದ್ದಾರಿಯಲ್ಲಿ ಕೆಎಲ್- 41 -ಎಫ್-6633 ನಂಬರಿನ ಇನ್ನೋವಾ ಕಾರಿನ ಚಾಲಕ ಅತೀ ವೇಗ ಮತ್ತು ಆಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಹೋಗಿ ರಿಟ್ಜ್ ಕಾರಿಗೆ ಡಿಕ್ಕಿಪಡಿಸಿದಾಗ ರಿಟ್ಜ್ ಕಾರಿನ ಚಾಲಕ ನಿಯಂತ್ರಣ ತಪ್ಪಿ ಮುಂದೆ ಹೋಗುತ್ತಿದ್ದ ಮೋಟಾರು ಸೈಕಲಿಗೆ ಡಿಕ್ಕಿ ಪಡಿಸಿದ ಪರಿಣಾಮ ಬೈಕ್ ಸವಾರ ಶಿವಣ್ಣ ಮತ್ತು ಕೃಷ್ಣಪ್ಪನವರಿಗೆ ಗಾಯವಾಗಿದ್ದು ಈ ಬಗ್ಗೆ ಕುಶಾಲನಗರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

 ವಿದ್ಯುತ್ ತಂತಿಗೆ ಏಣಿ ತಾಗಿ ವ್ಯಕ್ತಿಯ ದುರ್ಮರಣ

                    ಕರಿಮೆಣಸನ್ನು ಕುಯ್ಯುತ್ತಿರುವಾಗ ಅಲ್ಯುಮಿನಿಯಂ ಏಣಿ ವಿದ್ಯುತ್ ತಂತಿಗೆ ತಾಗಿ ವ್ಯಕ್ತಿಯು ಮರಣ ಹೊಂದಿದ ಘಟನೆ ವಿರಾಜಪೇಟೆ ತಾಲೂಕಿನ ಕಣ್ಣಂಗಾಲ ಗ್ರಾಮದಲ್ಲಿ ನಡೆದಿದೆ. ದಿನಾಂಕ 15-3-2017 ರಂದು ಕುಕ್ಲೂರು ಗ್ರಾಮದ ನಿವಾಸಿ ಬಿದ್ದಪ್ಪ ಎಂಬುವವರ ಕಣ್ಣಂಗಾಲದಲ್ಲಿರುವ ತೋಟದಲ್ಲಿ ಕುಮಾರ ಎಂಬುವವರು ಅಲ್ಯಮಿನಿಯಂ ಏಣಿಯನ್ನು ಉಪಯೋಗಿಸಿ ಕರಿಮೆಣಸನ್ನು ಕುಯ್ಯುತ್ತಿರುವಾಗ ಏಣಿಯು ವಿದ್ಯುತ್ ತಂತಿಗೆ ತಾಗಿ ವಿದ್ಯುತ್ ಹರಿದು ಕುಮಾರರವರು ಮೃತಪಟ್ಟಿದ್ದು ಈ ಬಗ್ಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.
 

Wednesday, March 15, 2017

ವಾಹನ ಅಪಘಾತ ಹೆಚ್ಚಳ - ಪತ್ರಿಕಾ ಪ್ರಕಟಣೆ
                   ಸುಗಮ ಸಂಚಾರ ವ್ಯವಸ್ಥೆ ಹಾಗೂ ರಸ್ತೆ ಅಪಘಾತ ತಡೆಗಟ್ಟುವ ಬಗ್ಗೆ ಪೊಲೀಸ್ ಇಲಾಖೆ ಹಾಗೂ ಆರ್.ಟಿ.ಓ ಇಲಾಖೆಯಿಂದ ಅನೇಕ ಸಲಹೆ ಸೂಚನೆಗಳನ್ನು ನೀಡಿದರೂ ಸಹ ಜೀಪು/ಪಿಕ್ಅಪ್ ಹಾಗೂ ಸರಕು ಸಾಗಿಸುವ ವಾಹನಗಳಲ್ಲಿ ಕೆಲಸಗಾರರನ್ನು ಕುರಿಗಳ ರೀತಿಯಲ್ಲಿ ತುಂಬಿಕೊಂಡು ಸಂಚರಿಸುತ್ತಿರುವುದು ಇತ್ತೀಚಿಗಿನ ದಿನಗಳಲ್ಲಿ ಕಂಡು ಬಂದಿರುತ್ತದೆ. ಇದಕ್ಕೆ ಸಾಕ್ಷಿ ಎಂಬಂತೆ ದಿನಾಂಕ 02-03-2017 ರಂದು ಸುಂಟಿಕೊಪ್ಪದಲ್ಲಿ ಟ್ರಾಕ್ಟರ್ ವಾಹನ ಅಪಘಾತಕ್ಕೀಡಾಗಿ ಅದರಲ್ಲಿ ಸಂಚರಿಸುತ್ತಿದ್ದ ಇಬ್ಬರು ಕೆಲಸಗಾರರು ಮೃತಪಟ್ಟಿರುತ್ತಾರೆ, ಹಾಗೂ ದಿನಾಂಕ 13-03-2017 ರಂದು ವಿರಾಜಪೇಟೆ ನಗರ ಠಾಣಾ ವ್ಯಾಪ್ತಿಯ ಕುಕ್ಲೂರು ಬಳಿ 20 ಕ್ಕಿಂತ ಹೆಚ್ಚು ಕೆಲಸಗಾರರನ್ನು ಸಾಗಿಸುತ್ತಿದ್ದ ಸರಕು ಸಾಗಣೆ ಮಾಡುವ ಪಿಕಪ್ ವಾಹನ ಅಪಘಾತಕ್ಕೀಡಾಗಿ ಎಲ್ಲಾ ಕೆಲಸಗಾರರಿಗೆ ತೀವ್ರತರವಾದ ಗಾಯವಾಗಿ ಮಡಿಕೇರಿ ಹಾಗೂ ಮಂಗಳೂರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
                ಆದ್ದರಿಂದ ವಾಹನದ ಮಿತಿಗಿಂತ ಹೆಚ್ಚು ಪ್ರಯಾಣಿಕರನ್ನು ಕರೆದುಕೊಂಡು ಹೋಗುವ ಎಲ್ಲಾ ವಾಹನಗಳು ಅಂದರೆ ಆಟೋ, ಶಾಲಾ ವಾಹನ, ಮ್ಯಾಕ್ಸಿ ಕ್ಯಾಬ್ ಹಾಗೂ ಸರಕು ಸಾಗಿಸುವ ವಾಹನಗಳಲ್ಲಿ ಕೆಲಸಗಾರರನ್ನು ಸಾಗಿಸುವುದು ಐಎಂವಿ ಕಾಯ್ದೆಯ ಪ್ರಕಾರ ಅಪರಾಧವಾಗಿದ್ದು, ಸದರಿ ವಾಹನದ ಮಾಲೀಕರು ಹಾಗೂ ಚಾಲಕರ ವಿರುದ್ಧ ಮೊಕದ್ದಮೆ ದಾಖಲಿಸಲಾಗುವುದು ಹಾಗೂ ಚಾಲಕನ ಚಾಲನಾ ಪರವಾನಗಿಯನ್ನು ರದ್ದುಪಡಿಸಲು ಆರ್.ಟಿ.ಓ ಅಧಿಕಾರಿಗಳಿಗೆ ವರದಿ ಸಲ್ಲಿಸಲಾಗುವುದು. ಈ ಬಗ್ಗೆ ಎಲ್ಲಾ ಆಟೋ, ಶಾಲಾ ವಾಹನ ಹಾಗೂ ಮ್ಯಾಕ್ಸಿ ಕ್ಯಾಬ್ ಮಾಲೀಕರು/ಚಾಲಕರುಗಳು ಎಚ್ಚರ ವಹಿಸುವುದು.
                     ಅಲ್ಲದೆ ಮಾನ್ಯ ಸರ್ವೋಚ್ಛ ನ್ಯಾಯಾಲಯದ ರಸ್ತೆ ಸುರಕ್ಷತಾ ಸಮಿತಿ ನಿರ್ಧೇಶನದನ್ವಯ ವಿಮೆ ಇಲ್ಲದ ವಾಹನಗಳನ್ನು ಜಫ್ತಿ ಮಾಡಿ ವಾಹನದ ಮಾಲೀಕರುಗಳು ವಿಮಾ ಪಾಲಿಸಿಗಳನ್ನು ತಂದು ಹಾಜರುಪಡಿಸುವವರೆಗೆ ಪೊಲೀಸ್ ವಶದಲ್ಲಿಟ್ಟುಕೊಳ್ಳಬೇಕಾಗುತ್ತದೆ. ಈ ಬಗ್ಗೆ ಜಿಲ್ಲೆಯ ಎಲ್ಲಾ ಪೊಲೀಸ್ ಅಧಿಕಾರಿಗಳಿಗೆ ಸೂಚನೆಗಳನ್ನು ನೀಡಲಾಗಿರುತ್ತದೆ. ಆದುದರಿಂದ ಎಲ್ಲಾ ವಾಹನ ಮಾಲೀಕರುಗಳು ಈ ಬಗ್ಗೆ ಎಚ್ಚರ ವಹಿಸಬೇಕಾಗಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಯವರಾದ ಪಿ ರಾಜೇಂದ್ರ ಪ್ರಸಾದ್, ಐ.ಪಿ.ಎಸ್. ರವರು ಪ್ರಕಟಣೆಯಲ್ಲಿ ತಿಳಿಸಿರುತ್ತಾರೆ.  
 
ಪತಿಯಿಂದ ಪತ್ನಿಯ ಕೊಲೆ

                 ಪತಿಯು ಪತ್ನಿಯನ್ನು ಕೊಲೆ ಮಾಡಿರುವ ಘಟನೆ ವಿರಾಜಪೇಟೆ ತಾಲೂಕಿನ ಹಚ್ಚಿನಾಡು ಗ್ರಾಮದಲ್ಲಿ ನಡೆದಿದೆ. ಹಚ್ಚಿನಾಡು ಗ್ರಾಮದ ಐನಂಡ ಚೇತನ್ ರವರ ಪಳ್ಳೆಕೆರೆ ಕಾಫಿ ತೋಟದಲ್ಲಿ ಕೆಲಸ ಮಾಡಿಕೊಂಡು ಲೈನ್ ಮನೆಯಲ್ಲಿ ವಾಸವಿರುವ ಪಶ್ಚಿಮ ಬಂಗಾಳ ರಾಜ್ಯದವರಾದ ಮುಲಿಯಾಸ್ ಮುಂಡ ಹಾಗೂ ಬೀನಾ ಮುಂಡ ದಂಪತಿಗಳು ವಾಸವಿದ್ದು ದಿನಾಂಕ 13-3-2017 ರಂದು ರಾತ್ರಿ ಮುಲಿಯಾಸ್ ಮುಂಡ ಹಾಗೂ ಬೀನಾ ಮುಂಡ ರವರು ಮದ್ಯಪಾನ ಮಾಡಿಕೊಂಡು ಗಲಾಟೆ ಮಾಡಿಕೊಂಡಿದ್ದು, ಮುಲಿಯಾಸ್ ಮುಂಡರವರು ಪತ್ನಿ ಬೀನಾ ಮುಂಡರವರ ಕತ್ತು ಹಿಸುಕಿ ಕೊಲೆ ಮಾಡಿದ್ದು ಈ ಬಗ್ಗೆ ಸಿದ್ದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ. 

ಲಾರಿಗೆ ಕಾರು ಡಿಕ್ಕಿ
               ದಿನಾಂಕ 14-3-2017 ರಂದು ಪುತ್ತೂರಿನ ನಿವಾಸಿ ನೋಣಯ್ಯ ಎಂಬುವವರು ಶೇಖರ್ ಎಂಬುವವರೊಂದಿಗೆ ಟ್ಯಾಂಕರ್ ಲಾರಿಯಲ್ಲಿ ಕೂಡಿಗೆಯಿಂದ ಮಂಗಳೂರಿಗೆ ಹೋಗುತ್ತಿರುವಾಗ ಕಾಟಕೇರಿ ಎಂಬಲ್ಲಿಗೆ ತಲುಪುವಾಗ ತಿರುವು ರಸ್ತೆಯಲ್ಲಿ ಎದುರುಗಡೆಯಿಂದ ಕಾರನ್ನು ಚಾಲಕ ವಿನಯ್ ಪ್ರಸಾದ್ ರವರು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಹೋಗಿ ಡಿಕ್ಕಿ ಪಡಿಸಿ ಟ್ಯಾಂಕರ್ ಲಾರಿ ಹಾಗೂ ಕಾರು ಜಖಂಗೊಂಡಿದ್ದು, ಕಾರಿನ ಚಾಲಕ ಮತ್ತು ಕಾರಿನಲ್ಲಿದ್ದ ಮಹಿಳೆಗೆ ಗಾಯವಾಗಿದ್ದು ಈ ಬಗ್ಗೆ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

 ಕಾರುಗಳು ಮುಖಾಮುಖಿ ಡಿಕ್ಕಿ
            ತಮಿಳುನಾಡು ರಾಜ್ಯದ ಚೆನ್ನೈ ನ ನಿವಾಸಿ ಮುರುಗೇಶನ್ ಎಂಬುವವರು ಸಂಸಾರದೊಂದಿಗೆ ಕೊಡಗು ಜಿಲ್ಲೆಗೆ ಪ್ರವಾಸಕ್ಕೆ ಬಂದಿದ್ದು, ದಿನಾಂಕ 14-3-2017 ರಂದು ತಲಕಾವೇರಿಗೆ ಹೋಗಿ ವಾಪಾಸ್ಸು ಮೂರ್ನಾಡು ಮೂಲಕ ಮಡಿಕೇರಿಗೆ ಬರುತ್ತಿರುವಾಗ ಮೇಕೇರಿ ಎಂಬಲ್ಲಿಗೆ ತಲುಪುವಾಗ ಎದುರುಗಡೆಯಿಂದ ಬಂದ ಕಾರನ್ನು ಚಾಲಕ ನಂಜಪ್ಪರವರು ಅಜಾಗರೂಕತೆಯಿಂದ ಚಾಲನೆ ಮಾಡಿ ಮುರುಗೇಶನ್ ರವರ ಕಾರಿಗೆ ಡಿಕ್ಕಿ ಪಡಿಸಿದ ಪರಿಣಾಮ ಕಾರು ಜಖಂಗೊಂಡಿದ್ದು ಕಾರಿನಲ್ಲಿದ್ದ ಮುರುಗೇಶನ್, ಭಾರತಿಯವರಿಗೆ ಗಾಯಗಳಾಗಿದ್ದು ಈ ಬಗ್ಗೆ ಮಡಿಕೇರಿ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

 ಹೊಳೆಗೆ ಸ್ನಾನಕ್ಕೆ ತೆರಳಿ ವ್ಯಕ್ತಿಯ ಆಕಸ್ಮಿಕ ಮರಣ

               ದಿನಾಂಕ 12-3-2017 ರಂದು ಸೋಮವಾರಪೇಟೆ ತಾಲೂಕಿನ ಬಾಳುಗೋಡುವಿನ ನಿವಾಸಿ ಮುಕ್ಕಾಟಿರ ಮೇದಪ್ಪ ಎಂಬುವವರು ಬಾಳುಗೋಡು ಗ್ರಾಮದ ಕಾವೇರಿ ಹೊಳೆಯಲ್ಲಿ ಸ್ನಾನ ಮಾಡಲು ತೆರಳಿ ನೀರಿನಲ್ಲಿ ಮುಳುಗಿ ಮೃತಪಟ್ಟಿದ್ದು ಈ ಬಗ್ಗೆ ಕುಶಾಲನಗರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

 ಅಕ್ರಮ ಮರಳು ಸಾಗಾಟ ಲಾರಿ ವಶಕ್ಕೆ

                ದಿನಾಂಕ 14-3-2017 ರಂದು ಸೋಮವಾರಪೇಟೆ ಪೊಲೀಸ್ ಠಾಣೆಯ ಉಪನಿರೀಕ್ಷಕರಾದ ಶಿವಣ್ಣರವರಿಗೆ ಸಿಕ್ಕಿದ  ಮಾಹಿತಿ ಮೇರೆಗೆ ಸಿಬ್ಬಂದಿಯವರೊಂದಿಗೆ ತೆರಳಿ ಶಾಂತಳ್ಳಿ ಬಸ್ಸು ತಂಗುದಾಣದ ಹತ್ತಿರ ಕುಂದಳ್ಳಿ ಕಡೆಯಿಂದ ಬಂದ ಕೆಎ-12-ಬಿ-1268 ರ ಟಿಪ್ಪರ್ ಲಾರಿಯನ್ನು ಪರಿಶೀಲಿಸಿ ಅಕ್ರಮವಾಗಿ ಪರವಾನಿಗೆ ಇಲ್ಲದೇ ಮರಳು ಸಾಗಾಟ ಮಾಡುತ್ತಿದ್ದುದ್ದು ಕಂಡು ಬಂದು ಚಾಲಕನನ್ನು ವಶಕ್ಕೆ ಪಡೆದು ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಂಡಿರುತ್ತಾರೆ.

 ಮೋಟಾರು ಸೈಕಲ್ ಗಳ  ಡಿಕ್ಕಿ
            ಪಿರಿಯಾಪಟ್ಟಣ ತಾಲೂಕಿನ ಶಾನುಬೋಗನ ಹಳ್ಳಿಯ ನಿವಾಸಿಯಾದ ನಿಂಗಪ್ಪ ಎಂಬುವವರು ಜಲೇಂದ್ರ ರವರೊಂದಿಗೆ ಮೋಟಾರು ಸೈಕಲಿನಲ್ಲಿ ಸೋಮವಾರಪೇಟೆ ತಾಲೂಕಿನ ಹೆಬ್ಬಾಲೆ ಗ್ರಾಮದಲ್ಲಿರುವ ಬಸವಣ್ಣ ಪೆಟ್ರೋಲ್ ಬಂಕ್ ಹತ್ತಿರ ಬಲಕ್ಕೆ ಸಿಗ್ನಲ್ ಕೊಟ್ಟು ತಿರುಗುವಾಗ ಹಿಂಬದಿಯಿಂದ ಚೇತನ್ ಎಂಬುವವರು ಮೋಟಾರು ಸೈಕಲನ್ನು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಹೋಗಿ ಡಿಕ್ಕಿಪಡಿಸಿ ಮಗುಚಿ ಬಿದ್ದ ಪರಿಣಾಮ ನಿಂಗಪ್ಪ, ಜಲೇಂದ್ರ ಮತ್ತು ಡಿಕ್ಕಿಪಡಿಸಿದ ಮೋಟಾರು ಸೈಕಲ್ ಸವಾರ ಮತ್ತು ಹಿಂಬದಿಯಲ್ಲಿ ಕುಳಿತ್ತಿದ್ದ ಮಂಜುನಾಥ ಎಂಬುವವರಿಗೆ ಗಾಯಗಳಾಗಿದ್ದು ಈ ಬಗ್ಗೆ ನಿಂಗಪ್ಪನವರು ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ. 

ಪಾದಾಚಾರಿಗೆ ಆಟೋ ಡಿಕ್ಕಿ

               ದಿನಾಂಕ 14-3-2017 ರಂದು ಕುಶಾಲನಗರದ ಮಾರ್ಕೆಟ್ ರಸ್ತೆಯ ನಿವಾಸಿಯಾದ ಆಲ್ಬೆರ್ಟ್ ಎಂಬುವವರು ಕೊಪ್ಪ ಗೇಟ್ ಕಡೆಯಿಂದ ಮಾರ್ಕೆಟ್ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿರುವಾಗ ಹಿಂಬದಿಯಿಂದ ಆಟೋವನ್ನು ಅದರ ಚಾಲಕ ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಹೋಗಿ ಡಿಕ್ಕಿ ಪಡಿಸಿದ ಪರಿಣಾಮ ಆಲ್ಬೆರ್ಟ್ ರವರು ಕೆಳಗೆ ಬಿದ್ದು ಗಾಯಗೊಂಡಿದ್ದು ಈ ಬಗ್ಗೆ ಕುಶಾಲನಗರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಮೋಟಾರು ಸೈಕಲ್ ಗಳ ಮುಖಾಮುಖಿ ಡಿಕ್ಕಿ

                 ಸುಂಟಿಕೊಪ್ಪದ ನಿವಾಸಿ ಮಹಮ್ಮದ್ ಇರ್ಷಾದ್ ಎಂಬುವವರು ಅಣ್ಣ ಮಹಮ್ಮದ್ ರಫಿ ಎಂಬುವವರೊಂದಿಗೆ ದಿನಾಂಕ 14-3-2017 ರಂದು ಮೋಟಾರು ಸೈಕಲಿನಲ್ಲಿ ಕುಶಾಲನಗರಕ್ಕೆ ಹೋಗುತ್ತಿರುವಾಗ ನಿಸರ್ಗಧಾಮದ ಹತ್ತಿರ ತಲುಪುವಾಗ ಎದುರುಗಡೆಯಿಂದ ಮೋಟಾರು ಸೈಕಲನ್ನು ಅದರ ಸವಾರ ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಹೋಗಿ ಮಹಮ್ಮದ್ ರಫಿ ರವರು ಚಾಲನೆ ಮಾಡುತ್ತಿದ್ದ ಮೋಟಾರು ಸೈಕಲಿಗೆ ಡಿಕ್ಕಿ ಪಡಿಸಿದ ಪರಿಣಾಮ ಮೋಟಾರು ಸೈಕಲ್ ಸಮೇತ ಕೆಳಗೆ ಬಿದ್ದು ಮಹಮ್ಮದ್ ಇರ್ಷಾದ್ ಮತ್ತು ಮಹಮ್ಮದ್ ರಫಿರವರಿಗೆ ಗಾಯಗಳಾಗಿದ್ದು ಈ ಬಗ್ಗೆ ಕುಶಾಲನಗರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

 ಮೋಟಾರು ಸೈಕಲ್ ಅಪಘಾತ

                   ಸೋಮವಾರಪೇಟೆ ತಾಲೂಕಿನ ಮುವತ್ತೋಕ್ಲು ಗ್ರಾಮದ ನಿವಾಸಿ ರವಿಯವರು ದಿನಾಂಕ 11-3-2017 ರಂದು ಸುಂಟಿಕೊಪ್ಪದಿಂದ ಮನೆಗೆ ಮೋಟಾರು ಸೈಕಲಿನಲ್ಲಿ ಹೋಗುತ್ತಿರುವಾಗ ಗರಗಂದೂರು ಎಂಬಲ್ಲಿಗೆ ತಲುಪುವಾಗ ಮೋಟಾರು ಸೈಕಲನ್ನು ಅಜಾಗರೂಕತೆಯಿಂದ ಚಾಲನೆ ಮಾಡಿ ನಿಯಂತ್ರಣ ತಪ್ಪಿ ಮಗುಚಿ ಬಿದ್ದು ಗಾಯಗೊಂಡಿದ್ದು ಈ ಬಗ್ಗೆ ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

 ಅಕ್ರಮ ಜೂಜಾಟ ಆರೋಪಿಗಳ ಬಂಧನ

                      ಸೋಮವಾರಪೇಟೆ ಪೊಲೀಸ್ ಠಾಣಾ ಸರಹದ್ದಿನ ಕುವೆಂಪು ಶಾಲೆಯ ಹತ್ತಿರ ಇರುವ ದೇವರಕಾಡಿನಲ್ಲಿ ಇಸ್ಪೇಟು ಎಲೆಗಳಿಂದ ಜೂಜಾಟ ಆಡುತ್ತಿರುವುದಾಗಿ ಸಿಕ್ಕಿದ ಮಾಹಿತಿ ಮೇರೆಗೆ ಸೋಮವಾರಪೇಟೆ ಠಾಣೆಯ ಉಪನಿರೀಕ್ಷಕರಾದ ಶೀವಣ್ಣರವರು ಸಿಬ್ಬಂದಿಗಳೊಂದಿಗೆ ಸ್ಥಳಕ್ಕೆ ತೆರಳಿ ದಾಳಿ ನಡೆಸಿ ಜೂಜಾಟಕ್ಕೆ ಬಳಸಿದ ನಗದು 2,110 ರೂ ಮತ್ತು ಎಂಟು ಜನ ಆರೋಪಿಗಳನ್ನು ವಶಕ್ಕೆ ತೆಗೆದುಕೊಂಡು ಪ್ರಕರಣ ದಾಖಲಿಸಿಕೊಂಡಿರುತ್ತಾರೆ.

 ಅಕ್ರಮ ಮದ್ಯ ಮಾರಾಟ

            ಕುಟ್ಟ ವೃತ್ತ ನಿರೀಕ್ಷಕರಾದ ದಿವಾಕರರವರಿಗೆ ಸಿಕ್ಕಿದ ಮಾಹಿತಿ ಮೇರೆಗೆ ಶ್ರೀಮಂಗಲ ಠಾಣಾ ಸರಹದ್ದಿನ ತೂಚಮಕೇರಿ ಗ್ರಾಮದ ನಿವಾಸಿ ಚಿನ್ನಮಾಡ ಅಶೋಕರವರು ಅವರ ತೋಟದ ಹತ್ತಿರ ಸಾರ್ವಜನಿಕ ಸ್ಥಳದಲ್ಲಿ ಅಕ್ರಮವಾಗಿ ಮದ್ಯ ಮಾರಾಟ ಮಾಡುತ್ತಿದ್ದವನ್ನು ಸಿಬ್ಬಂದಿಯವರೊಂದಿಗೆ ದಾಳಿ ಮಾಡಿ ವಶಕ್ಕೆ ತೆಗೆದುಕೊಂಡು ನೀಡಿದ ದೂರಿನ ಮೇರೆಗೆ ಶ್ರೀಮಂಗಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

 ಲಾಟರಿ ಟಿಕೆಟ್ ಮಾರಾಟ ವ್ಯಕ್ತಿಯ ಬಂಧನ.

                   ಅಕ್ರಮವಾಗಿ ಕೇರಳ ರಾಜ್ಯದ ಲಾಟರಿ ಟಿಕೆಟ್ ಗಳನ್ನು ಪೊನ್ನಂಪೇಟೆ ನಗರದಲ್ಲಿ ಮಾರಾಟ ಮಾಡುತ್ತಿದ್ದ ಕುಟ್ಟ ಗ್ರಾಮದ ನಿವಾಸಿ ರಾಜ ಎಂಬುವವರನ್ನು ಪೊನ್ನಂಪೇಟೆ ಠಾಣೆಯ ಉಪನಿರೀಕ್ಷಕರಾದ ಜಯರಾಮ್ ರವರು ಪತ್ತೆಹಚ್ಚಿ ರಾಜರವರಿಂದ ಕೇರಳ ರಾಜ್ಯದ 150 ಲಾಟರಿ ಟಿಕೆಟ್ ಗಳನ್ನು ಹಾಗೂ ನಗದು 2,520 ರೂಗಳನ್ನು ವಶಕ್ಕೆ ತೆಗೆದುಕೊಂಡು ಪ್ರಕರಣ ದಾಖಲಿಸಿಕೊಂಡಿರುತ್ತಾರೆ.