Tuesday, December 12, 2017

ಅಕ್ರಮ ಮದ್ಯ ವಶ
                      ದಿನಾಂಕ 11/12/2017ರಂದು ಸಿದ್ದಾಪುರ ಠಾಣಾ ಸಿಬ್ಬಂದಿ ಬಿ.ಆರ್.ಮಂಜುನಾಥ್‌ರವರು ಹಾಲುಗುಂದ ಗ್ರಾಮದಲ್ಲಿ ಗಸ್ತು ಕರ್ತವ್ಯದಲ್ಲಿರುವಾಗ ಹಾಲುಗುಂದ ಗ್ರಾಮದ ಬಸ್  ನಿಲ್ದಾಣದ ಬಳಿ ಓರ್ವ  ವ್ಯಕ್ತಿ ಅಕ್ರಮವಾಗಿ ಸರ್ಕಾರದ ಪರವಾನಗಿ ಇಲ್ಲದೆ ಮದ್ಯವನ್ನು ಸಾಗಿಸುತ್ತಿರುವುದಾಗಿ ದೊರೆತ ಮಾಹಿತಿಯ ಮೇರೆಗೆ ಮಂಜುನಾಥ್‌ರವರು ಸ್ಥಳಕ್ಕೆ ತೆರಳಿದಾಗ ಅಲ್ಲಿ ಹಾಲುಗುಂದ ನಿವಾಸಿ ಪಿ.ಎನ್.ಗಿಣಿ ಎಂಬವರು ಒಂದು ಬ್ಯಾಗಿನಲ್ಲಿ ಸುಮಾರು ರೂ.1620/- ಮೌಲ್ಯದ 90ಎಂ.ಎಲ್‌.ನ 54 ಪ್ಯಾಕೆಟ್ ಮದ್ಯವನ್ನು ಅಕ್ರಮವಾಗಿ ಹೊಂದಿರುವುದು ಪತ್ತೆಯಾಗಿದ್ದು ಮದ್ಯ ಹಾಗೂ ಆರೋಪಿ ಗಿಣಿಯನ್ನು ವಶಕ್ಕೆ ಪಡೆದುಕೊಂಡು ಸಿದ್ದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಳ್ಳಲಾಗಿದೆ. 

ವಿಷ ಸೇವಿಸಿ ಆತ್ಮಹತ್ಯೆ
                       ದಿನಾಂಕ 08/12/2017ರಂದು ಪೊನ್ನಂಪೇಟೆ ಬಳಿಯ ತಿತಿಮತಿ ನಿವಾಸಿ ಪಣಿ ಎರವರ ಮುತ್ತಕ್ಕಿ ಎಂಬಾಕೆಯು ಮದ್ಯವೆಂದು ಭ್ರಮಿಸಿ ಕಳೆ ನಾಶಕ ಔಷಧಿ ಸೇವಿಸಿ ಅಸ್ವಸ್ಥಳಾಗಿ ಆಸ್ಪತ್ರೆಗೆ ದಾಖಲಾಗಿದ್ದು ದಿನಾಂಕ 10/12/2017ರಂದು ಮಡಿಕೇರಿಯ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೆ ಮೃತಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಪೊನ್ನಂಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಕಳವು ಪ್ರಕರಣ
                          ದಿನಾಂಕ11/12/2017ರಂದು ಗೋಣಿಕೊಪ್ಪ ಬಳಿಯ ಕೈಕೇರಿ ನಿವಾಸಿ ಮುರುವಂಡ ಕುಶಾಲಪ್ಪ ಎಂಬವರು ಮನೆಯಲ್ಲಿರುವಾಗ ಅವರ ಕುಟುಂಬದ ಮಾದಯ್ಯ ಎಂಬವರು ದೂರವಾಣಿ ಕರೆ ಮಾಡಿ ಕೊಳತ್ತೋಡು ಗ್ರಾಮದಲ್ಲಿರುವ ಕುಶಾಲಪ್ಪನವರ ತೋಟದಲ್ಲಿ ಬಾಳೆ ಕಳ್ಳತನ ಮಾಡುತ್ತಿದ್ದ ಇಬ್ಬರನ್ನು ಸಾರ್ವಜನಿಕರು ಹಿಡಿದಿರುವುದಾಗಿ ತಿಳಿಸಿದ ಮೇರೆಗೆ ಕುಶಾಲಪ್ಪನವರು ಕೊಳತ್ತೋಡು ಗ್ರಾಮಕ್ಕೆ ಹೋದಾಗ ಅಲ್ಲಿ ಅವರ ತೋಟದ ಬಳಿ ಕೆಎ-12-ಬಿ- 1893ರ ಒಂದು ರಿಕ್ಷಾ ನಿಂತಿದ್ದು ಅದರೊಳಗೆ ಸುಮಾರು ರೂ. 1000/- ಮೌಲ್ಯದ 14  ಬಾಳೆ ಗೊನೆಗಳಿದ್ದು  ಜೊತೆಗೆ ಜೋಡುಬೆಟ್ಟಿ ಗ್ರಾಮದ ಲೋಕೇಶ್‌ ಮತ್ತು ಕಿಶೋರ್‌ ಎಂಬ ಇಬ್ಬರು ಯುವಕರಿದ್ದು ಅವರು ತಾವೇ ಬಾಳೆಗೊನೆಗಳನ್ನು ಕಳವು ಮಾಡಿರುವುದಾಗಿ ಒಪ್ಪಿಕೊಂಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಾನ್ ಅವಘಢ
                     ದಿನಾಂಕ 11/12/2017ರಂದು ಪಶ್ಚಿಮ ಬಂಗಾಳದ ರಿಷಬ್ ಅಗರ್‌ವಾಲ್ ಮತ್ತು ಇತರರು ಕೆಎ-04-ಡಿ-0949ರ ಟೆಂಪೋ ಟ್ರಾವೆಲರ್ ವ್ಯಾನಿನಲ್ಲಿ  ವಿರಾಜಪೇಟೆ ಬಳಿಯ ಪಾಲಂಗಾಲ ಗ್ರಾಮದಿಂದ ವಿರಾಜಪೇಟೆ ನಗರಕ್ಕೆ ಹೋಗುತ್ತಿರುವಾಗ ಅರಮೇರಿ ಬಳಿ ವ್ಯಾನಿನ ಚಾಲಕ ವ್ಯಾನನ್ನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿದ ಪರಿಣಾಮ ವ್ಯಾನು ಚಾಲಕನ ನಿಯಂತ್ರಣ ತಪ್ಪಿ ರಸ್ತೆಯಲ್ಲಿ ಮಗುಚಿಕೊಂಡಿದ್ದು ವ್ಯಾನಿನೊಳಗಿದ್ದ ಸುಮಾರು 7 ಜನ ಪ್ರಯಾಣಿಕರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Monday, December 11, 2017

ದಾರಿ ತಡೆದು ವ್ಯಕ್ತಿ ಮೇಲೆ ಹಲ್ಲೆ:
 
     ಮಡಿಕೇರಿ ನಗರದ ಅಶೋಕಪುರ ನಿವಾಸಿ ಜೆ. ಮೈಕಲ್ ಮಾರ್ಷಲ್ ಎಂಬವರು ದಿನಾಂಕ 9-12-2017 ರಂದು ರಾತ್ರಿ 11-15 ಗಂಟೆಗೆ ಮಡಿಕೇರಿ ನಗರದ ಜಿ.ಟಿ. ವೃತ್ತದಲ್ಲಿರುವ ಹಿಲ್ ಟಾಪ್ ಹೋಟೇಲಿನಲ್ಲಿ ಊಟ ಮುಗಿಸಿ ಹೊರಗೆ ಬಂದಾಗ ಆರೋಪಿಗಳಾದ ಭಗವತಿ ನಗರದ ಕಾಶಿ ಹಾಗು ಇಬ್ಬರು ವ್ಯಕ್ತಿಗಳು ಫಿರ್ಯಾದಿ ಜೆ. ಮೈಕಲ್ ಮಾರ್ಷಲ್ ರವರ ದಾರಿ ತಡೆದು ವಿನಾಕಾರಣ ಹೆಲ್ಮಟ್ ನಿಂದ ತಲೆಗೆ ಹಲ್ಲೆ ಮಾಡಿ ಗಾಯಪಡಿಸಿದ್ದು  ಅಲ್ಲದೆ ಕೈಯಿಂದ ಹಲ್ಲೆ ನಡೆಸಿ ನೋವನ್ನುಂಟು ಮಾಡಿರುತ್ತಾರೆಂದು ನೀಡಿರುವ ದೂರಿನ ಮೇರೆಗೆ ಮಡಿಕೇರಿ ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.
 
ಮಗುವಿನ ಕುತ್ತಿಗೆಯಿಂದ ಚಿನ್ನದ ಸರ ಕಳವು:
 
     ಸುಂಟಿಕೊಪ್ಪ ಠಾಣಾ ವ್ಯಾಪ್ತಿಯ 7ನೇ ಹೊಸಕೋಟೆ ಗ್ರಾಮದ ನಿವಾಸಿ ಕೈರುನ್ನೀಸ ಎಂಬವರ ಮೊಮ್ಮಗಳು 2 ವರೆ ವರ್ಷ ಪ್ರಾಯದ ಅಫ್ನಾ ಎಂಬಾಕೆಯ ಕುತ್ತಿಗೆಯಲ್ಲಿದ್ದ 8 ಗ್ರಾಂ ತೂಕದ ಚಿನ್ನದ ಸರವು ದಿನಾಂಕ  4-12-2017 ರಂದು ಕಾಣೆಯಾಗಿದ್ದು, ಸದರಿ ಚಿನ್ನದ ಸರವನ್ನು ಟೀ ಕುಡಿಯಲು ಬಂದಿದ್ದ ಆಟೋ ಚಾಲಕನು ತೆಗೆದುಕೊಂಡು ಹೋಗಿರಬಹುದೆಂದು ಸಂದೇಹವಿರುವುದಾಗಿ ನೀಡಿದ ದೂರಿನ ಮೇರೆಗೆ ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ. 
 
ದಾರಿತಡೆದು ಹಲ್ಲೆ:
 
     ಸುಂಟಿಕೊಪ್ಪ ಠಾಣಾ ವ್ಯಾಪ್ತಿಯ ಅಂದಗೋವೆ ಗ್ರಾಮದ ಕೇಚಿರ ಭಾಗೇಶ್ ಎಂಬವರ ಕಾಫಿ ಎಸ್ಟೇಟ್ ನಲ್ಲಿ ವಾಸವಾಗಿರುವ ವಿ. ವಿನೋದ್ @ ಅಪ್ಪು ಎಂಬವರನ್ನು ದಿನಾಂಕ 10-12-2017 ರಂದು ಸಂಜೆ 6-00 ಗಂಟೆಯ ಸಮಯದಲ್ಲಿ ಅಂದಗೋವೆ ಗಿರಿಜನ ಕಾಲೋನಿಯ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದಾ ಆರೋಪಿಗಳಾದ ಗಿರಿಜನ ಕಾಲೋನಿಯ ಚೋಮ, ಮಂಜು, ರುಕ್ಕು ಹಾಗು ಜಯ ರವರುಗಳು ದಾರಿಯಲ್ಲಿ ತಡೆದು ನಿಲ್ಲಿಸಿ ಹಳೇ ದ್ವೇಷದ ಹಿನ್ನೆಲೆಯಲ್ಲಿ ದೊಣ್ಣೆಯಿಂದ ಹಲ್ಲೆ ನಡೆಸಿ ಗಾಯಪಡಿಸಿದ್ದು, ಈ ಸಂಬಂಧ ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.
 
 

Sunday, December 10, 2017

ಕ್ಷುಲ್ಲಕ ಕಾರಣಕ್ಕೆ ವ್ಯಕ್ತಿಯ ಮೇಲೆ ಹಲ್ಲೆ
        ದಿನಾಂಕ 8-12-2017 ರಂದು ಮಡಿಕೇರಿ ತಾಲೂಕಿನ ಮದೆನಾಡು ಗ್ರಾಮದ ನಿವಾಸಿಯಾದ ಪ್ರಭಾಕರ ಎಂಬುವವರು ಸುಂದರರವರ ಅಂಗಡಿಯ ಮುಂದೆ ಭುವನೇಶ್ ಮತ್ತು ರಘುಪತಿಯವರೊಂದಿಗೆ ಕಾಫಿ ತೋಟದಲ್ಲಿ ಚರಂಡಿ ಮಾಡಲು ಕೃಷಿ ಇಲಾಖೆಯಿಂದ ಹಣ ಬಿಡುಗಡೆಯಾಗಿರುವ ಬಗ್ಗೆ ಮಾತನಾಡಿಕೊಂಡಿರುವಾಗ ಅಲ್ಲಿಗೆ ಅದೇ ಗ್ರಾಮದ ನಾರಾಯಣರವರು ಹೋಗಿ ವಿನಾ ಕಾರಣ ಜಗಳ ತೆಗೆದು ಪ್ರಭಾಕರರವರ ಮೇಲೆ ಹಲ್ಲೆ ನಡೆಸಿದ್ದು ಈ ಬಗ್ಗೆ ಪ್ರಭಾಕರರವರು ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಅಕ್ರಮ ಮರಳು ಸಾಗಾಟ ಲಾರಿ ವಶಕ್ಕೆ
                 ದಿನಾಂಕ 9-12-2017 ರಂದು ಸಿದ್ದಾಪುರ ಪೊಲೀಸ್ ಠಾಣಾ ಸಿಬ್ಬಂದಿಯವರು ಗಸ್ತು ಮಾಡುತ್ತಿರುವಾಗ ಬೆಳಿಗ್ಗೆ 5-30 ಗಂಟೆಗೆ ಮಡಿಕೇರಿ ರಸ್ತೆ ಕಡೆಯಿಂದ ಸಿದ್ದಾಪುರದ ಕಡೆಗೆ ಟಿಪ್ಪರ್ ಮಿನಿ ಲಾರಿಯೊಂದು ಬರುತ್ತಿದ್ದುದ್ದನ್ನು ತಡೆಯಲಾಗಿ ಲಾರಿಯ ಚಾಲಕ ಸೈನುದ್ದೀನ್ ಎಂಬುವವರು ಲಾರಿಯನ್ನು ನಿಲ್ಲಿಸಿ ಓಡಿ ಹೋಗಿದ್ದು ಲಾರಿಯನ್ನು ಪರಿಶೀಲಿಸಿದಾಗ ಮರಳು ತುಂಬಿದ್ದು, ಯಾವುದೇ ಪರವಾನಿಗೆ ಇಲ್ಲದೇ ಅಕ್ರಮವಾಗಿ ಮರಳು ಸಾಗಾಟ ಮಾಡುತ್ತಿದ್ದುದ್ದಿಂದ ಈ ಬಗ್ಗೆ ಸಿದ್ದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಕ್ಷುಲ್ಲಕ ಕಾರಣಕ್ಕೆ ಹಲ್ಲೆ
            ದಿನಾಂಕ 8-12-2017 ರಂದು ಮಡಿಕೇರಿ ತಾಲೂಕಿನ ಕಗ್ಗೋಡ್ಲು ಗ್ರಾಮದ ನಿವಾಸಿಯಾದ ನೇತ್ರಾವತಿ ಎಂಬುವವರು ಮನೆಯಲ್ಲಿರುವಾಗ ಅದೇ ಗ್ರಾಮದ ನಿವಾಸಿಗಳಾದ ಸುಪ್ರಿತ್ ಮತ್ತು ಶೋಭಾರವರು ಮನೆಯ ಹತ್ತಿರ ಹೋಗಿ ಸುಪ್ರಿತ್ ರವರ ಮನೆಗೆ ಯಾರೋ ಕಲ್ಲು ಹೊಡೆದ ವಿಚಾರದಲ್ಲಿ ಜಗಳ ಮಾಡಿ ಇಬ್ಬರೂ ಸೇರಿ ನೇತ್ರಾವತಿಯವರ ಮೇಲೆ ಹಲ್ಲೆ ನಡೆಸಿದ್ದು ಈ ಬಗ್ಗೆ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

Saturday, December 9, 2017

ಹಲ್ಲೆಗೊಳದಾದ ವ್ಯಕ್ತಿ ಸಾವು:
 
     ಪೊನ್ನಂಪೇಟೆ ಠಾಣಾ ಸರಹದ್ದಿನ ದೇವನೂರು ಗ್ರಾಮದ ನಿವಾಸಿ ಪಂಜರಿ ಎರವರ ಮಣಿ ಎಂಬಾತನ ಮೇಲೆ  ಅದೇ ಗ್ರಾಮದ ನಿವಾಸಿಗಳಾದ ಪಂಜರಿ ಎರವರ ಮುತ್ತ, ಪಂಜರಿ ಎರವರ ಮಹೇಶ ಹಾಗು ಶ್ರೀಮತಿ ಗೋಪಿ ಎಂಬವರುಗಳು ದಿನಾಂಕ 3-12-2017 ರಂದು ಹಣದ ವಿಚಾರದಲ್ಲಿ ಜಗಳ ಮಾಡಿ ಕೈಗಳಿಂದ ಮತ್ತು ದೊಣ್ಣೆಯಿಂದ ಹಲ್ಲೆ ನಡೆಸಿದ ಪರಿಣಾಮ ಮಣಿರವರು ಪ್ರಜ್ಞೆಯನ್ನು ಕಳೆದುಕೊಂಡು ಅವರನ್ನು ಚಿಕಿತ್ಸೆಗಾಗಿ ಮೈಸೂರಿನ ಕೆ.ಆರ್. ಆಸ್ಪತ್ರೆಯಲ್ಲಿ ದಾಖಲಿಸಲಾಗಿತ್ತು.  ಸದರಿಯವರು ಚಿಕಿತ್ಸೆ ಫಲಕಾರಿಯಾಗದೆ ದಿನಾಂಕ 7-12-2017 ರಂದು ಆಸ್ಪತ್ರೆಯಲ್ಲಿ ಸಾವನಪ್ಪಿದ್ದು, ಈ ಸಂಬಂಧ  ಮೃತನ ತಂದೆ ಪಂಜರಿ ಎರವರ ಗಾಂಧಿರವರು ನೀಡಿದ ದೂರಿನ ಮೇರೆಗೆ  ಪೊನ್ನಂಪೇಟೆ ಪೊಲೀಸರು ಆರೋಪಿಗಳ ವಿರುದ್ಧ ಕೊಲೆ ಪ್ರಕರಣ ದಾಖಲಿಸಿದ್ದು, ತನಿಖೆ ಕೈಗೊಂಡಿದ್ದಾರೆ.
 
ನೇಣುಬಿಗಿದುಕೊಂಡು ವ್ಯಕ್ತಿ ಆತ್ಮಹತ್ಯೆ:
 
     ಶ್ರೀಮಂಗಲ ಪೊಲೀಸ್ ಠಾಣಾ ಸರಹದ್ದಿನ  ಕುರ್ಚಿ ಗ್ರಾಮದ ನಿವಾಸಿ 58 ವರ್ಷ ಪ್ರಾಯದ ಗೋವಿ ಎಂಬ ವ್ಯಕ್ತಿ ದಿನಾಂಕ 7-12-2017 ರಂದು ರಾತ್ರಿ ತಾನು ವಾಸವಾಗಿದ್ದ ಮನೆಯಲ್ಲಿ ನೇಣುಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು ಶ್ರೀಮಂಗಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಾಗಿದೆ.
 
ವಾಹನ ಕಳವು:
 
     ರಸ್ತೆ ಬದಿಯಲ್ಲಿ ನಿಲ್ಲಿಸಿದ್ದ ಬೊಲೆರೋ ಜೀಪೊಂದನ್ನು ಕಳ್ಳರು ಕಳವು ಮಾಡಿಕೊಂಡು ಹೋದ ಘಟನೆ ಸುಂಟಿಕೊಪ್ಪ ಠಾಣಾ ಸರಹದ್ದಿನ 7ನೇ ಹೊಸಕೋಟೆ ಗ್ರಾಮದಲ್ಲಿ ನಡೆದಿದೆ.  7ನೇ ಹೊಸಕೋಟೆ ಗ್ರಾಮದ ನಿವಾಸಿಯಾದ ಎ.ಅಜೀದ್ ಎಂಬವರು ದಿನಾಂಕ 6-12-2017 ರಂದು ರಾತ್ರಿ 9-00 ಗಂಟೆಯ ಸಮಯದಲ್ಲಿ ತಮ್ಮ ಬಾಪ್ತು ಬೊಲೆರೋ ಜೀಪನ್ನು 7ನೇ ಹೊಸಕೋಟೆ ಗ್ರಾಮದಲ್ಲಿರುವ ಮದೀನಾ ಹೋಟೇಲ್ ಮುಂದೆ ರಸ್ತೆಯ ಬದಿಯಲ್ಲಿ ನಿಲ್ಲಿದ್ದು ಸದರಿ ವಾಹನವನ್ನು ಯಾರೋ ಕಳ್ಳರು ಕಳವು ಮಾಡಿಕೊಂಡು ಹೋಗಿದ್ದು, ಈ ಸಂಬಂಧ ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.
 
ಕ್ಷುಲ್ಲಕ ಕಾರಣಕ್ಕೆ ವ್ಯಕ್ತಿ ಮೇಲೆ ಹಲ್ಲೆ:
 
     ಸುಂಟಿಕೊಪ್ಪ ಠಾಣಾ ವ್ಯಾಪ್ತಿಯ 7ನೇ ಹೊಸಕೋಟೆ ಗ್ರಾಮದ ಕೆ.ಎಲ್. ರಾಜನ್ ಎಂಬವರು ದಿನಾಂಕ 7-12-2017 ರಂದು ರಾತ್ರಿ 8-30 ಗಂಟೆಗೆ  7ನೇ ಹೊಸಕೋಟೆ ಗ್ರಾಮದ ಸಾರ್ವಜನಿಕ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದಾಗ ಆರೋಪಿಗಳಾದ ಮಣಿಕಂಠ ಹಾಗು ಮಂಜು ಎಂಬವರುಗಳು ಜಗಳ ಮಾಡಿ ಕಲ್ಲಿನಿಂದ ಹಲ್ಲೆ ಮಾಡಿ ಗಾಯಪಡಿಸಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.
 
ಶೆಟ್ಟರ್ಸ್ ತೆರೆದು ನಗದು ಕಳವು:
 
     ದಿನಾಂಕ 7-12-2017ರಂದು ರಾತ್ರಿ ಸೋಮವಾರಪೇಟೆ ಠಾಣಾ ಸರಹದ್ದಿನ ತ್ಯಾಗರಾಜ ರಸ್ತೆಯಲ್ಲಿರುವ ಡಿ.ವಿ. ರವಿಕುಮಾರ್ ಎಂಬವರಿಗೆ ಸೇರಿದ ಸುಮುಖ್ ಔಷಧಿ ಅಂಗಡಿಯ ಶೆಟರ್ಸ್ ನ್ನು ಮೀಟಿ ಅದರ ಮೂಲಕ ಅಂಗಡಿಗೆ ನುಗ್ಗಿದ ಕಳ್ಳರು ರೂ.500/- ಗಳನ್ನು ಕಳ್ಳತನ ಮಾಡಿಕೊಂಡು ಹೋಗಿದ್ದು, ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
 
ಬಾರ್ ನಿಂದ ನಗದು ಕಳವು:
 
     ಸೋಮವಾರಪೇಟೆ ಠಾಣಾ ವ್ಯಾಪ್ತಿಯ ಸೋಮವಾರಪೇಟೆ ನಗರದ ಸುಬ್ಬಯ್ಯ ರಸ್ತೆಯಲ್ಲಿರುವ ಬಾಲಕೃಷ್ಣ ರೈ ಎಂಬವರಿಗೆ ಸೇರಿದ ಟೆಕ್ಮಾ ಬಾರ್ ಗೆ ದಿನಾಂಕ 7-12-2017 ರಂದು ರಾತ್ರಿ ಯಾರೋ ಕಳ್ಳರು ಬಾರಿನ ಶೆಟರ್ಸ್ ಗೆ ಹಾಕಿದ ಬೀಗವನ್ನು ಮುರಿದು ಬಾರಿನೊಳಗೆ ಪ್ರವೇಶ ಮಾಡಿ ಡ್ರಾಯರ್ ನಲ್ಲಿಟ್ಟಿದ್ದ 3221-00 ರೂ. ಗಳನ್ನು ಕಳ್ಳತನ ಮಾಡಿಕೊಂಡು ಹೋಗಿದ್ದು, ಈ ಸಂಬಂಧ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
 
ಮದ್ಯದಂಗಡಿಯಿಂದ ನಗದು ಮತ್ತು ಮದ್ಯ ಕಳವು:
 
     ಶನಿವಾರಸಂತೆ ಠಾಣಾ ವ್ಯಾಪ್ತಿಯ  ನಗರದ ಹೋಸೂರು ರಸ್ತೆ ಯಲ್ಲಿರುವ ಬಿ.ಕೆ. ದಿನೇಶ್ ಎಂಬವರಿಗೆ ಸೇರಿದ ಮಲ್ನಾಡ್ ಬ್ರಾಂದಿ ಅಂಗಡಿಗೆ ದಿನಾಂಕ 7-12-2017 ರಂದು ರಾತ್ರಿ ಯಾರೋ ಕಳ್ಳರು ಅಂಗಡಿಯ ಬೀಗವನ್ನು ಮುರಿದು ಒಳಗೆ ಪ್ರವೇಶ ಮಾಡಿ ಡ್ರಾಯರ್ ನಲ್ಲಿಟ್ಟಿದ್ದ 7,000 ರೂ. ನಗದು ಮತ್ತು ವಿವಿಧ ಮಾದರಿಯ ಸುಮಾರು 15,000ರೂ. ಬೆಲೆಬಾಳುವ ಮದ್ಯವನ್ನು ಕಳ್ಳತನ ಮಾಡಿಕೊಂಡು ಹೋಗಿದ್ದು, ಶನಿವಾರಸಂತೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.
 
ನೇಣುಬಿಗಿದು ವ್ಯಕ್ತಿ ಆತ್ಮಹತ್ಯೆ:
 
     ವಿರಾಜಪೇಟೆ ಗ್ರಾಮಾಂತರ ಠಾಣಾ ಸರಹದ್ದಿನ ಕಾವಾಡಿ ಗ್ರಾಮದ ನಿವಾಸಿ ಪಣಿಎರವರ ಬೆಳ್ಳಿ  ಎಂಬವ ಮಗ ಪಣಿಎರವರ ಪುಚ್ಚ ಎಂಬ ವ್ಯಕ್ತಿ ದಿನಾಂಕ 3-12-2017 ರಂದು ಮನೆಯಿಂದ ಹೊರಗೆ ಹೋಗಿದ್ದು ದಿನಾಂಕ 8-12-2017 ರಂದು ಅವರು ವಾಸವಾಗಿರುವ ಮನೆಯ ಸ್ವಲ್ಪ ದೂರದಲ್ಲಿ ಸದರಿ ಪುಚ್ಚ ನೇಣುಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವುದು ಕಂಡು ಬಂದಿದ್ದು, ಈ ಸಂಬಂಧ ಪಣಿಎರವರ ಬೆಳ್ಳಿರವರು ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.
 
 
 
 

Friday, December 8, 2017

ಕುಖ್ಯಾತ ಬೈಕ್ ಚೋರನ ಬಂಧನ
                  ಜಿಲ್ಲೆಯೂ ಸೇರಿದಂತೆ ರಾಜ್ಯದ ವಿವಿದೆಡೆ ಬೈಕ್ ಕಳವು ಮಾಡುತ್ತಿದ್ದ ಕುಖ್ಯಾತ ಬೈಕ್ ಚೋರನನ್ನು ಬಂಧಿಸುವಲ್ಲಿ ಕುಶಾಲನಗರ ಪೊಲೀಸರು ಯಶಸ್ವಿಯಾಗಿದ್ದಾರೆ. 

             ಇತ್ತೀಚೆಗೆ ಕೊಡಗು ಜಿಲ್ಲೆಯಾದ್ಯಂತ ದ್ವಿಚಕ್ರ ವಾಹನಗಳ ಕಳವು ಪ್ರಕರಣಗಳು ಹೆಚ್ಚಾಗುತ್ತಿದ್ದು ಇವುಗಳನ್ನು ತಡೆಗಟ್ಟುವ ನಿಟ್ಟಿನಲ್ಲಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಪಿ.ರಾಜೇಂದ್ರ ಪ್ರಸಾದ್, ಐಪಿಎಸ್‌ರವರು ಜಿಲ್ಲೆಯ ಎಲ್ಲಾ ಪೊಲೀಸ್ ಅಧಿಕಾರಿಗಳಿಗೆ ಕಟ್ಟುನಿಟ್ಟಿನ ನಿರ್ದೇಶನಗಳನ್ನು ನೀಡಿದ್ದರು.

                    ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳ ನಿರ್ದೇಶನದಂತೆ ಕಾರ್ಯಪ್ರವೃತ್ತರಾದ ಕುಶಾಲನಗರ ಪೊಲೀಸರಿಗೆ ದಿನಾಂಕ 05/12/2017 ರಂದು ಕುಶಾಲನಗರದ ಕೂಡಿಗೆ ಸೇತುವೆಯ ಬಳಿ ಓರ್ವ ವ್ಯಕ್ತಿಯು ದ್ವಿಚಕ್ರ ವಾಹನವೊಂದನ್ನು ಮಾರಾಟ ಮಾಡಲು ಯತ್ನಿಸುತ್ತಿರುವುದಾಗಿ ದೊರೆತ ಸುಳಿವಿನ ಮೇರೆಗೆ ಕುಶಾಲನಗರ ವೃತ್ತ ನಿರೀಕ್ಷಕರಾದ ಕ್ಯಾತೇಗೌಡರು ಸಿಬ್ಬಂದಿಯವರೊಂದಿಗೆ ಕೂಡಿಗೆ ಸೇತುವೆಯ ಬಳಿ ತೆರಳಿದಾಗ ಅಲ್ಲಿನ ಒಂದು ಗ್ಯಾರೇಜಿನ ಮುಂದೆ ಕೆಎ-05-ಇಎಫ್-7085 ರ ಸಂಖ್ಯೆಯ ಮೋಟಾರ್ ಸೈಕಲಿನೊಂದಿಗೆ ನಿಂತಿದ್ದ ಓರ್ವ ವ್ಯಕ್ತಿಯು ಪೊಲೀಸರನ್ನು ಕಂಡು ಪರಾರಿಯಾಗಲು ಯತ್ನಿಸಿದ್ದು, ಆತನನ್ನು ಹಿಡಿದು ವಶಕ್ಕೆ ಪಡೆದು ವಿಚಾರಿಸಿದಾಗ ಮಾರಾಟ ಮಾಡಲು ಯತ್ನಿಸುತ್ತಿದ್ದ ಮೋಟಾರ್ ಸೈಕಲ್ ಅನ್ನು ಕುಶಾಲನಗರದ ಇಂದಿರಾ ಬಡಾವಣೆಯಲ್ಲಿ ಕಳವು ಮಾಡಿರುವುದಾಗಿ ತಿಳಿಸಿದ್ದು ಆತನು ಸುಂಟಿಕೊಪ್ಪ ಬಳಿಯ ಕಾಂಡನಕೊಲ್ಲಿಯ ನಿವಾಸಿ ಎಂ.ಎ.ಬೋಪಣ್ಣ ಯಾನೆ ಶರಣ್ ಯಾನೆ ಹರ್ಷ ಎಂಬುದಾಗಿ ತಿಳಿಸಿರುತ್ತಾನೆ.

                     ಆರೋಪಿ ಬೋಪಣ್ಣನನ್ನು ಕೂಲಂಕುಶವಾಗಿ ವಿಚಾರಣೆ ನಡೆಸಿದಾಗ ಆತನು ಕೊಡಗು ಜಿಲ್ಲೆಯ ಕುಶಾಲನಗರದಿಂದ ಒಂದು, ಮೈಸೂರು ಜಿಲ್ಲೆಯ ಹುಣಸೂರಿನಿಂದ ಐದು, ಪಿರಿಯಾಪಟ್ಟಣದಿಂದ ಆರು, ಬಿಳಿಕೆರೆಯಿಂದ ನಾಲ್ಕು, ಮಂಡ್ಯ ಜಿಲ್ಲೆಯ ಶ್ರೀರಂಗಪಟ್ಟಣದಿಂದ ಒಂದು, ಕೃಷ್ಣರಾಜಸಾಗರ ವ್ಯಾಪ್ತಿಯಿಂದ ಎರಡು ಮತ್ತು ಬೆಂಗಳೂರು ನಗರ ವ್ಯಾಪ್ತಿಯಿಂದ ಎರಡು ಬೈಕುಗಳು ಸೇರಿದಂತೆ ಒಟ್ಟು 21 ದ್ವಿಚಕ್ರ ವಾಹನಗಳನ್ನು ಕಳವು ಮಾಡಿದ್ದು ಅವುಗಳನ್ನು ಕುಶಾಲನಗರದಲ್ಲಿ-03, ಸುಂಟಿಕೊಪ್ಪದಲ್ಲಿ-01, ಕಾಂಡನಕೊಲ್ಲಿಯಲ್ಲಿ-01, 7ನೇಹೊಸಕೋಟೆಯಲ್ಲಿ-01, ಮಡಿಕೇರಿಯಲ್ಲಿ-03, ಮಾದಾಪುರದಲ್ಲಿ-02, ಮೂರ್ನಾಡಿನಲ್ಲಿ -01, ವಿರಾಜಪೇಟೆಯಲ್ಲಿ-04, ಗೋಣಿಕೊಪ್ಪದಲ್ಲಿ-02, ಸಿದ್ದಾಪುರದಲ್ಲಿ-01 ಮತ್ತು ಬೆಂಗಳೂರಿನಲ್ಲಿ-01 ಕಡೆಯ ಗ್ಯಾರೇಜುಗಳಲ್ಲಿ ಮೆಕ್ಯಾನಿಕ್‌ಗಳಿಗೆ ಹಾಗೂ ಆತನ ಸ್ನೇಹಿತರಿಗೆ ಸ್ವಂತದ್ದೆಂದು ನಂಬಿಸಿ ಮಾರಾಟ ಮಾಡಿರುವುದಾಗಿ ತಪ್ಪೊಪ್ಪಿಕೊಂಡಿರುತ್ತಾನೆ. ಆರೋಪಿ ಬೋಪಣ್ಣನಿಂದ ಆತನು ಕಳವು ಮಾಡಿದ ಸುಮಾರು ರೂ.6,30,000/- ಬೆಲೆಯ ದ್ವಿಚಕ್ರ ವಾಹನಗಳನ್ನು ವಶಪಡಿಸಿಕೊಳ್ಳಲಾಗಿದೆ.

                            ಸುಂಟಿಕೊಪ್ಪ ಬಳಿಯ ಕಾಂಡನಕೊಲ್ಲಿ ಬಳಿಯ ನಿವಾಸಿಯಾದ 28 ವರ್ಷ ಪ್ರಾಯದ ಎಂ.ಎ.ಬೋಪ್ಪಣ್ಣನು 10 ನೇ ತರಗತಿಯವರೆಗೆ ಸುಂಟಿಕೊಪ್ಪ ಮತ್ತು ಮಾದಾಪುರದ ಸರ್ಕಾರಿ ಶಾಲೆಯಲ್ಲಿ ವ್ಯಾಸಂಗ ಮಾಡಿದ್ದು, ಬೆಂಗಳೂರಿನ ಎ.ಡಿ.ಸಿ. ಹಾಗೂ ಸೆಕ್ಯೂರ್ ವ್ಯಾಲ್ಯೂ ಸಾಫ್ಟ್‌ವೇರ್ ಕಂಪೆನಿಗಳಲ್ಲಿ ಗನ್ ಮ್ಯಾನ್ ಆಗಿ, ಮಡಿಕೇರಿಯ ವ್ಯಾಂಡಮ್ ಎಂಟರ್ ಪ್ರೈಸಸ್ ನಲ್ಲಿ ಸೇಲ್ಸ್ ಮ್ಯಾನ್ ಆಗಿ ಕೆಲಸ ಮಾಡಿ ನಂತರ ಬೆಂಗಳೂರಿನ ಜಿ ಪಿ. ಮಾರ್ಗನ್ ಕಂಪೆನಿಯಲ್ಲಿ ಟೀ ಕೌಂಟರ್ ನಡೆಸುತ್ತಿರುವುದಾಗಿ ವಿಚಾರಣೆಯಿಂದ ತಿಳಿದು ಬಂದಿದೆ. ಈತನ ವಿರುದ್ದ ಈ ಹಿಂದೆ ಸುಂಟಿಕೊಪ್ಪ ಠಾಣಾ ವ್ಯಾಪ್ತಿಯಲ್ಲಿ ಮೊ.ಸಂ. 67/2016 ಕಲಂ 379 ಐ.ಪಿ.ಸಿ ಯನ್ವಯ ಕಳವು ಪ್ರಕರಣ ದಾಖಲಾಗಿರುತ್ತದೆ.

                        ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಪಿ.ರಾಜೇಂದ್ರ ಪ್ರಸಾದ್, ಐಪಿಎಸ್ರವರ ಮಾರ್ಗದರ್ಶನದಲ್ಲಿ ಸೋಮವಾರಪೇಟೆ ಉಪವಿಭಾಗದ ಪೊಲೀಸ್ ಉಪಾಧೀಕ್ಷಕ ಪಿ.ಕೆ.ಮುರಳೀಧರ್‌ರವರ ನೇತೃತ್ವದಲ್ಲಿ ನಡೆದ ಕಾರ್ಯಾಚರಣೆಯಲ್ಲಿ ಕುಶಾಲನಗರ ವೃತ್ತ ನಿರೀಕ್ಷಕರಾದ ಕ್ಯಾತೇಗೌಡ, ಕುಶಾಲನಗರ ನಗರ ಪಟ್ಟಣ ಪೊಲೀಸ್ ಠಾಣೆಯ ಪಿಎಸ್ಐ ಜಗದೀಶ್.ಪಿ, ಸಿಬ್ಬಂದಿಗಳಾದ ಸುಧೀಶ್‌ಕುಮಾರ್ ಲೋಕೇಶ್, ಮುಸ್ತಫಾ, ಸಜಿ, ದಯಾನಂದ, ಸುರೇಶ್, ಉದಯಕುಮಾರ್, ಸಂಪತ್ ರೈ, ಚಾಲಕರಾದ ಲೋಕೇಶ್ ಬಿ.ಆರ್. ಮತ್ತು ಗಣೇಶ್ ಹಾಗೂ ಸೈಬರ್ ಸೆಲ್‌ನ ರಾಜೇಶ್ ಸಿ.ಕೆ., ಗಿರೀಶ್ ಎಂ.ಎ., ಹಾಗೂ ಗೃಹರಕ್ಷಕ ದಳದ ಹೋಂಗಾರ್ಡ್‌ ಕುಮಾರ ಮುಂತಾದವರು ಪಾಲ್ಗೊಂಡಿದ್ದು, ಇವರ ಕಾರ್ಯವೈಖರಿಯನ್ನು ಶ್ಲಾಘಿಸಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಪಿ.ರಾಜೇಂದ್ರ ಪ್ರಸಾದ್, ಐಪಿಎಸ್‌ರವರು ನಗದು ಬಹುಮಾನವನ್ನು ಘೋಷಿಸಿರುತ್ತಾರೆ. ಸಾರ್ವಜನಿಕರು ಹಳೆಯ ವಾಹನಗಳನ್ನು ಖರೀದಿಸುವ ಸಂದರ್ಭದಲ್ಲಿ ತಾವು ಖರೀದಿಸಲು ಇಚ್ಛಿಸುವ ವಾಹನದ ಬಗ್ಗೆ ಕೊಡಗು ಜಿಲ್ಲಾ ಪೊಲೀಸ್ ಕಛೇರಿಯಲ್ಲಿರುವ ವಾಹನ ತಪಾಸಣಾ ವಿಭಾಗದಲ್ಲಿ ಪರಿಶೀಲನೆ ಮಾಡಿಸಿ ನಂತರ ಆ ವಾಹನವನ್ನು ಖರೀದಿಸುವಂತೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳು ಕೋರಿದ್ದಾರೆ


ಯುವಕ ಆತ್ಮಹತ್ಯೆ
                     ನಾಪೋಕ್ಲು ಬಳಿಯ ಯವಕಪಾಡಿ ಗ್ರಾಮದ ಚಿಂಗಾರ ಹೋಂ ಸ್ಟೇಯ ಮಾಲೀಕ ಎ.ಎಸ್.ಚಂಗಪ್ಪ ಎಂಬವರ ಮಗ ಶರತ್ ಸೋಮಣ್ಣ ಎಂಬ ಯುವಕ ದಿನಾಂಕ 06/12/2017ರ ಸಂಜೆಯಿಂದ 07/12/2017ರ ಬೆಳಗಿನ ನಡುವಿನ ಅವಧಿಯಲ್ಲಿ ಅವರ ಕಾಫಿ ತೋಟದಲ್ಲಿ ಹಲಸಿನ ಮರದ ಕೊಂಬೆಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ವರದಿಯಾಗಿದೆ. ಯವಕಪಾಡಿ ನಿವಾಸಿ ಎ.ಎಸ್.ಚಂಗಪ್ಪನವರ ಹನಿ ವ್ಯಾಲಿ ಕಾಫಿ ತೋಟದ ನಡುವೆ ಅವರಿಗೆ ಸೇರಿದ ಚಿಂಗಾರ ಎಂಬ ಹೆಸರಿನ ಹೋಂ ಸ್ಟೇ ಇದ್ದು ಅದರ ಉಸ್ತುವಾರಿಯನ್ನು ನೋಡಿಕೊಳ್ಳುತ್ತಿದ್ದ ಮಗ ಶರತ್ ಸೋಮಣ್ಣ ಆರೋಗ್ಯ ಸರಿ ಇಲ್ಲದ ಕಾರಣಕ್ಕೆ ದಿನಾಂಕ 06/12/2017ರ ಸಂಜೆ ಹೋಂ ಸ್ಟೇಯಲ್ಲಿಯೇ ತಂಗಿದ್ದು ಮಾರನೇ ದಿನ ಬೆಳಗಾದರೂ ಮನೆಗೆ ಬಾರದ ಕಾರಣ ತಂದೆ ಎ.ಎಸ್.ಚಂಗಪ್ಪನವರು ಮಗನನ್ನು ಹುಡುಕಿಕೊಂಡು ಹೋದಾಗ ತೋಟದಲ್ಲಿನ ಹಲಸಿನ ಮರದ ಕೊಂಬೆಗೆ ಶರತ್‌ ಸೋಮಣ್ಣ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವುದು ಕಂಡು ಬಂದಿದ್ದು ಆರೋಗ್ಯ ಸರಿ ಇಲ್ಲದ ಕಾರಣ ಜುಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿರಬಹುದಾಗಿ ನೀಡಿದ ದೂರಿನ ಮೇರೆಗೆ ನಾಪೋಕ್ಲು ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಬೈಕಿಗೆ ಕಾರು ಡಿಕ್ಕಿ
                    ದಿನಾಂಕ 04/12/2017ರಂದು ಮಡಿಕೇರಿಯ ಹೊಸ ಬಡಾವಣೆ ನಿವಾಸಿ ಲಕ್ಷ್ಮಿ ಎಂಬವರು ಇಬ್ನಿವಳವಾಡಿ ಗ್ರಾಮದ ನೀರುಕೊಲ್ಲಿ ಶಾಲೆಯಿಂದ ಕರ್ತವ್ಯ ಮುಗಿಸಿ ಮರಳಿ ಮನೆಗೆ ಅವರ ಸ್ಕೂಟರಿನಲ್ಲಿ ಬರುತ್ತಿದ್ದಾಗ ನೀರುಕೊಲ್ಲಿ ಬಳಿಯ ಕಲ್ಲುಕೋರೆ ತಿರುವಿನಲ್ಲಿ ಎದುರಿನಿಂದ ಕೆಎ-05-ಎಂಎನ್-1065ರ ಕಾರನ್ನು ಅದರ ಚಾಲಕ ಸಿ.ಎಸ್.ನಾಚಪ್ಪ ಎಂಬಾತ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಲಕ್ಷ್ಮಿರವರು ಚಾಲಿಸುತ್ತಿದ್ದ ಸ್ಕೂಟರಿಗೆ ಡಿಕ್ಕಿಪಡಿಸಿದ ಪರಿಣಾಮ ಅವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಆಸ್ತಿ ವಿವಾದ ವಾಹನಗಳಿಗೆ ಬೆಂಕಿ
                      ವಿರಾಜಪೇಟೆ ಬಳಿಯ ಅಮ್ಮತ್ತಿ ನಿವಾಸಿ ಎಂ.ಕೆ.ವಿಶ್ವನಾಥ ಮತ್ತು ಅವರ ಸೋದರ ಚಿಟ್ಟಿಯಪ್ಪ ಎಂಬವರಿಗೆ ಆಸ್ತಿ ವಿವಾದವಿದ್ದು ದಿನಾಂಕ 07/12/2017ರಂದು ವಿಶ್ವನಾಥರವರು ಅವರ ಜೀಪು ಸಂಖ್ಯೆ ಕೆಎ-12-ಪಿ-3380ರಲ್ಲಿ ತೋಟಕ್ಕೆ ಹೋದಾಗ ಅಲ್ಲಿ ಅವರ ಸೋದರ ಚಿಟ್ಟಿಯಪ್ಪನವರು ತೋಟಕ್ಕೆ ಅಕ್ರಮವಾಗಿ ಪ್ರವೇಶಿಸಿದುದನ್ನು ಕಂಡು ತಮ್ಮ ಪತ್ನಿಯ ಅಣ್ಣ ನಾಣಯ್ಯನವರಿಗೆ ತಿಳಿಸಿದ್ದು ನಾಣಯ್ಯನವರು ಬಂದು ಇಬ್ಬರನ್ನೂ ಸಮಾಧಾನಪಡಿಸಿ ವಿಶ್ವನಾಥರವರನ್ನು ಜೀಪಿನಲ್ಲಿ ಕೂರಿಸಿದ್ದ ಸಮಯದಲ್ಲಿ ಚಿಟ್ಟಿಯಪ್ಪನವರು ಅವರ ಕಾರು ಸಂಖ್ಯೆ ಕೆಎ-01-ಎಂಎಂ-7516ರ ಕಾರಿನಲ್ಲಿದ್ದ ಕ್ಯಾನಿನಲ್ಲಿದ್ದ ಪೆಟ್ರೋಲನ್ನು ತಂದು ವಿಶ್ವನಾಥರವರ ಮೇಲೆ ಹಾಗೂ ಜೀಪಿನ ಮೇಲೆ ಸುರಿದು ಬೆಂಕಿ ಹಚ್ಚಿದ್ದು ವಿಶ್ವನಾಥರವರು ಜೀಪಿನಿಂದ ಇಳಿದು ಓಡಿದರೆನ್ನಲಾಗಿದೆ. ನಂತರ ಚಿಟ್ಟಿಯಪ್ಪ ಅಲ್ಲೇ ನಿಲ್ಲಿಸಿದ್ದ ನಾಣಯ್ಯನವರ ಕೆಎ-12-ಎಂ-4517ರ ಮಾರುತಿ ವ್ಯಾನಿಗೂ ಪೆಟ್ರೋಲ್ ಸುರಿದು ಬೆಂಕಿ ಹಚ್ಚಿದ್ದು ಎರಡೂ ವಾಹನಗಳು ಸಂಪೂರ್ಣ ಬೆಂಕಿಗಾಹುತಿಯಾಗಿ ಸುಮಾರು ರೂ. 8,00,000/- ದಷ್ಟು ನಷ್ಟವಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Thursday, December 7, 2017

ಕ್ಷುಲ್ಲಕ ಕಾರಣ ವ್ಯಕ್ತಿಯಿಂದ ಹಲ್ಲೆ:

   ವಿರಾಜಪೇಟೆ ತಾಲೋಕು ಕರಡಿಗೋಡು ಗ್ರಾಮದ ನಿವಾಸಿ ಫಿರ್ಯಾದಿ ಶ್ರೀಮತಿ ಲಕ್ಷ್ಮೀದೇವಿ ಎಂಬವರು ದಿನಾಂಕ 05-12-2017 ರಂದು ಸಮಯ 04.30 ಪಿ.ಎಂ.ಗೆ ತನ್ನ ತಾಯಿ ಶೋಭನ ಮತ್ತು ತಂಗಿ ಪ್ರಭಾದೇವಿಯವರೊಂದಿಗೆ ಮನೆಯಲ್ಲಿರುವಾಗ್ಗೆ, ಅವರ ತಾಯಿಯ ಅಣ್ಣನ ಮಗ ಸುಧೀಶ್ ಎಂಬುವವನು ಮನೆಗೆ ಬಂದಿದ್ದು, ಆತನನ್ನು ಶೋಭನರವರು ನೀನು ಏಕೆ ನಿನ್ನ ತಂದೆ ಸತ್ತಾಗಲೂ ಬರಲಿಲ್ಲ ಹಾಗೂ ತಿಥಿಗೂ ಬರಲಿಲ್ಲ ಎಂದು ಕೇಳಿದ್ದು, ಅದೇ ವಿಚಾರದಲ್ಲಿ ಸದರಿ ಸುಧೀಶ್ ಶೋಭನರವರೊಂದಿಗೆ ಜಗಳ ಮಾಡಿ ಕೈಯಿಂದ ಹಲ್ಲೆ ನಡೆಸಿದ್ದು ಅಲ್ಲದೆ ಜಗಳವನ್ನು ತಡೆಯಲು ಹೋದ ಶ್ರೀಮತಿ ಲಕ್ಷ್ಮೀದೇವಿ ರವರ ಮೇಲೂ ಆತ ದೊಣ್ಣೆಯಿಂದ ಕುತ್ತಿಗೆ ಭಾಗಕ್ಕೆ ಹೊಡೆದು ನೋವುಪಡಿಸಿ, ಫಿರ್ಯಾದಿ ಶ್ರೀಮತಿ ಲಕ್ಷ್ಮೀದೇವಿ ರವರ ತಂಗಿ ಪ್ರಭಾದೇವಿಯ ಮೇಲೂ ಕೈಯಿಂದ ಮತ್ತು ಕಾಲಿನಿಂದ ಒದ್ದು ನೋವುಪಡಿಸಿರುತ್ತಾನೆಂದು ನೀಡಿದ ದೂರಿನ ಮೇರೆಗೆ ಸಿದ್ದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಮಹಿಳೆ ಮೇಲೆ ಹಲ್ಲೆ:

     ಮಡಿಕೇರಿ ತಾಲೋಕು ಹಾಕತ್ತೂರು ಗ್ರಾಮದ ನಿವಾಸಿ ಶ್ರೀಮತಿ ಲೀಲಾವತಿ ಎಂಬವರು ದಿನಾಂಕ 6-12-2017 ರಂದು ಅವರ ಮನೆಯಲ್ಲಿದ್ದಾಗ ಆಕೆಯ ಅಣ್ಣ ಮುತ್ತಪ್ಪ ಎಂಬವರು ಅಲ್ಲಿಗೆ ಬಂದು ವಿನಾಕಾರಣ ಕತ್ತಿಯಿಂದ ಹಲ್ಲೆ ನಡೆಸಲು ಯತ್ನಿಸಿದ್ದು, ಅಲ್ಲೇ ಇದ್ದ ಲಿಲಾವರಿಯವರ ತಂಗಿ ದೇವಕ್ಕಿರವರಿಗೆ ತಾಗಿ ಗಾಯವಾಗಿದ್ದು, ಈ ಸಂಬಂಧ ಮಡಿಕೇರಿ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ವ್ಯಕ್ತಿಯ ಕೊಲೆಗೆ ಯತ್ನ:

     ಪೊನ್ನಂಪೇಟೆ ಠಾಣಾ ಸರಹದ್ದಿನ ದೇವನೂರು ಗ್ರಾಮದ ನಿವಾಸಿ ಪಂಜರಿ ಎರವರ ಗಾಂಧಿ ಎಂಬವರ ಮಗ ಮಣಿ ಎಂಬವನೊಂದಿಗೆ ಆರೋಪಿಗಳಾದ ಪಂಜರಿ ಎರವರ ಮುತ್ತ, ಪಂಜರಿ ಎರವರ ಮಹೇಶ ಹಾಗು ಶ್ರೀಮತಿ ಪಂಜರಿ ಎರವರ ಗೋಪಿ ರವರುಗಳು ಸೇರಿ ಹಣದ ವಿಚಾರದಲ್ಲಿ ಜಗಳ ಮಾಡಿ ಕೈಗಳಿಂದ ಹಾಗು ದೊಣ್ಣೆಯಿಂದ ಹಲ್ಲೆ ನಡೆಸಿದ್ದು ಪರಿಣಾಮ ಮಣೆ ಪ್ರಜ್ಞೆ ಕಳೆದುಕೊಂಡು ಸದರಿಯವರನ್ನು ಮೈಸೂರಿನ ಕೆ.ಆರ್. ಆಸ್ಪತ್ರೆಗೆ ದಾಖಲಿಸಿದ್ದು, ಈ ಸಂಬಂಧ ಪಂಜರಿ ಎರವರ ಗಾಂಧಿರವರ ದೂರಿನ ಮೇರೆಗೆ ಪೊನ್ನಂಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಪಾದಚಾರಿಗೆ ಕಾರು ಡಿಕ್ಕಿ:

     ವಿರಾಜಪೇಟೆ ತಾಲೋಕು ಬಿಳೂರು ಗ್ರಾಮದ ನಿವಾಸಿ ಕೆ.ಡಿ. ರಮೇಶ್ ಎಂಬವರು ದಿನಾಂಕ ಗೋಣಿಕೊಪ್ಪ ಪೊಲೀಸ್ ಠಾಣಾ ವ್ಯಾಪ್ತಿಯ ಮಡಕೆಬೀಡು ಬಳಿಯ ದೇವಸ್ಥಾನದ ಹತ್ತಿರ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದಾಗ ಹಿಂದಿನಿಂದ ಬಂದ ಕಾರೊಂದನ್ನು ಅದರ ಚಾಲಕ ವೇಗ ಮತ್ತು ಅಜಾಗರೂಕತೆಯಿಂದ ಚಲಾಯಿಸಿಕೊಂಡು ಬಂದು ಕೆ.ಡಿ. ರಮೇಶ್ ರವರಿಗೆ ಡಿಕ್ಕಿಪಡಿಸಿದ ಪರಿಣಾಮ ಕೆ.ಡಿ. ರಮೇಶ್ ರವರು ಗಾಯಗೊಂಡಿದ್ದು, ಈ ಸಂಬಂಧ ಗೋಣಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಮೋಟಾರ್ ಸೈಕಲ್ ಕಳವು:

     ಸೋಮವಾರಪೇಟೆ ತಾಲೋಕು ಕೆರಗನಳ್ಳಿ ಗ್ರಾಮದದ ನಿವಾಸಿ ಅಶೋಕ್ ಲೋಬೋ ರವರು ದಿನಾಂಕ 5-12-2017ರಂದು ರಾತ್ರಿ 8-00 ಗಂಟೆಗೆ ತಮ್ಮ ಬಾಪ್ತು ಕೆಎ-12 ಜೆ-8760 ನೋಂದಣಿ ಸಂಖ್ಯೆಯ ಮೋಟಾರ್ ಸೈಕಲನ್ನು ತಮ್ಮ ಮನೆಯ ಮುಂದೆ ನಿಲ್ಲಿಸಿದ್ದು ನಂತರ ರಾತ್ರಿ 9-00 ಗಂಟೆಯ ಸಮಯದಲ್ಲಿ ನೋಡಿದಾಗ ಸದರಿ ಮೋಟಾರ್ ಸೈಕಲ್ ಅಲ್ಲಿ ಇರದೇ ಯಾರೋ ಕಳ್ಳರು ಸದರಿ ಮೋಟಾರ್ ಸೈಕಲನ್ನು ಕಳವು ಮಾಡಿಕೊಂಡು ಹೋಗಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಕಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ರಸ್ತೆ ಅಪಘಾತ ವ್ಯಕ್ತಿ ಸಾವು:

     ಹಾಸನ ಜಿಲ್ಲೆ, ಅರಕಲಗೋಡು ತಾಲೋಕು, ಮರಿಯಾನಗರ ನಿವಾಸಿ ಅಂತೋಣಿ ಕುಮಾರ್ ರವರು ಫಿರ್ಯಾದಿ ಡೇವಿಡ್ ಕುಮಾರ್ ರವರೊಂದಿಗೆ ದಿನಾಂಕ 5-12-2017 ರಂದು ಮಧ್ಯಾಹ್ನ 2-00 ಗಂಟೆಯ ಸಮಯದಲ್ಲಿ ಕುಶಾಲನಗರ ಸಮೀಪದ ಹೆಬ್ಬಾಲೆ ಗ್ರಾಮದಿಂದ ಗೆಣಸಿನ ವ್ಯಾಪಾರಕ್ಕಾಗಿ ಚೀಲಗಳನ್ನು ಆಟೋ ರಿಕ್ಷಾದಲ್ಲಿ ತುಂಬಿಸಿಕೊಂಡು ಸಂಜೆ 4.00 ಗಂಟೆಗೆ ಆಟೋ ಹೆಬ್ಬಾಲೆ ಬಾಣವಾರ ರಸ್ತೆಯ ಚಿಕ್ಕಅಳುವಾರ ಗ್ರಾಮದ ಬೈರಪ್ಪನಗುಡಿ ಎಂಬಲ್ಲಿಗೆ ತಲುಪುವಾಗ್ಗೆ ಚಾಲಕ ಅಂತೋಣಿಕುಮಾರ್ ಆಟೋ ರಿಕ್ಷಾವನ್ನು ಅತೀವೇಗ ಹಾಗು ಅಜಾಗರೂಕತೆಯಿಂದ ಓಡಿಸಿದ ಪರಿಣಾಮ ಆಟೋರಿಕ್ಷಾ ಚಾಲಕನ ನಿಯಂತ್ರಣ ತಪ್ಪಿ ರಸ್ತೆಯ ಬಲಬದಿಗೆ ಮಗುಚಿದ ಪರಿಣಾಮ ಅಂತೋಣಿಕುಮಾರರವರ ತಲೆ ಹಾಗು ಹೊಟ್ಟೆ ಬಾಗಕ್ಕೆ ಪೆಟ್ಟಾಗಿದ್ದು ಆಟೋ ರಿಕ್ಷಾದಲ್ಲಿದ್ದ ಫಿರ್ಯಾದಿ ಡೇವಿಡ್ ಕುಮಾರ್ ಹಾಗು ಆನಂದ ಎಂಬವರಿಗೂ ಗಾಯಗಳಾಗಿದ್ದು, ತೀವ್ರವಾಗಿ ಗಾಯಗೊಂಡ ಚಾಲಕ ಅಂತೋಣಿಕುಮಾರ್ ರವರನ್ನು ಮಡಿಕೇರಿ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಿ ಹೆಚ್ಚಿನ ಚಿಕಿತ್ಸೆಗಾಗಿ ಮೈಸೂರಿಗೆ ಕರೆದುಕೊಂಡು ಹೋಗುತ್ತಿದ್ದಾಗ ದಾರಿ ಮಧ್ಯೆ ಸದರಿಯವರು ಸಾವನಪ್ಪಿದ್ದು, ಈ ಸಂಬಂಧ ಕುಶಾಲನಗರ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.
 

Wednesday, December 6, 2017

ನೇಣುಬಿಗಿದುಕೊಂಡು ವ್ಯಕ್ತಿ ಆತ್ಮಹತ್ಯೆ:

     ಸಿದ್ದಾಪುರ ಠಾಣಾ ವ್ಯಾಪ್ತಿಯ ಮಾಲ್ದಾರೆ ಗ್ರಾಮದ ನಿವಾಸಿ ಶ್ರೀಮತಿ ಬಿ.ಎಂ. ಪುಷ್ಪ ಎಂಬವರ ಪತಿ ವಿ.ಕೆ. ಕುಮಾರ (40) ಎಂಬವರು ಅನಾರೋಗ್ಯದಿಂದ ಬಳಲುತ್ತಿದ್ದು ಇದೇ ಕಾರಣದಿಂದ ಮನನೊಂದು ದಿನಾಂಕ 4-12-2017 ರಂದು ಕುತ್ತಿಗೆಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು, ಈ ಸಂಬಂಧ ಸಿದ್ದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ಬೆದರಿಸಿ ವ್ಯಕ್ತಿಯಿಂದ ಹಣ ವಸೂಲಿ:

    ವಿರಾಜಪೇಟೆ ತಾಲೋಕು ನಡಿಕೇರಿ ಗ್ರಾಮದ ನಿವಾಸಿ ಎ.ಎಂ. ರಫೀಕ್ ಎಂಬವರು ನಡಿಕೇರಿ ಗ್ರಾಮದಲ್ಲಿ ಕ್ಯಾಂಟಿನ್ ಇಟ್ಟುಕೊಂಡಿದ್ದು ದಿನಾಂಕ 4-12-2017 ರಂದು ಸಮಯ 11-30 ಗಂಟೆಯ ಸಮಯದಲ್ಲಿ ಕೆಎಲ್-18-ಎಸ್-1328 ಸ್ವಿಪ್ಟ್ ಡಿಸಾಯರ್ ಕಾರಿನಲ್ಲಿ ಇಬ್ಬರು ಅಪರಿಚಿತ ವ್ಯಕ್ತಿಗಳು ಬಂದು ಟೀ ಕುಡಿದು ನಂತರ ಕ್ಯಾಂಟಿನ್ ಮಾಲಿಕ ಎ.ಎಂ. ರಫೀಕ್ ರವರನ್ನು ಬೆದರಿಸಿ ಅವರ ಕೈಯಲ್ಲಿಂದ 1900/- ರೂ.ಗಳನ್ನು ಪಡೆದುಕೊಂಡು ಹೋಗಿದ್ದು, ಈ ಸಂಬಂಧ ಪೊನ್ನಂಪೇಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಜೀಪು ಕಳವು:

     ಮನೆಯ ಮುಂದೆ ರಸ್ತೆಯಲ್ಲಿ ನಿಲ್ಲಿಸಿದ್ದ ಜೀಪೊಂದನ್ನು ಕಳ್ಳತನ ಮಾಡಿದ ಘಟನೆ ನಡೆದಿದೆ. ವಿರಾಜಪೇಟೆ ಗ್ರಾಮಾಂತರ ಠಾಣಾ ಸರಹದ್ದಿನ ಅಮ್ಮತ್ತಿ ಕಾರ್ಮಾಡು ಗ್ರಾಮದ ನಿವಾಸಿ ವಿ.ಎಕ್ಸ್. ಆಂಟೋನಿ ಎಂಬವರು ದಿನಾಂಕ 4-12-2017 ರಂದು ರಾತ್ರಿ ತಮ್ಮ ಬಾಪ್ತು ಜೀಪನ್ನು ತಮ್ಮ ಮನೆಯ ಗೇಟಿನ ಮುಂಭಾಗದ ರಸ್ತೆಯಲ್ಲಿ ನಿಲ್ಲಿಸಿದ್ದು, ಸದರಿ ಜೀಪನ್ನು ಯಾರೋ ಕಳ್ಳರು ಕಳವು ಮಾಡಿಕೊಂಡು ಹೋಗಿದ್ದು, ವಿರಾಜಪೇಟೆ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಈ ಸಂಬಂಧ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.





a

Tuesday, December 5, 2017

 ಕೊಲೆ ಪ್ರಕರಣ, ಜೀವಾವಧಿ ಶಿಕ್ಷೆ 
                          ಕೊಲೆ ಪ್ರಕರಣವೊಂದರಲ್ಲಿ ನ್ಯಾಯಾಲಯವು ಆರೋಪಿಗೆ ಜೀವಾವಧಿ ಶಿಕ್ಷೆ ವಿಧಿಸಿದೆ. ದಿನಾಂಕ 28/01/2017ರಂದು ಗೋಣಿಕೊಪ್ಪ ನಗರದಲ್ಲಿ ಮೋಹನ್ ಎಂಬಾತನೊಂದಿಗೆ ಪ್ರಕರಣದ ಆರೋಪಿ ಗಿರೀಶ್‌ ಎಂಬಾತನು ಹಣದ ವಿಚಾರದಲ್ಲಿ ಜಗಳವಾಡಿ ಚೂರಿಯಿಂದ ಮೋಹನನ ಹೊಟ್ಟೆ, ಕುತ್ತಿಗೆಗೆ ತೀವ್ರವಾಘಿ ಇರಿದು ಗಾಯಗೊಳಿಸಿದ ಕಾರಣ ಗಂಭೀರವಾಗಿ ಗಾಯಗೊಂಡ ಮೋಹನನನ್ನು ಚಿಕಿತ್ಸೆಗಾಗಿ ಮೈಸೂರಿನ ಆಸ್ಪತ್ರೆಗೆ ದಾಖಲಿಸಿದ್ದು ಆಸ್ಪತ್ರೆಯಲ್ಲಿ ಗಾಯಾಳು ಮೋಹನ ಮೃತನಾದ ಬಗ್ಗೆ ಗೋಣಿಕೊಪ್ಪ ಠಾಣೆಯಲ್ಲಿ ಮೊ.ಸಂ.8/2017 ವಿಧಿ 302 ಐಪಿಸಿ ರೀತ್ಯಾ ಪ್ರಕರಣ ದಾಖಲಿಸಿ ಗೋಣಿಕೊಪ್ಪ ವೃತ್ತ ನಿರೀಕ್ಷಕರಾ ಪಿ.ಕೆ.ರಾಜುರವರು ಪ್ರಕರಣದ ತನಿಖೆ ನಡೆಸಿದ್ದು ಆರೋಪಿ ಜಿ.ಗಿರೀಶನನ್ನು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಒಳಪಡಿಸಲಾಗಿತ್ತು. 

                       ನಂತರದ ವೃತ್ತ ನಿರೀಕ್ಷಕರಾದ ಸಿ.ಎನ್‌.ದಿವಾಕರ್‌ರವರು ತನಿಖೆಯನ್ನು ಪೂರೈಸಿ ನ್ಯಾಯಾಲಯಕ್ಕೆ ಅಂತಿಮ ವರದಿಯನ್ನು ಸಲ್ಲಿಸಿದ್ದರು. ಪ್ರಕರಣದ ನ್ಯಾಯಾಲಯ ವಿಚಾರಣೆ ನಡೆಸಿದ ಅಪರ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯ (ಕಾರ್ಯ ನಿರ್ವಹಣೆ ವಿರಾಜಪೇಟೆ) ದ ನ್ಯಾಯಾಧೀಶರಾದ ಮೋಹನ್‌ ಪ್ರಭುರವರು ಆರೋಪಿಯ ವಿರುದ್ದ ಆರೋಪವು ಸಾಬೀತಾದ ಕಾರಣ ದಿನಾಂಕ 05/12/2017ರಂದು ತೀರ್ಪು ನೀಡಿ ಆರೋಪಿ ಗಿರೀಶನಿಗೆ ಸಾದಾ ಜೀವಾವಧಿ ಶಿಕ್ಷೆ ಹಾಗೂ ರೂ.5,000/- ದಂಡ ವಿಧಿಸಿದ್ದು ದಂಡ ಕಟ್ಟಲು ವಿಫಲನಾದಲ್ಲಿ ಮತ್ತೂ ಆರು ತಿಂಗಳು ಸಾದಾ ಕಾರಾಗೃಹ ವಾಸದ ಶಿಕ್ಷೆ ವಿಧಿಸಿ ತೀರ್ಪು ನೀಡಿದ್ದಾರೆ. ಸರ್ಕಾರದ ಪರವಾಗಿ ಸರ್ಕಾರಿ ಅಭಿಯೋಜಕರಾದ ಮಹಂತಪ್ಪನವರು ವಾದ ಮಂಡಿಸಿದ್ದರು.
 
ಕಾಡು ಪ್ರಾಣಿ ಧಾಳಿ, ವ್ಯಕ್ತಿ ಸಾವು
                           ಸೋಮವಾರಪೇಟೆ ಬಳಿಯ ನಗರೂರು ತೋಟದಲ್ಲಿ ಕಾವಲುಗಾರರಾಗಿ ಕೆಲಸ ಮಾಡಿಕೊಂಡಿದ್ದ ತಿಮ್ಮಪ್ಪ ಎಂಬ ವ್ಯಕ್ತಿಯು ದಿನಾಂಕ 02/12/2017ರಂದು ಮನೆಯಿಂದ ಕೆಲಸಕ್ಕೆಂದು ಹೋಗಿದ್ದು ದಿನಾಂಕ 03/12/2017ರ ರಾತ್ರಿಯಾದರೂ ಮನೆಗೆ ಬಾರದ ಕಾರಣ ಅವರ ಮಗ ಹರೀಶರವರು ತಂದೆ ತಿಮ್ಮಪ್ಪನವರನ್ನು ಹುಡುಕಿಕೊಂಡು ನಗರೂರು ತೋಟದ ಲೈನ್ ಮನೆಗೆ ಹೋದಾಗ ಅಲ್ಲಿ ಲೈನ್ ಮನೆಯ ವೆರಾಂಡಾದಲ್ಲಿ ತಿಮ್ಮಪ್ಪನವರ ಮೃತದೇಹ ಕಾಣಿಸಿದ್ದು ಮುಖದ ಭಾಗವನ್ನು ಯಾವುದೋ ಕಾಡು ಪ್ರಾಣಿ ಸಂಪೂರ್ಣವಾಗಿ ತಿಂದಿರುವುದು ಗೋಚರಿಸಿದ್ದು  ಕಾಡು ಪ್ರಾಣಿಯ ಧಾಳಿಯಿಂದ ತಿಮ್ಮಪ್ಪನವರು ಮೃತಪಟ್ಟಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಅಪಘಾತ ಗಾಯಾಳುಗಳ ಸಾವು
                             ದಿನಾಂಕ 03/12/2017ರಂದು ಕುಶಾಲನಗರ ಬಳಿಯ ಗುಮ್ಮನಕೊಲ್ಲಿ ನಿವಾಸಿ ರಫೀಕ್ ಎಂಬವರು ಲಾರಿಯಲ್ಲಿ ಕೂಡಿಗೆ ಮಾರ್ಗವಾಗಿ ಯಲಕನೂರಿಗೆ ಹೋಗುವಾಗ ಕೂಡಿಗೆ ಡೈರಿ ಬಳಿ ಎದುರುಗಡೆಯಿಂದ ಒಂದು ಮೋಟಾರು ಸೈಕಲಿನಲ್ಲಿ ಇಬ್ಬರು ವ್ಯಕ್ತಿಗಳು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಬೈಕನ್ನು ಚಾಲಿಸಿಕೊಂಡು ಬಂದು ಬೈಕ್ ರಸ್ತೆಯಲ್ಲಿ ಬಿದ್ದು ರಸ್ತೆಯನ್ನು ಉಜ್ಜಿಕೊಂಡು ಹೋಗಿ ಲಾರಿಯ ತಳಭಾಗದಲ್ಲಿ ಸಿಕ್ಕಿಕೊಂಡ ಪರಿಣಾಮ ತೀವ್ರ ಗಾಯಗೊಂಡ ಇಬ್ಬರು ಸವಾರರನ್ನು ಕುಶಾಲನಗರ ಆಸ್ಪತ್ರೆಯಲ್ಲಿ ಚಿಕಿತ್ಸೆಗಾಗಿ ದಾಖಲಿಸಿ ಕುಶಾಲನಗರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಳ್ಳಲಾಗಿತ್ತು. 
                           ಗಾಯಾಳುಗಳಾದ ಬಸವನತ್ತೂರಿನ ಪ್ರದೀಶ್‌ ಹಾಗೂ ವಿಜಯನಗರದ ರವಿ ಕುಮಾರ್ ಎಂಬವರನ್ನು ಹೆಚ್ಚಿನ ಚಿಕಿತ್ಸೆ ಬಗ್ಗೆ ದಿನಾಂಕ 03/12/2017ರಂದು ಮೈಸೂರಿಗೆ ಸಾಗಿಸುವಾಗ ಮಾರ್ಗ ಮಧ್ಯೆ ಇಬ್ಬರೂ ಮೃತಪಟ್ಟಿದ್ದು ಕುಶಾಲನಗರ ಸಂಚಾರಿ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ. 

ಪಾದಚಾರಿ ಮಹಿಳೆಗೆ ಕಾರು ಡಿಕ್ಕಿ
                          ದಿನಾಂಕ 28/11/2017ರಂದು ಶನಿವಾರಸಂತೆ ಬಳಿಯ ಅಜ್ಜಳ್ಳಿ ನಿವಾಸಿ ಲಕ್ಷ್ಮಿ ಎಂಬವರು ಸಂಜೆ ವೇಳೆ ಕೆಲಸ ಮುಗಿಸಿ ಬೀಟಿಕಟ್ಟೆಯಿಂದ ಶನಿವಾರಸಂತೆಗೆ ಒಳ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿರುವಾಗ ಎದುರಿನಿಂದ ಕೆಎ-01-ಎಂಎಲ್-2153 ರ ಕಾರನ್ನು ಅದರ ಚಾಲಕ ಅಜ್ಜಳ್ಳಿ ಗ್ರಾಮದ ಮಿಥುನ್ ಎಂಬಾತನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಲಕ್ಷ್ಮಿರವರಿಗೆ ಡಿಕ್ಕಿಪಡಿಸಿದ ಪರಿಣಾಮ ಲಕ್ಷ್ಮಿರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಮಹಿಳೆಯ ಕೊಲೆ 
                           ದಿನಾಂಕ 03/12/2017ರಂದು ಶನಿವಾರಸಂತೆ ಬಳಿಯ ಮಾಲಂಬಿ ಬಳಿಯ ಮಲ್ಲೇಶ್ವರ ಅರಣ್ಯ ಪ್ರದೇಶದ ಅಂಚಿನಲ್ಲಿ ವಾಸವಿರುವ ಜೇನು ಕುರುಬರ ರಮೇಶ ಎಂಬಾತನು ಆತನೊಂದಿಗೆ ವಾಸವಿದ್ದ ಶಾರದಾ ಎಂಬ ಮಹಿಳೆಯ ಹಣೆಯ ಭಾಗಕ್ಕೆ ಯಾವುದೋ ಹರಿತ ಆಯುಧದಿಂದ ಕತ್ತರಿಸಿದಂತೆ ಗಾಯಮಾಡಿ ಆಕೆಯನ್ನು ಕೊಲೆಗೈದು ತಲೆ ಮರೆಸಿಕೊಂಡಿರುವುದಾಗಿ ಮಾಲಂಬಿ ನಿವಾಸಿ ಎಂ.ಸಿ.ಗಂಗಾಧರ ಎಂಬವರು ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. ಮಹಿಳೆಯ ಕೊಲೆಗೆ ಕಾರಣ ತಿಳಿದು ಬಂದಿರುವುದಿಲ್ಲ.

ಹಲ್ಲೆ ಪ್ರಕರಣ
                            ದಿನಾಂಕ 03/12/2017ರಂದು ಸಂಪಾಜೆ ಬಳಿಯ ಪುತ್ಯ ಪೆರಾಜೆ ನಿವಾಸಿಗಳಾದ ಕಲ್ಪನಾ ಮತ್ತು ಆಕೆಯ ಪತಿ ಚಿದಂಬರವರು ಮನೆಯಲ್ಲಿರುವಾಗ ಅಲ್ಲಿಗೆ ಬಂದ ಕಲ್ಪನಾರವರ ಸಂಬಂಧಿ ಮಹಾಬಲರವರೊಂದಿಗೆ ಯಾವುದೋ ಕಾರಣಕ್ಕೆ ಮಾತಿಗೆ ಮಾತು ಬೆಳೆದಿದ್ದು ಈ ಸಮಯದಲ್ಲಿ ಮಹಾಬಲರವರ ಮಗ ತಿರುಮಲ ಎಂಬವರು ಚಿದಂಬರವರ ಮೇಲೆ ಕಲ್ಲು ಎಸೆದಿದ್ದು ಆ ಕಲ್ಲು ಕಲ್ಪನಾರವರಿಗೆ ತಾಗಿ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಕ್ತಿಯ ಮೇಲೆ ಹಲ್ಲೆ
                            ದಿನಾಂಕ 03/12/2017ರಂದು ವಿರಾಜಪೇಟೆ ಬಳಿಯ ಕರಡ ಗ್ರಾಮದ ಕೀಮಲೆ ಕಾಡು ನಿವಾಸಿ ಹೆಚ್‌.ಎ.ಗಣೇಶ ಮತ್ತು ಆತನ ಪತ್ನಿ ಪವಿತ್ರಾರವರ ಮೇಲೆ ಅದೇ ಗ್ರಾಮದ ನಿವಾಸಿಗಳಾದ ಮಂಜುನಾಥ ಎಂಬವರು ಕ್ಷುಲ್ಲಕ ಕಾರಣಕ್ಕೆ ದೊಣ್ಣೆಯಿಂದ ಹೊಡೆದು ಹಲ್ಲೆ ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಕ್ತಿ ಆತ್ಮಹತ್ಯೆ
                      ದಿನಾಂಕ 04/12/2017ರಂದು ವಿರಾಜಪೇಟೆ ಬಳಿಯ ರುದ್ರಗುಪ್ಪೆ ನಿವಾಸಿ ಕೊಂಗಾಂಡ ತಿಮ್ಮಯ್ಯ ಎಂಬವರು ಅವರ ಮನೆಯ ಸಮೀಪದ ಕೆರೆಯ ಬಳಿ ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ವರದಿಯಾಗಿದೆ. ಮೃತ ತಿಮ್ಮಯ್ಯ ಸುಮಾರು ಆರು ತಿಂಗಳುಗಳಿಂದ ಶ್ವಾಸಕೋಶ ಕಾಯಿಲೆಯಿಂದ ನರಳುತ್ತಿದ್ದು ಈ ಕಾರಣಕ್ಕೆ ಜೀವನದಲ್ಲಿ ಜುಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿರಬಹುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Monday, December 4, 2017

ರಸ್ತೆ  ಅಪಘಾತ
                          ದಿನಾಂಕ 02/12/2017ರಂದು ರಾತ್ರಿ ವೇಳೆ ಸೋಮವಾರಪೇಟೆ ನಿವಾಸಿ ಅಫ್ರೀದ್ ಎಂಬವರು ಕೆಎ-12-ಬಿ-3181ರ ಲಾರಿಯಲ್ಲಿ ಪೊನ್ನಂಪೇಟೆಯಿಂದ ಕುಶಾಲನಗರಕ್ಕೆ ಹೋಗುತ್ತಿರುವಾಗ ತಿತಿಮತಿಯ ಮಜ್ಜಿಗೆ ಹಳ್ಳದ ಬಳಿ ಮೈಸೂರು ಕಡೆಯಿಂದ ಕೆಎ-04-ಎಂಬಿ-0221ರ ಕಾರನ್ನು ಅದರ ಚಾಲಕ ಅತಾವುಲ್ಲಾ ಎಂಬವರು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಅಫ್ರೀದ್‌ರವರ ಲಾರಿಗೆ ಡಿಕ್ಕಿಪಡಿಸಿದ ಪರಿಣಾಮ ಲಾರಿ ಹಾನಿಗೊಳಗಾಗಿದ್ದು ಕಾರಿನಲ್ಲಿದ್ದ ಇಬ್ಬರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಪೊನ್ನಂಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಕ್ತಿಯ ಮೇಲೆ ಗುಂಪು ಹಲ್ಲೆ
                       ದಿನಾಂಕ 02/12/2017ರಂದು ವಿರಾಜಪೇಟೆ ಬಳಿಯ ಅರಪಟ್ಟು ನಿವಾಸಿ ಪಿ.ಬಿ.ಪುಟ್ಟ ಎಂಬವರು ಮನೆಯಲ್ಲಿರುವಾಗ ಕಡಂಗ ಗ್ರಾಮದ ನಿವಾಸಿಗಳಾದ ವಿನು, ದಿನೇಶ, ಈಶ್ವರ, ಗಣೇಶ ಮತ್ತು ವಾಸು ಎಂಬವರು ಸೇರಿಕೊಂಡು ಕ್ಷುಲ್ಲಕ ಕಾರಣಕ್ಕೆ ಪುಟ್ಟರವರೊಂದಿಗೆ ಜಗಳವಾಡಿ ಕತ್ತಿಯಿಂದ ಕಡಿದು ಹಲ್ಲೆ ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣದ  ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಕ್ತಿಯ ಮೇಲೆ ಹಲ್ಲೆ
                       ದಿನಾಂಕ 03/12/2017ರಂದು ವಿರಾಜಪೇಟೆ ಬಳಿಯ ಕೊಳತ್ತೋಡು ಬೈಗೋಡು ನಿವಾಸಿ ಪಂಜರಿ ಎರವರ ರಾಜೇಶ್‌ ಎಂಬವರು ಹುತ್ತರಿ ಹಬ್ಬ ಆಚರಿಸುತ್ತಿರುವಾಗ ರಾಜೇಶ್‌ರವರ ತಮ್ಮ ಸತೀಶನಿಗೆ ಅವರ ಅತ್ತಿಗೆ ರಾಧಿಕಾ ವೈದ ವಿಚಾರದಲ್ಲಿ ಜಗಳವಾಗಿ ಇನ್ನೊಬ್ಬ ಅಣ್ಣ ರಾಜಪ್ಪ ಕತ್ತಿಯಿಂದ ರಾಜೇಶನ ಮೇಲೆ  ಕಡಿದು ಹಲ್ಲೆ ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಬೈಕ್ ಮಗುಚಿ ಅವಘಢ
                           ದಿನಾಂಕ 03/12/2017ರಂದು ಕುಶಾಲನಗರದ ಗುಮ್ಮನಕೊಲ್ಲಿ ನಿವಾಸಿ ರಫೀಕ್ ಎಂಬವರು ಲಾರಿಯಲ್ಲಿ ಕೂಡಿಗೆ ಮಾರ್ಗವಾಗಿ ಯಲಕನೂರಿಗೆ ಹೋಗುತ್ತಿರುವಾಗ ಹೆಬ್ಬಾಲೆ ಕಡೆಯಿಂದ ಬಂದ ಕೆಎ-09-ಆರ್-4270ರ ಬೈನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದ ಪರಿಣಾಮ ಬೈಕ್ ಆತನ ನಿಯಂತ್ರಣ ತಪ್ಪಿ ರಸ್ತೆಯಲ್ಲಿ ಮಗುಚಿಕೊಂಡು ಅವಘಢಕ್ಕೀಡಾಗಿ ಬೈಕಿನಲ್ಲಿದ್ದ ಇಬ್ಬರು ಸವಾರರಿಗೂ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Sunday, December 3, 2017

ವಾಹನ ಕಳವು:
     ರಸ್ತೆ ಬದಿ ನಿಲ್ಲಿಸಿದ್ದ ಪಿಕ್ ಅಪ್ ವಾಹನವೊಂದನ್ನು ಕಳ್ಳರು ಕಳವು ಮಾಡಿದ ಘಟನೆ ಸೋಮವಾರಪೇಟೆ ನಗರದಲ್ಲಿ ನಡೆದಿದೆ. ಸೋಮವಾರಪೇಟೆ ನಗರದ ಎಂ.ಡಿ. ಬ್ಲಾಕ್ ನಿವಾಸಿ ಜಿ.ಎಸ್. ಮೋಹನ ಎಂಬವರು ದಿನಾಂಕ 30-11-2017ರ ರಾತ್ರಿ 7-30 ಗಂಟೆಗೆ ಸೋಮವಾರಪೇಟೆ ನಗರದ ಮಡಿಕೇರಿ ರಸ್ತೆಯ ನಿಶಾಂತ್ ಕಾಫಿ ಡಿಪೋ ಮುಂದೆ ತಮ್ಮ ಬಾಪ್ತು ಪಿಕ್ ಅಪ್ ವಾಹನವನ್ನು ನಿಲ್ಲಿಸಿ ತಮ್ಮ ಮನೆಗೆ ಹೋಗಿದ್ದು, ದಿನಾಂಕ 1-12-2017 ರಂದು ಬೆಳಿಗ್ಗೆ 7-30 ಗಂಟೆ ಸಮಯದಲ್ಲಿ ಸದರಿ ಜಿ.ಎಸ್. ಮೋಹನ್ ರವರು ತಾವು ತಮ್ಮ ವಾಹನವನ್ನು ನಿಲ್ಲಿಸಿದ್ದಲ್ಲಿಗೆ ಹೋಗಿ ನೋಡಿದಾಗ ಯಾರೋ ಕಳ್ಳರು ಸದರಿ ವಾಹನವನ್ನು ಕಳ್ಳತನ ಮಾಡಿಕೊಂಡು ಹೋಗಿರುವುದು ಕಂಡುಬಂದಿದ್ದು, ಈ ಸಂಬಂಧ ಸದರಿಯವರು ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ವಿನಾಕಾರಣ ವ್ಯಕ್ತಿ ಮೇಲೆ ಹಲ್ಲೆ:

     ಸೋಮವಾರಪೇಟೆ ತಾಲೋಕು, ಬಸವನಳ್ಳಿ ಗ್ರಾಮದ ಆಶ್ರಮ ಶಾಲೆ ವಸತಿ ಗೃಹದಲ್ಲಿ ವಾಸವಾಗಿರುವ ಕೆ.ಎಸ್. ರವಿ ಎಂಬವರು ದಿನಾಂಕ 30/11/2017 ರಂದು ಕುಶಾಲನಗರದಲ್ಲಿ ಮದುವೆ ಸಮಾರಂಭದಲ್ಲಿ ಪಾಲ್ಗೊಂಡು ರಾತ್ರಿ 8.30 ಗಂಟೆಗೆ ವಾಪಾಸು ಬಸವನಹಳ್ಳಿಯ ತನ್ನ ಮನೆಗೆ ನಡೆದುಕೊಂಡು ಹೋಗುತ್ತಿರುವಾಗ್ಗೆ ಅವರ ಪರಿಚಯದ ಮನು ಎಂಬಾತ ತನ್ನ ಕೆಎ 12 ಬಿ 3897 ರ ಟಾಟಾ ಏಸ್ ವಾಹನದಲ್ಲಿ ಬಂದು ಕೆ.ಎಸ್. ರವಿಯವರನ್ನು ಮನೆಯ ಬಳಿ ಬಿಡುವುದಾಗಿ ಹೇಳಿ ತನ್ನ ವಾಹನದಲ್ಲಿ ಹತ್ತಿಸಿಕೊಂಡು ಮನೆಗೆ ಹೋಗುವಾಗ್ಗೆ ದಾರಿ ಮದ್ಯೆ ವಾಹನದಲ್ಲಿ ವಿನಾ ಕಾರಣ ಅವಾಚ್ಯ ಶಬ್ದಗಳಿಂದ ಬೈದು ಮುಖಕ್ಕೆ ಕೈಯಿಂದ ಹಲ್ಲೆ ಮಾಡಿ ಕೈಗೆ ಕೀಯಿಂದ ಗಾಯಗೊಳಿಸಿ ನಂತರ ಮನೆಯ ಬಳಿ ಬಿಟ್ಟಿದ್ದು, ವಾಹನದಿಂದ ಇಳಿಸುವಾಗ್ಗೆ ಈ ವಿಚಾರವನ್ನು ಯಾರಿಗಾದರೂ ತಿಳಿಸಿದರೆ ಕೊಲೆ ಮಾಡುವುದಾಗಿ ಬೆದರಿಕೆ ಹಾಕಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಕಾರಿಗೆ ಬಸ್ ಡಿಕ್ಕಿ ಒಬ್ಬನಿಗೆ ಗಾಯ:

      ದಿನಾಂಕ 02-12-2017 ರಂದು ದಕ್ಷಿಣ ಕನ್ನಡ ಜಿಲ್ಲೆಯ ಸುಳ್ಯ ತಾಲೋಕಿನ ಅರಂತೋಡು ಗ್ರಾಮದ ಶಶಾಂಕ ಸೋನ ಎಂಬವರು ತಮ್ಮ ಬಾಪ್ತು ಕೆಎ-04-ಎಂಎಲ್-2198 ರೆನಾಲ್ಟ್ ಕಾರಿನಲ್ಲಿ ಅವರ ತಮ್ಮ ರಾಜೇಶ್ ಮತ್ತು ಬಾವ ಪ್ರಾರ್ಥನ್ ರವರನ್ನು ಬೆಂಗಳೂರಿನಿಂದ ಕರೆದುಕೊಂಡು ಕುಶಾಲನಗರ ಮಾರ್ಗವಾಗಿ ಸುಳ್ಯ ಕಡೆಗೆ ಹೋಗುತ್ತಿರುವಾಗ ಸಮಯ ಬೆಳಗ್ಗೆ 07-30 ಗಂಟೆಗೆ ಆನೆಕಾಡು ಬಳಿ ತಲುಪಿದಾಗ ಮಡಿಕೇರಿ ಕಡೆಯಿಂದ ಬಂದ SRS ಟ್ರಾವೆಲ್ಸ್ ನ ಬಸ್ಸನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಬಂದು ಶಶಾಂಕ ಸೋನರವರು ಚಾಲನೆ ಮಾಡುತ್ತಿದ್ದ ಕಾರಿನ ಮುಂಬಾಗಕ್ಕೆ ಡಿಕ್ಕಿ ಪಡಿಸಿ ಬಸ್‌ ನಿಲ್ಲಿಸದೆ ಹೋಗಿದ್ದು, ಬಸ್ ಡಿಕ್ಕಿ ಪಡಿಸಿದ ಪರಿಣಾಮ ಕಾರಿನಲ್ಲಿದ್ದ ಪ್ರಾರ್ಥನ್ ರವರ ಕಾಲುಗಳಿಗೆ ಗಾಯಗಳಾಗಿದ್ದು, ಈ ವಿಚಾರವಾಗಿ ಶಶಾಂಕ ಸೋನರವರು ನೀಡಿದ ದೂರಿನ ಮೇರೆಗೆ ಕುಶಾಲನಗರ ಟ್ರಾಫಿಕ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಕಾರು ಅಪಘಾತ, ನಾಲ್ವರಿಗೆ ಗಾಯ:
 
    ಬೆಂಗಳೂರಿನಿಂದ ಕೊಡಗು ಜಿಲ್ಲೆಗೆ ಪ್ರವಾಸಕ್ಕೆ ಬಂದ ಕಾರೊಂದು ಅಪಘಾತಕ್ಕೀಡಾಗಿ ಕಾರಿನಲ್ಲಿ ಪ್ರಯಾಣಿಸುತ್ತಿದ್ದ ನಾಲ್ಕು ಜನರು ಗಾಯಗೊಂಡ ಘಟನೆ ಸುಂಟಿಕೊಪ್ಪ ಠಾಣಾ ವ್ಯಾಪ್ತಿಯ ಅಂದಗೋವೆ ಜಂಕ್ಷನ್ ನಲ್ಲಿ ಸಂಭವಿಸಿದೆ. ಬೆಂಗಳೂರಿನ ನಿವಾಸಿ ಎಸ್. ಸಂದೀಪ್ ಎಂಬವರು ತನ್ನ ಸ್ನೇಹಿತರಾದ ಕೆ. ವರುಣ್ ಕುಮಾರ್, ಆರ್. ನಿತಿನ್ ಮತ್ತು ಪ್ರತಿಭಾ ರವರುಗಳು ದಿನಾಂಕ 1-12-2017 ರಂದು ಬೆಂಗಳೂರಿನಿಂದ ಕೊಡಗು ಜಿಲ್ಲೆಯ ಮಡಿಕೇರಿಗೆ ಕಾರಿನಲ್ಲಿ ಪ್ರವಾಸಕ್ಕೆ ಬಂದಿದ್ದು, ದಿನಾಂಕ 2-12-2017ರ ಬೆಳಗಿನ ಜಾವ 2-30 ಗಂಟೆಗೆ ಸುಂಟಿಕೊಪ್ಪ ಠಾಣಾ ವ್ಯಾಪ್ತಿಯ ಅಂದಗೋವೆ ಜಂಕ್ಷನ್ ನಲ್ಲಿ ಚಾಲಕನ ನಿಯಂತ್ರಣ ಕಳೆದುಕೊಂಡ ಪರಿಣಾಮ ಕಾರು ರಸ್ತೆಯ ಪಕ್ಕದ ಕಾಫಿ ತೋಟದೊಳಗೆ ಹೋಗಿ ಮಗುಚಿಬಿದ್ದು, ಪರಿಣಾಮವಾಗಿ ಕಾರಿನಲ್ಲಿ ಪ್ರಯಾಣಿಸುತ್ತಿದ್ದ ಮೇಲ್ಕಾಣಿಸಿದ ನಾಲ್ಕು ಜನರು ಗಾಯಗೊಂಡು ಸದರಿಯವರನ್ನು ಮಡಿಕೇರಿ ಸರಕಾರಿ ಅಸ್ಪತ್ರೆಗೆ ಚಿಕಿತ್ಸೆಗೆ ದಾಖಲಿಸಲಾಗಿದ್ದು, ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಸರಗಳ್ಳತನ:

     ಸಿದ್ದಾಪುರ ಠಾಣಾ ವ್ಯಾಪ್ತಿಯ ಗುಹ್ಯ ಗ್ರಾಮದ ನಿವಾಸಿ ಶ್ರೀಮತಿ ಸಂದ್ಯಾ ಎಂಬವರು ದಿನಾಂಕ 02-12-2017 ರಂದು 11.00 ಗಂಟೆಗೆ ತಮ್ಮ ಮನೆಯಲ್ಲಿರುವಾಗ್ಗೆ ಮನೆಯ ಮುಂಭಾಗ ರಸ್ತೆಯಿಂದ ಒಬ್ಬ ವ್ಯಕ್ತಿ ಸಂಧ್ಯಾ ಎಂಬುದಾಗಿ ಕೂಗಿ ಕರೆದು ಸಂದ್ಯಾರವರು ಹೋಗಿ ನೋಡಲಾಗಿ ಸದರಿ ವ್ಯಕ್ತಿ 'ನಿಮ್ಮ ತಂದೆಯವರಿಗೆ ಕೊರಿಯರ್ ಇದೆ' ಎಂದು ಹೇಳಿ, ತಂದೆಯ ಮನೆ ತೋರಿಸುವಂತೆ ತಿಳಿಸಿದಾಗ ಸಂದ್ಯಾರವರು ತನ್ನ ತಂದೆಯ ಮನೆಗೆ ಹೋಗುವ ದಾರಿಯನ್ನು ತೋರಿಸುವ ಸಲುವಾಗಿ ಗುಹ್ಯ ಗ್ರಾಮದಿಂದ ಅಗ್ನಿದೇವಿ ದೇವಸ್ಥಾನದ ಜಂಕ್ಷನ್ ಕಡೆಗೆ ಹೋಗುವ ಕಾಲುರಸ್ತೆ ಕಡೆಯಿಂದ ತಂದೆಯ ಮನೆ ತೋರಿಸಲು ಹೋಗುತ್ತಿರುವಾಗ ಗದ್ದೆಯ ಮೇಲ್ಭಾಗ ಒಂದು ಮಾವಿನ ಮರದ ಪಕ್ಕ ಆ ವ್ಯಕ್ತಿಯು ಸಂಧ್ಯಾರವರ ಕುತ್ತಿಗೆಯಿಂದ 1 ಲಕ್ಷ ರೂ. ಬೆಲೆಬಾಳುವ ಚೈನನ್ನು ಕಿತ್ತುಕೊಂಡು ಓಡಿ ಹೋಗಿದ್ದು, ಆತನು ಕಪ್ಪು ಬಣ್ಣದ ಮುಖವಾಡ ಹಾಕಿ ತಲೆಗೆ ಹೆಲ್ಮೆಟ್ ಹಾಕಿದ್ದು ಯಾರು ಎಂದು ತಿಳಿಯಲಿಲ್ಲ ಎಂಬುದಾಗಿ ನೀಡಿದ ದೂರಿನ ಮೇರೆಗೆ ಸಿದ್ದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಳೆ ಕೈಗೊಂಡಿದ್ದಾರೆ.

ಅಂಗಡಿ ಬೀಗ ಮುರಿದು ಕಳವು:

   ವಿರಾಜಪೇಟೆ ಪೊಲೀಸ್ ಠಾಣಾ ಸರಹದ್ದಿನ ಮೀನುಪೇಟೆಯಲ್ಲಿರುವ ಮಹಮ್ಮದ್ ಸಿ.ವಿ ರವರು ನಡೆಸುತ್ತಿರುವ ಎ.ಪಿ.ಇ ಸ್ಟೋರ್ ಅಂಗಡಿ - ಹೊಟೇಲ್ ಗೆ ದಿನಾಂಕ 29-11-2017 ರ ರಾತ್ರಿ ಯಾರೋ ಕಳ್ಳರು ಅಂಗಡಿ ಹಾಗು ಹೋಟೇಲ್ ನ ಬಾಗಿಲಿಗೆ ಹಾಕಿದ ಬೀಗವನ್ನು ಮುರಿದು ಒಳಗೆ ಪ್ರವೇಶ ಮಾಡಿ ಅಂಗಡಿಯಲ್ಲಿದ್ದ 20000/- ನಗದು, ನಾಲ್ಕು ಡೆಮೋ ನೋಕಿಯಾ ಮೊಬೈಲ್‌ ಮತ್ತು ಬಂಡಾರದ ಡಬ್ಬದಲ್ಲಿದ್ದ ರೂ.500/- ಗಳನ್ನು ಕಳ್ಳತನ ಮಾಡಿಕೊಂಡ ಹೋಗಿದ್ದು ಈ ಸಂಬಂಧ ಫಿರ್ಯಾದಿ ಮಹಮ್ಮದ್ ಸಿ.ವಿ ರವರು ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ. 

Saturday, December 2, 2017

ಕಾಡು ಗೂಳಿ ಹತ್ಯೆ
                       ದಿನಾಂಕ 01/12/2017ರಂದು ಸಿದ್ದಾಪುರ ಬಳಿಯ ಬಾಡಗ ಬಾಣಂಗಾಲ ನಿವಾಸಿ ಎಂ.ಎಂ.ವಿವೇಕ್‌ ಎಂಬವರು ಗ್ರಾಮದ ಬಿಬಿಟಿಸಿ ಕಾಫಿ ತೋಟದ ಬಳಿಯ ರಸ್ತೆಯಲ್ಲಿ ಒಂದು ಕಾಡು ಗೂಳಿ ಸತ್ತು ಬಿದ್ದಿರುವುದನ್ನು ಕಂಡಿದ್ದು ಮೃತ ಗೂಳಿಯ ಮೈಮೇಲೆ ಗುಂಡು ತಗುಲಿರುವ ಚಿಹ್ನೆಗಳು ಕಂಡು ಬಂದಿದ್ದು ಯಾರೋ ದುಷ್ಕರ್ಮಿಗಳು ಬೇಟೆಯಾಡುವ ಸಲುವಾಗಿ ಕಾಡು ಗೂಳಿಗೆ ಗುಂಡು ಹೊಡೆದು ಕೊಂದಿರಬಹುದಾಗಿ ನೀಡಿದ ದೂರಿನ ಮೇರೆಗೆ ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಪರಸ್ಪರ ಕಾರು ಅವಘಢ
                          ದಿನಾಂಕ 01/12/2017ರಂದು ಮಡಿಕೇರಿಯ ಪುಟಾಣಿನಗರ ನಿವಾಸಿ ಹನುಮಂತ ರಾಜು ಎಂಬವರು ಅವರ ಮನೆ ಬಳಿಯ ನಾರಾಯಣ ಎಂಬವರ ಕೆಎ-12-ಪಿ-4398ರ ಕಾರಿನಲ್ಲಿ ನಾರಾಯಣ ಮತ್ತು ನಾರಾಯಣರವರ ಪತ್ನಿ ವಿಜಯಲಕ್ಷ್ಮಿ ಎಂಬವರೊಂದಿಗೆ ಅರಸೀಕಟ್ಟೆಗೆ ಹೋಗುತ್ತಿರುವಾಗ ಸುಂಟಿಕೊಪ್ಪ ಬಳಿಯ ಕೆದಕಲ್ ಗ್ರಾಮದ ಭದ್ರಕಾಳಿ ದೇವಸ್ಥಾನದ ಬಳಿ ಎದುರಿನಿಂದ ಕೆಎ-03-ಎಂಬಿ-6174 ರ ಕಾರನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಹನುಮಂತ ರಾಜುರವರು ಪ್ರಯಾಣಿಸುತ್ತಿದ್ದ ಕಾರಿಗೆ ಡಿಕ್ಕಿಪಡಿಸಿದ ಪರಿಣಾಮ ಕಾರಿನಲ್ಲಿದ್ದ ಹನುಮಂತರಾಜು, ನಾರಾಯಣರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಸುಂಟಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಬೈಕ್‌ಗೆ ಕಾರು ಡಿಕ್ಕಿ
                       ದಿನಾಂಕ 01/12/2017ರಂದು ಶನಿವಾರಸಂತೆ ಬಳಿಯ ಮಣಗಲಿ ನಿವಾಸಿ ರಾಜಶೇಖರ್ ಎಂಬವರು ಅವರ ಮಗಳು ಪ್ರಿಯಾಂಕಳನ್ನು ಶಾಲೆಯಿಂದ ಕರೆದುಕೊಂಡು ಅವರ ಬೈಕ್‌ನಲ್ಲಿ ಮನೆಗೆ ಹೋಗುತ್ತಿರುವಾಗ ಬೆಳ್ಳಾರಳ್ಳಿ ಗ್ರಾಮದ ಬಳಿ ಎದುರುಗಡೆಯಿಂದ ಒಂದು ಮಾರುತಿ ವ್ಯಾನನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ರಾಜಶೇಖರ್‌ರವರ ಬೈಕಿಗೆ ಡಿಕ್ಕಿಪಡಿಸಿದ ಪರಿಣಾಮ ರಾಜಶೇಖರ್ ಹಾಗೂ ಅವರ ಮಗಳು ಪ್ರಿಯಾಂಕಳಿಗೆ ಗಾಯಗಳಾಗಿದ್ದು ವ್ಯಾನಿನ ಚಾಲಕ ವ್ಯಾನನ್ನು ನಿಲ್ಲಿಸದೆ ಪರಾರಿಯಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಗ್ಯಾಸ್ ಸಿಲಿಂಡರ್ ಕಳವು
                    ದಿನಾಂಕ 01/12/2017ರಂದು ಪೊನ್ನಂಪೇಟೆ ಬಳಿಯ ತಿತಿಮತಿ ಸರ್ಕಾರಿ ಮಾದರಿ ಪ್ರಾಥಮಿಕ ಶಾಲೆಯ ಮುಖ್ಯ ಶಿಕ್ಷಕಿ ಹೆಚ್‌.ಎಂ.ಪಾರ್ವತಿರವರು ಬೆಳಿಗ್ಗೆ ಶಾಲೆಗೆ ಬಂದಾಗ ಯಾರೋ ಕಳ್ಳರು ಶಾಲೆಯ ಅಡುಗೆ ಕೋಣೆಯ ಬಾಗಿಲಿನ ಬೀಗ ಮುರಿದು ಒಳ ಪ್ರವೇಶಿಸಿ ಒಳಗಿದ್ದ ಒಂದು ಇಂಡೇನ್ ಸಂಸ್ತೆಯ ಅನಿಲ ಸಿಲಿಂಡರನ್ನು ಕಳವು ಮಾಡಿಕೊಂಡು ಹೋಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಪೊನ್ನಂಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಹಲ್ಲೆ ಪ್ರಕರಣ, 
                       ದಿನಾಂಕ 30/11/2017ರಂದು ಕುಟ್ಟ ಬಳಿಯ ಕೋತೂರು ಗ್ರಾಮದ ಲಕ್ಕುಂದ ಪೈಸಾರಿ ನಿವಾಸಿ ಸುರೇಂದ್ರ ಎಂಬವರು ಕ್ಷುಲ್ಲಕ ಕಾರಣಕ್ಕೆ ಅದೇ ಗ್ರಾಮದ ನಿವಾಸಿ ಪರಮೇಶ್ವರ್ ಹಾಗೂ ಅವರ ತಾಯಿ ಜಾನಕಿರವರ ಮೇಲೆ ಕತ್ತಿಯಿಂದ ಹಲ್ಲೆ ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಟ್ಟ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವಂಚನೆ ಪ್ರಕರಣ
                        ವಿರಾಜಪೇಟೆ ಬಳಿಯ ಬಿಟ್ಟಂಗಾಲ ನಿವಾಸಿ ಸುಮಿತ್ರ ಎಂಬವರು ಮಡಿಕೇರಿಯ ಸಹರಾ ಇಂಡಿಯಾ ಸಂಸ್ಥೆಯ ಬೆನಿಫಿಟ್‌ ಸ್ಕೀಂನಲ್ಲಿ 2011ನೇ ಸಾಲಿನಿಂದ  ವಾರ್ಷಿಕ ರೂ.12,000/- ದಂತೆ ಒಟ್ಟು 60,000/- ರೂಗಳನ್ನು ಐದು ವರ್ಷಗಳ ಕಾಲ ವಿರಾಜಪೇಟೆಯ ಸಹರಾ ಇಂಡಿಯಾ ಸಂಸ್ಥೆಯ ಏಜೆಂಟ್ ಎ.ಈಶ್ವರ್ ಎಂಬವರ ಮೂಲಕ ಕಟ್ಟಿದ್ದು ಐದು ವರ್ಷಗಳ ಕಾಲಮಿತಿ ಪಕ್ವಗೊಂಡ ನಂತರ ಸುಮಿತ್ರರವರು ಅವರಿಗೆ ಬರಬೇಕಾದ ಹಣ ಮತ್ತು ಬಡ್ಡಿಯ ಮೊತ್ತವನ್ನು ಪಾವತಿಸುವಂತೆ ಕೇಳಿದಾಗ ಮಡಿಕೇರಿಯ ಸಹರಾ ಸಂಸ್ಥೆಯ ವ್ಯವಸ್ಥಾಪಕ ಮನೋಹರ್‌ರವರು ಹಣ ನೀಡದೆ ಮೋಸ ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Friday, December 1, 2017

ವಿಷ ಸೇವಿಸಿ ವ್ಯಕ್ತಿ ಆತ್ಮಹತ್ಯೆ
                           ದಿನಾಂಕ 30/11/2017ರಂದು ಮಡಿಕೇರಿ ಬಳಿಯ ಮರಗೋಡು ನಿವಾಸಿ ಟಿ.ಎನ್.ತಮ್ಮಯ್ಯ ಅಲಿಯಾಸ್ ಜಯ ಎಂಬವರು ಮನೆಯಲ್ಲಿದ್ದ ಕಳೆ ನಾಶಕ ಔಷಧಿಯನ್ನು ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ವರದಿಯಾಗಿದೆ. ಮೃತ ತಮ್ಮಯ್ಯ ದೀರ್ಘ ಕಾಲದಿಂದ ಹರ್ನಿಯಾ ಕಾಯಿಲೆಯಿಂದ ಬಳಲುತ್ತಿದ್ದು ಇದರಿಂದಾಗಿ ಜುಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿರಬಹುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವಿಷ ಸೇವಿಸಿ ವ್ಯಕ್ತಿ ಆತ್ಮಹತ್ಯೆ
                            ದಿನಾಂಕ 29/11/2017ರಂದು ಕುಶಾಲನಗರ ಬಳಿಯ ಗೊಂದಿ ಬಸವನಹಳ್ಳಿ ನಿವಾಸಿ ಗಣೇಶ್‌ ಮತ್ತು ಆತನ ಪತ್ನಿ ಅನಿತಾ ಎಂಬವರು ಸುಂಟಿಕೊಪ್ಪದಲ್ಲಿರುವ ಅನಿತಾರವರ ಮಾವ ರುಕ್ಮಯ್ಯ ಎಂಬವರ ಮನೆಯಲ್ಲಿ ಗಣೇಶನು ಯಾವುದೋ ವಿಷ ಪದಾರ್ಥವನ್ನು ಸೇವಿಸಿ ಅಸ್ವಸ್ಥನಾಗಿದ್ದು ಆತನನ್ನು ಚಿಕಿತ್ಸೆಗಾಗಿ ಮೈಸೂರಿನ ಸೆಂಟ್ ಜೋಸೆಫ್ ಆಸ್ಪತ್ರೆಗೆ ಸಾಗಿಸಿದ್ದು ಅಲ್ಲಿ ಚಿಕಿತ್ಸೆ ಫಲಕಾರಿಯಾಗದೆ ದಿನಾಂಕ 30/11/2017ರಂದು ಗಣೇಶನು ಮೃತನಾಗಿರುವುದಾಗಿ ವರದಿಯಾಗಿದೆ. ಮೃತ ಗಣೇಶನು ಶುಂಠಿ ವ್ಯಾಪಾರದಲ್ಲಿ ನಷ್ಟ ಅನುಭವಿಸಿದ್ದು ಹಾಗೂ ಸಾಲಗಾರರ ಸಾಲ ತೀರಿಸಲಾಗದೆ ಜುಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿರಬಹುದಾಗಿ ನೀಡಿದ ದೂರಿನ ಮೇರೆಗೆ ಸುಂಟಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.