Wednesday, October 11, 2017

ಆಟೋ ರಿಕ್ಷಾ ಅಪಘಾತ
                 ದಿನಾಂಕ 9-10-2017 ರಂದು ಮಡಿಕೇರಿಯ ತ್ಯಾಗರಾಜ ಕಾಲೋನಿಯ ನಿವಾಸಿ ಖತೀಜ, ಮಮ್ತಾಜ್, ಸಮಿಯವರು ಮಡಿಕೇರಿ ನಗರದಿಂದ ಆಟೋ ಬಾಡಿಗೆ ಮಾಡಿಕೊಂಡು ಮನೆಗೆ ಹೋಗುತ್ತಿರುವಾಗ ತ್ಯಾಗರಾಜ ಕಾಲೋನಿಯ ಮಸೀದಿಯ ಹತ್ತಿರ ತಲುಪುವಾಗ ಆಟೋವನ್ನು ಚಾಲಕ ಅಜಾಗರೂಕತೆಯಿಂದ ಚಾಲನೆ ಮಾಡಿ ಆಟೋ ರಿಕ್ಷಾ ಮಗುಚಿ ಬಿದ್ದ ಪರಿಣಾಮ ಆಟೋದಲ್ಲಿದ್ದವರಿಗೆ ಗಾಯವಾಗಿದ್ದು ಈ ಬಗ್ಗೆ ಮಡಿಕೇರಿ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ತೇಗದ ಮರ ಕಳವು
                  ವಿರಾಜಪೇಟೆ ತಾಲೂಕಿನ ಬಾಡಗ ಬಾಣಂಗಾಲ ಗ್ರಾಮದ ನಿವಾಸಿಯಾದ ಹೇಮಚಂದ್ರ ಎಂಬುವವರು ದಿನಾಂಕ 8-10-2017 ರಂದು ಮಾಯಮುಡಿಗೆ ನೆಂಟರ ಮನೆಗೆ ಹೋಗಿದ್ದವರು ದಿನಾಂಕ 10-10-2017 ರಂದು ವಾಪಾಸ್ಸು ಮನೆಗೆ ಬಂದಿದ್ದು, ಸದರಿಯವರು ಮನೆಯಲ್ಲಿಲ್ಲದ ಸಮಯದಲ್ಲಿ ಅವರ ತೋಟದಲ್ಲಿದ್ದ 6 ಅಡಿ ಸುತ್ತಳತೆಯ ತೇಗದ ಮರವನ್ನು ಯಾರೋ ಕಳವು ಮಾಡಿಕೊಂಡು ಹೋಗಿರುತ್ತಾರೆ. ಈ ಬಗ್ಗೆ ಹೇಮಚಂದ್ರರವರು ನೀಡಿದ ದೂರಿನ ಮೇರೆಗೆ ಸಿದ್ದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಅಕ್ರಮ ಮದ್ಯ ಮಾರಾಟ 
                 ದಿನಾಂಕ 10-10-2017 ರಂದು ಕುಶಾಲನಗರ ಗ್ರಾಮಾಂತರ ಠಾಣಾಧಿಕಾರಿಯವರಾದ ಮಹೇಶ್ ರವರಿಗೆ ಸಿಕ್ಕಿದ ಮಾಹಿತಿ ಮೇರೆಗೆ ಸಿಬ್ಬಂದಿಯವರೊಂದಿಗೆ ಹೆಬ್ಬಾಲೆ ಗ್ರಾಮದ ಮಾರ್ಕೆಟ್ ಆವರಣಕ್ಕೆ ದಾಳಿ ಮಾಡಿ ಅಕ್ರಮವಾಗಿ ಮದ್ಯ ಮಾರಾಟ ಮಾಡುತ್ತಿದ್ದ ಶಿವಣ್ಣ ಎಂಬುವವರನ್ನು ವಶಕ್ಕೆ ಪಡೆದುಕೊಂಡು ಪ್ರಕರಣ ದಾಖಲಿಸಿಕೊಂಡಿರುತ್ತಾರೆ.