Tuesday, October 31, 2017

ವ್ಯಕ್ತಿ ಅಸ್ವಾಭಾವಿಕ ಸಾವು
                       ಮಡಿಕೇರಿಯ ಅಂಚೆ ಕಚೇರಿಯ ಆರ್‌.ಎಂ.ಎಸ್. ವಿಭಾಗದಲ್ಲಿ ಕೆಲಸ ಮಾಡಿಕೊಂಡಿರುವ ರಾಧಾಕೃಷ್ಣ ಎಂಬವರು ದಿನಾಂಕ 29/10/2017ರಂದು ಅಂಚೆ ಕಚೇರಿ ಬಳಿ ಕುಸಿದು ಬಿದ್ದಿದ್ದು ಹೃದಯಾಘಾತದಿಂದ ಸಾವನ್ನಪ್ಪಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಕ್ಷುಲ್ಲಕ ಕಾರಣಕ್ಕೆ ಹಲ್ಲೆ
                  ದಿನಾಂಕ 25/10/2017ರಂದು ಶನಿವಾರಸಂತೆ ನಿವಾಸಿ ಮುತ್ತಮ್ಮ ಎಂಬವರು ಮನೆಗೆ ಬೇಕಾದ ನೀರನ್ನು ನಲ್ಲಿಯಲ್ಲಿ ಹಿಡಿಯುತ್ತಿರುವಾಗ ನಂದಿಗುಂದ ಗ್ರಾಮದ ಚೇತನ್ ಹಾಗೂ ಇನ್ನಿತರೆ 8 ಜನರು ಬಂದು ಕ್ಷುಲ್ಲಕ ಕಾರಣಕ್ಕೆ ಜಗಳವಾಡಿ ಮುತ್ತಮ್ಮ ಹಾಗೂ ಅವರ ಪತಿ ಗೋಪಾಲಗೌಡರಿಗೆ ದೊಣ್ಣೆಯಿಂದ ಹೊಡೆದು ಹಲ್ಲೆ ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ರಿಕ್ಷಾ ಬೈಕ್ ಅಫಘಾತ
               ದಿನಾಂಕ 30/102/17ರಂದು ಸೋಮವಾರಪೇಟೆ ಬಳಿಯ ಬಜೆಗುಂಡಿ ನಿವಾಸಿ ಕುಮಾರ ಎಂಬವರು ಅವರ ಕೆಎ-12-5507ರ ರಿಕ್ಷಾದಲ್ಲಿ ಪ್ರಯಾಣಿಕರನ್ನು ಕರೆದುಕೊಂಡು ಬಜೆಗುಂಡಿ ಕಡೆಗೆ ಹೋಗುತ್ತಿರುವಾಗ ಕಕ್ಕೆ ಹೊಳೆ ಬಳಿ ಎದುರುಗಡೆಯಿಂದ ಕೆಎ-12-ಜೆ-4604ರ ಮೋಟಾರು ಬೈಕನ್ನು ಅದರ ಸವಾರ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ರಿಕ್ಷಾಕ್ಕೆ ಡಿಕ್ಕಿಪಡಿಸಿದ ಪರಿಣಾಮ ರಿಕ್ಷಾದಲ್ಲಿದ್ದ ಪ್ರಯಾಣಿಕರು ಹಾಗೂ ಬೈಕ್ ಸವಾರರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Monday, October 30, 2017

ವ್ಯಕ್ತಿ ಮೇಲೆ ಹಲ್ಲೆ:

     ಸೋಮವಾರಪೇಟೆ ಠಾಣೆ ಸರಹದ್ದಿನ ಕಿರಗಂದೂರು ಗ್ರಾಮದ ನಿವಾಸಿ ಸಿ.ಎಸ್. ಕುಶಾಲಪ್ಪ ಎಂಬವರಹ ದಿನಾಂಕ 29-10-2017 ರಂದು ಸಂಜೆ 4-00 ಗಂಟೆ ಸಮಯದಲ್ಲಿ ತಮ್ಮ ಮನೆಯಲ್ಲಿದ್ದಾಗ ಅವರ ಮಗ ಸಿ.ಕೆ. ಚಿದಾನಂದ ಮತ್ತು ಆತನ ಪತ್ನಿ ನೂತನ್ ಎಂಬವರುಗಳು ಜಗಳ ಮಾಡಿ ಮನೆಯಿಂದ ಹೊರಹೋಗಲು ತಿಳಿಸಿ ದೊಣ್ಣೆಯಿಂದ ಹಲ್ಲೆ ಮಾಡಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ಬೈಕ್ ಡಿಕ್ಕಿ ವ್ಯಕ್ತಿಗೆ ಗಾಯ:

     ಶನಿವಾರಸಂತೆ ಠಾಣಾ ಸರಹದ್ದಿನ ಗುಂಡೂರಾವ್ ಬಡಾವಣೆ ನಿವಾಸಿ ಶ್ರೀಮತಿ ಸರೋಜಮ್ಮ ಹಾಗು ಅವರ ಪತಿ ಈರಪ್ಪ ಎಂಬವರು ದಿನಾಂಕ 28-10-2017 ರಂದು ಸಂಜೆ 6-00 ಗಂಟೆ ಸಮಯದಲ್ಲಿ ಮಾರ್ಕೆಟ್ ನಿಂದ ತಮ್ಮ ಮನೆಯ ಕಡೆಗೆ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದಾಗ ಗುಂಡೂರಾವ್ ಬಡಾವಣೆ ನಿವಾಸಿ ಸೂಫಿ ಎಂಬವರು ತಮ್ಮ ಬಾಪ್ತು ಮೋಟಾರ್ ಸೈಕಲನ್ನು ಅತೀ ವೇಗ ಮತ್ತು ಅಜಾಗರೂಕತೆಯಿಂದ ಚಲಾಯಿಸಿಕೊಂಡು ಬಂದು ಈರಪ್ಪನವರಿಗೆ ಹಿಂದಿನಿಂದ ಡಿಕ್ಕಿಪಡಿಸಿದ ಪರಿಣಾಮ ಸದರಿಯವರು ಗಾಯಗೊಂಡಿದ್ದು, ಈ ಸಂಬಂಧ ಶನಿವಾರಸಂತೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಲಾರಿ ಡಿಕ್ಕಿ ವ್ಯಕ್ತಿ ಸಾವು:

     ಕುಶಾಲನಗರದ ಆದರ್ಶ ಕಾಲೋನಿ ನಿವಾಸಿ ಪ್ರದೀಪ ಎಂಬವರು ದಿನಾಂಕ 28-10-2017 ರಂದು ಕುಶಾಲನಗರದ ಮಾರ್ಕೇಟು ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದಾಗ ಲಾರಿಯೊಂದು ಡಿಕ್ಕಿಯಾಗಿ ಗಾಯಗೊಂಡಿದ್ದು ಸದರಿಯವರನ್ನು ಚಿಕಿತ್ಸೆಗಾಗಿ ಮೈಸೂರಿನ ಬೃಂದಾವನ ಆಸ್ಪತ್ರೆಗೆ ಸೇರಿಸಿದ್ದು, ಚಿಕಿತ್ಸೆ ಫಲಕಾರಿಗಾಗದೆ ಸದರಿ ವ್ಯಕ್ತಿ ಸಾವನಪ್ಪಿದ್ದು, ಕುಶಾಲನಗರ ಸಂಚಾರಿ ಠಾಣೆಯಲ್ಲಿ ಈ ಸಂಬಂಧ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಬೈಕಿಗೆ ಕಾರು ಡಿಕ್ಕಿ:

     ದಿನಾಂಕ 29-10-2017 ರಂದು ಮಡಿಕೇರಿ ತಾಲೋಕು, ಕಾಲೂರು ದೇವಸ್ತೂರು ಗ್ರಾಮದ ನಿವಾಸಿ ಶ್ರೀಮತಿ ಗಾನವಿ ಎಂಬವರು ತಮ್ಮ ತಂದೆ ಬೆಳ್ಳಿಯಪ್ಪರವರೊಂದಿಗೆ KA-12-J-8441 ರ ಮೊಟಾರ್ ಬೈಕ್ ನಲ್ಲಿ ಮಡಿಕೇರಿಯಿಂದ ಕಾಲೂರು, ದೇವಸ್ತೂರು ಗ್ರಾಮಕ್ಕೆ ಹೋಗುತ್ತಿರುವಾಗ ಸಮಯ ಸುಮಾರು 12.15 P.M ಗೆ ಕೆ.ನಿಡುಗಣೆ ಗ್ರಾಮದ ಮೆಡಿಕಲ್ ಕಾಲೇಜು ಬಳಿಯ ರಸ್ತೆಯಲ್ಲಿ ಎದುರಿನಿಂದ KA-03-MZ-3139 ರ ಕಾರನ್ನು ಅದರ ಚಾಲಕನು ಅತೀವೇಗ ಹಾಗೂ ಅಜಾಗರೂಕತೆಯಿಂದ ಚಲಾಯಿಸಿಕೊಂಡು ಬಂದು ಬೆಳ್ಳಿಯಪ್ಪರವರು ಚಾಲನೆಮಾಡುತ್ತಿದ್ದ ಮೊಟಾರ್ ಬೈಕಿಗೆ ಡಿಕ್ಕಿ ಪಡಿಸಿದ ಪರಿಣಾಮ ಎರಡು ವಾಹನಗಳು ಜಖಂಗೊಂಡು, ಬೈಕಿನ ಹಿಂಬದಿ ಕುಳಿತ್ತಿದ್ದ ಶ್ರೀಮತಿ ಗಾನವಿಯವರ ಬಲ ಕಾಲಿನ ತೊಡೆಯ ಭಾಗಕ್ಕೆ ಗಾಯಗಳಾಗಿದ್ದು ಈ ಸಂಬಂಧ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ನೇಣುಬಿಗಿದು ವ್ಯಕ್ತಿ ಆತ್ಮಹತ್ಯೆ:

     ಮಡಿಕೇರಿ ಗ್ರಾಮಾಂತರ ಠಾಣಾ ಸರಹದ್ದಿನ ಅರುವತ್ತೊಕ್ಲು ಗ್ರಾಮದ ನಿವಾಸಿ ಶ್ರೀಮತಿ ಟಿ.ಎಲ್. ಗಂಗಮ್ಮ ಎಂಬವರ ಟಿ.ಎಲ್. ರೋಹಿತ್ ಎಂಬವರು ಯಾವುದೇ ವಿಚಾರವನ್ನು ಮನಸ್ಸಿನ್ಲಲಿಟ್ಟುಕೊಂಡು ತಮ್ಮ ಮನೆಯಲ್ಲಿ ತನ್ನ ಕುತ್ತಿಗೆಗೆ ನೇಣುಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು, ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮಕೈಗೊಂಡಿದ್ದಾರೆ.

ಜಾಗದ ವಿಚಾರದಲ್ಲಿ ಜಗಳ:

     ನಾಪೋಕ್ಲು ಪೊಲೀಸ್ ಠಾಣೆ ಸರಹದ್ದಿನ ಕಿರುಂದಾಡು ಗ್ರಾಮದ ನಿವಾಸಿ ಗಣೇಶ ಎಂಬವರು ಹಾಗು ಕಿರುಂಡಾಡು ಗ್ರಾಮದಲ್ಲಿರುವ ಬಲ್ಯಾಡ್ ಮಂದ್ ಸದಸ್ಯರು ಮತ್ತು ಇತರೆ ಗ್ರಾಮಸ್ಥರು ಸೇರಿ ಮಂದ್ ನ ಸುತ್ತ ಬೇಲಿ ಹಾಕಿ ಸ್ಥಳದಲ್ಲಿದ್ದಾಗ ಅದೇ ಗ್ರಾಮದವರಾದ ಕಾರ್ಯಪ್ಪ, ಮಂದಣ್ಣ, ಚಂಗಪ್ಪ, ಎನ್.ಕೆ.ತಿಮ್ಮಣ್ಣ, ಸಿ.ಜೆ. ಸುರೇಶ, ಕೆ.ಡಿ. ಅಯ್ಯಪ್ಪ ಮತ್ತು ಇತರರು ಸೇರಿ ಬೇಲಿ ಹಾಕಿ ವಿಚಾರದಲ್ಲಿ ಜಗಳ ಮಾಡಿ ಕತ್ತಿಯಿಂದ ಕಡಿದು ಕೊಲೆ ಮಾಡುವುದಾಗಿ ಜೀವ ಬೆದರಿಕೆ ಹಾಕಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ನಾಪೋಕ್ಲು ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

Sunday, October 29, 2017

ವಾಹನ ಅಪಘಾತ ಮಹಿಳೆಯ ದುರ್ಮರಣ
            ದಿನಾಂಕ 28-10-2017 ರಂದು ಬೆಂಗಳೂರಿನಲ್ಲಿ ವಾಸವಿರುವ ಗರಗಂದೂರುವಿನ ಸಚಿನ್ ಮಲ್ಲಿಕಾರ್ಜುನ ಎಂಬುವವರು ಕಾರಿನಲ್ಲಿ ತಾಯಿ ಲಲಿತ ಮತ್ತು ಬಾವ ರಂಜನ್ ಎಂಬುವವರೊಂದಿಗೆ ಬೆಂಗಳೂರಿನಿಂದ ಸೋಮವಾರಪೇಟೆ ಮಾರ್ಗವಾಗಿ ಗರಗಂದೂರುವಿಗೆ ಬರುತ್ತಿರುವಾಗ ಸೋಮವಾರಪೇಟೆಯ ಹೊನ್ನವಳ್ಳಿ ಎಂಬಲ್ಲಿಗೆ ತಲುಪುವಾಗ ತಿರುವಿನಲ್ಲಿ ಸೋಮವಾರಪೇಟೆ ಕಡೆಯಿಂದ ಹೋಗುತ್ತಿದ್ದ ಬೊಲೆರೋ ಜೀಪನ್ನು ಅದರ ಚಾಲಕ ಮಹೇಶ ಎಂಬುವವರು ಅಜಾಗರೂಕತೆಯಿಂದ ಚಾಲನೆ ಮಾಡಿ ಕಾರಿಗೆ ಡಿಕ್ಕಿಪಡಿಸಿದ ಪರಿಣಾಮ ಕಾರಿನಲ್ಲಿದ್ದ ಮೂವರಿಗೂ ಗಾಯಗಳಾಗಿದ್ದು ಲಲಿತರವರನ್ನು ಹೆಚ್ಚಿನ ಚಿಕಿತ್ಸೆಯ ಬಗ್ಗೆ ಬೆಂಗಳೂರಿಗೆ ಕರೆದುಕೊಂಡು ಹೋಗುತ್ತಿರುವಾಗ ಮೃತಪಟ್ಟಿದ್ದು ಈ ಬಗ್ಗೆ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಪಾದಾಚಾರಿಗೆ ಲಾರಿ ಡಿಕ್ಕಿ
          ದಿನಾಂಕ 28-10-2017 ರಂದು ಬೆಳಿಗ್ಗೆ ಸಮಯ 5-15 ಎ. ಎಂ. ಗೆ ಕುಶಾಲನಗರದ ಮಾರ್ಕೆಟ್ ಹತ್ತಿರ ರಸ್ತೆಯಲ್ಲಿ ಕುಶಾಲನಗರದ ನಿವಾಸಿಯಾದ ಪ್ರದೀಪರವರು ಹಾಲು ತೆಗೆದುಕೊಂಡು ಹೋಗುತ್ತಿರುವಾಗ ಕೊಪ್ಪ ಕಡೆಯಿಂದ ಬಂದ ಕೆಎ-66-0627 ರ ಲಾರಿಯನ್ನು ಅದರ ಚಾಲಕ ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಬಂದು ನಡೆದುಕೊಂಡು ಹೋಗುತ್ತಿದ್ದ ಪ್ರದೀಪರವರಿಗೆ ಡಿಕ್ಕಿಪಡಿಸಿ ನಿಲ್ಲಿಸದೇ ಹೊರಟು ಹೋಗಿದ್ದು, ಪ್ರದೀಪರವರ ತಲೆಗೆ ಪೆಟ್ಟಾಗಿರುತ್ತದೆ. ಈ ಬಗ್ಗೆ ಕುಶಾಲನಗರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಪತ್ನಿಯ ಮೇಲೆ ಗುಂಡು ಹಾರಿಸಿ ಕೊಲೆಗೆ ಯತ್ನ
           ವಿರಾಜಪೇಟೆ ತಾಲೂಕಿನ ಕೆದಮುಳ್ಳುರು ಗ್ರಾಮದ ನಿವಾಸಿ ರಮ್ಯ ಎಂಬುವವರು ಮಡಿಕೇರಿ ತಾಲೂಕಿನ ಹಮ್ಮಿಯಾಲ ಗ್ರಾಮದ ಕೊಚ್ಚೆರ ನಂದ ಪಳಂಗಪ್ಪ ಎಂಬುವವರನ್ನು 3 ವರ್ಷಗಳ ಹಿಂದೆ ಮದುವೆಯಾಗಿದ್ದು, ಮದುವೆಯಾದಲ್ಲಿಂದ ಪತ್ನಿಗೆ ಕಿರುಕುಳ ನೀಡುತ್ತಿದ್ದು, ದಿನಾಂಕ 22-10-2017 ರಂದು ರಮ್ಯರವರು ಪತಿಗೆ ತಿಳಿಸದೇ ತವರುಮನೆಗೆ ಬಂದು ಅಲ್ಲಿಯೇ ಇದ್ದರು, ದಿನಾಂಕ 28-10-2017 ರಂದು ಬೆಳಿಗ್ಗೆ ಮನೆಯ ಹಿಂದೆ ಹಲ್ಲು ಉಜ್ಜುತ್ತಿರುವಾಗ ಪತಿ ನಂದ ಪಳಂಗಪ್ಪನವರು ಅಲ್ಲಿಗೆ ಹೋಗಿ ನೀನು ನನಗೆ ತಿಳಿಸದೇ ಮನೆ ಬಿಟ್ಟು ಬಂದಿದ್ದೀಯಾ ಎಂದು ಜಗಳ ತೆಗೆದು ಕೋವಿಯಿಂದ ಗುಂಡು ಹಾರಿಸಿದ್ದು ಗುಂಡು ರಮ್ಯರವರ ಬಲ ಹುಬ್ಬಿನ ಮೇಲ್ಬಾಗಕ್ಕೆ, ಬಲ ಕಿವಿಯ ಬಳಿ, ತಲೆಯ ಭಾಗಕ್ಕೆ ತಗುಲಿ ಗಾಯವಾಗಿದ್ದು ಈ ಬಗ್ಗೆ ರಮ್ಯರವರು ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

Friday, October 27, 2017

ಚಿನ್ನಾಭರಣ ದರೋಡೆ
                            ದಿನಾಂಕ 25/10/2017ರಂದು ಶ್ರೀಮಂಗಲ ನಿವಾಸಿ ಹೆಚ್‌.ಎಸ್.ಕೇತು ಎಂಬವರು ಮನೆಯಲ್ಲಿರುವಾಗ ನಾಲ್ವರು ಅಪರಿಚಿತರು ಅವರ ಮನೆಗೆ ಬಂದು ಕೇತುರವರ ಜಾಗವನ್ನು ಭೋಗ್ಯಕ್ಕೆ ಪಡೆಯುವ ವಿಚಾರವಾಗಿ ಮಾತನಾಡಿ ಕುಡಿಯಲು ನೀರು ಕೇಳಿದ್ದು ಕೇತುರವರ  ಪತ್ನಿ ಮಲ್ಲಿಗೆರವರು ನೀರು ತರಲೆಂದು ಹೋದಾಗ ನಾಲ್ವರಲ್ಲಿ ಓರ್ವ ವ್ಯಕ್ತಿಯು ಕೇತುರವರ ಮೇಲೆ ಗುದ್ದಿ ಹಲ್ಲೆ ಮಾಡಿದ್ದು ನಂತರ ಅವರನ್ನು ಕುರ್ಚಿಗೆ ಕಟ್ಟಿ ಹಾಕಿ ಕೇತುರವರ ಪತ್ನಿ ಮಲ್ಲಿಗೆಯವರನ್ನೂ ಸಹ ಕಟ್ಟಿ ಹಾಕಿ ಅವರ ಬಳಿ  ಇದ್ದ ಚಿನ್ನಾಭರಣಗಳನ್ನು ಕಸಿದುಕೊಂಡು ನಂತರ ಮನೆಯೊಳಗಿನ ಕೊಠಡಿಯೊಳಗಿದ್ದ ಬೀರುವನ್ನು ಹಾನಿಗೊಳಿಸಿ ತೆರೆದು ಅದರಲ್ಲಿದ್ದ ಚಿನ್ನಾಭರಣಗಳು ಮತ್ತು  ಒಂದು ಮೊಬೈಲ್ ಫೋನ್ ಸೇರಿದಂತೆ ಒಟ್ಟು ರೂ.97,000/- ಮೌಲ್ಯದ ಚಿನ್ನಾಭರಣಗಳನ್ನು ದರೋಡೆ ಮಾಡಿಕೊಂಡು ಹೋಗಿರುವುದಾಗ ನೀಡಿದ ದೂರಿನ ಮೇರೆಗೆ ಶ್ರೀಮಂಗಲ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಯುವತಿ ಆತ್ಮಹತ್ಯೆ
                             ದಿನಾಂಕ 25/10/2017ರಂದು ಶನಿವಾರಸಂತೆ ಬಳಿಯ ಬೆಟ್ಟದಳ್ಳಿ ಗ್ರಾಮದಲ್ಲಿ ಕೊಮಾರಯ್ಯ ಎಂಬವರ ಮಗಳು ಮೋಹನಾಕ್ಷಿ ಎಂಬಾಕೆಯು ಮನೆಯಲ್ಲಿ ಯಾರೂ ಇಲ್ಲದ ವೇಳೆಯಲ್ಲಿ ಮನೆಯ ಛಾವಣಿಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ವರದಿಯಾಗಿದೆ. ಮೃತೆ ಮೋಹನಾಕ್ಷಿಯು ಸುಮಾರು ಎರಡು ವರ್ಷಗಳಿಂದ ಹೊಟ್ಟೆನೋವಿನಿಂದ ಬಳಲುತ್ತಿದ್ದು ನೋವು ಗುಣಮುಖವಾಗದ ಕಾರಣ ಜುಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಕ್ತಿ ಕಾಣೆ ಪ್ರಕರಣ
                        ದಿನಾಂಕ 12/12/2016ರಂದು ಕುಶಾಲನಗರದ ಮಾರ್ಕೆಟ್ ರಸ್ತೆಯ ನಿವಾಸಿ ಭಾಗ್ಯ ಎಂಬವರ ಮಗ ಮಂಜುನಾಥ ಎಂಬ ಯುವಕನು ಗಾರೆ ಕೆಲಸಕ್ಕೆ ಹೋಗುವುದಾಗಿ ಮನೆಯಿಂದ ಹೋಗಿದ್ದು ಇದುವರೆಗೂ ಮರಳಿ ಬಾರದೆ ಕಾನೆಯಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಪಟ್ಟಣ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಳ್ಳಲಾಗಿದೆ.

Thursday, October 26, 2017

ಪಾದಚಾರಿಗೆ ರಿಕ್ಷಾ ಡಿಕ್ಕಿ.

     ಮಡಿಕೇರಿ ನಗರದ ಮಹದೇವಪೇಟೆ ನಿವಾಸಿ ಶ್ರೀಮತಿ ಮಂಜುಳ ಎಂಬವರ ಮಗ ವಿನೋದ್ ಎಂಬವರು ದಿನಾಂಕ 24-10-2017 ರಂದು ಮಹದೇವ ಪೇಟೆ ಕನ್ನಿಕಾ ಪರಮೇಶ್ವರಿ ದೇವಾಲಯದ ಬಳಿ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದಾಗ ಮಾರ್ಕೇಟ್ ಕಡೆಯಿಂದ ಬಂದ ಆಟೋ ರಿಕ್ಷಾವನ್ನು ಅದರ ಚಾಲಕ ವೇಗ ಮತ್ತು ನಿರ್ಲಕ್ಷ್ಯ ದಿಂದ ಚಲಾಯಿಸಿಕೊಮಡು ಬಂದು ವಿನೋದ್ ರವರಿಗೆ ಡಿಕ್ಕಿಪಡಿಸಿದ ಪರಿಣಾಮವಾಗಿ ಸದರಿ ವಿನೋದ್ ರವರು ಗಾಯಗೊಂಡಿದ್ದು ಈ ಸಂಬಂಧ ಮಡಿಕೇರಿ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಹುಡುಗ ಕಾಣೆ:

     ನಾಪೋಕ್ಲು ಠಾಣಾ ಸರಹದ್ದಿನ ಕುಂಜಿಲ ಗ್ರಾಮದ ನಿವಾಸಿ ಎಂ.ಎ. ನಾಸಿರ್ ಎಂಬವರ ಮಗ ಎಂ.ಎನ್. ಆಸ್ಕರ್ ಎಂಬವರು ದಿನಾಂಕ 24-10-2017 ರಂದು ಮನೆಯಿಂದ ಹೋಗಿದ್ದು ನಂತರ ಮನೆಗೆ ಬಾರದೆ ಕಾಣೆಯಾಗಿರುತ್ತಾರೆಂದು ನೀಡಿರುವ ದೂರಿನ ಮೇರೆಗೆ ನಾಪೋಕ್ಲು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ನೇಣುಬಿಗಿದು ವ್ಯಕ್ತಿ ಆತ್ಮಹತ್ಹೆ:

    ಕುಶಾಲನಗರ ಗ್ರಾಮಾಂತರ ಠಾಣಾ ಸರಹದ್ದಿನ ಹೊಸಕಾಡು ಬಸವನಳ್ಳಿ ಗ್ರಾಮದ ನಿವಾಸಿ ಶ್ರೀಮತಿ ಅನಿತ ಎಂಬವರ ಗಂಡ ಮಂಜುನಾಥ ಎಂಬವರು ದಿನಾಂಕ 24-10-2017 ರಂದು ಕುತ್ತಿಗೆಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು, ಶ್ರೀಮತಿ ಅನಿತರವರು ನೀಡಿದ ದೂರಿನ ಮೇರೆಗೆ ಕುಶಾಲನಗರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಜರುಗಿಸಿದ್ದಾರೆ.

 

Wednesday, October 25, 2017

ವ್ಯಕ್ತಿಯ ಆತ್ಮಹತ್ಯೆ:

      ಜೀವನದಲ್ಲಿ ಜುಗುಪ್ಸೆಗೊಂಡು ವ್ಯಕ್ತಿಯೊಬ್ಬರು ನೇಣುಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡ ಘಟನೆ ಮಡಿಕೇರಿ ತಾಲೋಕು ಕುಂಜಿಲ ಗ್ರಾಮದಲ್ಲಿ ನಡೆದಿದೆ. ಕುಂಜಿಲ ಗ್ರಾಮದ ನಿವಾಸಿ ಕೆ.ಸಿ. ಸುರೇಶ ಎಂಬವರ ಚಿಕ್ಕಪ್ಪನ ಮಗ ಸತೀಶ ಎಂಬ ವ್ಯಕ್ತಿ ಅನಾರೊಗ್ಯದಿಂದ ಬಳಲುತ್ತಿದ್ದು, ಇದೇ ವಿಚಾರದಲ್ಲಿ ಜುಗುಪ್ಸೆಗೊಂಡು ದಿನಾಂಕ 22-10-2017 ರಂದು ನೇಣುಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ಕೆ.ಸಿ. ಸುರೇಶ ರವರು ನೀಡಿದ ದೂರಿನ ಮೇರೆಗೆ ನಾಪೋಕ್ಲು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಜರುಗಿಸಿದ್ದಾರೆ.

ಅಕ್ರಮ ಮರಳು ಸಾಗಾಟ:

    ಅಕ್ರಮವಾಗಿ ಲಾರಿಯಲ್ಲಿ ಮರಳು ತುಂಬಿಸಿ ಸಾಗಾಟ ಮಾಡುತ್ತಿದ್ದುದನ್ನು ಪತ್ತೆಹಚ್ಚಿದ ಭಾಗಮಂಡಲ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ, ಭಾಗಮಂಡಲ ಠಾಣಾಧಿಕಾರಿ ಶ್ರೀ ಎಂ.ಕೆ. ಸದಾಶಿವ ರವರಿಗೆ ಬಂದ ಮಾಹಿತಿ ಮೇರೆಗೆ ಅಯ್ಯಂಗೇರಿ ಗ್ರಾಮದಲ್ಲಿ ಆರೋಪಿ ಮಹಮ್ಮದ್ ಎಂ.ಎ. ಮತ್ತು ಇತರ ಇಬ್ಬರು ಲಾರಿಯಲ್ಲಿ ಅಕ್ರಮವಾಗಿ ಮರಳನ್ನು ತುಂಬಿಸಿ ಸಾಗಾಟ ಮಾಡುತ್ತಿದ್ದುದನ್ನು ಪತ್ತೆ ಹಚ್ಚಿ ಪ್ರಕರಣ ದಾಖಲಿಸಿದ್ದಾರೆ.

ಮರಗಳ ಕಳ್ಳತನ:

    ಸಿದ್ಧಾಪುರ ಠಾಣಾ ಸರಹದ್ದಿನ ಬಾಡಗ ಬಾಣಂಗಾಲ ಗ್ರಾಮದಲ್ಲಿರುವ ಫಿರ್ಯಾದಿ ಜೇಕಬ್ ಚೆರಿಯನ್ ಎಂಬವರ ಸರ್ವೆ ನಂ 249/2 ಮತ್ತು 249/4 ರಲ್ಲಿ ಕಾಫಿ ತೋಟದಲ್ಲಿ ಬೆಳೆದಿದ್ದ 2 ತೇಗದ ಮರಗಳನ್ನು ಯಾರೋ ಕಳ್ಳರು ದಿನಾಂಕ 23-10-2017 ರ ರಾತ್ರಿ ವೇಳೆ ಕಳವು ಮಾಡಿಕೊಂಡು ಹೋಗಿದ್ದು ಕಳುವಾದ ಎರಡು ತೇಗದ ಮರದ ಬೆಲೆ ಅಂದಾಜು 25,000/- ರೂ ಆಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಸಿದ್ದಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಚಿನ್ನದ ಸರ ಬದಲಿಸಿ ವಂಚನೆ:
     ದಿನಾಂಕ 01/10/2017 ರಂದು ತಿತಿಮತಿ ನಿವಾಸಿ ಶ್ರೀಮತಿ ಜಾನಕಿ ಎಂಬವರು ಗೋಣಿಕೊಪ್ಪ ಸಂತೆಗೆ ಬಂದಿದ್ದು, ಮದ್ಯಾಹ್ನ 01-30 ಗಂಟೆಗೆ ವೇಳೆಗೆ ಗೋಣಿಕೊಪ್ಪದ ಬಸ್ಸು ನಿಲ್ದಾಣದ ಬಳಿ ನಿಂತಿರುವಾಗ್ಗೆ ಅವರಿಗೆ ಯಾರೋ ಪರಿಚಯವಿಲ್ಲದ ಒಬ್ಬ ಹೆಂಗಸು ಮತ್ತು ಗಂಡಸು ಬಂದು ಪರಿಚಯಸ್ಥರ ರೀತಿ ಅವರೊಂದಿಗೆ ಮಾತನಾಡಿಸಿ ನಮಗೆ ಹಣದ ಅವಶ್ಯಕತೆ ಇದೆ ಎಂದು ಹೇಳಿ ಯಾವುದೋ ರೋಲ್ಡ್ ಗೋಲ್ಡ್ ಚಿನ್ನವನ್ನು ಜಾನಕಿರವರಿಗೆ ತೋರಿಸಿ ಅವರ ಕುತ್ತಿಗೆಯಲ್ಲಿದ್ದ ಚಿನ್ನದ ಸರವನ್ನು ಬಿಚ್ಚಿಸಿ ನೋಡಿಕೊಂಡಿದ್ದು ನಂತರ 21 ಗ್ರಾಂ ನ ಚಿನ್ನದ ಸರವನ್ನು ಬದಲಿಸಿ ಮೋಸ ಮಾಡಿ ಹೋಗಿದ್ದು ಚಿನ್ನದ ಸರದ ಅಂದಾಜು ಮೌಲ್ಯ 65,000/- ರೂ ಆಗಿರುತ್ತದೆ ಎಂಬುದಾಗಿ ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಠಾಣೆಯಲ್ಲಿ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
 
ವಿಷ ಸೇವಿಸಿ ವ್ಯಕ್ತಿ ಸಾವು:

     ಶ್ರೀಮಂಗಲ ಪೊಲೀಸ್ ಠಾಣಾ ವ್ಯಾಪ್ತಿಯ ತಾವಳಗೇರಿ ಗ್ರಾಮದ ಟಿ.ಶೆಟ್ಟಿಗೇರಿ ನಿವಾಸಿ ಪಣಿಎರವರ ಕೊಟ್ಟಿ ಎಂಬವರ ಅಣ್ಣ ಪಣಿಎರವರ ಅಣ್ಣು ಎಂಬವರು ದಿನಾಂಕ 24-10-2017 ರಂದು ಮದ್ಯಪಾನ ಸೇವಿಸಿ ಮದ್ಯದ ಅಮಲಿನಲ್ಲಿದ್ದಾಗ ಕ್ಷಯ ರೋಗದ ಔಷಧಿಯೆಂದು ಯಾವುದೋ ವಿಷ ಪದಾರ್ಥವನ್ನು ಸೇವಿಸಿ ಅಸ್ವಸ್ಥಗೊಂಡಿದ್ದು ಸದರಿಯವರನ್ನು ಆಸ್ಪತ್ರೆಗೆ ಸಾಗಿಸುವಾಗ್ಗೆ ಸಾವನಪ್ಪಿದ್ದು, ಈ ಸಂಬಂಧ ಶ್ರೀಮಂಗಲ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ. 

ಮನುಷ್ಯ ಕಾಣೆ:

   ವಿರಾಜಪೇಟೆ ತಾಲೋಕು ಶ್ರೀಮಂಗಲ ಗ್ರಾಮದ ವಾಸಿ ಶ್ರೀಮತಿ ಕೆ.ಎಸ್. ರಶ್ಮಿರವರ ಗಂಡ ಸುಬ್ಬಯ್ಯ @ ರವಿರವರು ದಿನಾಂಕ 23-10-2017 ರಂದು ಬೆಳಿಗ್ಗೆ ಸುಮಾರು 08:00 ಗಂಟೆಗೆ ಮನೆಯಿಂದ ಹೊರಟು ಬೀರುಗ ಗ್ರಾಮಕ್ಕೆ ಹೋಗಿದ್ದು, ನಂತರ ಸುಮಾರು ಸಮಯ 08:45 ರ ವೇಳೆಗೆ ಅವರ ಅಣ್ಣನಾದ ಪೂಣಚ್ಚರವರ ಮನೆಯ ಹತ್ತಿರ ಹೋಗಿ ತನ್ನ ಮಾರುತಿ ವ್ಯಾನನ್ನು ನಿಲ್ಲಿಸಿ ಹೋದವರು ಮತ್ತೆ ಮರಳಿ ಬಾರದೆ ಕಾಣೆಯಾಗಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಶ್ರೀಮಂಗಲ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ವ್ಯಾಪಾರದ ವಿಷಯದಲ್ಲಿ ಜಗಳ:

    ಕಂಪೆನಿಯೊಂದನ್ನು ತೆರೆಯುವ ವಿಷಯದಲ್ಲಿ ವ್ಯಕ್ತಿಯೊಬ್ಬರು ಸೇಲ್ಸ್ ಡಿಸ್ಟ್ರಿಬ್ಯೂಟರ್ ರವರ ಮೇಲೆ ಹಲ್ಲೆ ನಡೆಸಿದ ಘಟನೆ ಬಗ್ಗೆ ಪ್ರಕರಣ ದಾಖಲಾಗಿದೆ. ಸೋಮವಾರಪೇಟೆ ನಗರದಲ್ಲಿ ಪಾರ್ಲೆ ಕಂಪನಿಯ ಡಿಸ್ಟ್ರಿಬ್ಯೂಟರ್ ಆಗಿ ಕೆಲಸ ನಿರ್ವಹಿಸುತ್ತಿರುವ ಪುಟ್ಟರಾಜು ಹಾಗು ಮೋಹನ ರವರು ಸೇರಿ ಪಾರ್ಲೆ ಪ್ರಾಡೆಕ್ಟ್ ಲಿಮಿಟೆಡ್ ಕಂಪನಿಯಲ್ಲಿ ಸೆಲ್ಸ್ ಎಕ್ಸಿಕೂಟಿವ್ ಆಗಿ ಕೆಲಸ ಮಾಡಿಕೊಂಡಿರುವ ಫಿರ್ಯಾದಿ ಅನೀಸ್ ರವರ ಮೇಲೆ ಕೋಡ್ಲಿಪೇಟೆಯಲ್ಲಿ ಪಾರ್ಲೆ ಶಾಖೆ ಪ್ರಾರಂಭಿಸುವ ವಿಚಾರದ ಬಗ್ಗೆ ಜಗಳ ಮಾಡಿ ಹಲ್ಲೆ ನಡೆಸಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲಿಸರು ತನಿಖೆ ಕೈಗೊಂಡಿದ್ದಾರೆ.

          ಇದೇ ವಿಚಾರವಾಗಿ ಮೋಹನವರರು ಸೋಮವಾರಪೇಟೆ ಠಾಣೆಯಲ್ಲಿ ದೂರೊಂದನ್ನು ನೀಡಿ ತಾನು ದಿನಾಂಕ 24-10-2017 ರಂದು ಸಂಜೆ 06:00 ಗಂಟೆಗೆ ಸೋಮವಾರಪೇಟೆಯ ಬಾಣಾವಾರ ರಸ್ತೆಯಲ್ಲಿರುವ ಕಲ್ಯಾಣ್ ಭವನ್ ಹೋಟೆಲ್ ನಲ್ಲಿ ಟಿ ಕುಡಿಯುತ್ತಾ ನಿಂತುಕೊಂಡಿರುವಾಗ್ಗೆ ಮಾಲಂಬಿ ಗ್ರಾಮದ ಅನೀಶ್ ಮತ್ತು ತಾಕೇರಿ ಗ್ರಾಮದ ಕಿಶೋರ್ ರವರು ಅಲ್ಲಿಗೆ ಬಂದು ಅವಾಚ್ಯ ಶಬ್ದಗಳಿಂದಿ ಬೈದು ಹಲ್ಲೆನಡೆಸಿರುತ್ತಾರೆಂದು ದೂರನ್ನು ನೀಡಿದ್ದು ಅದರಂತೆ ಸೋಮವಾರಪೇಟೆ ಪೊಲೀಸರು ಅನೀಶ್ ಮತ್ತು ಕಿಶೋರ್ ರವರ ವಿರುದ್ಧ ಪ್ರಕರಣ ದಾಖಲಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.

Tuesday, October 24, 2017

ಪರಸ್ಪರ ಕಾರು ಡಿಕ್ಕಿ
                            ದಿನಾಂಕ 23/10/2017ರಂದು ಮಡಿಕೇರಿಯ ವಿದ್ಯಾನಗರ ನಿವಾಸಿ ಪಿ.ಎನ್.ಶರತ್ ಎಂಬವರು ಅವರ ಕೆಎ-12-ಎ-4637ರ ಕಾರನ್ನು ಚಾಲಿಸಿಕೊಂಡು ಮಡಿಕೇರಿ ನಗರದ ಹೊರವಲಯದ ಸಂಪಿಗೆ ಕಟ್ಟೆಯಿಂದ ಮಡಿಕೇರಿಗೆ ಬರುತ್ತಿರುವಾಗ ಮಡಿಕೇರಿ ರಸ್ತೆಯ ವುಡ್‌ಸ್ಟಾಕ್ ವಿಲ್ಲಾ ಬಳಿ ಮಡಿಕೇರಿ ಕಡೆಯಿಂದ ಕೆಎ-05-ಎಂ-ಇ-8021ರ ಕಾರನ್ನು ಅದರ ಚಾಲಕ ಸುಂಟಿಕೊಪ್ಪದ ಮಂಜುನಾಥ್ ಎಂಬವರು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಶರತ್‌ರವರ ಕಾರಿಗೆ ಡಿಕ್ಕಿಪಡಿಸಿದ ಪರಿಣಾಮ ಶರತ್‌ರವರಿಗೆ ಗಾಯಗಳಾಗಿರುವುದಾಗಿ ಅವರು ದೂರು ನೀಡಿದ್ದಾರೆ.ಅದೇ ರೀತಿ ಮಂಜುನಾಥ್‌ರವರು ಮಡಿಕೇರಿಯಿಂದ ಸುಂಟಿಕೊಪ್ಪಕ್ಕೆ ಹೋಗುತ್ತಿರುವಾಗ ಶರತ್‌ರವರು ಅವರ ಕಾರನ್ನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ತಮ್ಮ ಕಾರಿಗೆ ಡಿಕ್ಕಿಪಡಿಸಿರುವುದಾಗಿ ಮಂಜುನಾಥ್‌ರವರು ದೂರು ನೀಡಿದ್ದು ಮಡಿಕೇರಿ ಸಂಚಾರಿ ಪೊಲೀಸರು ಎರಡೂ ದೂರುಗಳನ್ನು ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಕ್ತಿಯ ಮೇಲೆ ಹಲ್ಲೆ
                            ದಿನಾಂಕ 23/10/2017ರಂದು ನಾಪೋಕ್ಲು ಬಳಿಯ  ಕುಯ್ಯಂಗೇರಿ ನಿವಾಸಿ ಕುಂಜಿಲಂಡ ಬೆಳ್ಯಪ್ಪ ಎಂಬವರ ಮೇಲೆ ಅವರ ಮಗ ಕುಂಜಿಲಂಡ ಹೇಮಂತ್ ಕುಮಾರ್‌ ಕ್ಷುಲ್ಲಕ ಕಾರಣಕ್ಕೆ ದೊಣ್ಣೆಯಿಂದ ಹಲ್ಲೆ ಮಾಡಿರುವುದಾಗಿ ವರದಿಯಾಗಿದೆ. ಘಟನೆಯ ಸಂಬಂಧ ನಾಪೋಕ್ಲು ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಬೈಕಿಗೆ ಕಾರು ಡಿಕ್ಕಿ
                       ದಿನಾಂಕ 22/10/2017ರಂದು ಸುಳ್ಯ ಬಳಿಯ ಬೆಳ್ಳಾರೆ ನಿವಾಸಿ ವಸಂತ್ ಎಂಬವರು ಅವರ ಪತ್ನಿ ಸವಿತಾರೊಂದಿಗೆ ಕೆಎ-21-ಯು-6990ರ ಬೈಕಿನಲ್ಲಿ ಮಡಿಕೇರಿಯಿಂದ ಬೆಳ್ಳಾರೆಗೆ ಹೋಗುತ್ತಿರುವಾಗ ಮದೆನಾಡು ಬಳಿಯ ಜೋಡುಪಾಲ ಎಂಬಲ್ಲಿ ಸಂಪಾಜೆ ಕಡೆಯಿಂದ ಕೆಎ-21-ಪಿ-4410ರ ಕಾರನ್ನು ಅದರ ಚಾಲಕ ದಿನೇಶ್‌ ಎಂಬವರು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ವಸಂತ್‌ರವರು ಹೋಗುತ್ತಿದ್ದ ಬೈಕಿಗೆ ಡಿಕ್ಕಿಪಡಿಸಿದ ಪರಿಣಾಮ ವಸಂತ್ ಹಾಗೂ ಅವರ ಪತ್ನಿ ಸವಿತಾರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಪಾದಚಾರಿ ಮಹಿಳೆಗೆ ಬೈಕ್ ಡಿಕ್ಕಿ
                     ದಿನಾಂಕ 22/10/2017ರಂದು ಅಮ್ಮತ್ತಿ ನಿವಾಸಿ ವಿಮಲ ಮಂದಣ್ಣ ಎಂಬವರು ಬಿಟ್ಟಂಗಾಲದ ಆರ್‌.ಕೆ.ಎಫ್‌.ನಲ್ಲಿ ನಡೆಯುತ್ತಿದ್ದ ಮದುವೆ ಸಮಾರಂಭಕ್ಕೆ ಪರಿಚಯಸ್ಥರ ಕಾರಿನಲ್ಲಿ ಹೋಗುತ್ತಿರುವಾಗ ದಾರಿ ಮಧ್ಯ ಬಿಟ್ಟಂಗಾಲದ ಯಜ್ಞ ಟಾವರ್ನ್‌ ಬಳಿ ಕಾರಿನಿಂದಿಳಿದು ರಸ್ತೆಯ ಇನ್ನೊಂದು ಬದಿಯಲ್ಲಿರುವ ಜಯ ಎಂಬವರಿಗೆ ಪೊಟ್ಟಣವೊಮದನ್ನು ನೀಡಲು ರಸ್ತೆ ದಾಟುತ್ತಿರುವಾಗ ಗೋಣಿಕೊಪ್ಪ ಕಡೆಯಿಂದ ಒಂದು ಮೋಟಾರು ಬೈಕನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ರಸ್ತೆ ದಾಟುತ್ತಿದ್ದ ವಿಮಲ ಮಂದಣ್ಣರವರಿಗೆ ಡಿಕ್ಕಿಪಡಿಸಿ ಬೈಕನ್ನು ನಿಲ್ಲಿಸದೆ ಪರಾರಿಯಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಯುವಕ ಆತ್ಮಹತ್ಯೆ
                       ದಿನಾಂಕ 23/10/2017ರಂದು ಸೋಮವಾರಪೇಟೆ ನಗರದ ಎಂ..ಡಿ.ಬ್ಲಾಕ್ ನಿವಾಸಿ ಪಿ.ಎಸ್.ಬೇಬಿ ಎಂಬವರ ಮಗ ವಿನೋದ್‌ ಎಂಬವರು ಮನೆಯಲ್ಲಿ ಮನೆಯ ಮಾಡಿಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ವರದಿಯಾಗಿದೆ. ಮೃತ ವಿನೋದ್ ಅತೀವ ಮದ್ಯವ್ಯಸನಿಯಾಗಿದ್ದು ಅಪಸ್ಮಾರ ರೋಗಿಯಾಗಿದ್ದು ಈ ಕಾರಣಕ್ಕೆ ಜುಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿರಬಹುದಾಗಿ ಆತನ ತಾಯಿ ಬೇಬಿಯವರು ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Monday, October 23, 2017

ಕ್ಷುಲ್ಲಕ ಕಾರಣ, ವ್ಯಕ್ತಿಯ ಕೊಲೆಗೆ ಯತ್ನ:
    ಕ್ಷುಲ್ಲಕ ಕಾರಣಕ್ಕೆ ವ್ಯಕ್ತಿಯೋರ್ವ ಮತ್ತೊಬ್ಬ ವ್ಯಕ್ತಿಯ ಮೇಲೆ ಚಾಕುವಿನಿಂದ ಇರಿದು ಕೊಲೆಗೆ ಯತ್ನಿಸಿದ ಘಟನೆ ಬಗ್ಗೆ ಪ್ರಕರಣ ದಾಖಲಾಗಿದೆ.  ದಿನಾಂಕ 21-10-2017 ರಂದು ಕುಶಾಲನಗರ ಗ್ರಾಮಾಂತರ ಠಾಣಾ ವ್ಯಾಪ್ತಿಯ ಕೂಡ್ಲೂರು ಗ್ರಾಮದ ನಿವಾಸಿ ವಿಜಯನ್ ಎಂಬವರ ಮಗ ಅಭಿಷೇಕ್ ಎಂಬವರ ಮೇಲೆ ಅಜೇಶ್ ಎಂಬ ವ್ಯಕ್ತಿ ಕ್ರಿಕೇಟ್ ಆಟವಾಡುತ್ತಿದ್ದಾದ ಜಗಳ ಮಾಡಿ ಅವಾಚ್ಯ ಶಬ್ದಗಳಿಂದ ಬೈದು ಚಾಚುವಿನಿಂದ ಇರಿದು ಕೊಲೆಗೆ ಯತ್ನಿಸಿದ್ದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಗ್ರಾಮಾಂತರ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.
ಬೈಕ್ ಆಟೋ ರಿಕ್ಷಾಕ್ಕೆ ಡಿಕ್ಕಿ ಇಬ್ಬರಿಗೆ ಗಾಯ:
    ಬೈಕೊಂದು ಆಟೋರಿಕ್ಷಾಕ್ಕೆ ಡಿಕ್ಕಿಯಾಗಿ ಇಬ್ಬರು ಗಾಯಗೊಂಡ ಘಟನೆ ಸೋಮವಾರಪೇಟೆ ತಾಲೋಕು ಅಳುವಾರ ಗ್ರಾಮದಲ್ಲಿ ನಡೆದಿದೆ.  ಶನಿವಾರಸಂತೆ ಠಾಣಾ ಸಿಬ್ಬಂದಿಗಳಾದ ಎಂ.ಬಿ. ರವೀಂದ್ರ ಹಾಗು ಲೋಕೇಶ್ ರವರುಗಳು ದಿನಾಂಕ 22-10-2017 ರಂದು ಮೋಟಾರ್ ಸೈಕಲಿನಲ್ಲಿ ಕುಶಾಲನಗರದಿಂದ ಶನಿವಾರಸಂತೆ ಕಡೆಗೆ ಹೋಗುತ್ತಿದ್ದಾಗ ಅಳುವಾರ ಗ್ರಾಮದ ಬಾಣಾವರ ಎಂಬಲ್ಲಿ ಎದುರುಗಡೆಯಿಂದ ಬಂದ ಆಟೋ ರಿಕ್ಷಾ ಬೈಕಿಗೆ ಡಿಕ್ಕಿಯಾದ ಪರಿಣಾಮ ಬೈಕಿನಲ್ಲಿ ಹೋಗುತ್ತಿದ್ದ  ರವೀಂದ್ರ ಹಾಗು ಲೋಕೇಶ್ ರವರುಗಳು ಗಾಯಗೊಂಡಿದ್ದು, ಕುಶಾಲನಗರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಮನೆಯಿಂದ ಚಿನ್ನಾಭರಣ ಕಳವು:
     ಮನೆಯಲ್ಲಿಟ್ಟಿದ್ದ ಚಿನ್ನಾಭರಣ ಕಳ್ಳತನ ವಾದ ಘಟನೆ ಗೋಣಿಕೊಪ್ಪ ಠಾಣಾ ಸರಹದ್ದಿನ ಅತ್ತೂರು ಗ್ರಾಮದಲ್ಲಿ ನಡೆದಿದೆ.  ಅತ್ತೂರು ಗ್ರಾಮದ ನಿವಾಸಿ ಶ್ರೀಮತಿ ಎಂ.ಕೆ. ಕಮಲ ಎಂಬವರ ಮನೆಗೆ ಟೈಲ್ಸ್ ಗಳನ್ನು ಅಳವಡಿಸುವ ಕಾರ್ಯವನ್ನು ಸುರೇಶ ಮತ್ತು ರಿಚ್ ಕುಮಾರ್ ಎಂಬವರುಗಳು ಮಾಡುತ್ತಿದ್ದು, ಸದರಿ ಮನೆಯಲ್ಲಿದ್ದ ಗಾದ್ರೇಜ್ ಬೀರುವಿನಲ್ಲಿಟ್ಟಿದ್ದ ಚಿನ್ನಾಭರಣಗಳು ಕಳ್ಳತನ ವಾಗಿದ್ದು  ಸದರಿ ಕಳ್ಳತನವನ್ನು ಸುರೇಶ್ ರವರು ಕಳವು ಮಾಡಿರುವ ಸಂಶಯವಿರುತ್ತದೆ ಎಂಬುದಾಗಿ ದಿನಾಂಕ 29-8-2017 ರಂದು ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.
ವೃದ್ದೆಯ ಕೊಲೆ:
    ಶ್ರೀಮಂಗಲ ಠಾಣಾ ಸರಹದ್ದಿನ ಬಾಡಗರಕೇರಿ ಗ್ರಾಮದ ನಿವಾಸಿ ಶಂಭು ಎಂಬವರು ಬೆಂಗಳೂರಿನಲ್ಲಿ ನೆಲೆಸಿದ್ದು, ಸದರಿಯವರ ತಾಯಿ ಶ್ರೀಮತಿ ಸುಂದರಮ್ಮ ರವರು ಬಾಡಗರಕೇರಿ ಗ್ರಾಮದ ತೋಟದ ಮನೆಯಲ್ಲಿ ಒಬ್ಬರೇ ವಾಸವಾಗಿದ್ದು, ದಿನಾಂಕ 20-10-2017 ರಿಂದ 22-10-2017ರ ನಡುವಿನ ಅವಧಿಯಲ್ಲಿ ಯಾರೋ ದುಷ್ಕರ್ಮಿಗಳು ಅವರನ್ನು ಕೊಲೆ ಮಾಡಿದ್ದು,  ಶಂಭುರವರು ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

Sunday, October 22, 2017

ವಾಹನ ಅಪಘಾತ
                      ದಿನಾಂಕ 21-10-17 ರಂದು ಕೂಡುಮಂಗಳೂರು ಗ್ರಾಮ ಪಂಚಾಯ್ತಿ ಕಛೇರಿ ಮುಂದೆ  ಕುಶಾಲನಗರ ಕಡೆಯಿಂದ ಬರುತ್ತಿದ್ದ  ಪ್ರಭು ಎಂಬವರ ಕೆಎ 13 ಎಂ 4353ರ ಕಾರಿಗೆ ಕೂಡಿಗೆ ಕಡೆಯಿಂದ ಕೆಎ-46-ಟಿ-3935 ರ ಟ್ರಾಕ್ಟರ್ ಅನ್ನು ಅದರ ಚಾಲಕ ರಾಜು ಎಂಬಾತನು ಅತಿವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಬಂದು ಡಿಕ್ಕಿಪಡಿಸಿದ ಪರಿಣಾಮ ಕಾರಿನ ಚಾಲಕ ಪ್ರಭು ಮತ್ತು ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದ ಗೌತಮ್ ಎಂಬ ಹುಡುಗನಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ರಸ್ತೆ ಅಪಘಾತ ಪ್ರಕರಣ
                    ದಿನಾಂಕ 19/10/2017ರಂದು ಸೋಮವಾರಪೇಟೆ ಬಳಿಯ ಕೂಗೂರು ನಿವಾಸಿ ಚಿನ್ನಪ್ಪ ಎಂಬವರ ಮಗ ಪ್ರಜ್ವಲ್ ಎಂಬಾತನು ಗೌಡಳ್ಳಿ ಬಳಿ ರಸ್ತೆಯ ಬದಿಯಲ್ಲಿ ನಡೆದುಕೊಂಡು ಬರುತ್ತಿರುವಾಗ ಸೋಮವಾರಪೇಟೆ ಕಡೆಯಿಂದ ಕೆಎ-13-ಸಿ-2186ರ ಟಾಟಾ ಏಸ್ ವಾಹನವನ್ನು ಅದರ ಚಾಲಕ ಪರಮೇಶ್ ಎಂಬಾತನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಪ್ರಜ್ವಲ್ ಗೆ ಡಿಕ್ಕಿಪಡಿಸಿದ ಪರಿಣಾಮ ಆತನಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Saturday, October 21, 2017

ಪೊಲೀಸ್‌ ಹುತಾತ್ಮರ ದಿನಾಚರಣೆ
                      ಕೊಡಗು ಜಿಲ್ಲೆಯಲ್ಲಿ ಶಾಂತಿ ನೆಲೆಸುವಲ್ಲಿ ಜಿಲ್ಲಾ ಪೊಲೀಸರ ಕರ್ತವ್ಯಪರತೆ ಮತ್ತು ತ್ಯಾಗ ಕಾರಣ ಎಂದು  ಒಂದನೇ ಅಪರ ಜಿಲ್ಲಾ ಮತ್ತು ಸತ್ರ ನ್ಯಾಯಾಧೀಶ ಶ್ರೀ ಡಿ.ಪವನೇಶ್‌ ಅಭಿಪ್ರಾಯಪಟ್ಟಿದ್ದಾರೆ. ಅವರು ಇಂದು ನಗರದ ಪೊಲೀಸ್ ಕವಾಯತು ಮೈದಾನದಲ್ಲಿ ನಡೆದ ಪೊಲೀಸ್‌ ಹುತಾತ್ಮರ ದಿನಾಚರಣೆಯಲ್ಲಿ ಭಾಗವಹಿಸಿ ಮಾತನಾಡುತ್ತಿದ್ದರು. 

 
                     ಸಮಾರಂಭದ ವಿಶೇಷ ಆಹ್ವಾನಿತರಾಗಿ ಆಗಮಿಸಿದ್ದ ಜಿಲ್ಲಾಧಿಕಾರಿ ಡಾ|| ವಿನ್ಸೆಂಟ್ ರಿಚರ್ಡ್‌ ಡಿ'ಸೋಜರವರು ಮಾತನಾಡಿ ಸಮಾಜದ ಸ್ವಾಸ್ಥ್ಯಕ್ಕಾಗಿ ಜೀವ ಬಲಿದಾನಗೈದ ಪೊಲೀಸರನ್ನು ಗೌರವದಿಂದ ಸ್ಮರಿಸಬೇಕಾಗಿರುವುದು  ಎಲ್ಲರ ಕರ್ತವ್ಯ ಎಂದು ಅಭಿಪ್ರಾಯಪಟ್ಟರು. 

                      ಬೆಳಿಗ್ಗೆ 8:30 ಗಂಟೆಗೆ ನಡೆದ ಆಕರ್ಷಕ ಸಮಾರಂಭದಲ್ಲಿ ಮೊದಲಿಗೆ ಸಮಾರಂಭಕ್ಕೆ ಆಗಮಿಸಿದ ಸಮಾಜದ ವಿವಿಧ ಸ್ತರದ ಗಣ್ಯರು ಪೊಲೀಸ್‌ ಹುತಾತ್ಮ ಸ್ಮಾರಕಕ್ಕೆ ಪುಷ್ಪಗುಚ್ಛ ಸಮರ್ಪಿಸಿ ಗೌರವ ಸಲ್ಲಿಸಿದರು ನಂತರ ಪೊಲೀಸ್‌ ಇಲಾಖೆಯ ವತಿಯಿಂದ ಕುಶಲ ತೋಪು ಸಿಡಿಸಿ ಮೌನಾಚರಣೆ ಆಚರಿಸುವ ಮೂಲಕ ಜೀವ ಬಲಿದಾನಗೈದ ಪೊಲೀಸ್‌ ಅಧಿಕಾರಿ ಮತ್ತು ಸಿಬ್ಬಂದಿಗಳಿಗೆ ಗೌರವ ಸಮರ್ಪಿಸಲಾಯಿತು. 

                    ಪ್ರಾಸ್ತಾವಿಕ ಭಾಷಣ ಮಾಡಿದ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಪಿ.ರಾಜೇಂದ್ರ ಪ್ರಸಾದ್‌ ಐಪಿಎಸ್‌ರವರು 2016-17ನೇ ಸಾಲಿನಲ್ಲಿ ಕರ್ತವ್ಯದ ಸಂದರ್ಭ ದೇಶದಾದ್ಯಂತ ಪ್ರಾಣತ್ಯಾಗ ಮಾಡಿದ ಎಲ್ಲಾ ಪೊಲೀಸ್‌ ವಿಭಾಗಗಳ ಅಧಿಕಾರಿ ಹಾಗೂ ಸಿಬ್ಬಂದಿಗಳ ಹೆಸರುಗಳನ್ನು ಓದುವ ಮೂಲಕ ಅವರನ್ನು ಸ್ಮರಿಸಿದರು.

                     ಸಮಾರಂಭದಲ್ಲಿ ನಿವೃತ್ತ ಪೊಲೀಸ್‌ ಅಧಿಕಾರಿಗಳು, ನಿವೃತ್ತ ಸೇನಾಧಿಕಾರಿಗಳು, ನಗರ ಸಭೆಯ ಮುಖ್ಯಸ್ಥರು, ಇತರ ಇಲಾಖಾ ಅಧಿಕಾರಿಗಳು ಮತ್ತು ಸಾರ್ವಜನಿಕರು ಪಾಲ್ಗೊಂಡಿದ್ದರು. ಡಿಎಆರ್‌ನ ಎಆರ್‌ಎಸ್ಐ ಅಂತೋಣಿ ಡಿ'ಸೋಜಾರವರು ಕಾರ್ಯಕ್ರಮ ನಿರೂಪಿಸಿ ವಂದಿಸಿದರು.

ಸಂಶಯಾಸ್ಪದ ವ್ಯಕ್ತಿಯ ಬಂಧನ
                ದಿನಾಂಕ 20/10/2017ರಂದು ರಾತ್ರಿ ವೇಳೆದ ಕುಶಾಲನಗರ ಪಟ್ಟಣ ಠಾಣೆಯ ಎಎಸ್‌ಐ ಎಂ.ಎ.ಗೋಪಾಲರವರು ಸಿಬ್ಬಂದಿಗಳೊಂದಿಗೆ ಗಸ್ತು ಕರ್ತವ್ಯದಲ್ಲಿರುವಾಗ ನಗರದ ಸಿಟಿ ಸೆಂಟರ್ ಕಟ್ಟಡದ ಬಳಿ ಬಿಹಾರ ರಾಜ್ಯದ ಹರರಿಯಾ ಜಿಲ್ಲೆಯ ನಿವಾಸಿ ರಾಜೇಶ್‌ ಕುಮಾರ್ ಎಂಬ ವ್ಯಕ್ತಿಯು ಕೈಯಲ್ಲಿ ಕಬ್ಬಿಣದ ರಾಡೊಂದನ್ನು ಹಿಡಿದುಕೊಂಡು ಆತನ ಇರುವಿಕೆಯನ್ನು ಮರೆಮಾಚಿಕೊಂಡು ಅನುಮಾನಾಸ್ಪದವಾಗಿ ಸುತ್ತಾಡುತ್ತಿದ್ದುದನ್ನು ಪತ್ತೆ ಹಚ್ಚಿ ಆತನನ್ನು ಬಂಧಿಸಿ ಕುಶಾಲನಗರ ಪಟ್ಟಣ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಪರಸ್ಪರ ಕಾರು ಅವಘಢ
                      ದಿನಾಂಕ 20/10/2017ರಂದು ಸುಳ್ಯದ ಅಜ್ಜಾವರ ನಿವಾಸಿ ಬಿ.ಎಸ್.ರಾಜೇಶ್‌ ಎಂಬವರು ಎರಡು ಕಾರುಗಳಲ್ಲಿ ಕುಟುಂಬ ಸದಸ್ಯರೊಂದಿಗೆ ಕುಶಾಲನಗರದ ದುಬಾರೆಗೆ ಬೆಂಗಳೂರಿನಿಂದ ಬರುತ್ತಿದ್ದಾಹ ಹೊಸಪಟ್ಟಣ ಬಳಿ ಅವರ ಮಾವ ಶ್ರೀನಿವಾಸ ಮತ್ತು ಅತ್ತೆ ಕಸ್ತೂರಿಯವರು ಬರುತ್ತಿದ್ದ ಕೆಎ-53-ಎನ್-8493ರ ಕಾರಿಗೆ ದರ್ಶನ್ ಎಂಬಾತನು ಕೆಎ-12-ಎಂಎ-1047ರ ಕಾರನ್ನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಡಿಕ್ಕಿಪಡಿಸಿದ ಪರಿಣಾಮ ಕಾರಿನಲ್ಲಿದ್ದ ಶ್ರೀನಿವಾಸ, ಕಸ್ತೂರಿ ಮತ್ತು ರವಿರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಜೀಪಿಗೆ ಕಾರು ಡಿಕ್ಕಿ
                    ದಿನಾಂಕ 20/10/2017ರಂದು ಕುಶಾಲನಗರ ಬಳಿಯ ಹೆಬ್ಬಾಲೆ ಗ್ರಾಮದ ಕೆನರಾ ಬ್ಯಾಂಕಿನ ಬಳಿ ರಸ್ತೆ ಬದಿಯಲ್ಲಿ ನಾಗೇಶ್‌ ಎಂಬವರು ನಿಲ್ಲಿಸಿದ್ದ ಕೆಎ-13-ಬಿ-9361ರ ಪಿಕ್‌ಅಪ್ ಜೀಪಿಗೆ ಕೊಣನೂರು ಕಡೆಯಿಂದ ಕೆಎ-12-ಎಂಎ-0731ರ ಮಾರುತಿ ಕಾರನ್ನು ಅದರ ಚಾಲಕ ಕುಮಾರ್ ಎಂಬವರು ಅತಿ ವೇಗ ಮತ್ತು ಅಜಾಗರೂತೆಯಿಂದ ಚಾಲಿಸಿಕೊಂಡು ಬಂದು ಡಿಕ್ಕಿಪಡಿಸಿದ ಪರಿಣಾಮ ಕಾರಿನಲ್ಲಿದ್ದ ಪ್ರಯಾಣಿಕರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ರಸ್ತೆ ಅಫಘಾತ, ವ್ಯಕ್ತಿ ಸಾವು
                        ದಿನಾಂಕ 20/10/2017ರಂದು ಬೆಟ್ಟತ್ತೂರು ನಿವಾಸಿ ವೇಣುಗೋಪಾಲ್ ಎಂಬವರ ತಂದೆ ತಮ್ಮಯ್ಯ ಹಾಗೂ ದಾಮೋದರ ಎಂಬವರು ಗರಗಂದೂರಿಗೆ ಕೆಲಸದ ನಿಮಿತ್ತ ಹೋಗಿದ್ದು ಮರಳಿ ಮನೆಗೆ ಹೋಗುವ ಸಲುವಾಗಿ ಗರಗಂದೂರಿನಲ್ಲಿ ರಿಕ್ಷಾವನ್ನು ಕಾಯುತ್ತಾ ನಿಂತಿರುವಾಗ ಕೆಎ-12-ಎಲ್-9354ರ ಮೋಟಾರು ಸೈಕಲನ್ನು ಅದರ ಚಾಲಕ ಪ್ರಶಾಂತ್ ಎಂಬವರು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ರಸ್ತೆ ಬದಿಯಲ್ಲಿ ನಿಂತಿದ್ದ ತಮ್ಮಯ್ಯನವರಿಗೆ ಡಿಕ್ಕಿಪಡಿಸಿದ್ದು ತೀವ್ರವಾಗಿ ಗಾಯಗೊಂಡ ತಮ್ಮಯ್ಯನವರನ್ನು ದಾಮೋದರರವರು ಮಡಿಕೇರಿ ಸರ್ಕಾರಿ ಆಸ್ಪತ್ರೆಗೆ ಸಾಗಿಸಿದ್ದು ತಮ್ಮಯ್ಯನವರು ಮೃತರಾಗಿರುವುದಾಗಿ ವೈದ್ಯರು ತಿಳಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ಸುಂಟಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಚಿನ್ನಾಭರಣ ಕಳವು
                        ಕುಟ್ಟ ಬಳಿಯ ಕೋತೂರು ನಿವಾಸಿ ವಿ.ಟಿ.ರಘು ಎಂಬವರು ಕೋತೂರು ಗ್ರಾಮದಲ್ಲಿನ ಅವರ ಅತ್ತೆಯ ಮನೆಯಿಂದ ಪತ್ನಿ ಹಾಗೂ ಅತ್ತೆಯವರನ್ನು ದೀಪಾವಳಿ ಹಬ್ಬಕ್ಕೆ ಕರೆದುಕೊಂಡು ಹೋಗಿದ್ದು  ಮಾರನೆ ದಿನ ಬೆಳಿಗ್ಗೆ ಅತ್ತೆಯ ಮನೆಯ ಬಳಿ ಹೋಗಿ ನೋಡಿದಾಗ ಯಾರೋ ಕಳ್ಳರು ಮನೆಯ ಬೀಗ ಮುರಿದು ಒಳ ಪ್ರವೇಶಿಸಿ ಮನೆಯ ಮಲಗುವ ಕೋಣೆಯ ಬೀರುವಿನಲ್ಲಿದ್ದ ಸುಮಾರು ರೂ.1,18,000/- ನಗದು, ರೂ.15,000/- ಬೆಲೆಯ ಚಿನ್ನದ ನೆಕ್ಲೇಸ್ ಮತ್ತು ಒಂದು ಮೊಬೈಲ್ ಫೋನನ್ನು ಕಳವು ಮಾಡಿಕೊಂಡು ಹೋಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಟ್ಟ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಕ್ತಿಗೆ ಜೀಪು ಡಿಕ್ಕಿ
                       ದಿನಾಂಕ 20/10/2017ರಂದು ಪಿ.ಪೆರಾಜೆ ನಿವಾಸಿ ಯಶವಂತ್ ಎಂಬವರು ಕೆಎ-12-5128ರ ಜೀಪಿನಲ್ಲಿ ಮಡಿಕೇರಿ ಬಳಿಯ ಮಾಂದಲಪಟ್ಟಿಗೆ ಸ್ನೇಹಿತರೊಂದಿಗೆ ಹೊರಟಿದ್ದು ಮಾಂದಲಪಟ್ಟಿ ಬಳಿ ಜೀಪನ್ನು ನಿಲ್ಲಿಸಿ ಜೀಪಿನಲ್ಲಿದ್ದ ಲಿಖಿನ್ ಎಂಬವರು ಜೀಪಿನಿಂದಿಳಿದು ಶೌಚಕ್ಕೆಂದು ತೆರಳಿ ನಂತರ ಜೀಪಿನ ಹಿಂದುಗಡೆಯಿಂದ ಜೀಪನ್ನೇರುವಾಗ ಮಡಿಕೇರಿ ಕಡೆಯಿಂದ ಕೆಎ-12-ಎಂ-4245ರ ಜೀಪನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ  ಚಾಲಿಸಿಕೊಂಡು ಬಂದು ಲಿಖಿನ್‌ರವರಿಗೆ ಡಿಕ್ಕಿಪಡಿಸಿದ ಪರಿಣಾಮ ಲಿಖಿನ್‌ರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Friday, October 20, 2017

ವ್ಯಕ್ತಿ ಆತ್ಮಹತ್ಯೆ
                            ದಿನಾಂಕ 18/10/2017ರಂದು ಕುಶಾಲನಗರ ಬಳಿಯ ನಂಜರಾಯಪಟ್ಟಣ ನಿವಾಸಿ ಯಾದವಕುಮಾರ್ ಎಂಬವರು ಮನೆಯಲ್ಲಿ ಯಾವುದೋ ವಿಷ ಪದಾರ್ಥ ಸೇವಿಸಿ ಆತ್ಮಹತ್ಯೆಗೆ ಯತ್ನಿಸಿದ್ದು ಅವರನ್ನು ಚಿಕಿತ್ಸೆಗಾಗಿ ಮೈಸೂರಿನ ಜೆಎಸ್‌ಎಸ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೆ ದಿನಾಂಕ 19/10/2017ರಂದು ಯಾದವಕುಮಾರ್‌ರವರು ಮೃತರಾಗಿರುವುದಾಗಿ ವರದಿಯಾಗಿದೆ. ಮೃತ ಯಾದವಕುಮಾರ್‌ರವರು ನೆರೆಹೊರೆಯವರಿಂದ ಹಾಗೂ ಬ್ಯಾಂಕಿನಲ್ಲಿ ವಿಪರೀತ ಸಾಲ ಮಾಡಿದ್ದು ತೀರಿಸಲಾಗದೆ ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ನೀಡಿದ ದೂರಿನ  ಮೇರೆಗೆ ಕುಶಾಲನಗರ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಅವಹೇಳನಕರ ಸಂದೇಶ, ಪ್ರಕರಣ ದಾಖಲು
                             ದಿನಾಂಕ 16/10/2017ರಂದು ನಾಪೋಕ್ಲು ಬಳಿಯ ಚೆರುಮಂದಂಡ ವಿವೇಕ್‌ ಎಂಬವರು ಅವರ ಊರಿನ ಕೆಲವರನ್ನು ಮತ್ತು ಮಾಜಿ ಸೈನಿಕರನ್ನು ಉದ್ದೇಶಿಸಿ ಅವಹೇಳನಕರವಾಗಿ ಮಾತನಾಡಿದುದನ್ನು ರೆಕಾರ್ಡ್‌ ಮಾಡಿಕೊಂಡು ವಾಟ್ಸಪ್ ಮೂಲಕ ಕಳುಹಿಸಿ ಅವಮಾನಿಸಿರುವುದಾಗಿ ಕಿರುಂದಾಡು ನಿವಾಸಿ ಮಚ್ಚಂಡ ದೇವಯ್ಯ ಎಂಬವರು ನೀಡಿದ ದೂರಿನ ಮೇರೆಗೆ ನಾಪೋಕ್ಲು ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಮರಳು ಕಳವು ಪ್ರಕರಣ
                       ದಿನಾಂಕ 19/10/2017ರಂದು ನಾಪೋಕ್ಲು ಠಾಣೆಯ ಪಿಎಸ್‌ಐ ನಂಜುಂಡಸ್ವಾಮಿಯವರು ಗಸ್ತು ಕರ್ತವ್ಯದಲ್ಲಿರುವಾಗ ಬಲಮುರಿ ಗ್ರಾಮದಲ್ಲಿ ಅಕ್ರಮವಾಗಿ ಮರಳನ್ನು ಕಾವೇರಿಹೊಳೆಯಿಂದ ಕಳವು ಮಾಡಿ ಸಂಗ್ರಸಿರುವುದಾಗಿ ದೊರೆತ ಮಾಹಿತಿಯ ಮೇರೆಗೆ ಸ್ಥಳಕ್ಕೆ ತೆರಳಿದಾಗ ಬಲಮುರಿ ಗ್ರಾಮದ ಕೊಂಗೀರಂಡ ಸುಬ್ರಮಣಿ ಎಂಬವರ ತೋಟದ ಬಳಿ ಕಾವೇರಿ ಹೊಳೆಯಿಂದ ಕಬ್ಬಿಣದ ತೆಪ್ಪದ ಮೂಲಕ ಇಬ್ಬರು ಅಕ್ರಮವಾಗಿ ಮರಳನ್ನು ಸಂಗ್ರಹಿಸುತ್ತಿದ್ದು ಪೊಲೀಸರನ್ನು ಕಂಡು ಓಡಿ ಹೋಗಿದ್ದು, ಪಿಎಸ್‌ಐ ನಂಜುಂಡಸ್ವಾಮಿಯವರು ಸ್ಥಳದಲ್ಲಿದ್ದ ಒಂದು ಸ್ವರಾಜ್‌ ಮಜ್ದಾ ಲಾರಿ ಲೋಡಿನಷ್ಟು ಮರಳು, ಕಬ್ಬಿಣದ ತೆಪ್ಪ ಮುಂತಾದವುಗಳನ್ನು ವಶಪಡಿಸಿಕೊಂಡು ನಾಪೋಕ್ಲು ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಹಸು ಕಳವು
                         ದಿನಾಂಕ 17/10/2017ರಂದು ಮಡಿಕೇರಿ ಬಳಿಯ ಮದೆನಾಡು ಗ್ರಾಮದ ನಿವಾಸಿ ಇಬ್ರಾಹಿಂ ಎಂಬವರ ತೋಟದಲ್ಲಿ ಮೇಯುತ್ತಿದ್ದ ಸುಮಾರು ರೂ.20,000/- ಬೆಲೆ ಬಾಳುವ ಹಸುವನ್ನು ಯಾರೋ ಕಳವು ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಕ್ತಿಯ ಮೇಲೆ ಹಲ್ಲೆ
                    ದಿನಾಂಕ 19/10/2017ರಂದು ಮಡಿಕೇರಿಯ ಪುಟಾಣಿ ನಗರದ ನಿವಾಸಿ ಚಂದ್ರು ಎಂಬವರು ಪುಟಾಣಿನಗರದಲ್ಲಿ ನಡೆದುಕೊಂಡು ಹೋಗುತ್ತಿರುವಾಗ ಅವರ ನೆರೆಮನೆಯ ವೇಣು, ಸುರೇಶ್ ಮತ್ತು ಸುಜಿತ್ ಎಂಬವರು ಚಂದ್ರರವರನ್ನು ತಡೆದು ಹಳೆಯ ವೈಷಮ್ಯದಿಂದ ಅವರ ಮೇಲೆ ಹೆಲ್ಮೆಟ್‌ನಿಂದ ಹೊಡೆದು ಹಲ್ಲೆ ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Thursday, October 19, 2017

ಅಕ್ರಮ ಗಾಂಜಾ ಬೆಳೆ ಪತ್ತೆ.
    ಕೊಡಗು ಜಿಲ್ಲೆಯ ಸೋಮವಾರಪೇಟೆ ಪೊಲೀಸ್ ಠಾಣಾ ವ್ಯಾಪ್ತಿಯ ಕೂತಿ ಗ್ರಾಮದಲ್ಲಿ ಅಕ್ರಮವಾಗಿ ಗಾಂಜಾ ಬೆಳೆದಿರುವುದನ್ನು ಸೋಮವಾರಪೇಟೆ ಪೊಲೀಸರು ಪತ್ತೆ ಹಚ್ಚಿ ಪ್ರಕರಣ ದಾಖಲಿಸಿದ್ದಾರೆ.

     ಕೊಡಗು ಜಿಲ್ಲೆಯಾದ್ಯಂತ ಮಾದಕವಸ್ತು ಮಾರಾಟ ಜಾಲ ಹೆಚ್ಚುತ್ತಿದ್ದು, ಈ ಬಗ್ಗೆ ತಮ್ಮ ವ್ಯಾಪ್ತಿಯಲ್ಲಿ ಮಾಹಿತಿ ಸಂಗ್ರಹಿಸಿ ದಾಳಿ ನಡೆಸುವಂತೆ ಪೊಲಿಸ್ ಅಧೀಕ್ಷಕರು ಜಿಲ್ಲೆಯ ಎಲ್ಲಾ ಪೊಲೀಸ್ ಅಧಿಕಾರಿಗಳಿಗೆ ನೀಡಿದ ಸಲಹೆ ಸೂಚನೆಯನ್ವಯ ಸೋಮವಾಪೇಟೆ ಪೊಲೀಸ್ ಠಾಣಾ ಪಿ.ಎಸ್.ಐ ರವರು ತಮ್ಮ ವ್ಯಾಪ್ತಿಯ ಕೂತಿ ಗ್ರಾಮದ ಜಿತೇಂದ್ರ ಎಂಬವರು ತಮ್ಮ ಮನೆಯ ಹಿಂದಿನ ತಮಗೆ ಸೇರಿದ ಕಾಫಿ ತೋಟದಲ್ಲಿ ಯಾರಿಗೂ ಅನುಮಾನ ಬಾರದ ರೀತಿಯಲ್ಲಿ ಕಾಫಿ ಗಿಡಗಳ ಮದ್ಯೆ ಗಾಂಜಾ ಗಿಡ ಬೆಳೆದಿರುವ ಬಗ್ಗೆ ಖಚಿತ ಮಾಹಿತಿಯನ್ನು ಕಲೆಹಾಕಿ ದಿನಾಂಕ 18-10-2017 ರಂದು ಮಧ್ಯಾಹ್ನ 1-30 ಗಂಟೆಗೆ ತಮ್ಮ ಸಿಬ್ಬಂದಿಗಳೊಂದಿಗೆ ದಾಳಿ ನಡೆಸಿದ್ದು, ದಾಳಿಯ ವೇಳೆ ಸುಮಾರು 12 ಗಾಂಜಾ ಗಿಡಗಳನ್ನು ವಶಕ್ಕೆ ಪಡೆದಿದ್ದು, ಅವುಗಳ ಅಂದಾಜು ತೂಕ 7 ಕೆ.ಜಿ. 700 ಗ್ರಾಂ ಆಗಿದ್ದು, ಆರೋಪಿ ಜಿತೇಂದ್ರ ಹೆಚ್.ಆರ್. ತಂದೆ: ಹೆಚ್.ಡಿ. ರಾಜು, 54 ವರ್ಷ, ವ್ಯವಸಾಯ, ಕೂತಿ ಗ್ರಾಮ, ಸೋಮವಾರಪೇಟೆ ತಾಲೋಕು ಇವರನ್ನು ದಸ್ತಗಿರಿ ಮಾಡಿರುತ್ತಾರೆ.

    ಈ ಕಾರ್ಯಾಚರಣೆಯನ್ನು ಕೊಡಗು ಜಿಲ್ಲಾ ಪೊಲೀಸ್ ಅಧೀಕ್ಷಕರವರಾದ ಶ್ರೀ ಪಿ. ರಾಜೇಂದ್ರ ಪ್ರಸಾದ್, ಐಪಿಎಸ್., ಮಾರ್ಗದರ್ಶನದಲ್ಲಿ ಸೋಮವಾರಪೇಟೆ ಉಪ ವಿಭಾಗದ ಡಿವೈ.ಎಸ್.ಪಿ. ಶ್ರೀ ಸಂಪತ್ ಕುಮಾರ್ ರವರ ನೇತೃತ್ವದಲ್ಲಿ ಸೋಮವಾರಪೇಟೆ ಪಿ.ಎಸ್.ಐ. ಶಿವಣ್ಣ, ಸಿಬ್ಬಂದಿಗಳಾದ ಶಿವಕುಮಾರ್, ಕುಮಾರ, ರಮೇಶ, ಜಗದೀಶ, ಮಹೇಂದ್ರ, ಸಂದೇಶ ಮತ್ತು ಮಧು ರವರುಗಳು ನಡೆಸಿದ್ದು, ಈ ಪ್ರಕರಣವನ್ನು ಪತ್ತೆಹಚ್ಚಿದ ಅಧಿಕಾರಿ ಹಾಗು ಸಿಬ್ಬಂದಿಯವರ ಕಾರ್ಯವನ್ನು ಪೊಲೀಸ್ ಅಧೀಕ್ಷಕರು ಶ್ಲಾಘಿಸಿ ನಗದು ಬಹುಮಾನವನ್ನು ಘೋಷಿಸಿರುತ್ತಾರೆ.

     ಕೊಡಗು ಜಿಲ್ಲೆಯಾದ್ಯಂತ ಗಾಂಜಾ ಮಾರಾಟ ಜಾಲ ಹಬ್ಬಿಕೊಂಡಿದ್ದು, ಯುವಕರು ಮಾದಕ ವಸ್ತುಗಳ ವ್ಯಸನಿಗಳಾಗುತ್ತಿದ್ದು, ಇದನ್ನು ತಡೆಯುವಲ್ಲಿ ಪೊಲೀಸರೊಂದಿಗೆ ಸಾರ್ವಜನಿಕರು ಸಹಕರಿಸಿ ಯಾವುದೇ ಮಾದಕ ವಸ್ತುಗಳ ಬಗ್ಗೆ ಮಾಹಿತಿ ಇದ್ದಲ್ಲಿ ಸಾರ್ವಜನಿಕರು ತಮ್ಮ ಗ್ರಾಮದ ಬೀಟ್ ಅಧಿಕಾರಿಗಳಿಗಾಗಲೀ ಅಥವಾ ಸಂಬಂಧಪಟ್ಟ ಪೊಲೀಸ್ ಠಾಣೆಯ ಠಾಣಾಧಿಕಾರಿಗಳಿಗಾಗಲೀ ನೀಡುವಂತೆ ಕೋರಲಾಗಿದೆ. ಇದಲ್ಲದೇ ಕೊಡಗು ಜಿಲ್ಲೆಯಾದ್ಯಂತ ಸುಮಾರು 30 ಕಡೆಗಳಲ್ಲಿ ಸಲಹಾ ಪೆಟ್ಟಿಗಳನ್ನು ಇರಿಸಿದ್ದು ಯಾವುದೇ ಅಕ್ರಮ ಚಟುವಟಿಕೆಗಳ ಬಗ್ಗೆ ಮಾಹಿತಿಯನ್ನು ಸಾರ್ವಜನಿಕರು ನೀಡಬಹುದಾಗಿರುತ್ತದೆ. ಮಾಹಿತಿ ನೀಡಿದ ಸಾರ್ವಜನಿಕರು ತಮ್ಮ ಹೆಸರು ನಮೂದಿಸುವ ಅಗತ್ಯವಿರುವುದಿಲ್ಲ. ಹೆಸರು ನಮೂದಿಸಿ ಮಾಹಿತಿ ನೀಡಿದ ಸಾರ್ವಜನಿಕರ ವಿವರವನ್ನು ಗೌಪ್ಯವಾಗಿಡಲಾಗುವುದು ಹಾಗು ಸೂಕ್ತ ಬಹುಮಾನವನ್ನು ನೀಡಲಾಗುವುದೆಂದು ಪೊಲೀಸ್ ಅಧೀಕ್ಷಕರು, ಕೊಡಗು ಜಿಲ್ಲೆರವರು ತಿಳಿಸಿರುತ್ತಾರೆ.
 

ಮಹಿಳೆ ಆಕಸ್ಮಿಕ ಸಾವು
                                    ದಿನಾಂಕ 17/10/2017ರಂದು ಶ್ರೀಮಂಗಲ ಬಳಿಯ ಹರಿಹರ ಗ್ರಾಮದ ನಿವಾಸಿ ಪಣಿಎರವರ ಚಿಮ್ಮಿ ಎಂಬ ಮಹಿಳೆಯು ತನ್ನ ಪತಿ ಶಂಕರನೊಂದಿಗೆ ಮುಕ್ಕಾಟಿರ ಪ್ರಭು ಎಂಬವರ ಕೆರೆಗೆ ಬಟ್ಟೆ ಒಗೆಯುವ ಸಲುವಾಗಿ ಹೋಗಿದ್ದು ಬಟ್ಟೆ ಒಗೆಯುವ ಸಂದರ್ಭದಲ್ಲಿ ಚಿಮ್ಮಿರವರು ಆಕಸ್ಮಿಕವಾಗಿ ಕಾಲು ಜಾರಿ ಕೆರೆಗೆ ಬಿದ್ದು ಸಾವಿಗೀಡಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಶ್ರೀಮಂಗಲ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಕ್ತಿ ಆತ್ಮಹತ್ಯೆ
                              ದಿನಾಂಕ 18/10/2017ರಂದು ಕುಶಾಲನಗರದ ನೇತಾಜಿ ಬಡಾವಣೆ ನಿವಾಸಿ ರಾಕೇಶ್  ಪಂಡಿತ್ ಎಂಬವರು ಮನೆಯಲ್ಲಿ ಯಾರೂ ಇಲ್ಲದ ವೇಳೆಯಲ್ಲಿ ಮನೆಯೊಳಗೆ ಮೇಲ್ಛಾವಣಿಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು ಮೃತ ರಾಕೇಶ್ ಪಂಡಿತ್ ಹಲವಾರು ವರ್ಷಗಳಿಂದ ಮಾನಸಿಕ ವ್ಯಸನದಿಂದ ಬಳಲುತ್ತಿದ್ದು ಈ ಕಾರಣದಿಂದ ಆತ್ಮಹತ್ಯೆ ಮಾಡಿಕೊಂಡಿರಬಹುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಪಟ್ಟಣ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಕ್ತಿ ಆಕಸ್ಮಿಕ ಸಾವು
                           ದಿನಾಂಕ 18/10/2017ರಂದು ಮಡಿಕೇರಿ ಬಳಿಯ ಕಾಟಕೇರಿ ನಿವಾಸಿ ನಾರಾಯಣ ಪೂಜಾರಿ ಎಂಬವರು ಜಿ.ನಾರಾಯಣ ರಾವ್ ಎಂಬವರ ಹೆರವನಾಡಿನಲ್ಲಿರುವ ತೋಟದಲ್ಲಿ ಕೆಲಸ ಮಾಡುತ್ತಿರುವ ಸಂದರ್ಭದಲ್ಲಿ ಒಣಗಿದ ಮರಗಳನ್ನು ಕಡಿಯುವಾಗ ಮರದ ರೆಂಬೆಯು ತುಂಡಾಗಿ ನಾರಾಯಣ ಪೂಜಾರಿರವರ ಮೇಲೆ ಬಿದ್ದು ಅವರು ಮೃತರಾಗಿರುವುದಾಗಿ  ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Wednesday, October 18, 2017

ಬೈಕಿಗೆ ಕಾರು ಡಿಕ್ಕಿ.

   ಕಾರೊಂದು ಬೈಕಿಗೆ ಡಿಕ್ಕಿಯಾಗಿ ಬೈಕ್ ಸವಾರ ಗಾಯಗೊಂಡ ಘಟನೆ ಕುಶಾಲನಗರ ಸಮೀಪದ ಗುಡ್ಡೆಹೊಸೂರು ಗ್ರಾಮದಲ್ಲಿ ನಡೆದಿದೆ. ಆಂದ್ರಪ್ರದೇಶ, ವಿಜಯವಾಡ ಮೂಲದ ವ್ಯಕ್ತಿ ಸತ್ಯನಾರಾಯಣ ಎಂಬವರು ದಿನಾಂಕ 17-10-2017 ರಂದು ರಾತ್ರಿ 10-30 ಗಂಟೆ ಸಯಮದಲ್ಲಿ ತಮ್ಮ ಬಾಪ್ತು ಮೋಟಾರ್ ಸೈಕಲಿನಲ್ಲಿ ಕುಶಾಲನಗರ ಕಡೆಯಿಂದ ಸುಂಟಿಕೊಪ್ಪದ ಕಡೆಗೆ ಬರುತ್ತಿದ್ದಾಗ ಎದುರುಗಡೆಯಿಂದ ಬಂದ ಕಾರೊಂದು ಡಿಕ್ಕಿಯಾದ ಪರಿಣಾಮ ಸದರಿ ಬೈಕ್ ಸವಾರ ಗಾಯಗೊಂಡಿದ್ದು, ಈ ಸಂಬಂಧ ಅಪಘಾತ ಸ್ಥಳದಲ್ಲಿದ್ದ ವ್ಯಕ್ತಿ ಸೀಗೆಹೊಸೂರು ಗ್ರಾಮದ ನಿವಾಸಿ ತಿಲಕ್ ಎಂಬವರು ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಆಸ್ತಿ ವಿವಾದ:

      ಆಸ್ತಿ ವಿವಾದದ ಹಿನ್ನೆಲೆಯಲ್ಲಿ ಇಬ್ಬರು ವ್ಯಕ್ತಿಗಳ ನಡುವೆ ಜಗಳ ಏರ್ಪಟ್ಟು ಒಬ್ಬರು ತೋಟದ ಬೇಲಿ ಕಿತ್ತು ಹಾನಿಗೊಳಿಸಿದ ಘಟನೆ ವಿರಾಜಪೇಟೆ ಸಮೀಪದ ಕದನೂರು ಗ್ರಾಮದಲ್ಲಿ ನಡೆದಿದೆ. ವಿರಾಜಪೇಟೆ ಗ್ರಾಮಾಂತರ ಠಾಣಾ ವ್ಯಾಪ್ತಿಯ ಕದನೂರು ಗ್ರಾಮದ ನಿವಾಸಿ ಪೆಮ್ಮಂಡ ಸಿ. ದೇವಯ್ಯ ಮತ್ತು ಶಮ್ಮಿ ಮೊಣ್ಣಪ್ಪ ಎಂಬವರ ನಡುವೆ ಆಸ್ತಿ ವಿಚಾರದಲ್ಲಿ ಜಗಳವಿದ್ದು ದಿನಾಂಕ 14-10-2017 ರಂದು ಶಮ್ಮಿ ಮೊಣ್ಣಪ್ಪ ಹಾಗು ಜಗದೀಶ್ ರವರು ಸೇರಿ ಪೆಮ್ಮಂಡ ಸಿ. ದೇವಯ್ಯನವರಿಗೆ ಸೇರಿದ ತೋಟಕ್ಕೆ ಹಾಕಿದ ತಂತಿ ಬೇಲಿಯನ್ನು ಕಿತ್ತು ಹಾಕಿ ಹಾನಿಪಡಿಸಿರುವುದಾಗಿ ಹಾಗು ಅವಾಚ್ಯ ಶಬ್ದಗಳಿಂದ ಬೈದು ಕೊಲೆ ಬೆದರಿಕೆ ಹಾಕಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಮನೆಗೆ ಬೆಂಕಿ:

      ಮನೆಯ ಒಳಗಡೆ ಬೆಂಕಿ ಹೊತ್ತಿಕೊಂಡು ಅಪಾರ ಪ್ರಮಾಣದ ಕಾಗದ ಪತ್ರ, ಚಿನ್ನಾಭರಣ ಮತ್ತು ಪೀಠೋಪಕರಣಗಳಿಗೆ ಹಾನಿಯಾಗಿರುವ ಘಟನೆ ಗೋಣಿಕೊಪ್ಪ ನಗರದಲ್ಲಿ ನಡೆದಿದೆ.   ಗೋಣಿಕೊಪ್ಪ ನಗರದ ುಮಾ ಮಹೇಶ್ವರಿ ಬಡಾವಣೆ, ಪಿ.ಎನ್.ಎಂ. ಆಸ್ಪತ್ರೆಯ ಹಿಂಭಾಗದಲ್ಲಿ ವಾಸವಾಗಿರುವ  ಡಾ|| ಎಂ.ಡಿ ಗೌರಮ್ಮ ಗಂಡ ಲೇಟ್ ಮೊಣ್ಣಪ್ಪ ಪ್ರಾಯ 76 ವರ್ಷ   ಇವರು ತಮ್ಮ ಮನೆಯಲ್ಲಿ ಇಲ್ಲದ ಸಮಯದಲ್ಲಿ ದಿನಾಂಕ 17/10/17 ರಂದು ಬೆಳಗಿನ ಜಾವ  ಅವರ ಮನೆಯ ಒಳಗಡೆ ಬೆಂಕಿ ಹತ್ತಿಕೊಂಡು ಮನೆಯ ಒಳಗಡೆ ಇದ್ದ, ಆಸ್ತಿಯ, ಬ್ಯಾಂಕಿನ ದಾಖಲೆ ಪತ್ರಗಳು ಮತ್ತು ಚಿನ್ನ ಮತ್ತು ಬೆಳ್ಳಿಯ ಆಭರಣಗಳು ಪಿಠೋಪಕರಣಗಳು ಮತ್ತು ಬಟ್ಟೆಗಳು  ಇತ್ಯಾದಿ ಬೆಂಕಿಯಿಂದ ಸುಟ್ಟು ಅಂದಾಜು 15-20 ಲಕ್ಷ ರೂ ನಷ್ಟ ಉಂಟಾಗಿರುವುದಾಗಿಯೂ ಈ ಕೃತ್ಯವನ್ನು ಯಾರೋ ದುಷ್ಕರ್ಮಿಗಳು ಮಾಡಿರಬಹುದೆಂದು ನೀಡಿರುವ ದೂರಿನ ಮೇರೆಗೆ ಗೋಣಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

Tuesday, October 17, 2017

ರಸ್ತೆ ಅಫಘಾತ
                         ದಿನಾಂಕ 15/10/17 ರಂದು ಕುಶಾಲನಗರ ಬಳಿಯ ಹೆಬ್ಬಾಲೆ ನಿವಾಸಿ ಗಣೇಶ್‌ ಮತ್ತು ಅವರ ಅಣ್ಣನ ಮಗ ಪುಟ್ಟಸ್ವಾಮಿಯವರು ಕುಶಾಲನಗರ ಸಂತೆಯಲ್ಲಿ ಸಂಜೆ ವ್ಯಾಪಾರ ಮುಗಿಸಿಕೊಂಡು ಅವರವರ ಬೈಕಿನಲ್ಲಿ ಹೆಬ್ಬಾಲೆ ಕಡೆ ಹೊರಟಿದ್ದು  ಕೂಡ್ಲೂರು ಶಾಲೆ ಹತ್ತಿರ, ಮುಂದೆ ಪುಟ್ಟಸ್ವಾಮಿಯವರು ಚಾಲನೆ ಮಾಡಿಕೊಂಡು ಹೋಗುತ್ತಿದ್ದ ಕೆಎ-12-ಎಲ್ - 4907 ಬೈಕ್ ಗೆ ಎದುರುಗಡೆಯಿಂದ ನೋಂದಣಿಯಾಗದ ಹೊಸ ಆಟೋವನ್ನು ಅದರ ಚಾಲಕ ರವಿ ಎಂಬಾತನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆ ಮಾಡಿಕೋಂಡು ಬಂದು ಡಿಕ್ಕಿ ಪಡಿಸಿದ ಪರಿಣಾಮ ಪುಟ್ಟ ಸ್ವಾಮಿಯವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಮಹಿಳೆ ಆಕಸ್ಮಿಕ ಸಾವು
                       ದಿನಾಂಕ 26/09/2017ರಂದು  ನಾಪೋಕ್ಲು ಬಳಿಯ ಕಾರುಗುಂದ ಗ್ರಾಮದಲ್ಲಿ ಕೂಲಿ ಕೆಲಸ ಮಾಡಿಕೊಂಡಿದ್ದ ಸುಮ ಎಂಬವರು ಸಂಜೆ ಕೆಲಸದಿಂದ ಬಂದು ನೀರು ಕುಡಿಯುವ ಬದಲು ಅಲ್ಲೇ ಪಕ್ಕದಲ್ಲಿಟ್ಟಿದ್ದ ರೌಂಡಪ್ ಎಂಬ ಕಳೆನಾಶಕವನ್ನು ಕುಡಿದು ಅಸ್ವಸ್ಥಳಾಗಿದ್ದು ಆಕೆಯನ್ನು ಚಿಕಿತ್ಸೆಗಾಗಿ ಮೈಸೂರಿನ ಜೆ.ಎಸ್‌.ಎಸ್‌.ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೆ ಸುಮರವರು ದಿನಾಂಕ 15/10/2017ರಂದು ಮೃತರಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ನಾಪೋಕ್ಲು ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಬೈಕ್ ಅಫಘಾತ
                        ದಿನಾಂಕ 14/10/2017ರಂದು ಕೇರಳದ ಕಣ್ಣಾನೂರು ನಿವಾಸಿ ಮಹಮದ್ ರಾಫಿ ಹಾಗೂ ಅವರ ಸ್ನೇಹಿತ ನೌಫಲ್ ಎಂಬವರು ಕೆಎಲ್-13-ಎಸಿ-8818ರ ಮೋಟಾರು ಬೈಕಿನಲ್ಲಿ ಕಣ್ಣಾನೂರಿನಿಂದ ಕುಶಾಲನಗರಕ್ಕೆ ಬರುತ್ತಿರುವಾಗ ವಿರಾಜಪೇಟೆ ಬಳಿಯ ಐಮಂಗಲ ಗ್ರಾಮದ ಕೊಮ್ಮೆತೋಡು ಬಳಿ ನೌಫಲ್ ಬೈಕನ್ನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿದ ಪರಿಣಾಮ ಬೈಕ್ ರಸ್ತೆ ಬದಿಯ ಚರಂಡಿಗೆ ಮಗುಚಿಬಿದ್ದು ಹಿಂಬದಿ ಸವಾರ ಮಹಮದ್ ರಾಫಿಯವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ನಿರ್ಲಕ್ಷ್ಯತನದ ವಾಹನ ಚಾಲನೆ
                      ದಿನಾಂಕ 16/10/2017ರಂದಯ ಸುಂಟಿಕೊಪ್ಪ ಠಾಣೆಯ ಎಎಸ್‌ಐ ಬಿ.ಜಿ.ಗುಣಶೇಖರ್‌ರವರು ನಗರ ಗಸ್ತು ಕರ್ತವ್ಯದಲ್ಲಿರುವಾಗ ಕೇರಳದ ತಲಚೇರಿ ನಿವಾಸಿ ಎಂ.ಪಿ.ನಿಕೇಶ್ ಎಂಬವರು ಅವರ ಕೆಎಲ್‌-58-ಟಿ-4244ರ ಕಾರನ್ನು ಸಾರ್ವಜನಿಕರಿಗೆ ಮತ್ತು ಇತರ ವಾಹನಗಳಿಗೆ ತೊಂದರೆಯಾಗುವ ರೀತಿಯಲ್ಲಿ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದಿರುವುದಾಗಿ ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಳ್ಳಲಾಗಿದೆ. 

ಅಕ್ರಮ ಗಾಂಜಾ ವಶ
ದಿನಾಂಕ 16/10/2017ರಂದು ಸೋಮವಾರಪೇಟೆ ಠಾಣೆಯ ಪಿಎಸ್‌ಐ ಶಿವಣ್ಣರವರು ಗಸ್ತು ಕರ್ತವ್ಯದಲ್ಲಿರುವಾಗ ಹಾನಗಲ್ಲು ಬಾಣೆಯಿಂದ ಕಾನ್ವೆಂಟ್ ಬಾಣೆಗೆ ಹೋಗುವ ಜಂಕ್ಷನ್‌ನ ಬಳಿ ಹಾನಗಲ್ಲು ನಿವಾಸಿ ಯೋಗೇಶ್‌ ಎಂಬಾತನು ಸುಮಾರು ರೂ.1000/- ಬೆಲೆಯ ಗಾಂಜಾವನ್ನು ಅಕ್ರಮವಾಗಿ ಮಾರಾಟ ಮಾಡುವ ಸಲುವಾಗಿ ಇಟ್ಟುಕೊಂಡದ್ದನ್ನು ಪತ್ತೆ ಹಚ್ಚಿ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಕೊಂಡಿದ್ದಾರೆ.

Monday, October 16, 2017



ಬೈಕ್‌ ಕಳವು ಆರೋಪಿಗಳ ಸೆರೆ.
                           ಮಡಿಕೇರಿ ನಗರದಲ್ಲಿ ಕಳೆದ 3-4 ತಿಂಗಳಿನಿಂದ ರಸ್ತೆ ಬದಿಯಲ್ಲಿ ಮತ್ತು ಮನೆಯ ಮುಂದೆ ನಿಲ್ಲಿಸಿದ್ದ ಮೋಟಾರು ಸೈಕಲ್‌ಗಳ ಕಳ್ಳತನ ಮಾಡುತ್ತಿದ್ದ ಕೇರಳ ಮೂಲದ ಮೂವರು ಆರೋಪಿಗಳನ್ನು ಬಂಧಿಸುವಲ್ಲಿ ಮಡಿಕೇರಿ ನಗರ ಪೊಲೀಸ್ ಠಾಣಾ ಉಪ ನಿರೀಕ್ಷಕರು ಮತ್ತು ಸಿಬ್ಬಂದಿ ಯಶಸ್ವಿಯಾಗಿದ್ದಾರೆ.

                           ದಿನಾಂಕ 10/07/2017 ರಂದು ಮಡಿಕೇರಿ ನಗರದ ಅಮಿತ್‌ಕುಮಾರ್ ರವರ ಕೆಎ-12-ಎಲ್-3006 ರ ಯಮಹಾ ಎಫ್‌ಝೆಡ್ ಮೋಟಾರು ಸೈಕಲ್, ದಿನಾಂಕ 16/08/2017 ರಂದು ನಗರದ ಎಂ.ಹೆಚ್.ಮುಸ್ತಾಫ ಎಂಬವರಿಗೆ ಸೇರಿದ ಕೆಎ-12-ಕ್ಯೂ-3515 ರ ರಾಯಲ್ ಎನ್ಫೀಲ್ಡ್ ಮೋಟಾರು ಬೈಕ್ ಮತ್ತು ಎಂ.ನಾಗರಾಜ್ ಉಪಾದ್ಯರವರ ಕೆಎ-34-ಇಎ-5942 ರ ಬಜಾಜ್ ಪಲ್ಸರ್ ಮೋಟಾರು ಬೈಕ್ ಕಳ್ಳತನವಾದ ಬಗ್ಗೆ ಮಡಿಕೇರಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿ ನಗರ ಠಾಣೆಯ ಪಿಎಸ್ಐ ಮತ್ತು ಅಪರಾಧ ವಿಭಾಗದ ಸಿಬ್ಬಂದಿ ಆರೋಪಿಗಳ ಪತ್ತೆಯ ಬಗ್ಗೆ ತನಿಖೆ ಕೈಗೊಂಡಿದ್ದರು. 
ಬಂಧಿತ ಆರೋಪಿಗಳೊಂದಿಗೆ ತನಿಖಾ ತಂಡ


                        ಪ್ರಕರಣದ ತನಿಖೆಯ ಸಮಯದಲ್ಲಿ ದಿನಾಂಕ 15/10/2017 ರಂದು ಮಡಿಕೇರಿ ನಗರದ ರಾಜಾಸೀಟ್ ಬಳಿ ಕೆಎಲ್-14-ಕ್ಯೂ-3073 ಸಂಖ್ಯೆಯ ಒಂದು ಮಾರುತಿ ಆಲ್ಟೋ 800 ಕಾರಿನಲ್ಲಿ ಸಂಶಯಾಸ್ಪದ ರೀತಿಯಲ್ಲಿ ಸುತ್ತಾಡುತ್ತಿದ್ದ ಮೂವರು ವ್ಯಕ್ತಿಗಳನ್ನು ವಶಕ್ಕೆ ಪಡೆದು ವಿಚಾರಣೆಗೆ ಒಳಪಡಿಸಿದಾಗ ಅವರು ಕೇರಳದ ಕಾಸರಗೋಡುವಿನಿಂದ ರಾತ್ರಿ ಸಮಯದಲ್ಲಿ ಕಾರಿನಲ್ಲಿ ಮಡಿಕೇರಿಗೆ ಬಂದು ಮೋಟಾರು ಸೈಕಲ್‌ಗಳನ್ನು ಕಳವು ಮಾಡಿಕೊಂಡು ಕೇರಳ ರಾಜ್ಯಕ್ಕೆ ತೆಗೆದುಕೊಂಡು ಹೋಗಿ ಮಾರಾಟ ಮಾಡಿರುವುದು ತಿಳಿದು ಬಂದಿರುತ್ತದೆ. ನಂತರ ಈ ವ್ಯಕ್ತಿಗಳಿಂದ ಕಳವು ಮಾಡಲು ಉಪಯೋಗಿಸಿದ ಕೆ.ಎಲ್-14-ಕ್ಯೂ-3073 ಮಾರುತಿ ಆಲ್ಟೋ 800 ಕಾರನ್ನು ವಶಪಡಿಸಿಕೊಂಡು ನಗರ ಠಾಣೆಯ ಅಧಿಕಾರಿ ಮತ್ತು ಸಿಬ್ಬಂದಿಗಳು ಕೇರಳ ರಾಜ್ಯಕ್ಕೆ ತೆರಳಿ ಆರೋಪಿಗಳು ಕಳವು ಮಾಡಿರುವ ಮೂರು ಮೋಟಾರು ಸೈಕಲ್‌ಗಳನ್ನು ವಶಪಡಿಸಿಕೊಂಡು ಬಂದಿರುತ್ತಾರೆ.

                          ಪ್ರಕರಣಕ್ಕೆ ಸಂಬಂಧಿಸಿದಂತೆ ಕೇರಳ ರಾಜ್ಯದ ಕಾಸರಗೋಡಿನ ಚಟ್ಟಂಚಾಲ ಗ್ರಾಮದ ಅತೀಫ್‌ ಅಲಿಯಾಸ್ ಅತೀ, ಚೆರ್ಕಳ ಗ್ರಾಮದ ಇಜಾಜ್ ಪಿ.ಎಸ್. ಹಾಗೂ ಕಾಸರಗೋಡಿನ ಚೆಟ್ಟಂಚಾಲ ಗ್ರಾಮದ ನಿವಾಸಿ ಪ್ರಸ್ತುತ ಕುಶಾಲನಗರದ ನಿಸರ್ಗಧಾಮದ ಬಳಿ ಸಲೀಂ ಎಂಬವರ ಸ್ಪೈಸಸ್ ಅಂಗಡಿಯಲ್ಲಿ ಕೆಲಸ ಮಾಡಿಕೊಂಡು 7ನೇ ಹೊಸಕೋಟೆಯಲ್ಲಿ ವಾಸವಿರುವ ಎಂ.ಎಸ್. ಮಹಮದ್ ಫಾಯಿಜ್ ಅಲಿಯಾಸ್ ಪಚ್ಚು ಎಂಬವರನ್ನು ಮಡಿಕೇರಿ ನಗರ ಪೊಲೀಸರು ಬಂಧಿಸಿದ್ದಾರೆ.

                          ಜಿಲ್ಲಾ ಪೊಲೀಸ್ ಉನ್ನತಾಧಿಕಾರಿ ಪಿ.ರಾಜೇಂದ್ರ ಪ್ರಸಾದ್ ಐ.ಪಿ.ಎಸ್ ರವರ ನಿರ್ದೇಶನದಲ್ಲಿ ಮಡಿಕೇರಿ ಉಪ ವಿಭಾಗದ ಡಿವೈಎಸ್‌ಪಿ ಕೆ.ಎಸ್.ಸುಂದರ್ ರಾಜ್ ಹಾಗೂ ಮಡಿಕೇರಿ ನಗರ ವೃತ್ತ ನಿರೀಕ್ಷಕ ಐ.ಪಿ.ಮೇದಪ್ಪರವರ ಮಾರ್ಗದರ್ಶನದಲ್ಲಿ ನಡೆದ ಕಾರ್ಯಾಚರಣೆಯಲ್ಲಿ ಮಡಿಕೇರಿ ನಗರ ಠಾಣೆಯ ಪಿ.ಎಸ್.ಐ. ಹೆಚ್.ವೈ. ವೆಂಕಟರಮಣ, ಎಎಸ್ಐಗಳಾದ ಕೆ.ಓ.ರಮೇಶ್, ಎಸ್.ಎಸ್. ಶ್ರೀನಿವಾಸ ಮತ್ತು ಸಿಬ್ಬಂದಿಗಳಾದ ಕೆ.ಕೆ.ದಿನೇಶ್, ಎ.ಟಿ.ರಾಘವೇಂದ್ರ, ಕೆ.ಎ.ಉತ್ತಪ್ಪ, ಎಂ.ಆರ್.ಸತೀಶ್, ಕೆ.ಜಿ.ಮಧುಸೂಧನ್, ಬಿ.ಡಿ.ಮುರಳಿ, ಮನೋಜ್ ಕೆ.ಬಿ., ಬಿ.ಕೆ.ಪ್ರವೀಣ್, ಗಿರೀಶ್ ಎಂ,ಎ ಮತ್ತು ಸಿ.ಕೆ.ರಾಜೇಶ್‌ರವರು ಪಾಲ್ಗೊಂಡಿದ್ದು ತನಿಖಾ ತಂಡದ ಕಾರ್ಯವೈಖರಿಯನ್ನು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಪಿ.ರಾಜೇಂದ್ರ ಪ್ರಸಾದ್, ಐಪಿಎಸ್‌ರವರು ಶ್ಲಾಘಿಸಿರುತ್ತಾರೆ. 

ಲಾರಿ ಅವಘಢ
                           ದಿನಾಂಕ 14/10/2017ರಂದು ಮಂಡ್ಯ ಜಿಲ್ಲೆಯ ಶ್ರೀರಂಗಪಟ್ಟಣದ ಅರಕೆರೆ ನಿವಾಸಿ ಮನು ಎಂ.ಎ. ಎಂಬವರು ಕೆಎ-14-ಎ-3914 ಲಾರಿಯಲ್ಲಿ ಚಾಲಕ ಮಹದೇವ ಎಂಬವರೊಂದಿಗೆ ಲಾರಿಯಲ್ಲಿ ಪ್ಲೈವುಡ್ ತ್ಯಾಜ್ಯವನ್ನು ತುಂಬಿಕೊಂಡು ಮಂಗಳೂರಿಗೆ ಹೋಗುತ್ತಿರುವಾಗ ಮದೆನಾಡು ಗ್ರಾಮದ ಬಳಿ ಚಾಲಕ ಮಹದೇವರವರು ಲಾರಿಯನ್ನು ಟತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿದ ಪರಿಣಾಮ ಲಾರಿ ಚಾಲಕ ಮಹದೇವರವರ ನಿಯಂತ್ರಣ ಕಳೆದುಕೊಂಡು ರಸ್ತೆ ಪಕ್ಕದ ತೋಟಕ್ಕೆ ಉರುಳಿಬಿದ್ದ ಪರಿಣಾಮ ಲಾರಿ ಹಾನಿಗೊಳಗಾಗಿ ಮಹದೇವ ಹಾಗೂ ಮನುರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಕಾರು ಅಫಘಾತ
                           ದಿನಾಂಕ 14/10/2017ರಂದು ಆಂಧ್ರಪ್ರದೇಶದ ಗುಂಟೂರು ನಿವಾಸಿ ವೆಂಕಟೇಶವರಲ ಎಂಬವರು ಅವರ ಮಗನೊಂದಿಗೆ ಆಶ್ಲೇಷ ಎಂಬವರ ಕೆಎ-51-ಎಎ-7424ರ ಕಾರಿನಲ್ಲಿ ಸೋಮವಾರಪೇಟೆಗೆ ಬರುತ್ತಿರುವಾಗ ಬೆಳ್ಳಾರಳ್ಳಿ ಗ್ರಾಮದ ಬಳಿ ಚಾಲಕ ಆಶ್ಲೇಷರವರು ಕಾರನ್ನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿದ ಪರಿಣಾಮ ಕಾರು ರಸ್ತೆಯ ಬದಿಯ ಚರಂಡಿಗೆ ಮಗುಚಿಕೊಂಡು ಹಾನಿಗೊಳಗಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಬೈಕಿಗೆ ಲಾರಿ ಡಿಕ್ಕಿ
                          ದಿನಾಂಕ 15/10/2017ರಂದು ಕುಶಾಲನಗರದ ಮುಳ್ಳುಸೋಗೆ ನಿವಾಸಿ ಮುಸ್ತಫಾ ಎಂಬವರು ಅವರ  ಬೈಕಿನಲ್ಲಿ ಕುಶಾಲನಗರದ ಬೈಚನಹಳ್ಳಿ ಬಳಿ ಹೋಗುತ್ತಿರುವಾಗ ಬ್ಲೂಮೂನ್ ಪೆಟ್ರೋಲ್‌ ಬಂಕಿನಿಂದ ಕೆಎ-18-ಎ-0022ರ ಲಾರಿಯನ್ನು ಅದರ ಚಾಲಕ ನಿರ್ಲಕ್ಷ್ಯತನದಿಂದ ಚಾಲಿಸಿಕೊಂಡು ಬಂದು ಏಕಾ ಏಕಿ ಮುಖ್ಯ ರಸ್ತೆಗೆ ತಿರುಗಿಸಿದ ಪರಿಣಾಮ ಕುಶಾಲನಗರ ಕಡೆಯಿಂದ ಬರುತ್ತಿದ್ದ ಒಂದು ಹೊಸ ಬೈಕಿಗೆ ಡಿಕ್ಕಿಯಾಗಿ ಬೈಕಿನ ಸವಾರ ರಿಯಾಜ್ ಎಂಬವರಿಗೆ ತೀವ್ರ ಗಾಯಗಳಾಗಿದ್ದು ಮುಸ್ತಫಾ ಹಾಗೂ ಇನ್ನಿತರರು ಗಾಯಾಳು ರಿಯಾಜ್‌ನನ್ನು ಆಸ್ಪತ್ರೆಗೆ ದಾಖಲಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Sunday, October 15, 2017

ರಸ್ತೆ ಅಫಘಾತ
                             ದಿನಾಂಕ 14/10/2017ರಂದು ನಾಪೋಕ್ಲು ಬಳಿಯ ನೆಲಜಿ ಗ್ರಾಮದ ನಿವಾಸಿ ಮೋಹನ್ ಎಂಬವರು ತೋಟ ಕೆಲಸಕ್ಕೆ ಹೋಗಿ ಮರಳಿ ಬರುತ್ತಿರುವಾಗ ಎಮ್ಮಮಾಡು ಜಂಕ್ಷನ್ ಬಳಿ ಅವರ ನೆರೆ ಮನೆಯ ಎಂ.ಪಿ.ಮುದ್ದಪ್ಪ ಎಂಬವರು ರಸ್ತೆಯಲ್ಲಿ ಗಾಯಗಳಾಗಿ ಬಿದ್ದಿದ್ದು ಅವರನ್ನು ವಿಚಾರಿಸಿದಾಗ ಯಾವುದೋ ಒಂದು ವಾಹನವು ಅವರಿಗೆ ಡಿಕ್ಕಿಪಡಿಸಿ ಹೊರಟು ಹೋಗಿರುವುದಾಗಿ ತಿಳಿಸಿದ್ದು ನಂತರ ಅವರನ್ನು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ಸಾಗಿಸಿ ದಾಖಲಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ನಾಪೋಕ್ಲು ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಬೈಕಿಗೆ ಕಾರು ಡಿಕ್ಕಿ
                            ದಿನಾಂಕ 12/10/2017ರಂದು ಕುಶಾಲನಗರದ ರಥಬೀದಿ ನಿವಾಸಿ ಪರಮೇಶ್‌ ಎಂಬವರ ತಮ್ಮ ಗಣೇಶ್ ಎಂಬವರು ನಗರದ ಆಂಜನೇಯ ದೇವಸ್ಥಾನದ ಕಡೆಯಿಂದ ಅವರ ಮೋಟಾರು ಬೈಕ್ ಸಂಖ್ಯೆ ಕೆಎ-12-ಎಲ್-8058ರಲ್ಲಿ ರಥಬೀದಿ ಕಡೆಗೆ ಹೋಗುತ್ತಿರುವಾಗ ಕಾರ್ಯಪ್ಪ ವೃತ್ತದ ಕಡೆಯಿಂದ ಕೆಎ-04-ಎಂಎ-3356ರ ಕಾರನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಗಣೇಶ್‌ರವರು ಚಾಲಿಸುತ್ತಿದ್ದ ಬೈಕಿಗೆ ಡಿಕ್ಕಿಪಡಿಸಿದ ಪರಿಣಾಮ ಗಣೇಶ್‌ರವರಿಗೆ ಗಾಯಗಳಾಗಿದ್ದು ಕಾರಿನ ಚಾಲಕ ಅಫಘಾತದ ನಂತರ ಕಾರನ್ನು ನಿಲ್ಲಿಸದೆ ಹೊರಟು ಹೋಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ  ಕೈಗೊಂಡಿದ್ದಾರೆ. 

ಮಹಿಳೆ ಆತ್ಮಹತ್ಯೆ
                       ದಿನಾಂಕ 14/10/2017ರಂದು ಸೋಮವಾರಪೇಟೆ ನಗರದ ಎಂ.ಡಿ.ಬ್ಲಾಕ್ ನಿವಾಸಿ ಬಿ.ಸಿ.ಯೋಗೇಶ್‌ ಎಂಬವರು ಸಂಬಂಧಿಕರ ಮದುವೆ ಸಮಾರಂಭಕ್ಕೆ ಎರಪಾರೆ ಗ್ರಾಮಕ್ಕೆ ಹೋಗಿದ್ದಾಗ ಅವರ ತಾಯಿ 63 ವರ್ಷ ಪ್ರಾಯದ ಸರೋಜಮ್ಮ ಎಂಬಾಕೆಯು ಮನೆಯ ಅಡುಗೆ ಕೋಣೆಯ ಮಾಡಿಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ನೆರೆಮನೆಯವರು ಯೋಗೇಶರವರಿಗೆ ದೂರವಾಣಿ ಮೂಲಕ ತಿಳಿಸಿದ್ದು ಮೃತೆ ಸರೋಜಮ್ಮರವರು ಆಗಾಗ್ಗೆ ಎದೆ ನೋವಿನಿಂದ ಬಳಲುತ್ತಿದ್ದು ಆ ಕಾರಣಕ್ಕೆ ಜುಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿರಬಹುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಬೈಕಿಗೆ ರಿಕ್ಷಾ ಡಿಕ್ಕಿ
                       ದಿನಾಂಕ 13/10/2017ರಂದು ಕೊಡ್ಲಿಪೇಟೆ ಬಳಿಯ ಕಟ್ಟೇಪುರ ನಿವಾಸಿ ಷಣ್ಮುಖ ಎಂಬವರು ಅವರ ಸ್ನೇಹಿತ ಯತೀಶ್‌ ಎಂಬವರೊಂದಿಗೆ ಹ್ಯಾಂಡ್‌ ಪೋಸ್ಟ್‌ನಿಂದ ಮದುವೆ ಸಮಾರಂಭ ಮುಗಿಸಿಕೊಂಡು ಕೆಎ-12-ಕೆ-4733ರ ಮೋಟಾರು ಬೈಕಿನಲ್ಲಿ ಬರುತ್ತಿರುವಾಗ ಬಸವನಾರೆ ಗ್ರಾಮದ ಬಳಿ ಎದುರಿನಿಂದ ಕೆಎ-12-ಎ-96778ರ ರಿಕ್ಷಾವನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಷಣ್ಮುಖರವರ ಬೈಕಿಗೆ ಡಿಕ್ಕಿಪಡಿಸಿದ ಪರಿಣಾಮ ಷಣ್ಮುಖರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಾನಿಗೆ ಕಾರು ಡಿಕ್ಕಿ
                    ದಿನಾಂಕ 14/10/2017ರಂದು ಮಂಡ್ಯ ಜಿಲ್ಲೆಯ ಪಾಂಡವಪುರ ನಿವಾಸಿ ರಾಜೇಂದ್ರ ಎಂಬವರು ಅವರ ಕೆಎ-03-ಎಸಿ-6879ರ ಟೆಂಪೋ ಟ್ರಾವೆಲರ್ ವ್ಯಾನಿನಲ್ಲಿ ಮಧ್ಯ ಪ್ರದೇಶದ ಪ್ರವಾಸಿಗರನ್ನು ಕರೆದುಕೊಂಡು ಮಡಿಕೇರಿಗೆ ಬಂದು ಮರಳಿ ಹೋಗುತ್ತಿರುವಾಗ ಸುಂಟಿಕೊಪ್ಪ ಬಳಿಯ ಕೆದಕಲ್ ಬಳಿ ಎದುರುಗಡೆಯಿಂದ ಕೆಎ-01-ಸಿ-8484ರ ಇನ್ನೋವಾ ಕಾರನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ರಾಜೇಂದ್ರರವರ ವ್ಯಾನಿಗೆ ಡಿಕ್ಕಿಪಡಿಸಿದ ಪರಿಣಾಮ ವ್ಯಾನು ರಸ್ತೆಯಲ್ಲಿ ಮಗುಚಿ ಬಿದ್ದು ವ್ಯಾನಿನಲ್ಲಿದ್ದ ಮೂವರು ಪ್ರಯಾಣಿಕರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಸುಂಟಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ರಸ್ತೆ ಅಫಘಾತ ; ಸಾವು
                      ದಿನಾಂಕ 14/10/2017ರಂದು ಶ್ರೀಮಂಗಲ ಬಳಿಯ ತಾವಳಗೇರಿ ನಿವಾಸಿ ಪೂವಯ್ಯ ಎಂಬವರು ಹರಿಹರ ಗ್ರಾಮದಿಂದ ಒಂಟಿಯಂಗಡಿ ಜಂಕ್ಷನ್ ಕಡೆಗೆ ರಸ್ತೆಯಲ್ಲಿ ನಡೆದುಕೊಂಡು ಬರುತ್ತಿರುವಾಗ ಹರಿಹರ ಗ್ರಾಮದ ಕಡೆಯಿಂದ ತೀತಿರ ನಿತಿನ್ ನಾಣಯ್ಯ ಎಂಬವರು ಕೆ-12-4108ರ ಮೋಟಾರು ಬೈಕನ್ನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಹಿಂಬದಿಯಿಂದ ಪೂವಯ್ಯನವರಿಗೆ ಡಿಕ್ಕಿಪಡಿಸಿದ ಪರಿಣಾಮ ಗಂಭೀರವಾಗಿ ಗಾಯಗೊಂಡ ಪೂವಯ್ಯನವರನ್ನು ಸೌಮ್ಯ ಎಂಬವರು ಶ್ರೀಮಂಗಲ ಆಸ್ಪತ್ರೆಗೆ ದಾಖಲಿಸಿದ್ದು ಸಂಜೆ ವೇಳೆ ಪೂವಯ್ಯನವರು ಮೃತರಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಶ್ರೀಮಂಗಲ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಕ್ತಿ ಆತ್ಮಹತ್ಯೆ
                      ದಿನಾಂಕ 12/10/2017ರಂದು ಕುಶಾಲನಗರ ಬಳಿಯ ಕೂಡಿಗೆ ಹೆಗ್ಗಡಹಳ್ಳಿ ನಿವಾಸಿ ಅಂಜನಿ ಗೌಡ ಎಂಬವರು ರಾತ್ರಿ ವೇಳೆ ಮನೆಯಲ್ಲಿ ಕುತ್ತಿಗೆಯನ್ನು ಯಾವುದೋ ಹರಿತವಾದ ವಸ್ತುವಿನಿಂದ ಕುಯ್ದುಕೊಂಡು ಆತ್ಮಹತ್ಯೆ ಮಾಡಿಕೊಳ್ಳಲು ಪ್ರಯತ್ನಿಸಿದ್ದು ತೀವ್ರವಾಗಿ ಗಾಯಗೊಂಡ ಮಡಿಕೇರಿಯ ಜಿಲ್ಲಾ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ದಾಖಲಿಸಲಾಗಿತ್ತು. ಗಾಯಾಳು ಅಂಜನಿಗೌಡರು ದಿನಾಂಕ 14/10/2017ರಂದು ಆಸ್ಪತ್ರೆಯಲ್ಲಿ ಮೃತರಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Saturday, October 14, 2017

ಕಾರಿಗೆ ಲಾರಿ ಡಿಕ್ಕಿ 
                              ದಿನಾಂಕ 13/10/2017ರಂದು ನಾಪೋಕ್ಲು ಬಳಿಯ ಎಮ್ಮೆಮಾಡು ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ದೈಹಿಕ ಶಿಕ್ಷಕಿ ವಂಜಮ್ಮ ಎಂಬವರು ಮಾದಾಪುರದಲ್ಲಿ ನಡೆಯುತ್ತಿದ್ದ ಜಿಲ್ಲಾ ಮಟ್ಟದ ಕ್ರೀಡಾಕೂಟಕ್ಕೆ ಅವರ ಶಾಲೆಯ ಸುಮಾರು 9 ಜನ ವಿದ್ಯಾರ್ಥಿಗಳನ್ನು ಕರೆದುಕೊಂಡು ಕೆಎ-53-ಎನ್-2255ರ ಇನ್ನೋವಾ ಕಾರಿನಲ್ಲಿ ಕರೆದುಕೊಂಡು ಹೋಗುತ್ತಿರುವಾಗ ನಾಪೋಕ್ಲು ಬಳಿಯ ಚೋನಕೆರೆ ಎಂಬಲ್ಲಿ ಎದುರುಗಡೆಯಿಂದ ಕೆ-12-ಎ-3029ರ ಸ್ವರಾಜ್ ಮಜ್ದಾ ಲಾರಿಯನ್ನು ಅದರ ಚಾಲಕ ವೆಂಕಟೇಶ್‌ ಎಂಬವರು ಲಾರಿಯನ್ನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ವಂಜಮ್ಮ ಮತ್ತು  ವಿದ್ಯಾರ್ಥಿಗಳು ಪ್ರಯಾಣಿಸುತ್ತಿದ್ದ ಕಾರಿಗೆ ಡಿಕ್ಕಿಪಡಿಸಿದ ಪರಿಣಾಮ ಕಾರಿನಲ್ಲಿದ್ದ ಸುಮಾರು 7 ಜನ ವಿದ್ಯಾರ್ಥಿಗಳಿಗೆ  ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ನಾಪೋಕ್ಲು ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ರಸ್ತೆ ಅಫಘಾತ ;ಇಬ್ಬರ ಸಾವು
ದಿನಾಂಕ 13/10/2017ರಂದು ಪಾರಾಣೆ ನಿವಾಸಿ ದೇವಿ ಪ್ರಸಾದ್‌ ಎಂಬವರು ಅವರ ಕಾರಿನಲ್ಲಿ ಮಡಿಕೇರಿಗೆ ಹೋಗುತ್ತಿರುವಾಗ ಮಡಿಕೇರಿ ಸಮೀಪ ಕಗ್ಗೋಡ್ಲು ಬಳಿ ಕೆಎ-12-ಕ್ಯು-7329ರ ಸ್ಕೂಟರ್ ಹಾಗೂ ಕೆಎ-16-ಎನ್-1700ರ ಕಾರು ಪರಸ್ಪರ ಡಿಕ್ಕಿಯಾಗಿರುವುದು ಕಂಡು ಬಂದಿದ್ದು ಸ್ಕೂಟರ್ ಚಾಲಕ ನರಿಯಂದಡ ಗ್ರಾಮದ ಪೊಕ್ಕುಳಂಡ್ರ ಕಿವಿನ್‌ ಎಂಬವರು ಸ್ಥಳದಲ್ಲೇ ಸಾವಿಗೀಡಾಗಿದ್ದು ಸ್ಕೂಟರಿನ ಹಿಂಬದಿ ಸವಾರ ಚೇರಂಬಾಣೆ ನಿವಾಸಿ ಕೇಕಡ ಚರಣ್ ಎಂಬವರು ಆಸ್ಪತ್ರೆಗೆ ಸಾಗಿಸುವಾಗ ದಾರಿ ಮಧ್ಯೆ ಮೃತರಾಗಿರುವುದಾಗಿ  ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಹೊಳೆಗೆ ಬಿದ್ದು ವ್ಯಕ್ತಿ ಸಾವು
                           ದಿನಾಂಕ 13/10/2017ರಂದು ಸುಂಟಿಕೊಪ್ಪ ಬಳಿಯ ಹೇರೂರು ಕಾಲೋನಿ ನಿವಾಸಿ ಮುತ್ತುರಾಜ ಯಾನೆ ಕೂಸು ಎಂಬವರು ಹಾರಂಗಿ ಹೊಳೆಯ ಹಿನ್ನೀರಿನಲ್ಲಿ ಆಕಸ್ಮಿಕವಾಗಿ ಬಿದ್ದು ಮೃತರಾಗಿರುವುದಾಗಿ ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಘಟನೆಗೆ ಸಂಬಂಧಿಸಿದಂತೆ ದಿನಾಂಕ 09/10/2017ರಂದು ಮುತ್ತುರಾಜ ಯಾನೆ ಕೂಸು ಎಂಬವರು ಮನೆಯಲ್ಲಿ ಮದ್ಯಪಾನ ಮಾಡಲೆಂದು ತಾಯಿ ಕಾಳಿಯನ್ನು ಹಣ ಕೇಳಿದ್ದು ತಾಯಿ ಹಣವಿಲ್ಲವೆಂದು ಹೇಳಿದ ಕಾರಣಕ್ಕೆ ಮುತ್ತುರಾಜುರವರು ಮದ್ಯಪಾನ ಮಾಡಬೇಕೆಂದು ಹೇಳಿ ರಾತ್ರಿ ವೇಳೆ ಮನೆಯಿಂದ ಹೊರಟು ಹೋಗಿದ್ದು ಮನೆಗೆ ವಾಪಾಸು ಮರಳಿ ಬಾರದ ಕಾರಣ ದಿನಾಂಕ 11/10/2017ರಂದು ಸುಂಟಿಕೊಪ್ಪ ಠಾಣೆಯಲ್ಲಿ ಮನುಷ್ಯ ಕಾಣೆ ಪ್ರಕರಣ ದಾಖಲಾಗಿ ತನಿಖೆಯಲ್ಲಿದ್ದು, ದಿನಾಂಕ 09/10/2017ರ ರಾತ್ರಿ ವೇಳೆ ಮದ್ಯ ಪಾನ ಮಾಡಲೆಂದು ಮನೆಯಿಂದ ಹೊರಟ ಮುತ್ತುರಾಜರವರು ಆಕಸ್ಮಿಕವಾಗಿ ಕಾಲು ಜಾರಿ ಹಾರಂಗಿ ನದಿಯ ಹಿನ್ನೀರಿಗೆ ಬಿದ್ದು ಮೃತರಾಗಿರಬಹುದಾಗಿ ದೂರು ನೀಡಿದ ಮೇರೆಗೆ ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಳ್ಳಲಾಗಿದೆ.

ಕಾರು ಅಫಘಾತ
                            ದಿನಾಂಕ 13/10/2017ರಂದು ಗೋಣಿಕೊಪ್ಪ ಬಳಿಯ ಅರ್ವತೊಕ್ಲು ನಿವಾಸಿ ಎಂ.ಎನ್.ಸೋಮಣ್ಣ ಎಂಬವರು ಅವರ ಕಾರು ಸಂಖ್ಯೆ ಕೆಎ-12-ಝೆಡ್-8732 ರಲ್ಲಿ ಗೋಣಿಕೊಪ್ಪದಿಂದ ಅರ್ವತೊಕ್ಲುವಿಗೆ ಹೋಗುತ್ತಿರುವಾಗ ಪೊನ್ನಂಪೇಟೆ ರಸ್ತೆಯ ರಿಲಾಯನ್ಸ್ ಪೆಟ್ರೋಲ್ ಬಂಕ್ ಬಳಿ ಹಿಂದಿನಿಂದ ಒಂದು ಸ್ವಿಫ್ಟ್ ಕಾರನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಸೋಮಣ್ಣರವರ ಕಾರಿಗೆ ಹಿಂದಿನಿಂದ ಡಿಕ್ಕಿಪಡಿಸಿ ನಿಲ್ಲಿಸದೇ ಹೊರಟು ಹೋಗಿದ್ದು ಸೋಮಣ್ಣನವರ ಕಾರು ಡಿಕ್ಕಿಯ ಪರಿಣಾಮ ಮುಂದಕ್ಕೆ ಚಲಿಸಿ ಮುಂದೆ ನಿಲ್ಲಿಸಿದ್ದ ಕಾರಿಗೆ ಡಿಕ್ಕಿಯಾಗಿ ಎರಡೂ ಕಾರಿಗೆ ಹಾನಿಯುಂಟಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.