Monday, July 31, 2017

ನೇಣುಬಿಗಿದುಕೊಂಡು ಯುವತಿ ಸಾವು:

     ಯುವತಿಯೋರ್ವಳು ಕುತ್ತಿಗೆಗೆ ನೇಣುಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಕುಶಾಲನಗರ ಗ್ರಾಮಾಂತರ ಠಾಣಾ ಸರಹದ್ದಿನ ಹೊಸಪಟ್ಟಣ ಗ್ರಾಮದಲ್ಲಿ ನಡೆದಿದೆ. ಹೊಸಪಟ್ಟಣ ಗ್ರಾಮದ ನಿವಾಸಿ ಮಾಯಿಗಯ್ಯಾ ಎಂಬವರ ಮಗಳಾದ 19 ವರ್ಷ ಪ್ರಾಯದ ಸಂಗೀತ ಎಂಬಾಕೆ ದಿನಾಂಕ 30-7-2017 ರಂದು ತನ್ನ ಮನೆಯಲ್ಲಿ ಕುತ್ತಿಗೆಗೆ ನೇಣುಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು, ಈ ಸಂಬಂಧ ಆಕೆಯ ತಂದೆ ಮಾಯಿಗಯ್ಯಾ ರವರು ನೀಡಿದ ದೂರಿನ ಮೇರೆಗೆ ಪ್ರಕರಣ ದಾಖಲಿಸಿದ ಕುಶಾಲನಗರ ಗ್ರಾಮಾಂತರ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ಅಂಗಡಿ ಬೀಗ ಮುರಿದು ಹಣ ಕಳ್ಳತನ:

      ಸೋಮವಾರಪೇಟೆ ತಾಲೂಕು ಶನಿವಾರಸಂತೆ ನಗರದ ನಿವಾಸಿ ಹೆಚ್.ಎಂ. ಹರೀಶ್ ಎಂಬವರು ಶನಿವಾರಸಂತೆ ನಗರದಲ್ಲಿ ಸುಮಾರು ಒಂದು ವರ್ಷದಿಂದ ಸಿದ್ದಗಂಗಾ ಸ್ಟೋರ್ ಎಂಬ ದಿನಸಿ (ಸಗಟು ವ್ಯಾಪಾರಿ) ಅಂಗಡಿಯನ್ನು ನಡೆಸಿಕೊಂಡು ಬರುತ್ತಿದ್ದು ದಿನಾಂಕ 29-07-2017 ರಂದು ರಾತ್ರಿ ವ್ಯಾಪಾರವನ್ನು ಮುಗಿಸಿ ಮನೆಗೆ ಹೋಗಿದ್ದು, ಎಂದಿನಂತೆ ದಿನಾಂಕ 30-7-2017 ರಂದು ಬೆಳಿಗ್ಗೆ 7.30 ಗಂಟೆಗೆ ಬಂದು ಅಂಗಡಿಯ ಬಾಗಿಲನ್ನು ನೋಡಿದಾಗ ಬಾಗಿಲಿನ ಬೀಗವನ್ನು ಯಾರೋ ಕಳ್ಳರು ಒಡೆದು ಒಳ ನುಗ್ಗಿ ಕ್ಯಾಶ್ ಟೇಬಲ್ ನಲ್ಲಿದ್ದ 9,000 ರೂ ಗಳನ್ನು ಕಳ್ಳತನ ಮಾಡಿಕೊಂಡು ಹೋಗಿರುವ ಬಗ್ಗೆ ನೀಡಿರುವ ದೂರಿನ ಮೇರೆಗೆ ಶನಿವಾರಸಂತೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಅಂಗಡಿ ಬೀಗ ಮುರಿದು ನಗದು ಕಳವು.

      ಶನಿವಾರಸಂತೆ ನಗರದ ಹೊಸೂರು ರಸ್ತೆಯಲ್ಲಿರುವ ಹೆಚ್.ಪಿ. ಮೋಹನ್ ಎಂಬವರಿಗೆ ಸೇರಿದ ಆದರ್ಶ ಟ್ರೇಡರ್ಸ್ ಮಳಿಗೆಗೆ ದಿನಾಂಕ 29-7-2017 ರಂದು ರಾತ್ರಿ ಯಾರೋ ಕಳ್ಳರು ಶೆಟರ್ಸ್ ಗೆ ಹಾಕಿದ ಬೀಗವನ್ನು ಮುರಿದು ಒಳಪ್ರವೇಶಿಸಿ ಕ್ಯಾಶ್ ಟೇಬಲ್ ನಲ್ಲಿಟ್ಟಿದ್ದ 6,000 ರೂ. ಗಳನ್ನು ಕಳ್ಳತನ ಮಾಡಿಕೊಂಡು ಹೋಗಿದ್ದು, ಈ ಸಂಬಂಧ ಹೆಚ್.ಪಿ. ಮೋಹನ್ ರವರ ದೂರಿನ ಮೇರೆಗೆ ಪ್ರಕರಣ ದಾಖಲಾಗಿದೆ.

ವ್ಯಕ್ತಿಯ ಕೊಲೆಗೆ ಯತ್ನ:

     ಹಳೇ ದ್ವೇಷದಿಂದ ವ್ಯಕ್ತಿಯೊಬ್ಬರ ಮೇಲೆ ಕತ್ತಿಯಿಂದ ಹಲ್ಲೆ ಮಾಡಿ ಕೊಲೆಗೆ ಯತ್ನಿಸಿದ ಘಟನೆ ಗೋಣಿಕೊಪ್ಪ ನಗರದಲ್ಲಿ ನಡೆದಿದೆ. ವಿರಾಜಪೇಟೆ ತಾಲ್ಲೂಕು ಹಳ್ಳಿಗಟ್ಟು ಗ್ರಾಮದ ಹೊದ್ದೂರು ಪೈಸಾರಿಯಲ್ಲಿ ವಾಸವಾಗಿರುವ ಬಿ.ಆರ್. ಅಜಿತ್ ಎಂಬವರು ದಿನಾಂಕ 30-7-2017 ರಂದು ಗೋಣಿಕೊಪ್ಪ ನಗರದ ಮಟ್ಟನ್ ಮಾರ್ಕೆಟ್ ಬಳಿ ನಿಂತಿದ್ದಾಗ ಆರೋಪಿ ಜೇನುಕುರುಬರ ಮಂಜು ಎಂಬವರು ಅಲ್ಲಿಗೆ ಬಂದು ವಿನಾಕಾರಣ ಹಳೆ ದ್ವೇಷವನ್ನಿಟ್ಟುಕೊಂಡು ಜಗಳ ಮಾಡಿ ‘ನಿನ್ನನ್ನು ಕೊಲೆ ಮಾಡದೆ ಬಿಡುವುದಿಲ್ಲ’ವೆಂದು ಹೇಳಿ ಬಿ.ಆರ್. ಅಜಿತ್ ರವರ ಸೊಂಟದ ಭಾಗಕ್ಕೆ ಕತ್ತಿಯಿಂದ ಹಲ್ಲೆ ನಡೆಸಿ ಗಾಯಪಡಿಸಿ ಕೊಲೆಗೆ ಯತ್ನಿಸಿದ್ದಾರೆಂದು ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ದಾರಿ ತಡೆದು ಹಲ್ಲೆಗೆ ಯತ್ನ, ಕೊಲೆ ಬೆದರಿಕೆ:

     ಹಳೆ ದ್ವೇಷದ ಹಿನ್ನೆಲೆಯಲ್ಲಿ ಮೂವರು ವ್ಯಕ್ತಿಗಳ ದಾರಿ ತಡೆದು ಹಲ್ಲೆಗೆ ಯತ್ನಿಸಿ ಕೊಲೆಗೆ ಬೆದರಿಕೆ ಒಡ್ಡಿರುವ ಘಟನೆ ಮಡಿಕೇರಿ ಗ್ರಾಮಾಂತರ ಠಾಣಾ ವ್ಯಾಪ್ರಿಯ ಮುಕ್ಕೋಡ್ಲು ಗ್ರಾಮದಲ್ಲಿ ನಡೆದಿದೆ. ದಿನಾಂಕ 30-7-2017 ರಂದು ಮುಕ್ಕೋಡ್ಲು ನಿವಾಸಿಗಳಾದ ನಂಜುಂಡ, ಶ್ರೀಮತಿ ಸುಶೀಲ ಹಾಗು ಧರ್ಮರಾಯ ಎಂಬವರು ನಂಜುಂಡರವರ ಗದ್ದೆ ಬಳಿಯ ದಾರಿಯಲ್ಲಿ ನಡೆದುಕೊಂಡು ಹೋಗುತ್ತಿದ್ದಾಗ ಆರೋಪಿ ಕೆ.ಟಿ. ಕಾರ್ಯಪ್ಪ ಎಂಬವರು ಹಳೇ ವೈಷಮ್ಯದಿಂದ ದಾರಿ ತಡೆದು ಅವಾಚ್ಯ ಶಬ್ದಗಳಿಂದ ಬೈದು ಹಲ್ಲೆಗೆ ಯತ್ನಿಸಿದ್ದೂ ಅಲ್ಲದೆ, ಗುಂಡುಹೊಡೆದು ಕೊಲೆ ಮಾಡುವುದಾಗಿ ಬೆದರಿಸಿರುತ್ತಾರೆಂದು ನಂಜುಂಡರವರು ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ. 

Sunday, July 30, 2017

 ಅಕ್ರಮ ಮರಳು ಸಂಗ್ರಹ:

       ವ್ಯಕ್ತಿಯೊಬ್ಬರು ಅಕ್ರಮವಾಗಿ ಮರಳನ್ನು ಸಂಗ್ರಹಿಸಿರುವುದನ್ನು ಪತ್ತೆಹಚ್ಚಿದ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಸಿದ್ದಾಪುರ ಠಾಣಾ ಸರಹದ್ದಿನ ಬರಡಿ ಗ್ರಾಮದ ಕಾವೇರಿ ಹೊಳೆಯ ದಡದಲ್ಲಿ ಯಾರೋ ವ್ಯಕ್ತಿಯೊಬ್ಬರು ಅಕ್ರಮವಾಗಿ ಮರಳನ್ನು ಸಂಗ್ರಹಿಸಿಟ್ಟಿದ್ದು, ಬಾತ್ಮೀದಾರರ ಮಾಹಿತಿ ಮೇರೆಗೆ ಅದನ್ನು ಪತ್ತೆ ಹಚ್ಚಿದ ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ನೀರಿಗೆ ಬಿದ್ದು ಮಹಿಳೆ ಸಾವು:
      ಗದ್ದೆಗೆ ಹೋದ ಮಹಿಳೆಯೊಬ್ಬರು ಆಕಸ್ಮಿಕವಾಗಿ ನೀರಿಗೆ ಬಿದ್ದು ಸಾವನಪ್ಟಿರುವ ಘಟನೆ ನಾಪೋಕ್ಲು ಠಾಣಾ, ಸರಹದ್ದಿನ ಕುಂಜಿಲ ಗ್ರಾಮದಲ್ಲಿ ನಡೆದಿದೆ. ಕುಂಜಿಲ ಗ್ರಾಮದ ನಿವಾಸಿ ಸಣ್ಣಮ್ಮ ಎಂಬವರು ಕುಂಜಿಲ ಗ್ರಾಮದ ಎಂ.ಎ. ಜೋಯಪ್ಪ ಎಂಬವರ ಮನೆಯಲ್ಲಿ ಕೂಲಿ ಕೆಲಸ ಮಾಡಿಕೊಂಡಿದ್ದು ದಿನಾಂಕ 29-7-2017 ರಂದು ದನಗಳನ್ನು ಗದ್ದೆಯಲ್ಲಿ ಕಟ್ಟಿಬರುವುದಾಗಿ ತಿಳಿಸಿ ಹೋಗಿದ್ದು, ಆಕಸ್ಮಿಕವಾಗಿ ನೀರು ತುಂಬಿದ ಗದ್ದೆಯಲ್ಲಿ ಬಿದ್ದು ಉಸಿರುಗಟ್ಟಿ ಸಾವನಪ್ಪಿದ್ದು, ಈ ಸಂಬಂಧ ಎಂ.ಎ.ಜೋಯಪ್ಪನವರು ನೀಡಿದ ದೂರಿನ ಮೇರೆಗೆ ನಾಪೋಕ್ಲು ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.

ದಾರಿತಡೆದು ವ್ಯಕ್ತಿ ಮೇಲೆ ಹಲ್ಲೆ:

     ದಿನಾಂಕ 29-07-2017 ರಂದು ಗಾಂಧಿನಗರ ಮೂರ್ನಾಡು ಗ್ರಾಮದ ನಿವಾಸಿ ಹೆಚ್.ಎಲ್. ವಿನೋದ್ ಮತ್ತು ರುದ್ರೇಶ್ ರವರು KA-12-R-4359 ರ ಸ್ಕೋಟರ್ ನಲ್ಲಿ ಮಡಿಕೇರಿಯಿಂದ ಹಾಕತ್ತೂರಿಗೆ ಹೋಗುತ್ತಿರುವಾಗ ಸಮಯ 6.45 ಪಿ.ಎಂ ಗೆ ಮೇಕೇರಿ ಗ್ರಾಮದ ಶಕ್ತಿ ನಗರಕ್ಕೆ ಹೋಗುವ ರಸ್ತೆ ಹತ್ತಿರ ತಲುಪುವಾಗ ಕಗ್ಗೋಡ್ಲು ಗ್ರಾಮದ ನಿವಾಸಿ ದೀಪು ಹಾಗು ಇತರೆ ಇಬ್ಬರು ವ್ಯಕ್ತಿಗಳು ಎದುರಿನಿಂದ KA-12-B-4009 ರ ಕಾರಿನಲ್ಲಿ ಬಂದು ಹೆಚ್.ಎಲ್. ವಿನೋದ್ ಮತ್ತು ರುದ್ರೇಶ್ ಶ್ರವರ ದಾರಿ ತಡೆದು ನಿಲ್ಲಿಸಿ, ಮೇಮೋರಿ ಕಾರ್ಡ್ ನ ವಿಚಾರದಲ್ಲಿ ಜಗಳ ತೆಗೆದು ದೊಣ್ಣೆಯಿಂದ ಇಬ್ಬರ ಮೇಲೆ ಹಲ್ಲೆ ನಡೆಸಿ ಗಾಯ ಪಡಿಸಿದ್ದು, ಈ ಸಂಬಂಧ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಪಾದಚಾರಿಗೆ ಕಾರು ಡಿಕ್ಕಿ:

      ವಿರಾಜಪೇಟೆ ನಗರ ಪೊಲೀಸ್ ಠಾಣಾ ಸರಹದ್ದಿನ ಕೆ.ಬೊಯಿಕೇರಿ ಗ್ರಾಮದ ನಿವಾಸಿ ಕೆ. ಮಾರ ಎಂಬುವರು ತನ್ನ ಮಗಳು ನೀತಾರೊಂದಿಗೆ ವಿರಾಜಪೇಟೆ ನಗರದ ಚೆಸ್ಕಾಂ ಕಛೇರಿ ಮುಂಬಾಗದ ವಿರಾಜಪೇಟೆ ಚಿಕ್ಕಪೇಟೆ ರಸ್ತೆಯಲ್ಲಿ ನಡೆದುಕೊಂಡು ಹೋಗುತಿರುವಾಗ್ಗೆ ಹಿಂದಿನಿಂದ ಬಂದ ಕೆ.ಎ-12-ಪಿ- 2269 ರ ಚಾಲಕನು ಅತೀ ವೇಗ ಹಾಗೂ ದುಡುಕಿನಿಂದ ಕಾರನ್ನು ಚಾಲಿಸಿಕೊಂಡು ಬಂದು ಮಾರ ರವರ ಕಾಲಿಗೆ ಡಿಕ್ಕಿ ಪಡಿಸಿದ ಪರಿಣಾಮ ಮಾರ ರವರ ಎಡಕಾಲಿನ ಪಾದವು ಜಖಂ ಗೊಂಡಿದ್ದು ಚಿಕಿತ್ಸೆ ಬಗ್ಗೆ ವಿರಾಜಪೇಟೆ ಸರಕಾರಿ ಆಸ್ಪತ್ರೆಗೆ ದಾಖಲಾಗಿದ್ದು, ವಿರಾಜಪೇಟೆ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

Saturday, July 29, 2017

ಪತ್ರಿಕಾ ಪ್ರಕಟಣೆ:
          ಕೊಡಗು ಜಿಲ್ಲೆಯಾದ್ಯಂತ ಹಾಗು ಇನ್ನಿತರೆ ಕಡೆಗಳಲ್ಲಿ ಗಂಜಾ ಸೊಪ್ಪನ್ನು ಅಕ್ರಮವಾಗಿ ಮಾರಾಟ ಮಾಡಲು ಹೊಂಚುಹಾಕುತ್ತಿದ್ದವರನ್ನು ಕುಶಾಲನಗರ ಪೊಲೀಸರು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
          ಕೊಡಗು ಜಿಲ್ಲೆಯಲ್ಲಿ ಮಾದಕ ವಸ್ತುಗಳ ಮಾರಾಟ ಜಾಲದ ಬಗ್ಗೆ ಸಾರ್ವಜನಿಕರಿಂದ ದೂರು ಬಂದ ಹಿನ್ನೆಲೆಯಲ್ಲಿ  ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಶ್ರೀ ಪಿ. ರಾಜೇಂದ್ರಪ್ರಸಾದ್ ರವರ ಮಾರ್ಗದರ್ಶನದ ಮೇರೆಗೆ ದಿನಾಂಕ 28-7-2017 ರಂದು ಕುಶಾಲನಗರ ಪಟ್ಟಣದ ಸಂತೆಮಾಳದ ಬಳಿ ಸಿಕೆಸಿ-967ರ ಮಾರುತಿ 800 ಕಾರಿನಲ್ಲಿ  ಗಾಂಜಾ ಸೊಪ್ಪನ್ನು ಮಾರಾಟ ಮಾಡಲು ಯತ್ನಿಸುತ್ತಿರುವ ಬಗ್ಗೆ ಸೋಮವಾರಪೇಟೆ ಉಪ ವಿಭಾಗದ ಪೊಲೀಸ್ ಉಪಾಧೀಕ್ಷಕರಾದ ಶ್ರೀ ಸಂಪತ್ ಕುಮಾರ್ ರವರಿಗೆ ದೊರೆತ ವರ್ತಮಾನದ ಮೇರೆಗೆ ಸಿಬ್ಬಂದಿಯೊಂದಿಗೆ ದಾಳಿ ನಡೆಸಿದ್ದು, ಸದರಿ ವಾಹನದಲ್ಲಿ 6 ಜನರಿದ್ದು ಅವರ ಬಳಿ 7 ದೊಡ್ಡ ಪ್ಯಾಕೇಟ್ ಗಳಲ್ಲಿ ಸುಮಾರು ರೂ. 5 ಲಕ್ಷ ಮೌಲ್ಯದ 14 ಕೆ.ಜಿ. ಗಾಂಜಾ ಸೊಪ್ಪು ಪತ್ತೆಯಾಗಿದ್ದು ಸದರಿ ಗಾಂಜಾಸೊಪ್ಪನ್ನು ಮತ್ತು ಆರೋಪಿಗಳನ್ನು ವಶಕ್ಕೆ ಪಡೆದು ವಿಚಾರಣೆ ಮಾಡಲಾಗಿ  ಗಾಂಜಾ ಸೊಪ್ಪನ್ನು ಆಂದ್ರಪ್ರದೇಶದ ಹಿಂದೂಪುರದಿಂದ ತರಿಸಿಕೊಂಡು ಮಾರಾಟ ಮಾಡುವ ಉದ್ದೇಶದಿಂದ ಕುಶಾಲನಗರಕ್ಕೆ ಬಂದಿರುವುದು ತಿಳಿದು ಬಂದಿರುತ್ತದೆ.  ಸದರಿ ಮಾರಾಟ ಜಾಲದಲ್ಲಿ ಕೆಳಕಾಣಿಸಿದ ಆರೋಪಿಗಳನ್ನು ಬಂಧಿಸಲಾಗಿದೆ.
(1)    ಇಸ್ಮಾಯಿಲ್ ಶರೀಫ್ ಹೆಚ್.ಎಸ್. ತಂದೆ: ಶರೀಫ್, ಪ್ರಾಯ 34 ವರ್ಷ, ಮೀನು ವ್ಯಾಪಾರಿ, ಚಿಕ್ಕಹುಣಸುರು, ಹುಣಸೂರು ಪಟ್ಟಣ, ಮೈಸೂರು ಜಿಲ್ಲೆ.
(2)   ಕೆ. ಮಹೇಶ್, ತಂದೆ: ಕಂದಸ್ವಾಮಿ, ಪ್ರಾಯ 30 ವರ್ಷ,ಚಾಲಕ ವೃತ್ತಿ, ಶಿವಜ್ಯೋತಿನಗರ ಹುಣಸೂರು.
(3)   ರಾಜೇಗೌಡ, ತಂದೆ: ನಂಜೇಗೌಡ, ಪ್ರಾಯ 61 ವರ್ಷ, ಕೊಯಮತ್ತೂರು ಕಾಲೋನಿ, ಹುಣಸೂರು ತಾಲೋಕು, ಮೈಸೂರು ಜಿಲ್ಲೆ,
(4)   ಸೋಮೇಶ್, ತಂದೆ ಜಡೆಯಯ್ಯ, ಪ್ರಾಯ 20 ವರ್ಷ, ವ್ಯವಸಾಯ ವೃತ್ತಿ, ಭೀಮನಳ್ಳಿ ಗ್ರಾಮ, ಹುಣಸೂರು ತಾಲ್ಲೂಕು,
(5)   ಇರ್ಫಾನ್, ತಂದೆ ಇಕ್ಭಾಲ್, ಪ್ರಾಯ 27 ವರ್ಷ, ವ್ಯಾಪಾರಿ, ಅಪ್ಪಾರಂಡ ಬಡಾವಣೆ ಸುಂಟಿಕೊಪ್ಪ, ಕೊಡಗು ಜಿಲ್ಲೆ,
(6)   ನಾಸೀರ್ ಶರೀಫ್, ತಂದೆ: ಫಾಜಿಪ್ ಶರೀಫ್, 23 ವರ್ಷ,ವ್ಯವಸಾಯ ಕೆಲಸ, ಹಾರ್ನಳ್ಳಿ ಗ್ರಾಮ, ರಾವಂದೂರು ಹೋಬಳಿ, ಪಿರಿಯಾಪಟ್ಟಣ ತಾಲ್ಲೂಕು.

     ಈ ಕಾರ್ಯಾಚರಣೆಯನ್ನು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಯವರ ಮಾರ್ಗದರ್ಶನದಂತೆ ಡಿ.ಎಸ್.ಪಿ.  ಸೋಮವಾರಪೇಟೆ ಉಪ ವಿಭಾಗ ರವರ ನೇತೃತ್ವದಲ್ಲಿ ಕುಶಾಲನಗರ ಠಾಣಾಧಿಕಾರಿ ಶ್ರೀ ಪಿ. ಜಗದೀಶ್,  ಸಿಬ್ಬಂದಿಯವರಾದ ಶ್ರೀ ಗೋಪಾಲ, ಎಎಸ್ಐ, ಶ್ರೀ ಪಿ.ವಿ. ಸುರೇಶ್,  ಶ್ರೀ ಸುಧೀರ್, ಶ್ರೀ ಮುಸ್ತಾಫ, ಶ್ರೀ ಉದಯಕುಮಾರ್, ಶ್ರೀ ಪ್ರಕಾಶ್ ವಿ., ಮತ್ತು ಶ್ರೀ ಸಂಪತ್ ರೈ ಮತ್ತು ಚಾಲಕ ಪ್ರವೀಣ್ ರವರು ಭಾಗಿಯಾಗಿದ್ದು ಇವರುಗಳನ್ನು ಪೊಲೀಸ್ ಅಧೀಕ್ಷಕರು ಅಭಿನಂದಿಸಿದ್ದಾರೆ.

     ಕೊಡಗು ಜಿಲ್ಲೆಯಾದ್ಯಂತ ಗಾಂಜಾ ಮಾರಾಟ ಜಾಲ ಹಬ್ಬಿಕೊಂಡಿದ್ದು ಯುವಕರನ್ನು ಮಾದಕ ವಸ್ತುಗಳ ಜಾಲದಲ್ಲಿ ಸೆಳೆದುಕೊಂಡು ಅವರನ್ನು ಮಾದಕ ವಸ್ತುಗಳ ವ್ಯಸನಿಗಳನ್ನಾಗಿಸುವುದು ತೀರಾ ಖಂಡನೀಯ.  ಗಾಂಜಾ ಅಥವಾ ಯಾವುದೇ ಮಾದಕ ವಸ್ತುಗಳ ಮಾರಾಟದ ಬಗ್ಗೆ ಮಾಹಿತಿ ಇದ್ದಲ್ಲಿ ಸಾರ್ವಜನಿಕರು  ತಮ್ಮ ಬೀಟ್ ಅಧಿಕಾರಿಗಳಿಗಾಗಲೀ ಅಥವಾ ಸಂಬಂಧಪಟ್ಟ ಪೊಲೀಸ್ ಠಾಣೆಯ ಪಿ.ಎಸ್.ಐ ರವರಿಗಾಗಲೀ ಮಾಹಿತಿಯನ್ನು ನೀಡುವಂತೆ ಕೋರಲಾಗಿದೆ.   ಇದಲ್ಲದೆ ಪೊಲೀಸ್ ಇಲಾಖಾ ವತಿಯಿಂದ ಜಿಲ್ಲೆಯ ಸುಮಾರು 30 ಕಡೆಗಳಲ್ಲಿ ಸಲಹಾ ಪೆಟ್ಟಿಗೆಗಳನ್ನು ಇರಿಸಿದ್ದು, ಯಾವುದೇ ಅಕ್ರಮ ಚಟುವಟಿಕೆಗಳ ಬಗ್ಗೆ ಸಾರ್ಜಜನಿಕರು ಮಾಹಿತಿಯನ್ನು ನೀಡಬಹುದಾಗಿರುತ್ತದೆ. ಮಾಹಿತಿ  ನೀಡುವ ಸಾರ್ವಜನಿಕರು ತಮ್ಮ ಹೆಸರನ್ನು ನಮೂದಿಸುವ ಅಗತ್ಯವಿರುವುದಿಲ್ಲ.  ಹೆಸರು ನೀಡಿ ಮಾಹಿತಿಯನ್ನು ನೀಡಿದ ಸಾರ್ವಜನಿಕರ ವಿವರವನ್ನು ಗೌಪ್ಯವಾಗಿಡಲಾಗುವುದೆಂದು ಪೊಲೀಸ್ ವರಿಷ್ಠಾಧಿಕಾರಿಯವರು ತಿಳಿಸಿರುತ್ತಾರೆ.   
----------------------------------------------------------------------------------
ದಾರಿ ತಡೆದು ಸರ್ಕಾರಿ ನೌಕರನ ಮೇಲೆ ಹಲ್ಲೆ:
     ಗುತ್ತಿಗೆ ಆದಾರದ ಮೇಲೆ ಕೆಲಸದಿಂದ ವಜಾ ಆದ ವ್ಯಕ್ತಿಗಳಿಂದ ತೋಟಗಾರಿಕಾ ಇಲಾಖೆಯ ನೌಕರನ ಮೇಲೆ ಹಲ್ಲೆ ನಡೆದ ಪ್ರಕರಣ ಮಡಿಕೇರಿ ಗ್ರಾಮಾಂತರ ಠಾಣಾ ಸರಹದ್ದಿನ ಚಟ್ಟಳ್ಳಿ ಗ್ರಾಮದಲ್ಲಿ ನಡೆದಿದೆ.  ರಾಮಕೃಷ್ಣ  ಎಂಬವರು ಚಟ್ಟಳ್ಳಿ ಗ್ರಾಮದಲ್ಲಿರುವ ತೋಟಗಾರಿಕಾ ಕೇಂದ್ರದಲ್ಲಿ ಗುಮಾಸ್ತರಾಗಿ ಕೆಲಸ ನಿರ್ವಹಿಸುತ್ತಿದ್ದು, ರಮೇಶ್ ಹಾಗು ಇತರರು ಸದರಿ ತೋಟಗಾರಿಕಾ ಕೇಂದ್ರದಲ್ಲಿ ಗುತ್ತಿಗೆ ಆದಾರದ ಮೇಲೆ ಕೆಲಸ ಮಾಡಿಕೊಂಡಿದ್ದು, ಅವರನ್ನು ಹಣದ ಮಂಜೂರಾತಿ ಇಲ್ಲದೇ ಇದ್ದುದರಿಂದ ಕೆಲಸದಿಂದ ತೆಗೆದುಹಾಕಿದ ವಿಚಾರದಲ್ಲಿ ರಾಮಕೃಷ್ಣ ರವರು ದಿನಾಂಕ 14-7-2017 ರಂದು ಪೊನ್ನತ್ ಮೊಟ್ಟೆ ಎಂಬಲ್ಲಿ ಅಂಗಡಿಯೊಂದಕ್ಕೆ ಹೋಗಿ ಮನೆಯ ಕಡೆಗೆ ಹೋಗುತ್ತಿದ್ದಾಗ ಅವರ ದಾರಿಯನ್ನು ರಮೇಶ್ ಮತ್ತು ಇತರರು ತಡೆದು ಅವಾಚ್ಯ ಶಬ್ದಗಳಿಂದ ಬೈದು ಹಲ್ಲೆ ನಡೆಸಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ನೇಣುಬಿಗಿದು ಮಹಿಳೆ ಆತ್ಮಹತ್ಯೆ:
     ಹಾಸನ ಜಿಲ್ಲೆಯ ಅರಕಲಗೋಡು ತಾಲೋಕಿನ ಬಿಳಗುಲಿ ಗ್ರಾಮದ ನಿವಾಸಿ ಶ್ರೀಮತಿ ಭಾರತಿ ಎಂಬಾಕೆ ಮಡಿಕೇರಿ ತಾಲೋಕು ಮುತ್ತಾರ್ಮುಡಿ ಗ್ರಾಮದಲ್ಲಿ ವಾಸವಾಗಿದ್ದು ಕೂಲಿ ಕೆಲಸ ಮಾಡಿಕೊಮಡಿದ್ದು ದಿನಾಂಕ 28-7-2017 ರಂದು ತಾನು ವಾಸವಾಗಿದ್ದ ಮನೆಯಲ್ಲಿ ನೇಣುಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು, ಈ ಸಂಬಂಧ ಮಹೇಶ್ ಎಂಬವರು ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲಿಸರು  ಮುಂದಿನ ಕ್ರಮ ಕೈಗೊಂಡಿದ್ದಾರೆ.
ಬೀಗ ಮುರಿದು ಚಿನ್ನಾಭರಣ ಕಳವು:
     ಮನೆಯ ಬೀಗ ಮುರಿದು ಬೆಲೆಬಾಳುವ ಚಿನ್ನಾಭರಣ ಕಳ್ಳತನವಾದ  ಪ್ರಕರಣ ಮಡಿಕೇರಿ ನಗರದ ಜಯನಗರದಲ್ಲಿ ನಡೆದಿದೆ.  ಮಡಿಕೇರಿ ನಗರದ ಜಯನಗರದ ನಿವಾಸಿ ಕಾಂಡಂಡ ಸಿ. ಕಾರ್ಯಪ್ಪ ಎಂಬವರು ದಿನಾಂಕ 22-7-2017 ರಂದು ಚೆನ್ನೈಗೆ ಹೋಗಿದ್ದ ಸಂದರ್ಭವನ್ನು ಬಳಸಿದ ಯಾರೋ ಕಳ್ಳರು ಅವರ ಮನೆಯ ಬೀಗವನ್ನು ಮುರಿದು  ಒಳಪ್ರವೇಶಿಸಿ ಸುಮಾರು 5.9 ಲಕ್ಷ ಬೆಲೆಬಾಳುವ ಚಿನ್ನಾಭರಣ, 60,000 ರೂ ಬೆಲೆಬಾಳುವ ಒಂದು ರಿವಾಲ್ವರ್, 3 ಸಜೀವ ಗುಂಡುಗಳು ಹಾಗು 5000/- ರೂ.ನಗದನ್ನು ಕಳ್ಳತನ ಮಾಡಿಕೊಂಡು ಹೋಗಿದ್ದು, ಕಾಮಡಂಡ ಸಿ. ಕಾರ್ಯಪ್ಪನವರು ನೀಡಿದ ದೂರಿನ ಮೇರೆಗೆ ಮಡಿಕೇರಿ ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಕೆ ಕೈಗೊಂಡಿದ್ದಾರೆ.

Friday, July 28, 2017


ಅಫಘಾತ, ವ್ಯಕ್ತಿ ಸಾವು
                        ದಿನಾಂಕ 27/07/2017ರಂದು ಗೋಣಿಕೊಪ್ಪದ ಪಟೇಲ್‌ ನಗರ ನಿವಾಸಿ ತಿಮ್ಮಯ್ಯ ಎಂಬವರು ಅವರ ಸ್ಕೂಟರ್ ಸಂಖ್ಯೆ ಕೆಎ-12-ಎಲ್‌-1189ರಲ್ಲಿ ವಿರಾಜಪೇಟೆಗೆ ಹೋಗಿ ಮರಳಿ ಗೋಣಿಕೊಪ್ಪಕ್ಕೆ ಬರುತ್ತಿರುವಾಗ ಹಾತೂರು ಬಳಿ ಎದುರುಗಡೆಯಿಂದ ಕೆಎ-12-ಜೆ-302 ರ ಮೋಟಾರು ಬೈಕನ್ನು ಅದರ ಚಾಲಕ ಮುಜೀಬ್‌ ಎಂಬಾತನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ತಿಮ್ಮಯ್ಯನವರು ಚಾಲಿಸುತ್ತಿದ್ದ ಸ್ಕೂಟರಿಗೆ ಡಿಕ್ಕಿಪಡಿಸಿದ ಪರಿಣಾಮ ತಿಮ್ಮಯ್ಯನವರು ತೀವ್ರವಾಗಿ ಗಾಯಗೊಂಡು ಸ್ಥಳದಲ್ಲೇ ಮೃತರಾಗಿರುವುದಾಗಿ ನೀಡಿದ ದೂರಿಗೆ ಗೋಣಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. ಮೃತ ತಿಮ್ಮಯ್ಯನವರು ಗಡಿ ಭದ್ರತಾ ಪಡೆಯಲ್ಲಿ ಯೋಧರಾಗಿದ್ದು 20 ದಿನಗಳ ಹಿಂದೆ ರಜೆಯ ಮೇಲೆ ಮನೆಗೆ ಬಂದಿದ್ದರೆಂದು ತಿಳಿದುಬಂದಿದೆ.

Thursday, July 27, 2017

 ಉದ್ಯೋಗ ನೆಪದಲ್ಲಿ ವಂಚಿಸಿದ ವ್ಯಕ್ತಿ ಬಂಧನ:


      ಖಾಸಗಿ ಸಂಸ್ಥೆಯಲ್ಲಿ ಉದ್ಯೋಗ ಕೊಡಿಸುವುದಾಗಿ ಜಿಲ್ಲೆಯ ಕಾಲೇಜುಗಳ ವಿದ್ಯಾರ್ಥಿನಿಯರಿಗೆ ವಂಚಿಸಿದ ವ್ಯಕ್ತಿಯನ್ನು ಬಂಧಿಸುವಲ್ಲಿ ಕೊಡಗು ಪೊಲೀಸರು ಯಶಸ್ವಿಯಾಗಿದ್ದಾರೆ. ಬೆಂಗಳೂರಿನ ಫಸ್ಟ್ ಪ್ಲಾಟ್ ಫಾರಂ ಸಂಸ್ಥೆಯ ಮೂಲಕ ಬೆಂಗಳೂರಿನ ಪ್ರತಿಷ್ಠಿತ ಖಾಸಗಿ ಸಂಸ್ಥೆಗಳಲ್ಲಿ ಕೆಲಸ ಕೊಡಿಸುವುದಾಗಿ ಕೊಡಗು ಜಿಲ್ಲೆಯ ಕಾಲೇಜುಗಳಲ್ಲಿ ವ್ಯಾಸಂಗ ಮಾಡುತ್ತಿದ್ದ ವಿದ್ಯಾರ್ಥಿಗಳನ್ನು ಕ್ಯಾಂಪಸ್ ಸಂದರ್ಶನ ನಡೆಸಿ ಅವರುಗಳಿಗೆ ಬೆಂಗಳೂರಿನ ಪಿ.ಜಿ.ವೊಂದರಲ್ಲಿ ವಸತಿಯನ್ನು ನೀಡಿ ವಿದ್ಯಾರ್ಥಿಗಳಿಂದ ಹಣವನ್ನು ಪಡೆದು ನಕಲಿ ಉದ್ಯೋಗದ ನೇಮಕಾತಿ ಪತ್ರ ನೀಡಿ ವಂಚಿಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ದಕ್ಷಿಣ ಕನ್ನಡ ಜಿಲ್ಲೆಯ ಹೊನ್ನಾವರದ ನಿವಾಸಿ ಗಣೇಶ್ ಶೆಟ್ಟಿ ಎಂಬಾತನ್ನು ಬಂಧಿಸಿದ್ದು ಅಲ್ಲದೆ ಉದ್ಯೋಗಾಕಾಂಕ್ಷಿಗಳಾಗಿ ಪಿ.ಜಿ.ಯಲ್ಲಿ ನೆಲಸಿದ್ದ ಜಿಲ್ಲೆಯ ಸುಮಾರು 45 ವಿದ್ಯಾರ್ಥಿಗಳನ್ನು ರಕ್ಷಿಸಿ ಮುಂದಿನ ತನಿಖೆ ಕೈಗೊಂಡಿದ್ದಾರೆ. ಕಾರ್ಯಾಚರಣೆಯಲ್ಲಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಯಾದ ಶ್ರೀ ಪಿ.ರಾಜೇಂದ್ರ ಪ್ರಸಾದ್ ರವರ ಮಾರ್ಗದರ್ಶನದ ಮೇರೆಗೆ ಡಿ.ಸಿ.ಐ.ಬಿ. ಪಿ.ಐ ಹಾಗು ಸಿಬ್ಬಂದಿಗಳು ಭಾಗವಹಿಸಿದ್ದರು.

ಮೋಟಾರ್ ಬೈಕಿಗೆ ಕಾರ್ ಡಿಕ್ಕಿ:

       ಮೋಟಾರ್ ಸೈಕಲಿಗೆ ಕಾರು ಡಿಕ್ಕಿಯಾಗಿ ಸವಾರ ಗಾಯಗೊಮಡ ಘಟನೆ ಸೋಮವಾರಪೇಟೆ ಸಮೀಪದ ಕಲ್ಕಂದೂರು ಗ್ರಾಮದಲ್ಲಿ ನಡೆದಿದೆ. ಸೋಮವಾರಪೇಟೆ ತಾಲೋಕು ಕಾವಾಡಿಕಟ್ಟೆ ಗ್ರಾಮದ ನಿವಾಸಿ ಎಂ.ಎ. ಸಮ್ಮದ್ ಎಂಬವರು ದಿನಾಂಕ 26.07.2017 ರಂದು ಸಮಯ 12:40 ಗಂಟೆಗೆ ತಮ್ಮ ಬಾಬ್ತು ಮೋಟಾರ್ ಸೈಕಲ್ ನಂ ಕೆಎಲ್ 14 ಹೆಚ್ 6365 ರಲ್ಲಿ ಕಲ್ಕಂದೂರು ಗ್ರಾಮದಿಂದ ಸೋಮವಾರಪೇಟೆ ಕಡೆಗೆ ಹೋಗುತ್ತಿದ್ದಾಗ ಕೂಡು ರಸ್ತೆಯ ತಿರುವು ರಸ್ತೆಯಲ್ಲಿ ಎದುರುಗಡೆಯಿಂದ ಕೆಎ-04 ಎಂ-8616 ರ ಕಾರ್ ಚಾಲಕ ಸದರಿ ಕಾರನ್ನು ಅತೀವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಬಂದು ಎಂ.ಎ. ಸಮ್ಮದ್ ರವರು ಚಲಾಯಿಸುತ್ತಿದ್ದ ಮೋಟಾರ್ ಸೈಕಲ್ ಗೆ ಡಿಕ್ಕಿ ಪಡಿಸಿದ ಪರಿಣಾಮ ಎಂ.ಎ. ಸಮ್ಮದ್ ರವರು ಬೈಕಿನಿಂದ ಕೆಳಗೆ ಬಿದ್ದು ಸೊಂಟಕ್ಕೆ ಮತ್ತು ಬಲ ಕಾಲಿಗೆ ರಕ್ತಗಾಯವಾಗಿದ್ದು, ಈ ಸಂಬಂಧ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಜುವೆಲ್ಲರಿ ನೌಕರನಿಂದ ವಂಚನೆ:
      ಜುವೆಲ್ಲರಿಯೊಂದರಲ್ಲಿ ಕೆಲಸ ನಿರ್ವಹಿಸುತ್ತಿದ್ದ ನೌಕರನೋರ್ವ ಜುವೆಲ್ಲರಿ ಸಂಸ್ಥೆಯ ಬಂಗಾರವನ್ನು ದುರುಪಯೋಗಪಡಿಸಿ ವಂಚಿಸಿದ ಘಟನೆ ಕುಶಾಲನಗರ ಪಟ್ಟಣದ ಜುವೆಲ್ಲರಿ ಸಂಸ್ಥೆಯಲ್ಲಿ ನಡೆದಿದೆ. ಮೈಸೂರಿನ ವಿಜಯನಗರದ ನಿವಾಸಿ ನಾಗರಾಜ ಶೆಟ್ಟಿ ಎಂಬವರು ಕುಶಾಲನಗರ ಪಟ್ಟಣದಲ್ಲಿರುವ ಪೃಥ್ವಿ ಜುವೆಲ್ಲರಿ ಸಂಸ್ಥೆಯಲ್ಲಿ ವ್ಯವಸ್ಥಾಪಕರಾಗಿ ಕೆಲಸ ನಿರ್ವಹಿಸಿಕೊಂಡಿದ್ದು, 2016ನೇ ಸಾಲಿನಲ್ಲಿ ಸುಮಾರು 25 ಗ್ರಾಮ ಚಿನ್ನವನ್ನು ತನ್ನ ಸ್ವಂತ ಉಪಯೋಗಕ್ಕೆ ಬಳಸಿಕೊಂಡು ದುರುಪಯೋಗ ಪಡಿಸಿದ್ದು, ಅಲ್ಲದೆ ಸಂಸ್ಥೆಯ ಲೆಕ್ಕಪುಸ್ತಕ ಹಾಗು ಗ್ರಾಹಕರು ಸಂಸ್ಥೆಗೆ ಸ್ಕೀಂ ಮೂಲಕ ಕಟ್ಟಿದ ಹಣದ ಲೆಕ್ಕದ ಪುಸ್ತಕಗಳನ್ನು ತೆಗೆದುಕೊಂಡು ಹೋಗಿರುವುದು ದಿನಾಂಕ 30-9-2016 ರಂದು ಸಂಸ್ಥೆಯಲ್ಲಿನ ಆಭರಣ ಮತ್ತು ಚಿನ್ನವನ್ನು ಪರಿಶೀಲಿಸಿದ ಸಂದರ್ಭದಲ್ಲಿ ಬಹಿರಂಗಗೊಂಡಿದ್ದು, ಸದರಿ ದುರುಪಯೋಗ ಪಡಿಸಿದ ಚಿನ್ನದ ಬಾಪ್ತು ಹಣವನ್ನು ತಾನು ಸಂದಾಯ ಮಾಡುವುದಾಗಿ ಒಪ್ಪಿಕೊಂಡು ಇದುವರೆಗೂ ಸದರಿ ಹಣವನ್ನು ಸಂದಾಯ ಮಾಡಗೆ ಸಂಸ್ಥೆಗೆ ವಂಚಿಸಿರುವುದಾಗಿ ಪೃಥ್ವಿ ಜುವೆಲ್ಲರಿ ಸಂಸ್ಥೆಯ ಮಾಲಿಕರಾದ ಆದರ್ಶ ರವರು ನೀಡಿದ ದೂರಿನ ಮೇರೆಗೆ ಕುಶಾಲನಗರ ಪಟ್ಟಣ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡಿದ್ದಾರೆ.

ನೇಣು ಬಿಗಿದುಕೊಂಡು ವ್ಯಕ್ತಿ ಆತ್ಮಹತ್ಯೆ:

       ಅನಾರೋಗ್ಯದಿಂದ ಬಳಲುತ್ತಿದ್ದ ವ್ಯಕ್ತಿಯೋರ್ವ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡ ಘಟನೆ ಪೊನ್ನಂಪೇಟೆ ಠಾಣಾ ಸರಹದ್ದಿನ ಕಾನೂರು ಗ್ರಾಮದಲ್ಲಿ ನಡೆದಿದೆ. ಕಾನೂರು ಗ್ರಾಮದ ಚೆರಿಯಪಂಡ ದರ್ಶನ್ ಎಂಬವರ ಲೈನುಮನೆಯಲ್ಲಿ ಶ್ರೀಮತಿ ನಿಲಿಮ್ ಹಾಗು ಆಕೆಯ ಗಂಡ ಹಬೀದ್ ಎಂಬವರು ವಾಸವಾಗಿದ್ದು, ಹಬೀದ್ ಕೆಲವು ಸಮಯದಿಂದ ಹೊಟ್ಟೆನೋವಿನಿಂದ ಬಳಲುತ್ತಿದ್ದು, ದಿನಾಂಕ 25-7-2017ರಂದು ರಾತ್ರಿ ತಾನು ವಾಸವಾಗಿದ್ದ ಲೈನು ಮನೆಯ ಮುಂದೆ ಮರವೊಂದಕ್ಕೆ ತನ್ನ ಕುತ್ತಿಗೆಗೆ ನೇಣುಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು, ಈ ಸಂಬಂಧ ಪೊನ್ನಂಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಜರುಗಿಸಿರುತ್ತಾರೆ.

Wednesday, July 26, 2017

ವ್ಯಕ್ತಿಯ ಆಕಸ್ಮಿಕ ಸಾವು
                        ಕುಶಾಲನಗರ ಬಳಿಯ ಕೂಡಿಗೆ ನಿವಾಸಿ ಸಂಜೀವ ಎಂಬವರು ದಿನಾಂಕ 24/07/2017ರಂದು ಕುಶಾಲನಗರ ಪಟ್ಟಣದಲ್ಲಿ ಹೊಸ ಕಟ್ಟಡದಲ್ಲಿ ಪ್ಲಂಬಿಗ್ ಕೆಲಸ ಮಾಡುತ್ತಿರುವಾಗ ತಲೆ ತಿರುಗಿ ಕೆಳಗೆ ಬಿದ್ದು ತೀವ್ರವಾಗಿ ಗಾಯಗೊಂಡಿದ್ದು ಅವರನ್ನು ಮಂಗಳೂರಿನ ವೆನ್‌ಲಾಕ್ ಆಸ್ಪತ್ರೆಯಲ್ಲಿ ಚಿಕಿತ್ಸೆಗೆ ದಾಖಲಿಸಲಾಗಿತ್ತು. ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೆ ಸಂಜೀವರವರು ಮೃತಪಟ್ಟಿದ್ದು ತುಂಬಾ ಸಮಯದಿಂದ ಅಧಿಕ  ರಕ್ತದೊತ್ತಡ ಕಾಯಿಲೆಯಿಂದ ಬಳಲುತ್ತಿದ್ದ ಸಂಜೀವರವರು ಕೆಲಸ ಮಾಡುತ್ತಿರುವಾಗ ತಲೆ ತಿರುಗಿ ಬಿದ್ದ ಕಾರಣಕ್ಕೆ ಮೃತರಾಗಿರುವುದಾಗಿ ಸಂಜೀವರವರ ತಂಗಿ ವಾರಿಜಾರವರು ನೀಡಿದ ದೂರಿನ ಮೇರೆಗೆ ಕುಶಾಲನಗರ ಪಟ್ಟಣ  ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವಂಚಿಸಿ ಆಸ್ತಿ ಮಾರಾಟ
                      ಗೋಣಿಕೊಪ್ಪ ಬಳಿಯ ಹಾತೂರು ನಿವಾಸಿ ಕಾಳೇಂಗಡ ಕಾರ್ಯಪ್ಪ ಎಂಬವರಿಗೆ ಸೇರಿದ ಹಾತೂರು ಗ್ರಾಮದಲ್ಲಿರುವ 1.77 ಏಕರೆ ತರಿ ಭೂಮಿಯನ್ನು ಕಾಳೇಂಗಡ ಅಪ್ಪಣ್ಣ, ಕಾಳೇಂಗಡ ಭಾಗ್ಯವತಿ ಮತ್ತು ಅಪ್ಪನೆರವಂಡ ವಾಸು ಉತ್ತಪ್ಪ ಎಂಬವರು ಸೇರಿಕೊಂಡು ಕಾರ್ಯಪ್ಪನವರ ಅರಿವಿಗೆ ಬಾರದಂತೆ ನಾಂಗಾಲ ಗ್ರಾಮದ ಕುಪ್ಪಂಡ ಮುದ್ದಪ್ಪ ಎಂಬವರಿಗೆ ಮಾರಾಟ ಮಾಡಿ ವಂಚಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಅಕ್ರಮ ಮದ್ಯ ಮಾರಾಟ
                        ಪೊನ್ನಂಪೇಟೆ ಬಳಿಯ ತಿತಿಮತಿ ನೊಕ್ಯ ಗ್ರಾಮದಲ್ಲಿ ಅಕ್ರಮವಾಗಿ ಮದ್ಯ ಮಾರಾಟ ಮಾಡುತ್ತಿರುವ ಬಗ್ಗೆ ದೊರೆತ ಖಚಿತ ಸುಳಿವಿನ ಮೇರೆಗೆ ಗೋಣಿಕೊಪ್ಪ ವೃತ್ತ ನಿರೀಕ್ಷಕರಾದ ಪಿ.ಕೆ.ರಾಜುರವರು ತಿತಿಮತಿ ನೊಕ್ಯ ಗ್ರಾಮಕ್ಕೆ ತೆರಳಿ ಅಲ್ಲಿನ ನಿವಾಸಿ ಕೆ.ಕೆ.ಮೋಹನ ಎಂಬವರು ಅವರ ಮನೆಯ ಮುಂಭಾಗದಲ್ಲಿ ಅಕ್ರಮವಾಗಿ ಮದ್ಯ ಮಾರಾಟ ಮಾಡುತ್ತಿದ್ದುದನ್ನು  ಪತ್ತೆ ಹಚ್ಚಿ ಒಂದು ಆಟೋ ರಿಕ್ಷಾ,  ವಿವಿಧ ರೀತಿಯ ಮದ್ಯದ ಪ್ಯಾಕೆಟುಗಳು ಮತ್ತು ರೂ.2170/- ನಗದು ಹಣವನ್ನು ವಶಪಡಿಸಿಕೊಂಡು ಆರೋಪಿ ಮೋಹನನನ್ನು ಬಂಧಿಸಿ ಪೊನ್ನಂಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವೈದ್ಯರ ಕರ್ತವ್ಯಕ್ಕೆ ಅಡ್ಡಿ
                          ದಿನಾಂಕ 21/07/2017ರಂದು ಸೋಮವಾರಪೇಟೆ ಬಳಿಯ ಚಿಕ್ಕತೋಳೂರು ಗ್ರಾಮದ ದಿವ್ಯ ಎಂಬಾಕೆಯು ಯಾವುದೋ ಮಾತ್ರೆ ಸೇವಿಸಿ ಅಸ್ವಸ್ಥರಾಗಿ ಚಿಕಿತ್ಸೆಗಾಗಿ ಸೋಮವಾರಪೇಟೆ ಸರ್ಕಾರಿ ಆಸ್ಪತ್ರೆಗೆ ದಾಖಲಾಗಿದ್ದು ದಿನಾಂಕ 25/07/2017ರಂದು ಅವರನ್ನು ಪರೀಕ್ಷಿಸಿದ ವೃದ್ಯರಾದ ಡಾ.ಜಸ್ವಂತ್‌ರವರು ಹೆಚ್ಚಿನ ಚಿಕಿತ್ಸೆಗಾಗಿ ಮಡಿಕೇರಿಯ ಜಿಲ್ಲಾಸ್ಪತ್ರೆಗೆ ಕರೆದುಕೊಂಡು ಹೋಗುವಂತೆ ಸಲಹೆ ನೀಡಿದ್ದರೆನಲ್ಲಾಗಿದೆ. ಈ ಸಮಯದಲ್ಲಿ ರೋಗಿಯ ಕಡೆಯವರು ಆಂಬುಲೆನ್ಸ್‌ಗೆ ಕರೆಮಾಡಿ ಮೈಸೂರಿಗೆ ಕರೆದುಕೊಂಡು ಹೋಗುವಂತೆ ತಿಳಿಸಿದ್ದು ಆಗ ಆಂಬುಲೆನ್ಸ್‌ನವರು ಮೈಸೂರಿಗೆ ಹೋಗಲು ನಿರಾಕರಿಸಿದ ಕಾರಣಕ್ಕೆ ರೋಗಿ ದಿವ್ಯಳ ಕಡೆಯವರಾದ ಸತೀಶ್‌ ಮತ್ತು ಸುರೇಶ್‌ ಎಂಬವರು ಡಾ.ಜಸ್ವಂತ್‌ರವರು ರೋಗಿಗಳನ್ನು ಪರೀಕ್ಷಿಸುತ್ತಿದ್ದ ಸ್ಥಳಕ್ಕೆ ಬಂದು ಅವರ ಕರ್ತವ್ಯಕ್ಕೆ ಅಡ್ಡಿ ಪಡಿಸಿ ಅಶ್ಲೀಲ ಶಬ್ದಗಳಿಂದ ನಿಂದಿಸಿದ್ದು ಘಟನೆಯನ್ನು ವಿಚಾರಿಸಿ ಸಮಾಧಾನಿಸಲು ಬಂದ ಡಾ. ಶರತ್‌ ಬಾಬುರವರಿಗೂ ಸಹಾ ಅಶ್ಲೀಲವಾಗಿ ನಿಂದಿಸಿ ಕೊಲೆ ಬೆದರಿಕೆ ಹಾಕಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Tuesday, July 25, 2017

ವ್ಯಕ್ತಿಯ ಮೇಲೆ ಹಲ್ಲೆ
                      ದಿನಾಂಕ 24/07/2017ರಂದು ಕುಶಾಲನಗರ ಬಳಿಯ ಸುಂದರನಗರ ನಿವಾಸಿ ರವಿ ಎಂಬವರು ಅವರು ಚಾಲಕರಾಗಿ ಕೆಲಸ ನಿರ್ವಹಿಸುತ್ತಿರುವ ಖಾಸಗಿ ಬಸ್‌ ಸಂಖ್ಯೆ ಕೆಎ-12-ಎಸಿ-9559ರ ಪಶುಪತಿ ಬಸ್ಸನ್ನು ಚಾಲಿಸಿಕೊಂಡು ಹಾರಂಗಿಯಿಂದ ಕುಶಲನಗರ ಕಡೆಗೆ ಬರುತ್ತಿರುವಾಗ ಚಿಕ್ಕತ್ತೂರು ಬಳಿ ಚಿಕ್ಕತ್ತೂರು ನಿವಾಸಿಗಳಾದ ಸುರೇಶ ಮತ್ತು ರೇಣುಕಾ ಎಂಬವರು ರಸ್ತೆಗೆ ಅಡ್ಡಲಾಗಿ ಕಲ್ಲನ್ನು ಇಟ್ಟು ಬಸ್ಸನ್ನು ತಡೆದು ಈ ಹಿಂದೆ ಬಸ್‌ ದನಕ್ಕೆ ಡಿಕ್ಕಿಯಾದ  ಬಗ್ಗೆ ಜಗಳವಾಡಿ ಕಲ್ಲಿನಿಂದ ಬಸ್ಸಿನ ಗಾಜಿಗೆ ಹಾನಿಗೊಳಿಸಿದ್ದು ಆಗ ಕಲ್ಲು ಬಸ್ಸಿನೊಳಗಿದ್ದ ದೀಕ್ಷಿತಾ ಎಂಬ ಶಾಲಾ ಬಾಲಕಿಗೆ ತಾಗಿ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಗ್ರಾಮಾಂತರ ಠಾಣೆಯಲ್ಲಿ ಮೊಕದ್ದಮೆ ದಾಖಲಿಸಿ ತನಿಖೆ ಕೈಗೊಳ್ಳಲಾಗಿದೆ. 

ಅಂಗಡಿ ಕಳವು
                     ದಿನಾಂಕ 23/07/2017ರಂದು ಸುಂಟಿಕೊಪ್ಪ ಬಳಿಯ ಕೆದಕಲ್ ಬಳಿ ಇರುವ ಸ್ಪೈಸಸ್ ಅಂಗಡಿಯನ್ನು ಅದರ ಮಾಲೀಕ 7ನೇ ಹೊಸಕೋಟೆ ನಿವಾಸಿ ರಫೀಕ್‌ ಎಂಬವರು ಬಾಗಿಲು ಹಾಕಿ ಮನೆಗೆ ಹೋಗಿದ್ದು ರಾತ್ರಿ ವೇಳೆ ಸುಮಾರು 12:00 ಗಂಟೆಗೆ ಕಟ್ಟಡ ಮಾಲೀಕರಾದ ಪ್ರಮೋದ್‌ರವರು ರಫೀಕ್‌ರವರ ಅಂಗಡಿಯ ಬಳಿ ಯಾರೋ ಅನುಮಾನಾಸ್ಪದವಾಗಿ ಓಡಾಡುತ್ತಿರುವುದಾಗಿ ತಿಳಿಸಿದ ಮೇರೆಗೆ ರಫೀಕ್‌ವರು ಕೂಡಲೇ ಕೆದಕಲ್‌ಗೆ ಬಂದು ಅಂಗಡಿಯನ್ನು ನೋಡಿದಾಗ ಅಂಗಡಿಯ ಶಟರ್‌ನ್ನು ಯಾರೋ ಕಳ್ಳರು ಯಾವುದೋ ಆಯುಧದಿಂದ ಮೀಟಿ ತೆಗೆದು ಒಳ ಪ್ರವೇಶಿಸಿ ಅಂಗಡಿಯಲ್ಲಿದ್ದ ಸುಮಾರು ರೂ. 9100/- ಗಳನ್ನು ಕಳವು ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಸುಂಟಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ  ಕೈಗೊಂಡಿದ್ದಾರೆ. 

ವ್ಯಕ್ತಿ ಆತ್ಮಹತ್ಯೆ
                        ದಿನಾಂಕ 24/07/2017ರಂದು ಸೋಮವಾರಪೇಟೆ ಬಳಿಯ ಗೋಣಿಮರೂರು ನಿವಾಸಿ ಸಿ.ಟಿ.ಹರಿಣಾಕ್ಷಿ ಎಂಬವರು ಎಂದಿನಂತೆ ಕೆಲಸಕ್ಕೆ ಹೋಗಿದ್ದು ಮದ್ಯಾಹ್ನ ಮನೆಯಲ್ಲಿದ್ದ ಪತಿ ತಿರುಮಲ್ಲಪ್ಪನವರಿಗೆ ಊಟ ನೀಡಲೆಂದು ಮನೆಗೆ ಬಂದಾಗ ತಿರುಮಲ್ಲಪ್ಪನವರು ಯಾವುದೋ ಕ್ರಿಮಿನಾಶಕ ಸೇವಿಸಿ ಅಸ್ವಸ್ಥರಾಗಿದ್ದರೆನ್ನಲಾಗಿದೆ. ಕೂಡಲೇ ಅವರನ್ನು ಸೋಮವಾರಪೇಟೆ ಸರ್ಕಾರಿ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ಸಾಗಿಸಿದಾಗ ಆತನು ಮೃತಪಟ್ಟಿರುವುದಾಗಿ ವೈದ್ಯರು ತಿಳಿಸಿದ್ದು ಎರಡು ವರ್ಷದ ಹಿಂದೆ ತಿರುಮಲ್ಲಪ್ಪನವರು ಕ್ಯಾನ್ಸರ್‌ ಕಾಯಿಲೆಯಿಂದ ಬಳಲುತ್ತಿದ್ದು ಈ ಬಗ್ಗೆ ಜುಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿರಬಹುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ದಾರಿ ತಡೆದು ಕೊಲೆ ಬೆದರಿಕೆ
                        ದಿನಾಂಕ 24/07/2017ರಂದು ವಿರಾಜಪೇಟೆ ಬಳಿಯ ಅಮ್ಮತ್ತಿ ಕಾರ್ಮಾಡು ನಿವಾಸಿ ಚೋಕಂಡ ದೇವಯ್ಯ ಎಂಬವರು ಹಾಗೂ ಅವರ ಮಗ ಸಂಜು ಎಂಬವರು ಅವರ ತೋಟದಿಂದ ಸೌದೆಯನ್ನು ಗೂಡ್ಸ್ ವಾಹನವೊಂದರಲ್ಲಿ ತೆಗೆದುಕೊಂಡು ಮನೆಗೆ ಹೋಗುತ್ತಿರುವಾಗ ಅದೇ ಗ್ರಾಮದ ನಿವಾಸಿ ಕೆ.ಎಂ.ಕುಶಾಲಪ್ಪ ಎಂಬವರು ದಾರಿ ತಡೆದು ಆ ದಾರಿಯಲ್ಲಿ ಸೌದೆ ತೆಗೆದುಕೊಂಡು ಹೋಗಬಾರದೆಂದು ಹೇಳಿ ಕತ್ತಿ ತೋರಿಸಿ ಕೊಲೆ ಬೆದರಿಕೆ ಹಾಕಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಪರಸ್ಪರ ಕಾರು ಡಿಕ್ಕಿ
                       ದಿನಾಂಕ 24/07/2017ರಂದು ಸೋಮವಾರಪೇಟೆ ಬಳಿಯ ಹಾನಗಲ್ಲು ನಿವಾಸಿ ರಕ್ಷಿತ್ ಎಂಬವರು ಸ್ನೇಹಿತರೊಂದಿಗೆ ಅವರ ಕೆಎ-53-ಎಂಡಿ-8908ರ  ಕಾರಿನಲ್ಲಿ ಹಾರಂಗಿ ಜಲಾಶಯ ನೋಡಿಕೊಂಡು ಮರಳಿ ಸೋಮವಾರಪೇಟೆಗೆ ಹೋಗುತ್ತಿರುವಾಗ ಯಡವನಾಡಿನ ಬಳಿ ಕೆಎ-12-ಜೆಡ್-8560ರ ಕಾರನ್ನು ಅದರ ಚಾಲಕ ಅಶೋಕ ಎಂಬವರು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಮಡು ಬಂದು ರಕ್ಷಿತ್‌ರವರು ಚಾಲಿಸುತ್ತಿದ್ದ ಕಾರಿಗೆ ಡಿಕ್ಕಿಪಡಿಸಿದ ಪರಿಣಾಮ ಕಾರಿನಲ್ಲಿದ್ದ ರಕ್ಷಿತ್ ಹಾಗೂ ಚರಣ್ ಎಂಬವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಬಸ್ಸಿಗೆ ಕಾರು ಡಿಕ್ಕಿ
                       ದಿನಾಂಕ 24/07/2017ರಂದು ಕೆಎಸ್‌ಆರ್‌ಟಿಸಿ ಸಂಸ್ಥೆಯ ಮಡಿಕೇರಿ ಡಿಪೋದ ಚಾಲಕ ಲೋಕೇಶ್‌ ಎಂಬವರು ಕೆಎ-19-ಎಫ್‌-2991ರ ಬಸ್ಸನ್ನು ಚಾಲಿಸಿಕೊಂಡು ಕುಶಲನಗರದಿಂದ ಮಡಿಕೇರಿಗೆ ಬರುತ್ತಿರುವಾಗ ಮಡಿಕೇರಿ ಬಳಿಯ ಇಬ್ನಿವಳವಾಡಿ ಗ್ರಾಮದ ಸಿಂಕೋನ ಬಳಿ ಮಡಿಕೇರಿ ಕಡೆಯಿಂದ ಕೆಎಲ್-14-ಟಿ-9436ರ ಕಾರನ್ನು ಅದರ ಚಾಲಕ ಮಹಮದ್ ಅಶ್ರಫ್‌ ಎಂಬಾತ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಬಸ್ಸಿಗೆ ಡಿಕ್ಕಿಪಡಿಸಿದ ಪರಿಣಾಮ ಬಸ್ಸಿಗೆ ಹಾನಿಯುಂಟಾಗಿದ್ದು ಚಾಲಕ ಮಹಮದ್ ಅಶ್ರಫ್ ಹಾಗೂ ಕಾರಿನಲ್ಲಿದ್ದ ಮಹಮದ್ ಷಾಜುದ್ದೀನ್ ಎಂಬವರಿಗೆ  ಗಾಯಗಳಾಗಿರುವುದಾಗಿ  ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Sunday, July 23, 2017

ಪಾದಚಾರಿಗೆ ಕಾರು ಡಿಕ್ಕಿ
                          ದಿನಾಂಕ 21/07/2017ರಂದು ಕುಶಾಲನಗರ ಬಳಿಯ ಚಿಕ್ಕಬೆಟ್ಟಗೇರಿ ನಿವಾಸಿ ಶಿವಕುಮಾರ್‌ ಎಂಬವರು ಅವರ ತಂದೆ ತಿರುಮಲ ಸ್ವಾಮಿ ಎಂಬವರೊಂದಿಗೆ ಗುಡ್ಡೆಹೊಸೂರು ಬಳಿಯ ನರ್ಸರಿ ಬಳಿಯಿಂದ ಗುಡ್ಡೆಹೊಸೂರು ಜಂಕ್ಷನ್ ಕಡೆಗೆ ನಡೆದುಕೊಂಡು ಹೋಗುತ್ತಿರುವಾಗ ಮಡಿಕೇರಿ ಕಡೆಯಿಂದ ಕೆಎ-12-ಪಿ-1399ರ ಕಾರನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ತಿರುಮಲ ಸ್ವಾಮಿಯವರಿಗೆ ಡಿಕ್ಕಿಪಡಿಸಿದ ಪರಿಣಾಮ ತಿರುಮಲ ಸ್ವಾಮಿಯವರಿಗೆ ಗಾಯಗಳಾಗಿ ಚಿಕಿತ್ಸೆಗಾಗಿ ಮಡಿಕೇರಿ ಜಿಲ್ಲಾ ಆಸ್ಪತ್ರೆಗೆ ದಾಖಲಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಕಾಣೆಯಾದ ಮನುಷ್ಯನ ಶವ ಪತ್ತೆ
                          ದಿನಾಂಕ 19/07/2017ರಂದು ವಿರಾಜಪೇಟೆ ಬಳಿಯ ಹೆಗ್ಗಳ ನಿವಾಸಿ ವೈ.ಕೆ.ಸಣ್ಣ ಎಂಬವರು ನೆರೆಮನೆಯ ರಾಜು ಎಂಬವರ ದನಗಳನ್ನು ಕೊಟ್ಟಿಗೆಯಲ್ಲಿ ಕಟ್ಟಿ ಹಾಕಲು ಹೋಗಿದ್ದು ನಂತರ ಮರಳಿ ಮನೆಗೆ ಬಾರದೇ ಇದ್ದು ಎಲ್ಲಾ ಕಡೆಗಳಲ್ಲಿ ಹುಡುಕಿದರೂ ಪತ್ತೆಯಾಗಿರುವುದಿಲ್ಲವೆಂದು ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಳ್ಳಲಾಗಿತ್ತು. ನಂತರ ದಿನಾಂಕ 22/07/2017ರಂದು ಅದೇ ಗ್ರಾಮದ ಸ್ವಾಮಿಯಪ್ಪ ಎಸ್ಟೇಟಿನ ವ್ಯವಸ್ಥಾಕಪಕರು ಸಣ್ಣರವರ ಮಗಳು ಭೋಜಿಗೆ ದೂರವಾಣಿ ಕರೆ ಮಾಡಿ ಆಕೆಯ ತಂದೆ ಸಣ್ಣರವರ ಮೃತದೇಹವು ತೋಟದಲ್ಲಿ ಪತ್ತೆಯಾಗಿರುವುದಾಗಿ ತಿಳಿಸಿದ್ದುದಿನಾಂಕ 19/07/2017ರಂದು ವಿಪರೀತವಾಗಿ ಸುರಿಯುತ್ತಿದ್ದ ಸುರಿಯುತ್ತಿದ್ದ ಮಳೆಯಲ್ಲಿ ದನಗಳನ್ನು ಹುಡುಕಿ ಕಟ್ಟಿ ಹಾಕಲು ಹೋದ ಸಣ್ಣರವರು ಕಾಲು ಜಾರಿ ಬಿದ್ದು ಮೃತಪಟ್ಟಿರಬಹುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಅಸ್ವಾಭಾವಿಕ ಮರಣದ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಕಾರು ಅವಘಢ
                       ದಿನಾಂಕ 22/07/2017ರಂದು ಮಹಾರಾಷ್ಟ್ರದ ಪುಣೆ ನಗರ ನಿವಾಸಿ ತರುಣ್ ಜೈನ್ ಎಂಬವರು ಅವರ ಸ್ನೇಹಿತರಾದ ಮನೀಷ್ ರಾವತ್, ಚಂಚಲ್ ಸಾದ್‌ ಮತ್ತು ಪ್ರಿಯಲ್ ಸಾದ್‌ ಎಂಬವರೊಂದಿಗೆ ಕೆಎ-03-ಎಇ-1011ರ ಕಾರಿನಲ್ಲಿ ಮಂಗಳೂರಿನಿಂದ ಮಡಿಕೇರಿ ಕಡೆಗೆ ಬರುತ್ತಿರುವಾಗ ಜೋಡುಪಾಲದ ಬಳಿ ಕಾರನ್ನು ಚಾಲಿಸುತ್ತಿದ್ದ ಮನೀಷ್‌ ರಾವತ್‌ರವರು ಕಾರನ್ನು ಅತಿ ವೇಗ ಮತ್ತು  ಅಜಾಗರೂಕತೆಯಿಂದ ಚಾಲಿಸಿದ ಪರಿಣಾಮ ಕಾರು ಅವರ ನಿಯಂತ್ರಣ ತಪ್ಪಿ ರಸ್ತೆ ಬದಿಯ ಕಲ್ಲಿಗೆ ಡಿಕ್ಕಿಯಾಗಿ ಹಾನಿಗೊಳಗಾಗಿರುವುದಾಗಿ  ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Saturday, July 22, 2017

ತೋಟಕ್ಕೆ ಅಕ್ರಮ ಪ್ರವೇಶ
                         ದಿನಾಂಕ 21/07/2017ರಂದು ಕೆದಮುಳ್ಳೂರು ನಿವಾಸಿಗಳಾದ ಶಿವಪ್ಪ ಹಾಗೂ ಜೀವನ್ ಎಂಬವರು ಅದೇ ಗ್ರಾಮದ ನಿವಾಸಿ ಬಿ.ಎ.ಮತ್ತಮ್ಮ ಎಂಬವರ ಸ್ವಾಧೀನದಲ್ಲಿರುವ ತೋಟಕ್ಕೆ ಅಕ್ರಮ ಪ್ರವೇಶ ಮಾಡಿ ಕೆಲಸ ಮಾಡಿಸುತ್ತಿದ್ದುದನ್ನು ಕಂಡ ಮುತ್ತಮ್ಮನವರು ಆಕ್ಷೇಪಿಸಿದ ಕಾರಣಕ್ಕೆ ಶಿವಪ್ಪ ಹಾಗೂ ಜೀವನ್‌ರವರು ಮುತ್ತಮ್ಮನವರನ್ನು ಅಶ್ಲೀಲವಾಗಿ ನಿಂದಿಸಿದುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಮಹಿಳೆ  ಆತ್ಮಹತ್ಯೆ
                        ದಿನಾಂಕ 21/07/2017ರಂದು ಗೋಣಿಕೊಪ್ಪ ಬಳಿಯ ಕುಟ್ಟಂದಿ ನಿವಾಸಿ ಪಣಿ ಎರವರ ಶಾಂತಿ ಎಂಬಾಕೆಯು ಅವರು ಕೆಲಸ ಮಾಡುತ್ತಿರುವ ಕೊಲ್ಲೀರ ಬೋಪಣ್ಣ ಎಂಬವರ ತೋಟದಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು ಮೃತೆಯು ಮದುವೆಗೆ ಮೊದಲೂ ಸಹ ಆತ್ಮಹತ್ಯೆಗೆ ಯತ್ನಿಸಿದ್ದು ಯಾವುದೋ ಕಾರಣಕ್ಕೆ ಜುಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿರಬಹುದಾಗಿ ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಪರಸ್ಪರ ಕಾರು ಡಿಕ್ಕಿ
                    ದಿನಾಂಕ 21/07/2017ರಂದು ಗೋಣಿಕೊಪ್ಪ ನಿವಾಸಿ ಫಿಲಿಪೋಸ್ ಮ್ಯಾಥ್ಯೂ ಎಂಬವರು ಅವರ ಭಾವನವರಿಗೆ ಸೇರಿದ ಕೆಎ-03-ಎಂಇ-2471ರ ಕಾರನ್ನು ಪಡೆದುಕೊಂಡು ಅರುವತೊಕ್ಲು ನಿವಾಸಿ ರಿಜ್ವಾನ್ ಎಂಬವರನ್ನು ಕಾರಿನ ಚಾಲಕರಾಗಿ ಕರೆದುಕೊಂಡು ಮಡಿಕೇರಿಗೆ ಬಂದು ಮರಳಿ ಗೋಣಿಕೊಪ್ಪಕ್ಕೆ ಹೋಗುತ್ತಿರುವಾಗ ಕೈಕೇರಿ ಭಗವತಿ ದೇವಸ್ಥಾನದ ಬಳಿ ರಿಜ್ವಾನ್‌ರವರು ಕಾರನ್ನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿ ಎದುರುಗಡೆಯಿಂದ ಬರುತ್ತಿದ್ದ ಕೆಎ-05-ಎಂಎಫ್-4232ರ ಕಾರಿಗೆ ಡಿಕ್ಕಿಪಡಿಸಿದ ಪರಿಣಾಮ ಫಿಲಿಪೋಸ್‌ ಮ್ಯಾಥ್ಯೂ ಹಾಗೂ ರಿಜ್ವಾನ್‌ರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಅಕ್ರಮ ಜೂಜಾಟ, ಬಂಧನ
                        ದಿನಾಂಕ 21/07/2017ರಂದು ಸೋಮವಾರಪೇಟೆ ನಗರದ ಆಲೆಕಟ್ಟೆ ರಸ್ತೆಯ ಬಳಿ ಕೆಲವರು ಅಕ್ರಮವಾಗಿ ಜೂಜಾಡುತ್ತಿರುವುದಾಗಿ ದೊರೆತ ಖಚಿತ ಸುಳಿವಿನ ಮೇರೆಗೆ ಸೋಮವಾರಪೇಟೆ ಅಪರಾಧ ವಿಭಾಗದ ಪಿಎಸ್‌ಐ ಆರ್‌.ಮಂಚಯ್ಯನವರು ಸ್ಥಳಕ್ಕೆ ಧಾಳಿ ನಡೆಸಿ ಆಲಕಟ್ಟೆ ರಸ್ತೆಯ ರವಿ ಎಂಬವರ ಮನೆಯ ಬಳಿ ಅಕ್ರಮವಾಗಿ ಜೂಜಾಡುತ್ತಿದ್ದ ವಿನಯ, ಅನಿಲ್ ಸಿ.ಕೆ., ಲೋಕೇಶ, ಉಮೇಶ, ರವಿ ಹಾಗೂ ಶೇಖರ್ ಎಂಬವರನ್ನು ಬಂಧಿಸಿ ಜೂಜಾಟಕ್ಕೆ ಬಳಸಿದ್ದ ರೂ. 1530/- ಹಣವನ್ನು ವಶಪಡಿಸಿಕೊಂಡು ಸೋಮವಾರಪೇಟೆ ಠಾಣೆಯಲ್ಲಿ ಮೊಕದ್ದಮೆ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಬಸ್ಸಿಗೆ ಲಾರಿ ಡಿಕ್ಕಿ
                        ದಿನಾಂಕ 21/07/2017ರಂದು ಕೆಎಸ್‌ಆರ್‌ಟಿಸಿ ಸಂಸ್ಥೆಯ ಹುಣಸೂರು ಘಟಕದಲ್ಲಿ ಚಾಲಕರಾಗಿ ಕರ್ತವ್ಯ ನಿರ್ವಹಿಸುತ್ತಿರುವ ಸಂಗಣ್ಣ ಅವಂತಿ ಎಂಬವರು ಕೆಎ-09-ಎಫ್-5151ರ ಬಸ್ಸನ್ನು ಚಾಲಿಸಿಕೊಂಡು ಮಡಿಕೇರಿಯಿಂದ ಮೈಸೂರಿಗೆ ಹೋಗುತ್ತಿರುವಾಗ ಕೆದಕಲ್ ಗ್ರಾಮದ ಬಳಿ ಹಿಂದಿನಿಂದ ಕೆಎ-20-ಎ-7807ರ ಲಾರಿಯನ್ನು ಅದರ ಚಾಲಕ ಸತೀಶ್‌ ಎಂಬಾತ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಬಸ್ಸಿನ ಹಿಂಭಾಗಕ್ಕೆ ಡಿಕ್ಕಿಪಡಿಸಿದ ಪರಿಣಾಮ ಬಸ್ಸಿಗೆ ಹಾನಿಯುಂಟಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಸುಂಟಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಬೈಕು ಕಳವು
                           ದಿನಾಂಕ 16/07/2017ರಂದು ಕುಶಾಲನಗರದ ಬೈಪಾಸ್‌ ರಸ್ತೆ ನಿವಾಸಿ ದಿಲೀಪ್‌ ಕುಮಾರ್‌ ಎಂಬವರು ಅವರ ಮನೆಯ ಮುಂದೆ ಅವರ ಕೆಎ-12-ಕ್ಯು-6500ರ ಮೋಟಾರು ಸೈಕಲನ್ನು ನಿಲ್ಲಿಸಿದ್ದು ದಿನಾಂಕ 17/07/2017ರಂದು ಎಂದಿನಂತೆ ಕೆಲಸಕ್ಕೆ ಹೋಗುವ ಸಲುವಾಗಿ ನೋಡಿದಾಗ ಬೈಕು ಕಾಣೆಯಾಗಿದ್ದು ಯಾರೋ ಕಳ್ಳರು ಕಳವು ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಪಟ್ಟಣ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Friday, July 21, 2017

 ಜೀಪಿಗೆ ಆಟೋ ರಿಕ್ಷಾ ಡಿಕ್ಕಿ ಇಬ್ಬರಿಗೆ ಗಾಯ:

    ಆಟೋ ರಿಕ್ಷಾವೊಂದು ಜೀಪಿಗೆ ಡಿಕ್ಕಿಯಾಗಿ ಚಾಲಕರಿಬ್ಬರೂ ಗಾಯಗೊಂಡ ಘಟನೆ ಶ್ರೀಮಂಗಲ ಠಾಣಾ ವ್ಯಾಪ್ತಿಯ ಹುದಿಕೇರಿ ಗ್ರಾಮದಲ್ಲಿ ನಡೆದಿದೆ. ದಿನಾಂಕ 18-7-2017 ರಂದು ಫಿರ್ಯಾದಿ ಅಜ್ಜಮಾಡ ಸೋಮಣ್ಣ ಎಂಬವರು ತಮ್ಮ ಬಾಪ್ತು ಜೀಪಿನಲ್ಲಿ ಗೋಣಿಕೊಪ್ಪದ ಕಡೆಗೆ ಹೋಗುತ್ತಿದ್ದಾಗ ಸಮಯ ಸಂಜೆ 7-00 ಗಂಟೆಯ ಸಮಯದಲ್ಲಿ ಹುದಿಕೇರಿಯ 7ನೇ ಮೈಲಿನಲ್ಲಿ ತಲುಪಿದಾಗ ಎದುರುಗಡೆಯಿಂದ ಬಂದ ಆಟೋ ರಿಕ್ಷಾ ಡಿಕ್ಕಿಯಾಗಿದ್ದು, ಪರಿಣಾಮ ಜೀಪನ್ನು ಚಲಾಯಿಸುತ್ತಿದ್ದ ಅಜ್ಜಮಾಡ ಸೋಮಣ್ಣನವರು ಗಾಯಗೊಂಡಿದ್ದು,ಆಟೋ ರಿಕ್ಷಾ ಚಾಲಕನಿಗೆ ಸಹ ಗಾಯಗಳಾಗಿದ್ದು ಅಲ್ಲದೆ ಎರಡೂ ವಾಹನಗಳು ಜಖಂ ಗೊಂಡಿದ್ದು, ಸೋಮಣ್ಣನವರ ದೂರಿನ ಮೇರೆಗೆ ಶ್ರೀಮಂಗಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಮಿನಿ ವ್ಯಾನ್ ಗೆ ಕಾರು ಡಿಕ್ಕಿ:

      ಸುಂಟಿಕೊಪ್ಪ ಪೊಲೀಸ್ ಠಾಣಾ ಸರಹದ್ದಿನ ಹುದುಗುರು ಗ್ರಾಮದ ನಿವಾಸಿ ಬಿದ್ದಪ್ಪ ಎಂಬವರು ದಿನಾಂಕ 20.07.2017 ರಂದು ತಮ್ಮ ಬಾಪ್ತು ಟೂರ್ ವ್ಯಾನ್ ಕೆಎ 12 ಎ 7510 ರ ಮ್ಯಾಗ್ಸಿಮೋ ಮಿನಿ ವ್ಯಾನ್ ನ್ನು ಬಾಡಿಗೆ ಸಂಬಂಧ ಬೆಳಗ್ಗೆ ಮಡಿಕೆರಿಯಿಂದ ಟೂರ್ ಜನರನ್ನು ಕರೆದುಕೊಂಡು ಕುಶಾಲನಗರಕ್ಕೆ ಬರುತ್ತಿರುವಾಗ ಸುಂಟಿಕೊಪ್ಪದ ಬಾಳೆಕಾಡು ಎಸ್ಟೇಟ್ ತಲುಪುವಾಗ್ಗೆ ಸಮಯ 08.00 ಗಂಟೆಗೆ ಎದುರುಗಡೆಯಿಂದ ಅಂದರೆ ಕುಶಾಲನಗರದ ಕಡೆಯಿಂದ ಬಂದ ಕೆಎ 05 ಎಜಿ 0599 ರ ಗ್ರ್ಯಾಂಡ್ ಐ10 ಕಾರ್ ನ್ನು ಅದರ ಚಾಲಕ ವಿಶಾಲ್ ಅಗ್ನಿವೇಶ್ ರವರು ಅತಿವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಬಿದ್ದಪ್ಪನವರು ಚಾಲಿಸುತ್ತಿದ್ದ ಮ್ಯಾಗ್ಸಿಮೋ ಮಿನಿ ವ್ಯಾನಿಗೆ ಡಿಕ್ಕಿ ಪಡಿಸಿದ ಪರಿಣಾಮ ವ್ಯಾನ್ ನಲ್ಲಿದ್ದ ರಾಣಿ,ರಮೇಶ್ ಹಾಗೂ ಲಕ್ಷ್ಮಣ್ ಎಂಬುವವರಿಗೆ ಗಾಯಗಳಾಗಿದ್ದು ಈ ಸಂಬಂಧ ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

ಮರಗಳ ಕಳವು ಪ್ರಕರಣ ದಾಖಲು:

     ವ್ಯಕ್ತಿಯೊಬ್ಬರ ಜಾಗದಿಂದ ಮರಗಳನ್ನು ಕಡಿದು ಕಳ್ಳತನ ಮಾಡಿದ ಘಟನೆ ಹಚ್ಚಿನಾಡು ಗ್ರಾಮದಲ್ಲಿ ನಡೆದಿದೆ. ದಿನಾಂಕ 18-5-2016ರ ಹಿಂದೆ ಪಿರ್ಯಾದಿ ಕುಶಾಲನಗರ ನಿವಾಸಿ ಡಯಾನ ಹಿಂಪನ್ ಸಬಾಸ್ಟೀನ್ ಎಂಬವರ ಬಾಪ್ತು ಹಚ್ಚಿನಾಡು ಗ್ರಾಮದಲ್ಲಿರುವ ಜಾಗದಲ್ಲಿದ್ದ ಅಂದಾಜು 30 ದೊಡ್ಡ ದೊಡ್ಡ ಮರಗಳನ್ನು ಮಿನ್ನಂಡ ಎನ್ ದೇವಯ್ಯ, ಮಿನ್ನಂಡ ಎನ್ ತಿಮಯ್ಯ ಹಾಗೂ ಮಿನ್ನಂಡ ಉತ್ತಯ್ಯರವರುಗಳು ಕಡಿದು ಕೊಂಡು ಹೋಗಿರುತ್ತಾರೆಂದು ಸಂಶಯವಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

 ನೌಕರಿ ನೀಡುವುದಾಗಿ ವಂಚನೆ:
     ಕುಶಾಲನಗರದ ಗುಮ್ಮನಕೊಲ್ಲಿ ನಿವಾಸಿ ಎಂ.ಪಿ. ಮಹೇಶ್ ಎಂಬವರು 2015ನೇ ಸಾಲಿನಲ್ಲಿ ಐಟಿಬಿಪಿ ಸಂಸ್ಥೆಯೊಂದರಲ್ಲಿ ಫಿಟ್ಟರ್ ಕೆಲಸಕ್ಕಾಗಿ ಅರ್ಜಿಯನ್ನು ಸಲ್ಲಿಸಿದ್ದು, 2017ನೇ ಸಾಲಿನಲ್ಲಿ ಸದರಿ ಹುದ್ದೆಗೆ ಆಯ್ಕೆಯಾಗಿರುವುದಾಗಿ ಐಟಿಬಿಪಿ ಪೋರ್ಸ್ ಲೆಟರ್ ಹೆಡ್ ನಲ್ಲಿ ಬರೆದಿರುವ ಪತ್ರವನ್ನು ಕಳುಹಿಸಿ, ನಂತರ ದೂರವಾಣಿ ಮೂಲಕ ವಿಚಾರಿಸಿಲಾಗಿ ರೂ.25,000/- ಗಳನ್ನು ಮುಂಗಡವಾಗಿ ಜಮಾ ಮಾಡಲು ಸೂಚಿಸಿದ್ದು, ಯಾರೋ ವ್ಯಕ್ತಿ ಐಟಿಬಿಪಿ ಇಲಾಖೆಯ ಲೆಟರ್ ಪ್ಯಾಡ್ ನ್ನು ದುರುಪಯೋಗಪಡಿಸಿಕೊಂಡು ಪತ್ರ ವ್ಯವಹಾರ ನಡೆಸಿರುತ್ತಾರೆಂದು ಶ್ರೀ ಕೃಷ್ಣ ಚೌದರಿ ಎಂಬವರು ನೀಡಿದ ದೂರಿನ ಮೇರೆಗೆ ಕುಶಾಲನಗರ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.


ನೇಣು ಬಿಗಿದುಕೊಂಡು ವ್ಯಕ್ತಿ ಆತ್ಮಹತ್ಯೆ:

     ಮಡಿಕೇರಿ ನಗರ ಠಾಣಾ ಸರಹದ್ದಿನ ಭಗವತಿ ನಗರದ ನಿವಾಸಿ ಕೆ.ಇ. ಮುರುಗೇಶ್ ಎಂಬವರು ದಿನಾಂಕ 19-7-2017 ರಂದು ರಾತ್ರಿ ತಮ್ಮ ಮನೆಯಲ್ಲಿ ಕುತ್ತಿಗೆಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು, ಮಡಿಕೇರಿ ನಗರ ಠಾಣೆಯಲ್ಲಿ ಮುರುಗೇಶ್ ರವರ ಪತ್ನಿ ಶ್ರೀಮತಿ ಉಮಾ ಮಹೇಶ್ವರಿ ಎಂಬವರು ನೀಡಿದ ದೂರಿನ ಮೇರೆಗೆ ಪ್ರಕರಣ ದಾಖಲಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ಅಕ್ರಮ ಮದ್ಯ ಮಾರಾಟ:

     ವ್ಯಕ್ತಿಯೊಬ್ಬರು ಅಕ್ರಮವಾಗಿ ತಮ್ಮ ಮನೆಯಲ್ಲಿ ಮದ್ಯ ಮಾರಾಟ ಮಾಡುತ್ತಿದ್ದುದನ್ನು ಪತ್ತೆ ಹಚ್ಚಿದ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಮೇಕೇರಿ ಗ್ರಾಮದ ನಿವಾಸಿ ಧರ್ಮ ಎಂಬವರು ತಮ್ಮ ಮನೆಯಲ್ಲಿ ಅಕ್ರಮವಾಗಿ ಮದ್ಯ ಮಾರಾಟ ಮಾಡುತ್ತಿದ್ದುದನ್ನು ಪತ್ತೆ ಹಚ್ಚಿದ ಮಡಿಕೇರಿ ಗ್ರಾಮಾಂತರ ಠಾಣಾಧಿಕಾರಿ ಶಿವಪ್ರಕಾಶ್ ಮತ್ತು ಸಿಬ್ಬಂದಿಯವರು ಆರೋಪಿಯಿಂದ 90 .ಎಂ.ಎಲ್.ನ 27 ಪ್ಯಾಕೇಟ್ ಗಳನ್ನು ವಶಪಡಿಸಿಕೊಂಡು ಆರೋಪಿ ವಿರುದ್ಧ ಪ್ರಕರಣ ದಾಖಲಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ. 

Thursday, July 20, 2017

ಲಾರಿ ತಡೆದು ಹಣ ಸುಲಿಗೆ
                      ದಿನಾಂಕ 18/07/2017ರಂದು ಮಂಡ್ಯ ಜಿಲ್ಲೆಯ ಮಳವಳ್ಳಿ ನಿವಾಸಿ ಬಿ.ಪಿ.ಮಂಜು ಎಂಬವರು ಕೆಎ-01-ಎಡಿ-3241ರ ಲಾರಿಯಲ್ಲಿ ನಂಜನಗೂಡಿನಿಂದ ಮಂಗಳೂರಿನ ಬೈಕಂಪಾಡಿಗೆ ಸ್ನೇಹಿತ ಬಸವರಾಜು ಎಂಬವರೊಂದಿಗೆ ಹೋಗುತ್ತಿರುವಾಗ ರಾತ್ರಿ ವೇಳೆ ಕುಶಾಲನಗರ ಬಳಿಯ ಆನೆಕಾಡು ಬಳಿಯ ಹೋಟೆಲ್ ಒಂದರಲ್ಲಿ ಊಟ ಮುಗಿಸಿ ಲಾರಿಯಲ್ಲಿ ಮಲಗಿಕೊಂಡಿರುವಾಗ ನಡು ರಾತ್ರಿ ಸುಮಾರು 1:45 ಗಂಟೆಗೆ ಒಂದು ಟೊಯೋಟಾ ಈಟಿಯೋಸ್‌ ಕಾರಿನಲ್ಲಿ 23-25 ವರ್ಷ ಪ್ರಾಯದ ಸುಮಾರು ನಾಲ್ಕು ಜನರು ಬಂದು ಲಾರಿಯ ಮುಂದೆ ಕಾರು ನಿಲ್ಲಿಸಿ ಲಾರಿಯ ಬಾಗಿಲನ್ನು ತೆರೆದು ಒಳ ನುಗ್ಗಿ  ಸ್ಕ್ರೂ ಡ್ರೈವರ್‌ನಿಂದ ಮಂಜುರವರ  ಕುತ್ತಿಗೆಗೆ ಚುಚ್ಚಿ ಗಾಯಗೊಳಿಸಿ ಮಂಜುರವರ ಬಳಿ ಇದ್ದ ರೂ.5,000/- ನಗದು, ಒಂದು ಮೊಬೈಲ್‌ ಫೋನ್, ಸೊನಾಟಾ ವಾಚ್‌ ಹಾಗೂ ಮಂಜುರವರ ಸ್ನೇಹಿತ ಬಸವರಾಜುರವರ ಬಳಿ ಇದ್ದ ರೂ.200/-ನ್ನು ಸುಲಿಗೆ ಮಾಡಿಕೊಂಡು ಹೋಗಿದ್ದು ಕುಶಾಲನಗರ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಪಾದಚಾರಿಗೆ ಬೈಕ್ ಡಿಕ್ಕಿ
                    ದಿನಾಂಕ 18/07/2017ರಂದು ಕುಶಾಲನಗರ ಬಳಿಯ ತೊರೆನೂರು ನಿವಾಸಿ ಮಹೇಶ್‌ ಕುಮಾರ್ ಎಂಬವರು ಕುಶಾಲನಗರದ ಮೆಡ್‌ಪ್ಲಸ್ ಔಷಧಿ ಅಂಗಡಿಯ ಬಳಿ ಅವರ ಬೈಕ್‌ ನಿಲ್ಲಿಸಿ ಔಷಧಿ ಖರೀದಿಸುವ ಸಲುವಾಗಿ ಅಂಗಡಿಗೆ ಹೋಗುತ್ತಿರುವಾಗ ಮೈಸೂರು ಕಡೆಯಿಂದ ಕೆಎ-12-ಆರ್‌-2754ರ ಬೈಕನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಮಹೇಶ್‌ ಕುಮಾರ್‌ವರಿಗೆ ಡಿಕ್ಕಿಪಡಿಸಿದ ಪರಿಣಾಮ ಮಹೇಶ್‌ ಕುಮಾರ್‌ರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ  ಸಂಚಾರಿ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಹಳೆ  ವೈಷಮ್ಯ ಹಲ್ಲೆ
                       ದಿನಾಂಕ 19/07/2017ರಂದು ವಿರಾಜಪೇಟೆ ಬಳಿಯ ಹಾತೂರು ನಿವಾಸಿ ಕೊಕ್ಕಂಡ ಬಿ.ಅಪ್ಪಣ್ಣ ಎಂಬ ವಕೀಲರು ಅವರ ಕಕ್ಷಿದಾರರೊಬ್ಬರ ಮೇಲೆ ದಾಖಲಾದ ಪ್ರಕರಣದ ಬಗ್ಗೆ ತಿಳಿಯಲು ಕುಪ್ಪಂಡ ರಮೇಶ್‌ ಎಂಬವರೊಂದಿಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಗೆ ಹೋಗುತ್ತಿರುವಾಗ ಅಮ್ಮತ್ತಿ ನಿವಾಸಿ ಚಿಟ್ಟಿಯಪ್ಪ ಎಂಬವರು ಪ್ರಕರಣವೊಂದರ ಬಗ್ಗೆ ಜಗಳವಾಡಿ ಅಪ್ಪಣ್ಣರವರ ಮೇಲೆ ಹಲ್ಲೆ ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Wednesday, July 19, 2017

ಪತ್ರಿಕಾ ಪ್ರಕಟಣೆ:
        ಪೊಲೀಸ್ ಸಬ್ ಇನ್ಸ್ ಪೆಕ್ಟರ್  ಸಿವಿಲ್ ಮತ್ತು ರಾಜ್ಯ ಗುಪ್ತ ವಾರ್ತೆ ಹುದ್ದೆಗಳ ನೇಮಕಾತಿಗಾಗಿ ಹಾಸನ, ಚಾಮರಾಜನಗರ, ಮಂಡ್ಯ, ಕೊಡಗು, ಮೈಸೂರು ಜಿಲ್ಲೆಯ ಅಭ್ಯರ್ಥಿಗಳಿಗೆ ಸಿ.ಎ.ಆರ್. ಮೈದಾನ, ಮೈಸೂರು ಇಲ್ಲಿ ದಿನಾಂಕ 24.7.2017ರಂದು ನಿಗದಿಪಡಿಸಲಾಗಿದ್ದ ಸಹಿಷ್ಣುತೆ ಮತ್ತು ದೇಹದಾಢ್ರ್ಯತೆ ಪರೀಕ್ಷೆಗಳು   ದಿನಾಂಕ 31.7.2017ಕ್ಕೆ  ಮುಂದೂಡಲಾಗಿದ್ದು, ಸಂಬಂಧಿಸಿದ ಅಭ್ಯರ್ಥಿಗಳು    ವೆಬ್ ಸೈಟ್ ನಲ್ಲಿ ಪ್ರವೇಶ ಪತ್ರಗಳನ್ನು (Call Letter) ಡೌನ್ಲೋಡ್ ಮಾಡಿಕೊಳ್ಳಬಹುದಾಗಿದೆ ಎಂದು  ಪೊಲೀಸ್ ಅಧೀಕ್ಷಕರು, ಕೊಡಗು ಜಿಲ್ಲೆ ರವರು ತಿಳಿಸಿರುತ್ತಾರೆ. 
------           ------      ------          -----            -----          -----            -----            -----         -----        -----        -----     --
ಕ್ಷುಲ್ಲಕ ಕಾರಣಕ್ಕೆ ಹಲ್ಲೆ
            ಕ್ಷುಲ್ಲಕ ಕಾರಣಕ್ಕೆ ವ್ಯಕ್ತಿಯ ಮೇಲೆ ಹಲ್ಲೆ ನಡೆಸಿದ ಘಟನೆ ಮಡಿಕೇರಿ ತಾಲೂಕಿನ ಸಣ್ಣಪುಲಿಕೋಟು ಎಂಬಲ್ಲಿ ನಡೆದಿದೆ. ಸಣ್ಣಪುಲಿಕೋಟು ಗ್ರಾಮದ ನಿವಾಸಿ ಪಪ್ಪುವೇಣಿ ಎಂಬುವವರು ದಿನಾಂಕ 17-7-2017ರಂದು ತಮ್ಮ ಮನೆಯಲ್ಲಿರುವಾಗ ಶ್ಯಾಮ್ ಎಂಬುವವರು ಮನೆಗೆ ಬಂದು ಐನ್ ಮನೆಯ ದೇವರ ಕೋಣೆಗೆ ಚಪ್ಪಲಿ ಹಾಕುವ ವಿಚಾರದಲ್ಲಿ ಜಗಳ ತೆಗೆದು ಹಲ್ಲೆ ನಡೆಸಿದ್ದು ಈ ಬಗ್ಗೆ ಪಪ್ಪುವೇಣಿಯವರು ನೀಡಿದ ದೂರಿನ ಮೇರೆಗೆ ಭಾಗಮಂಡಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.
ಬ್ಯಾಂಕಿನಿಂದ ಹಣ ತೆಗೆದು ವಂಚನೆ
           ಮಡಿಕೇರಿ ನಗರದ ಚೈನ್ ಗೇಟ್  ನಿವಾಸಿ  ಶ್ರೀಮತಿ ದ್ರೌಪದಿ ಎಂಬುವವರು ಮಡಿಕೇರಿಯ ಎಸ್.ಬಿ.ಐ ಬ್ಯಾಂಕಿನಲ್ಲಿ ಖಾತೆಯನ್ನು ಹೊಂದಿದ್ದು, ದಿನಾಂಕ 13-07-2017 ರಂದು ರಾತ್ರಿ 8-00 ಗಂಟೆಯ ಸಮಯದಲ್ಲಿ ಯಾರೋ ಅಪರಿಚಿತ ವ್ಯಕ್ತಿ 7480943815 ರ ಸಂಖ್ಯೆಯಿಂದ ಕರೆ ಮಾಡಿ ಬ್ಯಾಂಕಿನಿಂದ  ಮಾತನಾಡುತ್ತಿದ್ದೇವೆಂದು ಹೇಳಿ  ನಿಮ್ಮ ಟಿಎಂ ಕಾರ್ಡ್ ಲಾಕ್  ಆಗಿರುವುದಾಗಿ ತಿಳಿಸಿ, ಅದನ್ನು ಸರಿಪಡಿಸುತ್ತೇನೆ  ನಿಮ್ಮ ಮೊಬೈಲ್ ಸಂಖ್ಯೆ ಗೆ  ಸಂದೇಶ ಬರುತ್ತದೆ ಅದರದಲ್ಲಿರುವ 6 ಸಂಖ್ಯೆಗಳನ್ನು ಹೇಳಿ ಎಂದು ಹೇಳಿದ ಮೇರೆಗೆ  ನಾಲ್ಕು ಬಾರಿ ಬಂದ ಸಂದೇಶವನ್ನು ಅವರಿಗೆ ತಿಳಿಸಿದ್ದು, ನಂತರ ದಿನಾಂಕ 15-07-2017 ರಂದು ದ್ರೌಪದಿಯವರು ಎ.ಟಿ.ಎಂ ನಲ್ಲಿ ಹಣ ಡ್ರಾ ಮಾಡಲು ಹೋದಾಗ ಖಾತೆಯಲ್ಲಿ ಕೇವಲ 111 ರೂ ಮಾತ್ರ ಇದ್ದು ಉಳಿದ 15000 ರೂ ಹಣವನ್ನು ದೂರವಾಣಿ ಕರೆ ಮಾಡಿದ ವ್ಯಕ್ತಿಯು ಮೋಸದಿಂದ ಡ್ರಾ ಮಾಡಿಕೊಂಡಿದ್ದು ಈ ಬಗ್ಗೆ  ಶ್ರೀಮತಿ ದ್ರೌಪದಿಯವರು ನೀಡಿದ ದೂರಿನ ಮೇರೆಗೆ ಮಡಿಕೇರಿ ನಗರದಲ್ಲಿ ಪ್ರಕರಣ ದಾಖಲಾಗಿರುತ್ತದೆ.
ಅಪಘಾತ ಪ್ರಕರಣ
         ದಿನಾಂಕ 18-07-2017 ರಂದು ಸೋಮವಾರಪೇಟೆ ತಾಲೂಕಿನ ಹಾನಗಲ್ಲು ಗ್ರಾಮದ ನಿವಾಸಿ ಸಂಜೀವ ಎಂಬುವವರು ತಮ್ಮ ಮೋಟಾರು ಸೈಕಲಿನಲ್ಲಿ ಸೋಮವಾರಪೇಟೆಗೆ ಹೋಗುತ್ತಿರುವಾಗ ಹಾನಗಲ್ಲು ಗ್ರಾಮದ ಗಣೇಶರವರ ಅಂಗಡಿಯ ಮುಂದಿನ ರಸ್ತೆಯಲ್ಲಿ ಎದುರುಗಡೆಯಿಂದ  ಮಾರುತಿ ವ್ಯಾನನ್ನು ಅದರ ಚಾಲಕ ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಹೋಗಿ ಮೋಟಾರು ಸೈಕಲಿಗೆ  ಡಿಕ್ಕಿ ಪಡಿಸಿದ್ದು ಸಂಜೀವರವರಿಗೆ ಸಣ್ಣಪುಟ್ಟ ಗಾಯಗಳಾಗಿದ್ದು ಈ ಬಗ್ಗೆ  ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.
ವ್ಯಕ್ತಿಯ ಆತ್ಮಹತ್ಯೆ
        ವ್ಯಕ್ತಿಯೊಬ್ಬರು ನೇಣುಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ವಿರಾಜಪೇಟೆ ತಾಲೂಕಿನ ನಿಟ್ಟೂರು ಎಂಬಲ್ಲಿ ವರದಿಯಾಗಿದೆ. ನಿಟ್ಟೂರು ಗ್ರಾಮದ  ರಾಜರವರ ಲೈನ್ ಮನೆಯಲ್ಲಿ ವಾಸವಿರುವ ಪಣಿಯರವರ ಕುಳಿಯ ಎಂಬುವವರಿಗೆ ವಿಪರೀತ ಮದ್ಯಪಾನ ಮಾಡುವ ಅಭ್ಯಾಸವಿದ್ದು,  ದಿನಾಂಕ  17-07-2017 ರಂದು ಕೆಲಸಕ್ಕೆ ರಜೆ ಇದ್ದುದ್ದರಿಂದ ಮನೆಯಲ್ಲೇ ಇದ್ದು ಮದ್ಯಪಾನ ಮಾಡಿದ್ದು  ರಾತ್ರಿ ಸಮಯದಲ್ಲಿ ಲೈನ್ ಮನೆಯ ಹಿಂಬದಿಯಲ್ಲಿ ಕೌಕೋಲಿಗಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು ಈ ಬಗ್ಗೆ ಕುಳಿಯರವರ  ಅಣ್ಣ ಕಾಳರವರು ನೀಡಿದ ದೂರಿನ ಮೇರೆಗೆ ಪೊನ್ನಂಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

Tuesday, July 18, 2017

ವ್ಯಕ್ತಿಯ ಮೇಲೆ ಹಲ್ಲೆ
                           ದಿನಾಂಕ 16/07/2017ರಂದು ಶನಿವಾರಸಂತೆ ಬಳಿಯ ದೊಡ್ಡಳ್ಳಿ ಗ್ರಾಮದ ನಿವಾಸಿ ಡಿ.ಆರ್.ಮಹೇಶ ಎಂಬವರು ಹಾರೆಹೊಸೂರು ನಿವಾಸಿ ವಿಜಯ ಎಂಬವರಿಗೆ  ಹಣವನ್ನು ನೀಡಲು ಹೋಗುತ್ತಿರುವಾಗ ಲೋಕೇಶ ಮತ್ತು ಚಂದ್ರಶೇಖರ ಎಂಬವರು ಮಹೇಶ್‌ರವರನ್ನು ತಡೆದು ಯಾವುದೋ ಕಾರಣಕ್ಕೆ ಜಗಳವಾಡಿ ಕೈಯಿಂದ ಹೊಡೆದು ಹಲ್ಲೆ ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಮರ ಕಳವು 
                          ದಿನಾಂಕ 15/07/2017ರಂದು ಶನಿವಾರಸಂತೆ ಬಳಿಯ ದೊಡ್ಡಳ್ಳಿ ನಿವಾಸಿ ರುದ್ರಯ್ಯ ಎಂಬವರು ಮನೆಯಲ್ಲಿಲ್ಲದ ಸಮಯದಲ್ಲಿ ಅದೇ ಗ್ರಾಮದ ನಿವಾಸಿಗಳಾದ ಗಿರೀಶ, ಯತೀಶ, ಚಂದ್ರಶೇಖರ ಮತ್ತು ತೋಟಪ್ಪ ಎಂಬವರು ರುದ್ರಯ್ಯನವರ ತೋಟದಿಂದ ಐದು ಸಿಲ್ವರ್ ಮರಗಳು ಹಾಗೂ ಒಂದು ಮಾವಿನ ಮರವನ್ನು ಕಡಿದು ಸಾಗಿಸಿದ್ದು ರುದ್ರಯ್ಯನವರು ಮರಳಿ ಮನೆಗೆ ಬಂದ ನಂತರ ತೋಟಕ್ಕೆ ಹೋದಾಗ ಮರಗಳನ್ನು ಕಳವು ಮಾಡಿರುವುದು ತಿಳಿದು ಬಂದಿರುವುದಾಗಿ ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಮಹಿಳೆ ಆತ್ಮಹತ್ಯೆ
                       ದಿನಾಂಕ 17/07/2017ರಂದು ಸೋಮವಾರಪೇಟೆ ಬಳಿಯ ಲೋಡರ್ಸ್‌ ಕಾಲೋನಿ ನಿವಾಸಿ ಪಾರ್ವತಿ ಎಂಬಾಕೆಯು ಮನೆಯಲ್ಲಿ ಯಾರೂ ಇಲ್ಲದ ವೇಳೆ ಮನೆಯ ಸೀಲಿಂಗ್ ಫ್ಯಾನಿಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ  ಕೈಗೊಂಡಿದ್ದಾರೆ. 

ಕೆರೆಗೆ ಬಿದ್ದು  ವ್ಯಕ್ತಿ ಸಾವು
                        ದಿನಾಂಕ 16/07/2017ರಂದು ಪೊನ್ನಂಪೇಟೆ ಬಳಿಯ ದೇವರಪುರ ನಿವಾಸಿ ಅಣ್ಣು ಎಂಬವರು ಮನೆಗೆ ನೀರು ತರುವ ಸಲುವಾಗಿ ಬಿಂದಿಗೆಯೊಂದಿಗೆ ಬಾವಿಯ ಕಡೆ ಹೋಗಿದ್ದು ಸುಮಾರು ಸಮಯ ಕಳೆದರೂ ಅಣ್ಣುರವರು ಮನೆಗೆ ಹಿಂದಿರುಗದ ಕಾರಣ ಪತ್ನಿ ಜಾನಕಿಯವರು ಅಣ್ಣುರವರನ್ನು ಹುಡುಕಾಡಿದಾಗಲೂ ಪತ್ತೆಯಾಗದಿದ್ದು ದಿನಾಂಕ 17/07/2017ರಂದು ಅಣ್ಣುರವರ ಮೃತ ದೇಹವು  ಅವರು ಕೆಲಸ ಮಾಡುತ್ತಿರುವ ಕೊಟ್ಟಂಗಡ ಬೋಪಯ್ಯ ಎಂಬವರ ಕೆರೆಯಲ್ಲಿ ತೇಲುತ್ತಿದ್ದು ಅಣ್ಣುರವರು ಸ್ನಾನ ಮಾಡಲೆಂದು ಕೆರೆಗೆ ಹೋಗಿ ಕಾಲು ಜಾರಿ ಕೆರೆಗೆ ಬಿದ್ದು ಮೃತರಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಪೊನ್ನಂಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Monday, July 17, 2017

ವಾಹನ ಅಪಘಾತ ವ್ಯಕ್ತಿಯ ದುರ್ಮರಣ 
                 ದಿನಾಂಕ 16-06-2017 ರಂದು ಕುಶಾಲನಗರ ಗುಮ್ಮನಕೊಲ್ಲಿಯ ನಿವಾಸಿ ಸ್ವಾಮಿ ಎಂಬುವವ ರ ಮಗ ಪವನ್ ಕುಮಾರ್ ಎಂಬುವವರು ಕುಶಾಲನಗರದಿಂದ ಮೋಟಾರು ಸೈಲಿನಲ್ಲಿ ಗುಡ್ಡೆಹೊಸೂರುವಿಗೆ ಹೋಗುತ್ತಿರುವಾಗ ಮಾದಪಟ್ನ ಎಂಬಲ್ಲಿ ಎದುರುಗಡೆಯಿಂದ ಒಂದು ಮಿನಿ ಬಸ್ ನ್ನು ಅದರ ಚಾಲಕ ಅಜಾರೂಕತೆಯಿಂದ ಚಾಲನೆ ಮಾಡಿ ಮೋಟಾರು ಸೈಕಲಿಗೆ ಡಿಕ್ಕಿ ಪಡಿಸಿದ ಪರಿಣಾಮ ಪವನ್ ಕುಮಾರ್ ಸ್ಥಳದಲ್ಲಿಯೇ ಮೃತಪಟ್ಟಿದ್ದು ಈ ಬಗ್ಗೆ ಕುಶಾಲನಗರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಕಳವು ಪ್ರಕರಣ
                 ವಿರಾಜಪೇಟೆ ತಾಲೂಕಿನ ಗೋಣಿಕೊಪ್ಪ ನಗರದಲ್ಲಿ ಮನೆಯಲ್ಲಿ ಯಾರೂ ಇಲ್ಲದ ಸಮಯದಲ್ಲಿ ಬೀಗ ಮುರಿದು ಮನೆಯ ಒಳ ನುಗ್ಗಿ ಕಳವು ಮಾಡಿರುವ ಘಟನೆ ವರದಿಯಾಗಿದೆ. ಗೋಣಿಕೊಪ್ಪ ನಗರದ ಮಹಾಲಕ್ಷ್ಮಿ ದೇವಸ್ಥಾನದ ಹತ್ತಿರದ ನಿವಾಸಿ ಶ್ರೀಮತಿ ಪುಷ್ಪಾವತಿ ಎಂಬುವವರು ದಿನಾಂಕ 13-07-2017 ರಂದು ತನ್ನ ಪತಿಯೊಂದಿಗೆ ಮಂಗಳೂರಿಗೆ ಮಗಳ ಮನೆಗೆ ಹೋಗಿದ್ದು ದಿನಾಂಕ 16-07-2017 ರಂದು ಪಕ್ಕದ ಮನೆಯ ರಾಧಾರವರು ಕರೆ ಮಾಡಿ ಮನೆಯ ಮುಂದಿನ ಬಾಗಿಲಿನ ಬೀಗ ಮುರಿದಿರುವುದಾಗಿ ತಿಳಿಸಿದ ಮೇರೆಗೆ ಕೂಡಲೇ ಬಂದು ಪರಿಶೀಲಿಸಲಾಗಿ ಮನೆಯ ಮುಂದಿನ ಬಾಗಿಲಿನ ಬೀಗ ಮುರಿದು ಯಾರೋ ಕಳ್ಳರು ಒಳ ನುಗ್ಗಿ 164 ಗ್ರಾಂ ತೂಕದ ಚಿನ್ನಾಭರಣ ಮತ್ತು ರೂ 15,000 ನಗದು ಹಣ ಕಳವಾಗಿರುವುದಾಗಿ ಪುಷ್ಪಾವತಿಯವರು ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

Sunday, July 16, 2017

ಗುಂಡು ಹಾರಿಸಿ ಸೋದರನ ಹತ್ಯೆ
                          ಗುಂಡು ಹಾರಿಸಿ ಸೋದರನ ಹತ್ಯೆಗೈದ ಪ್ರಕರಣ ಸುಂಟಿಕೊಪ್ಪ ಬಳಿಯ ಹರದೂರು ಬಳಿ ನಡೆದಿದೆ. ಹರದೂರು ನಿವಾಸಿ ಮೇದುರ ಸುರೇಶ್‌ ಎಂಬಾತನೇ ಅಣ್ಣನಿಂದ ಹತ್ಯೆಗೊಳಗಾದ ವ್ಯಕ್ತಿ.
                            ದಿನಾಂಕ 15/07/2017ರಂದು ಹರದೂರಿನಲ್ಲಿ ಮೇದುರ ಸುರೇಶ್‌ರವರ ಮನೆಗೆ ಬಂದ ಆತನ ಅಣ್ಣ ಮೇದುರ ಕಾವೇರಪ್ಪ ಎಂಬಾತ ಆಸ್ತಿ ವಿಚಾರಕ್ಕೆ ಸಂಬಂಧಿಸಿದ ಕಾಗದಪತ್ರಕ್ಕೆ ಸಹಿ ಹಾಕುವಂತೆ ತಾಯಿಯನ್ನು ಒತ್ತಾಯಿಸಿದ್ದು ಆಗ ಅಲ್ಲಿಗೆ ಬಂದ ಸುರೇಶ್‌ರವರು ಕಾಗದ ಪತ್ರಕ್ಕೆ ಏಕಾ ಏಕಿ ಸಹಿ ಹಾಕದೆ ನಾಲ್ಕು ಜನರ ಸಮ್ಮುಖದಲ್ಲಿ ಸಹಿ ಹಾಕುವಂತೆ ತಾಯಿಗೆ ಹೇಳಿದ್ದರೆನ್ನಲಾಗಿದೆ. ನಂತರ ಸುರೇಶ್‌ರವರು ಗದ್ದೆಯ ಕಡೆಗೆ ಹೋಗಿದ್ದು ಆ ಸಂದರ್ಭದಲ್ಲಿ ಅಣ್ಣ ಕಾವೇರಪ್ಪ ಕೋವಿಯೊಂದನ್ನು ಆತನ ಕಾರಿಗೆ ಹಾಕಿಕೊಂಡು  ಸುರೇಶನನ್ನು ಹಿಂಬಾಲಿಸಿದ್ದು ಸುರೇಶನ ಪತ್ನಿ ಶಾರದಾರವರು ಕೂಡಲೇ ಅವರಿಬ್ಬರನ್ನು ಹಿಂಬಾಲಿಸಿ ಹೋಗುವಷ್ಟರಲ್ಲಿ ಕಾವೇರಪ್ಪನವರು ಸುರೇಶ್‌ರವರಿಗೆ ಹಿಂಭಾಗದಿಂದ ಗುಂಡು ಹಾರಿಸಿದ್ದು ಸುರೇಶ್‌ರವರು ರಕ್ತದ ಮಡುವಿನಲ್ಲಿ ಬಿದ್ದುದನ್ನು ಕಂಡು ಶಾರದಾರವರು ಕಿರುಚಿಕೊಂಡಾಗ ಕಾವೇರಪ್ಪನವರು ಶಾರದಾರನ್ನು ಸಹ ಕೊಲ್ಲುವುದಾಗಿ ಬೆದರಿಕೆ ಹಾಕಿ ಕಾರಿನಲ್ಲಿ ಹೊರಟು ಹೋದರೆನ್ನಲಾಗಿದೆ. ಕೂಡಲೇ ಶಾರದಾರವರು ನೆರೆಯ ಹೊನ್ನಪ್ಪ ಮತ್ತು ಪುಟ್ಟಣ್ಣ ಎಂಬವರ ಸಹಾಯದಿಂದ ಗಾಯಾಳು ಸುರೇಶ್‌ರವರನ್ನು ಚಿಕಿತ್ಸೆಗಾಗಿ ಮಡಿಕೇರಿಯ ಜಿಲ್ಲಾ ಆಸ್ಪತ್ರೆಗೆ ಸಾಗಿಸಿದಾಗ ಅಲ್ಲಿ ವೈದ್ಯರು ಸುರೇಶ್‌ರವರು ಮೃತಪಟ್ಟಿರುವುದಾಗಿ ದೃಢೀಕರಿಸಿರುವುದಾಗಿ ಶಾರದಾರವರು ನೀಡಿದ ದೂರಿನ ಮೇರೆಗೆ ಸುಂಟಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಬೈಕ್‌ ಅವಘಢ
                         ದಿನಾಂಕ 14/07/2017ರಂದು ಕುಶಾಲನಗರ ಬಳಿಯ ಕೂಡಿಗೆ ನಿವಾಸಿ ಕಿರಣ್ ಎಂಬವರು ಅವರ ಕೆಎ-13-ಜೆ-4192ರ ಬೈಕಿನಲ್ಲಿ ಕೂಡು ಮಂಗಳೂರು ಬಳಿ ಹೋಗುತ್ತಿರುವಾಗ ಬೈಕನ್ನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿ ರಸ್ತೆಯಲ್ಲಿ ಹೋಗುತ್ತಿದ್ದ ಒಂದು ಬಿಳಿ ಬಣ್ಣದ ಹಸುವಿಗೆ ಡಿಕ್ಕಿಪಡಿಸಿದ ಪರಿಣಾಮ ಹಸು ಸಾವಿಗೀಡಾಗಿದ್ದು ಕಿರಣ್‌ರವರಿಗೂ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಪರಸ್ಪರ ಕಾರು ಡಿಕ್ಕಿ
                     ದಿನಾಂಕ 15/07/2017ರಂದು ತುಮಕೂರಿನ ನಿವಾಸಿ ನವೀನ್‌ ಕುಮಾರ್ ಎಂಬವರು ಅವರ ಕೆಎ-06-ಡಿ-9794ರ ಕಾರಿನಲ್ಲಿ ತುಮಕೂರಿನ ನಿವಾಸಿಗಳಾದ ಗಂಗಾಧರ, ಕಿಶೋರ್‌ ಮತ್ತು ಇತರರನ್ನು ಪ್ರವಾಸಕ್ಕೆಂದು ಮಡಿಕೇರಿಗೆ ಕರೆದುಕೊಂಡು ಬಂದು ಮಡಿಕೇರಿಯ ಬಳಿ ಅಬ್ಬಫಾಲ್ಸ್  ಜಲಪಾತವನ್ನು ವೀಕ್ಷಿಸಿ ಮಡಿಕೇರಿ ಕಡೆಗೆ ಮರಳಿ ಬರುತ್ತಿರುವಾಗ ಕೆ.ನಿಡುಗಣೆ ಗ್ರಾಮದ ಬಳಿ ಕೆಎ-03-ಡಿ-7089ರ ಇನ್ನೋವಾ ಕಾರನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ನವೀನ್‌ರವರು ಚಾಲಿಸುತ್ತಿದ್ದ ಕಾರಿಗೆ  ಡಿಕ್ಕಿಪಡಿಸಿದ ಪರಿಣಾಮ ಎರಡೂ ಕಾರುಗಳಿಗೆ ಹಾನಿಯುಂಟಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Saturday, July 15, 2017

 ಕ್ಷುಲಕ ಕಾರಣಕ್ಕೆ ವ್ಯಕ್ತಿ ಮೇಲೆ ಹಲ್ಲೆ:

     ವ್ಯಕ್ತಿಯೋರ್ವರು ನೀರಿನ ಕಣಿವೆಯಲ್ಲಿ ಕೆಲಸ ಮಾಡುತ್ತಿದ್ದಾಗ ಅವರ ಮೇಲೆ ಮೂವರು ಸೇರಿ ಹಲ್ಲೆನಡೆಸಿದ ಬಗ್ಗೆ ವರದಿಯಾಗಿದೆ. ಭಾಗಮಂಡಲ ಪೊಲೀಸ್ ಠಾಣಾ ವ್ಯಾಪ್ತಿಯ ತಣ್ಣಿಮಾನಿ ಗ್ರಾಮದ ನಿವಾಸಿ ಡಿ.ಎಸ್. ವೇಗೇಂದ್ರ ಎಂಬವರು ದಿನಾಂಕ 13-7-2017 ರಂದು ನೀರಿನ ಕಣಿವಯಲ್ಲಿ ಕೆಲಸ ಮಾಡುತ್ತಿದ್ದಾಗ ಅದೇ ಗ್ರಾಮದ ನಿವಾಸಿಗಳಾದ ಪೂಣಚ್ಚ, ರಮೇಶ ಮತ್ತು ತುಳಸಿ ಎಂಬವರುಗಳು ಅಲ್ಲಿಗೆ ಬಂದು ‘ಏಕೆ ಕಲ್ಲನ್ನು ಒಡಿಯುತ್ತೀಯಾ ಎಂದು ಜಗಳ ಮಾಡಿ ಕತ್ತಿಯಿಂದ ಕಡಿದು ಗಾಯಪಡಿಸಿದ್ದಲ್ಲದೆ ಗುದ್ದಲಿಯಿಂದ ಹಲ್ಲೆ ನಡೆಸಿರುತ್ತಾರೆಂದು ಜಿಲ್ಲಾಸ್ಪತ್ರೆ, ಮಡಿಕೇರಿಯಲ್ಲಿ ಚಿಕಿತ್ಸೆಗೆ ದಾಖಲಾಗಿ ನೀಡಿದ ದೂರಿನ ಮೇರೆಗೆ ಭಾಗಮಂಡಲ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. 

ಅಕ್ರಮ ಮರಳು ಸಾಗಾಟ, ಪ್ರಕರಣ ದಾಖಲು:

     ಸಿದ್ದಾಪುರ ಠಾಣಾ ಸರಹದ್ದಿನ ಗುಹ್ಯ ಗ್ರಾಮದ ಕಕ್ಕಟಕಾಡು ಎಂಬಲ್ಲಿ ದಿನಾಂಕ 14-7-2017 ರಂದು ಯಾರೋ ಅಪರಿಚಿತ ವ್ಯಕ್ತಿಗಳು ಲಾರಿಯಲ್ಲಿ ಅಕ್ರಮವಾಗಿ ಮರಳನ್ನು ತುಂಬಿಸಿ ಸಾಗಾಟಮಾಡುತ್ತಿದ್ದಾರೆಂಬ ಮಾಹಿತಿ   ಸಿದ್ದಾಪುರ ಪೊಲೀಸ್ ಠಾಣಾಧಿಕಾರಿ ಶ್ರೀ ಜಿ.ಕೆ. ಸುಬ್ರಮಣ್ಯರವರಿಗೆ ಬಂದ ಹಿನ್ನೆಲೆಯಲ್ಲಿ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ಮುಂದಿನ ಕ್ರಮ ಕೈಗೊಂಡಿರುತ್ತಾರೆ.

Friday, July 14, 2017

 ಗೋದಾಮಿನಿಂದ ಕಾಫಿ ಕಳವು:

      ಕಾಫಿ ಗೋದಾಮಿನ ಬೀಗವನ್ನು ಮುರಿದು ಕಾಫಿ ಕಳ್ಳತನ ಮಾಡಿದ ಘಟನೆ ವಿರಾಜಪೇಟೆ ಸಮೀಪದ ಬೇಟೋಳಿ ಗ್ರಾಮದಲ್ಲಿ ನಡೆದಿದೆ. ವಿರಾಜಪೇಟೆ ನಗರ ಠಾಣಾ ವ್ಯಾಪ್ತಿಯ ಬೇಟೋಳಿ ಗ್ರಾಮದ ನಿವಾಸಿ ಬಿ.ಎಸ್. ಆನಂದರಾವ್ ಎಂಬವರು ಅದೇ ಗ್ರಾಮದ ತಿಮ್ಮಯ್ಯ ಎಂಬವರಿಗೆ ಸೇರಿದ ಕಟ್ಟಡದಲ್ಲಿ ಆರ್ಜಿ ಕಾಫಿ ಕ್ಯೂರಿಂಗ್ ವರ್ಕ್ಸ್ ಎಂಬ ಕಾಫಿ ಸಂಸ್ಕರಣಾ ಕೇಂದ್ರವನ್ನು ನಡೆಸುತ್ತಿದ್ದು ಸದರಿ ಕೇಂದ್ರದ ಶೆಟ್ಟರ್ಸ್ ಗೆ ಹಾಕಿದ ಬೀಗವನ್ನು ದಿನಾಂಕ 12-7-2017 ರಂದು ರಾತ್ರಿ ಯಾರೋ ಕಳ್ಳರು ಒಡೆದು  ಸಂಸ್ಕರಣಾ ಕೇಂದ್ರದಲ್ಲಿ ಶೇಖರಿಸಿಟ್ಟಿದ್ದ 520 ಕಾಫಿ ಚೀಲಗಳ ಪೈಕಿ 3 ಕಾಫಿ ತುಂಬಿದ ಚೀಲಗಳನ್ನು ಕಳವು ಮಾಡಿಕೊಂಡು ಹೋಗಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಮನೆಗೆ ನುಗ್ಗಿ ಚಿನ್ನಾಭರಣ, ನಗದು ಕಳವು:

    ಕುಶಾಲನಗರ ಗ್ರಾಮಾಂತರ ಠಾಣಾ ವ್ಯಾಪ್ತಿಯ ಕೂಡುಗಂಗಳೂರು ಗ್ರಾಮದ ನಿವಾಸಿ ಶ್ರೀಮತಿ ರೇಣುಕಾ ಬಸವರಾಜ ಶೆಟ್ಟಿ ಎಂಬವರು ದಿನಾಂಕ 13.07.2017 ರಂದು ಬೆಳಿಗ್ಗೆ ಸಮಯ ಸುಮಾರು 10.30 ಗಂಟೆಗೆ ತಮ್ಮ ಮನೆಗೆ ಡೋರ್ ಲಾಕ್ ಮಾಡಿಕೊಂಡು ಧರ್ಮಸ್ಥಳ ಸಂಘದ ಹಣವನ್ನು ಕಟ್ಟುವಂತೆ ಸದಸ್ಯ್ರರಿಗೆ ತಿಳಿಸುವ ಸಲುವಾಗಿ ಮದಲಾಪುರ ಗ್ರಾಮಕ್ಕೆ ಹೋಗಿ ವಾಪಾಸ್ಸು ಸಮಯ ಸುಮಾರು 13.00 ಗಂಟೆಗೆ ಮನೆಗೆ ಬಂದಾಗ ಯಾರೋ ಕಳ್ಳರು ಮನೆಯ ಮುಂಭಾಗದ ಬಾಗಿಲನ್ನು ಮೀಟಿ ಮುರಿದು ಒಳನುಗ್ಗಿ ಮಲಗುವ ಕೋಣೆಯಲ್ಲಿದ್ದ ಗಾಡ್ರೇಜ್ ಮತ್ತು ವಾಲ್ ರೋಬ್ ಗಳ ಬಾಗಿಲನ್ನು ತೆಗೆದು ಅದರಲ್ಲಿದ್ದ ಅಂದಾಜು ರೂ. 2,50,000/- ಬೆಲೆಯ ಚಿನ್ನಾಭರಣ, ರೂ.20,000/- ಬೆಲೆಬಾಳುವ ಬೆಳ್ಳಿಯ ವಸ್ತುಗಳು ಹಾಗೂ ನಗದು ಹಣ ರೂ.70,000/- ಸೇರಿ ಒಟ್ಟು ರೂ.3,40,000/- ಮೌಲ್ಯದ ಚಿನ್ನ, ಬೆಳ್ಳಿ ಹಾಗೂ ನಗದನ್ನು ಕಳ್ಳತನ ಮಾಡಿಕೊಂಡು ಹೋಗಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಕುಶಾಲನಗರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಬಾಡಿಗೆ ಹಣ ನೀಡದ ವಂಚನೆ:
      ಕುಶಾಲನಗರದ ತ್ಯಾಗರಾಜ ರಸ್ತೆಯಲ್ಲಿರುವ ಕಾಶಿಪತಿ ಎಂಬವರು ವಾಸವಾಗಿದ್ದು ಅವರಿಗೆ ಸೇರಿದ ಮನೆಯನ್ನು ಲಕ್ಷ್ಮಣ್ ಎಂಬವರಿಗೆ ಬಾಡಿಗೆಗೆ ನೀಡಿದ್ದು, ಸದರಿಯವರು ಕುಶಾಲನಗರ ಸರಕಾರಿ ಆಸ್ಪತ್ರೆಯ ಶವಾಗಾರದ ಕಾಮಗಾರಿ ಕೆಲಸವನ್ನು ನಿರ್ವಹಿಸುತ್ತಿದ್ದು, ದಿನಾಂಕ 20-4-2014 ರಿಂದ ಸದರಿ ಮನೆಯಲ್ಲಿ ವಾಸವಾಗಿದ್ದುಕೊಂಡು ಬಾಡಿಗೆ ಹಣವನ್ನು ಸರಿಯಾಗಿ ನೀಡದೆ ಸುಮಾರು 82,000 ರೂ. ಬಾಡಿಗೆ ಹಣವನ್ನು ನೀಡದೆ ವಂಚಿಸಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಕುಶಾಲನಗರ ಪಟ್ಟಣ ಪೊಲೀಸರು ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದು, ತನಿಖೆ ಕೈಗೊಂಡಿದ್ದಾರೆ.


ಕತ್ತಿಯಿಂದ ಕಡಿದು ವ್ಯಕ್ತಿ ಕೊಲೆಗೆ ಯತ್ನ:

      ಮಡಿಕೇರಿ ತಾಲೋಕು ತಣ್ಣಿಮಾನಿ ಗ್ರಾಮದ ನಿವಾಸಿ ಡಿ.ಎಸ್. ಪೂಣಚ್ಚ ಎಂಬವರು ದಿನಾಂಕ 13-7-2017 ರಂದು ತಮ್ಮ ಗದ್ದೆಯಲ್ಲಿ ಕೆಲಸ ಮಾಡಿಕೊಂಡಿರುವಾಗ ಅದೇ ಗ್ರಾಮದ ವಾಸಿ ವೇಗೇಂದ್ರ ಎಂಬವರು ಅಲ್ಲಿಗೆ ಬಂದು ಏಕೆ ನಮ್ಮ ಜಾಗಕ್ಕೆ ಬಂದೆ ಎಂದು ಹೇಳಿ ಕೊಲೆ ಮಾಡುವ ಉದ್ದೇಶದಿಂದ ಕತ್ತಿಯಿಂದ ಡಿ.ಎಸ್. ಪೂಣಚ್ಚನವರ ಕುತ್ತಿಗೆ ಭಾಗಕ್ಕೆ ಹಲ್ಲೆ ನಡೆಸಿ ಗಾಯಪಡಿಸಿದ್ದು ಕೊಲೆಗೆ ಯತ್ನಿಸಿದ್ದಾರೆಂದು ನೀಡಿದ ದೂರಿನ ಮೇರೆಗೆ ಭಾಗಮಂಡಲ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.







ವ್ಯಕ್ತಿಯ ಮೇಲೆ ಹಲ್ಲೆ:







ಕುಟ್ಟ ಠಾಣಾ ವ್ಯಾಪ್ತಿಯ ನಾಥಂಗಾಲ ಗ್ರಾಮದ ನಿವಾಸಿ ಶ್ರೀಮತಿ ಸುಶೀಲ ಎಂಬವರ ಮಗನಾದ ಪ್ರಜೀಸ್ ಎಂಬವ ಮೇಲೆ ಅದೇ ಗ್ರಾಮದ ನಿವಾಸಿ ದಾಸ ಎಂಬವರು ಕೈಗಳನ್ನು ಬೆನ್ನಿನ ಹಿಂದಕ್ಕೆ ಕಟ್ಟಿ ಹಲ್ಲೆ ನಡೆಸಿದ್ದು ಸದರಿಯವರು ಕುಟ್ಟ ನಗರದ ವಿವೇಕ್ ರಾವ್ ರವರ ಕ್ಲೀನಿಕ್ ನಲ್ಲಿ ಚಿಕಿತ್ಸೆ ಪಡೆದುಕೊಂಡು ಹೆಚ್ಚುಬ ಚಿಕಿತ್ಸೆಗಾಗಿ ದಿನಾಂಕ 13-07-2017 ರಂದು ಕುಟ್ಟ ಸರ್ಕಾರಿ ಆಸ್ಪತ್ರಗೆ ದಾಖಲು ಮಾಡಿದ್ದು, ಈ ಸಂಬಂಧ ಕುಟ್ಟ ಠಾಣೆಯಲ್ಲಿ ಶ್ರೀಮತಿ ಸುಶೀಲ ರವರ ದೂರಿನ ಮೇರೆಗೆ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

Thursday, July 13, 2017

ಬಾರ್‌ ದಾಂಧಲೆ, ಆರೋಪಿಗಳ ಬಂಧನ
                       ದಿನಾಂಕ 10-07-2017ರಂದು ಸಂಜೆ ಮಡಿಕೇರಿ ನಗರದ ಕೆಎಸ್ಆರ್‌ಟಿಸಿ ಬಸ್ ನಿಲ್ದಾಣದ ಸಮೀಪದ ಮಾರುತಿ ಬಾರ್‌ಗೆ ಹೆಲ್ಮೆಟ್ ಧರಿಸಿಕೊಂಡು ಕಲ್ಲು ತೂರಿ ದಾಂದಲೆ ನಡೆಸಿರುವ ಘಟನೆಗೆ ಸಂಬಂಧಿಸಿದಂತೆ ಆರೋಪಿಗಳನ್ನು ಜಿಲ್ಲಾ ಪೊಲೀಸರು ಬಂಧಿಸಿದ್ದಾರೆ.

                           ದಿನಾಂಕ 10-7-2017ರಂದು ಸಂಜೆ ಮಾರುತಿ ಬಾರಿನಲ್ಲಿ ಮದ್ಯಪಾನ ಮಾಡಲು ಬಂದಿದ್ದ ಗಾಳಿಬೀಡು ಗ್ರಾಮದ ಮೊಣ್ಣಪ್ಪ ಯಾನೆ ಸರಾ ಎಂಬವರು ಮನೆಯಲ್ಲಿ ಇಟ್ಟಿದ್ದ ಕೋವಿ ಕಾಣೆಯಾಗಿರುವ ಬಗ್ಗೆ ಅದೇ ಗ್ರಾಮದ ಕುಡಿಯರ ಲವ ಮತ್ತು ಕೀರ್ತನ್ ಇವರ ಜೊತೆಯಲ್ಲಿ ವಾಗ್ವಾದ ಮಾಡುತ್ತಿರುವಾಗ ಅಲ್ಲಿಗೆ ಮದ್ಯಪಾನ ಮಾಡಲು ಬಂದ ದೇಶಿಕ್ ಮತ್ತು ಮನೋಜ್ ಎಂಬವರುಗಳು ಅವರಿಗೆ ಸಂಬಂಧ ಇಲ್ಲದ ವಿಷಯಕ್ಕೆ ಜಗಳ ಮಾಡಿದ್ದು ಬಾರಿನಲ್ಲಿದ್ದವರು ಇವರ ಜಗಳ ಬಿಡಿಸಿ ಕಳುಹಿಸಿರುತ್ತಾರೆ. ಮದ್ಯಪಾನ ಮಾಡಿದ್ದ ದೇಶಿಕನು ಬಾರಿನಲ್ಲಿದ್ದವರು ತಮ್ಮ ಮೇಲೆ ಹಲ್ಲೆ ಮಾಡಿದ್ದಾರೆಂದು ಸಿಟ್ಟಿಗೆದ್ದು ಮೊಬೈಲ್ ಕರೆ ಮಾಡಿ ತಮ್ಮ ಗೆಳೆಯರನ್ನು ಮಡಿಕೇರಿಗೆ ಕರೆಸುತ್ತಾನೆ.

                         ಸ್ನೇಹಿತನ ಮೇಲೆ ಹಲ್ಲೆಗೆ ಕಾರಣವಾದ ಮಾರುತಿ ಬಾರಿನ ಮೇಲೆ ಪ್ರತಿಕಾರ ತೀರಿಸಲು ಆತನ ಸ್ನೇಹಿತರ ತಂಡವೊಂದು ರಾತ್ರಿ ವೇಳೆ ಮಡಿಕೇರಿಗೆ ಬಂದು ಒಟ್ಟು ಸೇರಿ ಕಲ್ಲು ಮತ್ತು ಸೋಡಾ ಬಾಟಲಿಗಳನ್ನು ಸಂಗ್ರಹಿಸಿ ಸಿನಿಮೀಯ ಮಾದರಿಯಲ್ಲಿ ಹಠಾತ್ತಾಗಿ ಬಾರಿನ ಮೇಲೆ ಕಲ್ಲು ಹಾಗೂ ಬಾಟಲಿಗಳನ್ನು ತೂರಿ ಧಾಳಿ ಮಾಡಿ ಬಾರಿನಲ್ಲಿದ್ದ ಕೆಲಸಗಾರರ ಮೇಲೆ ಹಲ್ಲೆ ಮಾಡಿ ಮದ್ಯದ ಬಾಟಲುಗಳನ್ನು ನಾಶಪಡಿಸುತ್ತಾರೆ. ಘಟನೆಯ ಸಿಸಿಟಿವಿ ದೃಷ್ಯಾವಳಿಗಳು ನಗರದ ಸಾರ್ವಜನಿಕರಲ್ಲಿ ಆತಂಕವನ್ನು ಸೃಷ್ಟಿಸಿತ್ತು.

                      ಈ ಬಗ್ಗೆ ಮಡಿಕೇರಿ ನಗರ ಠಾಣೆಯಲ್ಲಿ ಮೊಕದ್ದಮೆ ದಾಖಲಿಸಿ ತನಿಖೆ ಕೈಗೊಳ್ಳಲಾಗಿತ್ತು. ಪ್ರಕರಣದ ಆರೋಪಿಗಳನ್ನು ಪತ್ತೆ ಮಾಡಲು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಪಿ. ರಾಜೇಂದ್ರ ಪ್ರಸಾದ್, ಐಪಿಎಸ್‌ರವರು ಪ್ರಕರಣವನ್ನು ಡಿಸಿಐಬಿ ವಿಭಾಗಕ್ಕೆ ವಹಿಸಿದ್ದು, ತನಿಖೆ ನಡೆಸಿದ ಡಿಸಿಐಬಿ ವಿಭಾಗದ ಪೊಲೀಸ್ ನಿರೀಕ್ಷಕರಾದ ಕರೀಂ ರಾವ್‌ತರ್ ಹಾಗೂ ತಂಡ ದಿನಾಂಕ 13-7-2017ರಂದು ಘಟನೆಯ ಆರೋಪಿಗಳಾದ ಮಡಿಕೇರಿ ಬಳಿಯ ಅರುತೊಕ್ಲು ಗ್ರಾಮದ ನಿವಾಸಿ ಪ್ರಸ್ತುತ ನಗರದ ಮೆಡಿಕಲ್‌ ಕಾಲೇಜಿನಲ್ಲಿ ಸ್ಟೋರ್‌ ಕೀಪರ್‌ ಆಗಿರುವ ಟಿ.ಜಿ.ದೇಶಿಕ್, ಕಾರುಗುಂದ ಗ್ರಾಮದ ನಿವಾಸಿ ಮನೋಜ್‌ ಕೆ.ಎಸ್., ಫ್ಯಾಶನ್ ಡಿಸೈನಿಂಗ್‌ ವಿದ್ಯಾರ್ಥಿಯಾಗಿರುವ ಅರುವತೊಕ್ಲು ಗ್ರಾಮದ ಪಿ.ಡಿ.ಕುಶ, ಚೆಟ್ಟಳ್ಳಿ ಬಳಿಯ ಕಂಡಕೆರೆ ನಿವಾಸಿಗಳಾದ ಶ್ರವಣ್, ಫಯಾಜ್, ಮತ್ತು ಮಂಗಳಾದೇವಿ ನಗರದ ಕಿರಣ್‌ ಎಂಬ ಆರು ಜನರನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

                    ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಪಿ.ರಾಜೇಂದ್ರ ಪ್ರಸಾದ್‌ರವರ ಮಾರ್ಗದರ್ಶನದಲ್ಲಿ ನಡೆದ ಪತ್ತೆ ಕಾರ್ಯಾಚರಣೆಯಲ್ಲಿ ಡಿಸಿಐಬಿ ಪೊಲೀಸ್ ನಿರೀಕ್ಷಕರಾದ ಕರೀಂ ರಾವ್‌ತರ್ ಎಎಸ್ ಐಗಳಾದ ಕೆ.ವೈ.ಹಮೀದ್ ,ಎನ್.ಟಿ. ತಮ್ಮಯ್ಯ, ಸಿಬ್ಬಂದಿಗಳಾದ ವಿ.ಜಿ.ವೆಂಕಟೇಶ್, ಕೆ.ಎಸ್.ಅನಿಲ್‌ಕುಮಾರ್, ಎಂ.ಎನ್.ನಿರಂಜನ್, ಬಿ.ಎಲ್. ಯೊಗೇಶ್ ಕುಮಾರ್, ಕೆ.ಆರ್.ವಸಂತ, ಕೆ.ಎಸ್.ಶಶಿಕುಮಾರ್ ಮತ್ತು ಯು.ಎ.ಮಹೇಶ್ ರವರು ಪಾಲ್ಗೊಂಡಿದ್ದು ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿಗಳು ತಂಡದ ಕಾರ್ಯವನ್ನು ಶ್ಲಾಘಿಸಿದ್ದಾರೆ.


ಬಾಲಕ ಕಾಣೆ
                        ದಿನಾಂಕ 11/07/2017ರಂದು ಮಡಿಕೇರಿ ನಗರದ ಬಾಲಕರ ಬಾಲ ಮಂದಿರದಲ್ಲಿರುವ ಸುಪ್ರೀತ್ ಎಂಬ ಬಾಲಕನು ಎಂದಿನಂತೆ ತಾನು ವ್ಯಾಸಂಗ ಮಾಡುತ್ತಿರುವ ಮಡಿಕೇರಿ ನಗರದ ಪದವಿ ಪೂರ್ವ ಕಾಲೇಜಿನ ಪ್ರೌಢಶಾಲೆಗೆ ಹೋಗಿದ್ದು ಶಾಲೆಯಿಂದ ಮರಳಿ ಬಾಲಮಂದಿರಕ್ಕೆ ಬಂದಿರುವುದಿಲ್ಲವೆಂದು ಬಾಲ ಮಂದಿರದ ಅಧೀಕ್ಷಕರಾದ ಚರಣ್ ಎಂಬವರು ನೀಡಿದ ದೂರಿನ ಮೇರೆಗೆ ಮಡಿಕೇರಿಯ ಮಹಿಳಾ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಳ್ಳಲಾಗಿದೆ. 

ವ್ಯಕ್ತಿ ಆತ್ಮಹತ್ಯೆ
                       ದಿನಾಂಕ 12/07/2017ರಂದು ವಿರಾಜಪೇಟೆ ಬಳಿಯ ಹೆಗ್ಗಳ ಗ್ರಾಮದ ಎಡಮಕ್ಕಿ  ನಿವಾಸಿ ಅಣ್ಣಿ ಎಂಬವರು ರಾತ್ರಿ ವೇಳೆ ಮನೆಯ ಮಾಡಿಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು ಅತೀವ ಮದ್ಯವ್ಯಸನಿಯಾಗಿದ್ದ ಅಣ್ನಿರವರು ಯಾವುದೋ ಕಾರಣಕ್ಕೆ ಜುಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿರಬಹುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Wednesday, July 12, 2017

ಪತ್ರಿಕಾ ಪ್ರಕಟಣೆ
        ಸಾಮಾಜಿಕ ಜಾಲ ತಾಣಗಳಾದ (Whatsapp, Twitter, Facebook, Telegram etc.,)ವಾಟ್ಸಪ್, ಟ್ವಿಟ್ಟರ್, ಫೇಸ್ಬುಕ್, ಟೆಲಿಗ್ರಾಮ್ ಹಾಗೂ ಇನ್ನಿತರೆ ಜಾಲತಾಣಗಳಲ್ಲಿ ದೇಶದ ಸುರಕ್ಷತೆ ಹಾಗೂ ಜನರಲ್ಲಿ ಪ್ರಚೋದನೆ ಮೂಡಿಸುವಂತಹ ಮಾಹಿಗಳಿಂದ ರಾಜ್ಯಾದ್ಯಂತ ಸಮಾಜದಲ್ಲಿನ ಶಾಂತಿ ಹದಗೆಡುತ್ತಿದ್ದು, ಸಮಾಜದಲ್ಲಿನ ಶಾಂತಿ ಹಾಗೂ ಸುವ್ಯವಸ್ಥೆಯನ್ನು ಕಾಪಾಡುವ ನಿಟ್ಟಿನಲ್ಲಿ ಯಾವುದೇ ಸಾಮಾಜಿಕ ಜಾಲ ತಾಣಗಳಲ್ಲಿ ಸುಳ್ಳು ಮಾಹಿತಿಯನ್ನು, ಕಾನೂನು ಬಾಹಿರ ಮಾಹಿತಿಯನ್ನು, ದೇಶದ ಸುರಕ್ಷತೆಗೆ ದಕ್ಕೆಯುಂಟು ಮಾಡುವ ಮಾಹಿತಿಯನ್ನು, ಕೋಮು ಪ್ರಚೋದನೆ ಉಂಟುಮಾಡುವ ಯಾವುದೇ ಜಾತಿ, ಭಾಷೆ, ಜನಾಂಗಗಳ ಬಗ್ಗೆ ವಿಷಯವನ್ನು ಅನಾವಶ್ಯಕವಾಗಿ ಚರ್ಚೆ ಹಾಗೂ ರವಾನೆ  ಮಾಡುವ ಯಾವುದೇ ವ್ಯಕ್ತಿ ಹಾಗೂ ( Whatsapp, Telegram Group Admin)ವಾಟ್ಸಪ್, ಟೆಲಿಗ್ರಾಮ್ ಗ್ರೂಪಿನ  ಅಡ್ಮಿನ್ ಹಾಗೂ ಮಾಹಿತಿ ರವಾನಿಸುವವರ ವಿರುದ್ಧ ಕೊಡಗು ಜಿಲ್ಲೆಯಲ್ಲಿ ಇನ್ನು ಮುಂದೆ  ನಿರ್ದಾಕ್ಷಣ್ಯವಾಗಿ  ಕಾನೂನು ಕ್ರಮ ಜರುಗಿಸಲಾಗುವುದು, ಈ ಬಗ್ಗೆ (
Whatsapp, Twitter, Facebook, Telegram etc.,)ವಾಟ್ಸಪ್, ಟ್ವಿಟ್ಟರ್, ಫೇಸ್ಬುಕ್, ಟೆಲಿಗ್ರಾಮ್ ಇನ್ನಿತರೆ ಜಾಲತಾಣಗಳ ಮೇಲೆ ಹದ್ದಿನ ಕಣ್ಣು ಇರಿಸಲು ಕೊಡಗು ಜಿಲ್ಲಾ ಪೊಲೀಸ್ ಕಛೇರಿಯಲ್ಲಿ  ಸೋಷಿಯಲ್ ಮೀಡಿಯಾ ಮಾನಿಟರಿಂಗ್ ಸೆಲ್ (Social Media Monitoring Cell) ನ್ನು ಪ್ರಾರಂಭಿಸಲಾಗುವುದು.


       ಕೊಡಗು ಜಿಲ್ಲೆಯಲ್ಲಿ ಕೆಲವು ಕಿಡಿಗೇಡಿಗಳು ಕಾನೂನು ಬಾಹಿರ ಚಟುವಟಿಕೆಗಳಲ್ಲಿ ತೊಡಗಿಕೊಂಡು ಶಾಂತಿ ಕದಡಲು ಪ್ರಯತ್ನಿಸುತ್ತಿರುವುದರ ಬಗ್ಗೆ ಮಾಹಿತಿ ಇದ್ದು, ಅಂತಹವರ ವಿರುದ್ಧವೂ ಕಠಿಣ ಕ್ರಮ ಕೈಗೊಳ್ಳಲಾಗುವುದು. ಸಾರ್ವಜನಿಕರು ಇಂತಹ ವ್ಯಕ್ತಿಗಳ ಬಗ್ಗೆ ಮಾಹಿತಿ ನೀಡಿ ಪೊಲೀಸ್ ಇಲಾಖೆಯೊಂದಿಗೆ ಸಹಕರಿಸುವುದು, ಮಾಹಿತಿದಾರರ ಹೆಸರನ್ನು ಗೌಪ್ಯವಾಗಿ ಡಲಾಗುವುದು. ಈಗಾಗಲೇ ಪೊಲೀಸ್ ಇಲಾಖೆಯವತಿಯಿಂದ ಜಿಲ್ಲೆಯ ಎಲ್ಲಾ ಶಾಲಾ ಕಾಲೇಜುಗಳಲ್ಲಿ ಸಲಹಾ ಪೆಟ್ಟಿಗೆಯನ್ನು ಇರಿಸಲಾಗಿದ್ದು, ಇದರ ಸದುಪಯೋಗ ಪಡೆದುಕೊಂಡು ವಿಧ್ಯಾರ್ಥಿಗಳು ಕಾನೂನು ಬಾಹಿರ ಚಟುವಟಿಕೆಗಳಲ್ಲಿ ತೊಡಗಿರುವವರ ಬಗ್ಗೆ ಮಾಹಿತಿ ನೀಡುವಂತೆ  ಕೊಡಗು ಜಿಲ್ಲಾ ಪೊಲೀಸ್ ಅಧೀಕ್ಷಕರು ತಿಳಿಸಿರುತ್ತಾರೆ.

 ಸಾರ್ವಜನಿಕ ಮಾಹಿತಿ ಅಧಿಕಾರಿ
 ಕೊಡಗು ಜಿಲ್ಲೆ.

 

ಬಾಲಕರು ಕಾಣೆ
                    ದಿನಾಂಕ 09/07/2017ರಂದು ಸುಂಟಿಕೊಪ್ಪ ಬಳಿಯ ಪಂಪ್ ಹೌಸ್ ರಸ್ತೆ ನಿವಾಸಿ ಪಳನಿ ಸ್ವಾಮಿ ಎಂಬವರ ಮಕ್ಕಳಾದ ಬಾಲರಾಜು ಮತ್ತು ಸಂಜಯ ಎಂಬ ಬಾಲಕರು ಮನೆಯಿಂದ ಆಟವಾಡಲೆಂದು ಹೊರಗಡೆ ಹೋದವರು ಮರಳಿ ಬಾರದೆ ಕಾಣೆಯಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಸುಂಟಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಸ್ಕೂಟರಿಗೆ ಕಾರು ಡಿಕ್ಕಿ
                    ದಿನಾಂಕ 11/07/2017ರಂದು ಕುಶಾಲನಗರದ ಬೈಚನಹಳ್ಳಿಯ ಬಳಿಯ ಸೈದು  ಎಂಬವರ ಮಗಳು ಅಫ್ರಿದಾ ಎಂಬಾಕೆಯು ಒಂದು ಹೊಸ ಸ್ಕೂಟರಿನಲ್ಲಿ ಪಂಪ್‌ ಹೌಸ್‌ ರಸ್ತೆಯ ಕಡೆಯಿಂದ ಚಾಲನೆ ಮಾಡಿಕೊಂಡು ಬರುತ್ತಿರುವಾಗ ಕುಶಾಲನಗರ ಪಟ್ಟಣದ ಕಡೆಯಿಂದ ಕೆಎ-50-ಎನ್‌-7990ರ ಚಾಲಕನು ಕಾರನ್ನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಅಫ್ರಿದಾರವರು ಚಾಲಿಸುತ್ತಿದ್ದ ಸ್ಕೂಟರಿಗೆ ಡಿಕ್ಕಿಪಡಿಸಿದ  ಪರಿಣಾಮ ಅಫ್ರಿದಾರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಪೊಲೀಸರು ಪ್ರಕರಣ ದಾಖಿಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಮರದಿಂದ ಬಿದ್ದು ವ್ಯಕ್ತಿಯ ಸಾವು
ದಿನಾಂಕ 06/07/2017ರಂದು ವಿರಾಜಪೇಟೆ ಬಳಿಯ ತೋರ ಗ್ರಾಮದ ನಿವಾಸಿ ಹರೀಶ್ ಎಂಬವರು ಅರುಣ ಎಂಬವರ ಕಾಫಿ ತೋಟದಲ್ಲಿ ಕಪಾತು ಕೆಲಸ ಮಾಡುತ್ತಿರುವಾಗ ಆಕಸ್ಮಿಕವಾಗಿ ಮರದಿಂದ ಬಿದ್ದು ಗಾಯಗೊಂಡಿದ್ದು ಚಿಕಿತ್ಸೆಗಾಗಿ ಮಂಗಳೂರಿನ ಕೆ.ಎಸ್‌.ಹೆಗ್ಡೆ ಆಸ್ಪತ್ರೆಯಲ್ಲಿ ದಾಖಲಿಸಲಾಗಿತ್ತು. ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೆ ಹರೀಶ್‌ರವರು ದಿನಾಂಕ 11/07/2017ರಂದು ಮೃತರಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಬೈಕಿಗೆ ಜೀಪು ಡಿಕ್ಕಿ
ದಿನಾಂಕ 11/07/2017ರಂದು ಸಿದ್ದಾಪುರ ಬಳಿಯ ಅಭ್ಯತ್‌ಮಂಗಲ ನಿವಾಸಿ ಅಭಿಲಾಷ್ ಎಂಬವರು ಕೆಎ-12-ಆರ್-0941ರ ಬೈಕಿನಲ್ಲಿ ಹೋಗುತ್ತಿರುವಾಗ ನೆಲ್ಲಿಹುದಿಕೇರಿಯ ಬಳಿ ಮುಂದುಗಡೆ ಕೆಎ-12-ಬಿ-1937ರ ಟಾಟಾ  ಜಿಪ್ ವಾಹನವನ್ನು ಅದರ ಚಾಲಕ ಯಾವುದೇ ಸೂಚನೆ ನೀಡದೆ ಏಕಾ ಏಕಿ ರಸ್ತೆಗೆ ತಿರುಗಿಸಿದ ಪರಿಣಾಮ ಅಭಿಲಾಶ್‌ರವರು ಬೈಕನ್ನು ಕೂಡಲೇ ಬ್ರೇಕ್‌ ಹಾಕಿ ನಿಲ್ಲಿಸದರೂ ಸಹ ಬೈಕ್ ಟಾಟಾ ಜಿಪ್‌ ವಾಹನಕ್ಕೆ ಡಿಕ್ಕಿಯಾದ ಪರಿಣಾಮ ಅಭಿಲಾಶ್‌ರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಜೀಪಿಗೆ ಕಾರು ಡಿಕ್ಕಿ
ದಿನಾಂಕ 11/07/2017ರಂದು ಮಡಿಕೇರಿಯ ಚಾಮುಂಡೇಶ್ವರಿ ನಗರ ನಿವಾಸಿ ಅಭಿಲಾಶ್‌ ಎಂಬವರು ಅಫ್ರೀದ್‌ ಎಂಬವರೊಂದಿಗೆ ಕೆಎ-12-ಎ-6048ರ ಪಿಕ್‌ಅಪ್ ಜೀಪಿನಲ್ಲಿ  ಮೂರ್ನಾಡು ಬಳಿಯ ಎಂ.ಬಾಡಗ ಗ್ರಾಮದಿಂದ ಮೂರ್ನಾಡು ಕಡೆಗೆ ಬರುತ್ತಿರುವಾಗ ಎದುರುಗಡೆಯಿಂದ ಕೆಎ-09-ಎಂ-1119ರ ಕಾರನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಅಭಿಲಾಶ್‌ರವರ ಜೀಪಿಗೆ ಡಿಕ್ಕಿಪಡಿಸಿದ ಪರಿಣಾಮ ಅಭಿಲಾಶ್‌ರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.