Friday, June 30, 2017

ವ್ಯಕ್ತಿಯ ಮೇಲೆ ಹಲ್ಲೆ
                             ದಿನಾಂಕ 29/06/2017ರಂದು ಸುಂಟಿಕೊಪ್ಪ ಬಳಿಯ ಹರದೂರು ನಿವಾಸಿ ಜಿ.ಎಂ.ಮನಮೋಹನ ಎಂಬವರು ಸುಂಟಿಕೊಪ್ಪದಲ್ಲಿ ಕೆಲಸ ಮುಗಿಸಿ ಮರಳಿ ಮಾದಾಪುರ ರಸ್ತೆಯಲ್ಲಿರುವ ಮನೆಯ ಬಳಿ ಅವರ ಊರಿನ ಭರತ್‌ ಎಂಬವರೊಂದಿಗೆ ಮಾತನಾಡುತ್ತಿರುವಾಗ ಅಲ್ಲಿಗೆ ಬಂದ ಹರದೂರು ನಿವಾಸಿ ರಮೇಶ ಎಂಬವರ ಮಗ ದೀಪಕ್ ಎಂಬಾತನು ಕ್ಷುಲ್ಲಕ ಕಾರಣಕ್ಕೆ ಮನಮೋಹನರವರ ಮೇಲೆ ದೊಣ್ಣೆಯಿಂದ ಹಲ್ಲೆ ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಸುಂಟಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಬೈಕ್‌ಗೆ ಕಾರು ಡಿಕ್ಕಿ
                          ದಿನಾಂಕ 29/06/2017ರಂದು ಶನಿವಾರಸಂತೆ ಬಳಿಯ ಮೂದರವಳ್ಳಿ ನಿವಾಸಿ ಎಂ.ಎನ್.ಮದನ್ ಎಂಬವರು ಅವರ ಅಣ್ಣನಿಗೆ ಸೇರಿದ ಕೆಎ-12-ಕೆ-4524ರ ಮೋಟಾರು ಬೈಕಿನಲ್ಲಿ ಶನಿವಾರಸಂತೆಯಿಂದ ಮೂದರವಳ್ಳಿಗೆ ಹೋಗುತ್ತಿರುವಾಗ ಶನಿವಾರಸಂತೆಯ ಸಂಪಿಗೆ ಕಾಂಪ್ಲೆಕ್ಸ್ ಬಳಿ ಬೈಕಿನ ಪೆಟ್ರೋಲ್ ಖಾಲಿಯಾಗಿದ್ದು ಬೈಕ್ ನಿಲ್ಲಿಸಿ ಅದನ್ನು ಪರಿಶೀಲಿಸುತ್ತಿರುವಾಗ ಹಿಂದಿನಿಂದ ಯಾವುದೋ ಒಂದು ಕಾರನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಮದನ್‌ರವರಿಗೆ ಡಿಕ್ಕಿಪಡಿಸಿ ಕಾರನ್ನು ನಿಲ್ಲಿಸದೇ ಹೋಗಿದ್ದು ಮದನ್‌ರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಮಗನ ಮೇಲೆ ಹಲ್ಲೆ
                       ದಿನಾಂಕ 29/06/2017ರಂದು ಮಡಿಕೇರಿ ಸಮೀಪದ ಕಾಲೂರು ನಿವಾಸಿ ಎ.ಬಿ.ಹರೀಶ ಎಂಬವರು ಅವರ ತಾಯಿಯೊಂದಿಗೆ ಮಡಿಕೇರಿ ಆಸ್ಪತ್ರೆಯಲ್ಲಿರುವ ಪತ್ನಿ ಮತ್ತು ಅತ್ತೆಯವರನ್ನು ನೋಡಿಕೊಂಡು ವಾಪಾಸು ಮನೆಗೆ ಹೋದಾಗ ಮನೆಯಲ್ಲಿದ್ದ ತಂದೆ ಬಸಪ್ಪನವರು ಹರೀಶ ಮತ್ತು ಆತನ ತಾಯಿಯನ್ನು ಕೊಲ್ಲುವುದಾಗಿ ಹೇಳುತ್ತಾ ಮೆಣಸಿನ ಪುಡಿಯನ್ನು ಹರೀಶ್‌ರವರ ಮುಖಕ್ಕೆ ಎರಚಿ ನಂತರ ಆತನ ಕುತ್ತಿಗೆಯನ್ನು ಹಿಚುಕಿ ಕೊಲೆ ಮಾಡಲು ಯತ್ನಿಸಿದ್ದು ತಡೆಯಲು ಬಂದ ಹರೀಶರವರ ತಾಯಿಗೂ ಸಹಾ ದೊಣ್ಣೆಯಿಂದ ಹೊಡೆದು ಹಲ್ಲೆ ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಬಸ್ಸಿಗೆ ಕಾರು ಡಿಕ್ಕಿ
                       ದಿನಾಂಕ 29/06/2017ರಂದು ಮಡಿಕೇರಿಯ ಕೆಎಸ್‌ಆರ್‌ಟಿಸಿ ಡಿಪೋದ ಬಸ್‌ ಚಾಲಕ ಲಿಂಗರಾಜುರವರು ಕೆಎ-19-ಎಫ್-4392ರ ಬಸ್ಸನ್ನು ಚಾಲಿಸಿಕೊಂಡು ಆವಂದೂರು ಗ್ರಾಮದಿಂದ ಮಡಿಕೇರಿಗೆ ಬರುತ್ತಿರುವಾಗ ಕಾಟಕೇರಿ ಗ್ರಾಮದ ಬಳಿ ಎದುರುಗಡೆಯಿಂದ ಕೆಎ-19-ಎಂಡಿ-5682ರ ಕಾರನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಬಸ್ಸಿಗೆ ಡಿಕ್ಕಿ ಪಡಿಸಿದ ಪರಿಣಾಮ ಬಸ್ಸು ಹಾಗೂ ಕಾರಿಗೆ ಹಾನಿಯುಂಟಾಗಿದ್ದು ಕಾರಿನಲ್ಲಿದ್ದವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಪಾದಚಾರಿಗೆ ಜೀಪು ಡಿಕ್ಕಿ
                          ದಿನಾಂಕ 29/06/2017ರಂದು ಕುಟ್ಟ ಬಳಿಯ ಸಿಂಕೋನ ಕಾಲೋನಿ ನಿವಾಸಿ ಮರದಮುತ್ತು ಎಂಬವರು ಕುಟ್ಟ ನಗರದ ಪಿಪಿಎಂ ಬೇಕರಿ ಬಳಿ ಬಸ್ಸುಗಳನ್ನು ನಿಲುಗಡೆ ಮಾಡುವ ಸ್ಥಳದಲ್ಲಿ ನಡೆದುಕೊಂಡು ಹೋಗುತ್ತಿರುವಾಗ ಅಲ್ಲಿ ರಸ್ತೆಯ ಬದಿ ನಿಲ್ಲಿಸಿದ್ದ ಕೆಎ-23-ಎಂ-3890ರ ಜೀಪನ್ನು ಅದರ ಚಾಲಕ ನಿರ್ಲಕ್ಷ್ಯತನದಿಂದ ಏಕಾಏಕಿ ಹಿಮ್ಮುಖವಾಗಿ  ಚಾಲಿಸಿದ  ಪರಿಣಾಮ ಜೀಪು ಮರದಮುತ್ತುರವರಿಗೆ ಡಿಕ್ಕಿಯಾಗಿ ಅವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಟ್ಟ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Thursday, June 29, 2017

ಅಕ್ರಮ ಮರಳು ಸಾಗಾಟ
                             ದಿನಾಂಕ 28/06/2017ರಂದು ವಿರಾಜಪೇಟೆ ಬಳಿಯ ಕಂಡಂಗಾಲ ಗ್ರಾಮದ ಬಳಿ ಅಕ್ರಮವಾಗಿ ಮರಳು ಸಾಗಾಟ ಮಾಡುತ್ತಿರುವಾಗಿ ದೊರೆತ ಖಚಿತ ಸುಳಿವಿನ ಮೇರೆಗೆ ಮಡಿಕೇರಿಯ ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಯ ವಿಜ್ಞಾನಿ ಕೆ.ಎಸ್‌.ನಾಗೇಂದ್ರಪ್ಪನವರು ಸ್ಥಳಕ್ಕೆ ತೆರಳಿದಾಗ ಕಂಡಂಗಾಲ ಗ್ರಾಮದಲ್ಲಿ ಕೆಎ-12-ಎ-8301ರ ಲಾರಿಯಲ್ಲಿ ಅಕ್ರಮವಾಗಿ ಮರಳನ್ನು ಸಾಗಾಟ ಮಾಡುತ್ತಿರುವುದು ಕಂಡು ಬಂದಿದ್ದು ಯಾವುದೇ ಪರವಾನಗಿಯಿಲ್ಲದೆ ಸಾಗಿಸುತ್ತಿದ್ದ ಮರಳು ಹಾಗೂ ಲಾರಿಯನ್ನು ವಶಪಡಿಸಿಕೊಂಡು ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Wednesday, June 28, 2017

ಪಾಲದಿಂದ ಬಿದ್ದು ಬಾಲಕನ ಮುರ್ಮರಣ:
     ಪಾಲ ದಾಟುತ್ತಿದ್ದ ಬಾಲಕನೋರ್ವ ಆಯ ತಪ್ಪಿ ಹೊಳೆಗೆ ಬಿದ್ದು ಸಾವನಪ್ಪಿದ ಘಟನೆ ನಾಪೋಕ್ಲು ಠಾಣಾ ವ್ಯಾಪ್ತಿಯ ನಾಲಡಿ ಗ್ರಾಮದಲ್ಲಿ ನಡೆದಿದೆ.  ಕೆ.ಪಿ. ಅಪ್ಪಣ್ಣ ಎಂಬವರು ಮಡಿಕೇರಿ ತಾಲೋಕಿನ ಕೋಪಟ್ಟಿ ಗ್ರಾಮದಲ್ಲಿ ವಾಸವಾಗಿದ್ದು ಅವರ ಮಗ 19 ವರ್ಷ ಪ್ರಾಯದ ಕುಶಾಲಪ್ಪ ಎಂಬಾತ ತನ್ನ ತಾಯಿ ಚೋಂದಮ್ಮ ನವರೊಂದಿಗೆ ನಾಲಡಿ ಗ್ರಾಮದ ಕೆ.ಕೆ. ರಘು ಎಂಬವರ  ಮನೆಗೆ ಹೋಗಿದ್ದು, ಬಿ.ಸಿ. ಮುತ್ತಣ್ಣ ಎಂಬವರ ತೋಟದೊಳಗೆ ಹೋಗುತ್ತಿದ್ದಾಗ ಹೊಳೆಗೆ ಅಡ್ಡಲಾಗಿ ಹಾಕಲಾದ ಮರದ ಪಾಲದಲ್ಲಿ ನಡೆದುಕೊಂಡು ದಾಟುವ ಸಂದರ್ಭದಲ್ಲಿ ಆಯ ತಪ್ಪಿ ಹೊಳೆಗೆ ಬಿದ್ದ ಕುಶಾಲಪ್ಪ ಸಾವನಪ್ಪಿದ್ದು, ನಾಪೋಕ್ಲು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.
ಆಸ್ತಿ ವಿವಾದ, ಗುಂಡು ಹೊಡೆದು ಕೊಲೆಗೆ ಯತ್ನ:
    ಆಸ್ತಿ ವಿವಾದದ ಹಿನ್ನೆಲೆಯಲ್ಲಿ ತೋಟಕ್ಕೆ ಅಕ್ರಮ ಪ್ರವೇಶ ಮಾಡಿ ವ್ಯಕ್ತಿಯನ್ನು ಗುಂಡು ಹೊಡೆದು ಕೊಲೆಗೆ ಯತ್ನಿಸಿದ ಘಟನೆ ಮಡಿಕೇರಿ ಗ್ರಾಮಾಂತರ ಠಾಣಾ ಸರಹದ್ದಿನ ಹೆರವನಾಡು ಗ್ರಾಮದಲ್ಲಿ ನಡೆದಿದೆ.  ಹೆರವನಾಡು ಗ್ರಾಮದ ನಿವಾಸಿ ಸೆಬಾಸ್ಟಿನ್ ಎಂಬವರು ದಿನಾಂಕ 27-6-2017 ರಂದು ತಮ್ಮ ತೋಟಕ್ಕೆ ತೋಟದ ರೈಟರ್ ಮಂದಣ್ಣನವರೊಂದಿಗೆ ಹೋಗಿದ್ದಾಗ, ಸದರಿ ತೋಟಕ್ಕೆ ಆರೋಪಿಗಳಾದ ನಾಣಯ್ಯ, ಪ್ರಿಯ ಪದ್ಮಾವತಿ, ಮುತ್ತಮ್ಮ ಮತ್ತು ರಘು ಎಂಬವರು ಅಕ್ರಮ ಪ್ರವೇಶ ಮಾಡಿ ಹಲ್ಲೆಗೆ ಯತ್ನಿಸಿದ್ದು ಅಲ್ಲದೆ, ಆರೋಪಿಗಳ ಪೈಕಿ ನಾಣಯ್ಯನವರು  ಕೋವಿಯಿಂದ ಮಂದಣ್ಣನವರ ಮೇಲೆ ಗುಂಡು ಹಾರಿಸಿ ಕೊಲೆಗೆ ಯತ್ನಿಸಿದ್ದು, ಅಲ್ಲದೆ ಸೆಬಾಸ್ಟಿನ್ ಮತ್ತು ಮಂದಣ್ಣನವರನ್ನು ಕೊಲೆ ಮಾಡುವುದಾಗಿ ಬೆದರಿಕೆ ಹಾಕಿರುತ್ತಾರೆಂದು ಫಿರ್ಯಾದಿ ಸೆಬಾಸ್ಟಿನ್ ರವರು ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.  
ನೇಣುಬಿಗಿದು ಮಹಿಳೆ ಆತ್ಮಹತ್ಯೆ:
      ಕುಶಾಲನಗರ ಗ್ರಾಮಾಂತರ ಪೊಲೀಸ್ ಠಾಣಾ ಸರಹದ್ದಿನ ಗೋಂದಿಬಸವನಳ್ಳಿ ಗ್ರಾಮದ ನಿವಾಸಿ ಶ್ರೀಮತಿ ಪುಟ್ಟಮ್ಮ ಎಂಬವರು ಇತ್ತೀಚೆಗೆ ಅನಾರೋಗ್ಯದಿಂದ ಬಳಲುತ್ತಿದ್ದು, ಜೀವನದಲ್ಲಿ ಜುಗುಪ್ಸೆಗೊಂಡು ದಿನಾಂಕ 26-6-2017 ರಂದು ತಮ್ಮ ಮನೆಯಲ್ಲಿ ಕುತ್ತಿಗೆಗೆ ನೇಣುಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುತ್ತಾರೆಂದು ಸದರಿ ಮಹಿಳೆಯ ಸಹೋದರ ಅಪ್ಪಾಜಿ ಎಂಬವರು ನೀಡಿದ ದೂರಿನ ಮೇರೆಗೆ ಕುಶಾಲನಗರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

Tuesday, June 27, 2017

ಕಾರಿಗೆ ದ್ವಿಚಕ್ರವಾಹನ ಡಿಕ್ಕಿ:

     ಕಾರೊಂದಕ್ಕೆ ಟಿವಿಎಸ್ ಮೊಪೆಡ್ ಬೈಕ್ ಡಿಕ್ಕಿಯಾಗಿ ಸವಾರರಿಬ್ಬರು ಗಾಯಗೊಂಡ ಘಟನೆ ಕುಶಾಲನಗರದ ಹತ್ತಿರದ ಹೆಬ್ಬಾಲೆ ಗ್ರಾಮದಲ್ಲಿ ನಡೆದಿದೆ. ದಿನಾಂಕ 26-6-2017 ರಂದು ಬೆಂಗಳೂರು ಮೂಲದ ಜಾನ್ ಸನ್ ಸಿಕ್ವೇರಾ ಎಂಬವರು ತಮ್ಮ ಪತ್ನಿಯೊಂದಿಗೆ ತಮ್ಮ ಬಾಪ್ತು ಟೊಯೊಟಾ ಕಾರಿನಲ್ಲಿ ಹಾಸನದಿಂದ ಕೊಣನೂರು ಮಾರ್ಗವಾಗಿ ಕುಶಾಲನಗರದ ಕಡೆಗೆ ಬರುತ್ತಿದ್ದಾಗ ಹೆಬ್ಬಾಲೆ ಗ್ರಾಮದ ಸೂಳೆಕೋಟೆ ಜಂಕ್ಷನ್ ತಲುಪಿದಾಗ ಎದುರುಗಡೆಯಿಂದ ಬಂದ ಟಿವಿಎಸ್ ಮೊಪೆಡ್ ಬೈಕ್ ಕಾರಿಗೆ ಡಿಕ್ಕಿಪಡಿಸಿದ ಪರಿಣಾಮ ಬೈಕ್ ನಲ್ಲಿ ಪ್ರಯಾಣಿಸುತ್ತಿದ್ದ ಸವಾರ ಮತ್ತು ಹಿಂಬದಿಯಲ್ಲಿ ಕುಳಿತಿದ್ದ ಮಹಿಳೆ ಕೆಳಗೆ ಬಿದ್ದು ಗಾಯಗೊಂಡಿರುತ್ತಾರೆಂದು  ಫಿರ್ಯಾದಿ ಜಾನ್ ಸನ್ ಸಿಕ್ವೇರಾರವರು ನೀಡಿದ ದೂರಿನ ಮೇರೆಗೆ ಕುಶಾಲನಗರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ,

ಜಾಗದ ವಿಚಾರದಲ್ಲಿ ಜಗಳ

     ಜಾಗದ ವಿಚಾರದಲ್ಲಿ ಮೂವರು ವ್ಯಕ್ತಿಗಳು ತಂದೆ, ಮಗನ ಮೇಲೆ ಹಲ್ಲೆ ನಡೆಸಿ ಕೊಲೆ ಬೆದರಿಕೆ ಒಡ್ಡಿದ ಘಟನೆ ಸಿದ್ದಾಪುರ ಠಾಣಾ ಸರಹದ್ದಿನ ಹೊಸೂರು ಗ್ರಾಮದಲ್ಲಿ ನಡೆದಿದೆ. ದಿನಾಂಕ 18.06.2017 ರಂದು ಸಮಯ 11:00 ಗಂಟೆಗೆ ಸಿದ್ದಾಪುರ ಠಾಣಾ ಸರಹದ್ದಿಗೆ ಸೇರಿದ ಹೊಸೂರು ಗ್ರಾಮದ ಕಾರೆಕಾಡು ಎಂಬಲ್ಲಿ ಬಿ.ಆರ್. ಜಗದೀಶ ಎಂಬವರೊಂದಿಗೆ ಆರೋಪಿಗಳಾದ ಬಿ.ಎ. ರವೀಂದ್ರ, ಬಿ.ಆರ್. ಮೀನಾಕ್ಷಿ, ಮತ್ತು ಬಿ,ಆರ್. ಬಿಪಿನ್ ರವರುಗಳು ಜಾಗದ ವಿಚಾರದಲ್ಲಿ ಜಗಳ ಮಾಡಿ ದೊಣ್ಣೆಯಿಂದ ಬಿ.ಆರ್. ಜಗದೀಶ್ ರವರ ಮೇಲೆ ಹಲ್ಲೆ ನಡೆಸಿದ್ದು ಅಲ್ಲದೆ ಕತ್ತಿಯಿಂದ ಅವರನ್ನು ಮತ್ತು ಅವರ ಮಗ ನನ್ನು ಕಡಿಯಲು ಹೋಗಿರುತ್ತಾರೆ ಮತ್ತು  ಅವಾಚ್ಯ ಶಬ್ದಗಳಿಂದ ಬೈದು ಕೊಲೆಬೆದರಿಕೆ ಹಾಕಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಸಿದ್ದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಮಾರುತಿ ಓಮ್ನಿ ಅಪಘಾತ ಇಬ್ಬರಿಗೆ ಗಾಯ:

     ಮಾರುತಿ ಓಮ್ನಿ  ಚಾಲಕನ ನಿಯಂತ್ರಣ ಕಳೆದುಕೊಂಡು ರಸ್ತೆ ಬದಿಯಲ್ಲಿ ಮಗುಚಿ ಬಿದ್ದ ಪರಿಣಾಮ ಇಬ್ಬರು ವ್ಯಕ್ತಿಗಳು ಗಾಯಗೊಂಡ ಘಟನೆ ಕಾಟಕೇರಿ ಸಾರ್ವಜನಿಕ ರಸ್ತೆಯಲ್ಲಿ ನಡೆದಿದೆ. ದಿನಾಂಕ 26-6-2017 ರಂದು ಬಂಟ್ವಾಳ ತಾಲೋಕು ಮುನ್ನೂರು ಗ್ರಾಮದ ಹಂಸ ಎಂಬವರು ತಮ್ಮ ಸ್ನೇಹಿತ ಹರೂನ್ ರಶೀದ್, ಜಝಿರಿಯಾ, ಮತ್ತು ಕಲಂಧರ್ ರವರು ಇಸ್ಮಾಯಿಲ್ ಎಂಬವರ ಬಾಪ್ತು KA-20-A-5738 ರ ಮಾರುತಿ ಓಮ್ನಿ ಯಲ್ಲಿ ರಂಜನ್ ಹಬ್ಬದ ಪ್ರಯುಕ್ತ ಮೈಸೂರಿನ ತಮ್ಮ ಸಂಬಂದಿಕರ ಮನೆಗೆ ಮಡಿಕೇರಿ ಮಾರ್ಗವಾಗಿ ಹೋಗುತ್ತಿದ್ದು ರಾತ್ರಿ 1.45 ಎ.ಎಂ ಗೆ ಮಡಿಕೇರಿ ಬಳಿಯ ಕಾಟಗೇರಿ ಎಂಬಲ್ಲಿ ಕಾರನ್ನು ಚಾಲಕ ಹರೂನ್ ರಶೀದ್ ರವರು ಅತೀವೇಗ ಹಾಗೂ ಅಜಾಗರೂಕತೆಯಿಂದ ಓಡಿಸಿದ ಪರಿಣಾಮ ಕಾರು ನಿಯಾಂತ್ರಣ ತಪ್ಪಿ ರಸ್ತೆ ಬದಿಯಲ್ಲಿ ಮಗುಚಿ ಬಿದ್ದಿದ್ದರಿಂದ ಕಾರು ಜಖಂಗೊಂಡು, ಚಾಲಕ ಹರೂನ್ ರಶೀದ್ ಮತ್ತು ಜಝಿರಿಯಾ ರವರಿಗೆ ರಕ್ತಗಾಯವಾಗಿದ್ದು, ಅವರನ್ನು ಆಸ್ಪತ್ರೆಗೆ ಚಿಕಿತ್ಸೆಗೆ ದಾಖಲಿಸಲಾಗಿದ್ದು, ಈ ಸಂಬಂಧ ಹಂಸರವರು ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.


ವ್ಯಕ್ತಿಯಿಂದ ಸೊಸೆ ಮೇಲೆ ಹಲ್ಲೆ:

     ಮಡಿಕೇರಿ ತಾಲೋಕು, ಕಾಲೂರು ಗ್ರಾಮದ ನಿವಾಸಿ ಶ್ರೀಮತಿ ದೀಪ್ತಿ ಎಂಬವರು ದಿನಾಂಕ 26-6-2017 ರಂದು ತಮ್ಮ ತವರು ಮನೆಯಿಂದ ಕಾಲೂರು ಗ್ರಾಮದಲ್ಲಿರುವ ತನ್ನ ಗಂಡನ ಮನೆಗೆ ಹೋದಾಗ ಆಕೆಯ ಮಾವ ಬಸಪ್ಪ ರವರು ಜಗಳ ಮಾಡಿ ದೊಣ್ಣೆಯಿಂದ ಅವರ ಶರೀರಕ್ಕೆ ಹಲ್ಲೆ ನಡೆಸಿದ್ದು ಅಲ್ಲದೆ ಜಗಳ ಬಿಡಿಸಲು ಬಂದ ಅವರ ಅತ್ತೆಯವರ ಮೇಲೂ ಹಲ್ಲೆ ನಡೆಸಿ ದೀಪ್ತಿರವರು ಧರಿಸಿದ್ದ ಚೂಡೀದಾರ್ ನ್ನು ಎಳೆದು ಹರಿದುಹಾಕಿ ಮಾನಭಂಗಕ್ಕೆ ಯತ್ನಿಸಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

Monday, June 26, 2017

ಮನುಷ್ಯ ಕಾಣೆ
                     ಶ್ರೀಮಂಗಲ ಬಳಿಯ ಟಿ ಶೆಟ್ಟಿಗೇರಿ ನಿವಾಸಿ ಉಳುವಂಗಡ ಜೀವನ್ ಎಂಬವರ ತಂದೆ ಯು.ಬಿ.ಅಯ್ಯಪ್ಪ ಎಂಬವರು ದಿನಾಂಕ 18/06/2017ರಂದು ವೈದ್ಯಕೀಯ ಚಿಕಿತ್ಸೆಗಾಗಿ ಮೈಸೂರಿಗೆ ಹೋಗಿದ್ದು ಇದುವರೆಗೂ ಮರಳಿ ಬಂದಿರುವುದಿಲ್ಲವೆಂದು ಜೀವನ್‌ರವರು ನೀಡಿದ ದೂರಿನ ಮೇರೆಗೆ  ಶ್ರೀಮಂಗಲ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಕ್ತಿ ಆತ್ಮಹತ್ಯೆ 
                        ದಿನಾಂಕ 24/06/2017ರಂದು ಶ್ರೀಮಂಗಲ ಬಳಿಯ ಹರಿಹರ ನಿವಾಸಿ ಸಿ.ಎ.ಚಿಟ್ಟಿಯಪ್ಪ ಎಂಬವರು ಮನೆಯಲ್ಲಿ ಯಾವುದೋ ವಿಷದ ಗೆಡ್ಡೆ ತಿಂದು ಅಸ್ವಸ್ಥರಾಗಿ ಆಸ್ಪತ್ರೆಗೆ ದಾಖಲಿಸಿದ್ದವರು 25/06/2017ರಂದು ಮೃತರಾಗಿರುವುದಾಗಿ ವರದಿಯಾಗಿದೆ. ಮೃತರ ಓರ್ವ ಮಗ ಸುಮಾರು ಆರು ತಿಂಗಳ  ಹಿಂದೆ ಮೃತರಾಗಿದ್ದು ಇದೇ ಕೊರಗಿನಲ್ಲಿ ಚಿಟ್ಟಿಯಪ್ಪನವರು ಆತ್ಮಹತ್ಯೆ ಮಾಡಿಕೊಂಡಿರಬಹುದಾಗಿ ನೀಡಿದ ದೂರಿನ ಮೇರೆಗೆ ಶ್ರೀಮಂಗಲ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಕತ್ತಿಯಿಂದ ಹಲ್ಲೆ
                          ದಿನಾಂಕ 25/06/2017ರಂದು ಪೊನ್ನಂಪೇಟೆ ಬಳಿಯ ಬೇಗೂರು ನಿವಾಸಿ ಎಸ್‌.ಕುಮಾರ ಎಂಬವರು ಪೊನ್ನಂಪೇಟೆ ನಗರದ ದುರ್ಗಾಬೋಜಿ ಬ್ರಾಂದಿ ಅಂಗಡಿಯ ಹಿಂಬದಿಗೆ ಮೂತ್ರ ವಿಸರ್ಜನೆಗೆಂದು ಹೋದಾಗ ಅಲ್ಲಿಗೆ ಬಂದ ಮಾಲಿಂಗ ಎಂಬಾತನು ಆತನ ತಮ್ಮ ರವಿ ಎಂಬಾತನಿಗೆ ಏಪ್ರಿಲ್ ತಿಂಗಳಿನಲ್ಲಿ ನಡೆದ ವಾಹನ ಅಫಘಾತಕ್ಕೆ ಸಂಬಂಧಿಸಿದಂತೆ ಹೆಚ್ಚಿನ ಚಿಕಿತ್ಸಾ ವೆಚ್ಚವನ್ನು ಕೇಳಿದ್ದು ಕುಮಾರರವರು ನಿರಾರಿಸಿದ ಕಾರಣಕ್ಕೆ ಕತ್ತಿಯಿಂದ ಕುಮಾರರವರ ಮೇಲೆ ಹಲ್ಲೆ ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಪೊನ್ನಂಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Sunday, June 25, 2017

ಕಳವು ಪ್ರಕರಣ
               ನಾಪೋಕ್ಲು ಠಾಣಾ ಸರಹದ್ದಿನ ಚೇಲವಾರ ಗ್ರಾಮದ ನಿವಾಸಿ ಸೋಮಯ್ಯ ಎಂಬುವವರು ಸಂಸಾರದೊಂದಿಗೆ ಮಂಡ್ಯದಲ್ಲಿ ವಾಸವಿದ್ದು, ದಿನಾಂಕ 24-06-2017 ರಂದು ಚೇಲವಾರಕ್ಕೆ ಬಂದು ತೋಟದ ಮನೆಗೆ ಹೋದಾಗ ಮನೆಯ ಮುಂದಿನ ಬಾಗಿಲಿನ ಬೀಗವನ್ನು ಯಾರೋ ಒಡೆದು ಒಳನುಗ್ಗಿ ಮನೆಯೊಳಗಿದ್ದ ಕಳೆ ಕೊಚ್ಚುವ ಯಂತ್ರ, ಸೋಲಾರ್ ತಟ್ಟೆ, ಬ್ಯಾಟರಿ ಮತ್ತು ಬಾಕ್ಸ್ ನ್ನು ಕಳವು ಮಾಡಿರುವುದು ಕಂಡು ಬಂದು ಈ ಬಗ್ಗೆ ನೀಡಿದ ದೂರಿನ ಮೇರೆಗೆ ನಾಪೋಕ್ಲು ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಪಾದಚಾರಿಗೆ ಕಾರು ಡಿಕ್ಕಿ
             ದಿನಾಂಕ 23-06-2017 ರಂದು ಕುಶಾಲನಗರದ ಜನತಾ ಕಾಲೋನಿಯ ನಿವಾಸಿ ಮೊಹಮ್ಮದ್ ಗೌಸ್ ಎಂಬುವವರು ಕೆಲಸ ಮುಗಿಸಿ ತಮ್ಮ ಮನೆಗೆ ರಾತ್ರಿ ಸಮಯ 10-30 ಗಂಟೆಗೆ ಗೌಡ ಸಮಾಜದ ಮುಂಭಾಗದ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿರುವಾಗ ಅವರ ಹಿಂಬದಿಯಿಂದ ಬಂದ ಕಾರನ್ನು ಚಾಲಕ ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಹೋಗಿ ಮೊಹಮ್ಮದ್ ಗೌಸ್ ರವರಿಗೆ ಡಿಕ್ಕಿ ಪಡಿಸಿ ನಿಲ್ಲಿಸದೇ ಹೋಗಿದ್ದು, ಗಾಯಗೊಂಡ ಮೊಹಮ್ಮದ್ ಗೌಸ್ ರವರನ್ನು ಚಿಕಿತ್ಸೆಯ ಬಗ್ಗೆ ಮೈಸೂರಿನ ಕೆ. ಆರ್ ಆಸ್ಪತ್ರೆಗೆ ದಾಖಲಿಸಿದ್ದು, ಈ ಬಗ್ಗೆ ಜಾಕೀರ್ ಹುಸೇನ್ ರವರು ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಆಸ್ತಿ ವಿಚಾರದಲ್ಲಿ ಬೆದರಿಕೆ
               ದಿನಾಂಕ 24-06-2017 ರಂದು ಸೋಮವಾರಪೇಟೆ ತಾಲೂಕಿನ ನಂದಿಗುಂದ ಗ್ರಾಮದ ನಿವಾಸಿ ಶ್ರೀಮತಿ ಚಿನ್ನಮ್ಮ ಎಂಬುವವರೊಂದಿಗೆ ಆಸ್ತಿ ವಿಚಾರದಲ್ಲಿ ಅದೇ ಗ್ರಾಮದ ನಂದ, ದಾಸಯ್ಯ, ಚಂದ್ರಪ್ಪ, ಉಮೇಶ, ಸತೀಶ, ಕೆಂಚಮ್ಮ ಮತ್ತು ಇತರರು ಜಗಳ ತೆಗೆದು ಕೊಲೆ ಬೆದರಿಕೆ ಹಾಕಿರುವುದಾಗಿ ಚಿನ್ನಮ್ಮನವರು ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಅಪರಿಚಿತ ವ್ಯಕ್ತಿಯ  ಕೊಲೆ
              ದಿನಾಂಕ 24-06-2017 ರಂದು ಮಡಿಕೇರಿ ತಾಲೂಕಿನ ಮಕ್ಕಂದೂರು ಗ್ರಾಮದ ಕುಪ್ಪಂಡ ಮಂದಣ್ಣನವರ ತೋಟದಲ್ಲಿ ಕೆಲಸ ಮಾಡುತ್ತಿರುವ ಮಹದೇವ ಎಂಬುವವರು ನಡೆದುಕೊಂಡು ಹೋಗುತ್ತಿರುವಾಗ ದಾರಿಯಲ್ಲಿ ಮನುಷ್ಯನ ಕಾಲು ಬಿದ್ದಿದ್ದು, ಪಕ್ಕದ ಕೆರೆಯಲ್ಲಿ ನೋಡಲಾಗಿ ಕಾಲು ಮತ್ತು ತಲೆ ಇಲ್ದದ ಮೃತದೇಹ ಕೆರೆಯಲ್ಲಿ ತೇಲುತ್ತಿದ್ದು, ಅಪರಿಚಿತ ವ್ಯಕ್ತಿಯನ್ನು ಕೊಲೆ ಮಾಡಿ ತಲೆ ಮತ್ತು ಕಾಲನ್ನು ಕಡಿದು ಮೃತ ಶರೀರವನ್ನು ಕಲ್ಲಿನಿಂದ ಕಟ್ಟಿ ಕೆರೆಗೆ ಹಾಕಿರುವುದು ಕಂಡುಬಂದಿದ್ದು, ಈ ಬಗ್ಗೆ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ತನಿಖೆ ಕೈಗೊಂಡಿರುತ್ತಾರೆ.



Saturday, June 24, 2017

ಅಪಘಾತ ಪ್ರಕರಣ
                ದಿನಾಂಕ 23-06-2017 ರಂದು ಸೋಮವಾರಪೇಟೆಯ ನಿವಾಸಿ ಲಕ್ಷ್ಮಣ ಮತ್ತು ತಮ್ಮಣ್ಣೇಗೌಡರವರು ಮೋಟಾರು ಸೈಕಲಿನಲ್ಲಿ ಕುಶಾಲನಗರದಿಂದ ಹೋಗುತ್ತಿರುವಾಗ ಮದಲಾಪುರ ಜಂಕ್ಷನ್ ತಲುಪುವಾಗ ಎದುರುಗಡೆಯಿಂದ ಕೆ.ಎಸ್.ಆರ್.ಟಿ.ಸಿ ಬಸ್ಸನ್ನು ಚಾಲಕ ಅಜಾಗರೂಕತೆಯಿಂದ  ಚಾಲನೆ ಮಾಡಿಕೊಂಡು ಹೋಗಿ ಮೋಟಾರು ಸೈಕಲಿಗೆ ಡಿಕ್ಕಿ ಪಡಿಸಿದ ಪರಿಣಾಮ ಮೋಟಾರು ಸೈಕಲ್ ಚಾಲಕ ಲಕ್ಷ್ಮಣ ಮತ್ತು ತಮ್ಮಣ್ಣೇಗೌಡರಿಗೆ ಗಾಯಗಳಾಗಿದ್ದು  ಈ ಬಗ್ಗೆ ಕುಶಾಲನಗರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.
 
ವ್ಯಕ್ತಿಯ ಮೇಲೆ ಹಲ್ಲೆ
               ಕ್ಷುಲ್ಲಕ ಕಾರಣಕ್ಕೆ ವ್ಯಕ್ತಿಯ ಮೇಲೆ ಹಲ್ಲೆ ನಡೆಸಿದ ಘಟನೆ ವಿರಾಜಪೇಟೆ ತಾಲೂಕಿನ  ಸುಳುಗೋಡು ಗ್ರಾಮದಲ್ಲಿ ವರದಿಯಾಗಿದೆ. ದಿನಾಂಕ 23-06-2017 ರಂದು ಸುಳುಗೋಡು ಗ್ರಾಮದ ನಿವಾಸಿ ಕಾಂಡೇರ  ಉತ್ತಪ್ಪನವರು ರಸ್ತೆಯಲ್ಲಿ ಹೋಗುತ್ತಿರುವಾಗ  ಅದೇ ಗ್ರಾಮದ ಕಾಂಡೇರ  ವಸಂತಕುಮಾರ್, ಅಕ್ಷಯ್ ಮತ್ತು ಬಾದಲ್ ಎಂಬುವವರು ಉತ್ತಪ್ಪನವರನ್ನು ದಾರಿ ತಡೆದು ವಿನಾ ಕಾರಣ ಜಗಳ ತೆಗೆದು ಹಲ್ಲೆ ನಡೆಸಿದ್ದು ಈ ಬಗ್ಗೆ ಉತ್ತಪ್ಪನವರು ನೀಡದ ದೂರಿನ ಮೇರೆಗೆ ಪೊನ್ನಂಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.
 
 
 

Friday, June 23, 2017

ಬೈಕ್ ಅವಘಡ, ಗಾಯ
                       ದಿನಾಂಕ 21/06/2017ರಂದು ಪಿರಿಯಾಪಟ್ಟಣ ತಾಲೂಕಿನ ದೊರೆಕೆರೆ ನಿವಾಸಿ ಶಿವಕುಮಾರ್ ಎಂಬವರ ಅಕ್ಕನ ಮಗ ಮಂಜು ಎಂಬಾತನು ಆತನ ಮೋಟಾರು ಸೈಕಲ್ ಸಂಖ್ಯೆ ಕೆಎ-45-ಎಕ್ಸ್-3394ರಲ್ಲಿ ಸೋಮವಾರಪೇಟೆಯಿಂದ ಕುಶಾಲನಗರ ಬಳಿಯ ಕೂಡಿಗೆ ಕೊಪ್ಪಲು ಬಳಿ ಬರುತ್ತಿರುವಾಗ ರಸ್ತೆಯಲ್ಲಿ ಹಸುವೊಂದು ಅಡ್ಡ ಬಂದ ಪರಿಣಾಮ ಬೈಕು ಮಂಜುರವರ ನಿಯಂತ್ರಣ ತಪ್ಪಿ ಅಫಘಾತಕ್ಕೀಡಾದ ಪರಿಣಾಮ ಮಂಜುರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಅಕ್ರಮ ಮರಳು ಸಾಗಾಟ
                  ದಿನಾಂಕ 22/06/2017ರಂದು ಶನಿವಾರಸಂತೆ ಠಾಣೆಯ ಪಿಎಸ್‌ಐ ಹೆಚ್‌.ಎಂ.ಮರಿಸ್ವಾಮಿರವರು ಗಸ್ತು ಕರ್ತವ್ಯದಲ್ಲಿದ್ದಾಗ ಕಿರು ಬಿಳಹ ಗ್ರಾಮದ ಕೆಲವೆಡೆ ಮಂಜು ಮತ್ತು ಇತರರು ಸೇರಿಕೊಂಡು ಸುಮಾರು ರೂ.30,000/- ಮೌಲ್ಯದ ಮರಳನ್ನು ಅಕ್ರಮವಾಗಿ ಶೇಖರಿಸಿಟ್ಟಿರುವುದಾಗಿ ದೊರೆತ ಮಾಹಿತಿಯ ಮೇರೆಗೆ ಸ್ಥಳಕ್ಕೆ ತೆರಳಿ ಮರಳನ್ನು ವಶಪಡಿಸಿಕೊಂಡು ಶನಿವಾರಸಂತೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ರಿಕ್ಷಾಕ್ಕೆ ಕಾರು ಡಿಕ್ಕಿ
                    ದಿನಾಂಕ 22/6/2017ರಂದು ಸೋಮವಾರಪೇಟೆಯ ಬಜೆಗುಂಡಿ ನಿವಾಸಿ ಬಿ.ಜಿ.ಧನಂಜಯ ಎಂಬವರು ಅವರ ಆಟೋ ರಿಕ್ಷಾ ಸಂಖ್ಯೆ ಕೆಎ-12-ಎ-9594ರಲ್ಲಿ ಅವರ ಮಕ್ಕಳಾದ ಗಾಯನ ಮತ್ತು ಮನುಶ್ರೀರವರನ್ನು ಕರೆದುಕೊಂಡು ಸೋಮವಾರಪೇಟೆಯಿಂದ ಬಜೆಗುಂಡಿಗೆ ಹೋಗುತ್ತಿರುವಾಗ ಬಜೆಗುಂಡಿಯ ಮಾರಿಯಮ್ಮ ದೇವಸ್ಥಾನದ ಬಳಿ ಎದುರುಗಡೆಯಿಂದ ಕೆಎ-09-ಜೆಡ್-6336ರ ಕಾರನ್ನು ಅದರ ಚಾಲಕ ಅತಿ ವೇಗ ಮತ್ತು  ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಧನಂಜಯರವರ ರಿಕ್ಷಾಕ್ಕೆ ಡಿಕ್ಕಿಪಡಿಸಿದ ಪರಿಣಾಮ ರಿಕ್ಷಾ ಮಗುಚಿಕೊಂಡು ಅದರಲ್ಲಿದ್ದ ಗಾಯನ ಮತ್ತು ಮನುಶ್ರೀರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಬೈಕ್‌ ಕಳವು
                  ದಿನಾಂಕ 22/06/2017ರಂದು ಮುಂಜಾನೆ 5:00 ಗಂಟೆಗೆ ಸಿದ್ದಾಪುರ ಬಳಿಯ ಗುಹ್ಯ ಗ್ರಾಮದ ನಿವಾಸಿ ಎಂ.ಎ.ವಾಜಿದ್ ಎಂಬವರು ಅವರ ಕೆಎ-12-ಎಲ್-4852ರ ಮೋಟಾರು ಸೈಕಲನ್ನು ಸಿದ್ದಾಪುರ ನಗರದ ವಿರಾಜಪೇಟೆ ರಸ್ತೆಯ ಬದಿಯಲ್ಲಿ ನಿಲ್ಲಿಸಿ ಅಲ್ಲೇ ಇದ್ದ ಮಸೀದಿಗೆ ನಮಾಜು ಮಾಡಲೆಂದು ತೆರಳಿದ್ದು ನಂತರ ಬೆಳಿಗ್ಗೆ 9:30 ಗಂಟೆಗೆ ಬಂದು ನೋಡುವಾಗ ಅಲ್ಲಿ ನಿಲ್ಲಿಸಿದ್ದ ಬೈಕನ್ನು ಯಾರೋ ಕಳ್ಳರು ಕಳವು ಮಾಡಿರುವುದು ಕಂಡು ಬಂದಿರುವುದಾಗಿ ನೀಡಿದ  ದೂರಿನ ಮೇರೆಗೆ  ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಪರಸ್ಪರ ಕಾರು ಡಿಕ್ಕಿ
                       ದಿನಾಂಕ 22/06/2017ರಂದು ಪುತ್ತೂರು ನಿವಾಸಿ ಶಶಾಂಕ್‌ ಎಂಬವರು ಅವರ ತಾಯಿ ತಂಗಿ ಮತ್ತು ಸ್ನೇಹಿತರೊಂದಿಗೆ ಅವರ ಕೆಎ-21-ಎನ್-7574ರ ಕಾರಿನಲ್ಲಿ ಮಡಿಕೇರಿಗೆ ಪ್ರವಾಸಕ್ಕೆಂದು ಬರುತ್ತಿರುವಾಗ ಮಡಿಕೇರಿ ಬಳಿಯ ಕಾಟಕೇರಿಯಲ್ಲಿ ಎದುರುಗಡೆಯಿಂದ ಕೆಎಲ್-80-ಕೆ-755ರ ಅದರ ಚಾಲಕ ಕೇರಳದ ಕಾಸರಗೋಡಿನ ಅಹಮದ್ ಅಶೀಕ್‌ ಎಂಬವರು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು   ಶಶಾಂಕ್‌ರವರು ಪ್ರಯಾಣಿಸುತ್ತಿದ್ದ ಕಾರಿಗೆ ಡಿಕ್ಕಿಪಡಿಸಿದ  ಪರಿಣಾಮ ಕಾರಿನಲ್ಲಿದ್ದ ಶಶಾಂಕ್‌ರವರ ತಾಯಿ ಜ್ಯೋತಿ ಮತ್ತು ಸ್ನೇಹಿತ ವಿಷ್ಟುರವರಿಗೆ ಗಾಯಗಳಾಗಿ ಕಾರಿಗೆ ಹಾನಿಯುಂಟಾಗಿರುವುದೆಂದು ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Thursday, June 22, 2017

ಬೈಕ್‌ ಅಫಘಾತ
                        ದಿನಾಂಕ 20/6/2017ರಂದು ಕುಶಾಲನಗರದ ಮಾರುಕಟ್ಟೆ ರಸ್ತೆ ಬಳಿ ಲಿಯಾಕತ್ ಆಲಿ ಎಂಬವರು ರಸ್ತೆ ಬದಿಯಲ್ಲಿ ನಡೆದುಕೊಂಡು ಹೋಗುತ್ತಿರುವಾಗ ಮಹಾರಾಜ ಜಂಕ್ಷನ್ ಕಡೆಯಿಂದ ಕೆಎ-12-ಹೆಚ್‌-5732ರ ಬೈಕನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಲಿಯಾಕತ್‌ ಆಲಿರವರಿಗೆ ಡಿಕ್ಕಿಪಡಿಸಿದ ಪರಿಣಾಮ ಲಿಯಾಕತ್‌ ಆಲಿರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ವ್ಯಕ್ತಿ ಸಾವು
                        ದಿನಾಂಕ 20/06/2017ರಂದು ಶ್ರೀಮಂಗಲ ಬಳಿಯ ಕಾನೂರು ನಿವಾಸಿ ಪಣಿ ಎರವರ ಗಣೇಶ ಎಂಬಾತನು ಕುಮಟೂರು ಗ್ರಾಮದ ಕಳ್ಳಂಗಡ ಪೂವಯ್ಯ ಎಂಬವರ ಮನೆಗೆ ಕೂಲಿ ಕೆಲಸಕ್ಕೆ ಹೋಗಿದ್ದು ಅಲ್ಲಿ ಯಾವುದೋ ಹಳೆಯ ಮಾತ್ರೆ ಸೇವಿಸಿ ತೀವ್ರವಾಗಿ ಅಸ್ವಸ್ಥನಾದ ಗಣೇಶನನ್ನು ಪೂವಯ್ಯನವರು ಕೂಡಲೇ ಚಿಕಿತ್ಸೆಗಾಗಿ ಗೋಣಿಕೊಪ್ಪ ಸರ್ಕಾರಿ ಆಸ್ಪತ್ರೆಗೆ ಸಾಗಿಸಿದ್ದು ಚಿಕಿತ್ಸೆ ಫಲಕಾರಿಯಾಗದೆ ದಿನಾಂಕ 21/06/2017ರಂದು ಗಣೇಶನು ಮೃತನಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ  ಶ್ರೀಮಂಗಲ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಬೈಕಿಗೆ ಕಾರು ಡಿಕ್ಕಿ
                    ದಿನಾಂಕ 21/06/2017ರಂದು ನಾಪೋಕ್ಲು ಬಳಿಯ ನರಿಯಂದಡ ನಿವಾಸಿ ಮಹಮದ್ ಹನೀಫ್‌ ಎಂಬವರು ಅವರ ಮೋಟಾರು ಸೈಕಲ್ ಸಂಖ್ಯೆ ಕೆಎ-12-ಎಲ್-8324ರಲ್ಲಿ ವಿರಾಜಪೇಟೆ ನಗರದ ಮೂರ್ನಾಡು ರಸ್ತೆಯ ಕುಲುಮೆ ಜಂಕ್ಷನ್ ಬಳಿ ಹೋಗುತ್ತಿರುವಾಗ ಎದುರುಗಡೆಯಿಂದ ಕೆಎ-12-ಎನ್-4201ರ ಆಲ್ಟೋ ಕಾರನ್ನು ಅದರ ಚಾಲಕ ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಮಹಮದ್ ಹನೀಫ್‌ರವರ  ಬೈಕಿಗೆ ಡಿಕ್ಕಿ ಪಡಿಸಿದ ಪರಿಣಾಮ ಅವರಿಗೆ ಗಾಯಗಳಾಗಿ ಬೈಕಿಗೆ ಹಾನಿಯುಂಟಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಕ್ತಿಯ ಸಾವು
                     ಸಿದ್ದಾಪುರ ಬಳಿಯ ಬೈರಂಬಾಡ ನಿವಾಸಿ ಪ್ರಭಾವತಿ ಎಂಬವರ ಪತಿ ರವಿ ಎಂಬವರಿಗೆ ಸುಮಾರು 6 ವರ್ಷಗಳ ಹಿಂದೆ ಲಕ್ವ ಹೊಡೆದಿದ್ದು ನಡೆದಾಡಲು ಸಾಧ್ಯವಾಗದೆ ಮನೆಯಲ್ಲಿಯೇ ಇದ್ದು ದಿನಾಂಕ 21/06/2017ರಂದು ಮದ್ಯಾಹ್ನ ಪ್ರಭಾವತಿಯವರು ಮನೆಯಲ್ಲಿ ಊಟ ಮಾಡಿ ಕೆಲಸಕ್ಕೆ ಹೋಗಿದ್ದು ವಾಪಾಸು ಬಂದಾಗ ಪತಿ ರವಿಯವರು ಮಲಗಿದ್ದು ಅವರನ್ನು ತಟ್ಟಿ ಕರೆದು ಎಬ್ಬಿಸಿದಾಗ ಆತನ ಮೈಉ ತಣ್ಣಗಾಗಿದ್ದು ಕೂಡಲೆ ಆಕೆಯು ಕಿರುಚಿಕೊಂಡಿದ್ದು ಆಕೆಯ ಕಿರುಚಾಟ ಕೇಳಿ ಪಕ್ಕದ ಮನೆಯ ಯಶೋಧರ ಎಂಬವರು ಬಂದು ನೋಡಿದಾಗ ರವಿಯವರು ಮೃತಪಟ್ಟಿರುವುದಾಗಿ ತಿಳಿದು ಬಂದಿರುವುದಾಗಿ ನೀಡಿದ ದೂರಿನ ಮೇರೆಗೆ ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Wednesday, June 21, 2017

 ಟಿಪ್ಪರ್ ಲಾರಿಗೆ ಕಾರು ಡಿಕ್ಕಿ:

ಟಿಪ್ಪರ್ ಲಾರಿಗೆ ಕಾರು ಡಿಕ್ಕಿಯಾಗಿ ಎರಡೂ ವಾಹನಗಳು ಜಖಂಗೊಂಡು ಕಾರಿನ ಚಾಲಕ ಗಾಯಗೊಂಡಿರುವ ಘಟನೆ ಮಡಿಕೇರಿ ಹತ್ತಿರದ ಕಾಟಕೇರಿಯಲ್ಲಿ ಸಂಭವಿಸಿದೆ. ಬಾಗಲಕೋಟೆ ಜಿಲ್ಲೆಯ ಕೆರೂರು`ಗ್ರಾಮದ ನಿವಾಸಿ ವಾಸು ಲಮಾಣಿ ಎಂಬವರು ಕೆಎ-21-ಎ-5756 ರ ಟಿಪ್ಪರ್ ಲಾರಿಯಲ್ಲಿ ಚಾಲಕರಾಗಿದ್ದು, ದಿನಾಂಕ 20-06-2017 ರಂದು ಸದರಿ ಲಾರಿಯನ್ನು ಮಡಿಕೇರಿಯಿಂದ ಪುತ್ತೂರಿಗೆ ಚಾಲನೆಮಾಡಿಕೊಂಡು ಹೋಗುತ್ತಿರುವಾಗ, ಸಮಯ ಪೂರ್ವಾಹ್ನ 11.30 ಗಂಟೆಗೆ ಕಾಟಗೇರಿ ಗ್ರಾಮದಲ್ಲಿ ಎದುರಿನಿಂದ ಬಂದ ಕೆಎ-12-ಎನ್-2575 ರ ಸ್ಕಾಫೀಯೋ ಕಾರು ಟಿಪ್ಪರ್ ಲಾರಿಗೆ ಡಿಕ್ಕಿಯಾಗಿದ್ದು, ಪರಿಣಾಮ ಎರಡು ವಾಹನಗಳು ಜಖಂಗೊಂಡು ಸ್ಕಾಫೀಯೋ ಕಾರಿನ ಚಾಲಕ ರಮೇಶ್ ರವರಿಗೆ ರಕ್ತಗಾಯವಾಗಿದ್ದು,ಈ ಸಂಬಂಧ  ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.

ಹಣದ ವಿಚಾರದಲ್ಲಿ ವ್ಯಕ್ತಿ ಮೇಲೆ ಹಲ್ಲೆ:

     ಕುಶಾಲನಗರ ಗ್ರಾಮಾಂತರ ಠಾಣಾ ವ್ಯಾಪ್ತಿಯ ಬಸವನಳ್ಳಿ ಗ್ರಾಮದ ಚಾತು ಎಂಬವರು ದಿನಾಂಕ 20.06.2017 ರಂದು ಸಮಯ 09.30 ಗಂಟೆಗೆ ತಮ್ಮ ಮನೆಯ ಹೊರಗಡೆ ಕೆಲಸ ಮಾಡಿಕೊಂಡಿರುವಾಗ ಬಸವನಳ್ಳಿ ಗ್ರಾಮದ ನಿವಾಸಿಗಳಾದ 1. ಮಾಯನ್, 2. ವಿಘ್ನೇಶ, 3. ಮಂಜು ಮತ್ತು 4. ಸರಸು  ರವರುಗಳು ಚಾತುರವರ ಬಳಿ ಹೋಗಿ ಅವಾಚ್ಯ ಶಬ್ದಗಳಿಂದ ಬೈದು,  ಚಾತುರವರು ಹಣ ಕೇಳಿದ ವಿಚಾರದಲ್ಲಿ ಜಗಳ ಮಾಡಿ ಕಬ್ಬಿಣದ ಪೈಪ್, ಮರದ ದೊಣ್ಣೆ ಮತ್ತು ಕಲ್ಲಿನಿಂದ ಹಲ್ಲೆ ನಡೆಸಿ ಗಾಯಪಡಿಸಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಕುಶಾಲನಗರ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಕಾರಿಗೆ ಲಾರಿ ಡಿಕ್ಕಿ, ಒಬ್ಬನಿಗೆ ಗಾಯ:

     ಬೆಂಗಳೂರಿನ ನಿವಾಸಿ ಸುರೇಶ ಎಂಬವರು ದಿನಾಂಕ 20/6/17 ರಂದು ತಮ್ಮ ಸ್ನೇಹಿತ ಹನುಮಂತ್ ರಾಜ್‌ ರವರೊಂದಿಗೆ ಕಾರು ನಂ ಕೆಎ-01 ಎಂಕ್ಯೂ 5679 ರಲ್ಲಿ ಮಡಿಕೇರಿ ಕಡೆಯಿಂದ ಹೆಬ್ಬಾಲೆ ಮಾರ್ಗವಾಗಿ ಬೆಂಗಳೂರಿಗೆ ಹೋಗುತ್ತಿರುವಾಗ ಶಿರಂಗಾಲ ಗ್ರಾಮದ ಸಾರ್ವಜನಿಕ ರಸ್ತೆಯಲ್ಲಿ ಎದುರುಗಡೆಯಿಂದ ಬಂದ ಕೆಎ-45- 6574 ರ ಲಾರಿ ಚಾಲಕ ಸದರಿ ಲಾರಿಯನ್ನು ಅತಿವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಸುರೇಶರವರ ಕಾರಿಗೆ ಡಿಕ್ಕಿಪಡಿಸಿದ ಪರಿಣಾಮ ಕಾರಿನ ಮುಂದಿನ ಬಲ ಭಾಗ ಪೂರ್ಣ ಜಖಗೊಂಡು ಕಾರಿನಲ್ಲಿದ್ದ ಹನುಮಂತ ರಾಜ್‌ ರವರು ಗಾಯಗೊಂಡಿದ್ದು, ಈ ಸಂಬಂಧ ಸುರೇಶ್ ರವರು ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. 

ಪಾದಚಾರಿಗೆ ಅಪರಿಚಿತ ವಾಹನ ಡಿಕ್ಕಿ:

   ಪಾದಚಾರಿಯೊಬ್ಬರಿಗೆ ಅಪರಿಚಿತ ವಾಹನವೊಂದು ಡಿಕ್ಕಿಯಾಗಿ ಸದರಿಯವರಯ ಗಾಯಗೊಂಡ ಘಟನೆ ಗೋಣಿಕೊಪ್ಪ ನಗರದ ಆರ್.ಎಂ.ಸಿ. ಕಛೇರಿ ಬಳಿ ನಡೆದಿದೆ. ನಾಯಕರ ಸುಬ್ರಮಣಿ ಎಂಬವರು ದಿನಾಂಕ 20-6-2017 ರಂದು ಗೋಣಿಕೊಪ್ಪ ನಗರದ ಆರ್.ಎಂ.ಸಿ. ಕಟ್ಟಡದ ಮುಂದಿನ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದಾಗ ಗೋಣಿಕೊಪ್ಪ ನಗರದ ಕಡೆಯಿಂದ ಬಂದ ಅಪರಿಚಿತ ಕಾರು ಡಿಕ್ಕಿಯಾಗಿ ಗಾಯಗೊಂಡಿದ್ದು, ಸಂಬಂಧ ಗೋಣಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.

Tuesday, June 20, 2017

ರಸ್ತೆ ಅಫಘಾತ, ಮಹಿಳೆ ಸಾವು 
                            ದಿನಾಂಕ 16/6/2017ರಂದು ಕುಶಾಲನಗರ ಬಳಿಯ ಕಾಳಮ್ಮ ಕಾಲೋನಿ ನಿವಾಸಿ ಕಾವೇರಮ್ಮ ಎಂಬ ಮಹಿಳೆಯು ನಡೆದುಕೊಂಡು ಕುಶಾಲನಗರದ ಮಹಾರಾಜ ಜಂಕ್ಷನ್‌ ಕಡೆಯಿಂದ ಬರುತ್ತಿರುವಾಗ ಕೊಪ್ಪದ ಕಡೆಯಿಂದ ಕೆಎ-12-ಕ್ಯು-6815ರ ಸ್ಕೂಟರನ್ನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಕಾವೇರಮ್ಮನವರಿಗೆ ಡಿಕ್ಕಿಪಡಿಸಿದ ಪರಿಣಾಮ ಕಾವೇರಮ್ಮ ಹಾಗೂ ಸ್ಕೂಟರ್‌ನಲ್ಲಿದ್ದ ಆಸಿಫ್‌ ಎಂಬವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದು  ಮೈಸೂರಿನ ಕೆ.ಆರ್‌.ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಗಾಯಾಳು  ಕಾವೇರಮ್ಮನವರು ಚಿಕಿತ್ಸೆ ಫಲಕಾರಿಯಾಗದೆ ದಿನಾಂಕ 18/07/2017ರಂದು ಮೃತರಾಗಿದ್ದು ಕುಶಾಲನಗರ ಸಂಚಾರಿ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ. 

ಗಂಡಸು ಕಾಣೆ
                ಕುಶಾಲನಗರದ ರಾಧಾಕೃಷ್ಣ ಬಡಾವಣೆಯ ನಿವಾಸಿ  ಪಿ.ಬಿ.ಶೋಭಾ ಎಂಬವರ ತಮ್ಮ ಪಿ.ಎಂ.ಮೋಹನ ಎಂಬವರು ಸುಮಾರು ಆರು ತಿಂಗಳ ಹಿಂದೆ ಯಾವುದೋ ಕೆಲಸಕ್ಕಾಗಿ ಮೈಸೂರಿಗೆ ಹೋಗಿ ಬರುವುದಾಗಿ ತಿಳಿಸಿ ಹೋಗಿದ್ದು ಇದುವರೆಗೂ ಮರಳಿ ಬಾರದಿದ್ದು, ಎಲ್ಲಾ ಕಡೆ ಹುಡುಕಿದರೂ ಪತ್ತೆಯಾಗಿರುವುದಿಲ್ಲವೆಂದು ನೀಡಿದ ದೂರಿನ ಮೇರೆಗೆ ಕುಶಾಲನಗರ ಪಟ್ಟಣ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಬೈಕ್‌ ಅಫಘಾತ
                  ಕುಶಾಲನಗರ ಬಳಿಯ ಹೆಬ್ಬಾಲೆ ನಿವಾಸಿ ಷಡಕ್ಷರಿ ಎಂಬವರು ದಿನಾಂಕ 16/06/2017ರಂದು ರಾತ್ರಿ ವೇಳೆ ಶನಿವಾರಸಂತೆಯಲ್ಲಿ ಕೆಲಸ ಮುಗಿಸಿ ಅವರ ಕೊಠಡಿಯ ಕಡೆಗೆ ಹೋಗುತ್ತಿರುವಾಗ ನಗರದ ಬಿ.ಎಸ್‌.ಎನ್‌.ಎಲ್. ಕಚೇರಿಯ ಮುಂಭಾಗದ ರಸ್ತೆಯಲ್ಲಿ ಕೆಎ-12-ಆರ್‌-1249ರ ಮೋಟಾರು ಸೈಕಲನ್ನು ಅದರ ಚಾಲಕ ಗಿರೀಶ್‌ ಎಂಬಾತನು ಅತಿ ವೇಗ ಮತ್ತು ಆಜಾಗರೂಕತೆಯಿಂದ  ಚಾಲಿಸಿಕೊಂಡು ಬಂದು ಷಡಕ್ಷರಿರವರಿಗೆ ಡಿಕ್ಕಿಪಡಿಸಿದ ಪರಿಣಾಮ ಗಾಯಗೊಂಡ ಷಡಕ್ಷರಿರವರನ್ನು ಚಿಕಿತ್ಸೆ ಬಗ್ಗೆ ಹಾಸನದ ಆಸ್ಪತ್ರೆಗೆ ದಾಖಲಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಕ್ತಿಯ ಮೇಲೆ ಹಲ್ಲೆ  
                    ದಿನಾಂಕ 16/06/2017ರಂದು ಶ್ರೀಮಂಗಲ ಬಳಿಯ ಬೀರುಗ ನಿವಾಸಿ ವಿನಯ್‌ ಎಂಬವರು ತಾವಳಗೇರಿ ಗ್ರಾಮದ ಅವರ ಸೋದರ ಮಾವನ ಮನೆಗೆ ಭದ್ರಕಾಳಿ ಹಬ್ಬಕ್ಕೆಂದು ಹೋಗಿ ವಾಪಾಸು ಮನೆಗೆ ಬರುತ್ತಿರುವಾಗ  ದಾರಿ  ಮಧ್ಯೆ ಮಚ್ಚಾಮಾಡ ಸೋಮಣ್ಣ  ಮತ್ತು ಅವರ ಸಂಗಡಿಗರು ಕ್ಷುಲ್ಲಕ ಕಾರಣಕ್ಕೆ ವಿನಯ್‌ರವರೊಂದಿಗೆ ಜಗಳವಾಡಿ ಬಿಯರ್ ಬಾಟಲಿಯಿಂದ ತಲೆಗೆ ಹೊಡೆದು ಗಾಯಗೊಳಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ಶ್ರೀಮಂಗಲ ಪೊಲೀಸರು ಪ್ರಕರಣ ದಾಖಲಿಸಿ  ತನಿಖೆ ಕೈಗೊಂಡಿದ್ದಾರೆ. 

ಸೋಲಾರ್ ಯಂತ್ರ ಕಳವು
                     ಸಿದ್ದಾಪುರ ಬಳಿಯ ಚೆನ್ನಯ್ಯನಕೋಟೆ ನಿವಾಸಿ ಸಿ.ಬಿ. ಶಂಕು ಯಾನೆ ತಿಮ್ಮಯ್ಯ ಎಂಬವರು ಅವರ ತೋಟಕ್ಕೆ ಕಾಡಾನೆ ಹಾವಳಿಯನ್ನು ತಪ್ಪಿಸುವ ಸಲುವಾಗಿ ಅಳವಡಿಸಿದ್ದ ಸುಮಾರು ರೂ.22,000/- ಮೌಲ್ಯದ ಸೋಲಾರ್ ವಿದ್ಯುತ್‌ ಯಂತ್ರ, ಸೋಲಾರ್ ಪ್ಯಾನೆಲ್ ಮತ್ತು ಬ್ಯಾಟರಿಯನ್ನು ದಿನಾಂಕ 17/06/2017 ರಿಂದ 19/06/2017ರ ನಡುವೆ ಯಾರೋ ಕಳ್ಳರು ಕಳವು ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಕಾರು ಕಳವು
                 ದಿನಾಂಕ 18/06/2017ರಂದು ಗೋಣಿಕೊಪ್ಪ ಬಳಿಯ ಚೆನ್ನಂಗೊಲ್ಲಿ ನಿವಾಸಿ ಜೈವಿನ್ ಎಂಬವರು ಅವರ ಸ್ನೇಹಿತ ಬಿ.ವಿ.ಮನು ಎಂಬವರ ಕೆಎ-51-ಪಿ-4039ರ ಇಂಡಿಗೋ  ಕಾರನ್ನು ಜೈವಿನ್‌ರವರ ವಾಸದ ಮನೆಯ ಬಳಿ ರಸ್ತೆಯಲ್ಲಿ ನಿಲ್ಲಿಸಿ ಮನೆಗೆ ಹೋಗಿದ್ದು ದಿನಾಂಕ 19/06/2017ರಂದು ಬೆಳಿಗ್ಗೆ ನೋಡಿದಾಗ ನಿಲ್ಲಿಸದ್ದ ಕಾರನ್ನು ಯಾರೋ ಕಳ್ಳರು ಕಳವು ಮಾಡಿಕೊಂಡು ಹೋಗಿರುವುದು ಕಂಡು ಬಂದಿರುವುದಾಗಿ ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಬೈಕ್ ಅಫಘಾತ
ದಿನಾಂಕ 19/06/2017ರಂದು ಕುಸಾಲನಗರ ಗ್ರಾಮಾಂತರ ಪೊಲೀಸ್‌ ಠಾಣೆಯ ವಾಹನ ಚಾಲಕ ರಾಗಿರುವ ಟಿ.ಆರ್‌.ರಾಜುರವರು ಕರ್ತವ್ಯ ಮುಗಿಸಿ ಸ್ವಂತ ಕೆಲಸದ ನಿಮಿತ್ತ  ಅವರ   ಮೋಟಾರು ಬೈಕ್ ಸಂಖ್ಯೆ ಕೆಎ-12-ಹೆಚ್‌-4114ರಲ್ಲಿ ಕುಶಾಲನಗರದ ರೈತ ಭವನದ ಜಂಕ್ಷನ್ ಬಳಿ ತಲುಪುವಾಗ ರೈತ ಭವನದ ಒಳಗಿನ ರಸ್ತೆಯಿಂದ ಕೆಎ-12-ಹೆಚ್‌-2137ರ ಮೋಟಾರು ಬೈಕನ್ನು ಅದರ ಚಾಲಕ ಶಶಿಕುಮಾರ್ ಎಂಬಾತನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಕೆಎ-12-ಬಿ-2524ರ ರಿಕ್ಷಾಕ್ಕೆ ಡಿಕ್ಕಿಪಡಿಸಿ ನಂತರ ನಂತರ ರಾಜುರವರು ಚಾಲಿಸುತ್ತಿದ್ದ ಬೈಕಿಗೆ ಡಿಕ್ಕಿಪಡಿಸಿದ ಪರಿಣಾಮ ರಾಜುರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಪೊಲೀಸರು  ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Monday, June 19, 2017

ಪತ್ನಿಯ ಮೇಲೆ ಹಲ್ಲೆ
                         ದಿನಾಂಕ 18/06/2017ರಂದು ಪೊನ್ನಂಪೇಟೆ ಬಳಿಯ ಬೆಸಗೂರು ಗ್ರಾಮದ ಜಯಂತಿ ಕಾಲೋನಿ ನಿವಾಸಿ ಗಿರೀಶರವರನ್ನು ಆತನ ಪತ್ನಿ ಸುಮಿತ್ರ ಎಂಬವರು ಎರಡು ದಿನಗಳಿಂದ ಗಿರೀಶರವರು ಮನೆಗೆ ಬಾರದ ಬಗ್ಗೆ ವಿಚಾರಿಸಿದ್ದಕ್ಕೆ  ಗಿರೀಶರವರು ಸುಮಿತ್ರರವರನ್ನು ಅಶ್ಲೀಲ ಶಬ್ದಗಳಿಂದ ನಿಂದಿಸಿದುದನ್ನು ಸುಮಿತ್ರರವರ ತಾಯಿ ಗೌರಿರವರು ಆಕ್ಷೇಪಿಸಿದ ಕಾರಣಕ್ಕೆ ಗಿರೀಶರವರು ಕತ್ತಿಯಿಂದ ಗೌರಿರವರ ಮೇಲೆ ಹಲ್ಲೆ ಮಾಡಿ ಗಾಯಗೊಳಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ಪೊನ್ನಂಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಕ್ತಿಯ ಮೇಲೆ ಹಲ್ಲೆ
                      ದಿನಾಂಕ 18/06/2017ರಂದು ಸೋಮವಾರಪೇಟೆ ಬಳಿಯ ಹಾನಗಲ್ ನಿವಾಸಿ ಬಿ.ಎಸ್.ಸುನಿಲ್ ಎಂಬವರು ಸೋಮವಾರಪೇಟೆ ನಗರದ ಕಕ್ಕೆಹೊಳೆ ಜಂಕ್ಷನ್  ಬಳಿ ಮಿಥುನ್  ಎಂಬವರೊಂದಿಗೆ ಮಾತನಾಡುತ್ತಿರುವಾಗ ಸೋಮವಾರಪೇಟೆ ನಗರದ ಆಸ್ಟ್ರಾ ಕಾಫಿ ಅಂಗಡಿಯಲ್ಲಿ ಕೆಲಸ ಮಾಡಿಕೊಂಡಿರುವ ಓರ್ವ ವ್ಯಕ್ತಿ ಬಂದಿದ್ದು ಅದನ್ನು ಸುನಿಲ್‌ರವರು ವಿಚಾರಿಸಿದಾಗ ಆ ವ್ಯಕ್ತಿಯು ಬ್ಲೇಡ್‌ನಿಂದ ಸುನಿಲ್‌ರವರನ್ನು ತಿವಿದು ಗಾಯಗೊಳಿಸಿರುವುದಾಗಿ  ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಕ್ತಿಗೆ ಕಾರು ಡಿಕ್ಕಿ
                   ದಿನಾಂಕ 18/06/2017ರಂದು ಶನಿವಾರಸಂತೆ ಬಳಿಯ ದುಂಡಳ್ಳಿ ಅರಣ್ಯ ಕಚೇರಿ ಮುಂಭಾಗದ ಚಂರಂಡಿಯಲ್ಲಿ ಸುಂದರಮ್ಮ ಎಂಬ ಮಹಿಳೆಯೊಬ್ಬರು ಬಿದ್ದಿದ್ದು ಆಕೆಯನ್ನು ಕೂಜಗೇರಿ ನಿವಾಸಿ ಪ್ರಸನ್ನ ಎಂಬವರು ಎತ್ತಿ ವಿಚಾರಿಸಿದಾಗ ಆಕೆಯು  ಊರಿನಿಂದ ಶನಿವಾರಸಂತೆ ನಗರಕ್ಕೆ ಹೋಗುತ್ತಿರುವಾಗ ಯಾವುದೋ ಒಂದು ಕಾರಿನ ಚಾಲಕನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಕಾರನ್ನು ಚಾಲಿಸಿಕೊಂಡು ಬಂದು ಆಕೆಗೆ ಡಿಕ್ಕಿಪಡಿಸಿದ ಪರಿಣಾಮ ಆಕೆ ಚರಂಡಿಯೊಳಕ್ಕೆ ಬಿದ್ದು ಹೋಗಿದ್ದು ಕಾರಿನ ಚಾಲಕ ಕಾರನ್ನು ನಿಲ್ಲಿಸದೆ ಹೊರಟು ಹೋದ ಕಾರಣದಿಂದ ಕಾರಿನ ಸಂಖ್ಯೆ ತಿಳಿಯಲು ಸಾಧ್ಯವಾಗಿರುವುದಿಲ್ಲ ಎಂದು ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Sunday, June 18, 2017

ವ್ಯಕ್ತಿಯ ಮೇಲೆ ಹಲ್ಲೆ
                          ದಿನಾಂಕ 16/06/2017ರಂದು ವಿರಾಜಪೇಟೆ ಬಳಿಯ ಅಮ್ಮತ್ತಿ ಕಾರ್ಮಾಡು ಗ್ರಾಮದ ಟೈಟಾನಿಕ್‌ ಬಾರ್‌ನಲ್ಲಿ ವ್ಯವಸ್ಥಾಪಕ ಹರೀಶ್‌ರವರು ಕೆಲಸ ಮಾಡಿಕೊಂಡಿರುವಾಗ ಅದೇ ಗ್ರಾಮದ ನಿವಾಸಿಗಳಾದ ಕುಟ್ಟಂಡ ಬೋಪಣ್ಣ ಮತ್ತು ಉದ್ದಪಂಡ ದರ್ಶನ್‌ ಎಂಬವರು ಬಂದು ಈ ಹಿಂದೆ ಹೊರಗಿನಿಂದ ತಂದ ಮದ್ಯವನ್ನು ಬಾರ್‌ನಲ್ಲಿ ಸೇವಿಸುವ ಬಗ್ಗೆ ಹರೀಶ್‌ರವರು ಆಕ್ಷೇಪಿಸಿದ ವಿಚಾರವಾಗಿ ಜಗಳವಾಡಿ ಇಬ್ಬರೂ ಸೇರಿಕೊಂಡು ಹರೀಶ್‌ರವರ ಮೇಲೆ ಹಲ್ಲೆ ಮಾಡಿ ಹರೀಶ್‌ರವರ ಮೊಬೈಲ್‌ ಫೋನನ್ನು ಕೆಳಗೆ ಎಸೆದು ಹಾನಿಗೊಳಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಅಂಗಡಿ ಕಳವು
                           ಶನಿವಾರಸಂತೆ ನಿವಾಸಿ ಮಹೇಶ್‌ ಕೆ.ಟಿ. ಎಂಬವರು ಶನಿವಾರಸಂತೆ ನಗರದಲ್ಲಿ ಮೂಕಾಂಬಿಕಾ ಕಾಫಿ ಲಿಂಕ್ಸ್‌ ಹೆಸರಿನಲ್ಲಿ ವ್ಯಾಪಾರ ಮಾಡುತ್ತಿದ್ದು ದಿನಾಂಕ 17/06/2017ರಂದು ಓರ್ವ ಮಧ್ಯ ವಯಸ್ಕ ವ್ಯಕ್ತಿ ಬಂದು ಸುಮಾರು 4 ಕೆ.ಜಿ.ಕರಿಮೆಣಸು ಖರೀದಿಸಿ ಹಣಕ್ಕೆ ಚಿಲ್ಲರೆ ಇಲ್ಲದ ಕಾರಣ ಕರಿ ಮೆಣಸನ್ನು ಅಲ್ಲೇ ಬಿಟ್ಟು ಹೋಗಿದ್ದು ನಂತರ ಸಂಜೆ ವೇಳೆ ಅದೇ ವ್ಯಕ್ತಿ ಬಂದು ಕರಿಮೆಣಸನ್ನು ಖರೀದಿಸಿ ಹಣ ನೀಡುವ ಹೊತ್ತಿಗೆ ಮಹೇಶ್‌ರವರು ವ್ಯಾಪಾರಕ್ಕೆಂದು ತಂದಿದ್ದ 2 ಲಕ್ಷ ಹಣವನ್ನು ಕ್ಯಾಷ್ ಡ್ರಾಯರ್‌ಗೆ ಹಾಕಿದ್ದು ಆ ವ್ಯಕ್ತಿಯು ಹೊರಟು ಹೋಗಿರುವುದಾಗಿದೆ. ತದನಂತರ ಸ್ವಲ್ಪ ಹೊತ್ತಿಗೆ ಸುಮಾರು 25 ವರ್ಷ ಪ್ರಾಯದ ಮತ್ತೋರ್ವ ವ್ಯಕ್ತಿ ಬಂದು ಆತನ ಬಳಿ ಸುಮಾರು 35 ಕೆ.ಜಿ. ಕರಿಮೆಣಸು ಇದ್ದು ಖರೀದಿಸುವಂತೆ ಕೇಳಿದಾಗ ಮಹೇಶ್‌ರವರು ಒಪ್ಪಿ ಕರಿ ಮೆಣಸನ್ನು ತರಲು ಹೇಳಿದ್ದು ಆಗ ಆ ವ್ಯಕ್ತಿ ಕರಿ ಮೆಣಸು ಕಾರಿನಲ್ಲಿದ್ದು ಕಾರಿನ ಟಯರ್ ಪಂಕ್ಚರ್‌ ಆಗಿದ್ದು ಕಾರಿನ ಬಳಿ ಬರುವಂತೆ ಕರೆದಾಗ ಮಹೇಶ್‌ರವರು ಆತನೊಂದಿಗೆ ಸುಮಾರು 50 ಮೀಟರ್‌ನಷ್ಟು ದೂರ ಮಾರುಕಟ್ಟೆ ರಸ್ತೆಯಲ್ಲಿ ಹೋಗಿದ್ದು ಕಾರು ಕಾಣದೇ ಇದ್ದು ಆಗ ಆ ವ್ಯಕ್ತಿ ಕಾರನ್ನು ಟಯರ್ ಪಂಕ್ಚರ್ ಸರಿಪಡಿಸಲು ತೆಗೆದುಕೊಂಡು ಹೋಗಿರಬಹುದೆಂದು ತಿಳಿಸಿದ್ದು ನಂತರ ಮಹೇಶ್‌ರವರು ಅಂಗಡಿಗೆ ಬಂದಾಗ ಅಂಗಡಿಯಲ್ಲಿ ಅವರ ಕ್ಯಾಷ್‌ ಡ್ರಾಯರನ್ನು  ಮೀಟಿ ತೆಗೆದು ಒಳಗಿದ್ದ 2 ಲಕ್ಷ ರೂ ಹಣವನ್ನು ಕಳವು ಮಾಡಿರುವುದು ಕಂಡು ಬಂದಿರುವುದಾಗಿ ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಕ್ತಿ ಆತ್ಮಹತ್ಯೆ
                        ದಿನಾಂಕ 16/06/2017ರಂದು ಸಂಪಾಜೆ ಬಳಿಯ ಪೆರಾಜೆ ಗ್ರಾಮದ ಭವಾನಿ ಶಂಕರ್‌ ಎಂಬವರ ಮನೆಯಲ್ಲಿ ಪಾಷಾಣ ಮೂರ್ತಿ ದೈವಕ್ಕೆ ಎಡೆ ಇಡುವ ಕಾರ್ಯಕ್ರಮವಿದ್ದು ಅಲ್ಲಿ ಭವಾನಿ  ಶಂಕರ್‌ರವರು ವಿಪರೀತ ಮದ್ಯಪಾನ ಮಾಡಿ ಪತ್ನಿ ಜಯಂತಿ ಮತ್ತು ಮಗ ಅಭಿಷೇಕ್‌ರವರ ಮೇಲೆ ಹಲ್ಲೆ ನಡೆಸಲು ಯತ್ನಿಸಿದ್ದು ಆ ಕಾರಣಕ್ಕೆ ಜಯಂತಿ ಮತ್ತು ಅಭಿಷೇಕ್‌ ಇಬ್ಬರೂ ಜಯಂತಿಯವರ ತಾಯಿಯ ಮನೆಗೆ ಹೋಗಿದ್ದು ದಿನಾಂಕ 17/06/17ರಂದು ವಾಪಾಸು ಮನೆಗೆ ಬಂದಾಗ ಪತಿ ಭವಾನಿ ಶಂಕರ್‌ ರವರು ನೇಣು ಬಿಗಿದು ಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವುದು ಕಂಡು ಬಂದಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ 

ದನ ಕಳವು 
                     ವಿರಾಜಪೇಟೆ ಬಳಿಯ ಆರ್ಜಿ ಗ್ರಾಮ ನಿವಾಸಿ ರವೀದ್ರನಾಥ್ ಕಾಮತ್‌ ಎಂಬವರ  ದನಗಳನ್ನು ದಿನಾಂಕ 7/6/2017ರಂದು ಕೆಲಸಗಾರ ಮಣಿ ಎಂಬಾತನು ಗದ್ದೆಗೆ ಮೇಯಲು ಬಿಟ್ಟಿದ್ದು ಸಂಜೆ ಬಂದು ನೋಡುವಾಗ ಸುಮಾರು ರೂ.1,25,000 ಮೌಲ್ಯದ 10 ದನಗಳು ಕಾಣೆಯಾಗಿದ್ದು ಎಲ್ಲಾ ಕಡೆ ಹುಡುಕಿದರೂ ಪತ್ತೆಯಾಗಿರುವುದಿಲ್ಲವೆಂದು ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ರಿಕ್ಷಾ ಅಫಘಾತ
                     ದಿನಾಂಕ 17/06/2017ರಂದುವಿರಾಜಪೇಟೆ ನಿವಾಸಿ ಅಂತೋಣಿ ಎಂಬವರು ಜೋನ್‌ ಎಂಬವರ ಆಟೋ ರಿಕ್ಷಾ ಸಂಖ್ಯೆ ಕೆಎ-12-ಬಿ-1068ರ ರಿಕ್ಷಾದಲ್ಲಿ ಬೂದಿಮಾಳಕ್ಕೆ ಹೋಗಿ ವಾಪಾಸು ಬರುತ್ತಿರುವಾಗ ಬೂದಿಮಾಳ ಸೇತುವೆ ಬಳಿ ಜೋನ್‌ ರಿಕ್ಷಾವನ್ನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿದ ಪರಿಣಾಮ ರಿಕ್ಷಾ ಜೋನ್‌ ನ ನಿಯಂತ್ರಣ ತಪ್ಪಿ ರಸ್ತೆಯಲ್ಲಿ ಮಗುಚಿಕೊಂಡ ಪರಿಣಾಮ ಅಂತೋಣಿಯವರಿಗೆ  ಗಾಯಗಳಾಗಿರುವುದಾಗಿ  ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Saturday, June 17, 2017

ವ್ಯಾನಿಟಿ ಬ್ಯಾಗ್ ನಿಂದ ನಗದು ಕಳವು:

     ವೈದ್ಯಕೀಯ ವಿದ್ಯಾರ್ಥಿನಿಯೊಬ್ಬರ ವ್ಯಾನಿಟಿ ಬ್ಯಾಗ್ ನಿಂದ ನಗದು ಹಣ ಕಳ್ಳತನವಾದ ಘಟನೆ ಮಡಿಕೇರಿ ನಗರದಲ್ಲಿ ನಡೆದಿದೆ. ಕೋಲಾರ ಜಿಲ್ಲೆಯವರಾದ ಕುಮಾರಿ ನಂದಶ್ರೀ ಎಂಬವರು ಮಡಿಕೇರಿನಗರದ ಸಮೀಪದ ವೈದ್ಯಕೀಯ ಕಾಲೇಜಿನಲ್ಲಿ ವ್ಯಾಸಂಗ ಮಾಡುತ್ತಿದ್ದು ದಿನಾಂಕ 16-6-2017 ರಂದು ಅಪರಾಹ್ನ 2-45 ಗಂಟೆಯ ಸಮಯದಲ್ಲಿ ಮಡಿಕೇರಿ ನಗರದ ಕಾಲೇಜು ರಸ್ತೆಯಲ್ಲಿರುವ ಚಿಪ್ಸ್ ಅಂಗಡಿಯೊಂದಕ್ಕೆ ಚಿಪ್ಸ್ ಖರೀದಿಸಲು ಹೋಗಿ ಬ್ಯಾಗಿನಿಂದ ಹಣ ತೆಗೆದುಕೊಡಲು ನೋಡಿದಾಗ ಬ್ಯಾಗಿನಲ್ಲಿದ್ದ ಸಣ್ಣ ಪರ್ಸ್ ನಲ್ಲಿಟ್ಟಿದ್ದ ಸುಮಾರು 16,500/- ರೂ ನಗದು, 2 ಎಟಿಎಂ ಕಾರ್ಡ್ ಮತ್ತು ಆದಾರ್ ಕಾರ್ಡ್ ಗಳು ಕಾಣೆಯಾಗಿರುವುದು ಕಂಡು ಬಂದಿದು, ಅವುಗಳನ್ನು ಯಾರೋ ಕಳ್ಳರು ಫಿರ್ಯಾದಿ ನಂದಶ್ರೀರವರಿಗೆ ತಿಳಿಯದಂತೆ ಕಳವು ಮಾಡಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಮಡಿಕೇರಿ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಮನುಷ್ಯ ಕಾಣೆ:

     ಭಾಗಮಂಡಲ ಠಾಣಾ ಸರಹದ್ದಿನ ತಣ್ಣಿಮಾನಿ ಗ್ರಾಮದ ನಿವಾಸಿ ಶ್ರೀಮತಿ ಚಿತ್ರಾ ಎಂಬವರ ಪತಿ 30 ವರ್ಷ ಪ್ರಾಯದ ದಿನು ದೇವಯ್ಯ ರವರು ದಿನಾಂಕ 13-6-2017 ರಂದು ಅವರ ಮನೆಯ ಪಕ್ಕದಲ್ಲಿ ಹೊಸದಾಗಿ ನಿರ್ಮಿಸುತ್ತಿರುವ ಮನೆಯ ಹತ್ತಿರ ನಿಂತು ಮೊಬೈಲ್ ನಲ್ಲಿ ಮಾತನಾಡುತ್ತಿದ್ದು, ನಂತರ ಅಲ್ಲಿಂದ ಮನೆಗೆ ವಾಪಾಸಾಗದೆ ಕಾಣೆಯಾಗಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಭಾಗಮಂಡಲ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಮದ್ಯ ವ್ಯಸನಿಯ ಸಾವು:

     ಮದ್ಯವ್ಯಸನಿ ವ್ಯಕ್ತಿಯೋಬ್ಬರು ಅಸ್ವಸ್ಥರಾಗಿ ಸಾವನಪ್ಪಿದ್ದ ಘಟನೆ ಕುಶಾಲನಗರ ಪಟ್ಟಣದಿಂದ ವರದಿಯಾಗಿದೆ. ಕುಶಾಲನಗರದ ಮುಳ್ಳುಸೋಗೆ ಗ್ರಾಮದಲ್ಲಿ ವಾಸವಿರುವ ನೆಲ್ಸನ್ ಎಲೀಸ್ ಎಂಬವರ ತಮ್ಮ ಪ್ರಾಉ 62 ವರ್ಷದ ವಿಲ್ ಫ್ರೆಡ್ ಎಲೀಸ್ ಎಂಬವರು ತುಂಬಾ ಮದ್ಯವ್ಯಸನಿಯಾಗಿದ್ದು, ಅನಾರೋಗ್ಯದಿಂದ ಬಳಲುತ್ತಿದ್ದು ದಿನಾಂಕ 16-6-2017 ರಂದು ಅಸ್ವಸ್ಥಗೊಂಡು ಮೃತಪಟ್ಟಿದ್ದು ಈ ಬಗ್ಗೆ ಕುಶಾಲನಗರ ಪಟ್ಟಣ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಜರುಗಿಸಿರುತ್ತಾರೆ. 

ವ್ಯಕ್ತಿ ಕಾಣೆ ಪ್ರಕರಣ ದಾಖಲು:

     ಸುಂಟಿಕೊಪ್ಪ ಠಾಣಾ ಸರಹದ್ದಿನ ಮಧುರಮ್ಮ ಬಡಾವಣೆಯಲ್ಲಿ ವಾಸವಿರುವ ಶ್ರೀಮತಿ ಎಸ್.ಆರ್.ಮಣಿ ಎಂಬವರ ಗಂಡ ರಾಜಲಿಗಂ (38) ರವರು ಕಾರ್ಪೆಂಟ್ ಕೆಲಸ ಮಾಡಿಕೊಂಡಿದ್ದು ದಿನಾಂಕ 13-6-2016 ರಂದು ಮನೆಯಿಂದ ಸುಂಟಿಕೊಪ್ಪ ನಗರಕ್ಕೆ ಹೋಗಿ ಬರುವುದಾಗಿ ತಿಳಿಸಿ ಹೋಗಿದ್ದು, ನಂತರ ಮನೆಗೆ ಬಾರದೆ ಕಾಣೆಯಾಗಿರುತ್ತಾರೆಂದು ಅವರ ಪತ್ನಿ ಶ್ರೀಮತಿ ಎಸ್.ಎಆರ್. ಮಣಿ ರವರು ನೀಡಿದ ದೂರಿನ ಮೇರೆಗೆ ಸುಂಟಿಕೊಪ್ಪ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಹಣದ ವಿಚಾರದಲ್ಲಿ ಜಗಳ:

     ವಿರಾಜಪೇಟೆ ತಾಲೋಕು ಟಿ.ಶೆಟ್ಟಿಗೇರಿ ಗ್ರಾಮದ ನಿವಾಸಿ ಮಾಚಮಾಡ ಸೋಮಣ್ಣ ನವರು ದಿನಾಂಕ 16-6-2017 ರಂದು ತಾವಳಗೇರಿ ಗ್ರಾಮದಲ್ಲಿರುವ ಮಾರಿಯಮ್ಮ ದೇವಾಲಯಕ್ಕೆ ಹೋಗಿದ್ದು ಅಲ್ಲಿ ಮಲ್ಲೇಂಗಡ ಮುತ್ತಪ್ಪ, ವೈ.ಎಸ್. ವಿನಯ , ಗಣಪತಿ ಮತ್ತು ಕಾರ್ಯಪ್ಪನವರುಗಳು ಇದ್ದು, ಮಲ್ಲಂಗಡ ಮುತ್ತಪ್ಪನವರು ತೆರಿಗೆ ಹಣದ ವಿಚಾರದಲ್ಲಿ ಜಗಳ ಮಾಡಿ ಅವಾಚ್ಯ ಶಬ್ದಗಳಿಂದ ಬೈದಿದ್ದು, ಅಲ್ಲದೆ ಮೂವರು ಸೇರಿ ಕತ್ತಿಯಿಂದ ಕಡಿದು ಗಾಯಪಡಿಸಿದ್ದು ಅಲ್ಲದೆ ಕೋವಿಯಿಂದ ಗುಂಡು ಹಾರಿಸಿದ್ದು, ಕೊಲೆ ಬೆದರಿಕೆ ಒಡ್ಡಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಶ್ರೀಮಂಗಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

Friday, June 16, 2017

ಬಾವಿಗೆ ಬಿದ್ದು ವ್ಯಕ್ತಿ ದುರ್ಮರಣ:

          ವ್ಯಕ್ತಿಯೊಬ್ಬರು ಆಕಸ್ಮಿಕವಾಗಿ ಬಾವಿಗೆ ಬಿದ್ದು ಸಾವನಪ್ಪಿದ ಘಟನೆ ವಿರಾಜಪೇಟೆ ತಾಲೋಕು ಹೆಗ್ಗಳ ಗ್ರಾಮದಲ್ಲಿ ನಡೆದಿದೆ. ಹೆಗ್ಗಳ ಗ್ರಾಮದ ಎನ್.ಆರ್. ಮಂಜುನಾಥ ಎಂಬವರ ತಂದೆ 63 ವರ್ಷ ಪ್ರಾಯದ ಎನ್. ರಾಜನ್ ಎಂಬವರು ದಿನಾಂಕ 15-6-2017 ರಂದು ಹೆಗ್ಗಳ ಗ್ರಾಮದ ಬೂದಿಮಾಳ ಎಂಬಲ್ಲಿ ಕೂಲಿ ಕೆಲಸಕ್ಕೆ ಹೋಗಿದ್ದು ಅದೇ ಗ್ರಾಮದ ಮೇದಪ್ಪ ಎಂಬವರ ನೀರಿನ ಬಾವಿಯನ್ನು ನೋಡಲು ಹೋಗಿ ಆಕಸ್ಮಿಕವಾಗಿ ಕಾಲು ಜಾರಿ ಬಾವಿಗೆ ಬಿದ್ದು ಸಾವನಪ್ಪಿದ್ದು, ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

ವಿಷ ಸೇವಿಸಿ ವ್ಯಕ್ತಿ ಆತ್ಮಹತ್ಯೆ:

       ಜೀವನದಲ್ಲಿ ಜುಗುಪ್ಸೆಗೊಂಡು ವ್ಯಕ್ತಿಯೋರ್ವರು ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡ ಘಟನೆ ಸೋಮವಾರಪೇಟೆ ತಾಲೋಕು ಗಣಗೂರು ಗ್ರಾಮದಲ್ಲಿ ನಡೆದಿದೆ. ಗಣಗೂರು ಗ್ರಾಮದ ಎಸ್.ಎಸ್.ಮಂಜುನಾಥ ಎಂಬವರ ತಾಯಿಯ ತಮ್ಮ ಕಾತರಾಜು ಎಂಬವರು ಜೀವನದಲ್ಲಿ ಬೇಸತ್ತು ದಿನಾಂಕ 15-6-2017 ರಂದು ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದು, ಎಸ್. ಎಸ್. ಮಂಜುನಾಥ ಎಂಬವರು ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

Thursday, June 15, 2017

 ಕಾಣೆಯಾದ ವ್ಯಕ್ತಿಯ ಶವ ಪತ್ತೆ:

     ಕೆಲವು ದಿನಗಳಿಂದ ಕಾಣೆಯಾದ ವೃದ್ದರೊಬ್ಬರ ಮೃತ ದೇಹ ಶನಿವಾರಸಂತೆ ಠಾಣಾ ವ್ಯಾಪ್ತಿಯ ಹಂಡ್ಲಿ ಗ್ರಾಮದ ಕಾಫಿ ತೋಟವೊಂದರಲ್ಲಿ ಪತ್ತೆಯಾಗಿರುವ ಬಗ್ಗೆ ವರದಿಯಾಗಿದೆ. ಹಂಡ್ಲಿ ಗ್ರಾಮದ ನಿವಾಸಿ ಹೆಚ್.ಎಸ್. ಲೋಕೇಶ್ ಎಂಬವರ ತಂದೆ 75 ವರ್ಷ ಪ್ರಾಯದ ಶಂಕರಯ್ಯ ಎಂಬವರು ತಮ್ಮ ಮನೆಯಿಂದ ದಿನಾಂಕ 4.6.2017 ರಂದು ಕಾಣೆಯಾಗಿದ್ದು ದಿನಾಂಕ 14-6-2017 ರಂದು ಹಂಡ್ಲಿ ಗ್ರಾಮದ ನಟರಾಜ್ ಎಂಬವರ ಕಾಫಿ ತೋಟದಲ್ಲಿ ಪತ್ತೆಯಾಗಿದ್ದು, ಈ ಬಗ್ಗೆ ಶನಿವಾರಸಂತೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ಪಾದಚಾರಿಗೆ ಬೈಕ್ ಡಿಕ್ಕಿ:

     ಕಾಲೇಜು ವಿದ್ಯಾರ್ಥಿಯೊಬ್ಬರಿಗೆ ಬೈಕ್ ಡಿಕ್ಕಿಯಾಗಿ ಗಾಯಗೊಂಡ ಘಟನೆ ಸುಂಟಿಕೊಪ್ಪ ಸಮೀಪದ ಕೊಡರಳ್ಳಿಯಿಂದ ವರದಿಯಾಗಿದೆ. ಸುಂಟಿಕೊಪ್ಪ ಸಮೀಪದ ಕಂಬಿಬಾಣೆ ಗಿರಿಜನ ಕಾಲೋನಿಯಲ್ಲಿ ವಾಸವಾಗಿರುವ ಶಂಕರ ಎಂಬವರ ಮಗ ಹೆಚ್.ಎಸ್. ಚೇತನ್ ಎಂಬವರು ದಿನಾಂಕ 14-6-2017 ರಂದು ಬೆಳಗ್ಗೆ 8-30 ಗಂಟೆ ಸಮಯದಲ್ಲಿ ಮಡಿಕೇರಿ-ಸುಂಟಿಕೊಪ್ಪ ರಸ್ತೆಯ ಕೊಡಗರಳ್ಳಿ ಜಂಕ್ಷನ್ ನಲ್ಲಿ ರಸ್ತೆ ದಾಟುವಾಗ ಕೆಎಸ್ ಆರ್ ಟಿಸಿ ಬಸ್ಸೊಂದು ಡಿಕ್ಕಿಯಾದ ಪರಿಣಾಮ ಸದರಿಯವರ ಮಂಡಿಗೆ ಗಾಯವಾಗಿ ಆಸ್ಪತ್ರೆಗೆ ದಾಖಲಾಗಿದ್ದು, ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

ಜೀಪು ಅಪಘಾತ 8 ಮಂದಿಗೆ ಗಾಯ:

     ಕಾರ್ಮಿಕರನ್ನು ಕರೆದುಕೊಂಡು ಹೋಗುತ್ತಿದ್ದ ಜೀಪು ಚಾಲಕನ ನಿಯಂತ್ರಣ ಕಳೆದುಕೊಂಡು ರಸ್ತೆ ಬದಿ ಉರುಳಿಬಿದ್ದು, ಜೀಪಿನ ಚಾಲಕ ಸೇರಿ 7 ಮಂದಿ ಕಾರ್ಮಿಕರು ಗಾಯಗೊಂಡ ಘಟನೆ ಕುಟ್ಟ ಠಾಣಾ ಸರಹದ್ದಿನ ಕೆ.ಬಾಡಗ ಗ್ರಾಮದಲ್ಲಿ ನಡೆದಿದೆ. ದಿನಾಂಕ 14-6-2017 ರಂದು ಕೋತೂರು ಗ್ರಾಮದ ಟಕ್ಕು ಮುತ್ತಣ್ಣ ಎಂಬವರ ಕಾಫಿ ತೋಟಕ್ಕೆ ಅವರ ಬಾಪ್ತು ಜೀಪಿನಲ್ಲಿ ಚಾಲಕ ಗೋವಿಂದನವರು ಕಾರ್ಮಿಕರನ್ನು ಕರೆದುಕೊಂಡು ಹೋಗಿ ಮರಳಿ ತಮ್ಮ ಮನೆಯ ಕಡೆಗೆ ಹೋಗುತ್ತಿದ್ದಾಗ ಜೀಪಿಗೆ ಕಾಡುಕೋಣವೊಂದು ಅಡ್ಡ ಬಂದು ಅದನ್ನು ತಪ್ಪಿಸಲು ಯತ್ನಿಸಿದ ಚಾಲಕ ಜೀಪಿನ ನಿಯಂತ್ರಣ ಕಳೆದುಕೊಂಡು ಜೀಪು ಮಗುಚಿಬಿದ್ದ ಕಾರಣ ಜೀಪಿನ ಚಾಲಕ ಸೇರಿ 8 ಮಂದಿ ಗಾಯಗೊಂಡಿದ್ದು, ಕುಟ್ಟ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

ಆಸ್ತಿ ವಿವಾದ ಮಹಿಳೆ ಮೇಲೆ ಹಲ್ಲೆ:

     ವಿರಾಜಪೇಟೆ ಗ್ರಾಮಾಂತರ ಠಾಣಾ ಸರಹದ್ದಿನ ಕೆದಮುಳ್ಳೂರು ಗ್ರಾಮದ ವಾಸಿ ಶ್ರೀಮತಿ ಯಶೋಧ ಹಾಗು ಅನಿತ ಮತ್ತು ಆಕೆಯ ಗಂಡ ಪೂವಪ್ಪನವರ ನಡುವೆ ಆಸ್ತಿ ವಿವಾದ ವಿದ್ದು, ದಿನಾಂಕ 14-6-2017 ರಂದು ಸಂಜೆ 4-00 ಗಂಟೆ ಸಮಯದಲ್ಲಿ ಬಿ.ಸಿ.. ಯಶೋಧ ರವರು ತಮ್ಮ ಮನೆಯಲ್ಲಿದ್ದಾಗ ಅನಿತ ಮತ್ತು ಆಕೆಯ ಗಂಡ ಪೂವಪ್ಪನವರು ಯಶೋಧರವರ ಮನೆಗೆ ಅಕ್ರಮ ಪ್ರವೇಶ ಮಾಡಿ ಆಸ್ತಿವಿಚಾರದಲ್ಲಿ ಜಗಳ ಮಾಡಿ ಯಶೋಧರವರ ಮೇಲೆ ಹಲ್ಲೆ ಮಾಡಿದ್ದು ಅಲ್ಲದೆ ಕೊಲೆ ಬೆದರಿಕೆ ಒಡ್ಡಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.





Wednesday, June 14, 2017

ಬೈಕ್ ಅಪಘಾತ ವ್ಯಕ್ತಿಯ ದುರ್ಮರಣ
                  ಬೈಕ್ ಅಪಘಾತಗೊಂಡು ವ್ಯಕ್ತಿಯೊಬ್ಬ ಮೃತಪಟ್ಟ ಘಟನೆ ಕುಶಾಲನಗರಲ್ಲಿ ವರದಿಯಾಗಿದೆ. ಕುಶಾಲನಗರದ ಗೊಂದಿಬಸವನಹಳ್ಳಿ ನಿವಾಸಿ ಅಣ್ಣಯ್ಯ ಎಂಬುವವರು ದಿನಾಂಕ 13-06-2017 ರಂದು ಮೋಟಾರು ಸೈಕಲಿನಲ್ಲಿ ಗುಡ್ಡೆಹೊಸೂರುವಿಗೆ ಹೋಗುವಾಗ ನಿಂಯತ್ರಣ ತಪ್ಪಿ ಬಿದ್ದು ಮೃತಪಟ್ಟಿದ್ದು, ಈ ಬಗ್ಗೆ ಅಣ್ಣಯ್ಯನವರ ತಾಯಿ ಪಾರ್ವತಮ್ಮನವರು ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಬಸ್ಸಿನಿಂದ ಬದ್ದು ವ್ಯಕ್ತಿಗೆ ಗಾಯ
              ದಿನಾಂಕ 13-06-2017 ರಂದು ಪ್ರಸನ್ನ ಎಂಬುವವರು ಕುಶಾಲನಗರದಿಂದ ಭಗವತಿ ಬಸ್ಸಿನಲ್ಲಿ ಹೋಗುತ್ತಿರುವಾಗ ಬಸ್ಸು ಹಿತ್ತಲಕೇರಿ ಎಂಬಲ್ಲಿಗೆ ತಲುಪುವಾಗ ಬಸ್ಸನ್ನು ಚಾಲಕ ಮುರುಗೇಶ ಎಂಬುವವರು ಅಜಾಗರೂಕತೆಯಿಂದ ಚಾಲನೆ ಮಾಡಿ ಬಸ್ಸಿನ ಹಿಂಬದಿ ಬಾಗಿಲಿನ ಬಳಿ ನಿಂತಿದ್ದ ಪ್ರಸನ್ನ ಎಂಬುವವರು ಬಸ್ಸಿನಿಂದ ಕೆಳಗೆ ಬಿದ್ದು ಗಾಯಗೊಂಡಿದ್ದು, ಈ ಬಗ್ಗೆ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಅಪರಿಚಿತ ವ್ಯಕ್ತಿಯ ಸಾವು
                       ಅಪರಿಚಿತ ವ್ಯಕ್ತಿಯೊಬ್ಬರು ಮೃತಪಟ್ಟಿರುವ ಘಟನೆ ವಿರಾಜಪೇಟೆ ನಗರದಲ್ಲಿ ವರದಿಯಾಗಿದೆ. ದಿನಾಂಕ 13-6-2017 ರಂದು ವಿರಾಜಪೇಟೆ ನಗರದ ದೊಡ್ಡಟ್ಟಿ ಚೌಕಿ ಬಳಿ ಅಂದಾಜು 50-55 ವರ್ಷ ಪ್ರಾಯದ ಅಪರಿಚಿತ ಗಂಡಸು ಮೃತಪಟ್ಟಿದ್ದು, ಈ ಬಗ್ಗೆ ವಿರಾಜಪೇಟೆ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

Tuesday, June 13, 2017

ವ್ಯಕ್ತಿಯ ಸಾವು
              ವ್ಯಕ್ತಿಯೊಬ್ಬರು ಕೆಲಸ ಮಾಡುತ್ತಿರುವಾಗ ಜಾರಿ ತೋಡಿಗೆ ಬಿದ್ದು ಮರಣ ಹೊಂದಿರುವ ಘಟನೆ ಮಡಿಕೇರಿ ತಾಲೂಕಿನ ಬಾವಲಿ ಗ್ರಾಮದಲ್ಲಿ ವರದಿಯಾಗಿದೆ. ಬಾವಲಿ ಗ್ರಾದಮ ನಿವಾಸಿ ತೀರ್ಥ ಪ್ರಸಾದ್ ಎಂಬುವವರು ದಿನಾಂಕ 12-06-2017 ರಂದು ತಮ್ಮ ಗದ್ದೆ ಬದಿಯ ತೋಡಿನಲ್ಲಿ ಕಾಡು ಕಡಿಯುತ್ತಿರುವಾಗ ಆಕಸ್ಮಿಕವಾಗಿ ಕಾಲು ಜಾರಿ ತೋಡಿನೊಳಗೆ ಬಿದ್ದು ನೀರಿನಲ್ಲಿ ಮುಳುಗಿ ಮೃತಪಟ್ಟಿದ್ದು, ಈ ಬಗ್ಗೆ ಪತ್ನಿ ಪಾಲಿಕರವರು ನೀಡಿದ ದೂರಿನ ಮೇರೆಗೆ ನಾಪೋಕ್ಲು ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಕರಿ ಮೆಣಸು ಕಳವು
               ವಿರಾಜಪೇಟೆ ತಾಲೂಕಿನ ತಿತಿಮತಿಯ ನೋಕ್ಯ ಗ್ರಾಮದ ನಿವಾಸಿ ನಾಗೇಶ ಎಂಬುವವರು ಹಾಲಿ ಬೆಂಗಳೂರಿನಲ್ಲಿ ವಾಸವಿದ್ದು, ಸದರಿಯವರು ತಮ್ಮ ಜಮೀನಿನಲ್ಲಿ ಬೆಳೆದ 3 ಚೀಲ ಕರಿಮೆಣಸನ್ನು ಮನೆಯಲ್ಲಿಟ್ಟಿದ್ದು, ದಿನಾಂಕ 10-06-2017 ಮತ್ತು 11-06-2017 ರ ಮದ್ಯ ಯಾರೋ ಕಳ್ಳರು ಮನೆಯ ಮುಂಬಾಗಿಲನ್ನು ಮುರಿದು ಒಳ ನುಗ್ಗಿ ಸುಮಾರು 55 ಕೆ ಜಿ ಯಷ್ಟು ಕರಿಮೆಣಸನ್ನು ಕಳವು ಮಾಡಿಕೊಂಡು ಹೋಗಿರುವುದಾಗಿ ನಾಗೇಶರವರು ನೀಡಿದ ಪುಕಾರಿನ ಮೇರೆಗೆ ಪೊನ್ನಂಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಮರದಿಂದ ಬಿದ್ದು ಗಾಯಗೊಂಡ ವ್ಯಕ್ತಿಯ ಸಾವು
                    ದಿನಾಂಕ 09-06-2017 ರಂದು ಕಾನೂರು ಗ್ರಾಮದ ನಿವಾಸಿ ಪ್ರವೀಣ ಎಂಬುವವರು ವಾಸುರವರ ತೋಟಕ್ಕೆ ಮರ ಕಪಾತು ಕೆಲಸಕ್ಕೆ ಹೋಗಿದ್ದು, ಮರಕ್ಕೆ ಹತ್ತಿ ಕಪಾತು ಮಾಡುತ್ತಿರುವಾಗ ಆಕಸ್ಮಿಕವಾಗಿ ಕಾಲು ಜಾರಿ ಕೆಳಕ್ಕೆ ಬಿದ್ದು ಗಾಯಗೊಂಡವರನ್ನು ಚಿಕಿತ್ಸೆಯ ಬಗ್ಗೆ ಮಡಿಕೇರಿ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದ್ದು ಚಿಕಿತ್ಸೆ ಫಲಕಾರಿಯಾಗದೆ ದಿನಾಂಕ 12-06-2017 ರಂದು ಮೃತಪಟ್ಟಿದ್ದು ಈ ಬಗ್ಗೆ ನಾಗರಾಜುರವರು ನೀಡಿದ ದೂರಿನ ಮೇರೆಗೆ ಪೊನ್ನಂಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

Monday, June 12, 2017

ಬೆಂಕಿ ಆಕಸ್ಮಿಕ, ಮಹಿಳೆ ಸಾವು
                      ದಿನಾಂಕ 06/6/2017ರಂದು ಶ್ರೀಮಂಗಲ ಬಳಿಯ ಬಿರುನಾಣಿ ನಿವಾಸಿ ಬೊಟ್ಟಂಗಡ ಮನು ಚಿಣ್ಣಮ್ಮ ಎಂಬವರು ಸಂಜೆ ವೇಳೆ ಮನೆಯಲ್ಲಿ ವಿದ್ಯುತ್ ಕಡಿತಗೊಂಡ ಕಾರಣಕ್ಕೆ ಸೀಮೆಣ್ಣೆ ದೀಪವನ್ನು ಹಚ್ಚಲೆಂದು ಕತ್ತಲಲ್ಲಿ  ಸೀಮೆಣ್ಣೆ ದೀಪವನ್ನು ತೆಗೆಯುವಾಗ ಕೈಜಾರಿ ದೀಪವು ಕೆಳಗೆ ಬಿದ್ದ ಪರಿಣಾಮ ಸೀಮೆಣ್ಣೆಯು ಮನು ಚಿಣ್ಣಮ್ಮನವರ ಮೇಲೆ ಚೆಲ್ಲಿ ಸಮೀಪದಲ್ಲಿದ್ದ ಒಲೆಯಿಂದ ಬೆಂಕಿ  ಸೀರೆಗೆ ಹೊತ್ತಿಕೊಂಡು ಸುಟ್ಟು  ಹೋದ ನಿಮಿತ್ತ ಚಿಕಿತ್ಸೆಗಾಗಿ ಮೈಸೂರಿನ ಮಿಷನ್ ಆಸ್ಪತ್ರೆಯಲ್ಲಿ ದಾಖಲಿಸಲಾಗಿತ್ತು. ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೆ ಮನು ಚಿಣ್ಣಮ್ಮನವರು ದಿನಾಂಕ 10/6/2017ರಂದು ಮೃತರಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಶ್ರೀಮಂಗಲ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ರಸ್ತೆ ಅಫಘಾತ
                 ದಿನಾಂಕ 10/6/2017ರಂದು ಮಡಿಕೇರಿ ನಗರದ ಗೌಳಿಬೀದಿ ನಿವಾಸಿ ಬಿ.ಆರ್‌.ರಾಮಣ್ಣ ಎಂಬವರು ಅವರ ಸ್ನೇಹಿತ ಆನಂದ ಮತ್ತು ದಿಲನ್‌ ಎಂಬವರೊಂದಿಗೆ ಆನಂದರವರ ಕಾರು ಸಂಖ್ಯೆ ಕೆಎ-12-ಬಿ-4328ರಲ್ಲಿ ಮಂಗಳೂರಿಗೆ ಹೋಗಿ ವಾಪಾಸು ಮಡಿಕೇರಿಗೆ ಬರುತ್ತಿರುವಾಗ ನಡು ರಾತ್ರಿ 12:30 ಗಮಟೆಯ ವೇಳೆಗೆ ಮದೆನಾಡಿನ ಬಳಿ  ಆನಂದರವರು ಕಾರನ್ನು ಅತಿ ವೇಗ ಮತ್ತು ಆಜಾಗರೂಕತೆಯಿಂದ ಚಾಲಿಸಿದ ಪರಿಣಾಮ ಕಾರು ರಸ್ತೆ ಮಧ್ಯದ  ರಸ್ತೆ ವಿಭಜಕಕ್ಕೆ ಡಿಕ್ಕಿಯಾಗಿ ಕಾರಿಗೆ ಹಾನಿಯುಂಟಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Sunday, June 11, 2017

ಅಂಗಡಿಗೆ ನುಗ್ಗಿ ಕಳವು
                  ನಾಪೋಕ್ಲುವಿನ ಚೆರಿಯಪರಂಬು ನಿವಾಸಿ ಅಬ್ದುಲ್ ರೆಹಮಾನ್ ಎಂಬುವವರು ಚೆರಿಯಪರಂಬುವಿನ ಕ್ರೀಡಾಂಗಣದ ಹತ್ತಿರ ಅಂಗಡಿ ಇಟ್ಟುಕೊಂಡಿದ್ದು, ದಿನಾಂಕ 10-6-2017 ರಂದು ವ್ಯಾಪಾರ ಮುಗಿಸಿ ರಾತ್ರಿ ಮನೆಗೆ ಹೋಗಿದ್ದು, ಮಾರನೆಯ ದಿವಸ ಬೆಳಿಗ್ಗೆ ಬಂದು ನೋಡುವಾಗ ಅಂಗಡಿಯ ಮುಂದಿನ ಬಾಗಿಲನ್ನು ಯಾರೋ ಒಡೆದು ಒಳನುಗ್ಗಿ 2,000 ರೂ ನಗದು ಹಾಗೂ 4 ಬಂಡಲ್ ಸಿಗರೇಟ್ ಪ್ಯಾಕ್ ಗಳನ್ನು ಕಳವು ಮಾಡಿಕೊಡು ಹೋಗಿರುತ್ತಾರೆಂದು ಅಬ್ದುಲ್ ರೆಹಮಾನ್ ರವರು ನೀಡಿದ ದೂರಿನ ಮೇರೆಗೆ ನಾಪೋಕ್ಲು ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ವ್ಯಕ್ತಿ ಕಾಣೆ 
                ಶನಿವಾರಸಂತೆಯ ಹಾರೆಹೊಸೂರು ಗ್ರಾಮದ ನಿವಾಸಿಯಾದ ಶಂಕರಯ್ಯ ಎಂಬುವವರಿಗೆ 75 ವರ್ಷ ಪ್ರಾಯವಾಗಿದ್ದು, ಇವರು ಸ್ವಲ್ಪ ಬುದ್ದಿಮಾಂದ್ಯರಾಗಿದ್ದು, ದಿನಾಂಕ 04-06-2017 ರಂದು ಮನೆಯಲ್ಲಿದ್ದವರು ಕಾಣೆಯಾಗಿದ್ದು, ಈ ಬಗ್ಗೆ ಮಗ ಲೋಕೇಶರವರು ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಟ್ರ್ಯಾಕ್ಟರ್ ಅಪಘಾತ ವ್ಯಕ್ತಿಯ ದುರ್ಮರಣ
                   ದಿನಾಂಕ 10-06-2017 ರಂದು ಸೋಮವಾರಪೇಟೆಯ ಬಜೆಗುಂಡಿಯ ನಿವಾಸಿ ಅವಿನಾಶ್, ಮಂಜುನಾಥ ಮತ್ತು ಬಸವರಾಜುರವರು ಬೇಳೂರು ಬಸವನಹಳ್ಳಿ ಗ್ರಾಮಕ್ಕೆ ಟಿಂಬರ್ ಕೆಲಸಕ್ಕೆ ಹೋಗಿದ್ದು, ಟಿಂಬರ್ ಕೆಲಸ ಮಾಡುವ ಸ್ಥಳದಲ್ಲಿ ಕೆಎ-46-ಟಿ-2100 ರ ಟ್ರ್ಯಾಕ್ಟರನ್ನು ಅದರ ಚಾಲಕ ರಂಗರವರು ಟ್ರ್ಯಾಕ್ಟರನ್ನು ಅಜಾಗರೂಕತೆಯಿಂದ ಚಾಲನೆ ಮಾಡಿ ಕೆಲಸ ಮಾಡುತ್ತಿದ್ದ ಬಸವರಾಜುರವರಿಗೆ ಡಿಕ್ಕಿಪಡಿಸಿದ ಪರಿಣಾಮ ಬಸವರಾಜುರವರು ಸ್ಥಳದಲ್ಲೇ ಮೃತಪಟ್ಟಿದ್ದು, ಈ ಬಗ್ಗೆ ಅವಿನಾಶ್ ರವರು ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ. 

ವ್ಯಕ್ತಿಯ ಆತ್ಮಹತ್ಯೆ
                      ವ್ಯಕ್ತಿಯೊಬ್ಬರು ಜೀವನದಲ್ಲಿ ಜುಗುಪ್ಸೆಗೊಂಡು ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ವಿರಾಜಪೇಟೆ ತಾಲೂಕಿನ ಕರಡ ಗ್ರಾಮದಲ್ಲಿ ವರದಿಯಾಗಿದೆ. ಕರಡ ಗ್ರಾಮದ ಥೋಮಸ್ ರವರ ಲೈನ್ ಮನೆಯಲ್ಲಿ ವಾಸವಿರುವ ಪಾಂಚಾಲಿ ಎಂಬುವವರ ಅಳಿಯ ಪಳನಿ ಎಂಬುವವರು ದಿನಾಂಕ 28-05-2017 ರಂದು ಮನೆ ಬಿಟ್ಟು ಹೋಗಿದ್ದು, ದಿನಾಂಕ 10-06-2017 ರಂದು ಪಾಂಚಾಲಿಯವರು ಸಾಹುಕಾರರ ತೋಟದಲ್ಲಿ ಗೊಬ್ಬರ ಹಾಕುತ್ತಿರುವಾಗ ಮರವೊಂದಕ್ಕೆ ಪಳನಿಯು ನೇಣುಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವುದು ಕಂಡುಬಂದಿದ್ದು, ಈ ಬಗ್ಗೆ ಪಾಂಚಾಲಿಯವರು ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

Saturday, June 10, 2017

ವಾಹನ ಅಪಘಾತ 
                ವಿರಾಜಪೇಟೆಯ ಪೆರುಂಬಾಡಿ ಗ್ರಾಮದ ನಿವಾಸಿ ಅಪ್ಪಣ್ಣ ಎಂಬುವವರು ತಾಮರ ರೆಸಾರ್ಟ್ ಗೆ ಸೇರಿದ ಬೊಲೆರೋ ಜೀಪಿನಲ್ಲಿ ಚಾಲಕ ವೃತ್ತಿ ಮಾಡಿಕೊಂಡಿದ್ದು ದಿನಾಂಕ 09-06-2017 ರಂದು ಜೀಪಿನಲ್ಲಿ ಮಧು ಎಂಬುವವರೊಂದಿಗೆ ಕಬ್ಬಿನಕಾಡು ಜಂಕ್ಷನ್ ನಿಂದ ತಾಮರ ರೆಸಾರ್ಟ್ ಗೆ ಹೋಗುತ್ತಿರುವಾಗ ಕಬ್ಬಿನಕಾಡು ತಾಮರ ರೆಸಾರ್ಟ್ ರಸ್ತೆಯಲ್ಲಿ ಎದುರುಗಡೆಯಿಂದ ಟಾಟಾ ಏಸ್ ವಾಹನವನ್ನು ಚಾಲಕ ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಹೋಗಿ ಜೀಪಿಗೆ ಡಿಕ್ಕಿಪಡಿಸಿದ ಪರಿಣಾಮ ಜೀಪು ಜಖಂಗೊಂಡಿರುವುದಾಗಿ ಅಪ್ಪಣ್ಣನವರು ನೀಡಿದ ದೂರಿನ ಮೇರೆಗೆ ನಾಪೋಕ್ಲು ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಮಹಿಳೆಯ ಆತ್ಮಹತ್ಯೆ
                   ಮನನೊಂದು ಮಹಿಳೆಯೊಬ್ಬರು ಆತ್ಮ ಹತ್ಯೆ ಮಾಡಿಕೊಂಡಿರುವ ಘಟನೆ ವಿರಾಜಪೇಟೆ ತಾಲೂಕಿನ ಕಳಕೂರು ಗ್ರಾಮದಲ್ಲಿ ವರದಿಯಾಗಿದೆ. ಕಳಕೂರು ಗ್ರಾಮದ ನಿವಾಸಿ 66 ವರ್ಷ ಪ್ರಾಯದ ಕುಪ್ಪಣಮಾಡ ಗಂಗಮ್ಮ ಎಂಬುವವರು ದಿನಾಂಕ 08-06-2017 ರಂದು ಮನೆಯ ಪಕ್ಕದಲ್ಲಿರುವ ಕೆರೆಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ಮಗ ದಿನೇಶ ರವರು ನೀಡಿದ ಪುಕಾರಿನ ಮೇರೆಗೆ ಶ್ರೀಮಂಗಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಅಪಘಾತ ಪ್ರಕರಣ
                 ದಿನಾಂಕ 09-06-2017 ರಂದು ಕುಶಾಲನಗರದ ನಿವಾಸಿ ಶ್ರೀಧರ್ ಎಂಬುವವರು ಮಡಿಕೇರಿಯ ಶೋರೂಂ ನಿಂದ ಮಹೇಂದ್ರ ಕಂಪೆನಿಗೆ ಸೇರಿದ ಕೆಯುವಿ 100 ನ ಹೊಸ ಕಾರನ್ನು ಖರೀದಿಸಿಕೊಂಡು ಕುಟುಂಬದವರೊಂದಿಗೆ ಕಾರನ್ನು ಚಾಲಕ ಅನಿಶ್ ಫಿಲಿಪ್ ರವರು ಚಾಲನೆ ಮಾಡಿಕೊಂಡು ಕುಶಾಲನಗರದ ಬೈಪಾಸ್ ರಸ್ತೆಯಲ್ಲಿ ಹೋಗುತ್ತಿರುವಾಗ ಕಾರಿನ ಎಡಬದಿಯಿಂದ ಮೋಟಾರು ಸೈಕಲನ್ನು ಯಶ್ ಅಹಮದ್ ಎಂಬುವವರು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಹೋಗಿ ಕಾರಿಗೆ ಡಿಕ್ಕಿಪಡಿಸಿದ್ದು, ಕಾರು ನಿಯಂತ್ರಣ ತಪ್ಪಿ ರಸ್ತೆಯ ಎಡ ಬದಿಗೆ ಮಗುಚಿಕೊಂಡು ಕಾರಿನಲ್ಲಿದ್ದ ಶ್ರೀಧರ್, ಅವರ ಮಗ ಅಕ್ಷಯ್ ರವರಿಗೆ ಹಾಗೂ ಮೋಟಾರು ಸೈಕಲಿನ ಚಾಲಕನಿಗೂ ಗಾಯವಾಗಿದ್ದು, ಈ ಬಗ್ಗೆ ಕಾರಿನ ಚಾಲಕ ಅನಿಷ್ ಪಿಲಿಪ್ ರವರು ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

Friday, June 9, 2017

ವ್ಯಕ್ತಿಯ ಮೇಲೆ ಹಲ್ಲೆ
                    ಕ್ಷುಲ್ಲಕ ಕಾರಣಕ್ಕೆ ವ್ಯಕ್ತಿಯ ಮೇಲೆ ಹಲ್ಲೆ ನಡೆಸಿದ ಘಟನೆ ಕುಶಾಲನಗರದ ಕೂಡ್ಲೂರು ಎಂಬಲ್ಲಿ ವರದಿಯಾಗಿದೆ. ದಿನಾಂಕ 08-06-2017 ರಂದು ಕುಶಾಲನಗರದ ನಿವಾಸಿ ಆನಂದ ಎಂಬುವವರು ಮೋಟಾರು ಸೈಕಲಿನಲ್ಲಿ ಹೋಗುತ್ತಿರುವಾಗ ಕೂಡ್ಲೂರು ಗ್ರಾಮದ ಕೈಗಾರಿಕಾ ಬಡಾವಣೆಯ ಸಾರ್ವಜನಿಕ ರಸ್ತೆಯಲ್ಲಿ ಕಿರಣ ಎಂಬುವವರು ಮೋಟಾರು ಸೈಕಲನ್ನು ಅಡ್ಡಾದಿಡ್ಡಿಯಾಗಿ ಚಾಲನೆ ಮಾಡಿಕೊಂಡು ಮುಂದೆ ಹೋಗುತ್ತಿದ್ದವರನ್ನು ವಿಚಾರಿಸಿದಾಗ ಸದರಿ ಬೈಕಿನ ಹಿಂಭಾಗದಲ್ಲಿ ಕುಳಿತ್ತಿದ್ದ ಅಜೇಶ್, ಮನೋಜ್ ಎಂಬುವವರು ಜಗಳ ತೆಗೆದು ಹಲ್ಲೆ ನಡೆಸಿರುವುದಾಗಿ ಆನಂದರವರು ನೀಡಿದ ದೂರಿನ ಮೇರೆಗೆ ಕುಶಾಲನಗರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಚಿನ್ನಾಭರಣ ಕಳವು
              ನಾಪೋಕ್ಲುವಿನ ಬೇತು ಗ್ರಾಮದ ಬಲ್ಲವಂಡ ಮುತ್ತಣ್ಣ ಎಂಬುವವರ ಮನೆಯಲ್ಲಿ ಚೆರಿಯಪರಂಬು ವಾಸಿಯಾದ ಪಾರ್ವತಿಯವರು ದಿನಾಂಕ 01-05-2017 ರಿಂದ 22-05-2017 ರ ವರೆಗೆ ಮನೆ ಕೆಲಸಕ್ಕೆ ಇದ್ದು, ಮುತ್ತಣ್ಣನವರು ಸುಮಾರು 3,40,000 ರೂ ಮೌಲ್ಯದ ಚಿನ್ನಾಭರಣಗಳನ್ನು ಆಭರಣ ಡಬ್ಬಿಯಲ್ಲಿಟ್ಟು ಅದನ್ನು ಕಾರ್ಡ್ ಬೋರ್ಡ್ ಬಾಕ್ಸ್ ನಲ್ಲಿ ಹಾಕಿ ಮಲಗುವ ಕೋಣೆಯಲ್ಲಿರುವ ಸ್ಲ್ಯಾಬ್ ನಲ್ಲಿ ಇಟ್ಟಿದ್ದ ಚಿನ್ನಾಭರಣವು ದಿನಾಂಕ 17-05-2017 ರಿಂದ 22-05-2017 ರ ಮದ್ಯದಲ್ಲಿ ಕಳವು ಆಗಿದ್ದು ಈ ಬಗ್ಗೆ ಪಾರ್ವತಿಯವರ ಮೇಲೆ ಸಂಶಯವಿರುವುದಾಗಿ ನೀಡಿದ ಪುಕಾರಿನ ಮೇರೆಗೆ ನಾಪೋಕ್ಲು ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

Thursday, June 8, 2017

ಪಂಪ್ ಸೆಟ್ ನ ಕೇಬಲ್ ಮತ್ತು ಪೈಪು ಕಳವು 
            ನೆಲಜಿ ಗ್ರಾಮದ ಪೂವಯ್ಯ ಎಂಬುವವರು ಬೆಂಗಳೂರಿನಲ್ಲಿ ಉದ್ಯೋಗದಲ್ಲಿದ್ದು, ನೆಲಜಿ ಗ್ರಾಮದಲ್ಲಿರುವ ಬಾವಿಗೆ ಕಿರ್ಲೋಸ್ಕರ್ ಕಂಪೆನಿಗೆ ಸೇರಿದ ಡಿಪ್ಪಿಂಗ್ ಪಂಪ್ ಸೆಟನ್ನು ಅಳವಡಿಸಿದ್ದು, ಪೂವಯ್ಯನವರು ಮನೆಯಲ್ಲಿಲ್ಲದ ಸಮಯದಲ್ಲಿ ಸದರಿ ಪಂಪ್ ಸೆಟ್ ನ ಕೇಬಲ್, ಪೈಪ್ ಮತ್ತು ಮೋಟಾರಿಗೆ ಅಳವಡಿಸಿದ ವಸ್ತುಗಳನ್ನು ಯಾರೋ ಕಳ್ಳತನ ಮಾಡಿರುವುದಾಗಿ ಪೂವಯ್ಯನವರು ನೀಡಿದ ದೂರಿನ ಮೇರೆಗೆ ನಾಪೋಕ್ಲು ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಕಾರು ಕಳ್ಳತನ
           ಮಡಿಕೇರಿ ನಗರದ ಕನ್ನಂಡಬಾಣೆಯ ನಿವಾಸಿ ಮಣಿಕಂಠರವರು ತಮ್ಮ ಬಾಪ್ತು ಕೆಎ-02-ಎಂ-7845 ರ ಮಾರುತಿ ಓಮಿನಿ ವ್ಯಾನನ್ನು ಮನೆಯ ಪಕ್ಕದ ನಿವಾಸಿ ಕನ್ನಂಡ ದೊರೆಯವರ ಬಾಪ್ತು ಖಾಲಿ ಜಾಗದಲ್ಲಿ ನಿಲ್ಲಿಸುತ್ತಿದ್ದು, ದಿನಾಂಕ 07-06-2017 ರಂದು ಬೆಳಿಗ್ಗೆ ನೋಡುವಾಗ ನಿಲ್ಲಿಸಿದ್ದ ಜಾಗದಿಂದ ವ್ಯಾನನ್ನು ಯಾರೋ ಕಳ್ಳರು ಕಳವು ಮಾಡಿರುವುದಾಗಿ ಮಣಿಕಂಠರವರು ನೀಡಿದ ಪುಕಾರಿನ ಮೇರೆಗೆ ಮಡಿಕೇರಿ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಬೈಕುಗಳ ಪರಸ್ಪರ ಡಿಕ್ಕಿ
           ದಿನಾಂಕ 05-06-2017 ರಂದು ಕುಶಾಲನಗರದ ಹೊಸಳ್ಳಿಯ ನಿವಾಸಿ ರಾಜೇಶ್ ಎಂಬುವವರು ತಮ್ಮ ಮೋಟಾರು ಸೈಕಲಿನಲ್ಲಿ ಪತ್ನಿ ಆಶಾರವರನ್ನು ಕೂರಿಸಿಕೊಂಡು ಕೊಪ್ಪಕ್ಕೆ ಹೋಗಿದ್ದವರು ವಾಪಾಸು ಕುಶಾಲನಗರಕ್ಕೆ ಬರುತ್ತಿರುವಾಗ ಕುಶಾಲನಗರದ ಮುಖ್ಯ ರಸ್ತೆಯಲ್ಲಿ ಎದುರುಗಡೆಯಿಂದ ಕುಶಾಲನಗರದ ಕಾವೇರಿ ಬಡಾವಣೆಯ ನಿವಾಸಿ ಸಾಗರ್ ಎಂಬುವವರು ಮೋಟಾರು ಸೈಕಲನ್ನು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಹೋಗಿ ಡಿಕ್ಕಿಪಡಿಸಿದ ಪರಿಣಾಮ ರಾಜೇಶ್ ಮತ್ತು ಅವರ ಪತ್ನಿಗೆ ಗಾಯಗಳಾಗಿದ್ದು ಈ ಬಗ್ಗೆ ರಾಜೇಶ್ ರವರು ನೀಡಿದ ದೂರಿನ ಮೇರೆಗೆ ಕುಶಾಲನಗರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಲಾರಿ ಡಿಕ್ಕಿ ವ್ಯಕ್ತಿಯ ದುರ್ಮರಣ
            ದಿನಾಂಕ 07-06-2017 ರಂದು ಕಿರಿಗೂರು ಗ್ರಾಮದ ನಿವಾಸಿ ಅತೀಶ @ ಅಪ್ಪಚ್ಚು ಎಂಬುವವರು ಹಾತೂರು ಗ್ರಾಮದ ವನ ಭದ್ರಕಾಳಿ ದೇವಸ್ತಾನದ ಹತ್ತಿರ ಸಾರ್ವಜನಿಕ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿರುವಾಗ ಕೆಎ-41-ಎ-1174 ರ ಚರ್ ಲಾರಿಯನ್ನು ಚಾಲಕ ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಹೋಗಿ ಅತೀಶ @ ಅಪ್ಪಚ್ಚುರವರಿಗೆ ಡಿಕ್ಕಿಪಡಿಸಿ ನಿಲ್ಲಿಸದೇ ಹೊರಟು ಹೋಗಿದ್ದು, ತೀವ್ರ ತರಹದ ಗಾಯಗೊಂಡಿದ್ದ ಅತೀಶ @ ಅಪ್ಪಚ್ಚು ರವರನ್ನು ಚಿಕಿತ್ಸೆಯ ಬಗ್ಗೆ ಮೈಸೂರಿಗೆ ಕರೆದುಕೊಂಡು ಹೋಗುತ್ತಿರುವಾಗ ಮೃತಪಟ್ಟಿದ್ದು, ಈ ಬಗ್ಗೆ ನವೀನ ಎಂಬುವವರು ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ವಾಹನ ಅಪಘಾತ 
             ದಿನಾಂಕ 07-06-2017 ರಂದ ಸುಂಟಿಕೊಪ್ಪದ ನಿವಾಸಿ ಯಶೋಧ ಎಂಬುವವರು ಸೊಸೆ ಲಾವಣ್ಯರವರೊಂದಿಗೆ ಕುಶಾಲನಗರದಿಂದ ಮಹೇಂದ್ರ ಮ್ಯಾಕ್ಸಿಮೋ ವಾಹನದಲ್ಲಿ ಸುಂಟಿಕೊಪ್ಪಕ್ಕೆ ಬರುತ್ತಿರುವಾಗ ಸುಂಟಿಕೊಪ್ಪದ ಶಾಂತಿಗಿರಿ ಎಸ್ಟೇಟ್ ಹತ್ತಿರ ತಲುಪುವಾಗ ಎದುರುಗಡೆಯಿಂದ ಮಂಗಳೂರಿನ ನಿವಾಸಿ ಪ್ರದೀಪ್ ರವರು ಕಾರನ್ನು ಅಜಾಗರೂಕತೆಯಿಂದ ಚಾಲನೆ ಮಾಡಿ ಡಿಕ್ಕಿಪಡಿಸಿದ ಪರಿಣಾಮ ಮಹೇಂದ್ರ ಮ್ಯಾಕ್ಸಿಮೋ ವಾಹನದಲ್ಲಿದ್ದ ಯಶೋಧ, ಲಾವಣ್ಯ ಮತ್ತು ಚಾಲಕ ವಿನೀಶ್ ರವರಿಗೆ ಗಾಯಗಳಾಗಿದ್ದು ಈ ಬಗ್ಗೆ ಯಶೋಧರವರು ನೀಡಿದ ಪುಕಾರಿನ ಮೇರೆಗೆ ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

Wednesday, June 7, 2017

ವ್ಯಕ್ತಿಯ ಮೇಲೆ ಹಲ್ಲೆ 
                ದಿನಾಂಕ 05-06-2017 ರಂದು ಹಂಚಿಕಾಡು ಅಮ್ಮತ್ತಿಯ ನಿವಾಸಿ ವಸಂತ ಕುಮಾರ್ ಎಂಬುವವರು ಕಾವಾಡಿ ಗ್ರಾಮದಲ್ಲಿ ವಾಸವಿರುವ ನೆಂಟರಾದ ಮೀನಾಕ್ಷಿಯವರ ಮನೆಗೆ ಹೋಗಿ ಅತ್ತೆ ಜಯಮ್ಮರವರನ್ನು ಕರೆದಾಗ ಮೀನಾಕ್ಷಿಯವರ ಗಂಡ ಸ್ವಾಮಿಯು ಹಳೇ ದ್ವೇಷದಿಂದ ವಸಂತಕುಮಾರ್ ರವರೊಂದಿಗೆ ಏಕಾ ಏಕಿ ಜಗಳ ತೆಗೆದು ಕತ್ತಿಯಿಂದ ಹಲ್ಲೆ ನಡೆಸಿದ್ದು ಈ ಬಗ್ಗೆ ವಸಂತ ಕುಮಾರ್ ರವರು ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಬೈಕುಗಳ ಅಪಘಾತ
               ದಿನಾಂಕ 05-06-2017 ರಂದು ಸೋಮವಾರಪೇಟೆ ತಾಲೂಕಿನ ತಳೂರುಶೆಟ್ಟಳ್ಳಿ ಗ್ರಾಮದ ನಿವಾಸಿ ಕೊರಗಪ್ಪ ಎಂಬುವವರು ಮೋಟಾರು ಸೈಕಲಿನಲ್ಲಿ ಸೋಮವಾರಪೇಟೆ ಹೋಗುತ್ತಿರುವಾಗ ಎದುರುಗಡೆಯಿಂದ ಪ್ರಪುಲ್ಲಾ ಎಂಬುವವರು ಮೋಟಾರು ಸೈಕಲನ್ನು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಹೋಗಿ ಕೊರಗಪ್ಪನವರು ಚಾಲನೆ ಮಾಡುತ್ತಿದ್ದ ಮೋಟಾರು ಸೈಕಲಿಗೆ ಡಿಕ್ಕಿಪಡಿಸಿದ ಪರಿಣಾಮ ಕೊರಗಪ್ಪನವರ ತಲೆಗೆ ಗಾಯವಾಗಿದ್ದು ಈ ಬಗ್ಗೆ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಆಟೋರಿಕ್ಷಾ ಅಪಘಾತ
                 ದಿನಾಂಕ 05-06-2017 ರಂದು ನಾಕೂರು ಶಿರಂಗಾಲ ಗ್ರಾಮದ ನಿವಾಸಿ ರಾಜೇಶ್ ರವರು ಸುಂಟಿಕೊಪ್ಪದ ಸೆಂಟ್ ಮೇರಿಸ್ ಶಾಲೆಯಿಂದ ಮಕ್ಕಳನ್ನು ತನ್ನ ಆಟೋರಿಕ್ಷಾದಲ್ಲಿ ಕರೆದುಕೊಂಡು ಹೋಗುತ್ತಿರುವಾಗ ಶಾಂತಿಗಿರಿ ಎಸ್ಟೇಟ್ ಹತ್ತಿರ ತಲುಪುವಾಗ ಆಟೋವನ್ನು ರಾಜೇಶ್ ವರು ಅಜಾಗರೂಕತೆಯಿಂದ ಚಾಲನೆ ಮಾಡಿ ಚರಂಡಿಗೆ ಬೀಳಿಸಿದ ಪರಿಣಾಮ ಆಟೋದಲ್ಲಿದ್ದ ಮಕ್ಕಳಿಗೆ ಗಾಯಗಳಾಗಿದ್ದು ಈ ಬಗ್ಗೆ ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ನಕಲಿ ಚಿನ್ನ ನೀಡಿ ಮಹಿಳೆಗೆ ಮೋಸ
              ಶನಿವಾರಸಂತೆಯ ದುಂಡಳ್ಳಿ ಗ್ರಾಮದ ನಿವಾಸಿ ವೆಂಕಟಮ್ಮ ಎಂಬುವವರು ದಿನಾಂಕ 03-06-2017 ರಂದು ಸಾಮಾನು ತೆಗೆಯಲೆಂದು ಶನಿವಾರಸಂತೆಗೆ ಹೋಗಿದ್ದಾಗ ಶನಿವಾರಸಂತೆ ನಗರದಲ್ಲಿ ಒಬ್ಬ ಅಪರಿಚಿತ ಹೆಂಗಸು ಸಿಕ್ಕಿ ತನ್ನ ಬಳಿಯಲ್ಲಿ ಚಿನ್ನವಿದೆ ಕಡಿಮೆ ಹಣಕ್ಕೆ ಮಾರುತ್ತೇನೆ ಎಂದು ಹೇಳುವಾಗ ಅಲ್ಲಿಗೆ ಒಬ್ಬ ಗಂಡಸು ಬಂದು ಅಪರಿಚಿತ ಹೆಂಗಸಿನೊಂದಿಗೆ ಚಿನ್ನ ಕೊಡು 10,000 ರೂ ಕೊಡುತ್ತೇನೆ ಎಂದು ಹೇಳುವಾಗ ಹೆಚ್ಚಿಗೆ ಹಣ ಬೇಕು ಎಂದು ಮಹಿಳೆ ಹೇಳಿದಾಗ ಆ ವ್ಯಕ್ತಿ ಹಣ ತರುತ್ತೇನೆ ಎಂದು ಹೇಳಿ ಹೋದಾಗ ಅಪರಿಚಿತ ಮಹಿಳೆ ಆತನಿಗೆ ಚಿನ್ನವನ್ನು ಕೊಡುವುದಿಲ್ಲ ನಿಮ್ಮ ಬಳಿ ಇರುವ ಕಡಿಮೆ ಬೆಲೆಯ ಚಿನ್ನದ ಸರವನ್ನು ಕೊಡಿ ನಿಮಗೆ ಕಾಸಿನ ಸರವನ್ನು ಕೊಡುತ್ತೇನೆ ಎಂದು ಹೇಳಿ ಸರವನ್ನು ಪಡೆದುಕೊಂಡು ಕಾಸಿನ ಸರವನ್ನು ವೆಂಕಟಮ್ಮನವರಿಗೆ ಕೊಟ್ಟು ಹೊರಟು ಹೋಗಿದ್ದು ನಂತರ ನೋಡಲಾಗಿ ನಕಲಿ ಚಿನ್ನದ ಕಾಸಿನ ಸರವಾಗಿದ್ದು, ಈ ಬಗ್ಗೆ ವೆಂಕಟಮ್ಮನವರು ನೀಡಿದ ದೂರಿನ ಮೇರೆಗೆ ಶನಿರಸಂತೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.
ಅಕ್ರಮ ಜೂಜಾಟ 
              ದಿನಾಂಕ 06-06-2017 ರಂದು ಕುಶಾಲನಗರ ಗ್ರಾಮಾಂತರ ಠಾಣೆಯ ಉಪ ನಿರೀಕ್ಷಕರಾದ ಮಹೇಶ್ ಮತ್ತು ಸಿಬ್ಬಂದಿಯವರು ಕುಶಾಲನಗರದ ಸುಂದರ ನಗರ ಗ್ರಾಮದ ಅಯ್ಯಪ್ಪ ದೇವಸ್ತಾನದ ಹಿಂಭಾಗದ ಸಾರ್ವಜನಿಕ ಸ್ಥಳದಲ್ಲಿ ಅಕ್ರಮವಾಗಿ ಇಸ್ಪೀಟು ಎಲೆಗಳಿಂದ ಜೂಜಾಟ ಆಡುತ್ತಿದ್ದ ಸ್ಥಳಕ್ಕೆ ದಾಳಿ ಮಾಡಿ ಇಬ್ಬರು ಆರೋಪಿಗಳನ್ನು ವಶಕ್ಕೆ ಪಡೆದುಕೊಂಡಿದ್ದು ಉಳಿದವರು ತಪ್ಪಿಸಿಕೊಂಡಿದ್ದು, ಜೂಜಾಟಕ್ಕೆ ಬಳಸಿದ 12,500 ರೂ ಗಳನ್ನು ಹಾಗೂ ಎರಡು ಮೋಟಾರು ಸೈಕಲ್ ಗಳನ್ನು ವಶಪಡಿಸಿಕೊಂಡು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿರುತ್ತಾರೆ. 

ವ್ಯಕ್ತಿ ಕಾಣಿ ಪ್ರಕರಣ 
             ದಿನಾಂಕ 03-06-2017 ರಂದು ಕುಶಾಲನಗರದ ಚಿಕ್ಕತ್ತೂರು ಗ್ರಾಮದ ನಿವಾಸಿ ರವಿ ಎಂಬುವವರು ಕೂಲಿ ಕೆಲಸಕ್ಕೆಂದು ಕೂಡಿಗೆಗೆ ಹೋಗಿದ್ದವರು ಮನೆಗೆ ಬಾರದೇ ಇದ್ದು ಎಲ್ಲಾ ಕಡೆ ಹುಡುಕಾಡಿದಲ್ಲೂ ಪತ್ತೆಯಾಗದೇ ಇದ್ದುದ್ದರಿಂದ ಪತ್ನಿ ಪಾರ್ವತಿಯವರು ನೀಡಿದ ದೂರಿನ ಮೇರೆಗೆ ಕುಶಾಲನಗರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

Tuesday, June 6, 2017

ವ್ಯಕ್ತಿಯ ಆತ್ಮಹತ್ಯೆ
                 ವ್ಯಕ್ತಿಯೊಬ್ದಬರು ಜೀವನದಲ್ಲಿ ಜುಗುಪ್ಸೆಗೊಂಡು ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಸೋಮವಾರಪೇಟೆ ತಾಲೂಕಿನ ತಾಕೇರಿ ಗ್ರಾಮದಲ್ಲಿ ವರದಿಯಾಗಿದೆ. ತಾಕೇರಿ  ನಿವಾಸಿ ಕಿರಣ್ ಎಂಬುವವರು ಮರದಿಂದ ಬಿದ್ದು ಕುಂಟುತ್ತಾ ನಡೆಯುತ್ತಿದ್ದು ಇದೇ ವಿಚಾರದಲ್ಲಿ ವಿಪರೀತ ಮದ್ಯಪಾನ ಮಾಡುತ್ತಿದ್ದು, ದಿನಾಂಕ 01-06-2017 ರಂದು ವಿಷ ಸೇವಿಸಿ ಆತ್ಮಹತ್ಯೆಗೆ ಪ್ರಯತ್ನಿಸಿದ್ದು, ಕಿರಣ್ ರವರನ್ನು ಮೈಸೂರಿನ ಮಿಷನ್ ಆಸ್ಪತ್ರೆಯಲ್ಲಿ ಚಿಕಿತ್ಸೆಯ ಬಗ್ಗೆ ದಾಖಲಿಸಿದ್ದು ಚಿಕಿತ್ಸೆ ಫಲಕಾರಿಯಾಗದೇ ದಿನಾಂಕ 05-06-2017 ರಂದು ಮೃತಪಟ್ಟಿದ್ದು ಈ ಬಗ್ಗೆ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ವಾಹನ ಕಳವು
                     ವಿರಾಜಪೇಟೆ ತಾಲೂಕಿನ ಕಡಂಗ ಗ್ರಾಮದ ನಿವಾಸಿ ಮಹಮ್ಮದ್ ಕುಂಞ ಎಂಬುವವರು ಮಂಗಳೂರಿನ ನಿವಾಸಿ ಮಹಮ್ಮದ್ ಅಶ್ರಫ್ ಎಂಬುವವರ ಬಾಪ್ತು ಕೆಎ-28-ಎಂ-5226 ರ ಸ್ಕಾರ್ಫಿಯೋ ವಾಹನವನ್ನು ಮಾರಾಟ ಮಾಡುವ ಸಲುವಾಗಿ 15 ದಿವಸಗಳ ಹಿಂದೆ ಮಂಗಳೂರಿನಿಂದ ತೆಗೆದುಕೊಂಡು ಬಂದಿದ್ದು ದಿನಾಂಕ 03-06-2017 ರಂದು ವಿರಾಜಪೇಟೆ ನಗರದಲ್ಲಿರುವ ಬೆಸ್ಟ್ ಮೋಟಾರ್ಸ್ ಆಟೋ ಲಿಂಕ್ ನ ಶೆಡ್ ನಲ್ಲಿ ನಿಲ್ಲಿಸಿದ್ದ ವಾಹನವನ್ನು ಕಳವು ಮಾಡಿರುವುದಾಗಿ ದಿನಾಂಕ 04-06-2017 ರಂದು ಕೊಟ್ಟ ಪುಕಾರಿನ ಮೇರೆಗೆ ವಿರಾಜಪೇಟೆ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ವ್ಯಕ್ತಿಯ ಆತ್ಮಹತ್ಯೆ 
                  ವ್ಯಕ್ತಿಯೊಬ್ಬರು ಜೀವನದಲ್ಲಿ ಜುಗುಪ್ಸೆಗೊಂಡು ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ವಿರಾಜಪೇಟೆ ತಾಲೂಕಿನ ಕೆದಮುಳ್ಳೂರು ಗ್ರಾಮದಲ್ಲಿ ವರದಿಯಾಗಿದೆ. ಕೆದಮುಳ್ಳೂರು ಗ್ರಾಮದ ನಿವಾಸಿ ರಮೇಶ ಎಂಬುವವರ ಪತ್ನಿ ಮತ್ತು ಮಕ್ಕಳು ಬಿಟ್ಟು ಹೋಗಿದ್ದು ಇದೇ ವಿಚಾರದಲ್ಲಿ ಜೀವನದಲ್ಲಿ ದಿನಾಂಕ 25-05-2017 ರಂದು ವಿಷ ಸೇವಿಸಿ ಆತ್ಮಹತ್ಯೆಗೆ ಪ್ರಯತ್ನಿಸಿದ್ದು, ರಮೇಶರವರನ್ನು ಮಡಿಕೇರಿಯ ಜಿಲ್ಲಾ ಸರ್ಕಾರಿ ಆಸ್ಪತ್ರೆಗೆ ಚಿಕಿತ್ಸೆಯ ಬಗ್ಗೆ ದಾಖಲಿಸಿದ್ದು ಚಿಕಿತ್ಸೆ ಫಲಕಾರಿಯಾಗದೇ ದಿನಾಂಕ 05-06-2017 ರಂದು ಮೃತಪಟ್ಟಿದ್ದು ಈ ಬಗ್ಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

Monday, June 5, 2017

ವ್ಯಕ್ತಿಯಿಂದ ಬಾಲಕಿ ಮೇಲೆ ಹಲ್ಲೆ:

     ಹಳೇ ದ್ವೇಷದಿಂದ ವ್ಯಕ್ತಿಯೊಬ್ಬರು ಮಕ್ಕಳೊಂದಿಗೆ ಆಟವಾಡುತ್ತಿದ್ದ ಬಾಲಕಿ ಮೇಲೆ ದೊಣ್ಣೆಯಿಂದ ಹಲ್ಲೆ ನಡೆಸಿದ ಘಟನೆ ಸೋಮವಾರಪೇಟೆ ತಾಲೋಕು ಕೆರಗನಹಳ್ಳಿ ಗ್ರಾಮದಲ್ಲಿ ನಡೆದಿದೆ. ಕೆರಗನಳ್ಳಿ ಗ್ರಾಮದ ಕೆ.ಎನ್. ಮಂಜುನಾಥ ಎಂಬವರ ಮಗಳಾದ 11 ವರ್ಷದ ಮಗಳು ಶರಣ್ಯ ದಿನಾಂಕ 3-6-2017 ರಂದು ಸಾಯಂಕಾಲ 5-30 ಗಂಟೆ ಸಮಯದಲ್ಲಿ ಅದೇ ಗ್ರಾಮದ ಕನ್ನಂಬಾಡಿ ದೇವಾಲಯದ ಮುಂದುಗಡೆ ಇತರೆ ಮಕ್ಕಳೊಂದಿಗೆ ಆಟವಾಡುತ್ತಿದ್ದಾಗ ಅದೇ ಗ್ರಾಮದ ನಿವಾಸಿ ಕೆ.ಎನ್. ರೇವೇಗೌಡ ಎಂಬವರು ಅಲ್ಲಿಗೆ ಬಂದು ಹಳೇ ದ್ವೇಷದಿಂದ ಆಟವಾಡುತ್ತಿದ್ದ ಶರಣ್ಯಳ ಮೇಲೆ ದೊಣ್ಣೆಯಿಂದ ಹಲ್ಲೆ ಮಾಡಿದ್ದು ಅಲ್ಲದೆ ಕೊಲೆ ಮಾಡುವುದಾಗಿ ಬೆದರಿಸಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಪಾದಚಾರಿಗೆ ಕಾರು ಡಿಕ್ಕಿ:

     ಪಾದಚಾರಿಯೊಬ್ಬರಿಗೆ ಕಾರೊಂದು ಡಿಕ್ಕಿಯಾಗಿ ಸದರಿಯವರು ಗಾಯಗೊಂಡ ಘಟನೆ ಗೋಣಿಕೊಪ್ಪ ಹತ್ತಿರದ ಕೈಕೇರಿಯಲ್ಲಿ ನಡೆದಿದೆ. ದಿನಾಂಕ 04/06/2017 ರಂದು ಕೈಕೇರಿ ಗ್ರಾಮದ ನಿವಾಸಿ ಹೆಚ್.ಆರ್. ವಸಂತ ಎಂಬವರು ಗೋಣಿಕೊಪ್ಪ ನಗರಕ್ಕೆ ಬಂದು ರಾತ್ರಿ 7-00 ಗಂಟೆಗೆ ಕೈಕೇರಿ ಗ್ರಾಮದ ಮಾರುತಿ ಶೋ ರೂಂ ಬಳಿ ಇರುವ ತಮ್ಮ ಮನೆಯ ಕಡೆಗೆ ಹೋಗುತ್ತಿದ್ದಾಗ ಎದುರುಗಡೆಯಿಂದ ಕೆಎಲ್-13-ಕೆ-5992 ರ ಮಾರುತಿ 800 ಕಾರಿನ ಚಾಲಕ ಸದರಿ  ಕಾರನ್ನು ಅತೀವೇಗ ಮತ್ತು ನಿರ್ಲಕ್ಷ್ಯತನದಿಂದ ಚಾಲಿಸಿಕೊಂಡು ಬಂದು ಹೆಚ್.ಆರ್. ವಸಂತರವರಿಗೆ ಡಿಕ್ಕಿ ಪಡಿಸಿದ ಪರಿಣಾಮ ಸದರಿಯವರು ಕೆಳಗೆ ಬಿದ್ದು ಗಾಯಗೊಂಡಿದ್ದು, ಈ ಸಂಬಂಧ ಗೋಣಿಕೊಪ್ಪ ಪೊಲೀಸರು ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಪರಸ್ಪರ ಕಾರುಗಳ ನಡುವೆ ಅಪಘಾತ:

     ವಿರಾಜಪೇಟೆ ಗ್ರಾಮಾಂತರ ಠಾಣಾ ಸರಹದ್ದಿನ ಬಿಟ್ಟಂಗಾಲ ಗ್ರಾಮದ ನಿವಾಸಿ ಶ್ರೀಮತಿ ಸ್ಮಿತಾ ಎಂಬವರು ದಿನಾಂಕ 4-6-2017 ರಂದು ತಮ್ಮ ಬಾಪ್ತು ಕೆ.ಎ.01 ಇಡಬ್ಲ್ಯು-496ರ ಸ್ಕೂಟರ್ ನಲ್ಲಿ ತಮ್ಮ ಮಗಳಾಧ ಆಯನ ಳೊಂದಿಗೆ ವಿರಾಜಪೇಟೆ ಕಡೆಯಿಂದ ಬಿಟ್ಟಂಗಾಲದಲ್ಲಿರುವ ತಮ್ಮ ಮನೆಯ ಕಡೆಗೆ ಹೋಗುತ್ತಿದ್ದಾಗ ಹಿಂದಿನಿಂದ ಬಂದ ಕೆಎ-12 ಎನ್ 7991 ರ ಇಂಡಿಕಾ ಕಾರನ್ನು ಅದರ ಚಾಲ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಎದುರುಗಡೆಯಿಂದ ಬಂದ ನ್ಯಾನೋ ಕಾರಿಗೆ ಡಿಕ್ಕಿ ಪಡಿಸಿದ್ದು ಪುನ: ಸದರಿ ಕಾರು ಶ್ರೀಮತಿ ಸ್ಮಿತಾರವರು ಚಲಾಯಿಸುತ್ತಿದ್ದ ಸ್ಕೂಟರಿಗೆ ಡಿಕ್ಕಿಯಾದ ಪರಿಣಾಮವಾಗಿ ಸ್ಕೂಟರಿನಲ್ಲಿ ಪ್ರಯಾಣಿಸುತ್ತಿದ್ದ ಸ್ಮಿತಾ, ಅವರ ಮಗಳಾದ ಆಯನ ಮತ್ತು ನ್ಯಾನೋ ಕಾರಿನಲ್ಲಿ ಪ್ರಯಾಣಿಸುತ್ತದ್ದ ಸಣ್ಣವಂಡ ವಸಂತ ಹಾಗು ಅವರ ಪತ್ನಿ ಶ್ರೀಮತಿ ನೀರಜ್ ರವರುಗಳು ಗಾಯಗೊಂಡಿದ್ದು, ಈ ಸಂಬಂಧ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Sunday, June 4, 2017

ಅಕ್ರಮ ಮರಳು ಸಾಗಾಟ 
                  ದಿನಾಂಕ 02-06-2017 ರಂದು ಪೊನ್ನಂಪೇಟೆ ಪೊಲೀಸ್ ಠಾಣಾ ಉಪ ನಿರೀಕ್ಷಕರಾದ ಜಯರಾಮ್ ರವರು ತಮ್ಮ ಸಿಬ್ಬಂದಿಯವರೊಂದಿಗೆ ರಾತ್ರಿ ಗಸ್ತುವಿನಲ್ಲಿರುವಾಗ ಕೋಣನಕಟ್ಟೆ ಜಂಕ್ಷನ್ ತಲುಪುವಾಗ ಕೆಎ-12—ಬಿ-1333 ರ ಲಾರಿಯಲ್ಲಿ ಅಕ್ರಮ ಮರಳು ಸಾಗಾಟ ಮಾಡುತ್ತಿದ್ದವರನ್ನು ಪತ್ತೆಹಚ್ಚಿ ಚಾಲಕ ಭರತ್ ಕುಮಾರ್ ರವನ್ನು ವಶಕ್ಕೆ ತೆಗೆದುಕೊಂಡು ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡಿರುತ್ತಾರೆ. 

ವಾಹನ ಅಪಘಾತ 
                   ದಿನಾಂಕ 03-06-2017 ರಂದು ಮಡಿಕೇರಿ ನಗರದ ನಿವಾಸಿ ಕೆ ಗಣೇಶ ಎಂಬುವವರು 7ನೇ ಹೊಸಕೋಟೆ ಗ್ರಾಮಕ್ಕೆ ಹೋಗುತ್ತಿರುವಾಗ ಕೊಡಗರಹಳ್ಳಿ ಎಂಬಲ್ಲಿಗೆ ತಲುಪುವಾಗ ಕುಶಾಲನಗರದ ಕಡೆಯಿಂದ ಲಾರಿಯನ್ನು ಹುಸೇನ್ ಬಾಷಾ ಎಂಬುವವರು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಹೋಗಿ ಟಾಟಾ ಸುಮೋಗೆ ಡಿಕ್ಕಿ ಪಡಿಸಿದ ಪರಿಣಾಮ ಸುಮೋ ಜಖಂಗೊಂಡಿರುವುದಾಗಿ ಗಣೇಶರವರು ನೀಡಿದ ದೂರಿನ ಮೇರೆಗೆ ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

Saturday, June 3, 2017

ವ್ಯಕ್ತಿಯ ಆತ್ಮಹತ್ಯೆ 
              ವ್ಯಕ್ತಿಯೊಬ್ಬರು ಜುಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಸೋಮವಾರಪೇಟೆ ನಗರದ ಶಾರದ ಲಾಡ್ಜ್ ನಲ್ಲಿ ನಡದಿದೆ. ಹಾಸನ ಜಿಲ್ಲೆಯ ಚಿಕ್ಕಹೊನ್ನೇನ ಹಳ್ಳಿಯ ನಿವಾಸಿಯಾದ ಕೃಷ್ಣಪ್ಪನವರು ಕೂಗುರುವಿನಲ್ಲಿರುವ ಕಾಫಿತೋಟವನ್ನು ವ್ಯವಸಾಯ ಮಾಡುತ್ತಿದ್ದು ಅವರು ಜನರಿಂದ ಸಾಲವನ್ನು ಪಡೆದುಕೊಂಡಿದ್ದು ಸಾಲ ತೀರಿಸಲಾಗದೇ ಮನನೊಂದು ದಿನಾಂಕ 01-06-2017 ರಂದು ಸೋಮವಾರಪೇಟೆ ನಗರದ ಶಾರದ ಲಾಡ್ಜ್ ನಲ್ಲಿ ನೇಣು ಬಿಗಿದುಕೊಂಡು ಆತ್ಮ ಹತ್ಯೆ ಮಾಡಿಕೊಮಡಿರುವುದಾಗಿ ಮಗ ರಂಜಿತ್ ರವರು ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ನಗರ ಠಾಅಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ. 

ಅಕ್ರಮ ಮರಳು ಸಾಗಾಟ 
                ದಿನಾಂಕ 02-06-2017 ರಂದು ಶನಿವಾರಸಂತೆ ಪೊಲೀಸ್ ಠಾಣಾ ಉಪ ನಿರೀಕ್ಷಕರಾದ ಮರಿಸ್ವಾಮಿಯವರು ತಮ್ಮ ಸಿಬ್ಬಂದಿಯವರೊಂದಿಗೆ ರಾತ್ರಿ ಗಸ್ತುವಿನಲ್ಲಿರುವಾಗ ಕ್ಯಾತೆ ಗ್ರಾಮದ ಬಳಿ ಕೆಎ-12-ಬಿ-4838 ರ ಲಾರಿಯಲ್ಲಿ ಅಕ್ರಮ ಮರಳು ಸಾಗಾಟ ಮಾಡುತ್ತಿದ್ದವರನ್ನು ಪತ್ತೆಹಚ್ಚಿ ಚಾಲಕ ಹಾಗೂ ಲಾರಿಯ ಮಾಲೀಕನ ಮೇಲೆ ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡಿರುತ್ತಾರೆ. 

ಮೋಟಾರು ಸೈಕಲ್ ಅಪಘಾತ ವ್ಯಕ್ತಿಯ ದುರ್ಮರಣ 
                  ದಿನಾಂಕ 02-06-2017 ರಂದು ಗುಡ್ಡೆಹೊಸೂರುವಿನ ಬೊಳ್ಳೂರು ಗ್ರಾಮದ ನಿವಾಸಿ ಉಮೇಶ ಎಂಬುವವರು ತನ್ನ ಸ್ನೇಹಿತ ಕುಮಾರರವರೊಂದಿಗೆ ಅವರ ಬಾಪ್ತು ಮೋಟಾರು ಸೈಕಲಿನಲ್ಲಿ ಕುಶಾಲನಗರಕ್ಕೆ ಹೋಗಿ ಗ್ಯಾಸ್ ಸಿಲಿಂಡರ್ ತುಂಬಿಸಿಕೊಂಡು ಮೋಟಾರು ಸೈಕಲಿನಲ್ಲಿ ವಾಪಾಸ್ಸು ಹೋಗುತ್ತಿರುವಾಗ ಬೊಳ್ಳೂರು ಗ್ರಾಮದ ರಸ್ತೆಯಲ್ಲಿ ಕುಮಾರರವರು ಮೋಟಾರು ಸೈಕಲನ್ನು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಹೋಗಿ ಎದುರುಗಡೆಯಿಂದ ಬರುತ್ತಿದ್ದ ಮೋಟಾರು ಸೈಕಲಿಗೆ ಡಿಕ್ಕಿಪಡಿಸಿದ ಪರಿಣಾಮ ಎರಡೂ ಮೋಟಾರು ಸೈಕಲ್ ಗಳು ಬಿದ್ದು ಇಬ್ಬರಿಗೆ ಗಾಯಗಳಾಗಿದ್ದು ಕುಮಾರರವರನ್ನು ಚಿಕಿತ್ಸೆಯ ಬಗ್ಗೆ ಕುಶಾಲನಗರ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದ್ದು ಚಿಕಿತ್ಸೆ ಫಲಕಾರಿಯಾಗದೇ ಕಮಾರರವರು ಮೃತಪಟ್ಟಿದ್ದು ಈ ಬಗ್ಗೆ ಕುಶಾಲನಗರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ. 

ಹಾವು ಕಚ್ಚಿ ವ್ಯಕ್ತಿಯ ಸಾವು 
                 ದಿನಾಂಕ 01-06-2017 ರಂದು ಸೋಮವಾರಪೇಟೆ ತಾಲೂಕಿನ ಕಿರಗಂದೂರ ಗ್ರಾಮದ ನಿವಾಸಿಯಾದ ರೇವಣ್ಣ ಮತ್ತು ಅವರ ಪತ್ನಿ ಬಸಮ್ಮನವರು ಮನೆಯಲ್ಲಿರುವಾಗ ಮನೆಯ ಳಗೆ ನಾಗರ ಹಾವು ನುಗ್ಗಿದ್ದು ಹಾವನ್ನು ಓಡಿಸುವಾಗ ರೇವಣ್ಣನವರ ಬಲಕೈಗೆ ಹಾವು ಕಚ್ಚಿದ್ದು, ರೇವಣ್ಣನವರನ್ನು ಚಿಕಿತ್ಸೆಯ ಬಗ್ಗೆ ಮಡಿಕೇರಿ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದ್ದು ಚಿಕಿತ್ಸೆ ಫಲಕಾರಿಯಾಗದೇ ಮೃತಪಟ್ಟಿದ್ದು ಈ ಬಗ್ಗೆ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

Friday, June 2, 2017

ವ್ಯಕ್ತಿಯ ಆತ್ಮಹತ್ಯೆ
                       ದಿನಾಂಕ 01/06/2017ರಂದು ವಿರಾಜಪೇಟೆ ಬಳಿಯ ಅರಪಟ್ಟು ನಿವಾಸಿ  ಪಾಂಡಂಡ ದಿವ್ಯಾ ಎಂಬವರು ಮಕ್ಕಳು ಮತ್ತು ಅತ್ತೆಯೊಂದಿಗೆ ಅಪ್ಪಣ್ಣ ಎಂಬವರ ಮನೆಗೆ ಹೋಗಿದ್ದಾಗ ಅವರ ಪತಿ ಪಾಂಡಂಡ ದಿನೇಶ್‌ ಕರುಂಬಯ್ಯ ಎಂಬವರು ಮನೆಯಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು ತೋಟ ಕೆಲಸ ಹಾಗೂ ಹೊಸ ಮನೆ ಕಟ್ಟಿಸುವ ಸಲುವಾಗಿ ಬ್ಯಾಂಕಿನಿಂದ ವಿಪರೀತ ಸಾಲ ಮಾಡಿದ್ದು ಸಾಲ ತೀರಿಸಲು  ಸಾಧ್ಯವಾಗದೆ ಆತ್ಮಹತ್ಯೆ  ಮಾಡಿಕೊಂಡಿರುವುದಾಗಿ ಆತನ ಪತ್ನಿ  ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಅಪರಿಚಿತ ಶವ ಪತ್ತೆ
                 ದಿನಾಂಕ 01/06/2017ರಂದು ಸೋಮವಾರಪೇಟೆ ಬಳಿಯ ಯಡವಾರೆ ನಿವಾಸಿ ವಿಶ್ವನಾಥ ಎಂಬವರಿಗೆ ಹಾರಂಗಿ ಹಿನ್ನೀರಿನಲ್ಲಿ  ಯಾರದೋ ಮೃತ ಶರೀರ ತೇಲುತ್ತಿರುವ ಬಗ್ಗೆ ಅಕ್ಕ ಪಕ್ಕದವರು ಮಾತನಾಡುತ್ತಿದ್ದುದನ್ನು ಕೇಳಿ ಹೋಗಿ ನೋಡಿದಾಗ ಹಿನ್ನೀರಿನಲ್ಲಿ ಅಪರಿಚಿತ ವ್ಯಕ್ತಿಯೊಬ್ಬನ ಶವ ತೇಲುತ್ತಿದ್ದುದು ಕಂಡು ಬಂದಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವ್ಯಕ್ತಿ ಆತ್ಮಹತ್ಯೆ
                 ದಿನಾಂಕ 01/06/2017ರಂದು ಸಿದ್ದಾಪುರ ನಗರ ನಿವಾಸಿ ಮರಿ ಎಂಬವರು ಮನೆಯಲ್ಲಿ ಮಾಡಿಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು ಹಲವು ಸಮಯದಿಂದ ಮೂಲ ವ್ಯಾಧಿ ರೋಗದಿಂದ ಬಳಲುತ್ತಿದ್ದು ಜುಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.