Monday, October 31, 2016

ಕ್ಷುಲ್ಲಕ ಕಾರಣ ವ್ಯಕ್ತಿ ಮೇಲೆ ಹಲ್ಲೆ:

         ಕ್ಷುಲ್ಲಕ ಕಾರಣದಿಂದ ವ್ಯಕ್ತಿಗಳಿಬ್ಬರು ಮತ್ತೋರ್ವ ವ್ಯಕ್ತಿ ಮೇಲೆ ಹಲ್ಲೆ ನಡೆಸಿ ಗಾಯಪಡಿಸಿದ ಘಟನೆ ಸೋಮವಾರಪೇಟೆ ಠಾಣಾ ವ್ಯಾಪ್ತಿಯ ದೊಡ್ಡ ಅಬ್ಬೂರು ಗ್ರಾಮದಲ್ಲಿ ನಡೆದಿದೆ. ದಿನಾಂಕ 30-10-2016 ರಂದು ದೊಡ್ಡ ಅಬ್ಬೂರು ಗ್ರಾಮದ ನಿವಾಸಿ ಸಿ.ಎ ಸುಬ್ಬಯ್ಯ ಎಂಬವರು ಅವರ ಮನೆಯ ಪಕ್ಕದ ಕಾವೇರಪ್ಪ ಎಂಬವರಿಗ ಸೇರಿದ ಗದ್ದೆಯಲ್ಲಿ ಕರೆಂಟ್ ಕಂಬ ಹಾಕುವ ಸಂಬಂಧ ಗದ್ದೆಯ ಏರಿಯನ್ನು ಅಗೆದ ಕಾರಣಕ್ಕೆ ಆರೋಪಿಗಳಾದ ಚೇತನ್ ಹಾಗು ಚಂದ್ರ ರವರುಗಳು ಅಲ್ಲಿಗೆ ಬಂದು ಜಗಳ ಮಾಡಿ ದೊಣ್ಣೆಯಿಂದ ಸಿ.ಎ. ಸುಬ್ಬಯ್ಯನವರ ಮೇಲೆ ಹಲ್ಲೆ ನಡೆಸಿ ಕತ್ತಿಯಿಂದ ಕಡಿದು ಗಾಯಪಡಿಸಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ಕರೆಂಟ್ ಕಂಬ ಹಾಕುವ ವಿಚಾರದಲ್ಲಿ ಜಗಳ ವ್ಯಕ್ತಿ ಮೇಲೆ ಹಲ್ಲೆ:
  
         ಕರೆಂಟ್ ಕಂಬ ಹಾಕುವ ವಿಚಾರದಲ್ಲಿ ಇಬ್ಬರ ನಡುವೆ ಜಗಳ ನಡೆದು ಒಬ್ಬಾತ  ಹಲ್ಲೆಗೊಳಗಾದ  ಬಗ್ಗೆ ಸೋಮವಾರಪೇಟೆ ತಾಲೋಕು ದೊಡ್ಡ ಅಬ್ಬೂರು ಗ್ರಾಮದಿಂದ ವರದಿಯಾಗಿದೆ. ಸೋಮವಾರಪೇಟೆ ಠಾಣಾ ವ್ಯಾಪ್ತಿಯ ದೊಡ್ಡ ಅಬ್ಬೂರು ಗ್ರಾಮ ನಿವಾಸಿ ಸಿ.ಜೆ. ಚೇತನ್ ಹಾಗು ಅದೇ ಗ್ರಾಮದ ಸಿ.ಎ. ಸುಬ್ಬಯ್ಯ ಎಂಬವರ ನಡುವೆ ಕರೆಂಟ್ ಕಂಬ ಹಾಕುವ ವಿಚಾರದಲ್ಲಿ ಜಗಳ ವಾಗಿದ್ದು, ಸಿ.ಎ. ಸುಬ್ಬಯ್ಯನವರು ಚೇತನ್ ರವರನ್ನು ಅವಾಚ್ಯ ಶಬ್ದಗಳಿಂದ ನಿಂದಿಸಿ ದೊಣ್ಣೆಯಿಂದ ಹಲ್ಲೆ ನಡೆಸಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ದುಡುಕಿನ ಚಾಲನೆ ಕಾರು ವಿದ್ಯುತ್ ಕಂಬಕ್ಕೆ ಡಿಕ್ಕಿ, ಜಖಂ:

        ದುಡುಕಿನ ಚಾಲನೆಯಿಂದ ಕಾರೊಂದು ವಿದ್ಯುತ್ ಕಂಬಕ್ಕೆ ಡಿಕ್ಕಿಯಾಗಿ ಹಾನಿಗೊಳಗಾದ ಬಗ್ಗೆ ಪೊನ್ನಂಪೇಟೆ ಠಾಣಾ ವ್ಯಾಪ್ತಿಯ ತಿತಿಮತಿ ವಿವೇಕಾನಂದ ಆಸ್ಪತ್ರೆಯ ಬಳಿ ನಡೆದಿದೆ. ದಿನಾಂಕ 30-10-2016 ರಂದು ಬೆಳಗಿನ ಜಾವ 5-00 ಗಂಟೆಯ ಸಮಯದಲ್ಲಿ ಡೆನ್ನಿ ಫಿಲಿಪ್ ಎಂಬವರು ತಮ್ಮ ಬಾಪ್ತು ಶಿಫ್ಟ್ ಡಿಸಾಯರ್ ಕಾರನ್ನು ಅತೀ ವೇಗ ಮತ್ತು ಅಜಾಗರೂಕತೆಯಿಂದ ಚಲಾಯಿಸಿದ ಪರಿಣಾಮ ಕಾರು ರಸ್ತೆ ಬದಿಯಲ್ಲಿದ್ದ ವಿದ್ಯುತ್ ಕಂಬಕ್ಕೆ ಡಿಕ್ಕಿಯಾಗಿ ಜಖಂ ಗೊಂಡಿದ್ದು, ಟಿ.ಜೆ. ಬ್ರಿಜೇಶ್ ಎಂಬವರು ನೀಡಿದ ದೂರಿನ ಮೇರೆಗೆ ಪೊನ್ನಂಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ದ್ವೇಷದ ಹಿನ್ನೆಲೆ ವ್ಯಕ್ತಿ ಮೇಲೆ ಕತ್ತಿಯಿಂದ ಹಲ್ಲೆ:

        ವ್ಯಕ್ತಿಯೊಬ್ಬರ ಮೇಲೆ ಮತ್ತೋರ್ವ ವ್ಯಕ್ತಿ  ಕತ್ತಿಯಿಂದ ಹಲ್ಲೆ ನಡೆಸಿ ಗಾಯಪಡಿಸಿದ ಘಟನೆ ಪೊನ್ನಂಪೇಟೆ ಠಾಣಾ ವ್ಯಾಪ್ತಿಯ ಬೆಸಗೂರು ಗ್ರಾಮದಲ್ಲಿ ನಡೆದಿದೆ. ದಿನಾಂಕ 30-10-2016 ರಂದು ಸಂಜೆ 5-15 ಗಂಟೆಯ ಸಮಯದಲ್ಲಿ ಬೆಸಗೂರು ಗ್ರಾಮದ ನಿವಾಸಿ ಪಿ.ಕೆ. ಗಣಪತಿ ಎಂಬವರು ತಮ್ಮ ತೋಟದ ಬೇಲಿಯನ್ನು ಪೊನ್ನಿಮಾಡ ಕುಟ್ಟಪ್ಪ ಎಂಬವರು ಕಡಿಯುತ್ತಿರುವುದನ್ನು ಗಮನಿಸಿ ಅದನ್ನು ವಿಚಾರಿಸಿದ್ದು, ಇದೇ ವಿಚಾರವಾಗಿ  ಸದರಿ ಪೊನ್ನಿಮಾಡ ಕುಟ್ಟಪ್ಪನವರು ಪಿ.ಕೆ. ಗಣಪತಿಯವರ ಮೇಲೆ ಕತ್ತಿಯಿಂದ ಕಡಿದು ಗಾಯಪಡಿಸಿದ್ದು ಅಲ್ಲದೆ ಗಣಪತಿಯವರ ಪತ್ನಿ ಯವರನ್ನು ಕೊಲೆ ಮಾಡುವುದಾಗಿ ಬೆದರಿಕೆ ಹಾಕಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಪೊನ್ನಂಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಪಾದಚಾರಿಗೆ ಬೈಕ್ ಡಿಕ್ಕಿ:

      ಪಾದಚಾರಿಗೆ ಬೈಕೊಂದು ಡಿಕ್ಕಿಯಾಗಿ ಗಾಯಗೊಂಡ ಘಟನೆ ವಿರಾಜಪೇಟೆ ನಗರದ ತೆಲುಗರಬೀದಿಯಲ್ಲಿ ನಡೆದಿದೆ. ವಿರಾಜಪೇಟೆ ನಗರದ ತೆಲುಗರಬೀದಿ ನಿವಾಸಿ ಶ್ರೀಮತಿ ಮೀನಾಕ್ಷಿ ಎಂಬವರು ದಿನಾಂಕ 30-10-2016 ರಂದು 4-20 ಪಿ.ಎಂ.ಗೆ ತೆಲುಗರಬೀದಿಯಲ್ಲಿ ನಡೆದುಕೊಂಡು ಹೋಗುತ್ತಿದ್ದಾಗ ಹಿಂದಿನಿಂದ ವಿರಾಜಪೇಟೆ ತಾಲೋಕು ಕಾವಾಡಿ ಗ್ರಾಮದ ನಿವಾಸಿ ಹೆಚ್.ಬಿ. ಕಾಳಪ್ಪ ಎಂಬವರು ತಮ್ಮ ಮೋಟಾರ್ ಸೈಕಲನ್ನು ದುಡುಕಿನಿಂದ ಚಾಲಿಸಿಕೊಂಡು ಬಂದು ನಡೆದುಕೊಂಡು ಹೋಗುತ್ತಿದ್ದ ಶ್ರೀಮತಿ ಮೀನಾಕ್ಷಿರವರಿಗೆ ಡಿಕ್ಕಿ ಪಡಿಸಿದ ಪರಿಣಾಮ ಮೀನಾಕ್ಷಿಯವರು ಗಾಯಗೊಂಡಿದ್ದು, ವಿರಾಜಪೇಟೆ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಅಕ್ರಮ ಮರಳು ಸಾಗಾಟ:

      ಅಕ್ರಮವಾಗಿ ಮರಳನ್ನು ಸಾಗಾಟ ಮಾಡುತ್ತಿದ್ದವರ ಮೇಲೆ ವಿರಾಜಪೇಟೆ ನಗರ ಪೊಲೀಸರು ದಾಳಿ ನಡೆಸಿ ಆರೋಪಿ ವಿರುದ್ದ ಪ್ರಕರಣ ದಾಖಲಿಸಿದ್ದಾರೆ. ವಿರಾಜಪೇಟೆ ನಗರ ಠಾಣಾ ಪಿ.ಎಸ್.ಐ. ಶ್ರೀ ಜೆ.ಕೆ. ಸುಬ್ರಹ್ಮಣ್ಯ ರವರಿಗೆ ದೊರೆತ ಮಾಹಿತಿ ಮೇರೆಗೆ ರಾಮನಗರದ ಕಡೆಯಿಂದ ವಿರಾಜಪೇಟೆ ನಗರದ ಕಡೆಗೆ ಲಾರಿಯಲ್ಲಿ ಅಕ್ರಮವಾಗಿ ಮರಳನ್ನು ಸಾಗಾಟ ಮಾಡುತ್ತಿದ್ದವರ ಮೇಲೆ ದಾಳಿ ನಡೆಸಿ ಆರೋಪಿ ಕಲ್ಲುಬಾಣೆ ನಿವಾಸಿ ಅಬ್ದುಲ್ ಸಮ್ಮದ್ ರವರನ್ನು ಮರಳು ತುಂಬಿದ ಲಾರಿ ಸಮೇತವಾಗಿ ಬಂಧಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ಪೊಲೀಸ್ ದಾಳಿ ಅಕ್ರಮ ಮರಳು ಸಾಗಿಸುತ್ತಿದ್ದ ವ್ಯಕ್ತಿಯ ಬಂಧನ:

        ದಿನಾಂಕ 22-10-2016 ರಂದು ವಿರಾಜಪೇಟೆ ನಗರ ಠಾಣಾಧಿಕಾರಿ ಶ್ರೀ ಜೆ.ಕೆ. ಸುಬ್ರಹ್ಮಣ್ಯ ರವರಿಗೆ ಬಂದ ಖಚಿತ ವರ್ತಮಾನದ ಮೇರೆಗೆ ದಿನಾಂಕ 30-10-2016 ರಂದು ಸಂಜೆ 6-30 ಗಂಟೆಗೆ ಸಿಬ್ಬಂದಿಯೊಂದಿಗೆ ಕಂಡಂಗಾಲ ಗ್ರಾಮದಲ್ಲಿ ಅಕ್ರಮವಾಗಿ ಲಾರಿಯಲ್ಲಿ ಮರಳನ್ನು ಸಾಗಾಟ ಮಾಡುತ್ತಿದ್ದ ಲಾರಿ ಮೇಲೆ ದಾಳಿ ನಡೆಸಿ ಆರೋಪಿ ನೊರೇರ ನಾಣಯ್ಯ ಎಂಬವರನ್ನು ಹಾಗು ಮರಳು ತುಂಬಿದ ಲಾರಿಯನ್ನು ವಶಕ್ಕೆ ಪಡೆದು ಮುಂದಿನ ಕ್ರಮ ಕೈಗೊಂಡಿರುತ್ತಾರೆ. 

ಬೈಕಿನಲ್ಲಿ ಹೋಗುತ್ತಿದ್ದ ವ್ಯಕ್ತಿಯ ದಾರಿ ತಡೆದು ನಗದು ದರೋಡೆ:

         ವ್ಯಕ್ತಿಯೊಬ್ಬರು ಕೇರಳದ ಕಡೆಗೆ ಮೋಟಾರ್ ಸೈಕಲಿನಲ್ಲಿ ಹೋಗುತ್ತಿದ್ದಾಗ ಮೋಟಾರ ಸೈಕಲನ್ನು ಅಡ್ಡಗಟ್ಟಿ ನಗದು ಹಣ ದರೋಡೆ ಮಾಡಿದ ಘಟನೆ ವಿರಾಜಪೇಟೆ ಗ್ರಾಮಾಂತರ ಠಾಣಾ ಸರಹದ್ದಿನ ಕದನೂರು ಗ್ರಾಮದಲ್ಲಿ ನಡೆದಿದೆ. ಫಿರ್ಯಾದಿ ಕೆ.ವೈ. ಸಂಶುದ್ದೀನ್, ತಂದೆ ಕೆ ಹೆಚ್ ಯೂಸುಫ್, ಪ್ರಾಯ 40 ವರ್ಷ, ವ್ಯಾಪಾರ ವೃತ್ತಿ, ವಾಸ ಲೆಕಂಬ ಸ್ಟ್ರೀಟ್ ಸಿಡ್ನಿ ಆಸ್ಟ್ರೇಲಿಯಾ ಸ್ವಂತ ಊರು ಕಿಕ್ಕೇರೆ ಕೋಕೇರೆ ಗ್ರಾಮ ಚೇಯಂಡಾಣೆ ಅಂಚೆ, ಇವರು ದಿನಾಂಕ 29-10-2016 ರಂದು ಸಂಜೆ 6-15 ಗಂಟೆ ಸಮಯದಲ್ಲಿ ಮೋಟಾರ್ ಸೈಕಲ್ ನಲ್ಲಿ ತನ್ನ ತಂದೆಯ ಮನೆ ಕಿಕ್ಕೆರೆಯಿಂದ ವಿರಾಜಪೇಟೆಯ ಮೂಲಕ ಕೇರಳಕ್ಕೆ ಹೋಗುತ್ತಿದ್ದಾಗ ಬಾವಲೀ ಗ್ರಾಮದ ಹತ್ತಿರ ಅವರ ದೂರದ ಸಂಭಂದಿ ಆರೋಪಿ ಎರೆಟೆಯಂಡ ಮಸುದ್ ಎಂಬವರು ಮೂಟಾರ್ ಸೈಕಲ್ ನಿಲ್ಲಿಸುವಂತೆ ಕೇಳಿಕೊಂಡ ಮೇರೆ ಪಿರ್ಯಾದಿಯವರು ಮೋಟಾರ್ ಸೈಕಲ್ ನಿಲ್ಲಿಸಿದ್ದು ತಾನು ನಿನ್ನೊಂದಿಗೆ ವಿರಾಜಪೇಟೆಗೆ ಬರುವುದಾಗಿ ತಿಳಿಸಿದ ಮೇರೆಗೆ ಸದರಿಯಾತನನ್ನು ತನ್ನ ಹಿಂಬಾಗದಲ್ಲಿ ಕೂರಿಸಿಕೊಂಡು ಹೋಗುತ್ತಿದ್ದಾಗ ಕಲ್ಲು ಮೊಟ್ಟೆ ಎಂಬ ಜಾಗದಲ್ಲಿ ತಲುಪಿದಾಗ ಎರೆಟೆಯಂಡ ಮಸುದ್ ತನಗೆ ಮೂತ್ರ ವಿಸರ್ಜನೆ ಮಾಡಬೇಕೆಂದು ತಿಳಿಸಿ  ಮೋಟಾರ್ ಸೈಕಲ್ ನಿಲ್ಲಿಸಲು ಹೇಳಿದ್ದು ಅದರಂತೆ ಮೋಟಾರ್ ಸೈಕಲ್ ನಿಂದ ಇಳಿದು ಹೋಗಿ ತನ್ನ ಮೊಬೈಲ್ ನಿಂದ ಯಾರಿಗೋ ಕರೆ ಮಾಡಿದ್ದು ನಂತರ ಅಲ್ಲಿಂದ  ಮುಂದೆ ಬಂದಾಗ ನಾಲ್ಕನೇ ಮೈಲಿನ ಹತ್ತಿರದ ಬೈಕನ್ನು ಅಡ್ಡ ದಾರಿಯಲ್ಲಿ ತಿರುಗಿಸಲು ಹೇಳಿ ಸ್ವಲ್ಪ ಮುಂದೆ ಹೋದಾಗ ಹಿಂಬಾಗದಿಂದ ಬಂದ ಒಂದು ಪಲ್ಸರ್ ಮೋಟಾರ್ ಸೈಕಲ್ ನಲ್ಲಿ ಇಬ್ಬರು ವ್ಯಕ್ತಿಗಳು ತಮ್ಮ ಮೋಟಾರ್ ಸೈಕಲ್ ಅನ್ನು ಫಿರ್ಯಾದಿ ಬೈಕಿಗೆ ಅಡ್ಡಲಾಗಿ ನಿಲ್ಲಿಸಿ  ಫಿರ್ಯಾದಿ ತನ್ನ ಮೋಟಾರ್ ಸೈಕಲನ್ನು  ನಿಲ್ಲಿಸಿದಾಗ ಸದರಿ ಇಬ್ಬರು ವ್ಯಕ್ತಿಗಳು ಬೈಕಿನಿಂದ ಇಳಿದು ಬಂದು ಅದರಲ್ಲಿ ಒಬ್ಬಾತ ಪಿರ್ಯಾದಿಯವರಿಗೆ ಚಾಕು ತೋರಿಸಿ 1,00,000/- ರುಪಾಯಿ ಕೊಡು ಇಲ್ಲದಿದ್ದರೆ ಈ ಚಾಕುವಿನಿಂದ ಇರಿದು ಕೊಲೆ ಮಾಡುತ್ತೇನೆ ಎಂದು ಹೆದರಿಸಿದ್ದು ಅಷ್ಟರಲ್ಲಿ ಫಿರ್ಯಾದಿ ಬೈಕಿನಲ್ಲಿದ್ದ ವ್ಯಕ್ತಿ ಬೈಕಿನಿಂದಿಳಿದು ಫಿರ್ಯಾದಿಯ ಬಾಯಿಗೆ ಮುಷ್ಠಿಯಿಂದ ಗುದ್ದಿ ಹಣ ಕೊಡುವಂತೆ ಹೇಳಿದ್ದು ಹಣ ಇಲ್ಲ ಎಂದು ಹೇಳಿದಾಗ ಅದೇ ಎರೆಟೆಯಂಡ ಮಸುದ್ ಪಿರ್ಯಾದಿಯವರ ಜೇಬಿನಲ್ಲಿದ್ದ 52.000/- ರೂಗಳನ್ನು ಕಿತ್ತುಕೊಂಡು ಅವರೆಲ್ಲಾ  ಅಲ್ಲಿಂದ ಹೋಗಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ವರದಕ್ಷಿಣೆ ಕಿರುಕುಳ ಪ್ರಕರಣ ದಾಖಲು:

     ಫಿರ್ಯಾದಿ ಶ್ರೀಮತಿ ಸ್ವಪ್ನ ದೇಚಮ್ಮ, ಕೋಟೂರು ಗ್ರಾಮ ಇವರು ದಿನಾಂಕ 16-06-2016 ರಂದು ಕೊಡವ ಸಂಪ್ರದಾಯದಂತೆ ಬಣ್ಣಮೊಟ್ಟೆ ನಾಲ್ಕೇರಿ ಗ್ರಾಮದ ಮುಕ್ಕಾಟೀರ ನವೀನ್ ಅಯ್ಯಪ್ಪ ಎಂಬುವವರನ್ನು ಹುದಿಕೇರಿ ಕೊಡವ ಸಮಾಜದಲ್ಲಿ ವಿವಾಹವಾಗಿದ್ದು ವಿವಾಹದ ಸಮಯದಲ್ಲಿ ಪಿರ್ಯಾದಿಯವರ ತವರು ಮನೆಯಿಂದ  ಚಿನ್ನಾಭರಣ ಮತ್ತು ಗೃಹ ಉಪಯೋಗಿ ವಸ್ತುಗಳನ್ನು ನೀಡಿದ್ದು, ಅಲ್ಲದೆ ಪುನಃ ರೂ 10,00,000/- ಹಣವನ್ನು ವರದಕ್ಷಿಣೆಯಾಗಿ ತರಬೇಕೆಂದು ಪ್ರತಿದಿನ ಮಾನಸಿಕ ಮತ್ತು ದೈಹಿಕ ಹಿಂಸೆ ನೀಡುತ್ತಿದ್ದು, ದಿನಾಂಕ 28-10-2016 ರಂದು ಬೆಳಿಗ್ಗೆ ಸಮಯ ಸುಮಾರು 08:30 ಗಂಟೆಗೆ ಪಿರ್ಯಾದಿಯವರ ಗಂಡ ನವೀನ್ ಅಯ್ಯಪ್ಪ ಹಾಗೂ ಅತ್ತೆ ಬೋಜಮ್ಮರವರು ಫಿರ್ಯಾದಿಯವರ ಮೇಲೆ ಕೈಯಿಂದ ಹಲ್ಲೆ ಮಾಡಿ ಕೈ ಬೆರಳುಗಳನ್ನು ತಿರುಗಿಸಿ ನೋವುಂಟುಮಾಡಿ ನಿನ್ನ ತವರು ಮನೆಯಿಂದ 10,00,000/- ರೂ ಗಳನ್ನು ತರಬೇಕೆಂದೂ ಇಲ್ಲದಿದ್ದರೆ ಸೀಮೆ ಎಣ್ಣೆ ಸುರಿದು ಬೆಂಕಿ ಹಚ್ಚಿ ಕೊಲೆ ಮಾಡುವುದಾಗಿ ಬೆದರಿಕೆ ಹಾಕಿದ್ದು ಪಿರ್ಯಾದಿಯವರು ಅಲ್ಲಿಂದ ತಪ್ಪಿಸಿಕೊಂಡು ತನ್ನ ತವರು ಮನೆ ಕೋಟೂರಿಗೆ ಹೋಗಿ ನೆಲೆಸಿರುವುದಾಗಿಯೂ ನೀಡಿದ ದೂರಿನ ಮೇರೆಗೆ ಕುಟ್ಟ ಪೊಲೀಸರು ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ಮುಂದಿನ ತನಿಖೆ ಕೈಗೊಂಡಿದ್ದಾರೆ.  

Sunday, October 30, 2016

ನಕಲಿ ಸಹಿ ಮಾಡಿ ವಂಚನೆ
                      ನಕಲಿ ಸಹಿ ಮಾಡಿ ಆಸ್ತಿಯನ್ನು ನೋಂದಣಿ ಮಾಡಿಕೊಂಡು ವಂಚಿಸಿರುವ ಪ್ರಕರಣ ನಾಪೋಕ್ಲು ಬಳಿಯ ಬಲ್ಲಮಾವಟಿ ಗ್ರಾಮದಲ್ಲಿ ನಡೆದಿದೆ. ಬಲ್ಲಮಾವಟಿ ಬಳಿಯ ಪೇರೂರು ಗ್ರಾಮದ ಪಾಲೆಯಂಡ ಚಿಣ್ಣಪ್ಪ ಎಂಬವರು ಕೋಟೆರ ಬಿದ್ದಪ್ಪ, ಎ.ಕೆ.ಜೋಯಪ್ಪ, ಶಾಂತಿ ರಾಜ, ಎ.ಯು.ಕಾಳಯ್ಯ, ಕೆ.ಕೆ.ಗಣಪತಿ ಮತ್ತು ಎನ್‌.ಎ.ಚಿಣ್ಣಪ್ಪ ಎಂಬವರ ಸಹಕಾರದೊಂದಿಗೆ ಪಾಲೆಯಂಡ ಕುಟುಂಬಸ್ಥರ ಜಾಗದ ಆರ್‌ಟಿಸಿಯನ್ನು ಪಡೆದುಕೊಂಡು ಯಾರದೇ ಒಪ್ಪಿಗೆ ಇಲ್ಲದೆ ನೆಲಜಿ ಕೃಷಿ ಪತ್ತಿನ ಸಹಕಾರ ಬ್ಯಾಂಕು ಮತ್ತು ಮಡಿಕೇರಿಯ ಡಿ.ಸಿ.ಸಿ. ಬ್ಯಾಂಕಿನಲ್ಲಿ ಅಡಮಾನ ಇಟ್ಟು ಸುಮಾರು ರೂ.9,00,000/- ಗಳಷ್ಟು ಸಾಲವನ್ನು ಪಡೆದಿರುವುದಲ್ಲದೆ ಜಾಗವನ್ನು ಅವರ ಹೆಸರಿಗೆ ನಕಲಿ ಸಹಿ ಮಾಡಿ ನೋಂದಣಿ ಮಾಡಿಸಿಕೊಂಡಿರುವುದಾಗಿ ಪಾಲೆಯಂಡ ಅಯ್ಯಪ್ಪ ಎಂಬವರು ನೀಡಿದ ದೂರಿನ ಮೇರೆಗೆ ನಾಪೋಕ್ಲು ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಅಪರಿಚಿತ ವ್ಯಕ್ತಿಯ ಸಾವು
                     ದಿನಾಂಕ 29/10/2016ರಂದು ವಿರಾಜಪೇಟೆಯ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆಗಾಗಿ ದಾಖಲಾಗಿದ್ದ ಅಪರಿಚಿತ ವ್ಯಕ್ತಿಯೊಬ್ಬ ಮೃತನಾಗಿದ್ದು ಈತನ ಬಗ್ಗೆ ಯಾವುದೇ ವಿವರಗಳು ದೊರೆತಿರುವುದಿಲ್ಲವೆಂದು ವಿರಾಜಪೇಟೆ ಪಟ್ಟಣ ಪಂಚಾಯಿತಿಯ ಪೌರ ಕಾರ್ಮಿಕ ಮಹೇಂಧ್ರ ಎಂಬವರು ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Saturday, October 29, 2016

ಹಾವು ಕಚ್ಚಿ ವ್ಯಕ್ತಿ ಸಾವು
                 ಹಾವು ಕಚ್ಚಿ ವ್ಯಕ್ತಿಯೊಬ್ಬರು ಸಾವಿಗೀಡಾದ ಘಟನೆ ಮಡಿಕೇರಿ ನಗರದಲ್ಲಿ ನಡೆದಿದೆ. ದಿನಾಂಕ 07/10/2016ರಂದು ಮಡಿಕೇರಿ ನಗರದ ಕನ್ನಂಡ ಬಾಣೆ ನಿವಾಸಿ ಆನಂದ ಬಿ.ಆರ್. ಎಂಬವರು ಬೆಳಗಿನ ಜಾವ ಮೂತ್ರ ವಿಸರ್ಜನೆಗೆಂದು ಮನೆಯ ಹೊರಗಡೆ ಹೋಗಿದ್ದಾಗ ಕತ್ತಲಿನಲ್ಲಿ ಯಾವುದೋ ವಿಷದ ಹಾವು ಕಚ್ಚಿದ್ದು ಚಿಕಿತ್ಸೆಗಾಗಿ ಮಂಗಳೂರಿನ ಎ.ಜೆ.ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೆ ದಿನಾಂಕ 28/10/2016ರಂದು ಆನಂದರವರು ಮೃತರಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಮೋಟಾರು ಬೈಕ್‌ ಡಿಕ್ಕಿ
                       ಚಾಲಕನ ನಿಯಂತ್ರಣ ತಪ್ಪಿ ಮೋಟಾರು ಬೈಕೊಂದು ಮಗುಚಿಕೊಂಡ ಘಟನೆ ಮುಕ್ಕೋಡ್ಲು ಗ್ರಾಮದಲ್ಲಿ ನಡೆದಿದೆ. ದಿನಾಂಕ 25/10/2016ರಂದು ಮುಕ್ಕೋಡ್ಲು ನಿವಾಸಿಗಳಾದ ಡೆನಿಲ್‌ ಮತ್ತು ದಿನೇಶ್‌ ಎಂಬವರುಗಳು ಬೈಕೊಂದರಲ್ಲಿ ಮುಕ್ಕೋಡ್ಲುವಿನ ಅವರ ಮನೆಗೆ ಹೋಗುತ್ತಿರುವಾಗ ಮುಕ್ಕೋಡ್ಲು ಗ್ರಾಮದಲ್ಲಿ ಶಾಸಕ ಅಪ್ಪಚ್ಚು ರಂಜನ್‌ರವರ ತೋಟದ ಬಳಿ ಬೈಕಿಗೆ ನಾಯಿಯೊಂದು ಅಡ್ಡ ಬಂದ ಪರಿಣಾಮ ಬೈಕು ಚಾಲಕ ಡೆನಿಲ್‌ರವರ ನಿಯಂತ್ರಣ ತಪ್ಪಿ ಮಗುಚಿಕೊಂಡಿದ್ದು ಇಬ್ಬರಿಗೂ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಯುವತಿ ಮೇಲೆ ಹಲ್ಲೆ

                      ಕ್ಷುಲ್ಲಕ ಕಾರಣಕ್ಕಾಗಿ ಯುವತಿಯೊಬ್ಬರ ಮೇಲೆ ಹಲ್ಲೆ ನಡೆಸಿದ ಘಟನೆ ಮೇಕೇರಿ ಗ್ರಾಮದಲ್ಲಿ ನಡೆದಿದೆ. ದಿನಾಂಕ 28/10/2016ರಂದು ಮೇಕೇರಿ ನಿವಾಸಿ ಗೌರಮ್ಮ ಎಂಬವರ ಮಗಳು ನಿತ್ಯಶ್ರೀ ಎಂಬಾಕೆಯು ಸ್ನೇಹಿತೆಯೊಂದಿಗೆ ಮೇಕೆರಿಯಲ್ಲಿರುವ ಅವರ ಮನೆಗೆ ನಡೆದುಕೊಂಡು ಹೋಗುತ್ತಿರುವಾಗ ಮೂರ್ನಾಡು ನಿವಾಸಿ ಮಹೇಶ್‌ ಎಂಬಾತನು ಅಕೆಯನ್ನು ಅಡ್ಡಗಟ್ಟಿ ಆಕೆಯನ್ನು ಪ್ರೀತಿಸುವ ವಿಚಾರದಲ್ಲಿ ಜಗಳವಾಡಿ ಬ್ಲೇಡ್‌ನಿಂದ ಆಕೆಯ ಮೇಲೆ ಹಲ್ಲೆ ನಡೆಸಿ ಪರಾರಿಯಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಅಕ್ರಮ ಮರಳು ಸಾಗಾಟ ಪ್ರಕರಣ

                         ಅಕ್ರಮವಾಗಿ ಮರಳನ್ನು ಸಾಗಾಟ ಮಾಡುತ್ತಿದ್ದ ಪ್ರಕರಣವೊಂದನ್ನು ಪೊನ್ನಂಪೇಟೆ ಪೊಲೀಸರು ಪತ್ತೆ ಹಚ್ಚಿದ್ದಾರೆ. ದಿನಾಂಕ 28/10/2016ರಂದು ಬೆಳಗಿನ ಜಾವ ಗೋಣಿಕೊಪ್ಪ ವೃತ್ತ ನಿರೀಕ್ಷಕರಾದ ಪಿ.ಕೆ.ರಾಜುರವರು ಗಸ್ತು ಕರ್ತವ್ಯ ಮಾಡಿಕೊಂಡಿರುವಾಗ ಕೊಟ್ಟಗೇರಿ ಸೇತುವೆ ಬಳಿ ಕೆಎ-12-ಎ-5533ರ ಮಿನಿ ಲಾರಿಯಲ್ಲಿ ಅಕ್ರಮವಾಗಿ ಮರಳನ್ನು ಸಾಗಾಟ ಮಾಡುತ್ತಿರುವುದನ್ನು ಪತ್ತೆ ಹಚ್ಚಿ ಮರಳು ಹಾಗೂ ಲಾರಿಯನ್ನು ವಶಪಡಿಸಿಕೊಂಡು ಪೊನ್ನಂಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಮೋಟಾರು ಬೈಕ್‌ ಡಿಕ್ಕಿ, ಇಬ್ಬರ ಸಾವು

                        ಮೋಟಾರು ಬೈಕ್‌ಗಳೆರಡು ಡಿಕ್ಕಿಯಾದ ಪರಿಣಾಮ ಇಬ್ಬರು ಸಾವಿಗೀಡಾದ ಘಟನೆ ಪೊನ್ನಂಪೇಟೆ ಬಳಿಯ ನಿಟ್ಟೂರು ಕಾರ್ಮಾಡು ಗ್ರಾಮದಲ್ಲಿ ನಡೆದಿದೆ. ದಿನಾಂಕ 27/10/2016ರಂದು ಕಾರ್ಮಾಡು ನಿಟ್ಟೂರು ಗ್ರಾಮದ ನಿವಾಸಿಗಳಾದ ಶಶಿ ಮತ್ತು ಪಾಲ ಎಂಬವರುಗಳು ಕೆಎ-12-ಕ್ಯು-9780ರ ಮೋಟಾರು ಬೈಕಿನಲ್ಲಿ ಕಾರ್ಮಾಡು ನಿಟ್ಟೂರು ಗ್ರಾಮದ ಬ್ಯಾಂಕಿನ ಮುಂಭಾಗದಲ್ಲಿ ಹೋಗುತ್ತಿರುವಾಗ ಅದೇ ಗ್ರಾಮದ ನಿವಾಸಿ ರಾಜ ಎಂಬವರು ಕೆಎ-12-ಹೆಚ್‌-6568ರ ಮೋಟಾರು ಬೈಕನ್ನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಶಶಿ ಮತ್ತು ಪಾಲರವರು ಹೋಗುತ್ತಿದ್ದ ಬೈಕಿಗೆ ಡಿಕ್ಕಿ ಪಡಿಸಿದ ಪರಿಣಾಮ ಗಂಭೀರ ಗಾಯಗಳಾಗಿದ್ದ ಶಶಿ ಮತ್ತು ಪಾಲರವರನ್ನು ಚಿಕಿತ್ಸೆಗಾಗಿ ಮೈಸೂರಿನ ಕೆ.ಆರ್‌. ಆಸ್ಪತ್ರೆಗೆ ದಾಖಲಿಸಲಾಗಿತ್ತು ಆದರೆ ಚಿಕಿತ್ಸೆ ಫಲಕಾರಿಯಾಗದೆ ಪಾಲರವರು ಅದೇ ದಿನ ಸಂಜೆ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದು ಇನ್ನೋರ್ವ ಸುಳುಗೋಡು ನಿವಾಸಿ ಶಶಿರವರು ದಿನಾಂಕ 28/10/2016ರ ಮುಂಜಾನೆ ಆಸ್ಪತ್ರೆಯಲ್ಲಿ ಮೃತಪಟ್ಟಿರುವುದಾಗಿ ನೀಡಿದ ದೂರಿನ ಮೇರೆಗೆ ಪೊನ್ನಂಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಆಸ್ತಿ ವಿಚಾರದಲ್ಲಿ ಪರಸ್ಪರ ಹಲ್ಲೆ

             ಪೊನ್ನಂಪೇಟೆಯ ಹುದೂರು ಗ್ರಾಮದ ನಿವಾಸಿಗಳಾದ ಇಸ್ಮಾಯಿಲ್, ಮೊಹಮ್ಮದ್, ಉಮ್ಮರ್ ಮತ್ತು ಅಬೂಬಕರ್ ರವರು ಅಣ್ಣ ತಮ್ಮಂದಿಯರಾಗಿದ್ದು ಆಸ್ತಿಯ ವಿಚಾರದಲ್ಲಿ ತಕರಾರು ಇದ್ದು ಇದೇ ವಿಚಾರದಲ್ಲಿ ದಿನಾಂಕ 28-10-2016 ರಂದು ಅಬುಬಕರ್ ರವರು ತಂದೆಯ ಮನೆಗೆ ಹೋದಾಗ ಮನೆಯಲ್ಲಿದ್ದ ಸಹೋದರರಾದ ಇಸ್ಮಾಯಿಲ್, ಮೊಹಮ್ಮದ್, ಉಮ್ಮರ್ ಮತ್ತು ಅಬೂಬಕರಿಗೆ ಆಸ್ತಿಯ ವಿಚಾರದಲ್ಲಿ ಜಗಳವಾಗಿ ಪರಸ್ಪರ ಹಲ್ಲೆ ನಡೆಸಿಕೊಂಡಿದ್ದು ಎರಡೂ ಕಡೆಯವರು ನೀಡಿದ ದೂರುಗಳ ಮೇಲೆ ಪೊನ್ನಂಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿರುತ್ತಾರೆ.

Friday, October 28, 2016

ಮೋಟಾರ್ ಸೈಕಲಗೆ ಆಟೋ ರಿಕ್ಷಾ ಡಿಕ್ಕಿ, ಗಾಯಗೊಂಡ ಸವಾರ:

     ಆಟೋ ರಿಕ್ಷಾವೊಂದು ಮೋಟಾರ್ ಸೈಕಲಿಗೆ ಡಿಕ್ಕಿಯಾಗಿ ಸವಾರ ಗಾಯಗೊಂಡ ಘಟನೆ ಸೋಮವಾರಪೇಟೆ ಠಾಣಾ ವ್ಯಾಪ್ತಿಯ  ಮಾದಾಪುರದ ಹತ್ತಿರದ ಹಟ್ಟಿಹೊಳೆ ಎಂಬಲ್ಲಿ ನಡೆದಿದೆ. ದಿನಾಂಕ 25-10-2016 ರಂದು ತುಮಕೂರು ಜಿಲ್ಲೆ, ಗುಬ್ಬಿ ತಾಲೋಕಿನ ಮಹಾಲಕ್ಷ್ಮಿ ನಗರದ ನಿವಾಸಿ ರಮೇಶ್ ಎಂಬವರು ತಮ್ಮ ಬಾಪ್ತು ಮೋಟಾರ್ ಸೈಕಲ್ ನಂ ಕೆಎ 06 ಇ ಜೆ 7063 ರಲ್ಲಿ ಕೆಲಸದ ನಿಮಿತ್ತ ಮಡಿಕೇರಿ ಕಡೆಗೆ ಹೋಗುತ್ತಿರುವಾಗ್ಗೆ ಹಟ್ಟಿಹೊಳೆ ಸೇತುವೆ ಹತ್ತಿರ ಎದುರುಗಡೆಯಿಂದ ಕೆಎ-12 ಎ-5660ರ ಆಟೋ ಚಾಲಕನು ತನ್ನ ಆಟೋವನ್ನು ಯಾವುದೇ ಸೂಚನೆ ನೀಡದೆ ಅಜಾಗರೂಕತೆಯಿಂದ ರಸ್ತೆಗೆ ತಿರುಗಿಸಿದ್ದರಿಂದ ಮೋಟಾರ್ ಸೈಕಲ್ ಸವಾರ ರಮೇಶ್ ರವರ ನಿಯಂತ್ರಣ ತಪ್ಪಿ ಆಟೋಗೆ ಡಿಕ್ಕಿಯಾಗಿ ರಮೇಶ್ ರವರು ಬೈಕ್ ಸಮೇತ ಕೆಳಗೆ ಬಿದ್ದು ಬಲ ಕಾಲು ಮತ್ತು ಬಲ ಕೈಗೆ ರಕ್ತಗಾಯವಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾಋಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

Thursday, October 27, 2016

ಹೊಳೆಯಲ್ಲಿ ಅಪರಿಚಿತ ಮಹಿಳೆಯ ಶವ ಪತ್ತೆ

              ದಿನಾಂಕ 26-10-2016 ರಂದು ಮಡಿಕೇರಿ ತಾಲೂಕಿನ ಕಿಗ್ಗಾಲು ಗ್ರಾಮದ ಕಾವೇರಿ ಹೊಳೆಯಲ್ಲಿ ಅಂದಾಜು 50 ರಿಂದ 55 ವರ್ಷ ಪ್ರಾಯುದ ಅಪರಿಚಿತ ಮಹಿಳೆಯ ಶವ ಪತ್ತೆಯಾಗಿದ್ದು ಈ ಬಗ್ಗೆ ಬಾಡಗ ಗ್ರಾಮದ ಕುಂಞಪ್ಪರವರು ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿರುತ್ತಾರೆ.

ಕೊಲೆ ಬೆದರಿಕೆ

                ಹಳೆಕೂಡಿಗೆ ಹೆಗ್ಗಡಳ್ಳಿ ಗ್ರಾಮದ ನಿವಾಸಿ ಪ್ರಮೀಳ ಎಂಬುವವರು ದಿನಾಂಕ 14-10-2016 ರಂದು ರಾತ್ರಿ ಸಮಯ ತನ್ನ ವಾಸದ ಮನೆಯ ಮುಂಭಾಗ ರಸ್ತೆಯಲ್ಲಿ ನಿಂತುಕೊಂಡಿರುವಾಗ ಅದೇ ಗ್ರಾಮದ ನಿವಾಸಿಗಳಾದ ದರ್ಶನ್‌, ಹರೀಶ ರವರು ಬಂದು ಆಕೆಯ ಮಗನ ಮೇಲಿನ ಹಳೇ ವೈಷಮ್ಯದಿಂದ ಜಗಳ ತೆಗೆದು ಅಶ್ಲೀಲ ಪದಗಳಿಂದ ಬೈಯ್ದು ಆಕೆಯ ಮಗ ಸಿಕ್ಕಿದರೆ ಕತ್ತಿಯಿಂದ ಕಡಿದು ಕೊಲೆ ಮಾಡುವುದಾಗಿ ಬೆದರಿಕೆ ಹಾಕಿರುವುದಾಗಿ ಕೊಟ್ಟ ಪುಕಾರಿಗೆ ಕುಶಾಲನಗರ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿರುತ್ತಾರೆ.

 ನಿಂತಿದ್ದ ವ್ಯಕ್ತಿಗೆ ಆಟೋ ಡಿಕ್ಕಿ

               ದಿನಾಂಕ 25-10-2016 ರಂದು ಸಂಜೆ ನಲ್ಲೂರು ಶಿರಂಗಾಲ ಗ್ರಾಮದ ಅಂಬೇಡ್ಕರ್‌ ಬೀದಿಯ ನಿವಾಸಿ ರೂಪರವರ ಮಗ ನಿಖಿಲ್‌ ರವರು ತಮ್ಮ ಮನೆಯ ಮುಂಭಾಗದ ರಸ್ತೆಯ ಬದಿಯಲ್ಲಿ ನಿಂತುಕೊಂಡಿರುವಾಗ ಅದೇ ಗ್ರಾಮದ ನಿವಾಸಿ ಚೆನ್ನಕೇಶವ ಎಂಬವರು ಅವರ ಬಾಪ್ತು ಕೆಎ-12–8982 ರ ಆಟೋ ರಿಕ್ಷಾವನ್ನು ಅಜಾಗರೂಕತೆಯಿಂದ ಓಡಿಸಿಕೊಂಡು ಹೋಗಿ ನಿಖಿಲ್‌ನಿಗೆ ಡಿಕ್ಕಿಪಡಿಸಿ ಆಟೋ ರಿಕ್ಷಾವನ್ನು ನಿಲ್ಲಿಸದೆ ಹೊರಟು ಹೋಗಿದ್ದು ಈ ಬಗ್ಗೆ ರೂಪರವರು ನೀಡಿದ ದೂರಿನ ಮೇರೆಗೆ ಕುಶಾಲನಗರ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿರುತ್ತಾರೆ

ಬೀಟಿ ಮರ ಕಳವು ಪ್ರಕರಣ

                   ಸಿದ್ದಾಪುರದ ಬಾಡಗ ಬಾಣಂಗಾಲ ಗ್ರಾಮದ ಹುಂಡಿಯ ಎಂ.ಬಿ.ಚಂಗಪ್ಪ ರವರ ಹನಿಫಾರಂ ತೋಟದಿಂದ ಹಂಸ, ಲತೀಫ್ ಹಾಗೂ ಇತರರು ಸೇರಿ ಒಣಗಿದ ಬೀಟಿ ಮರವನ್ನು ಬೀಳಿಸಿ ದಿನಾಂಕ 24-10-2016 ರಂದು ಲತೀಫನಿಗೆ ಸೇರಿದ ವಾಹನದಲ್ಲಿ 2 ತುಂಡುಗಳನ್ನು ಸಾಗಿಸುತ್ತಿದ್ದಾಗ ಕುಶಾಲನಗರದಲ್ಲಿ ಅರಣ್ಯ ಇಲಾಖೆಯವರು ವಶಪಡಿಸಿಕೊಂಡಿದ್ದು, ಅರಣ್ಯ ಇಲಾಖೆಯವರು ತೋಟದ ಮೇಲ್ವಿಚಾರಕರಾದ ಬೋಪಯ್ಯರರವರಿಗೆ ತಿಳಿಸಿದ ಮೇರೆಗೆ ತೋಟಕ್ಕೆ ಹೋಗಿ ನೋಡಲಾಗಿ ಇನ್ನೂ 3 ತುಂಡುಗಳು ಇದ್ದು ಇದರ ಅಂದಾಜು ಬೆಲೆ 2,00,000 ರೂ ಆಗಿದ್ದು ಹಂಸ, ಲತೀಫ್ ಹಾಗೂ ಇತರರ ಮೇಲೆ ತೋಟದ ಮೇಲ್ವಿಚಾರಕರಾದ ಬೋಪಯ್ಯರವರು ನೀಡಿದ ಪುಕಾರಿಗೆ ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿ ಮುಂದಿನ ಕ್ರಮ ಕೈಗೊಂಡಿರುತ್ತಾರೆ

ಅಕ್ರಮ ಮದ್ಯ ಮಾರಾಟ ವ್ಯಕ್ತಿಯ ಬಂಧನ

                ಕುಶಾಲನಗರ ಗ್ರಾಮಾಂತರ ಠಾಣಾ ಸರಹದ್ದಿಗೆ ಸೇರಿದ ಹಳೆ ಕೋಟೆ ಗ್ರಾಮದ ಉದಯಕುಮಾರ್ ಎಂಬುವವರು ದಿನಾಂಕ 26-10-2016 ರಂದು ತನ್ನ ಅಂಗಡಿಯಲ್ಲಿ ಅಕ್ರಮವಾಗಿ ಮದ್ಯ ಮಾರಾಟ ಮಾಡುತ್ತಿದ್ದಾಗ ಕುಶಾಲನಗರ ಗ್ರಾಮಾಂತರ ಠಾಣೆಯ ಉಪ ನಿರೀಕ್ಷಕರಾದ ಕೆ. ಇ. ಮಹೇಶ್ ಮತ್ತು ಸಿಬ್ಬಂದಿಯವರು ಧಾಳಿ ಮಾಡಿ ಉದಯಕುಮಾರ್ ರವರನ್ನು ವಶಕ್ಕೆ ಪಡೆದುಕೊಂಡು ಮಾರಾಟ ಮಾಡಲು ಇಟ್ಟಿದ್ದ 90 ಎಂ ಎಲ್ ನ 80 ಒರಿಜಿನಲ್ ಚಾಯ್ಸ್ ಪ್ಯಾಕೆಟ್‌ ಗಳನ್ನು ವಶಪಡಿಸಿಕೊಂಡು ಮುಂದಿನ ಕ್ರಮ ಕೈಗೊಂಡಿರುತ್ತಾರೆ.

Wednesday, October 26, 2016

 ನೇಣು ಬಿಗಿದುಕೊಂಡು ವ್ಯಕ್ತಿಯ ಆತ್ಮಹತ್ಯೆ

           ಪೊನ್ನಂಪೇಟೆಯ ಜೋಡುಬಟ್ಟಿ ಎಂಬಲ್ಲಿ ಮನೋಜ್ ಎಂಬುವವರು ಆತ್ಮಹತ್ಯೆ ಮಾಡಿಕೊಂಡಿರುವ ಬಗ್ಗೆ ವರದಿಯಾಗಿದೆ. ಜೋಡುಬೆಟ್ಟಿಯ ಸುಮತಿರವರ ಬಾಡಿಗೆ ಮನೆಯಲ್ಲಿ ವಾಸವಿರುವ ಪಿ.ಸಿ.ವಿನೋದ್ ರವರ ತಮ್ಮ ವಿನೀಶ್ ನು ಅವಿವಾಹಿತನಾಗಿದ್ದು ತನ್ನ ತಾಯಿಯೊಂದಿಗೆ ಸಣ್ಣುವಂಡ ರಮೇಶರವರ ಬಾಡಿಗೆ ಮನೆಯಲ್ಲಿ ವಾಸವಿದ್ದು ಮರ ಕುಯ್ಯುವ ಕೆಲಸ ಮಾಡಿಕೊಂಡಿದ್ದು ದಿನಾಂಕ 24/10/2016 ರಂದು ರಾತ್ರಿ ವಿನೀಶನು ವಿಪರೀತ ಮದ್ಯಪಾನ ಮಾಡಿ ಮನೆಗೆ ಹೋಗಿದ್ದು, ರಾತ್ರಿ ಸಮಯದಲ್ಲಿ ಮನೆಯ ಮುಂದಿನ ಕಾಫಿ ತೋಟದಲ್ಲಿ ಕುತ್ತಿಗೆಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುತ್ತಾನೆ. ಆತನಿಗೆ ವಿಪರೀತ ಮದ್ಯಪಾನ ಮಾಡುವ ಅಭ್ಯಾಸವಿದ್ದು ಜೀವನದಲ್ಲಿ ಜಿಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ವಿನೋದ್ ರವರು ನೀಡಿದ ದೂರಿನ ಮೇರೆಗೆ ಪೊನ್ನಂಪೇಟೆ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿರುತ್ತಾರೆ.

ಸಂಶಯಾಸ್ಪದ ವ್ಯಕ್ತಿಯ ಬಂಧನ

             ಗೋಣಿಕೊಪ್ಪ ಪೊಲೀಸ್ ಠಾಣೆಯ ಉಪ ನಿರೀಕ್ಷಕರಾದ ಹೆಚ್ ವೈ ರಾಜುರವರು ದಿನಾಂಕ 25-10-2016 ರಂದು ರಾತ್ರಿಯ ವೇಳೆ ಗಸ್ತಿನಲ್ಲಿರುವಾಗ ಬೆಳಗಿನ ಜಾವ 04-30 ಗಂಟೆಗೆ ಗೋಣಿಕೊಪ್ಪ ನಗರದ ಮಾರುಕಟ್ಟೆಯ ಹತ್ತಿರ ಕುಟ್ಟದ ಸಿಂಕೋನ ಕಾಲೋನಿಯ ನಿವಾಸಿ ಪಂಜರಿ ಎರವರ ಬೋಜ ಎಂಬಾತನು ಯಾವುದೋ ಅಪರಾಧ ಕೃತ್ಯ ಎಸಗುವ ಉದ್ದೇಶದಿಂದ ಸಂಶಯಾಸ್ಪದವಾಗಿ ಸುತ್ತಾಡುತ್ತಿದ್ದವನನ್ನು ಬಂಧಿಸಿ ಪ್ರಕರಣ ದಾಖಲಿಸಿ ಮುಂದಿನ ಕ್ರಮ ಕೈಗೊಂಡಿರುತ್ತಾರೆ.

 ವಿಷ ಕುಡಿದು ವ್ಯಕ್ತಿಯ ಆತ್ಮಹತ್ಯೆ 
              ದಿನಾಂಕ 17-10-2016 ರಂದು ಸಮಯ ರಾತ್ರಿ 08-30 ಗಂಟೆಗೆ ಶನಿವಾರಸಂತೆಯ ಕಿರುಬಹಳ್ಳ ಗ್ರಾಮದ ಮೋಹನ್ ರವರು ವಿಷ ಕುಡಿದು ಆತ್ಮ ಹತ್ಯೆಗೆ ಪ್ರಯತ್ನಿಸಿ ಅಸ್ವಸ್ಥರಾದವರನ್ನು ಶನಿವಾರಸಂತೆಯ ಸರ್ಕಾರಿ ಆಸ್ಪತ್ರೆಯಲ್ಲಿ ಪ್ರಥಮ ಚಿಕಿತ್ಸೆ ಕೊಡಿಸಿ ನಂತರ ಹೆಚ್ಚಿನ ಚಿಕಿತ್ಸೆಯ ಬಗ್ಗೆ ಅರಕಲಗೋಡುವಿನ ಸವಿ ಆಸ್ಪತ್ರೆ, ಮೈಸೂರಿನ ಕೆ ಆರ್ ಆಸ್ಪತ್ರೆ ಹಾಗೂ ಮಣಿಪಾಲದ ಕಸ್ತೂರ್ ಬಾ ಆಸ್ಪತ್ರೆಗಳಿಗೆ ಕರೆದುಕೊಂಡು ಹೋಗಿ ಚಿಕಿತ್ಸೆ ಕೊಡಿಸಿದರೂ ಗುಣಮುಖವಾಗದೇ ಇದ್ದು ದಿನಾಂಕ 24-10-2016 ರಂದು ವಾಪಾಸ್ಸು ಮನೆಗೆ ಕರೆದುಕೊಂಡು ಬಂದಿರುವುದಾಗಿದೆ. ವಿಷ ಸೇವನೆಯ ಬಗ್ಗೆ ಮೋಹನ್ ರವರನ್ನು ವಿಚಾರ ಮಾಡಲಾಗಿ ಚಿಕ್ಕಂದೂರು ಗ್ರಾಮದ ತೇಜ ಮತ್ತು ದೊಡ್ಡ ಬಿಳಹ ಗ್ರಾಮದ ಉದಯ ಎಂಬುವವರು ಮೋಹನ್ ರವರಿಗೆ ಕ್ರಿಕೆಟ್ ಬೆಟ್ಟಿಂಗ್ ಹಣ ಕಟ್ಟುವಂತೆ ಒತ್ತಾಯ ಮಾಡಿದ್ದು ಮೋಹನ್ ರವರು 1 ಲಕ್ಷ ರೂಪಾಯಿ ಕಟ್ಟಿ 20 ಸಾವಿರ ರೂಗಳಿಗೆ ತನ್ನ ಬೈಕನ್ನು ಅಡವಿಟ್ಟು ಆ ಹಣವನ್ನೂ ಸಹಾ ತೇಜ ಮತ್ತು ಉದಯರವರಿಗೆ ಕೊಟ್ಟಿದ್ದರೆನ್ನಲಾಗಿದೆ. ನಂತರ ತೇಜ ಮತ್ತು ಉದಯರವರು ಇನ್ನೂ ಹೆಚ್ಚಿನ ಹಣ ಕೇಳಿದಾಗ ಮೋಹನ್ ರವರು ಹಣವಿಲ್ಲ ಎಂದು ಹೇಳಿದ್ದು ಆಗ ಅವರುಗಳು ಮೋಹನ್ ಗೆ ವಿಷ ಕುಡಿದು ಸಾಯುವಂತೆ ಹೇಳಿದ ಕಾರಣಕ್ಕೆ ಮೋಹನ್ ರವರು ಬೇಸರವಾಗಿ ವಿಷ ಕುಡಿದಿದ್ದು ದಿನಾಂಕ 25-10-2016 ರಂದು ಮೃತಪಟ್ಟಿರುವುದಾಗಿ ತಂದೆ ಶಂಕರರವರು ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿರುತ್ತಾರೆ.

ಆಸ್ತಿ ವಿಚಾರದಲ್ಲಿ ಹಲ್ಲೆ
             ವಿರಾಜಪೇಟೆ ತಾಲೂಕಿನ ಹೈಸೊಡ್ಲೂರು ಗ್ರಾಮದ ನಿವಾಸಿ ಹೊಟ್ಟೆಯಂಗಡ ಮೇದಪ್ಪರವರು ಸೆಪ್ಟಂಬರ್ ತಿಂಗಳಿನಲ್ಲಿ ಪತ್ನಿ ಕಮಲಾಕ್ಷಿಯವರೊಂದಿಗೆ ವಿದೇಶಕ್ಕೆ ಮಕ್ಕಳ ಹತ್ತಿರ ಹೋಗಿದ್ದು ದಿನಾಂಕ 15-09-2016 ರಂದು ಆಸ್ತಿಯನ್ನು ನೋಡಿಕೊಳ್ಳುತ್ತಿದ್ದ ಚೋನಿರ ದಿನಕರರವರು ದೂರವಾಣಿ ಕರೆ ಮಾಡಿ ಗ್ಲೆನ್ ಲೋರ್ನಾ ಟಿ ತೋಟದ ಭಾಗದಲ್ಲಿರುವ ಕಾಫಿ ತೋಟದಲ್ಲಿ ಅಳವಡಿಸಿದ್ದ ಕಬ್ಬಿಣದ ಗೇಟನ್ನು ಯಾರೋ ಕಳವು ಮಾಡಿರುತ್ತಾರೆಂದು ತಿಳಿಸಿದ್ದು, ವಿದೇಶದಿಂದ ಬಂದ ನಂತರ ವಿಚಾರಿಸಲಾಗಿ ತಮ್ಮ ನಾರಾಯಣರವರು ಗೇಟನ್ನು ತೆಗೆದುಕೊಂಡು ಹೋಗಿರುವುದಾಗಿ ತಿಳಿದು ಬಂದಿದ್ದು, ದಿನಾಂಕ 24-10-2016 ರಂದು ಮೇದಪ್ಪನವರು ಪಕ್ಕದ ತೋಟದಲ್ಲಿ ಕೆಲಸ ಮಾಡುತ್ತಿದ್ದ ನಾರಾಯಣನನ್ನು ತೋಟದ ಗೇಟನ್ನು ಕಳವು ಮಾಡಿದ ಬಗ್ಗೆ ವಿಚಾರಿಸಿದಾಗ ನಾರಾಯಣ ಮತ್ತು ಅವರ ಆಳುಗಳಾದ ಮುತ್ತ.ಕೋಯಿಲೆ, ಕರಿಯ ಮತ್ತು ಬೆಳ್ಳಿ ರವರು ಮೇದಪ್ಪರವರನ್ನು ಹೊಡೆಯಲು ಬಂದು ಅಶ್ಲೀಲ ಶಬ್ದಗಳಿಂದ ಬೈದಿದ್ದು ತಮ್ಮ ನಾರಾಯಣನು ಪಿಸ್ತೂಲಿನಿಂದ ಎರಡು ಸುತ್ತು ಬೆದರು ಗುಂಡು ಹಾರಿಸಿ ಬೆದರಿಸಿರುವುದಾಗಿ ಮೇದಪ್ಪನವರು ನೀಡಿದ ದೂರಿನ ಮೇರೆಗೆ ಶ್ರೀಮಂಗಲ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿರುತ್ತಾರೆ.

 ಅಕ್ರಮ ಮರಳು ಸಾಗಾಟ ಮಾಡುತ್ತಿದ್ದ ಲಾರಿ ವಶ

               ದಿನಾಂಕ 25-10-2016 ರಂದು ಸಮಯ ಬೆಳಿಗ್ಗೆ 4-30 ಗಂಟೆಗೆ ಸೋಮವಾರ ಪೊಲೀಸ್ ಠಾಣೆಯ ಪೊಲೀಸ್ ಉಪ ನಿರೀಕ್ಷಕರಾದ ಎಂ ಶಿವಣ್ಣನವರು ಸಿಬ್ಬಂದಿಯವರೊಂದಿಗೆ ಗಸ್ತುವಿನಲ್ಲಿರುವಾಗ ಕಲ್ಕಂದೂರು ಗ್ರಾಮದ ಸಾರ್ವಜನಿಕ ರಸ್ತೆಯಲ್ಲಿ ಕೂತಿ ಕಡೆಯಿಂದ ಸೋಮವಾರಪೇಟೆಗೆ ಕಳ್ಳತನದಿಂದ ಮರಳನ್ನು ಸಾಗಿಸುತ್ತಿದ್ದ ಕೆಎ-46-6721 ರ ಟಿಪ್ಪರ್ ಲಾರಿಯನ್ನು ವಶಕ್ಕೆ ಪಡೆದು ಮುಂದಿನ ಕ್ರಮ ಜರುಗಿಸಲಾಗಿದೆ.

ಜೂಜಾಟ ಆಡುತ್ತಿದ್ದ 6 ಜನರ ಬಂಧನ

               ದಿನಾಂಕ 23-10-2016 ರಂದು ಕುಶಾಲನಗರದ ಗುಡ್ಡೆಹೊಸೂರು ಗ್ರಾಮದ ವಿ.ಎಸ್.ಎಸ್.ಎನ್ ಬ್ಯಾಂಕ್ ಕಟ್ಟಡದ ಮೇಲ್ಬಾಗದ ಕೋಣೆಯಲ್ಲಿ ಸರ್ಕಾರದ ಯಾವುದೇ ಪರವಾನಿಗೆ ಇಲ್ಲದೆ ಜೂಜಾಟವಾಡುತ್ತಿದ್ದ ಸ್ಥಳಕ್ಕೆ ಕುಶಾಲನಗರ ಗ್ರಾಮಾಂತರ ಠಾಣೆಯ ಉಪ ನಿರೀಕ್ಷಕರು ಮತ್ತು ಸಿಬ್ಬಂದಿಯವರು ದಾಳಿ ಮಾಡಿ ಜೂಜಾಟ ಆಡುತ್ತಿದ್ದ ಗುಡ್ಡೆಹೊಸೂರುವಿನ ನಿವಾಸಿಗಳಾದ ಹರೀಶ, ರಂಜಯ್, ಚಿಕ್ಕಬೆಟ್ಟಗೇರಿಯ ಗಣೇಶ, ಚರಿಕುಮಾರ, ಕೊಡಗರಹಳ್ಳಿಯ ಚಿನ್ನಪ್ಪ, ತ್ಯಾಗತ್ತೂರುವಿನ ರಾಮಚಂದ್ರರವರನ್ನು ಬಂಧಿಸಿ ಜೂಜಾಟಕ್ಕೆ ಬಳಸಿದ 80,100 ರೂಗಳನ್ನು ವಶಪಡಿಸಿಕೊಂಡು ಮುಂದಿನ ಕ್ರಮ ಕೈಗೊಂಡಿರುತ್ತಾರೆ.

ಕೊಲೆ ಬೆದರಿಕೆ

                 ಹಾಕತ್ತೂರು ಗ್ರಾಮದ ತೊಂಬತ್ತುಮನೆಯ ನಿವಾಸಿ ಸುಬ್ಬಯ್ಯ ಮತ್ತು ಕಾಶಿ, ಮಲ್ಲಿಗೆಯವರಿಗೆ ಆಸ್ತಿಯ ವಿಚಾರದಲ್ಲಿ ತಕರಾರು ಇದ್ದು ದಿನಾಂಕ 25-10-2016 ರಂದು ಸುಬ್ಬಯ್ಯನವರು ತನ್ನ ಸ್ಕೂಟರ್ ನಲ್ಲಿ ತೊಂಬತ್ತು ಮನೆಯಿಂದ ಹಾಕತ್ತೂರಿಗೆ ಹೋಗುತ್ತಿದ್ದಾಗ, ದೇವಣಿರ ಮನೆಯವರ ತೋಟದ ಹತ್ತಿರ ಹರೀಶ, ರಮೇಶ, ಕಾಶಿ ಮತ್ತು ಮಲ್ಲಿಗೆಯವರು ತಡೆದು ನಿಲ್ಲಿಸಿ ಬಾಯಿಗೆ ಬಂದಂತೆ ಅಶ್ಲೀಲ ಶಬ್ದಗಳಿಂದ ಬೈದು ಕೊಲೆ ಬೆದರಿಕೆ ಹಾಕಿರುವುದಾಗಿ ಸುಬ್ಬಯ್ಯನವರು ನೀಡಿದ ದೂರಿಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿರುತ್ತಾರೆ.

Tuesday, October 25, 2016

ಮಹಿಳೆಯ ಮೇಲೆ ಹಲ್ಲೆ,
                      ಮಹಿಳೆಯ ಮೇಲೆ ಹಲ್ಲೆ ನಡೆಸಿದ ಪ್ರಕರಣ ಗೋಣಿಕೊಪ್ಪ ನಗರದಲ್ಲಿ ನಡೆದಿದೆ. ಗೋಣಿಕೊಪ್ಪ ನಗರದ ನಿವಾಸಿ ದಾಸ ಎಂಬವರು ಹಲವು ದಿನಗಳಿಂದ ಮನೆಗೆ ಬಾರದೆ ಇದ್ದು, ದಿನಾಂಕ 23/10/2016ರಂದು ಮನೆಗೆ ಬಂದವರನ್ನು ಪತ್ನಿ ಪಾರ್ವತಿಯವರು ಅವರು ಮನೆಗೆ ಬಾರದೆ ಎಲ್ಲಿಗೆ ಹೋಗಿದ್ದರೆನ್ನುವ ಬಗ್ಗೆ ಪ್ರಶ್ನಿಸಿದ ಕಾರಣಕ್ಕೆ ದಾಸರವರು ಪತ್ನಿಯೊಂದಿಗೆ ಜಗಳ ತೆಗೆದು ಚಾಕುವಿನಿಂದ ಪಾರ್ವತಿಯವರ ಮೇಲೆ ಹಲ್ಲೆ ನಡೆಸಿ ಗಾಯಗೊಳಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಸಂಶಯಾಸ್ಪದ ವ್ಯಕ್ತಿಯ ಬಂಧನ,
                     ರಾತ್ರಿ ವೇಳೆ ಸಂಶಯಾಸ್ಪದವಾಗಿ ಸುತ್ತಾಡುತ್ತಿದ್ದ ವ್ಯಕ್ತಿಯೊಬ್ಬನನ್ನು ಗೋಣಿಕೊಪ್ಪ ಪೊಲೀಸರು ಬಂಧಿಸಿದ್ದಾರೆ. ದಿನಾಂಕ 24/10/2016ರ ಬೆಳಗಿನ ಜಾವ 4 ಗಂಟೆಗೆ ಗೋಣಿಕೊಪ್ಪ ಠಾಣೆಯ ಪಿಎಸ್‌ಐ ಹೆಚ್‌.ವೈ.ರಾಜುರವರು ಗಸ್ತು ಕರ್ತವ್ಯದಲ್ಲಿರುವಾಗ ನಗರದ ಸೌತ್‌ ಕೂರ್ಗ್‌ ಕ್ಲಬ್‌ನ ಮುಂಭಾಗ ಗೋಣಿಕೊಪ್ಪದ ಹರಿಶ್ಚಂದ್ರಪುರದ ನಿವಾಸಿ ಪಣಿ ಎರವರ ರಾಜು ಎಂಬಾತನು ಸಂಶಯಾಸ್ಪದವಾಗಿ ಸುತ್ತಾಡುತ್ತಿದ್ದುದನ್ನು ಕಂಡು ವಿಚಾರಿಸಿದಾಗ ಆತನಿಂದ ಸಮರ್ಪಕ ಉತ್ತರ ದೊರೆಯದೇ ಇದ್ದ ಕಾರಣದಿಂದ ಆತನು ಯಾವುದೋ  ಅಪರಾಧ ಕೃತ್ಯವೆಸಗುವ ಉದ್ದೇಶದಿಂದ ಅಲ್ಲಿದ್ದಿರಬಹುದೆಂದು ಸಂಶಯಿಸಿ ಆತನನ್ನು ಬಂಧಿಸಿ ಮೊಕದ್ದಮೆ ದಾಖಲಿಸಿ ತನಿಖೆ  ಕೈಗೊಂಡಿದ್ದಾರೆ.
 
ಸಂಶಯಾಸ್ಪದ ವ್ಯಕ್ತಿಯ ಬಂಧನ,
                      ರಾತ್ರಿ ವೇಳೆ ಸಂಶಯಾಸ್ಪದವಾಗಿ ಸುತ್ತಾಡುತ್ತಿದ್ದ ವ್ಯಕ್ತಿಯೊಬ್ಬನನ್ನು ಪೊನ್ನಂಪೇಟೆ ಪೊಲೀಸರು ಬಂಧಿಸಿದ್ದಾರೆ. ದಿನಾಂಕ 24/10/2016ರ ರಾತ್ರಿ ವೇಳೆ 2:50 ಗಂಟೆಗೆ ಪೊನ್ನಂಪೇಟೆ ಠಾಣೆಯ ಎಎಸ್‌ಐ ಕೆ.ಎಸ್‌.ಮೇದಪ್ಪರವರು ನಗರ ಗಸ್ತು ಕರ್ತವ್ಯದಲ್ಲಿರುವಾಗ ಪೊನ್ನಂಪೇಟೆ ನಗರದ ಎಸ್‌ಬಿಎಂ ಬ್ಯಾಂಕಿನ ಮುಂಭಾಗ ತಿತಿಮತಿಯ ಅಕ್ಕಿಮಾಳ ನಿವಾಸಿ ಬಿ.ಎಸ್‌.ಕುಮಾರ ಎಂಬಾತನು ಸಂಶಯಾಸ್ಪದವಾಗಿ ಕೈಯಲ್ಲಿ ಕಬ್ಬಿಣದ ರಾಡಿನೊಂದಿಗೆ ಸುತ್ತಾಡುತ್ತಿದ್ದುದನ್ನು ಕಂಡು ವಿಚಾರಿಸಿದಾಗ ಆತನಿಂದ ಆತನ ಇರುವಿಕೆಯ ಬಗ್ಗೆ ಸಮರ್ಪಕ ಉತ್ತರ ದೊರೆಯದೇ ಇದ್ದ ಕಾರಣದಿಂದ ಆತನು ಯಾವುದೋ  ಅಪರಾಧ ಕೃತ್ಯವೆಸಗುವ ಉದ್ದೇಶದಿಂದ ಅಲ್ಲಿದ್ದಿರಬಹುದೆಂದು ಸಂಶಯಿಸಿ ಆತನನ್ನು ಬಂಧಿಸಿ ಪೊನ್ನಂಪೇಟೆ ಠಾಣೆಯಲ್ಲಿ ಮೊಕದ್ದಮೆ ದಾಖಲಿಸಿ ತನಿಖೆ  ಕೈಗೊಂಡಿದ್ದಾರೆ.

ಮಹಿಳೆಯ ಸಾವು
                      ಮಹಿಳೆಯೊಬ್ಬರು ಅಸ್ವಾಭಾವಿಕವಾಗಿ ಸಾವಿಗೀಡಾಗಿರುವ ಘಟನೆ ಸಿದ್ದಾಪುರ  ಬಳಿಯ ಕಳತ್ಮಾಡು ಗ್ರಾಮದಲ್ಲಿ ನಡೆದಿದೆ.ದಿನಾಂಕ 24/10/2016ರಂದು ತಿತಿಮತಿಯ ಜಂಗಲಾಡಿ ನಿವಾಸಿ ಜೇನು ಕುರುಬರ ಮಂಜು ಎಂಬಾತನಿಗೆ ಕಳತ್ಮಾಡು ಗ್ರಾಮದ ಜೇನುಕುರುಬರ ಗಣೇಶ ಎಂಬಾತನು ಮಂಜುವಿನ ತಾಯಿ ಗೌರಿರವರು ಮನೆಯ ಮುಂದಿನ ಜಗಲಿಯಲ್ಲಿ ಮೃತಪಟ್ಟಿರುವ ವಿಷಯ ತಿಳಿಸಿದ್ದು, ಮಂಜುರವರು ಒಡನೆ ತಾಯಿ ಗೌರಿ ವಾಸವಿರುವ ಕಳತ್ಮಾಡು ಗ್ರಾಮದ ಕುಟ್ಟಂಡ ಬೋಪಣ್ಣರವರ ಲೈನು ಮನೆಗೆ ತೆರಳಿ ನೋಡಿದಾಗ ಲೈನು ಮನೆಯ ಜಗಲಿಯಲ್ಲಿ ಗೌರಿಯ ಮೃತ ದೇಹವು ಕಂಡು ಬಂದಿರುವುದಾಗಿದೆ. ಈ ಬಗ್ಗೆ ಗಣೇಶರವರನ್ನು ವಿಚಾರಿಸಿದಾಗ ಹಿಂದಿನ ದಿನ ಗಣೇಶ ಹಾಗೂ ಗೌರಿರವರು ಗೋಣಿಕೊಪ್ಪಕ್ಕೆ ದಿನಸಿ ಸಾಮಗ್ರಿಗಳನ್ನು ತರಲೆಂದು ಹೋಗಿದ್ದು ಮರಳಿ ಬರುವಾಗ ಮದ್ಯಪಾನವನ್ನು ಮಾಡಿ ಬಂದಿದ್ದರೆನ್ನಲಾಗಿದೆ. ನಂತರ ಮನೆಗೆ ಬಂದು ಗಣೇಶರವರ ಮೊಬೈಲ್‌ನಲ್ಲಿ ಹಾಕಿದ ಹಾಡಿಗೆ ಗೌರಿರವರು ಕುಣಿಯುತ್ತಿರುವಾಗ ಅಂಗಳದಲ್ಲಿ ಬಿದ್ದಾಕೆಯನ್ನು ಮನೆಯ ಜಗಲಿಯಲ್ಲಿ ಮಲಗಿಸಿದ್ದು, ದಿನಾಂಕ 24/10/2016ರ ಬೆಳಿಗ್ಗೆ ಗಣೇಶರವರು ಗೌರಿಗೆ ಕಾಫಿ ಮಾಡಿಕೊಟ್ಟಿದ್ದು ಗೌರಿಯು ಕಾಫಿ ಕುಡಿದಿದ್ದು ನಂತರ ಅಲ್ಲಿಯೇ ಕುಸಿದು ಮೃತ ಪಟ್ಟಿರುವುದಾಗಿ ತಿಳಿಸಿದ್ದು, ತಾಯಿಯ ಸಾವಿನ ಬಗ್ಗೆ ಸಂಶಯವಿರುವುದಾಗಿ ಮಂಜುರವರು ನೀಡಿದ ದೂರಿನ ಮೇರೆಗೆ ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಮಹಿಳೆಯ ಮೇಲೆ ಹಲ್ಲೆ
                      ಜಾಗದ ವಿವಾದ ಬಗ್ಗೆ ಮಹಿಳೆಯೊಬ್ಬರ ಮೇಲೆ ಹಲ್ಲೆ ಮಾಡಿದ ಘಟನೆ ಸೋಮವಾರಪೇಟೆ ಬಳಿಯ ಮಂಕ್ಯ  ಗ್ರಾಮದಲ್ಲಿ ನಡೆದಿದೆ. ದಿನಾಂಕ 22/10/2016ರಂದು ಮಂಕ್ಯ ಗ್ರಾಮದ ನಿವಾಸಿ ಸೀತಮ್ಮ ಎಂಬವರು ಮನೆಗೆ ಬಂದಿದ್ದ ನೆಂಟರನ್ನು ಕಳುಹಿಸಿಕೊಡಲು ಹೋಗುತ್ತಿದ್ದಾಗ ಗ್ರಾಮದ ನಾಗರಗುಡಿ ಬಳಿ ಅದೇ ಗ್ರಾಮದ ನಿವಾಸಿಗಳಾದ ಚಾಮೇರ ಲಕ್ಷ್ಮಣ ಮತ್ತು ಕಾಳಪ್ಪ ಎಂಬವರು ಅಲ್ಲಿಗೆ ಬಂದು ಸೀತಮ್ಮನವರೊಂದಿಗೆ ಜಾಗದ ವಿವಾದದ ಬಗ್ಗೆ ಜಗಳವಾಡಿ ಆಕೆಗೆ ಕೈಯಿಂದ ಹೊಡೆದು ಕೊಲೆ ಬೆದರಿಕೆ ಹಾಕಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ವಿಷ ಸೇವಿಸಿ ವ್ಯಕ್ತಿಯ ಆತ್ಮಹತ್ಯೆ 
                     ವಿಷ ಸೇವಿಸಿ ವ್ಯಕ್ತಿಯೊಬ್ಬರು ಆತ್ಮಹತ್ಯೆ ಮಾಡಿಕೊಂಡ ಘಟನೆ ಸುಂಟಿಕೊಪ್ಪ ಬಳಿಯ ನಾರ್ಗಣೆ ತೋಟದಲ್ಲಿ ನಡೆದಿದೆ. ದಿನಾಂಕ 23/10/2016ರಂದು ನಾರ್ಗಣೆ ತೋಟದ ನಿವಾಸಿ ಗೋಪಾಲ ಎಂಬವರು ಸಂತೆಗೆ ಬಂದಿದ್ದು, ಸಂತೆಯಿಂದ ಬರುವಾಗ ವಿಪರೀತ ಮದ್ಯಪಾನ ಮಾಡಿದ್ದು, ಜೊತೆಗೆ ಯಾವುದೋ ವಿಷ ಪದಾರ್ಥವನ್ನು ಸೇವಿಸಿದ್ದು, ಬಾಯಿಂದ ನೊರೆ ಬರುತ್ತಿದ್ದುದನ್ನು ಕಂಡ ಆತನ ಪತ್ನಿ ಗೀತಾರವರು ಆಸ್ಪತ್ರೆಗೆ ದಾಖಲಿಸಿದ್ದು ವೈದ್ಯರು ಆತನು ಮೃತಪಟ್ಟಿರುವ ಬಗ್ಗೆ ದೃಢೀಕರಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ಸುಂಟಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Monday, October 24, 2016

ಕ್ಷುಲ್ಲಕ ಕಾರಣಕ್ಕೆ ವ್ಯಕ್ತಿಯ ಮೇಲೆ ಹಲ್ಲೆ
                   ದಿನಾಂಕ 22-10-2016 ರಂದು ಸಮಯ 3-00 ಪಿ ಎಂ ಗೆ ಸೋಮವಾರಪೇಟೆಯ ಮಂಕ್ಯ ಗ್ರಾಮದ ನಿವಾಸಿ ಕಾಳಪ್ಪರವರು ತನ್ನ ಕುಟುಂಬದವರೊಂದಿಗೆ ಗದ್ದೆಯ ಬಳಿಯಲ್ಲಿ ನಾಗದೇವರ ದೇವಾಲಯದ ಕೆಲಸ ಮಾಡಿಕೊಂಡಿರುವಾಗ್ಗೆ ಅಲ್ಲಿಗೆ ಅದೇ ಗ್ರಾಮದ ರಮೇಶ್, ವಿನು, ಜಗದೀಶ ಮತ್ತು ಜ್ಯೋತಿರವರು ಹೋಗಿ ದಿನಾಂಕ 04-09-2016 ರಂದು ಮನೆ ಕಟ್ಟಲು ತಳಪಾಯದ ಪೂಜೆ ಮಾಡಿಸಿದ ವಿಚಾರದಲ್ಲಿ ಜಗಳ ತೆಗೆದು ಆಶ್ಲೀಲ ಶಬ್ದಗಳಿಂದ ಬೈದು ದೊಣ್ಣೆಯಿಂದ ಕಾಳಪ್ಪರವರಿಗೆ ಹೊಡೆದು ಗಾಯಪಡಿಸಿದ್ದು, ಈ ಬಗ್ಗೆ ಕಾಳಪ್ಪನವರು ನೀಡಿದ ದೂರಿಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿರುತ್ತಾರೆ.

ಕ್ಷುಲ್ಲಕ ಕಾರಣಕ್ಕೆ ವ್ಯಕ್ತಿಯ ಮೇಲೆ ಕತ್ತಿಯಿಂದ ಹಲ್ಲೆ

                  ಗೋಣಿಕೊಪ್ಪ ಠಾಣಾ ಸರಹದ್ದಿನ ಹರಿಶ್ಚಂದ್ರಪುರದಲ್ಲಿ ಕ್ಷುಲ್ಲಕ ಕಾರಣಕ್ಕೆ ವ್ಯಕ್ತಿಯ ಮೇಲೆ ಕತ್ತಿಯಿಂದ ಹಲ್ಲೆ ನಡೆಸಿದ ಬಗ್ಗೆ ವರದಿಯಾಗಿದೆ. ದಿನಾಂಕ 22-10-2016 ರಂದು ತಿತಿಮತಿಯ ನಿವಾಸಿ ಪಂಜರಿಎರವರ ನಾಗರವರು ಚೆನ್ನಂಗೊಲ್ಲಿಯಲ್ಲಿ ಕೂಲಿ ಕೆಲಸ ಮಾಡಿಕೊಂಡು ರಾತ್ರಿಯಾದ ಕಾರಣ ಗೋಣಿಕೊಪ್ಪದ ಹರಿಶ್ಚಂದ್ರಪುರದಲ್ಲಿರುವ ಜಮ್ಮಡ ಜಯಂತ್ ರವರ ಲೈನು ಮನೆಯಲ್ಲಿ ವಾಸವಿರುವ ಅವರ ತಮ್ಮನ ಮನೆಗೆ ಹೋಗುತ್ತಿರುವಾಗ ಜಮ್ಮಡ ಜಯಂತ್ರವರ ಲೈನ್ ಮನೆಯಲ್ಲಿ ವಾಸವಿರುವ ರಾಜರವರು ನಾಗರವರನ್ನು ಕುರಿತು ಹಣವನ್ನು ಕೇಳಿದ್ದು ನಾಗರವರು ನಿರಾಕರಿಸಿದಾಗ ಜಗಳವಾಡಿ ಕುಡಿದ ಮತ್ತಿನಲ್ಲಿ ಕತ್ತಿಯಿಂದ ನಾಗರವರ ತಲೆಯ ಭಾಗಕ್ಕೆ ಕಡಿದು ಗಾಯಪಡಿಸಿದ್ದು ಈ ಬಗ್ಗೆ ನಾಗರವರು ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿರುತ್ತಾರೆ.  

ಅಪಘಾತ ಪ್ರಕರಣ 
                      ದಿನಾಂಕ: 22-10-16ರಂದು ಕೊಣಂಜಗೇರಿಯ ವಾಸಿ ಮಲ್ಲಡ ಸೋಮಣ್ಣನವರು ಅವರ ಪತ್ನಿ ರೋಹಿಣಿ ಮತ್ತು ಮಗಳು ಕೃತಿರವರೊಂದಿಗೆ ವಿರಾಜಪೇಟೆಯ ಕಾವೇರಿ ಕಲ್ಯಾಣ ಮಂಟಪದಲ್ಲಿ ಸಂಬಂಧಿಕರ ಮದುವೆ ಸಮಾರಂಭಕ್ಕೆ ಬಂದು ರಾತ್ರಿ ವಾಪಾಸ್ಸು ಮನೆಗೆ ಕೆಎ.12.ಬಿ.3770 ರ ಆಟೋ ರಿಕ್ಷಾದಲ್ಲಿ ಕಡಂಗದ ಕಡೆಗೆ ಹೋಗುತ್ತಿರುವಾಗ ಅರಮೇರಿ ಗ್ರಾಮದ ತಿರುವು ರಸ್ತೆಯ ಬಳಿ ಆಟೋ ಚಾಲಕ ಶಬರೀಶ್ ರವರು ಆಟೋ ರಿಕ್ಷಾವನ್ನು ಅತೀವೇಗ ಹಾಗೂ ಅಜಾಗರೂಕತೆಯಿಂದ ಚಾಲನೆ ಮಾಡಿದ ಪರಿಣಾಮ ಆಟೋ ರಿಕ್ಷಾವು ರಸ್ತೆಗೆ ಮಗುಚಿ ಬಿದ್ದು ಮೂವರಿಗೂ ಗಾಯಗಳಾಗಿದ್ದು ಈ ಬಗ್ಗೆ ನೀಡಿದ ದೂರಿಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿರುತ್ತಾರೆ. 

ವಿದ್ಯಾರ್ಥಿ ಆತ್ಮಹತ್ಯೆ 
                   ಮಡಿಕೇರಿ ತಾಲೂಕಿನ ಕುಯ್ಯಂಗೇರಿ ಗ್ರಾಮದ ತಂಬಂಡ ಸೋಮಯಯ್ಯರವರ ಮಗ ಕುಂಬಳದಾಳು ಸರ್ಕಾರಿ ಶಾಲೆಯ 6 ನೇ ತರಗತಿಯ ವಿದ್ಯಾರ್ಥಿ ಉದಯ ಎಂಬುವವನು ದಿನಾಂಕ 23-10-2016 ರಂದು ಹಗಲು ಮನೆಯಲ್ಲಿ ಯಾರೂ ಇಲ್ಲದ ಸಮಯದಲ್ಲಿ ಮನೆಯ ಹಾಲ್ ನ ಮೇಲ್ಛಾವಣಿಗೆ ವೇಲ್ ನಿಂದ ನೇಣು ಬಿಗಿದುಕೊಂಡು ಆತ್ಮ ಹತ್ಯೆ ಮಾಡಿಕೊಂಡಿದ್ದು, ದಿನಾಂಕ 24-10-2016 ರಿಂದ ಶಾಲೆಯು ಪ್ರಾರಂಭವಾಗುತ್ತಿದ್ದು ರಜೆಯಲ್ಲಿ ಹೋಂವರ್ಕ್ ಮಾಡದೇ ಇದ್ದು ಇದೇ ವಿಚಾರದಲ್ಲಿ ಮಗ ಉದಯನು ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ತಂದೆ ಸೋಮಯ್ಯನವರು ನೀಡಿದ ದೂರಿಗೆ ನಾಪೋಕ್ಲು ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿರುತ್ತಾರೆ.

Sunday, October 23, 2016

ಪಾದಚಾರಿಗೆ ಬೈಕ್ ಡಿಕ್ಕಿ,
                  ಪಾದಚಾರಿಗೆ ಬೈಕ್ ಡಿಕ್ಕಿಯಾದ ಘಟನೆ ಶನಿವಾರಸಂತೆ ಬಳಿಯ ಗುಡುಗಳಲೆ ಬಳಿ ನಡೆದಿದೆ. ದಿನಾಂಕ 22/10/2016ರಂದು ಶನಿವಾರಸಂತೆ ನಗರದ ತ್ಯಾಗರಾಜ ಕಾಲೋನಿ ನಿವಾಸಿ ರಮೇಶ್‌ ಶೆಟ್ಟಿ ಎಂಬವರು ಗುಡುಗಳಲೆಯ ಜಯಲಕ್ಷ್ಮಿ ಸರ್ವಿಸ್‌ ಸ್ಟೇಷನ್ ಬಳಿ ರಸ್ತೆ ಬದಿಯಲ್ಲಿ ನಡೆದುಕೊಂಡು ಹೋಗುತ್ತಿರುವಾಗ ಕೆಎ-12-ಇ-9215ರ ಮೋಟಾರು ಸೈಕಲನ್ನು ಅದರ ಚಾಲಕ ಪ್ರಜ್ವಲ್‌ ಎಂಬಾತನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಹಿಂದಿನಿಂದ ರಮೇಶ್‌ ಶೆಟ್ಟಿರವರಿಗೆ ಡಿಕ್ಕಿಪಡಿಸಿದ ಪರಿಣಾಮ ರಮೇಶ್‌ ಶೆಟ್ಟಿರವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.  

ಉಡುಗೊರೆ ಆಮಿಷ, ಹಣ ವಂಚನೆ
                     ಉಡುಗೊರೆ ಕಳುಹಿಸುವುದಾಗಿ ಫೇಸ್‌ ಬುಕ್‌ ಮತ್ತು ವಾಟ್ಸ್‌ಆಪ್ ಮೂಲಕ ಆಮಿಷ ಒಡ್ಡಿ ಸುಮಾರು ರೂ.1 ಲಕ್ಷ 20 ಸಾವಿರಗಳಷ್ಟು  ವಂಚಿಸಿರುವ ಘಟನೆ ಸೋಮವಾರಪೇಟೆ ಬಳಿ ನಡೆದಿದೆ. ಇಲ್ಲಿಗೆ ಸಮೀಪದ ಕರ್ಕಳ್ಳಿ ನಿವಾಸಿ ರೀಟಾ ಅನಿಲ್‌  ಮ್ಯಾಥ್ಯೂ ಎಂಬವರೊಂದಿಗೆ ಮಾರ್ಟಿನ್‌ ಕಾನ್ಪುರ ಮತ್ತು ಜರೀನಾ ಕಾನ್ಪುರ ಎಂಬ ಇಬ್ಬರು ವ್ಯಕ್ತಿಗಳು ಫೇಸ್‌ ಬುಕ್ ಮತ್ತು ವಾಟ್ಸ್ ಆಪ್‌ ಮೂಲಕ ಪರಿಚಯಿಸಿಕೊಂಡು ಇತ್ತೀಚೆಗೆ ರೀಟಾರವರ ಮಗುವಿಗೆ ಹುಟ್ಟುಹಬ್ಬದ ಪ್ರಯುಕ್ತ ಉಡುಗೊರೆಯನ್ನು ಕಳುಹಿಸುತ್ತಿರುವುದಾಗಿಯೂ ಈ ಉಡುಗೊರೆಯನ್ನು ಕಳುಹಿಸಲು ಡೆಲಿವರಿ ಶುಲ್ಕ ಮತ್ತು ಕಸ್ಟಮ್ಸ್ ಶುಲ್ಕವಾಗಿ ರೂ. 30 ಸಾವಿರ ಮತ್ತು ರೂ 90 ಸಾವಿರಗಳಷ್ಟು ಹಣವನ್ನು ಜರೀನಾ ಕಾನ್ಪುರರವರ ಬ್ಯಾಂಕ್‌ ಖಾತೆಗೆ ಸಂದಾಯ ಮಾಡುವಂತೆ ತಿಳಿಸಿದ್ದರೆನ್ನಲಾಗಿದೆ. ಅದರಂತೆ ರೀಟಾ ಅನಿಲ್‌ ಮ್ಯಾಥ್ಯೂರವರು ದಿನಾಂಕ 18/10/2016ರಂದು ರೂ.30 ಸಾವಿರ ಹಣವನ್ನು ಹಾಗೂ ದಿನಾಂಕ 19/10/2016ರಂದು ಪುನಃ ರೂ.90 ಸಾವಿರದಷ್ಟು ಹಣವನ್ನು ಮಾರ್ಟಿನ್‌ ಕಾನ್ಪುರವರು ನೀಡಿದ ಜರೀನಾ ಕಾನ್ಪುರವರ ಬ್ಯಾಂಕ್‌ ಖಾತೆಗೆ ಸಂದಾಯ ಮಾಡಿದ್ದು, ನಂತರ ಅನುಮಾನ ಬಂದು ರೀಟಾ ಅನಿಲ್‌ರವರು ದೆಹಲಿಯ ಅಂತರ ರಾಷ್ಟ್ರೀಯ ವಿಮಾನ ನಿಲ್ದಾಣದ ಕಸ್ಟಮ್ಸ್ ಅಧಿಕಾರಿಗಳನ್ನು ಪಾರ್ಸಲ್‌ ಬಗ್ಗೆ ವಿಚಾರಿಸಿದಾಗ ಆ ರೀತಿಯ ಯಾವುದೂ ಪಾರ್ಸಲ್‌ಗಳು ಬಂದಿರುವುದಿಲ್ಲ ಎಂದು ತಿಳಿಸಿದ್ದು,  ಮಾರ್ಟಿನ್‌ ಕಾನ್ಪುರ ಮತ್ತು ಜರೀನಾ ಕಾನ್ಪುರವರು ಉಡುಗೊರೆ ನೀಡುವುದಾಗಿ ಹೇಳಿ ಹಣ ಪಡೆದು ವಂಚಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.   

ಅಕ್ರಮ ಮರಳು ಸಾಗಾಟ ಪ್ರಕರಣ
                      ಅಕ್ರಮವಾಗಿ ಮರಳು ಸಾಗಾಟ ಮಾಡುತ್ತಿದ್ದ ಪ್ರಕರಣವೊಂದನ್ನು ಗೋಣಿಕೊಪ್ಪ ಪೊಲೀಸರು ಪತ್ತೆ ಹಚ್ಚಿದ್ದಾರೆ. ದಿನಾಂಕ 22/10/2016ರಂದು ಬೆಳಿಗ್ಗೆ 6:30 ಗಂಟೆಗೆ ಗೋಣಿಕೊಪ್ಪ ಠಾಣಾ ಪಿಎಸ್‌ಐ ಗೋವಿಂದ ರಾಜುರವರು ಗಸ್ತಿನಲ್ಲಿರುವಾಗ ಕುಂದ ಗ್ರಾಮದ ಸರ್ಕಾರಿ ಪ್ರಾಥಮಿಕ ಶಾಲೆಯ ಬಳಿ ಒಂದು ಐಷರ್‌ ಲಾರಿಯಲ್ಲಿ ಮರಳು ಸಾಗಾಟ ಮಾಡುತ್ತಿರುವುದನ್ನು ಕಂಡು ವಿಚಾರಿಸಿದಾಗ ಮರಳನ್ನು ಬಿ.ಶೆಟ್ಟಿಗೇರಿ ಗ್ರಾಮದ ಬರಪೊಳೆ ನದಿಗೆ ಹರಿಯುವ ತೋಡಿನಿಂದ ಅಕ್ರಮವಾಗಿ ಯಾವುದೇ ಪರವಾನಗಿ ಇಲ್ಲದೆ ತೆಗೆದು ಸಾಗಿಸುತ್ತಿರುವುದಾಗಿ ತಿಳಿದು ಬಂದಿದ್ದು ಲಾರಿ ಚಾಲಕ ವಿರಾಜಪೇಟೆಯ ಬಿ.ಎಂ.ಈರಪ್ಪ ಮತ್ತು ಇನ್ನೋರ್ವ ಪಿ,ಡಿ.ಮೋಹನ್‌ ಎಂಬವರನ್ನು ಬಂಧಿಸಿ ಮರಳು ಸಮೇತ ಲಾರಿಯನ್ನು ವಶ ಪಡಿಸಿಕೊಂಡು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಗುಮಾನಿ ವ್ಯಕ್ತಿಯ ಬಂಧನ
                    ರಾತ್ರಿ ವೇಳೆ ಸಂಶಯಾಸ್ಪದವಾಗಿ ತಿರುಗಾಡುತ್ತಿದ್ದ ವ್ಯಕ್ತಿಯೊಬ್ಬನನ್ನು ವಿರಾಜಪೇಟೆ ನಗರ ಪೊಲೀಸರು ಬಂಧಿಸಿದ್ದಾರೆ. ದಿನಾಂಕ 22/10/2016ರ ರಾತ್ರಿ ವೇಳೆ ವಿರಾಜಪೇಟೆ ನಗರ ಠಾಣೆ ಪಿಎಸ್‌ಐ ಎಂ.ಡಿ.ಅಪ್ಪಾಜಿ ರವರು ನಗರ ಗಸ್ತಿನಲ್ಲಿರುವಾಗ ರಾತ್ರಿ 12:00 ಗಂಟೆ ವೇಳೆಗೆ ವಿರಾಜಪೇಟೆ ನಗರದ ನೆಹರು ನಗರ ನಿವಾಸಿ  ಅಲೆಕ್ಸ್‌ಎಂಬಾತನು  ನಗರದ ಬೋರೇಗೌಡ ಕಾಂಪ್ಲೆಕ್ಸ್ ಬಳಿ  ಅಪಾಯಕರ  ಆಯುಧವನ್ನಿಟ್ಟುಕೊಂಡು ಸಂಶಯಾಸ್ಪದವಾಗಿ ತಿರುಗಾಡುತ್ತಿದ್ದು ಯಾವುದೋ ಅಪರಾಧಕೃತ್ಯವೆಸಗುವ ಉದ್ದೇಶದಿಂದ ತಿರುಗಾಡುತ್ತಿರಬಹುದಾಗಿ  ಸಂಶಯಿಸಿ ಆತನನ್ನು ಬಂಧಿಸಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಗುಮಾನಿ ವ್ಯಕ್ತಿಯ  ಬಂಧನ
                 ರಾತ್ರಿ ವೇಳೆ ಸಂಶಯಾಸ್ಪದವಾಗಿ ತಿರುಗಾಡುತ್ತಿದ್ದ ವ್ಯಕ್ತಿಯೊಬ್ಬನನ್ನು ವಿರಾಜಪೇಟೆ ನಗರ ಪೊಲೀಸರು ಬಂಧಿಸಿದ್ದಾರೆ. ದಿನಾಂಕ 22/10/2016ರ ರಾತ್ರಿ ವೇಳೆ ವಿರಾಜಪೇಟೆ ನಗರ ಠಾಣೆ ಪಿಎಸ್‌ಐ ಎಂ.ಡಿ.ಅಪ್ಪಾಜಿ ರವರು ನಗರ ಗಸ್ತಿನಲ್ಲಿರುವಾಗ ಮುಂಜಾನೆ  5:00 ಗಂಟೆ ವೇಳೆಗೆ ವಿರಾಜಪೇಟೆ ನಗರದ ತಾಲೂಕು ಮೈದಾನದ ಬಳಿಯ ನಿವಾಸಿ ಮೂಲತಃ ಹಾಸನ ಜಿಲ್ಲೆಯ ರಾಮನಾಥಪುರ ತಾಲೂಕಿನ ರುದ್ರಪಟ್ಟಣ ಗ್ರಾಮದ ನಿವಾಸಿ ಹೆಚ್‌.ಶ್ರೀನಿವಾಸ ಎಂಬಾತನು  ನಗರದ ಉಮ್ಮರ್‌ ಹೋಟೆಲ್‌ ಗಲ್ಲಿಯ ಬಳಿ  ಅಪಾಯಕರ  ಆಯುಧವನ್ನಿಟ್ಟುಕೊಂಡು ಸಂಶಯಾಸ್ಪದವಾಗಿ ತಿರುಗಾಡುತ್ತಿದ್ದು ಯಾವುದೋ ಅಪರಾಧಕೃತ್ಯವೆಸಗುವ ಉದ್ದೇಶದಿಂದ ತಿರುಗಾಡುತ್ತಿರಬಹುದಾಗಿ  ಸಂಶಯಿಸಿ ಆತನನ್ನು ಬಂಧಿಸಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಅಕ್ರಮ ಮರಳು ಸಾಗಾಟ ಪ್ರಕರಣ
                       ಅಕ್ರಮ ಮರಳು ಸಾಗಾಟ ಪ್ರಕರಣವನ್ನು ಪತ್ತೆ ಹಚ್ಚಿದ ವಿರಾಜಪೇಟೆ ನಗರ ಪೊಲೀಸರು ಎರಡು ಲಾರಿಗಳನ್ನು ಮರಳು ಸಮೇತ ವಶಪಡಿಸಿಕೊಂಡಿದ್ದಾರೆ.  ವಿರಾಜಪೇಟೆ ಬಳಿಯ ಕಂಡಂಗಾಲ ಗ್ರಾಮದಿಂದ ವಿರಾಜಪೇಟೆ ಕಡೆಗೆ ಅಕ್ರಮವಾಗಿ ಮರಳನ್ನು ಸಾಗಾಟ ಮಾಡುತ್ತಿರುವ ಬಗ್ಗೆ ದೊರೆತ ಸುಳಿವಿನ ಮೇರೆಗೆ ದಿನಾಂಕ 22/10/2016ರ ರಾತ್ರಿ 10:15 ಗಂಟೆಯ ವೇಳೆ ವಿರಾಜಪೇಟೆ ನಗರ ಪಿಎಸ್‌ಐ ಜಿ.ಕೆ.ಸುಬ್ರಮಣ್ಯರವರು ಸಿಬ್ಬಂದಿಗಳೊಂದಿಗೆ ಕಾರ್ಯಾಚರಣೆ ನಡೆಸಿ ಕೆಎ-12-ಎ-4864ರ ಟಿಪ್ಪರ್‌ ಲಾರಿಯಲ್ಲಿ ಅಕ್ರಮವಾಗಿ ಮರಳನ್ನು ಸಾಗಾಟ ಮಾಡುತ್ತಿರುವುದನ್ನು ಪತ್ತೆ ಹಚ್ಚಿ ಲಾರಿ ಸಮೇತ ಮರಳನ್ನು ವಶ ಪಡಿಸಿಕೊಂಡು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಅಕ್ರಮ ಮರಳು ಸಾಗಾಟ ಪ್ರಕರಣ
                            ಅಕ್ರಮ ಮರಳು ಸಾಗಾಟ ಪ್ರಕರಣವನ್ನು ಪತ್ತೆ ಹಚ್ಚಿದ ವಿರಾಜಪೇಟೆ ನಗರ ಪೊಲೀಸರು ಎರಡು ಲಾರಿಗಳನ್ನು ಮರಳು ಸಮೇತ ವಶಪಡಿಸಿಕೊಂಡಿದ್ದಾರೆ.  ವಿರಾಜಪೇಟೆ ಬಳಿಯ ಕಂಡಂಗಾಲ ಗ್ರಾಮದಿಂದ ವಿರಾಜಪೇಟೆ ಕಡೆಗೆ ಅಕ್ರಮವಾಗಿ ಮರಳನ್ನು ಸಾಗಾಟ ಮಾಡುತ್ತಿರುವ ಬಗ್ಗೆ ದೊರೆತ ಸುಳಿವಿನ ಮೇರೆಗೆ ದಿನಾಂಕ 23/10/2016ರ ನಡು ರಾತ್ರಿ 12:30 ಗಂಟೆಯ ವೇಳೆ ವಿರಾಜಪೇಟೆ ನಗರ ಪಿಎಸ್‌ಐ ಜಿ.ಕೆ.ಸುಬ್ರಮಣ್ಯರವರು ಸಿಬ್ಬಂದಿಗಳೊಂದಿಗೆ ಕಾರ್ಯಾಚರಣೆ ನಡೆಸಿ ಕೆಎ-12-ಎ-6888ರ ಟಿಪ್ಪರ್‌ ಲಾರಿಯಲ್ಲಿ ಅಕ್ರಮವಾಗಿ ಮರಳನ್ನು ಸಾಗಾಟ ಮಾಡುತ್ತಿರುವುದನ್ನು ಪತ್ತೆ ಹಚ್ಚಿ ಲಾರಿ ಸಮೇತ ಮರಳನ್ನು ವಶ ಪಡಿಸಿಕೊಂಡು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Saturday, October 22, 2016

 ಪೊಲೀಸ್ ದಾಳಿ ಅಕ್ರಮ ಗಂಜಾ ಗಿಡಗಳ ವಶ:

      ವ್ಯಕ್ತಿಯೊಬ್ಬರ ಕಾಫಿ ತೋಟಕ್ಕೆ ದಾಳಿ ಮಾಡಿದ ಕೊಡಗು ಜಿಲ್ಲಾ ಡಿ.ಸಿ.ಐ.ಬಿ. ಘಟಕದ ಪೊಲೀಸರು ಅಕ್ರಮವಾಗಿ ಬೆಳೆಸಿದ ಗಾಂಜಾ ಗಿಡಗಳನ್ನು ವಶಕ್ಕೆ ಪಡೆದು ಆರೋಪಿಯನ್ನು ಬಂಧಿಸಿದ್ದಾರೆ. ಕೊಡಗು ಜಿಲ್ಲಾ ಪೊಲೀಸ್ ಅಧೀಕ್ಷಕರಾದ ಶ್ರೀ ರಾಜೇಂದ್ರ ಪ್ರಸಾದ್, ಐಪಿಎಸ್, ರವರ ಮಾರ್ಗದರ್ಶನದ ಮೇರೆಗೆ ಡಿಸಿಐಬಿ ವಿಭಾಗದ ಪೊಲೀಸ್ ನಿರೀಕ್ಷಕರಾದ ಶ್ರೀ ಬಿ.ಆರ್. ಲಿಂಗಪ್ಪ ಹಾಗು ಸಿಬ್ಬಂದಿಗಳು ದಿನಾಂಕ 21-10-2016 ರಂದು ಸುಂಟಿಕೊಪ್ಪ ಠಾಣಾ ಸರಹದ್ದಿನ ಅಂದಗೋವೆ ಗ್ರಾಮದ ನಿವಾಸಿ ಚೀಕ್ಕಂಡ ನಂಜಪ್ಪ ಎಂಬವರು ತಮಗೆ ಸೇರಿದ ಕಾಫಿ ತೋಟಕ್ಕೆ ದಾಳಿ ನಡೆಸಿದ್ದು, ತೋಟದಲ್ಲಿ ಅಕ್ರಮವಾಗಿ ಬೆಳೆಸಿದ ಸುಮಾರು 4 ಲಕ್ಷ ಮೌಲ್ಯ ಬೆಲೆಬಾಳುವ 2 ರಿಂದ 10 ಅಡಿ ಎತ್ತರದ 58 ಗಾಂಜಾ ಗಿಡಗಳನ್ನು ಪತ್ತೆಹಚ್ಚಿದ್ದು ಗಾಂಜಾ ಗಿಡಗಳನ್ನು ಹಾಗು ಆರೋಪಿ ಚೀಕ್ಕಂಡ ನಂಜಪ್ಪನವರನ್ನು ವಶಕ್ಕೆ ಪಡೆದು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

     ಕಾರ್ಯಾಚರಣೆಯಲ್ಲಿ ಡಿಸಿಐಬಿ ಘಟಕದ ಪೊಲೀಸ್ ನಿರೀಕ್ಷಕ ಬಿ.ಆರ್. ಲಿಂಗಪ್ಪ, ಎಎಸ್ಐ ಕೆ.ವೈ ಹಮೀದ್, ಸಿಬ್ಬಂದಿಗಳಾದ ಎನ್.ಟಿ. ತಮ್ಮಯ್ಯ, ವಿ.ಜಿ. ವೆಂಕಟೇಶ್, ಕೆ.ಎಸ್. ಅನಿಲ್ ಕುಮಾರ್, ಬಿ.ಎಲ್. ಯೋಗೇಶ್, ಎಂ.ಎನ್. ನಿರಂಜನ್, ಕೆ.ಆರ್. ವಸಂತ, ಕೆ.ಎಸ್. ಶಶಿಕುಮಾರ್, ಸುಂಟಿಕೊಪ್ಪ ಠಾಣೆಯ ಎಎಸ್ಐ ಪಾರ್ಥ, ಹಾಗು ಸಿಬ್ಬಂದಿಗಳು ಭಾಗಬಹಿಸಿದ್ದರು.

     ಇತ್ತೀಚಿಗೆ ಮಾದಕ ವಸ್ತುಗಳ ಬಳಕೆಯಿಂದ ಶಾಲಾ-ಕಾಲೇಜು ವಿದ್ಯಾರ್ಥಿಗಳು ಹಾಗು ಯುವಕರು ವ್ಯಸನಿಗಳಾಗುತ್ತಿದ್ದು ಆರೋಗ್ಯ ಮತ್ತು ವಿದ್ಯಾಬ್ಯಾಸದಲ್ಲಿ ನಿರುತ್ಸಾಹರಾಗುತ್ತಿದ್ದು, ಸಾರ್ವಜನಿಕ ವಲಯದಲ್ಲಿ ಕಳವಳ ವ್ಯಕ್ತವಾಗಿದ್ದು ಈ ಬಗ್ಗೆ ಜಿಲ್ಲೆಯ ಎಲ್ಲಾ ಪೊಲೀಸ್ ಅಧಿಕಾರಿ ಮತ್ತು ಸಿಬ್ಬಂದಿ ವರ್ಗದವರಿಗೆ ಅಕ್ರಮ ಮಾದಕ ವಸ್ಉಗಳ ಸಂಗ್ರಹಣೆ ಮತ್ತು ಮಾರಾಟದ ಬಗ್ಗೆ ಮಾಹಿತಿ ಸಂಗ್ರಹಿಸಿ ದಾಳಿ ನಡೆಸಿ ಕ್ರಮ ಕೈಗೊಳ್ಳುವ ಬಗ್ಗೆ ಸೂಚನೆ ನೀಡಿದ್ದು ಸಾರ್ವಜನಿಕರು ಈ ಬಗ್ಗೆ ಮಾಹಿತಿಯನ್ನು ನೀಡಿ ಸಹಕರಿಸಬೇಕಾಗಿ ಎಸ್.ಪಿ. ಕೊಡಗು ಜಿಲ್ಲೆಯವರು ಮನವಿ ಮಾಡಿದ್ದಾರೆ.

ಅಕ್ರಮ ಮರಳು ಸಾಗಾಟ ಪತ್ತೆ:

     ಅಕ್ರಮ ಮರಳು ಸಾಗಾಟ ಮಾಡುತ್ತಿದ್ದುದನ್ನು ಪತ್ತೆ ಹಚ್ಚಿದ ಪೊಲೀಸರು ಆರೋಪಿಗಳ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ಮಡಿಕೇರಿ ಗ್ರಾಮಾಂತರ ಠಾಣಾ ಪಿ.ಎಸ್.ಐ. ಶ್ರೀ ಎಸ್. ಶಿವಪ್ರಕಾಶ್ ರವರು ದಿನಾಂಕ 21-10-2016 ರಂದು ಬೆಳಗಿನ ಜಾವ ಕರ್ತವ್ಯದಲ್ಲಿದ್ದ ಸಮಯದಲ್ಲಿ ಆರೋಪಿಗಳಾದ ಕಗ್ಗೋಡ್ಲು ಗ್ರಾಮದ ಕೆ.ಪಿ. ಉದಯ ಹಾಗು ಮೊಗೇರ ಹರೀಶ ಎಂಬವರು ಪಿಕ್ ಅಪ್ ಜೀಪಿನಲ್ಲಿ ಅಕ್ರಮವಾಗಿ ಮರಳನ್ನು ಸಾಗಾಟ ಮಾಡುತ್ತಿದ್ದುದನ್ನು ಪತ್ತೆ ಹಚ್ಚಿ ಆರೋಪಿಗಳನ್ನು ಹಾಗು ಮರಳು ತುಂಬಿದ ಪಿಕ್ ಜೀಪನ್ನು ವಶಕ್ಕೆ ಪಡೆದು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ವಿದ್ಯುತ್ ಕಂಬಕ್ಕೆ ಮೋಟಾರ್ ಸೈಕಲ್ ಡಿಕ್ಕಿ, ಸಾವರನಿಗೆ ಗಾಯ:

     ಮೋಟಾರ್ ಸೈಕಲೊಂದು ಸವಾರನ ವೇಗದ ಚಾನೆಯಿಂದ ರಸ್ತೆಬದಿಯ ವಿದ್ಯುತ್ ಕಂಬಕ್ಕೆ ಡಿಕ್ಕಿಯಾಗಿ ಸವಾರ ಗಾಯಗೊಂಡ ಘಟನೆ ಮಡಿಕೇರಿ ನಗರದ ಸಂಜೀವಿನಿ ಕ್ಲೀನಿಕ್ ಬಳಿ ಸಂಭವಿಸಿದೆ. ದಿನಾಂಕ 20-10-2016 ರಂದು ಹೇಮಂತ ಎಂಬವರು ತನ್ನ ಮೋಟಾರ್ ಸೈಕಲನ್ನು ಅತೀ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಮಡಿಕೇರಿ ನಗರದ ಎಫ್.ಎಂ.ಸಿ. ಕಾಲೇಜು ರಸ್ತೆಯ ಸಂಜೀವಿನಿ ಕ್ಲೀನಿಕ್ ಬಳಿ ರಸ್ತೆ ಬದಿಯಲ್ಲಿರುವ ವಿದ್ಯುತ್ ಕಂಬಕ್ಕೆ ಡಿಕ್ಕಿ ಪಡಿಸಿದ ಪರಿಣಾಮ ಸದರಿ ಮೋಟಾರ್ ಸೈಕಲ್ ಸವಾರ ಹೇಮಂತ್ ರವರು ಗಾಯಗೊಂಡಿದ್ದು, ಮಡಿಕೇರಿ ಟ್ರಾಫಿಕ್ ಪೊಲೀಸರು ಪ್ರಕರಣ ದಾಖಲಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ಅಂಚೆ ಕಚೇರಿಗೆ ನುಗ್ಗಿ ಕಳ್ಳತನಕ್ಕೆ ಯತ್ನ:

     ಅಂಚೆ ಕಚೇರಿಗೆ ನುಗ್ಗಿ ಕಳ್ಳತನಕ್ಕೆ ಪ್ತಯತ್ನಿಸಿದ ಘಟನೆ ಸುಂಟಿಕೊಪ್ಪ ನಗರದ ಅಂಚೆ ಕಚೇರಿಯಲ್ಲಿ ನಡೆದಿದೆ. ದಿನಾಂಕ 20-10-2016 ರ ಸಂಜೆ 5-30 ಗಂಟೆ ಮತ್ತು 21-10-2012ರ ಬೆಳಿಗ್ಗೆ 7-45 ಗಂಟೆಯ ಮದ್ಯದ ಅವದಿಯಲ್ಲಿ ಸುಂಟಿಕೊಪ್ಪ ನಗರದ ಅಂಚೆ ಕಚೇರಿಗೆ ಯಾರೋ ಕಳ್ಳರು ನುಗ್ಗಿ ಕಳ್ಳತನಕ್ಕೆ ಯತ್ನಿಸಿದ್ದು, ಅಂಚೆ ಕಚೇರಿ ಅಧಿಕಾರಿ ಎನ್.ಎಸ್. ಅಶೋಕ್ ರವರು ನೀಡಿದ ದೂರಿನ ಮೇರೆಗೆ ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.  

ನೀರಿನಲ್ಲಿ ಮುಳುಗಿ ಕಾಲೇಜು ವಿದ್ಯಾರ್ಥಿ ಸಾವು:

     ಜಲಪಾತ ವೀಕ್ಷಿಸಲು ಹೋದ ಕಾಲೇಜು ವಿದ್ಯಾರ್ಥಿಯೋರ್ವ ನೀರಿನಲ್ಲಿ ಮುಳುಗಿ ಸಾವನಪ್ಪಿದ ಘಟನೆ ಸೋಮವಾರಪೇಟೆನ ಮಲ್ಲಳ್ಳಿ ಜಲಪಾತದಲ್ಲಿ ಸಂಭವಿಸಿದೆ. ಸೋಮವಾರಪೇಟೆ ತಾಲೋಕು ಬೆಂಬಳೂರು ಗ್ರಾಮದ ನಿವಾಸಿ ಬಿ.ವಿ. ಚಂದ್ರಗುಪ್ತ ಎಂಬವರ ಮಗ ಪ್ರಥಮ ಬಿ.ಎ. ವ್ಯಾಸಂಗ ಮಾಡುತ್ತಿದ್ದ 18 ವರ್ಷದ ಸಂಮಿತ್ರ ಎಂಬಾತ ದಿನಾಂಕ 21-10-2016 ರಂದು ಬೆಳಿಗ್ಗೆ 8-30 ಗಂಟೆಯ ಸಮಯದಲ್ಲಿ ಮಲ್ಲಳ್ಳಿ ಜಲಪಾತ ವೀಕ್ಷಿಸಲು ಹೋಗಿ ಜಲಪಾತದ ನೀರಿನಲ್ಲಿ ಸ್ನಾನ ಮಾಡುತ್ತಿದ್ದ ವೇಳೆ ಆಕಸ್ಮಿಕವಾಗಿ ನೀರಿನಲ್ಲಿ ಮುಳುಗಿ ಸಾವನಪ್ಪಿದ್ದು ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.  

Friday, October 21, 2016

ಆನೆ ತುಳಿತ, ಗಾಯಾಳು ಮಹಿಳೆ ಸಾವು
                    ಆನೆ ತುಳಿತದಿಂದಾಗಿ ಗಾಯಾಳುವಾಗಿದ್ದ ಮಹಿಳೆಯೊಬ್ಬರು ಸಾವಿಗೀಡಾದ ಘಟನೆ ಸೋಮವಾರಪೇಟೆ ಬಳಿಯ ಯಡವನಾಡು ಗ್ರಾಮದಲ್ಲಿ ನಡೆದಿದೆ. ದಿನಾಂಕ 19/10/2016ರಂದು ಯಡವನಾಡು ಗ್ರಾಮದ ಸೂಳೆ ಬಾವಿ ಹಾಡಿ ನಿವಾಸಿ ಪಾರ್ವತಿ ಎಂಬ ಮಹಿಳೆಯು ಅಂಗಡಿಯಿಂದ ದಿನಸಿ ಸಾಮಾನುಗಳನ್ನು ತೆಗೆದುಕೊಂಡು ಮನೆಗೆ ಬರುತ್ತಿರುವಾಗ ದಾರಿಯಲ್ಲಿ ಕಾಡಾನೆಯ ತುಳಿತಕ್ಕೊಳಗಾಗಿ  ಗಾಯಾಳುವಾಗಿ ಕುಶಾಲನಗರ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದ್ದು, ಚಿಕಿತ್ಸೆ ಫಲಕಾರಿಯಾಗದೆ ಮೃತರಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಅಕ್ರಮ ಮರಳು ಶೇಖರಣೆ
                ಅಕ್ರಮವಾಗಿ ನದಿಯಿಂದ  ಮರಳನ್ನು ತೆಗೆದು ಶೇಖರಿಸಿಟ್ಟಿರುವ ಪ್ರಕರಣ ಗೋಣಿಕೊಪ್ಪ ಠಾಣೆಯಲ್ಲಿ ದಾಖಲಾಗಿದೆ. ಗೋಣಿಕೊಪ್ಪ ಬಳಿಯ ಕೊಂಗಾಣ ಗ್ರಾಮದಲ್ಲಿ ಕಡೇಮಾಡ ಸತೀಶ್‌ ಎಂಬವರು ಕೊಂಗಾಣ ಹೊಳೆಯಿಂದ ಅಕ್ರಮವಾಗಿ ಮರಳನ್ನು ಶೇಖರಿಸುತ್ತಿರುವಾಗಿ ದೊರೆತ ಸುಳಿವಿನ ಮೇರೆಗೆ ಪೊನ್ನಂಪೇಟೆ ಹೋಬಳಿ ಕಂದಾಯ ಪರಿವೀಕ್ಷಕರಾದ ರಾಧಾಕೃಷ್ಣರವರು ಸ್ಥಳಕ್ಕೆ ತೆರಳಿ ಪರಿಶೀಲಿಸಿದಾಗ ಸದ್ರಿ ಸ್ಥಳದಲ್ಲಿ ಮೂರು ಲೋಡುಗಳಷ್ಟು ಮರಳನ್ನು ಅಕ್ರಮವಾಗಿ ಶೇಖರಿಸಿಟ್ಟಿರುವುದು ಕಂಡು ಬಂದಿದ್ದು ಮರಳನ್ನು ವಶಪಡಿಸಿಕೊಂಡು ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಅಪಘಾತ ಪ್ರಕರಣ
               ವಿರಾಜಪೇಟೆಯ ಕದನೂರುವಿನ ಬಳಿ  ಕಾರಿಗೆ  ವ್ಯಾನ್‌ ಡಿಕ್ಕಿಯಾದ ಘಟನೆ ನಡೆದಿದೆ. ದಿನಾಂಕ 20/10/2016ರಂದು ವಿರಾಜಪೇಟೆ ದಖನ್ನಿ ಮೊಹಲ್ಲಾ ನಿವಾಸಿ ಎಂ.ಎನ್.ನಿಸ್ಸಾರ್‌ ಎಂಬವರು ಕೆಎ-12-ಎಂ-6122ರ ಮಾರುತಿ 800 ಕಾರಿನಲ್ಲಿ ಕದನೂರು ಬಳಿ ಹೋಗುತ್ತಿರುವಾಗ ಎದುರುಗಡೆಯಿಂದ ಕೆಎ-04-ಎಂಬಿ-4775ರ ಮಾರತು ಓಮ್ನಿ ವ್ಯಾನನ್ನು ಅದರ ಚಾಲಕ ದಿಲೀಪ್‌ ಸೋಮಣ್ಣ ಎಂಬಾತನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ನಿಸ್ಸಾರ್‌ರವರು ಚಾಲಿಸುತ್ತಿದ್ದ ಕಾರಿಗೆ ಡಿಕ್ಕಿ ಪಡಿಸಿದ ಪರಿಣಾಮ ನಿಸ್ಸಾರ್‌ ಮತ್ತು ದಿಲೀಪ್‌ ಸೋಮಣ್ಣ ಇಬ್ಬರಿಗೂ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಆಸ್ತಿ ಭೋಗ್ಯ, ಮೋಸ
                   ಆಸ್ತಿಯನ್ನು ಭೋಗ್ಯಕ್ಕೆ ಪಡೆದುಕೊಂಡು ನಂತರ ವಂಚಿಸಿರುವ ಘಟನೆ ಮಡಿಕೇರಿ ಬಳಿಯ ಕಡಗದಾಳು ಗ್ರಾಮದಲ್ಲಿ ನಡೆದಿದೆ.ಕಡಗದಾಳು ನಿವಾಸಿ ಕೆ.ಕೆ.ಮಂದಣ್ಣ ಎಂಬವರು  2010ನೇ ಸಾಲಿನಲ್ಲಿ ಅವರ  ಜಾಗದಲ್ಲಿ ವ್ಯಾಪಾರೋದ್ಯಮ ಮಾಡುವ ಸಲುವಾಗಿ ಬೆಂಗಳೂರಿನ ಜನಾರ್ಧನ ಮತ್ತು ಸುದನ್‌ ಗೌಡ ಎಂಬವರಿಗೆ ಸುಮಾರು 3,34,000 ರೂಗಳ ವಾರ್ಷಿಕ ಬಾಡಿಗೆಗೆ ನೀಡಿದ್ದು, ನಂತರ ಆರೋಪಿಗಳು ಆಸ್ತಿಯಲ್ಲಿನ ಬೆಳೆಗಳನ್ನು ಸರಿಯಾಗಿ ನಿರ್ವಹಿಸದೆ ಹಾಗೂ ಬಾಡಿಗೆಯನ್ನು ಸರಿಯಾಗಿ ನೀಡದೆ ವಂಚಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಕಾರು ಡಿಕ್ಕಿ, ಹಾನಿ
                    ನಿಲ್ಲಿಸಿದ ಕಾರಿಗೆ ಹಿಂದಿನಿಂದ ಕಾರೊಂದು ಡಿಕ್ಕಿಯಾದ ಘಟನೆ ಮಡಿಕೇರಿ ಬಳಿಯ ದೇವರಕೊಲ್ಲಿ ಗ್ರಾಮದಲ್ಲಿ ನಡೆದಿದೆ. ದಿನಾಂಕ 20/10/2016ರಂದು ಮಂಗಳೂರು ನಿವಾಸಿ ಕೆ.ಅಬ್ದುಲ್ ರಹೂಫ್‌ ಎಂಬವರು ಕೆಎ-19-ಎಂಇ-2332ರ ಕಾರಿನಲ್ಲಿ ಸಂಬಂಧಿಕರೊಂದಿಗೆ ಮಡಿಕೇರಿಗೆ ಬರುತ್ತಿರುವಾಗ ಮಾರ್ಗ ಮಧ್ಯೆ ದೇವರಕೊಲ್ಲಿ ಬಳಿ ರಸ್ತೆಗೆ ರಿಫ್ಲೆಕ್ಟರ್‌ಗಳನ್ನು ಆಳವಡಿಸುತ್ತಿದ್ದು ಕೆಲಸ ಮಾಡುತ್ತಿದ್ದ ಕಾರ್ಮಿಕರು ಕಾರನ್ನು ನಿಲ್ಲಿಸುವಂತೆ ಸೂಚಿಸಿದ ಮೇರೆಗೆ ಅಬ್ದುಲ್‌ ರಹೋಫ್‌ರವರು ಕಾರನ್ನು ರಸ್ತೆ ಬದಿ ನಿಲ್ಲಿಸಿದ್ದು, ಅದೇ ಸಮಯಕ್ಕೆ ಹಿಂದಿನಿಂದ ಕೆಎ-19-ಎಂಎಫ್‌-8942ರ ಕಾರನ್ನು ಅದರ ಚಾಲಕ ಜಾನ್‌ ಡಿಸೋಜ ಎಂಬವರು ಅತಿ ವೇಗವಾಗಿ ಬಂದು ಅಬ್ದುಲ್ ರಹೂಫ್‌ರವರು ನಿಲ್ಲಿಸಿದ್ದ ಕಾರಿಗೆ ಡಿಕ್ಕಿ ಪಡಿಸಿದ ಪರಿಣಾಮ ಕಾರಿಗೆ ಹಾನಿಯುಂಟಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Thursday, October 20, 2016

ಜೀವನದಲ್ಲಿ ಜಿಗುಪ್ಸೆ ಮಹಿಳೆ ಆತ್ಮ ಹತ್ಯೆ    
     ವಿರಾಜಪೇಟೆ ತಾಲೂಕಿನ ಕಂಡಂಗಾಲ ಗ್ರಾಮದ ಅಪ್ಪಂಡೆರಂಡ ಪೊನ್ನಪ್ಪನವ್ರ ಲೈನ್ ಮನೆಯಲ್ಲಿ ವಾಸವಿರುವ ಶ್ರೀಮತಿ ರಾಜಮ್ಮ ನವರಿಗೆ ವಿಪರೀತ ಮದ್ಯಪಾನ ಮಾಡು ಅಬ್ಯಾಸವಿದ್ದು ದಿನಾಂಕ 18-10-2016 ರಂದು ವಿಪರೀತ ಮದ್ಯಪಾನ ಮಾಡಿ ಮನೆಗೆ ಬಂದಿದ್ದು ರಾತ್ರಿ ಸಮಯದಲ್ಲಿ ಮನೆಯ ಕೋಣೆಯ ಬಿಟ್ಟಕ್ಕೆ ಸೀರೆಯಿಂದ ನೇಣು ಬಿಗಿದುಕೊಂಡು ಆತ್ಯಹತ್ಯೆ ಮಾಡಿಕೊಂಡಿರುವುದಾಗಿ ಪತಿ ಜೇನುಕುರುಬರ ರಾಜುರವ್ರು ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿರುತ್ತಾರೆ.
 ಬೈಕ್ ಕಳವು ಪ್ರಕರಣ 
    ಮನೆಯ ಮುಂದೆ ನಿಲ್ಲಿಸಿದ ಮೋಟಾರು ಸೈಕಲನ್ನು ಕಳವು ಮಾಡಿದ ಪ್ರಕರಣ ಸೋಮವಾರಪೇಟೆ ನಗರದ  ಗಾಂದೀನಗರದಲ್ಲಿ ನಡೆದಿದೆ. ದಿನಾಂಕ 17-10-2016 ರಂದು ಪಾಪಯ್ಯನವರ ಮನೆಗೆ ಬಂದುಗಳಾದ ಸಿಂಗನಹಳ್ಳಿ ಗ್ರಾಮದ ಜೀವನ್‌ ರವರು ಬಂದು ಅವರ ಬಾಪ್ತು ಕೆ.ಎ-43-ಹೆಚ್-7265 ರ ಮೋಟಾರು ಸೈಕಲನ್ನುಮನೆಯ ಮುಂದೆ ನಿಲ್ಲಿಸಿ ಬೆಂಗಳೂರಿಗೆ ಹೋಗಿದ್ದು ಪಾಪಯ್ಯನವರು ದಿನಾಂಕ 18-10-2016 ರಂದು ಬೆಳಿಗ್ಗೆ 06-00 ಗಂಟೆಗೆ ಎದ್ದು ನೋಡಲಾಗಿ ಮನೆಯ ಮುಂದೆ ನಿಲ್ಲಿಸಿದ್ದ ಮೋಟಾರು ಸೈಕಲನ್ನು ಯಾರೋ ಕಳವು ಮಾಡಿರುವುದಾಗಿ ನೀಡಿದ ದೂರಿಗೆ ಸೋಮವಾರಪೇಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿರುತ್ತಾರೆ.
ಕ್ಲುಲ್ಲಕ ಕಾರಣಕ್ಕೆ ಹಲ್ಲೆ
     ದಿನಾಂಕ 18-10-2016 ರಂದು ಸೋಮವಾರಪೇಟೆಯ ಚೌಡ್ಲು ಗ್ರಾಮದಲ್ಲಿ ಸುಧಾ ಮತ್ತು ಸುರೇಶ್‌ರವರು ಪಿಕ್ ಜೀಪಿನಲ್ಲಿ ಬಂದು ಉದಯಕುಮಾರ್‌ ರವರ  ಮನೆಯಹತ್ತಿರ ನಿಲ್ಲಿಸಿದ್ದು, ಸುನಿಲ್‌ಕುಮಾರ್‌ರವರು ತನ್ನ ಕಾರನ್ನು ಹೊರ ತೆಗೆಯಬೇಕಾದ್ದರಿಂದ ಸ್ವಲ್ಪಆಚೆ ನಿಲ್ಲಿಸಿ ಎಂದು ಹೇಳಿದಾಗ ಸುಧಾ ಮತ್ತು ಸುರೇಶ್ ರವರು ಸುನಿಲ್‌ ರವರಿಗೆ ಅವಾಚ್ಯ ಶಬ್ದಗಳಿಂದ ಬೈದು ವಾಹನದಲ್ಲಿದ್ದ ಕತ್ತಿಯನ್ನು ತೆಗೆದು ಕಡಿಯಲು ಹೋಗಿ  ಸುನಿಲ್ ಕುಮಾರ್ ರವರನ್ನು ತಳ್ಳಿ ಬೀಳಿಸಿ ಗಾಯಪಡಿಸಿರುವುದಾಗಿ ಕೊಟ್ಟ ದೂರಿಗೆ ಸೋಮವಾರಪೇಟೆ ಪೊಲೀಸರು  ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿರುತ್ತಾರೆ.
ಮನುಷ್ಯ ಕಾಣೆ ಪ್ರಕರಣ
     ಸೋಮವಾರಪೇಟೆಯ ನಿವಾಸಿ ಅನಿಲ್‌ರವರು  ತನ್ನ ಸಂಸಾರದೊಂದಿಗೆ ಬೆಂಗಳೂರಿನಲ್ಲಿ ವಾಸವಿದ್ದು, ದಿನಾಂಕ 10-10-2016 ರಂದು ಸೋಮವಾರಪೇಟೆಯ ತನ್ನ ಮನೆಗೆ ಬಂದಿದ್ದು, ನಂತರ ಮೈಸೂರಿಗೆ ಮದುವೆಗೆ ಹೋಗುತ್ತೇನೆ ಎಂದು ಹೇಳಿ ಮನೆಯಿಂದ ಹೋಗಿದ್ದು, ದಿನಾಂಕ 11-10-2016 ರಂದು ಆತನ ಪತ್ನಿ ಮೊಬೈಲ್‌ನಲ್ಲಿ ಸಂಪರ್ಕಿಸಿ ವಿಚಾರಿಸಿದಾಗ ಬೆಂಗಳೂ ರಿಗೆ ಬರುತ್ತಿರುವುದಾಗಿ ತಿಳಿಸಿದ್ದು, ಆದರೆ ದಿನಾಂಕ 19-10-2016 ರ ವರೆಗೂ ಬೆಂಗಳೂರಿಗೂ ಹೋಗದೇ ಮನೆಗೂ ಬಾರದೇ ಇದ್ದು, ಆತನು ಮೊಬೈಲ್ ಸಂಪರ್ಕಕ್ಕೂ ಸಿಗದೇ ಇದ್ದು ಕಾಣೆಯಾದ ಮಗನನ್ನು ಪತ್ತೆಹಚ್ಚಿಕೊಡಬೇಕೆಂದು ಶಿವರಾಜುರವರು ಕೊಟ್ಟ ದೂರಿಗೆ ಸೋಮವಾರಪೇಟೆ ಪೊಲೀಸರು  ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿರುತ್ತಾರೆ. 
ಅಪಘಾತ ಪ್ರಕರಣ
     ಮೋಟಾರು  ಸೈಕಲಿಗೆ ಹಿಂಬದಿಯಿಂದ  ಇನ್ನೊಂದು ಮೋಟಾರು ಸೈಕಲ್ ಡಿಕ್ಕಿಪಡಿಸಿ ಗಾಯವಾದ ಪ್ರಕರಣ ಸೋಮವಾರಪೇಟೆ ನಗರದಲ್ಲಿ ನಡೆದಿದೆ. ತಾಕೇರಿ  ಗ್ರಾಮದ ನಿವಾಸಿ ದಿನೇಶ್‌ರವರು ದಿನಾಂಕ 15-10-2016 ರಂದು ಸಮಯ 3-00 ಪಿ ಎಂ ಗೆ ಕೆಎ-12-ಕೆ-3550ರ ಪಲ್ಸ್ ರ್ ಮೋಟಾರು ಸೈಕಲಿನಲ್ಲಿ ಧನುರವರೊಂದಿಗೆ  ಮನೆಗೆ ಹೋಗುತ್ತಿರುವಾಗ ಜ್ಞಾನ ವಿಕಾಶ ಶಾಲೆಯ ಹತ್ತಿರ ಹಿಂಬದಿಯಿಂದ ಬಂದ ಕೆಎ-51-ವೈ-6283 ರ ಪಲ್ಸ್ ರ್ ಮೋಟಾರು ಸೈಕಲನ್ನು ಅದರ ಚಾಲಕ  ತೇಜಸ್ ರವರು  ಅತೀ ವೇಗ  ಹಾಗೂ ಅಜಾಗರೂ ಕತೆಯಿಂದ ಚಾಲನೆ ಮಾಡಿಕೊಂಡು ಹೋಗಿ ಡಿಕ್ಕಿ ಪಡಿಸಿದ್ದು ದಿನೇಶ  ಮತ್ತು ತೇಜಸ್ ರವರಿಗೆ ಗಾಯಗಳಾಗಿದ್ದು ದಿನೇಶ್ ರವರು ನೀಡಿದ  ದೂರಿಗೆ ಸೋಮವಾರಪೇಟೆ ಪೊಲೀಸರು  ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿರುತ್ತಾರೆ.
ನೇಣು ಬಿಗಿದುಕೊಂಡು ವ್ಯಕ್ತಿ ಆತ್ಮಹತ್ಯೆ
      ಮನೆಯ ಮಲಗುವ ಕೋಣೆಯಲ್ಲಿ ವ್ಯಕ್ತಿ ಆತ್ಮಹತ್ಯೆ ಮಾಡಿಕೊಂಡಿರುವ ಪ್ರಕರಣ ಹಾಕತ್ತೂರು ಗ್ರಾಮದ ಹುಲಿತಾಳದಲ್ಲಿ  ನಡೆದಿದೆ. ಮೃತ ಗಣೇಶ ರವರು ತನ್ನ ತಂದೆಯೊಂದಿಗೆ  ವಾಸವಾಗಿದ್ದು ಆಚಾರಿ ಕೆಲಸ ಮಾಡುತ್ತಿದ್ದು, ಪ್ರತಿ ದಿನವೂ ಮದ್ಯಪಾನ ಮಾಡುವ ಚಟವಿದ್ದು, ದಿನಾಂಕ 18-10-2016 ರಂದು ರಾತ್ರಿ ಊಟ ಮಾಡಿ 9-00  ಗಂಟೆಗೆ ತನ್ನ ಕೋಣೆಯಲ್ಲಿ ಮಲಗಿಕೊಂಡಿದ್ದು ದಿನಾಂಕ 19-10-2016 ರಂದು ಬೆಳಿಗ್ಗೆ 9-00  ಗಂಟೆಯಾದರೂ  ಮಗ ಏಳದೇ ಇದ್ದುದ್ದರಿಂದ ಕೋಣೆಯ ಬಾಗಿಲನ್ನು ತೆರೆದು  ನೋಡಿದಾಗ ಮಗ  ಗಣೇಶನು ನೈಲಾನ್ ಬಟ್ಟೆಯಿಂದ ನೇಣು ಬಿಗಿದುಕೊಂಡು ಆತ್ಮ ಹತ್ಯೆ ಮಾಡಿಕೊಂಡಿದ್ದು, ಮಗನು ಯಾವುದೋ ವಿಚಾರದಲ್ಲಿ ಜೀವನದಲ್ಲಿ ಜಿಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ತಂದೆ ವಾಸಪ್ಪನವರು ಕೊಟ್ಟ ದೂರಿಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು  ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿರುತ್ತಾರೆ.

Wednesday, October 19, 2016

 ಅಕ್ರಮ ಗಾಂಜಾ ಪತ್ತೆ
                       ಅಕ್ರಮವಾಗಿ ಗಾಂಜಾ ಬೆಳೆದ ಪ್ರಕರಣವೊಂದನ್ನು  ಡಿಸಿಐಬಿ ಪೊಲೀಸರು  ಪತ್ತೆ  ಹಚ್ಚಿದ್ದಾರೆ. ಕುಶಾಲನಗರ ಬಳಿಯ ಕೂಡು ಮಂಗಳೂರು ಗ್ರಾಮದಲ್ಲಿ ಅಕ್ರಮವಾಗಿ ಗಾಂಜಾ ಬೆಳೆದಿರುವ ಬಗ್ಗೆ ದೊರೆತ ಖಚಿತ ಮಾಹಿತಿಯ ಮೇರೆಗೆ ಜಿಲ್ಲಾ ಅಪರಾಧ ಪತ್ತೆ ದಳದ ನಿರೀಕ್ಷಕರಾದ ಬಿ.ಆರ್.ಲಿಂಗಪ್ಪನವರು ಜಿಲ್ಲಾ ಅಪರಾಧ ಪತ್ತೆ ದಳದ ಸಿಬ್ಬಂದಿಗಳೊಂದಿಗೆ  ದಿನಾಂಕ 18/10/2016ರಂದು ಕೂಡು ಮಂಗಳೂರಿನ ನಿವಾಸಿ ದೇವರಾಜು ಎಂಬವರು ಹಾರಂಗಿ ಹೊಳೆಯ ಸಮೀಪದ ಅವರ ಜಮೀನಿನಲ್ಲಿ ಬೆಳೆದಿದ್ದ 8ಗಾಂಜಾ ಗಿಡಗಳು ಮತ್ತು ಅವರ ತೋಟದ ಮನೆಯಲ್ಲಿ ಮಾರಾಟಕ್ಕೆಂದು ಇಟ್ಟಿದ್ದ ಒಣಗಿದ ಗಾಂಜಾವನ್ನು ಪತ್ತೆ ಹಚ್ಚಿ ವಶಪಡಿಸಿಕೊಂಡಿದ್ದಾರೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ಕುಶಾಲನಗರ ಗ್ರಾಮಾಂತರ ಪೊಲೀಸರು ಮೊಕದ್ದಮೆ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. ವಶಪಡಿಸಿಕೊಳ್ಳಲಾದ ಸುಮಾರು 900 ಗ್ರಾಂ ತೂಕದ ಗಾಂಜಾ ಗಿಡಗಳು ಮತ್ತು ಒಣಗಿಸಿದ ಗಾಂಜಾದ ಬೆಲೆಯು ಸುಮಾರು ರೂ. 25,000/- ಎಂದು ಅಂದಾಜಿಸಲಾಗಿದೆ. ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಪಿ.ರಾಜೇಂದ್ರ ಪ್ರಸಾದ್‌, ಐಪಿಎಸ್‌ ರವರ ಮಾರ್ಗದರ್ಶನದಲ್ಲಿ ಡಿಸಿಐಬಿ ನಿರೀಕ್ಷಕರಾದ ಬಿ.ಆರ್‌. ಲಿಂಗಪ್ಪನವರ ನೇತೃತ್ವದಲ್ಲಿ ನಡೆದ ಕಾರ್ಯಾಚರಣೆಯಲ್ಲಿ ಡಿಸಿಐಬಿ ಸಿಬ್ಬಂದಿಗಳಾದ ಎನ್‌.ಟಿ.ತಮ್ಮಯ್ಯ, ವಿ.ಜಿ.ವೆಂಕಟೇಶ್, ಕೆ.ಎಸ್.ಅನಿಲ್‌ಕುಮಾರ್‌, ಕೆ.ಆರ್‌.ವಸಂತ ಮತ್ತು   ಕೆ.ಎಸ್.ಶಶಿಕುಮಾರ್ ಭಾಗವಹಿಸಿದ್ದರು. 

                       ಇತ್ತೀಚೆಗೆ  ಶಾಲಾ ಕಾಲೇಜು ವಿದ್ಯಾರ್ಥಿಗಳು ಹಾಗೂ ಯುವ ಜನಾಂಗವು ಮಾದಕ ವಸ್ತುಗಳ ವ್ಯಸನಿಗಳಾಗುತ್ತಿದ್ದು ಆರೋಗ್ಯ ಮತ್ತು ವಿದ್ಯಾಭ್ಯಾಸಗಳಲ್ಲಿ ನಿರುತ್ಸಾಹ ತೋರುತ್ತಿರುವ ಬಗ್ಗೆ ಸಾರ್ವಜನಿಕ ವಲಯದಲ್ಲಿ ಕಳವಳ ವ್ಯಕ್ತವಾಗಿದ್ದು ಜಿಲ್ಲೆಯ ಎಲ್ಲಾ ಪೊಲೀಸ್ ಅಧಿಕಾರಿಗಳಿಗೆ ಮತ್ತು ಸಿಬ್ಬಂದಿ ವರ್ಗದವರಿಗೆ ಅಕ್ರಮ ಮಾದಕ ವಸ್ತುಗಳ ಸಂಗ್ರಹಣೆ ಮತ್ತು ಮಾರಾಟದ ಬಗ್ಗೆ ಮಾಹಿತಿಗಳನ್ನು ಸಂಗ್ರಹಿಸಿ ಧಾಳಿಗಳನ್ನು ನಡೆಸಿ ಮಾದಕ ವಸ್ತು ಮಾರಾಟಕ್ಕೆ ಕಡಿವಾಣ ಹಾಕುವಲ್ಲಿ ಕ್ರಮ ಕೈಗೊಳ್ಳುವಂತೆ ಸೂಚಿಸಲಾಗಿದ್ದು,  ಸಾರ್ವಜನಿಕರೂ ಸಹಾ ಅಕ್ರಮ ಮಾದಕ ವಸ್ತುಗಳ ಸಂಗ್ರಹಣೆ ಮತ್ತು ಮಾರಾಟದ ಬಗ್ಗೆ ಯಾವುದಾದರೂ ಮಾಹಿತಿ ಇದ್ದಲ್ಲಿ ಪೊಲೀಸ್ ಇಲಾಖೆಗೆ ತಿಳಿಸಿ ಸಹಕರಿಸಬೇಕೆಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳಾದ ಪಿ.ರಾಜೇಂದ್ರ ಪ್ರಸಾದ್ ರವರು ಮನವಿ ಮಾಡಿಕೊಂಡಿರುತ್ತಾರೆ.

ಕಾರಿಗೆ ಡಿಕ್ಕಿ, ಹಾನಿ
                  ನಿಲ್ಲಿಸಿದ ಕಾರಿಗೆ ಅಪರಿಚಿತ ವಾಹನವೊಂದು ಡಿಕ್ಕಿಯಾದ ಘಟನೆ ಮಡಿಕೇರಿ ನಗರದಲ್ಲಿ ನಡೆದಿದೆ. ದಿನಾಂಕ 16/10/2016ರಂದು ನಗರದ ಹೊಸ ಬಡಾವಣೆ ನಿವಾಸಿ ಎನ್‌.ಪಿ.ಚೀಯಣ್ಣ ಎಂಬವರು ನಗರದ ಜನರಲ್ ತಿಮ್ಮಯ್ಯ ಶಾಲೆಯ ಬಳಿ ಅವರ ಕಾರು ಸಂಖ್ಯೆ ಕೆಎ-12-ಪಿ-5013ನ್ನು ನಿಲ್ಲಿಸಿ ಕೆಲಸದ ನಿಮಿತ್ತ ಶಾಲೆಗೆ ಹೋಗಿದ್ದು, ನಂತರ ಸಂಜೆ ವೇಳೆ ಮರಳಿ ಬಂದು ನೋಡಿದಾಗ ಅವರ ಕಾರಿಗೆ ಯಾವುದೋ ಅಪರಿಚಿತ ವಾಹನವನ್ನು ಅದರ ಚಾಲಕ ಡಿಕ್ಕಿ ಪಡಿಸಿ ನಿಲ್ಲಿಸದೇ ಹೋಗಿದ್ದು, ಕಾರಿಗೆ ಹಾನಿಯುಂಟಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಸಂಚಾರಿ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ದೇಗುಲ ಕಳವು ಯತ್ನ
                    ದೇವಸ್ಥಾನದ ಹುಂಡಿಯನ್ನು ಕಳವು ಮಾಡಲು ವಿಫಲ ಯತ್ನ ನಡೆಸಿದ ಘಟನೆ ಸಿದ್ದಾಪುರ ಬಳಿಯ ಪುಲಿಯೇರಿ ಗ್ರಾಮದಲ್ಲಿ ನಡೆದಿದೆ. ದಿನಾಂಕ 18/10/2016ರಂದು ಮುಂಜಾನೆ 3:00 ಗಮಟೆಗೆ ಇಂಜಿಲಗೆರೆ ಪುಲಿಯೇರಿ ನಿವಾಸಿ ಟಿ.ಎ.ಪ್ರಕಾಶ ಎಂಬವರು ಮನೆಯಲ್ಲಿ ಮಲಗಿರುವಾಗ ಅವರ ಮನೆಯ ಪಕ್ಕದಲ್ಲಿರುವ ಮುತ್ತಪ್ಪ ದೇವಸ್ಥಾನದ ಬಳಿ ಯಾವುದೋ ವಾಹನ ನಿಂತ ಶಬ್ದ ಕೇಳಿ ಅವರು ಮನೆಯ ಹೊರಗಡೆ ಬಂದು ನೋಡಿದಾಗ ಓರ್ವ ಅಪರಿಚಿತ ವ್ಯಕ್ತಿಯು ದೇವಸ್ಥಾನದ ಕಾಣಿಕೆ ಹುಂಡಿಯ ಬಳಿ ನಿಂತುಕೊಂಡು ಯಾವುದೋ ವಸ್ತುವಿನಿಂದ ಕಾಣಿಕೆ ಡಬ್ಬದ ಬೀಗವನ್ನು ಮುರಿಯಲು ಯತ್ನಿಸುತ್ತಿದ್ದುದನ್ನು ಕಂಡು ಟಿ.ಎ.ಪ್ರಕಾಶರವರು ಅಲ್ಲಿಗೆ ಹೋಗಿರುವುದಾಗಿದೆ. ಆಗ  ಅವರನ್ನು ಕಂಡ ಆ ಅಪರಿಚಿತ ವ್ಯಕ್ತಿ ಅಲ್ಲಿಂದ ಓಡಿ ಹೋಗಿದ್ದು, ದೇವಸ್ಥಾನದ ಬಳಿ ಕೆಎ-43-ಹೆಚ್-7265 ಸಂಖ್ಯೆಯ ಒಂದು ಮೋಟಾರು ಸೈಕಲ್ ನಿಂತಿರುವುದನ್ನು ಕಂಡು ಅದನ್ನು ಪ್ರಕಾಶ್‌ರವರು ಅವರ ಮನೆಯಲ್ಲಿ ನಿಲ್ಲಿಸಿ ಪೊಲೀಸರಿಗೆ ದೂರು ನೀಡಿದ್ದು, ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಅಕ್ರಮ ಮರಳು ಸಾಗಾಟ
                 ಅಕ್ರಮವಾಗಿ ಮರಳು ಸಾಗಾಟ ಮಾಡುತ್ತಿದ್ದ ಪ್ರಕರಣವೊಂದನ್ನು ಸೋಮವಾರಪೇಟೆ ಪೊಲೀಸರು ಪತ್ತೆ ಹಚ್ಚಿದ್ದಾರೆ. ದಿನಾಂಕ 18/10/2016ರ ಮುಂಜಾನೆ ಸೋಮವಾರಪೇಟೆ ಠಾಣೆಯ ಪಿಎಸ್‌ಐ ಶಿವಣ್ಣರವರು ಗಸತಿನಲ್ಲಿರುವಾಗ ದೊಡ್ಡಮೆಳ್ತೆ ಗ್ರಾಮದ ಹೊನ್ನಮ್ಮನ ಕೆರೆಯ ಕಡೆಯಿಂದ  ಅಕ್ರಮವಾಗಿ ಮರಳನ್ನು ಸಾಗಿಸುತ್ತಿರುವ ಬಗ್ಗೆ ದೊರೆತ ಮಾಹಿತಿಯ ಮೇರೆಗೆ ಪಿಎಸ್‌ಐ ಶಿವಣ್ಣ ಮತ್ತು ಸಿಬ್ಬಂದಿಗಳು ದೊಡ್ಡ ಮೆಳ್ತೆ ಗ್ರಾಮದ ಹೊನ್ನಮ್ಮನ ಕೆರೆಯ ಬಳಿ ತೆರಳಿ ಹೊಂಚು ಹಾಕಿದ್ದು, ಆ ಸಮಯಕ್ಕೆ ಕಾವಡಿಕಟ್ಟೆಯಿಂದ ಅಬ್ಬೂರು ಕಟ್ಟೆ ಕಡೆಗೆ ಕೆಎ-12-ಬಿ-0241 ಹಾಗೂ ಕೆಲ್‌-09-ಎಇ-7502ರ ರ ಸಂಖ್ಯೆಯ  ಎರಡು ಟಿಪ್ಪರ್ ಲಾರಿಗಳು ಬಂದಿದ್ದು, ಅವುಗಳನ್ನು ಪಿಎಸ್‌ಐರವರು ನಿಲ್ಲಿಸಿದಾಗ ಲಾರಿಗಳ ಚಾಲಕರಾದ ಕಲ್ಕಂದೂರು ಗ್ರಾಮದ ಸುರೇಶ ಮತ್ತು ಅಬ್ಬೂರುಕಟ್ಟೆ ಗ್ರಾಮದ ಜಗದೀಶ ಎಂಬವರುಗಳು ಎರಡೂ ಲಾರಿಗಳನ್ನು ನಿಲ್ಲಿಸಿ ಇಳಿದು ಓಡಿ ಹೋಗಿದ್ದು, ಪಿಎಸ್‌ಐರವರು ಲಾರಿಗಳನ್ನು ಪರಿಶೀಲಿಸಿದಾಗ ಅವುಗಳಲ್ಲಿ ಸರ್ಕಾರದ ಪರವಾನಗಿ ಇಲ್ಲದೆ ಅಕ್ರಮವಾಗಿ ಸಾಗಿಸುತ್ತಿದ್ದ ಸುಮಾರು ರೂ. 20,000/- ಮೌಲ್ಯದ ಮರಳು ಪತ್ತೆಯಾಗಿದ್ದು, ಸೋಮವಾರಪೇಟೆಯಲ್ಲಿ ಪ್ರತ್ಯೇಕ ಎರಡು ಪ್ರಕರಣಗಳನ್ನು  ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಕ್ಷುಲ್ಲಕ ಕಾರಣಕ್ಕೆ ವ್ಯಕ್ತಿಯ ಮೇಲೆ ಹಲ್ಲೆ
                         ಕ್ಷುಲ್ಲಕ ಕಾರಣಕ್ಕೆ ವ್ಯಕ್ತಿಯೊಬ್ಬರ ಮೇಲೆ ಹಲ್ಲೆ ನಡೆಸಿದ ಘಟನೆ ಸೋಮವಾರಪೇಟೆ ಬಳಿಯ ತಲ್ತರೆಶೆಟ್ಟಳ್ಳಿ ಗ್ರಾಮದಲ್ಲಿ ನಡೆದಿದೆ. ದಿನಾಂಕ 18/10/2016ರಂದು ತಲ್ತರೆಶೆಟ್ಟಳ್ಳಿ ನಿವಾಸಿ ಆನಂದ ಎಂಬವರು ಅವರ ಮನೆಯಲ್ಲಿರುವಾಗ ಅಲ್ಲಿಗೆ ಅದೇ ಗ್ರಾಮದ ನಿವಾಸಿಗಳಾದ ವಿಜಿ, ಗೋಪಾಲ ಮತ್ತು ಸಣ್ಣಮ್ಮ ಎಂಬವರುಗಳು ಬಂದಿದ್ದು, ವಿಜಿಯವರು ಆನಂದರವರನ್ನು ಕುರಿತು ವಿಜಿಯ ತಂದೆಗೆ ಸಾಲ ಕೊಡುವಂತೆ ಕೇಳಿದ್ದು ಅದನ್ನು ನಿರಾಕರಿಸಿದ ಆನಂದರವರ ಮೇಲೆ ಕತ್ತಿಯಿಂದ ಕಡಿದು ಹಲ್ಲೆ ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಭಾರಿ ಮೌಲ್ಯದ ಚಿನ್ನಾಭರಣ ಕಳವು
                          ಮನೆ ನುಗ್ಗಿದ ಕಳ್ಳರು ಅಪಾರ ಮೊತ್ತದ ಚಿನ್ನಾಭರಣಗಳನ್ನು ಕಳವು ಮಾಡಿದ ಘಟನೆ ಕೊಡ್ಲಿಪೇಟೆ ನಗರದಲ್ಲಿ ನಡೆದಿದೆ. ಕೊಡ್ಲಿಪೇಟೆ ನಿವಾಸಿ ಔರಂಗಜೇಬ್‌ ಎಂಬವರು ದಿನಾಂಕ 17/10/2016ರಂದು ಅವರ ಸ್ನೇಹಿತರ ಮನೆಯಲ್ಲಿ ಹಬ್ಬಕ್ಕೆಂದು ತೆರಳಿದ್ದು, ಮನೆಯಲ್ಲಿದ್ದ ಪತ್ನಿ ಮಕ್ಕಳು ಮನೆಯ ಮಹಡಿಯಲ್ಲಿ ಮಲಗಿದ್ದರೆನ್ನಲಾಗಿದೆ. ಔರಂಗಜೇಬ್‌ರವರು ಹಬ್ಬ ಮುಗಿಸಿ ಅಪರಾತ್ರಿ  2:30 ಗಂಟೆಯ ವೇಳೆಗೆ ಮನೆಗೆ ಹೋದಾಗ ಮನೆಯ ಬಾಗಿಲಿನ ಬಳಿ ಇರುವ ಕಿಟಕಿಯ ಗಾಜುಗಳು ಒಡೆದು ಬಿದ್ದಿರುವುದನ್ನು ಕಂಡು ಒಳಹೋಗಿ ನೊಡಿದಾಗ ಅವರ ಕಚೇರಿಯಲ್ಲಿರುವ ಕಡತಗಳು ಚೆಲ್ಲಾಪಿಲ್ಲಿಯಾಗಿ ಬಿದ್ದಿದ್ದು, ಅವರ ತಾಯಿ ಮಲಗುವ ಕೋಣೆಯ ಬೀರುವಿನಲ್ಲಿಟ್ಟಿದ್ದ ಸುಮಾರು ರೂ.1,50,000/- ಮೌಲ್ಯದ ಚಿನ್ನಾಭರಣಗಳು ಕಳವಾಘಿರುವುದು ಕಂಡು ಬಂದಿದ್ದು, ಯಾರೋ ಕಳ್ಳರು ಮನೆಯ ಕಿಟಕಿಯ ಗಾಜು ಮುರಿದು ಒಳ ಪ್ರವೇಶಿಸಿ  ಚಿನ್ನಾಭರಣಗಳನ್ನು ಕಳವು ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಹಣ ಕಳವು
                       ಅಂಗಡಿಯೊಂದರಿಂದರಿಂದ ಹಣ ಕಳವು ಮಾಡಿದ ಪ್ರಕರಣ ವಿರಾಜಪೇಟೆ ನಗರದಲ್ಲಿ ನಡೆದಿದೆ.  ವಿರಾಜಪೇಟೆ ನಗರದ ಮೀನುಪೇಟೆಯ ಬಳಿ ಎಂ.ಪಿ.ಕುಶಾಲಪ್ಪ ಎಂಬವರು ಸಿಮೆಂಟ್‌ ಅಂಗಡಿಯಿಟ್ಟುಕೊಂಡು ವ್ಯಾಪಾರ ಮಾಡುತ್ತಿರುವುದಾಗಿದೆ. ದಿನಾಂಕ 18/10/2016ರಂದು ಅವರು ಎಂದಿನಂತೆ ವ್ಯಾಪಾರ ಮಾಡಿಕೊಂಡಿರುವಾಗ ಸುಮಾರು 11 ಗಮಟೆಯ ವೇಳೆಗೆ ಯಾರೋ ಇಬ್ಬರು ಅಪರಿಚಿತ ವ್ಯಕ್ತಿಗಳು ಬಂದು ಸುಮಾರು 20 ಚೀಲಗಳಷ್ಟು ಸಿಮೆಂಟ್ ಬೇಕಾಗಿದೆ ಎಂದು ಕೇಳಿದ್ದು ಕುಶಾಲಪ್ಪನವರು ಅವರಿಬ್ಬರನ್ನು ಅಂಗಡಿಯಲ್ಲಿ ಬಿಟ್ಟು ವಾಹನ ಮತ್ತು ಲೋಡರ್ಸ್ ಗಳನ್ನು ಕರೆದುಕೊಂಡು ಬರಲು ನಗರಕ್ಕೆ ಹೋದರೆನ್ನಲಾಗಿದೆ. ಸುಮಾರು 10 ನಿಮಿಷ ಬಿಟ್ಟು ಕುಶಾಲಪ್ಪನವರು ಅಂಗಡಿಗೆ ಬಂದಾಗ ಸಿಮೆಂಟ್  ಕೇಳಿದ ಇಬ್ಬರೂ ವ್ಯಕ್ತಿಗಳು ಅಲ್ಲಿ ಇಲ್ಲದಿದ್ದು, ಸಂಶಯ ಬಂದು ಪರಿಶೀಲಿಸಿದಾಗ ಅವರ ಮೇಜಿನ ಡ್ರಾಯರ್‌ ತೆರೆದಿದ್ದು ಅಲ್ಲಿ ಪರ್ಸ್‌ನಲ್ಲಿಟ್ಟಿದ್ದ ಸುಮಾರು 50,000/- ರೂಪಾಯಿಗಳಷ್ಟು ನಗದನ್ನು ದಾಖಲಾತಿ ಸಮೇತ ಕಳವು ಮಾಡಿಕೊಂಡು ಹೋಗಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ನೇಣು ಬಿಗಿದುಕೊಂಡು ಮಹಿಳೆ ಆತ್ಮಹತ್ಯೆ
                          ನೇಣು ಬಿಗಿದುಕೊಂಡು ಮಹಿಳೆಯೊಬ್ಬರು ಆತ್ಮಹತ್ಯೆ ಮಾಡಿಕೊಂಡ ಘಟನೆ ವಿರಾಜಪೇಟೆ ಬಳಿಯ ಕಂಡಂಗಾಲ ಗ್ರಾಮದಲ್ಲಿ ನಡೆದಿದೆ. ಕಂಡಂಗಾಲ ನಿವಾಸಿಗಳಾದ ಜೇನುಕುರುಬರ ರಾಜು ಮತ್ತು ಆತನ ಪತ್ನಿ ರಾಜಮ್ಮ ಎಂಬವರು ದಿನಾಂಕ 18/10/2016ರಂದು ವಿರಾಜಪೇಟೆ ನಗರಕ್ಕೆ ಬಂದು ಮನೆ ಸಾಮಗ್ರಿಗಳನ್ನು ಖರೀದಿಸ ಮನೆಗೆ ಹೋಗಿದ್ದು ರಾತ್ರಿ ಇಬ್ಬರೂ ಮದ್ಯಪಾನ ಮಾಡಿ ಮಲಗಿದ್ದರೆನ್ನಾಲಾಗಿದೆ. ಮಾರನೇ ದಿನ 19/10/2016ರಂದು ರಾಜುರವರು  ಎದ್ದು ನೋಡಿದಾಗ ಪತ್ನಿ ರಾಜಮ್ಮ ಮನೆಯ ಒಳಗಿನ ಕೋಣೆಯ ಮಾಡಿಗೆ ಸೀರೆಯಿಂದ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವುದು ಕಂಡು ಬಂದಿದೆ. ಮೃತೆ ರಾಜಮ್ಮ ವಿಪರೀತ ಮದ್ಯಪಾನದ ಚಟ ಹೊಂದಿದ್ದು, ಈ ಕಾರಣಕ್ಕೆ ಜೀವನದಲ್ಲಿ ಜುಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿರಬಹುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಕ್ಷುಲ್ಲಕ ಕಾರಣಕ್ಕೆ ಹಲ್ಲೆ
                         ಕ್ಷುಲ್ಲಕ ಕಾರಣಕ್ಕೆ ವ್ಯಕ್ತಿಯೊಬ್ಬರ ಮೇಲೆ ಹಲ್ಲೆ ಮಾಡಿದ ಘಟನೆ ಸೋಮವಾರಪೇಟೆ ಬಳಿಯ ಚೌಡ್ಲು ಗ್ರಾಮದಲ್ಲಿ ನಡೆದಿದೆ. ದಿನಾಂಕ 18/10/2016ರಂದು ಚೌಡ್ಲು ನಿವಾಸಿ ಸುನಿಲ್‌ ಕುಮಾರ್‌ ಎಂಬವರು ಚೌಡ್ಲು ಗ್ರಾಮದ ಉದಯಕುಮಾರ್‌ರವರ ಮನೆಯ ಬಳಿ ನಿಲ್ಲಿಸಿದ್ದ ಅವರ ವಾಹನವನ್ನು ಹೊರ ತೆಗೆಯುವ ಸಲುವಾಗಿ ಅಲ್ಲೇ ನಿಲ್ಲಿಸಿದ್ದ ಪಿಕ್‌ ಅಪ್ ವಾಹನವನ್ನು ತೆಗೆಯುವಂತೆ ಅಲ್ಲೇ ನಿಂತಿದ್ದ ಪಿಕ್‌ ಅಪ್ ವಾಹನದ ಸುಧಾ ಮತ್ತು ಸುರೇಶ್‌ ಎಂಬವರಿಗೆ ತಿಳಿಸಿದ ವಿಚಾರವಾಗಿ ಸುಧಾ ಮತ್ತು ಸುರೇಶ್‌ರವರು ಸುನಿಲ್‌ ಕುಮಾರ್‌ರವರೊಂದಿಗೆ ಜಗಳವಾಡಿ ಹಲ್ಲೆ ಮಾಡಿ ಕೊಲೆ ಬೆದರಿಕೆ ಹಾಕಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Tuesday, October 18, 2016

 ಬೀಗ ಮುರಿದು ಭತ್ತ ಕಳವು:
     ಮನೆಯೊಂದರ ಬೀಗ ಮುರಿದ ಕಳ್ಳರು ಕಣಜದಲ್ಲಿ ಶೇಖರಿಸಿಟ್ಟಿದ್ದ ಭತ್ತವನ್ನು ಕಳವು ಮಾಡಿಕೊಂಡು ಹೋದ ಘಟನೆ ಶನಿವಾರಸಂತೆ ಠಾಣಾ ವ್ಯಾಪ್ತಿಯ ದೊಡ್ಡಭಂಡಾರ ಗ್ರಾಮದಲ್ಲಿ ನಡೆದಿದೆ. ದಿನಾಂಕ 12-102-106 ರಂದು ಸೋಮವಾರಪೇಟೆ ತಾಲೋಕು ದೊಡ್ಡ ಭಂಡಾರ ಗ್ರಾಮದ ನಿವಾಸಿ ಡಿ.ಜೆ. ಶಿವರಾಂ ಎಂಬವರ ಮನೆಯ ಬೀವನ್ನು ಮುರಿದು ಮನೆಯ ಒಳಗಡೆ ಕಣಜದಲ್ಲಿ ಶೇಖರಿಸಿಟ್ಟಿದ್ದ ಸುಮಾರು 15,000 ರೂ ಮೌಲ್ಯದ 9 ಕ್ವಿಂಟಾಲ್ ಭತ್ತವನ್ನು ಅದೇ ಗ್ರಾಮದ ಕುಶಾಲ ಎಂಬ ವ್ಯಕ್ತಿ ಕಳವು ಮಾಡಿದ್ದು, ಈ ಸಂಬಂಧ ಶವರಾಂ ರವರು ನೀಡಿದ ದೂರಿನ ಮೇರೆಗೆ ಶನಿವಾರಸಂತೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

ಅಕ್ರಮ ಪ್ರವೇಶ, ವ್ಯಕಿ ಮೇಲೆ ಹಲ್ಲೆ:

     ಮಡಿಕೇರಿ ನಗರ ಠಾಣಾ ವ್ಯಾಪ್ತಿಯ ಚಾಂಡೇಶ್ವರಿ ನಗದ ನಿವಾಸಿ ಡಾಲು ಎಂಬವರ ಮನೆಗೆ ದಿನಾಂಕ 16-10-2016 ರಂದು 9-00 ಪಿಎಂ. ಸಮಯದಲ್ಲಿ ಮಂಜುನಾಥ ಹಾಗು ಕುಮಾರ ಎಂಬವರು ಅಕ್ರಮ ಪ್ರವೇಶ ಮಾಡಿ ಕಬ್ಬಿಣದ ರಾಡಿನಿಂದ ಹಲ್ಲೆಗೆ ಪ್ರಯತ್ನಿಸಿ, ಕೈಗಳಿಂದ ಹಲ್ಲೆ ನಡೆಸಿ ಕೊಲೆ ಬೆದರಿಕೆ ಹಾಕಿರುವುದಾಗಿ ಶ್ರೀಮತಿ ಸಂಗೀತ ರವರು ನೀಡಿದ ದೂರಿನ ಮೇರೆಗೆ ಮಡಿಕೇರಿ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

 ಜೀವನದಲ್ಲಿ ವ್ಯಕ್ತಿ ಆತ್ಮಹತ್ಯೆ:

     ಗೋಣಿಕೊಪ್ಪ ಠಾಣಾ ವ್ಯಾಪ್ತಿಯ ಕುಟ್ಟಂದಿ ಗ್ರಾಮದ ನಿವಾಸಿ ಪರಿಣಕ ಗಣಪತಿ ಎಂಬವರು ದಿನಾಂಕ 8-10-2016 ರಿಂದ ಕಾಣೆಯಾಗಿದ್ದು ಸದರಿಯವರು ದಿನಾಂಕ 17-10-2016 ರಂದು ಅಣ್ಣೀರ ಅಭಿಷೇಕ್ ಎಂಬವರ ಕೆರೆಯಲ್ಲಿ ಹೆಣವು ಪತ್ತೆಯಾಗಿದ್ದು, ಇವರು ಜೀವನದಲ್ಲಿ ಜಿಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿರುತ್ತಾರೆಂದು ಪಣಿಕರ ಚಂಗಪ್ಪ ರವರು ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ರಸ್ತೆದಾಟುತ್ತಿದ್ದ ಮಹಿಳೆಗೆ ಕಾರು ಡಿಕ್ಕಿ:

     ಸುಂಟಿಕೊಪ್ಪ ನಗರದ ನಿವಾಸಿ ಶ್ರೀಮತಿ ಸಫಯಾ ಎಂಬವರು ದಿನಾಂಕ 16-10-2016 ರಂದು ರಾತ್ರಿ 9-00 ಗಂಟೆಗೆ ಮಡಿಕೇರಿಯಿಂದ ಬಂದು ತಮ್ಮ ಮನೆಯ ಕಡೆಗೆ ನಡೆದುಕೊಂಡು ಸುಂಟಿಕೊಪ್ಪ ನಗರದ ಕೆ.ಇ.ಬಿ. ಕಚೇರಿಯ ಹತ್ತಿರ ರಸ್ತೆ ದಾಟುತ್ತಿರುವ ವೇಳೆ ಕುಶಾಲನಗರದ ಕಡೆಯಿಂದ ಬಂದ ಕಾರೊಂದು ಡಿಕ್ಕಿಯಾಗಿ ಗಾಯಗೊಂಡಿದ್ದು, ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಬೈಕಿಗೆ ಕಾರು ಡಿಕ್ಕಿ ಸವಾರನ ದುರ್ಮರಣ:

      ಕುಶಾಲನಗರದ ಮಾದಾಪಟ್ನ ಗ್ರಾಮದ ನಿವಾಸಿ ಫಿರ್ಯಾದಿ ಪ್ರದೀಪ ಮತ್ತು ಆತನ ಸ್ನೇಹಿತ ಪ್ರತಾಪ ರವರುಗಳು ದಿನಾಂಕ 16-10-2016 ರಂದು ಸಮಯ ರಾತ್ರಿ 10-45 ಗಂಟೆಗೆ ಕುಶಾಲನಗರದ ಕಡೆಯಿಂದ ತಮ್ಮ ಮನೆಯ ಕಡೆ ಮಾದಾಪಟ್ಟಣದ ಕಡೆಗೆ ಪಲ್ಸರ್ ಮೋಟಾರ್ ಸೈಕಲಿನಲ್ಲಿ ಬರುತ್ತಿರುವಾಗ ಮಡಿಕೇರಿ ಕಡೆಯಿಂದ ಬಂದ ಕಾರಿನ ಚಾಲಕನು ಅತೀ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಬೈಕಿಗೆ ಡಿಕ್ಕಿಪಡಿಸಿದ ಪರಿಣಾಮ ಸವಾರರಿಬ್ಬರೂ ಗಾಯಗೊಂಡು ಗಂಭೀರವಾಗಿ ಗಾಯಗೊಂಡ ಪ್ರತಾಪ್ ರವರನ್ನು ಮೈಸೂರಿಗೆ ಕರೆದುಕೊಂಡು ಹೋಗುತ್ತಿರುವಾಗ ಮೃತಪಟ್ಟಿದ್ದು, ಈ ಸಂಬಂಧ ಕುಶಾಲನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಸರಕಾರಿ ಶಾಲೆಗೆ ನುಗ್ಗಿ ಕಳುವಿಗೆ ಯತ್ನ:

      ವಿರಾಜಪೇಟೆ ಗ್ರಾಮಾಂತರ ಠಾಣಾ ಸರಹದ್ದಿನ ಬಿಳುಗುಂದ ಗ್ರಾಮದಲ್ಲಿರುವ ಸರಕಾರಿ ಪೌಢಶಾಲೆಗೆ ದಿನಾಂಕ 13-10-2016 ರಿಂದ 17-10-2016 ರ ನಡುವೆ ಸಮಯದಲ್ಲಿ ಯಾರೋ ಕಳ್ಳರು ಕೊಠಡಿಯ ಬೀಗವನ್ನು ಮುರಿದು ಕಳುವಿಗೆ ಪ್ರಯತ್ನಿಸಿರುತ್ತಾರೆಂದು ಶಾಲಾ ಮುಖ್ಯ ಶಿಕ್ಷಕರಾದ ಶ್ರೀಮತಿ ಬಿಂದುರವರು ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

Monday, October 17, 2016

ಅಂಗಡಿ ಕಳವು

                       ಅಂಗಡಿಗೆ ರಾತ್ರಿ ಯಾರೋ ಕಳ್ಳರು ಒಳನುಗ್ಗಿ ಅಂಗಡಿಯಲ್ಲಿದ್ದ ಭಾರೀ ಮೌಲ್ಯದ ನಗದು ಹಾಗೂ ಸಂಬಾರ ಪದಾರ್ಥ ಗಳನ್ನು ಕಳವು ಮಾಡಿದ ಘಟನೆ ಮಡಿಕೇರಿ ಬಳಿಯ ತಾಳತ್ಮನೆಯಲ್ಲಿ ನಡೆದಿದೆ. ತಾಳತ್ಮನೆಯಲ್ಲಿರುವ ಕೂರ್ಗ್ ಸ್ಪೈಸಸ್ ಅಂಗಡಿಯನ್ನು ದಿನಾಂಕ 14-10-2016 ರಂದು ರಾತ್ರಿ ವೇಳೆ ಅಂಗಡಿಯ ನಿರ್ವಾಹಕರಾದ ಯಾಸಿನ್ ರವರು ಮುಚ್ಚಿ ಮನೆಗೆ ಹೋಗಿದ್ದು ಮಾರನೆಯ ದಿನ 15-10-2016 ರಂದು ಅಂಗಡಿ ತೆರೆಯಲೆಂದು ಬಂದಾಗ ಯಾರೋ ಕಳ್ಳರು ಪಕ್ಕದ ಕ್ಯಾಂಟೀನಿನ ಬಾಗಿಲು ಮುರಿದು ನಂತರ ಕ್ಯಾಂಟೀನಿನ ಮೂಲಕ ಸ್ಪೈಸಸ್ ಅಂಗಡಿಯ ಬಾಗಿಲನ್ನು ಮುರಿದು ಒಳ ಪ್ರವೇಶಿಸಿ ಅಂಗಡಿಯೊಳಗಿದ್ದ ರೂ 20,000 ನಗದು ಸೇರಿದಂತೆ ಸುಮಾರು 1,75,000 ರೂಗಳ ಸಂಬಾರ ಪದಾರ್ಥಗಳನ್ನು ಕಳವು ಮಾಡಿರುವುದು ಕಂಡು ಬಂದಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿರುತ್ತಾರೆ. 

ರಸ್ತೆ ಅಪಘಾತ ಮೂವರ ದುರ್ಮರಣ

                        ಭೀಕರ ರಸ್ತೆ ಅಪಘಾತದಲ್ಲಿ ಮೂವರು ದುರ್ಮರಣ ಹೊಂದಿದ ಘಟನೆ ಸೋಮವಾರಪೇಟೆ ತಾಲ್ಲೋಕಿನ ಬಸವನಹಳ್ಳಿ ಗ್ರಾಮದ ರಾಜ್ಯ ಹೆದ್ದಾರಿ ಆನೆಕಾಡುವಿನ ಹತ್ತಿರ ನಡೆದಿದೆ. ದಿನಾಂಕ 15-10-2016 ರಂದು ಬೆಳಿಗ್ಗೆ 01-45 ಗಂಟೆಗೆ ಮಡಿಕೇರಿಗೆ ಪ್ರವಾಸಕ್ಕೆಂದು ಬಂದು ವಾಪಾಸ್ಸು ಮೈಸೂರಿಗೆ ಹೋಗುತ್ತಿದ್ದ ಕೆಎ-04-ಎಂ.ಸಿ-7805 ರ ಮಾರುತಿ ಬಲೆನೋ ಕಾರನ್ನು ಚಾಲಕ ನಂದೀಶರವರು ಅತೀ ವೇಗ ಮತ್ತು ಅಜಾಗರೂಕತೆಯಿಂಧ ಚಾಲನೆ ಮಾಡಿ, ನಿಯಂತ್ರಣ ತಪ್ಪಿ ರಸ್ತೆ ಬದಿಯ ಕಲ್ಲಿಗೆ ಡಿಕ್ಕಿಯಾಗಿ ಮಗುಚಿಕೊಂಡು ಮೈಸೂರಿನ ನಿವಾಸಿಗಳಾದ ಕಾರಿನ ಚಾಲಕ ನಂದೀಶ, ಚೇತನ್ ಮತ್ತು ರವಿಚಂದ್ರರವರು ಮೃತಪಟ್ಟಿದ್ದು ಪ್ರತಾಪ್, ಶಿವಕುಮಾರ್ ಮತ್ತು ಹೇಮಚಂದ್ರರವರಿಗೆ ಗಾಯಗಳಾಗಿದ್ದು ಗಾಯಾಳುಗಳು ಮೈಸೂರಿನ ಕೆ ಆರ್ ಆಸ್ಪತ್ರೆಗೆ ದಾಖಲಾಗಿದ್ದು ಈ ಬಗ್ಗೆ ಕುಶಾಲನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

 ಅಪರಿಚಿತ ಮಹಿಳೆ ಶವ ಪತ್ತೆ

                         ದಿನಾಂಕ 16-10-2016 ರಂದು ನಾಕೂರು ಶಿರಂಗಾಲ ಗ್ರಾಮದ ಲೋಹಿತಾಶ್ವರವರು ತಮ್ಮ ಜಮೀನಿನಲ್ಲಿ ಕೆಲಸ ಮಾಡಿಕೊಂಡಿರುವಾಗ್ಗೆ ಅಲ್ಲಿ ಏನೋ ವಾಸನೆ ಬರುತ್ತಿದ್ದು ಹೋಗಿ ನೋಡಲಾಗಿ ಸುಮಾರು 10-12 ದಿವಸಗಳ ಹಿಂದೆ ಮೃತಪಟ್ಟ ಮಹಿಳೆಯ ಮೃತ ಶರೀರವಾಗಿದ್ದು ಮಾಂಸ ಖಂಡಗಳು ಪೂರ್ತಿ ಕರಗಿ ಹೋಗಿದ್ದು, ನೀಲಿ ಬಣ್ಣದ ಸೀರೆ, ಮಾಸಲು ಕಂದು ಬಣ್ಣದ ಲಂಗ, ಮಾಸಲು ಬಿಳಿ ಬಣ್ಣದ ರವಿಕೆ ಧರಿಸಿದ್ದು ಕಾನೂನು ಕ್ರಮ ಕೈಗೊಳ್ಳುವಂತೆ ನೀಡಿದ ದೂರಿಗೆ ಕುಶಾಲನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿರುತ್ತಾರೆ.

ಮದ್ಯ ವಶ ಆರೋಪಿ ಬಂಧನ

                            ಸರ್ಕಾರದ ಪರವಾನಿಗೆ ಇಲ್ಲದೇ ಶನಿವಾರಸಂತೆ ನಗರದ ಯಶಸ್ವಿ ಕಲ್ಯಾಣ ಮಂಟಪದ ಮುಂದೆ ಸಾರ್ವಜನಿಕ ರಸ್ತೆಯಲ್ಲಿ ಸಾರ್ವಜನಕರಿಗೆ ಮದ್ಯದ ಪ್ಯಾಕೇಟ್ ಗಳನ್ನು ಅಕ್ರಮವಾಗಿ ಮಾರಾಟ ಮಾಡುತ್ತಿದ್ದ ಕುಮಾರ್ ಎಂಬುವವರನ್ನು ಶನಿವಾರಸಂತೆ ಪೊಲೀಸ್ ಉಪ ನಿರೀಕ್ಷಕರಾದ ಹೆಚ್ ಎಂ ಮರಿಸ್ವಾಮಿಯವರು ದಸ್ತಗಿರಿ ಮಾಡಿ ಪ್ರಕರಣ ದಾಖಲಿಸಿರುತ್ತಾರೆ.

ತಾಯಿ ಮಗಳ ದಾರುಣ ಸಾವು

                         ಸೋಮವಾರಪೇಟೆ ತಾಲ್ಲೋಕಿನ ಕೊಡ್ಲಿಪೇಟೆ ಎಂಬಲ್ಲಿ ಕಲ್ಲುಕೋರೆ ಗುಂಡಿಗೆ ಬಟ್ಟೆ ಒಗೆಯಲು ತೆರಳಿದ್ದ ಹಾಸನ ಜಿಲ್ಲೆಯ ಶೋಭ ಮತ್ತು ಅವರ ಮಗಳು ವಿದ್ಯಾಶ್ರಿಯವರು ಮೃತಪಟ್ಟಿರುವ ಘಟನೆ ನಡೆದಿದೆ. ದಿನಾಂಕ 16-10-2016 ರಂದು 10-00 ಗಂಟೆಗೆ ಕಲ್ಲುಕೋರೆ ಗುಂಡಿಯಲ್ಲಿ ಶೋಭರವರು ಬಟ್ಟೆ ಒಗೆಯುತ್ತಿದ್ದಾಗ ನೀರಿನಲ್ಲಿ ಆಟವಾಡುತ್ತಿದ್ದ ಅವರ 10 ವರ್ಷದ ಮಗಳು ವಿದ್ಯಾಶ್ರೀಯು ಕಾಲುಜಾರಿ ಬಿದ್ದು ನೀರಿನಲ್ಲಿ ಮುಳುಗಿದಾಗ ಅವಳನ್ನು ರಕ್ಷಿಸಲು ಹೋದ ಶೋಭರವರು ಸಹಾ ನೀರಿನಲ್ಲಿ ಮುಳುಗಿ ಮೃತಪಟ್ಟಿದ್ದು ಮೃತರು ಹಾಸನ ಜಲ್ಲೆಯ ಹೊಳೆನರಸಿಪುರ ತಾಲ್ಲೋಕಿನವರಾಗಿದ್ದು ಶನಿವಾರಸಂತೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಲಾರಿಯನ್ನು ಹಿಂದಕ್ಕೆ ಚಾಲಿಸಿ ವ್ಯಕ್ಸಿಗೆ ಡಿಕ್ಕಿ

                     7 ನೇ ಹೊಸಕೋಟೆ ಗ್ರಾಮದ ಅಂದಗೋವೆಯಲ್ಲಿರುವ ಕಲ್ಲುಕೋರೆಯಲ್ಲಿ ದಿನಾಂಕ 29-08-2016 ರಂದು ಸುಬ್ರಮಣಿ ಎಂಬುವವರು ಕೆಎ-12-ಬಿ-0164 ರ ಲಾರಿಗೆ ಕಲ್ಲುಗಳನ್ನು ಲೋಡು ಮಾಡುತ್ತಿರುವಾಗ್ಗೆ ಚಾಲಕ ಮಹಮ್ಮದ್ ರವರು ಯಾವುದೇ ಸೂಚನೆ ಕೊಡದೇ ಅಜಾಗರೂಕತೆಯಿಂದ ಲಾರಿಯನ್ನು ಹಿಂದಕ್ಕೆ ಚಾಲನೆ ಮಾಡಿ ಡಿಕ್ಕಿ ಪಡಿಸಿದ ಪರಿಣಾಮ ಸುಬ್ರಮಣಿಯವರಿಗೆ ಗಾಯಗಳಾಗಿದ್ದು ವೈದ್ಯರ ಸಲಹೆಯ ಮೇರೆಗೆ ವಿಶ್ರಾಂತಿ ಪಡೆದು ತಡವಾಗಿ ಪುಕಾರು ನೀಡಿದ್ದು ಸುಂಟಿಕೊಪ್ಪ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ತನಿಖೆ ಕೈಗೊಂಡಿರುತ್ತಾರೆ. 

ಜೀವನದಲ್ಲಿ ಜಿಗುಪ್ಸೆಗೊಂಡು ವ್ಯಕ್ತಿ ಆತ್ಮಹತ್ಯೆ

                     ಸೋಮವಾರಪೇಟೆ ತಾಲ್ಲೋಕಿನ ಕಾರೆಕೊಪ್ಪ ಗ್ರಾಮದ ನಿವಾಸಿ 35 ವರ್ಷ ಪ್ರಾಯದ ಸಂತೋಷ ಎಂಬುವವರು ವಿಪರೀತ ಮದ್ಯಪಾನ ಮಾಡುತ್ತಿದ್ದು ದಿನಾಂಕ 16-10-2016 ಸಂತೋಷರವರು ಕುಡಿದ ಅಮಲಿನಲ್ಲಿ ಜೀವನದಲ್ಲಿ ಜುಗುಪ್ಸೆಗೊಂಡು ಮನೆಯ ಮಾಡಿನ ಕೌಕೋಲಿಗೆ ವೇಲಿನಿಂದ ನೇಣು ಬಿಗಿದುಕೊಂಡು ಆತ್ನಹತ್ಯೆ ಮಾಡಿಕೊಂಡಿರುವುದಾಗಿ ತಾಯಿ ಜಯಮ್ಮರವರು ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿರುತ್ತಾರೆ.

ಕ್ಲುಲ್ಲಕ ಕಾರಣಕ್ಕೆ ಹಲ್ಲೆ

                       ದಿನಾಂಕ 16-10-2016 ರಂದು ತಿತಿಮತಿ ಗ್ರಾಮದ ಚೆಪ್ಪುಡಿರ ಕವಿತಾರವರ ಲೈನ್ ಮನೆಯಲ್ಲಿ ವಾಸವಿರುವ ಪಣಿಎರವರ ಶೈಲಾ ಮತ್ತು ಪಕ್ಕದ ಮನೆಯಲ್ಲಿ ವಾಸವಿರುವ ಕವಿತ ಮತ್ತು ಗಾಯತ್ರಿ ಎಂಬುವವರ ಮದ್ಯೆ ಶೌಚಾಲಯದ ಕೋಣೆಯಲ್ಲಿ ಕೋಳಿ ಸಾಕುವ ವಿಚಾರದಲ್ಲಿ ಜಗಳವಾಗಿ ಕವಿತ ಮತ್ತು ಗಾಯತ್ರಿಯವರು ಶೈಲಾರವರ ಮೇಲೆ ಹಲ್ಲೆ ಮಾಡಿದ್ದು ಈ ಬಗ್ಗೆ ಪೊನ್ನಂಪೇಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

Sunday, October 16, 2016

ಕ್ಷುಲ್ಲಕ ಕಾರಣ ವ್ಯಕ್ತಿ ಮೇಲೆ ಹಲ್ಲೆ

           ಕ್ಷುಲ್ಲಕ ಕಾರಣಕ್ಕೆ ವ್ಯಕ್ತಿಯ ಮೇಲೆ ಹಲ್ಲೆ ನಡೆಸಿರುವ ಘಟನೆ ಗೋಣಿಕೊಪ್ಪಲುವಿನ ಕೈಕೇರಿಯಲ್ಲಿ ನಡೆದಿದೆ. ಕೈಕೇರಿ ಗ್ರಾಮದ ಎಂ ವಿನೋದ್ ಎಂಬುವವರು ಗೋಣಿಕೊಪ್ಪ ನಗರದಲ್ಲಿ ಆಟೋ ಓಡಿಸಿಕೊಂಡಿದ್ದು ದಿನಾಂಕ 15-10-2016 ರಂದು ಸಮಯ 8-30 ಪಿ ಎಂ ಗೆ ಒಬ್ಬ ವ್ಯಕ್ತಿ ವಿನೋದ್ ರವರ ಹತ್ತಿರ ಬಂದು ಕೈಕೇರಿ ಗ್ರಾಮಕ್ಕೆ ಬಾಡಿಗೆಗೆ ಹೋಗಬೇಕೆಂದು ಹೇಳಿ ಬಾಡಿಗೆಗೆ ಕರೆದುಕೊಂಡು ಕೈಕೇರಿ ಗ್ರಾಮದ ಕ್ಯಾಂಡಲ್ ಪ್ಯಾಕ್ಟರಿ ಹತ್ತಿರ ತಲುಪುವಾಗ್ಗೆ ಆಟೋದಲ್ಲಿದ್ದ ವ್ಯಕ್ತಿ ಆಟೋ ವನ್ನು ನಿಲ್ಲಿಸುವಂತೆ ತಿಳಿಸಿದ ಮೇರೆ ನಿಲ್ಲಿಸಿದಾಗ ಅಲ್ಲಿಗೆ ಗೋಣಿಕೊಪ್ಪದಲ್ಲಿ ಡೆಕೋರೇಷನ್ ಕೆಲಸ ಮಾಡುತ್ತಿದ್ದ ಚೇತನ್, ಅಭಿ ಮತ್ತು ಇತರರು ಬಂದು ವಿನೋದ್ ರವರನ್ನು ಆಟೋ ರಿಕ್ಷಾದಿಂದ ಎಳೆದು ಹಾಕಿ ವಿನಾ ಕಾರಣ ಜಗಳ ತೆಗೆದು ಹಾಕಿ ಸ್ಟಿಕ್ ನಿಂದ ಹಲ್ಲೆ ನಡೆಸಿರುವುದಾಗಿ ನೀಡಿದ ದೂರಿನ ಮೇರೆ ಗೋಣಿಕೊಪ್ಪ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿರುತ್ತಾರೆ.

ಆಸ್ತಿ ವಿವಾದ ಉಭಯ ಕಡೆಯವರ ಮೇಲೆ ಪ್ರಕರಣ ದಾಖಲು

        ದಿನಾಂಕ 15-10-2016 ರಂದು ಸಮಯ 11-00 ಗಂಟೆಗೆ ಹರಿಹರ ಗ್ರಾಮದ ಬಿ ಎಂ ಉತ್ತಯ್ಯರವರು ತನ್ನ ಸ್ವಾದೀನದಲ್ಲಿರುವ ಜಾಗದಲ್ಲಿ ಕೆಲಸದವರಾದ ಸಿದ್ದ ಮತ್ತು ಪುಟ್ಟ ರವರೊಂದಿಗೆ ಕೆಲಸ ಮಾಡುತ್ತಿರುವಾಗ ಸದರಿ ಜಾಗಕ್ಕೆ ಅದೇ ಗ್ರಾಮದ ಟಿ ಸಿ ಉತ್ತಯ್ಯನವರು ಕೋವಿಯನ್ನು ಹಿಡಿದುಕೊಂಡು ಬಂದು ಆಸ್ತಿ ವಿಚಾರದಲ್ಲಿ ಜಗಳವಾಡಿ ಸಿದ್ದ ಮತ್ತು ಪುಟ್ಟರವರಿಗೆ ಕೈಯಿಂದ ಹೊಡೆದಿರುವುದಾಗಿ ಪುಕಾರು ನೀಡಿರುತ್ತಾರೆ.
        ಇದೇ ಪ್ರಕರಣಕ್ಕೆ ಸಂಬಂದಿಸಿದಂತೆ ಇದೇ ದಿನದಂದು ಸಮಯ 10-00 ಗಂಟೆಗೆ ಹರಿಹರ ಗ್ರಾಮದ ಬಾಚೀರ ಎಂ ಉತ್ತಯ್ಯ, ಬಾಚೀರ ಎಂ ಕುಶಾಲಪ್ಪ,  ಬಾಚೀರ ಕಾಶಿ , ಬಾಚೀರ ರಾಜ, ಬಾಚೀರ ಲಾಲ ಮತ್ತು ಇತರರು ಅದೇ ಗ್ರಾಮದ  ಬಿ ಎಂ ಉತ್ತಯ್ಯರವರ ಕಾಫಿ ತೋಟಕ್ಕೆ ಅಕ್ರಮ ಪ್ರವೇಶ ಮಾಡಿ ಕಾಫಿ ತೋಟದ ಗೇಟನ್ನು ಎಳೆದು ಹಾಕಿ, ತಂತಿ ಬೇಲಿಯನ್ನು ಹತ್ತರಿಸಿ, ತಂತಿ ಕಂಬಗಳನ್ನು ಮುರಿದು ಹಾಕಿ ನಷ್ಟಪಡಿಸಿ ಕತ್ತಿ ಮತ್ತು ದೊಣ್ಣೆಗಳಿಂದ ಹಲ್ಲೆ ಮಾಡಲು ಪ್ರಯತ್ನಿಸಿ, ಪ್ರಾಣ ಬೆದರಿಕೆ ಹಾಕಿರುವುದಾಗಿ ದೂರು ನೀಡಿದ್ದು ಶ್ರೀಮಂಗಲ ಪೊಲೀಸ್ ಠಾಣೆಯಲ್ಲಿ ಉಭಯ ಕಡೆಯವರ ಮೇಲೆ ಪ್ರಕರಣ ದಾಖಲಾಗಿದ್ದು ತನಿಖೆ ಕೈಗೊಂಡಿರುತ್ತಾರೆ.
ಕಾರು ಅಪಘಾತ 

                ದಿನಾಂಕ 14-10-2016 ರಂದು ಸಮಯ ರಾತ್ರಿ 8-30 ಗಂಟೆಗೆ ಮಡಿಕೇರಿ ಕುಶಾಲನಗರ ರಸ್ತೆಯ ಇಬ್ನಿವಳವಾಡಿ ಗ್ರಾಮದ ರಸ್ತೆಯಲ್ಲಿ ವಿಟ್ಲದಿಂದ ಕುಶಾಲನಗರದ ಕಡೆಗೆ ಹೋಗುತ್ತಿದ್ದ ಕಾರು ಅಪಘಾತಗೊಂಡು ಕಾರಿನಲ್ಲಿದ್ದ ಪ್ರಯಾಣಿಕರಿಗೆ ಗಾಯಗಳಾಗಿವೆ. ಕಾಸರಗೋಡಿನ ನಿವಾಸಿ ಅಬ್ದುಲ್ ಬಷೀರ್ ರವರು ಪತ್ನಿ ಫಾತಿಮಾ ಹಾಗೂ ನಾದಿನಿ ಶಮೀಮರವರೊಂದಿಗೆ ಕುಶಾಲನಗರಕ್ಕೆ ಹೋಗುತ್ತಿರುವಾಗ ಇಬ್ನಿವಳವಾಡಿ ಗ್ರಾಮದ ಸಿಂಕೋನ ಬಳಿಯ ತಿರುವಿನಲ್ಲಿ ಬಷೀರ್್ರವರು ಕಾರನ್ನು ಅತೀ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿದ ಪರಿಣಾಮ ಕಾರು ಅವರ ನಿಯಂತ್ರಣ ತಪ್ಪಿ ರಸ್ತೆ ಪಕ್ಕದ ಹಳ್ಳಕ್ಕೆ ಮಗುಚಿಕೊಂಡು ಕಾರಿನಲ್ಲಿದ್ದವರಿಗೆ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಅಕ್ರಮ ಮರಳು ಸಾಗಾಟ ಟ್ರ್ಯಾಕ್ಟರ್ ವಶ

                ಸೋಮವಾರಪೇಟೆ ಬಳಿಯ ಶಾಂತಪುರ ಗ್ರಾಮದ ಹೇಮಾವತಿ ಹಿನ್ನೀರಿನ ಪ್ರದೇಶದಿಂದ ಶಾಂತಪುರ ಗ್ರಾಮದ ಎಸ್ ಎಸ್ ಮೂರ್ತಿರವರು ಅಕ್ರಮವಾಗಿ ಮರಳನ್ನು ತೆಗೆದು ಶೇಖರಿಸಿಟ್ಟಿದ್ದ ಮತ್ತು ಕೆ.ಎ-45-ಟಿ-702 ಟ್ರ್ಯಾಕ್ಟರ್ ನಲ್ಲಿ ತುಂಬಿಸಿದ್ದನ್ನು ಸೋಮವಾರಪೇಟೆಯ ವೃತ್ತ ನಿರೀಕ್ಷಕರು ಪತ್ತೆಹಚ್ಚಿದ್ದು ಈ ಬಗ್ಗೆ ಶನಿವಾರಸಂತೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ಪೊಲೀಸರು ತನಿಖೆ ಕೈಗೊಂಡಿರುತ್ತಾರೆ.

ಗೂಡ್ಸ್ ವಾಹನಕ್ಕೆ ಟ್ರ್ಯಾಕ್ಟರ್ ಡಿಕ್ಕಿ

                ದಿನಾಂಕ 14-10-2016 ರಂದು ಸಮಯ 8-00 ಗಂಟೆಗೆ ಕರಡಿಗೋಡು ಗ್ರಾಮದ ಸತೀಶ್ ಎಂಬುವವರು ಕೆಎ 12-ಎ-8563ರ ಅಶೋಕ್ ಲೈಲ್ಯಾಂಡ್ ದೋಸ್ತ ವಾಹನವನ್ನು ಚಾಲನೆ ಮಾಡಿಕೊಂಡು ಅಮ್ಮತ್ತಿಯಿಂದ ಸಿದ್ದಾಪುರದ ಕಡೆಗೆ ಹೋಗುತ್ತಿರುವಾಗ ಗುಹ್ಯಾ ಗ್ರಾಮದ ಅತ್ತಿತೋಪು ಕಾಫೀ ತೋಟದ ಹತ್ತಿರ ಸಿದ್ದಾಪುರ ಕಡೆಯಿಂದ ಟ್ರ್ಯಾಕ್ಟರ್ ಸಂಖ್ಯೆ ಕೆಎ-12-ಟಿ-7959 ಹಾಗೂ ಟ್ರೇಲರ್ ಸಂಖ್ಯೆ ಕೆಎ-12-ಟಿ-7060ರ ವಾಹನವನ್ನು ಅದರ ಚಾಲಕ ಬೇರರವರು ಅತಿವೇಗ ಮತ್ತು ಅಜಾಗರುಕತೆಯಿಂದ ಚಾಲನೆಮಾಡಿಕೊಂಡು ಹೋಗಿ ಡಿಕ್ಕಿಪಡಿಸಿ ಟ್ಯಾಕ್ಟರ್ ಅನ್ನು ಸ್ಥಳದಲ್ಲಿ ನಿಲ್ಲಿಸದೇ ಹೊರಟು ಹೋಗಿರುವುದಾಗಿ ಸತೀಶರವರು ಕೊಟ್ಟ ಪುಕಾರಿಗೆ ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿರುತ್ತಾರೆ.

ಬೈಕಿಗೆ ಕಾರು ಡಿಕ್ಕಿ

              ದಿನಾಂಕ: 15-10-16 ರಂದು ವಿರಾಜಪೇಟೆಯ ಅಂಬಟ್ಟಿ ಗ್ರಾಮದ ಅಹಮ್ಮದ್ ಮತ್ತು ಅವರ ಪತ್ನಿ ಅಮೀನಾ ರವರು ಕೊಟ್ಟಮುಡಿಗೆ ಮದುವೆಗೆ ಕೆಎ.09. ವೈ. 5823 ರ ಮೋಟಾರ್ ಸೈಕಲಿನಲ್ಲಿ ಹೋಗಿ ವಾಪಾಸ್ಸು ಅಂಬಟ್ಟಿಗೆ ಬರುತ್ತಿರು ವಾಗ್ಗೆ ರಾತ್ರಿ ಸಮಯ ಕದನೂರು ಗ್ರಾಮದ ಪಾಲೇಕಂಡ ಹನ್ ರವರ ನರ್ಸರಿ ಮುಂಭಾಗದ ಸಾರ್ವ ಜನಿಕ ರಸ್ತೆಯಲ್ಲಿ ಎದುರುಗಡೆಯಿಂದ ಕೆಎ-03-ಎಂಇ-7056 ರ ಹೊಂಡಾ ಸಿ.ಆರ್.ವಿ. ಕಾರನ್ನು ಅದರ ಚಾಲಕ ಬಿ. ಎ. ಸೋಮಣ್ಣರವರು ಅತೀ ವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಅಹಮದ್ ರವರ ಮೋಟಾರ್ ಬೈಕ್ ಗೆ ಡಿಕ್ಕಿಪಡಿಸಿದ ಪರಿಣಾಮ ಇಬ್ಬರೂ ಬೈಕ್ ಸಮೇತ ರಸ್ತೆಗೆ ಬಿದ್ದು ಇಬ್ಬರಿಗೂ ಗಾಯಗಳಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Saturday, October 15, 2016

ಕೂಲಿ ಕೆಲಸದ ವಿಚಾರದಲ್ಲಿ ವ್ಯಕ್ತಿಗೆ ಕೊಲೆ ಬೆದರಿಕೆ:

     ಕೂಲಿ ಕಾರ್ಮಿಕನೊಬ್ಬ ತೋಟದಲ್ಲಿ ಕೆಲಸ ನೀಡುವ ವಿಚಾರದಲ್ಲಿ ಕಾಫಿ ತೋಟದ ಫೀಲ್ಡ್ ಆಫೀಸರ್ ರವರನ್ನು ನಿಂದಿಸಿ ಕೊಲೆ ಬೆದರಿಕೆ ಹಾಕಿರುವ ಘಟನೆ ಸಿದ್ದಾಪುರದ ಬಿಬಿಟಿಸಿ ಕಾಫಿ ಎಸ್ಟೇಟ್ ನಲ್ಲಿ ನಡೆದಿದೆ. ದಿನಾಂಕ 8-10-2016 ರಂದು ಬಾಡಗ ಬಾಣಂಗಾಲ ಗ್ರಾಮದಲ್ಲಿರುವ ಮೈಲಾತ್ ಪುರ ಬಿಬಿಟಿಸಿ, ಕಾಫಿ ತೋಟದ ಕಾರ್ಮಿಕ ದೇವು ಎಂಬಾತ ಕಂಪೆನಿ ತೋಟದಲ್ಲಿ ಕೆಲಸ ಕೇಳಿದ್ದು, ಆತನಿಗೆ ತನ್ನ ತಾಯಿಯನ್ನು ಕರೆದುಕೊಂಡು ಬರುವಂತೆ ತೋಟದ ಫೀಲ್ಡ್ ಆಫೀಸರ್ ಕರುಂಬಯ್ಯ ನವರು ಸೂಚಿಸಿದ ವಿಚಾರಚಲ್ಲಿ ಕೋಪಗೊಂಡ ಕಾರ್ಮಿಕ ದೇವು ಕತ್ತಿಯನ್ನು ಹಿಡಿದುಕೊಂಡು ಬಂದು ಕರುಂಬಯ್ಯನವರಿಗೆ ಅವಾಚ್ಯ ಶಬ್ದಗಳಿಂದ ಬೀದು ಕೊಲೆ ಮಾಡುವುದಾಗಿ ನೀಡಿದ ದೂರನ್ನು ನ್ಯಾಯಾಲಯದ ನಿರ್ದೇಶನದ ಮೇರೆಗೆ ಸಿದ್ದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ಅಪರಿಚಿತ ವ್ಯಕ್ತಿಗಳ ಶವ ಪತ್ತೆ:


     ಇಬ್ಬರು ಅಪರಿಚಿತ ವ್ಯಕ್ತಿಗಳ ಶವಗಳು ಗೋಣಿಕೊಪ್ಪ ನಗರದ ಮಾರ್ಕೇಟ್ ಮಳಿಗೆ ಮತ್ತು ಪ್ಯಾರಾಗನ್ ಅಂಗಡಿ ಮುಂಭಾಗ ಪತ್ತೆಯಾದ ಬಗ್ಗೆ ವರದಿಯಾಗಿದೆ. ದಿನಾಂಕ 14-10-2016 ರಂದು ಗೋಣಿಕೊಪ್ಪ ನಗರದಲ್ಲಿ ಗುಜರಿ ವ್ಯಾಪಾರ ಮಾಡುತ್ತಿರುವ ರಾಜ ಎಂಬ ವ್ಯಕ್ತಿಯು ಬೆಳಗ್ಗೆ 6-00 ಗಂಟೆಯ ಸಮಯದಲ್ಲಿ ಬಸ್ಸು ನಿಲ್ದಾಣದ ಕಡೆಯಿಂದ ಮಾರ್ಕೇಟ್ ಕಡೆಗೆ ನಡೆದುಕೊಂಡುಹೋಗುತ್ತಿದ್ದಾಗ ಒಬ್ಬ ಅಪರಿಚಿತ ವ್ಯಕ್ತಿಯ ಶವವು ಮಾರ್ಕೇಟ್ ನ ಖಾಲಿ ಮಳಿಗೆಯೊಂದರಲ್ಲಿ ಪತ್ತೆಯಾಗಿದೆ. ಹಾಗೆಯೇ ನಗರದ ಪ್ಯಾರಾಗನ್ ಬೇಕರಿ ಕಟ್ಟಡದ ಮುಂಭಾಗದಲ್ಲಿ ಬೇಕರಿ ಮಾಲಿಕ ಶಾಜಿ ರವರು ದಿನಾಂಕ 14-10-2016 ರಂದು ಬೆಳಿಗ್ಗೆ 8-30 ಗಂಟೆಗೆ ಅಂಗಡಿಯನ್ನು ತೆರೆಯಲು ಬಂದಾಗ ಅಪರಿಚಿತ ವ್ಯಕ್ತಿಯ ಶವವು ಬಿದ್ದಿರುವುದು ಕಂಡುಬಂದಿದ್ದು ಗೋಣಿಕೊಪ್ಪ ಠಾಣೆಯಲ್ಲಿ ಪ್ರತ್ಯೇಕ 2 ಪ್ರಕರಣಗಳನ್ನು ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ಜೀವನದಲ್ಲಿ ಜಿಗುಪ್ಸೆ ನೇಣುಬಿಗಿದುಕೊಂಡು ವ್ಯಕ್ತಿ ಆತ್ಮಹತ್ಯೆ:

     ಶ್ರೀಮಂಗಲ ಠಾಣಾ ಸರಹದ್ದಿನ ಬಾಡಗರಕೇರಿ ಗ್ರಾಮದ ನಿವಾಸಿ ಅಣ್ಣೀರ ಪ್ರವೀಣ ಎಂಬವರ ಲೈನು ಮನೆಯಲ್ಲಿ ವಾಸವಾಗಿದ್ದ ಅಸ್ಸಾಂ ಮೂಲಕ ವ್ಯಕ್ತಿ ಅಮರ್ ಎಂಬಾತ ದಿನಾಂಕ 11-10-2016 ರಂದು ಲೈನುಮನೆಯಿಂದ ಹೊರಗೆ ಹೋಗಿದ್ದು, ಬಾಡಗರಕೇರಿ ಗ್ರಾಮದಲ್ಲಿರುವ ದೇವರ ಕಾಡಿಗೆ ಸೇರಿದ ಜಾಗದಲ್ಲಿ ಮರವೊಂದಕ್ಕೆ ಕುತ್ತಿಗೆಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು, ಶ್ರೀಮಂಗಲ ಪೊಲೀಸರು ಪ್ರಕರಣ ದಾಖಲಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ಅಕ್ರಮ ಲಾಟರಿ ಮಾರಾಟ, ಆರೋಪಿ ಪೊಲೀಸ್ ವಶಕ್ಕೆ:

      ವ್ಯಕ್ತಿಯೊಬ್ಬರು ಕೇರಳ ರಾಜ್ಯ ಲಾಟರಿಯನ್ನು ಅಕ್ರಮವಾಗಿ ಮಾರಾಟ ಮಾಡುತ್ತಿದ್ದುದನ್ನು ಪತ್ತೆಹಚ್ಚಿನ ಶ್ರೀಮಂಗಲ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಶ್ರೀಮಂಗಲ ಠಾಣಾಧಿಕಾರಿ ಶ್ರೀ ಬಿ.ಎಸ್. ಶ್ರೀಧರ್ ರವರಿಗೆ ದೊರೆತ ಖಚಿತ ಮಾಹಿತಿ ಮೇರೆಗೆ ಸಿಬ್ಬಂದಿಯೊಂದಿಗೆ ಶ್ರೀಮಂಗಲ ಪಟ್ಟಣದಲ್ಲಿರುವ ಮಂಗಳದೀಪ ಹೋಟೇಲ್ ಪಕ್ಕದಲ್ಲಿ ಕುಟ್ಟ ಗ್ರಾಮದ ನಿವಾಸಿ ಎಂ. ರಾಜ ಎಂಬ ವ್ಯಕ್ತಿ ಅಕ್ರಮವಾಗಿ ಕೇರಳ ರಾಜ್ಯದ ಲಾಟರಿಗಳನ್ನು ಮಾರಾಟ ಮಾಡುತ್ತಿದ್ದನ್ನು ಪತ್ತೆ ಹಚ್ಚಿ ಆರೋಪಿಯಿಂದ ಲಾಟರಿ ಟಿಕೇಟ್ ಹಾಗು ನಗದು ರೂ.5880/- ಗಳನ್ನು ಅಮಾನತ್ತುಪಡಿಸಿಕೊಂಡು ಆರೋಪಿ ವಿರುದ್ಧ ಶ್ರೀಮಂಗಲ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ಕರ್ತವ್ಯ ನಿರತ ಪೊಲೀಸ್ ಸಿಬ್ಬಂದಿಗೆ ಕರ್ತವ್ಯಕ್ಕೆ ಅಡ್ಡಿ:

     ಕರ್ತವ್ಯ ನಿರತ ಪೊಲೀಸ್ ಸಿಬ್ಬಂದಿಯೊಬ್ಬರ ಮೇಲೆ ವ್ಯಕ್ತಿಯೊಬ್ಬರು ಹಲ್ಲೆಗೆ ಯತ್ನಿಸಿ ಅವಾಚ್ಯವಾಗಿ ನಿಂದಿಸಿದ ಘಟನೆ ಕುಶಾಲನಗರ ಠಾಣಾ ವ್ಯಾಪ್ತಿಯ ದುಬಾರೆಯಲ್ಲಿ ನಡೆದಿದೆ. ದಿನಾಂಕ 14-10-2016 ರಂದು ಕುಶಾಲನಗರ ಠಾಣಾ ಸಿಬ್ಬಂದಿ ಯೊಬ್ಬರು ದುಬಾರೆಯಲ್ಲಿ ಕರ್ತವ್ಯ ನಿರ್ವಹಿಸಿಕೊಂಡಿರುವ ಸಂದರ್ಭದಲ್ಲಿ ಆರೋಪಿ ಅನುಪುರುಷೋತ್ತಮ್ ಎಂಬ ವ್ಯಕ್ತಿ ಧೂಮಪಾನ ಮಾಡಿದ ವಿಚಾರದಲ್ಲಿ ತಿಳುವಳಿಕೆ ನೀಡಿದ ಕಾರಣಕ್ಕೆ ಪೊಲೀಸ್ ಸಿಬ್ಬಂದಿಯ ಸಮವಸ್ತ್ರವನ್ನು ಹಿಡಿದು ಎಳೆದಾಡಿದ್ದು ಅಲ್ಲದೆ ಅವಾಚ್ಯ ಶಬ್ದಗಳಿಂದಿ ಬೈದು ಕರ್ತವ್ಯಕ್ಕೆ ಅಡ್ಡಿಯುಂಟುಮಾಡಿರುವ ಬಗ್ಗೆ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ಅಕ್ರಮ ಮರಳು ಸಾಗಾಟ:

     ಅಕ್ರಮ ಮರಳನ್ನು ಲಾರಿಯಲ್ಲಿ ಸಾಗಾಟ ಮಾಡುತ್ತಿದ್ದುದನ್ನು ಪತ್ತೆಹಚ್ಚಿದ ಸೋಮವಾರಪೇಟೆ ಪೊಲೀಸರು ಲಾರಿಯನ್ನು ವಶಕ್ಕೆ ಪಡೆದು ಆರೋಪಿ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ದಿನಾಂಕ 14-10-2016 ರಂದು ಸೋಮವಾರಪೇಟೆ ವೃತ್ತ ನಿರೀಕ್ಷಕರಾದ ಶ್ರೀ ಪರಶಿವಮೂರ್ತಿರವರಿಗೆ ದೊರೆತ ಮಾಹಿತಿ ಆದಾರದ ಮೇರೆಗೆ ಸೋಮವಾರಪೇಟೆ ಠಾಣಾ ಸರಹದ್ದಿನ ವಣಗೂರುಕೊಪ್ಪ ಎಂಬಲ್ಲಿ ಆರೋಪಿ ಟಿಪ್ಪರ್ ಸಂ.ಕೆಎ-12-ಎ-5321ರ ಚಾಲಕ ಮಧು, ಕುಂದಳ್ಳಿ ಗ್ರಾಮ ಇವರು ಅಕ್ರಮವಾಗಿ ಲಾರಿಯಲ್ಲಿ ಮರಳನ್ನು ತುಂಬಿಸಿ ಮಾರಾಟ ಮಾಡುವ ಉದ್ದೇಶದಿಂದ ಸಾಗಾಟ ಮಾಡುತ್ತಿದ್ದುದನ್ನು ಪತ್ತೆ ಹಚ್ಚಿ ಆರೋಪಿ ಮತ್ತು ಮರಳು ತುಂಬಿದ ಲಾರಿಯನ್ನು ವಶಕ್ಕೆ ಪಡೆದುಕೊಂಡು ಮುಂದಿನ ಕ್ರಮ ಕೈಗೊಂಡಿದ್ದಾರೆ. 

ಮೋಟಾರ್ ಬೈಕ್ ಗೆ ಕಾರು ಡಿಕ್ಕಿ, ಸವಾರನಿಗೆ ಗಾಯ:

      ಮೋಟಾರ್ ಬೈಕ್ ಗೆ ಕಾರೊಂದು ಡಿಕ್ಕಿಯಾಗಿ ಸವಾರ ಗಾಯಗೊಂಡ ಘಟನೆ ಸೋಮವಾರಪೇಟೆ ಠಾಣಾ ವ್ಯಾಪ್ತಿಯ ಕಾವಡಿ ಕಟ್ಟೆ ಗ್ರಾಮದಲ್ಲಿ ನಡೆದಿದೆ. ದಿನಾಂಕ 14-10-2016 ರಂದು ಎಸ್.ಹೆಚ್. ಶಂಕರ, ಹಾನಗಲ್ಲು ಗ್ರಾಮ ಇವರು ತಮ್ಮ ಮೋಟಾರ್ ಸೈಕಲ್ ನಲ್ಲಿ ತಮ್ಮ ಮನೆಗೆ ಕಾವಾಡಿ ಕಟ್ಟೆ ಗ್ರಾಮಕ್ಕೆ ಹೋಗುತ್ತಿದ್ದಾಗ ಶನಿವಾರಸಂತೆ ಕಡೆಯಿಂದ ಕಾರನ್ನು ಅದರ ಚಾಲಕ ಅತೀ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಬೈಕಿಗೆ ಡಿಕ್ಕಿಪಡಿಸಿದ ಪರಿಣಾಮವಾಗಿ ಬೈಕ್ ಸವಾರನು ಗಾಯಗೊಂಡಿದ್ದು, ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಕ್ರಮ ಕೈಗೊಂಡಿದ್ದಾರೆ.  

ಅಕ್ರಮ ಜಾನುವಾರು ಸಾಗಾಟ, ಪ್ರಕರಣ ದಾಖಲು:

     ಅಕ್ರಮವಾಗಿ ಗೂಡ್ಸ್ ಆಟೋದಲ್ಲಿ ಜಾನುವಾರುಗಳನ್ನು ಸಾಗಾಟ ಮಾಡುತ್ತಿದ್ದುದನ್ನು ಪತ್ತೆ ಹಚ್ಚಿದ ಶನಿವಾರಸಂತೆ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಸೋಮವಾರಪೇಟೆ ವೃತ್ತ ನಿರೀಕ್ಷಕರಾದ ಶ್ರೀಮ ಪರಶಿವಮೂರ್ತಿ ರವರು ದಿನಾಂಕ 14-102-106 ರಂದು ಬೆಳಿಗ್ಗೆ 5-30 ಗಂಟೆಗೆ ಶನಿವಾರಸಂತೆ ಠಾಣಾ ಸರಹದ್ದಿನಲ್ಲಿ ಗಸ್ತು ಕರ್ತವ್ಯದಲ್ಲಿದ್ದ ಸಂದರ್ಭ ಲಭಿಸಿದ ಮಾಹಿತಿ ಮೇರೆಗೆ ಬೆಸೂರು ಗ್ರಾಮದ ಪ್ರೌಡಶಾಲೆಯ ಹತ್ತಿರ ಆರೋಪಿ ಕೊಡ್ಲಿಪೇಟೆಯ ಕೂಡ್ಲೂರು ಗ್ರಾಮದ ನಿವಾಸಿ ಕೆ.ಬಿ. ಬಸವೇಗೌಡ ಎಂಬವರು ಆಪೇ ಗೂಡ್ಸ್ ಆಟೋ ವಾಹನದಲ್ಲಿ ಅಕ್ರಮವಾಗಿ 2 ಜಾನುವಾರುಗಳನ್ನು ವ್ಯವಸ್ಥಿರ ರೀತಿಯಲ್ಲಿ ಸಾಗಾಟ ಮಾಡದೆ ಕ್ರೂರ ರೀತಿಯಲ್ಲಿ ಜಾನುವಾರುಗಳಿಗೆ ಹಿಂಸೆ ಯಾಗುವ ರೀತಿಯಲ್ಲಿ ಸಾಗಾಟ ಮಾಡುತ್ತಿದ್ದುದನ್ನು ಪತ್ತೆ ಹಚ್ಚಿ ಆರೋಪಿ ವಿರುದ್ಧ ಮೊಕದ್ದಮೆ ದಾಖಲಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.

Friday, October 14, 2016

ಕಾರುಗಳ ಮುಖಾಮುಖಿ ಒಬ್ಬರಿಗೆ ಗಾಯ:

     ಎರಡು ಕಾರುಗಳ ನಡುವೆ ಅಪಘಾತ ಸಂಭವಿಸಿ ಒಬ್ಬರು ಗಾಯಗೊಂಡ ಘಟನೆ ಸೋಮವಾರಪೇಟೆ ಹತ್ತಿರದ ಹಾನಗಲ್ಲು ಗ್ರಾನದಲ್ಲಿ ನಡೆದಿದೆ. ಸೋಮವಾರಪೇಟೆ ತಾಲೋಕು ಹಾನಗಲ್ಲು ಗ್ರಾಮದ ನಿವಾಸಿ ಕೆ.ಎಸ್. ಮೂರ್ತಿ ಎಂಬವರು ದಿನಾಂಕ 13.10.2016 ರಂದು 09:30 ಗಂಟೆಗೆ ಅವರ ಬಾಬ್ತು ಕೆಎ 12 ಎನ್ 7944 ರ ಇಂಡಿಗೋ ಸಿ.ಎಸ್.ಕಾರನ್ನು ಚಾಲನೆ ಮಾಡಿಕೊಂಡು ಸೋಮವಾರಪೇಟೆಯಿಂದ ಹೆಬ್ಬಾಲೆ ಗ್ರಾಮಕ್ಕೆ ಹೋಗುತ್ತಿರುವಾಗ ಅಬ್ಬೂರು ಕಟ್ಟೆ ಹತ್ತಿರ ಎದುರು ಗಡೆಯಿಂದ ಕೆಎ 18 ಪಿ 2696 ರ ಲ್ಯಾನ್ಸರ್ ಕಾರಿನ ಚಾಲಕ ತನ್ನ ಕಾರನ್ನು ಅತಿವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಬಂದು ಪಿರ್ಯಾದಿ ಕೆ.ಎಸ್. ಮೂರ್ತಿ ರವರ ಕಾರಿಗೆ ಡಿಕ್ಕಿ ಪಡಿಸಿದ ಪರಿಣಾಮ ಪಿರ್ಯಾದಿಯ ತಲೆಯ ಭಾಗಕ್ಕೆ ರಕ್ತಗಾಯವಾಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆಗೆ ದಾಖಲಾಗಿದ್ದು, ಸೋಮವಾರಪೇಟೆ ಠಾಣ ಯಲ್ಲಿ ಪ್ರಕರಣ ದಾಖಲಾಗಿದೆ.

ಮರತುಂಬಿದ ಲಾರಿ ಅಪಘಾತ ಗಾಯಗೊಂಡ ಕ್ಲೀನರ್:

     ಮರತುಂಬಿದ ಲಾರಿಯೊಂದು ರಸ್ತೆಯ ಬದಿಯಲ್ಲಿರುವ ಗುಂಡಿಗೆ ಬಿದ್ದು, ಲಾರಿ ಕ್ಲೀನರ್ ಗಾಯಗೊಂಡ ಬಗ್ಗೆ ವರದಿಯಾಗಿದೆ. ಈ ದಿನ ದಿನಾಂಕ 13.10.2016 ರಂದು ಮಡಿಕೇರಿ ಗ್ರಾಮಾಂತರ ಠಾಣಾ ಸರದಹದ್ದಿನ ಕಡಗದಾಳು ಗ್ರಾಮದಲ್ಲಿ ಫಿರ್ಯಾದಿ ಶಾಹಿದ್ ಜಸ್ವೀರ್ ರವರಿಗೆ ಸೇರಿದ ಮರ ತುಂಬಿದ ಲಾರಿಯನ್ನು ಅದರ ಚಾಲಕ ಆಕ್ಬರ್ ಆಲಿರವರು ಲಾರಿಯನ್ನು ಅತಿ ವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಬಂದು ರಸ್ತೆಯ ಅಂಚಿನಲ್ಲಿರುವ ಗುಂಡಿಗೆ ಬಿಳಿಸಿದ ಪರಿಣಾಮ ಲಾರಿಯ ಕ್ಲೀನರ್ ಲಿಂಗಾರೆಡ್ಡಿ, ಚಾಲಕ ಆಕ್ಬರ್ ಆಲಿ ಮತ್ತು ಫಿರ್ಯಾದಿ ಶಾಹಿದ್ ಜಸ್ವೀರ್ ರವರುಗಳು ಗಾಯಗೊಂಡಿದ್ದು, ಈ ಸಂಬಂಧ ಫಿರ್ಯಾದಿ ಶಾಹಿದ್ ಜಸ್ವೀರ್ ರವರು ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ. 

ದಸರಾ ಮಂಟಪ ನಿರ್ಮಿಸುವ ವಿಚಾರದಲ್ಲಿ ಜಗಳ, ವ್ಯಕ್ತಿಯ ಕೊಲೆಗೆ ಯತ್ನ:

    ದಸರಾ ಮಂಟಪ ನಿರ್ಮಿಸುವ ವಿಚಾರದಲ್ಲಿ ಸಮಿತಿಯ ಉಪಾದ್ಯಕ್ಷರೊಂದಿಗೆ ವ್ಯಕ್ತಿಯೊಬ್ಬರು ಜಗಳ ಮಾಡಿ ಕೊಲೆಗೆ ಯತ್ನಿಸಿದ ಘಟನೆ ಗೋಣಿಕೊಪ್ಪ ನಗರದಲ್ಲಿ ನಡೆದಿದೆ. ದಿನಾಂಕ 10-10-2016ರಂದು ಪಿರ್ಯಾದಿ ಅಮ್ಮತ್ತೀರ ವಿಕ್ರಮ್ ಎಂಬವರು ಅರವತ್ತೋಕ್ಲು ಗ್ರಾಮದ ದಸರ ಸಮಿತಿಯ ಉಪಾದ್ಯಕ್ಷನಾಗಿ ಕೆಲಸ ಮಾಡಿಕೊಂಡಿರುವಾಗ್ಗೆ ಆರೋಪಿ ಅರವತ್ತೊಕ್ಲು ಗ್ರಾಮದ ದೀಪು ದೇವಯ್ಯ ಎಂಬವರು ದಸರಾ ಮಂಟಪ ತಯಾರಿಸುವ ಸ್ಥಳವಾದ ಚೋಡುಮಡ ಕಾಂಪ್ಲೇಕ್ಸ್‌‌ ಬಳಿ ಬಂದು ದಸರ ಮಂಟಪ ನಿರ್ಮಿಸುವ ವಿಚಾರದಲ್ಲಿ ಗಲಾಟೆ ಮಾಡಿ ಹೋಗಿದ್ದು , ನಂತರ ದಿನಾಂಕ 13-10-2016 ರಂದು ಸಮಯ 19.30 ಗಂಟೆಗೆ ಚೋಡುಮಡ ಕಾಂಪ್ಲೇಕ್ಸ್‌‌ ಬಳಿ ದಸರ ಮಂಟಪ ನಿರ್ಮಿಸಿದ ಜಾಗದಲ್ಲಿ ಕಸವನ್ನು ಸ್ವಚ್ಚ ಮಾಡುತ್ತಿದ್ದಾಗ ಆರೋಪಿಯು ಕೈಯಲ್ಲಿ ಕತ್ತಿಯನ್ನು ಹಿಡಿದುಕೊಂಡು ಬಂದು ಫಿರ್ಯಾದಿಯನ್ನು ಕೊಲೆ ಮಾಡುವ ಉದ್ದೇಶದಿಂದ ಕತ್ತಿಯಿಂದ ಹಲ್ಲೆ ನಡೆಸಲು ಯತ್ನಿಸಿದ್ದು ಅಲ್ಲದೆ ಕಲ್ಲಿನಿಂದ ಮುಖಕ್ಕೆ ಹಲ್ಲೆ ಮಾಡಿ ಗಾಯಗೊಳಿಸಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

ಮೋಟಾರ್ ಸೈಕಲ್ ಗೆ ಆಟೋ ರಿಕ್ಕಾ ಡಿಕ್ಕಿ:

     ಮೋಟಾರ್ ಸೈಕಲ್ ಗೆ ಆಟೋ ರಿಕ್ಷಾ ಡಿಕ್ಕಿಯಾದ ಪರಿಣಾಮ ಬೈಕ್ ಸವಾರ ಗಾಯಗೊಂಡ ಘಟನೆ ಮಡಿಕೇರಿ ನಗರದ ಖಾಸಗಿ ಬಸ್ಸು ನಿಲ್ಲಾಣದ ಬಳಿ ನಡೆದಿದೆ. ಮಡಿಕೇರಿ ನಗರದ ಭಗವತಿ ನಗರದ ನಿವಾಸಿ ಫಿರ್ಯಾದಿ ಎ.ಎಸ್. ಅರುಣ ಎಂಬವರು ದಿನಾಂಕ 13-10-2016 ರಂದು ಸಂಜೆ 6-45 ಗಂಟೆಗೆ ತಮ್ಮ ಮೋಟಾರ್ ಸೈಕಲ್ ನಲ್ಲಿ ಮಡಿಕೇರಿ ನಗರದ ಖಾಸಗಿ ಬಸ್ಸು ನಿಲ್ಲಾಣದ ಹತ್ತಿರ ಹೋಗುತ್ತಿದ್ದಾಗ ಹಿಂದಿನಿಂದ ಬಂದ ಆಟೋ ರಿಕ್ಚಾವನ್ನು ಅದರ ಚಾಲಕ ಅತೀ ವೇಗ ಮತ್ತು ನಿರ್ಲಕ್ಷ್ಯದಿಂದ ಚಾಲಿಸಿಕೊಂಡು ಬಂದು ಡಿಕ್ಕಿಪಡಿಸಿದ ಪರಿಣಾಮ ಫಿರ್ಯಾದಿಯವರ ಮೋಟಾರ್ ಸೈಕಲ್ ಜಖಂಗೊಂಡು ಫಿರ್ಯಾದಿಯವರು ಗಾಯಗೊಂಡಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಮಡಿಕೇರಿ ಟ್ರಾಫಿಕ್ ಪೊಲೀಸರು ಪ್ರಕರಣ ದಾಖಲಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.