Thursday, June 30, 2016

ಗಂಡಸು ಕಾಣೆ ಪ್ರಕರಣ
               ಕೆಲಸಕ್ಕೆ ಹೋದ ವ್ಯಕ್ತಿಯೊಬ್ಬ ಮನೆಗೆ ಬಾರದೆ ಕಾಣೆಯಾದ ಘಟನೆ ವಿರಾಜಪೇಟೆ ಬಳಿಯ ಕೆದಮುಳ್ಳೂರು ಗ್ರಾಮದಲ್ಲಿ ನಡೆದಿದೆ. ದಿನಾಂಕ 26/06/2016ರಂದು ಕೆದಮುಳ್ಳೂರು ಗ್ರಾರಾಮದ ಬಾರಿಕಾಡು ನಿವಾಸಿ ಮಣಿಕಂಠನ್‌ ಎಂಬವರು ಕೆಲಸದ ನಿಮಿತ್ತ ಎಲ್ಲಿಗೋ ಹೋಗಿದ್ದು ನಂತರ ಮದ್ಯಾಹ್ನ ಪತ್ನಿ ದಿವ್ಯರವರಿಗೆ ಮೊಬೈಲ್‌ ಕರೆ ಮಾಡಿ ತಾನು ಮಡಿಕೇರಿಯಲ್ಲಿರುವುದಾಗಿಯೂ ಪಿರಿಯಾಪಟ್ನದಲ್ಲಿ ಕೆಲಸವಾಗಿದ್ದು ಅಲ್ಲಿಗೆ ಹೋಗುವುದಾಗಿ ಹೇಳಿ ಹೋದಾತನು ಇಲ್ಲಿಯವರೆಗೂ ಮನೆಗೆ ಮರಳಿ  ಬಂದಿರುವುದಿಲ್ಲವೆಂದು ಮಣಿಕಂಠನ್‌ರ ಪತ್ನಿ ದಿವ್ಯಾರವರು ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸರು  ಮೊಕದ್ದಮೆ ದಾಖಲಿಸಿ ತನಿಖೆ  ಕೈಗೊಂಡಿದ್ದಾರೆ.

ಕರಿ ಮೆಣಸು ಬಳ್ಳಿಗಳನ್ನು ಕಡಿದು ನಾಶ
                   ಅಕ್ರಮವಾಗಿ ತೋಟಕ್ಕೆ ಪ್ರವೇಶಿಸಿ ಕರಿಮೆಣಸು ಬಳ್ಳಿಗಳನ್ನು ಕಡಿದು ನಾಶಗೊಳಿಸಿದ ಘಟನೆ ನಾಫೋಕ್ಲು ಬಳಿಯ ಕುಂಬಳದಾಳು ಗ್ರಾಮದಲ್ಲಿ ನಡೆದಿದೆ. ಕುಂಬಳದಾಳು ಗ್ರಾಮದ ನಿವಾಸಿ  ಬೊಬ್ಬಿರ ಗಿರೀಶ್‌ ಎಂಬವರಿಗೆ ಗ್ರಾಮದಲ್ಲಿ ಕಾಫಿ ತೋಟವಿದ್ದು ದಿನಾಂಕ 26/06/2016ರಂದು ಅವರು ತೋಟಕ್ಕೆ ಹೋದಾಗ ತೋಟದಲ್ಲಿದ್ದ ಸುಮಾರು 10-20 ವರ್ಷದ 25 ಕರಿ ಮೆಣಸು ಬಳ್ಳಿಗಳನ್ನು ಕಡಿದು ನಾಶಗೊಳಿಸಿದ್ದು ಸುಮಾರು ರೂ.ಒಂದು ಲಕ್ಷಗಳಷ್ಟು ನಷ್ಟವಾಗಿದ್ದು  ದಿನಾಂಕ 29/06/2016ರಂದು ಗಿರೀಶ್‌ರವರು ಬಸ್‌ ತಂಗುದಾಣದ ಬಳಿ ನಿಂತಿರುವಾಗ ಅವರ ತಮ್ಮ ಮೋಹನ ಅಲ್ಲಿಗೆ ಬಂದು ಕೈಯಿಂದ ಹೊಡೆದು ಹಲ್ಲೆ ಮಾಡಿ ಕೊಲೆ ಬೆದರಿಕೆ ಹಾಕಿದ್ದು ತನ್ನ ತಾಯಿ ಮೀನಾಕ್ಷಿ ಮತ್ತು ತಮ್ಮ ಮೋಹನರವರು ತನ್ನ ತೋಟಕ್ಕೆ ಪ್ರವೇಶಿಸಿ ಕರಿ ಮೆಣಸು ಬಳ್ಳಿಗಳನ್ನು ಕಡಿದು ನಾಶಗೊಳಿಸಿರಬಹುದಾಗಿ ಸಂಶಯ ವ್ಯಕ್ತಪಡಿಸಿ ನೀಡಿದ ದೂರಿನ ಮೇರೆಗೆ ನಾಫೋಕ್ಲು ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. 

ಮಹಿಳೆಯ ಮೇಲೆ ಹಲ್ಲೆ.
                    ಮಹಿಳೆಯೊಬ್ಬರ ಮೇಲೆ ಹಲ್ಲೆ ನಡೆಸಿದ ಘಟನೆ ಪೊನ್ನಫೇಟೆ ನಗರದಲ್ಲಿ ನಡೆದಿದೆ. ಪೊನ್ನಂಪೇಟೆ ನಗರದಲ್ಲಿರುವ ನ್ಯಾಯಾಲಯದ ಆವರಣದಲ್ಲಿ ಪೊನ್ನಂಪೇಟೆ ನಿವಾಸಿ ಬಸ್ಸಿನಲ್ಲಿ ನಿರ್ವಾಹಕ ಕೆಲಸ ಮಾಡಿಕೊಂಡಿರುವ ಸುಬ್ರಮಣಿ ಎಂಬವರ ಕ್ಯಾಂಟೀನ್‌ನಲ್ಲಿ ಕೆಲಸ ಮಾಡಿಕೊಂಡಿದ್ದ ಪಿ.ಬಿ.ಉಷಾ ಎಂಬವರು ದಿನಾಂಕ 23/06/2016ರಂದು ಮಗಳನ್ನು ಕಾಲೇಜಿಗೆ ಸೇರಿಸುವ ಸಲುವಾಗಿ ಬೆಂಗಳೂರಿಗೆ ಹೋಗಿ ದಿನಾಂಕ 27/06/2016ರಂದು ಮರಳಿ ಮನೆಗೆ ಬಂದಾಗ ಸುಬ್ರಮಣಿಯವರು 4 ದಿನಗಳಿಂದ ಕ್ಯಾಂಟೀನ್‌ ತೆರೆಯದ ಬಗ್ಗೆ ಜಗಳವಾಡಿ ಉಷಾರವರನ್ನು ಕುರಿತು ಅಶ್ಲೀಲ ಶಬ್ದಗಳಿಂದ ನಿಂದಿಸಿ ಹೆಂಚು ಮತ್ತು ದೊಣ್ಣೆಯಿಂದ ಹೊಡೆದು ಹಲ್ಲೆ ಮಾಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಪೊನ್ನಂಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಕಾಡಾನೆ ಸಾವು, ಗುಂಡೇಟು ಶಂಕೆ
                ತೋಟದಲ್ಲಿ ಕಾಡಾನೆಯೊಂದು ಸಾವಿಗೀಡಾಗಿರುವ ಘಟನೆ ಪೊನ್ನಂಪೇಟೆ ಬಳಿಯ ಸುಳುಗೋಡು ಗ್ರಾಮದಲ್ಲಿ ನಡೆದಿದೆ. ದಿನಾಂಕ 21/06/2016ರಂದು ಸುಳುಗೋಡು ನಿವಾಸಿ ಕೊಕ್ಕೇಂಗಡ ಪ್ರಸನ್ನ ಎಂಬವರು ತಿತಿಮತಿ ಅರಣ್ಯ ವಲಯಾಧಿಕಾರಿ ಕೆ.ಪಿ.ಗೋಪಾಲರವರಿಗೆ ದೂರವಾಣಿ ಕರೆ ಮಾಡಿ ಅವರ ತೋಟದಲ್ಲಿ ಗಂಡು ಕಾಡಾನೆಯೊಂದು ಸತ್ತು ಬಿದ್ದಿರುವುದಾಗಿ ತಿಳಿಸಿದ್ದು ಅರಣ್ಯ ವಲಯಾಧಿಕಾರಿ ಗೋಪಾಲರವರು ಸ್ಥಳಕ್ಕೆ ತೆರಳಿ ಪರಿಶೀಲಿಸಿದಾಗ ಪ್ರಸನ್ನರವರ ತೋಟದಲ್ಲಿ ಗಂಡು ಕಾಡಾನೆಯೊಂದರ ಕಳೇಬರ ಕಂಡು ಬಂದಿದ್ದು ಮೇಲ್ನೋಟಕ್ಕೆ ಗುಂಟೇಟಿನಿಂದ ಸಾವಿಗೀಡಾಗಿರುವುದಾಗಿ ನ್ಯಾಯಾಲಯಕ್ಕೆ ಸಲ್ಲಿಸಿದ ಖಾಸಗಿ ದೂರನ್ನು ನ್ಯಾಯಾಲಯದ ನಿರ್ದೇಶನದಂತೆ ಪೊನ್ನಂಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಶುಲ್ಕ ಪಡೆದು ವಂಚನೆ
                    ಮದ್ಯ ಮಾರಾಟ ನವೀಕರಣದ ಶುಲ್ಕ ಪಡೆದು ವಂಚಿಸಿದ ಘಟನೆ ಸೋಮವಾರಪೇಟೆ ಬಳಿಯ ಬೇಳೂರು ಎಂಬಲ್ಲಿ ನಡೆದಿದೆ. ಬೇಳೂರು ಗ್ರಾಮದ ನಿವಾಸಿ ಆನಂದ ಬಸಪ್ಪ ಎಂಬವರು ಅವರು ಅಧ್ಯಕ್ಷರಾಗಿರುವ ಬೇಳೂರು ಕ್ಲಬ್‌ಗೆ ಸಂಬಂಧಿಸಿದ ಸಿಎಲ್‌-4 ಶ್ರೇಣಿಯ ಮದ್ಯ ಮಾರಾಟ ಪರವಾನಗಿಯನ್ನು ನವೀಕರಿಸುವ ಸಲುವಾಗಿ ದಿನಾಂಕ 20/06/2016ರಂದು ಸೋಮವಾರಪೇಟೆ ನಗರದಲ್ಲಿರುವ ಅಬಕಾರಿ ಇಲಾಖೆಯ ಉದ್ಯೋಗಿ ಜೀವನ್‌ ಎಂಬವರಿಗೆ ರೂ.2,30,000 ನವೀಕರಣ ಶುಲ್ಕ ಪಾವತಿಸಿ ರಸೀತಿ ಪಡೆದಿದ್ದು ನಂತರ ದಿನಾಂಕ 24/06/2016ರಂದು ಆನಂದ ಬಸಪ್ಪರವರು ಸೋಮವಾರಪೇಟೆಯ ಅಬಕಾರಿ ಇಲಾಖೆಗೆ ಹೋಗಿ ವಿಚಾರಿಸಿದಾಗ ಜೀವನ್‌ರವರು ಸದ್ರಿ ಶುಲ್ಕವನ್ನು ಸರ್ಕಾರಿ ಖಾತೆಗೆ ಪಾವತಿಸದೆ ವಂಚಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.


Wednesday, June 29, 2016

ಮಹಿಳೆಯ ಅಸ್ವಾಭಾವಿಕ ಸಾವು, ಪ್ರಕರಣ ದಾಖಲು:

      ನಾಪೋಕ್ಲು ಠಾಣಾ ಸರದಹ್ದಿನ ಕೋಕೇರಿ ಗ್ರಾಮದ ನಿವಾಸಿ ಪಿ.ಎ. ಪಳಂಗಪ್ಪ ಎಂಬವರ ಲೈನು ಮನೆಯಲ್ಲಿ ವಾಸವಾಗರುವ ಚಂದ್ರ ಹಾಗು ಆತನ ಪತ್ನಿ ಜಯಾ ಎಂಬವರು ದಿನಾಂಕ 27-06-2016 ರಂದು ತಮ್ಮ ಸಾವುಕಾರ ಪಿ.ಎ.ಪಳಂಗಪ್ಪನವರೊಂದಿಗೆ ನಾಪೋಕ್ಲು ಸಂತೆಗೆ ಹೋಗಿ ಸಂತೆ ಮುಗಿಸಿ ವಾಪಾಸು ಮಧ್ಯಾಹ್ನ 2-00 ಗಂಟೆಗೆ ಲೈನುಮನೆಗೆ ಬಂದಿದ್ದು, ಮಾರನೇ ದಿನ ಬೆಳಗ್ಗೆ 7-30 ಗಂಟೆಯವರೆಗೆ ಚಂದ್ರ ಮತ್ತು ಜಯನವರು ಕೆಲಸಕ್ಕೆ ಬಾರದೇ ಇದ್ದುದರಿಂದ ಸಾವುಕಾರ ಪಿ.ಎ. ಪಳಂಗಪ್ಪನವರು ಲೈನುಮನೆಗೆ ಹೋಗಿ ರೂಮಿಗೆ ಹಾಕಿದ ಬಾಗಿಲನ್ನು ತಳ್ಳಿ ನೋಡಿದ್ದು, ಒಳಗಡೆ ಜಯ ಮಾತ್ರ ಮಲಗಿದ ಸ್ಥಿತಿಯಲ್ಲಿದ್ದುದು ಕಂಡು ಬಂದಿದ್ದು, ಆಕೆಯ ಗಂಡ ಚಂದ್ರ ಅಲ್ಲಿ ಇಲ್ಲದೇ ಇರುವ ಕಾರಣ ಪಳಂಗಪ್ಪನವರು ಜಳನ್ನು ಕರೆದು ಯಾವುದೇ ಪ್ರತಿಕ್ರಿಯೆ ಬಾರದ್ದರಿಂದ ಒಳಗೆ ಹೋಗಿ ಜಯಳನ್ನು ಕರೆದು ಅಲ್ಲಾಡಿಸಿದಾಗ ಸತ್ತ ರೀತಿಯಲ್ಲಿರುವುದು ಕಂಡುಬಂದಿದ್ದು ಸದರಿಯಾಕೆಯ ಸಾವಿನ ಬಗ್ಗೆ ಸಂಶಯವಿರುವುದಾಗಿ ನೀಡಿದ ದೂರಿನ ಮೇರೆಗೆ ನಾಪೋಕ್ಲು ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

 ಪಾದಚಾರಿಗೆ ಬೈಕ್ ಡಿಕ್ಕಿ, ಗಾಯ:

 ವಿರಾಜಪೇಟೆ ತಾಲೂಕು ಗೋಣಿಕೊಪ್ಪ ನಗರದ 1ನೇ ವಿಭಾಗದಲ್ಲಿ ವಾಸವಾಗಿರುವ ಫಿರ್ಯಾದಿ ಎಂ.ವಿ. ಶಾರುಣ್ ಎಂಬವರು ದಿನಾಂಕ 27-6-2016 ರಂದು ಅಪರಾಹ್ನ ಗೋಣಿಕೊಪ್ಪ ನಗರದ ಐ.ಪಿ. ಪೆಟ್ರೋಲ್ ಬಂಕ್ ನ ಮುಂದಿನ ಸಾರ್ವಜನಿಕ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದಾದ ಹಿಂಬದಿಯಿಂದ ಬಂದ ಮೋಟಾರ್ ಸೈಕಲ್ ಸಂಖ್ಯೆ:ಕೆಎ-12-ಕೆ-6936 ನ್ನು ಅದರ ಸವಾರ ವೇಗ ಮತ್ತು ನಿರ್ಲಕ್ಷ್ಯತನದಿಂದ ಬಂದು ಡಿಕ್ಕಿಪಡಿಸಿದ ಪರಿಣಾಮವಾಗಿ ಎಂ.ವಿ. ಶಾರುಣ್ ರವರು ಗಾಯಗೊಂಡಿದ್ದು, ಈ ಬಗ್ಗೆ ಗೋಣಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ. 

ದ್ವಿಚಕ್ರವಾಹನಕ್ಕೆ ಲಾರಿ ಡಿಕ್ಕಿ, ಸವಾರನಿಗೆ ಗಾಯ:

     ಪಿ.ಮೊಹಮ್ಮದ್ ಆನ್ ಶಾದ್, ತಂದೆ: ಪಿ.ಕೆ. ಜಮಾಲ್, ಪ್ರಾಯ: 15ವರ್ಷ, ವಿದ್ಯಾರ್ಥಿ, ಪಟ್ಟಾನೂರು ಗ್ರಾಮ, ತಲಚೇರಿ ತಾಲ್ಲೂಕು, ಕೇರಳ ರಾಜ್ಯ ಇವರು ದಿನಾಂಕ 26-06-16ರಂದು ಕೇರಳದ ಆಯುಪುಯ ಗ್ರಾಮದ ತನ್ನ ಮನೆಯಿಂದ ಬೆಳಿಗ್ಗೆ ಸಮ 5-00 ಎ.ಎಂ.ಗೆ ತನ್ನ ತಂದೆಯವರ ಕುಟುಂಬದವರ ಮನೆಯಾದ ಕುಶಾಲನಗರಕ್ಕೆ ಸ್ಕೂಟಿ ನಂ. ಕೆಎಲ್.58.ಆರ್. 5820ರಲ್ಲಿ ಬರುತ್ತಿದ್ದು, ಮಾಕುಟ್ಟ ಅರಣ್ಯ ರಸ್ತೆಯಲ್ಲಿನ ಆಂಜನೇಯ ದೇವಸ್ಥಾನ ದಾಟಿ ಸುಮಾರು 2 ಕಿ.ಮೀ. ದೂರ ವಿರಾಜಪೇಟೆ ಕಡೆಗೆ ಅರಣ್ಯ ರಸ್ತೆಯಲ್ಲಿ ಬರುತ್ತಿರುವಾಗ ತಿರುವು ರಸ್ತೆಯಲ್ಲಿ ಎದುರುಗಡೆಯಿಂದ ಕೆಎ.03.ಎಬಿ.4461ರ ಲಾರಿ ಚಾಲಕನು ಸದರಿ ಲಾರಿಯನ್ನು ಅತೀವೇಗ ಹಾಗೂ ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಬಂದು ಪಿರ್ಯಾದಿಯ ಸ್ಕೂಟಿಗೆ ಡಿಕ್ಕಿಪಡಿಸಿದ ಪಿರ್ಯಾದಿ ಪಿ.ಮೊಹಮ್ಮದ್ ಆನ್ ಶಾದ್ ಯವರು ಸ್ಕೂಟಿ ಸಮೇತ ರಸ್ತೆಗೆ ಬಿದ್ದು ಗಾಯಗೊಂಡಿದ್ದು, ಅವರ ದೂರಿನ ಮೇರೆಗೆ ದಿನಾಂಕ 28-6-2016 ರಂದು ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ದ್ವೇಷದ ಹಿನ್ನಲೆ ವ್ಯಕ್ತಿ ಮೇಲೆ ಕತ್ತಿಯಿಂದ ಹಲ್ಲೆ:

     ದಿನಾಂಕ 25-06-16 ರಂದು ಸುಂಟಿಕೊಪ್ಪ ಠಾಣಾ ಸರಹದ್ದಿನ ಅತ್ತೂರು ನಲ್ಲೂರು ಗ್ರಾಮದ ನಿವಾಸಿ ಪಿರ್ಯಾದಿ ಜೆ.ಎಲ್ ಜಗದೀಶ ಎಂಬವರು ತಮ್ಮ ಪಕ್ಕದ ಮನೆಯಲ್ಲಿ ವಾಸವಿದ್ದ ತನ್ನ ಅಕ್ಕನ ಮನೆಗೆ ತೆರಳಿದಾಗ ಮನೆಯ ಮುಂದೆ ಅಂಗಳದಲ್ಲಿ ನಿಂತಿದ್ದ ಫಿರ್ಯಾದಿಯವರ ಬಾವ ಸಿದ್ದಾಪ್ಪಾಜಿ ಎಂಬವರು ಕೈಯಲ್ಲಿದ್ದ ಕತ್ತಿಯಿಂದ ನನ್ನ ಮನೆಗೆ ಯಾಕೆ ಕಾಫಿ ಕುಡಿಯಲು ಬಂದಿದ್ದಿಯಾ ಎಂದು ಏಕಾಏಕಿ ಪಿರ್ಯಾದಿಯವರ ಎಡ ಮಂಡಿಗೆ ಕತ್ತಿಯಿಂದ ಹಲ್ಲೆ ಮಾಡಿದ್ದು ಅಲ್ಲದೆ ಕೊಲೆ ಬೆದರಿಕೆ ಒಡ್ಡಿದ್ದಾಗಿ ದಿನಾಂಕ 28-6-2016 ರಂದು ನೀಡಿದ ದೂರಿನ ಮೇರೆಗೆ ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

ಬ್ಯಾರಿಕೇಡ್ ಕಳವು:
     ದಿನಾಂಕ: 24-06-16ರಂದು ಸಮಯ 8-45ಗಂಟೆಗೆ ಕೂರ್ಗ್ ಯತ್ನಿಕ್ ಹಾಲ್ ನ ಮುಂಭಾಗದ ಸಾರ್ವಜನಿಕ ರಸ್ತೆಯಲ್ಲಿಟ್ಟಿದ್ದ ಒಂದು ಬ್ಯಾರಿಕಾಡನ್ನು ಯಾರೋ ಕಳ್ಳರು ವಾಹನದಲ್ಲಿ ಬಂದು ಕಳ್ಳತನ ಮಾಡಿಕೊಂಡು ಹೋಗಿರುವುದಾಗಿ ವಿರಾಜಪೇಟೆ ತಾಲೂಕು ಬಿಟ್ಟಂಗಾಲ ಗ್ರಾಮದ ನಿವಾಸಿ ಕೆ. ಅಶೋಕ ಕುಟ್ಟಪ್ಪ ಎಂಬವರು ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಶಸ್ತ್ರಚಿಕಿತ್ಸೆಗೊಳಗಾದ ಯುವತಿ ಸಾವು, ವೈದ್ಯರ ನಿರ್ಲಕ್ಷ್ಯ ಆರೋಪ:

     ಕುಶಾಲನಗರ ಠಾಣಾ ವ್ಯಾಪ್ತಿಯ ಕಣಿವೆ ಗ್ರಾಮದ ನಿವಾಸಿ ಪಿರ್ಯಾದಿ ಮೋಹನ ಎಂಬವರ ಮಗಳಾದ ಮಮತಾಳನ್ನು ಹೊಟ್ಟೆ ನೋವಿನ ಕಾರಣದಿಂದ ದಿ 01-06-2016 ರಂದು ಮಡಿಕೇರಿ ಜಿಲ್ಲಾ ಸರಕಾರಿ ಆಸ್ಪತ್ರೆಗೆ ಚಿಕಿತ್ಸೆ ಬಗ್ಗೆ ದಾಖಲಿಸಿದ್ದು, ಜಿಲ್ಲಾ ಆಸ್ಪತ್ರೆಯಲ್ಲಿ ಮಮತಾಳಿಗೆ ವೈದ್ಯರು ಎರಡು ಬಾರಿ ಶಸ್ತ್ರ ಚಿಕಿತ್ಸೆ ನಡೆಸಿ, ಯಶಸ್ವಿಯಾಗದೆ ಗಂಭೀರ ಸ್ಥಿತಿಯಾಗಿದ್ದರಿಂದ ಪಿರ್ಯಾದಿಯವರು ಮಗಳನ್ನು ಮಂಗಳೂರಿನ ಎ.ಜೆ ಆಸ್ಪತ್ರೆಗೆ ಕರೆದುಕೊಂಡು ಹೋಗಿ ಚಿಕಿತ್ಸೆಗೆ ದಾಖಲಿಸಿದ್ದು, ದಿನಾಂಕ 28-6-2016 ರಂದು ಚಿಕಿತ್ಸೆ ಫಲಕಾರಿಯಾಗದೆ ಮಮತಾಳು ಮೃತಪಟ್ಟಿದ್ದು, ಈಕೆಯ ಮರಣಕ್ಕೆ ಜಿಲ್ಲಾ ಆಸ್ಪತ್ರೆ ಮಡಿಕೇರಿಯ ವೈದ್ಯರಾದ ಪ್ರಕಾಶ ಮತ್ತು ಇತರರ ನಿರ್ಲಕ್ಷ್ಯವೆ ಕಾರಣವಾಗಿರುತ್ತದೆ ಎಂದು ನೀಡಿದ ದೂರಿನ ಮೇರೆಗೆ ಮಡಿಕೇರಿ ನಗರಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

Tuesday, June 28, 2016

ಅಕ್ರಮ ಮರಳು ಸಂಗ್ರಹ ಪತ್ತೆ, ಗಣಿಗಾರಿಕೆಗೆ ಬಳಸಿದ ಸಾಮಾಗ್ರಿ ಪೊಲೀಸ್  
ವಶಕ್ಕೆ:                                                                                                                  

     ಪೊನ್ನಂಪೇಟೆ ಪೊಲೀಸ್ ಠಾಣಾ ವ್ಯಾಪ್ತಿಯ ಬಾಳೆಲೆ ನಿಟ್ಟೂರು ಗ್ರಾಮದ ಲಕ್ಷ್ಮಣ ತೀರ್ಥ ನದಿ ದಡದಲ್ಲಿ ಅಕ್ರಮ ಮರಳು ಗಣಿಗಾರಿಕೆ ನಡೆಸುತ್ತಿರುವ ಬಗ್ಗೆ ಕೊಡಗು ಜಿಲ್ಲಾ ಪೊಲೀಸ್ ಅಧೀಕ್ಷಕರಿಗೆ ಬಂದ ಖಚಿತ ಮಾಹಿತಿ ಮೇರೆ ಡಿ.ಸಿ.ಐ.ಬಿ. ಅಧಿಕಾರಿ ಮತ್ತು ಸಿಬ್ಬಂದಿಗಳು ದಿನಾಂಕ 27.6.2016 ರಂದು ರಾತ್ರಿ ನಿಟ್ಟೂರು ಗ್ರಾಮದ ಲಕ್ಷ್ಮಣತೀರ್ಥ ನದಿ ದಡಕ್ಕೆ ದಾಳಿ ಮಾಡಿದಾಗ ಅಕ್ರಮ ಮರಳು ತೆಗೆ ಸಂಗ್ರಹಿಸುತ್ತಿದ್ದ 4 ಜನ ವ್ಯಕ್ತಿಗಳು ಕತ್ತಲಲ್ಲಿ ನದಿದಾಟಿ ತಪ್ಪಿಸಿಕೊಂಡಿದ್ದು, ತಪ್ಪಿಸಿಕೊಂಡವರ ಬಟ್ಟೆಗಳು ನದಿ ದಡದಲ್ಲಿದ್ದಲ್ಲದೇ ನದಿದಡದಲ್ಲಿ ಸುಮಾರು 5 ಲೋಡ್ ಗಳಷ್ಟು ಮರಳು ಸಂಗ್ರಹಿಸಿರುವುದು ಮತ್ತು ಮರಳು ತೆಗೆಯಲು ಬಳಸುವ 3 ಕಬ್ಬಿಣದ ಬೋಟ್ ಗಳು, 5 ಪ್ಲಾಸ್ಟಿಕ್‌ ಬುಟ್ಟಿಗಳು, 3 ಮರಳು ತುಂಬಿಸುವ ಗುದ್ದಲಿಗಳು, 4 ಮೊಬೈಲ್ ಗಳು ಮತ್ತು ನಗದು ಹಣ ರೂ.1200/- ಪತ್ತೆಯಾಗಿದ್ದು ಮರಳುಗಾರಿಕೆ ನಡೆಸುತ್ತಿದ್ದವರು ಬಾಳೆಲೆ ಗ್ರಾಮದ ರಘು @ ಸ್ವಾಮಿ ಎಂಬುವವನಾಗಿರುವುದಾಗಿ ತಿಳಿದು ಬಂದಿರುತ್ತದೆ. ಈ ಕಾಯಾಚರಣೆಯಲ್ಲಿ ಡಿಸಿಐಬಿ ನಿರೀಕ್ಷಕರಾದ ಬಿ.ಆರ್. ಲಿಂಗಪ್ಪ ಸಿಬ್ಬಂದಿಗಳಾದ ಎನ್.ಟಿ. ತಮ್ಮಯ್ಯ, ವಿ.ಜಿ.  ವೆಂಕಟೇಶ್, ಕೆ.ಎಸ್. ಅನಿಲ್ ಕುಮಾರ್, ಬಿ.ಎಲ್. ಯೋಗೇಶ್ ಕುಮಾರ್, ಎಂ.ಎನ್. ನಿರಂಜನ್, ಕೆ.ಆರ್, ವಸಂತ, ಕೆ.ಎಸ್. ಶಶಿಕುಮಾರ್ ಮತ್ತು    ಪೊನ್ನಂಪೇಟೆ ಠಾಣೆ ಪಿ.ಎಸ್.ಐ. ಎಸ್. ಎನ್. ಜಯರಾಮ್ ಮತ್ತು ಸಿಬ್ಬಂದಿಗಳು                                                            ಭಾಗಿಯಾಗಿದ್ದರು.                                                                                                   
            ಅಕ್ರಮ ಗಣಿಗಾರಿಕೆ ನಡೆಯುತ್ತಿರುವುದು ಕಂಡುಬಂದಲ್ಲಿ ಪೊಲೀಸ್ ಅಧೀಕ್ಷಕರು, ಕೊಡಗು ಜಿಲ್ಲೆ, ಮಡಿಕೇರಿರವರಿಗೆ ಮೊಬೈಲ್ ಸಂಖ್ಯೆ:9480804901 ಗೆ ಮಾಹಿತಿ ನೀಡಲು ಕೋರಿದೆ. 

ಕಾರು ಮತ್ತು ಬೈಕ್ ಗೆ ವ್ಯಕ್ತಿಗಳಿಂದ ಹಾನಿ:

     ಮನೆಯ ಮುಂದೆ ನಿಲ್ಲಿಸಿದ್ದ ಎರಡು ವಾಹನಗಳನ್ನು ಇಬ್ಬರು ವ್ಯಕ್ತಿಗಳು ಹಾನಿಗೊಳಿಸಿದ ಘಟನೆ ಸೋಮವಾರಪೇಟೆ ಠಾಣಾ ಸರಹದ್ದಿನ ರೇಂಜರ್ ಬ್ಲಾಕ್ ನಲ್ಲಿ ನಡೆದಿದೆ. ದಿನಾಂಕ 19-6-2016ರಂದು ರಾತ್ರಿ 10:30 ಗಂಟೆಗೆ ಸೋಮವಾರಪೇಟೆ ನಗರದ ರೇಂಜರ್ ಬ್ಲಾಕ್ ನಲ್ಲಿ ವಾಸವಾಗಿರುವ ಶಮ್ಮಿ ಎಂಬವರ ಮನೆಯ ಮುಂಭಾಗದಲ್ಲಿ ನಿಲ್ಲಿಸಿದ್ದ ಕೆ ಎ 15 ಎಂ 2164ರ ಕಾರು ಮತ್ತು ಕೆ ಎ 12 ಇ 1936ರ ಬೈಕನ್ನು ಜನತಾ ಕಾಲೋನಿಯ ನಿವಾಸಿಗಳಾದ ವೀಕ್ಷಿತ್ ಮತ್ತು ಸಂತೋಷ್ ಎಂಬ ವ್ಯಕ್ತಿಗಳು ಸೇರಿ ಹಾನಿಪಡಿಸಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ. 

ಬಸ್ ಚಾಲಕನ ನಿರ್ಲಕ್ಷ್ಯ, ನಿರ್ವಾಹಕನ ಸಾವು:

     ಖಾಸಗಿ ಬಸ್ಸೊಂದದ ಚಾಲಕನ ನಿರ್ಲಕ್ಷ್ಯ ಚಾಲನೆಯಿಂದ ನಿರ್ವಾಹಕನೊಬ್ಬ ಸಾವನಪ್ಪಿದ ಘಟನೆ ನಡೆದಿದೆ. ದಿನಾಂಕ 27-06-2016 ರಂದು ಬೆಳಿಗ್ಗೆ 9-20 ಗಂಟೆಗೆ ಲಕ್ಷ್ಮಿ ಪ್ರಕಾಶ್ ಎಂಬ ಖಾಸಗಿ ಬಸ್ಸು ಭಾಗಮಂಡಲದ ಕಡೆಯಿಂದ ಮಡಿಕೇರಿ ಕಡೆಗೆ ಬರುತ್ತಿರುವಾಗ ಕಾಟಗೆರಿಯ ತಾಳತ್ ಮನೆ ಮೇಕೆರಿ ಬೈಪಾಸ್ ಜಂಕ್ಷನ್ ನಲ್ಲಿ ಪ್ರಯಾಣಿಕರನ್ನು ಬಸ್ಸಿಗೆ ಹತ್ತಿಸಿ ನಿರ್ವಾಹಕ ಲೋಹಿತ್ ಎಂಬವರು ಮುಂದಿನ ಭಾಗಿಲಿನಿಂದ ಬಸ್ಸನ್ನು ಹತ್ತುತ್ತಿರುವಾಗ ಬಸ್ಸಿನ ಚಾಲಕ ಸುಕುಮಾರ್ ರವರು ಬಸ್ಸನ್ನು ಒಮ್ಮೆಲೆ ಅಜಾಗರೂಕತೆಯಿಂದ ಚಾಲನೆ ಮಾಡಿದ ಪರಿಣಾಮ ಲೋಹಿತ್ ಬಸ್ಸಿನಿಂದ ಕೆಳಗೆ ಬಿದ್ದು ಹೋಗಿ ಗಂಭೀರವಾಗಿ ಗಾಯಗೊಂಡು ಚಿಕಿತ್ಸೆಗಾಗಿ ಸುಳ್ಳದ ಕೆ.ವಿ.ಜಿ ಆಸ್ವತ್ರಗೆ ದಾಖಲಿಸಿದ್ದು ಚಿಕಿತ್ಸೆ ಫಲಕಾರಿಯಗದೆ ಸದರಿಯವರು ಮೃತ ಮೃತಪಟ್ಟಿದ್ದು, ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

ಟೆಂಪೋ ಟ್ರಾವ್ಲರ್ ಮತ್ತು ಓಮ್ನಿ ಪರಸ್ಪರ ಡಿಕ್ಕಿ ಮೂವರಿಗೆ ಗಾಯ:
 
     ದಿನಾಂಕ 27-06-16ರಂದು ಮಡಿಕೇರಿ ತಾಲೂಕು ಕಾರುಗುಂದ ನಿವಾಸಿ ಪಿರ್ಯಾದಿ ಬಿ.ಎ. ದೇವಯ್ಯರವರು ತಮ್ಮ ಬಾಪ್ತು ಕೆಎ.12.ಎ. 9925ರ ಟೆಂಪೋ ಟ್ರಾವಲರ್ ವಾಹನದಲ್ಲಿ ಕುಟುಂಬಸ್ಥರೊಂದಿಗೆ ಚೇರಂಬಾಣೆಯಿಂದ ಗೋಣಿಕೊಪ್ಪದ ಕಡೆಗೆ ಹೋಗುತ್ತಿದ್ದಾಗ ಬಿಟ್ಟಂಗಾಲ ಗ್ರಾಮದ ಕೃಷಿ ಪತ್ತಿನ ಸಹಕಾರ ಸಂಘದ ಕಟ್ಟಡದ ಬಳಿ ಎದುರುಗಡೆಯಿಂದ ಕೆಎ.05.ಎನ್.5122ರ ಓಮಿನಿ ವ್ಯಾನನ್ನು ಅದರ ಚಾಲಕ ಅತೀವೇಗ ಹಾಗೂ ಅಜಾಗರೂಕತೆ ಯಿಂದ ಚಾಲನೆ ಮಾಡಿಕೊಂಡು ಬಂದು ಪಿರ್ಯಾದಿಯವರ ವಾಹನಕ್ಕೆ ಡಿಕ್ಕಿಪಡಿಸಿದ ಪರಿಣಾಮ ಎರಡು ವಾಹನದ ಮುಂಭಾಗ ಜಖಂಗೊಂಡಿರುವುದಲ್ಲದೆ, ಓಮಿನಿಯಲ್ಲಿದ್ದ ಶಾಂತಿ, ಅನೀಲ್ ಮತ್ತು ಪ್ರೀತಿ ರವರಿಗೆ ಗಾಯಗಳಾಗಿದ್ದು, ವಿರಾಜಪೇಟೆ ಗ್ರಾಮಾಂತರ ಪೊಲೀಸರು ಪ್ರಕರಣ ದಾಖಲಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ. 

ನಿಲ್ಲಿಸಿದ್ದ ಆಟೋ ರಿಕ್ಷಾಕ್ಕೆ ವ್ಯಾನ್ ಡಿಕ್ಕಿ, ನಾಲ್ವರಿಗೆ ಗಾಯ:

      ಸೋಮವಾರಪೇಟೆ ತಾಲೂಕು ಬಜೆಗುಂಡಿ ಗ್ರಾಮದ ನಿವಾಸಿ ಎಸ್. ಅಶ್ವತ್ ಎಂಬವರು ದಿನಾಂಕ 27-06-2016 ರಂದು ಪ್ರವೀಣ್ ಎಂಬವರ ಬಾಪ್ತು ಕೆಎ-12, 0827 ರ ಆಟೋ ರಿಕ್ಷಾದಲ್ಲಿ ಹೇಮಂತ್, ಜೀವನ್, ಕುಮಾರ್, ಶರತ್ ರವರನ್ನು ಕೂರಿಸಿಕೊಂಡು ಚಾಲನೆ ಮಾಡಿಕೊಂಡು ಬೇಳೂರು ಗಣಪತಿ ದೇವಸ್ಥಾನದ ಬಳಿ ಆಟೋ ರಿಕ್ಷಾವನ್ನು ರಸ್ತೆಯ ಎಡಭಾಗದಲ್ಲಿ ನಿಲ್ಲಿಸಿಕೊಂಡಿರುವಾಗ್ಗೆ, ಸಮಯ 09.00 ಗಂಟೆಗೆ ಹಿಂದಿನಿಂದ ಬಂದ ಕೆಎ-12, ಎ-4867 ರ ಚಿನ್ನು ಎಂಬ ಹೆಸರಿನ ವ್ಯಾನ್ ಚಾಲಕ ಪ್ರಕಾಶ್ ರವರು ವ್ಯಾನನ್ನು ಅತಿವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಫಿರ್ಯಾದಿಯವರು ನಿಲ್ಲಿಸಿಕೊಂಡಿದ್ದ ಆಟೋ ರಿಕ್ಷಾಕ್ಕೆ ಡಿಕ್ಕಿಪಡಿಸಿದ ಪರಿಣಾಮ ಆಟೋರಿಕ್ಷಾದಲ್ಲಿ ಕುಳಿತ್ತಿದ್ದ 4 ಜನರಿಗೆ ರಕ್ತಗಾಯ ಹಾಗೂ ನೋವುಂಟಾಗಿದ್ದು, ಈ ಸಂಬಂಧ ಸೋಮವಾರಪೇಟೆ ಪೊಲೀಸರು ಪ್ರಕರಣ ದಾಖಲಿಸಿ ಮುಂದಿನ ಕ್ರಮ ಜರುಗಿಸಿರುತ್ತಾರೆ.

Friday, June 17, 2016

ಜಾಗಕ್ಕೆ ಅಕ್ರಮ ಪ್ರವೇಶ, ಹಲ್ಲೆ:

         ದಿನಾಂಕ 16-6-2016ರಂದು ಬೆಳಿಗ್ಗೆ ಸಮಯ 8:30 ಗಂಟೆಗೆ ಆರೋಪಿಗಳಾದ ಬಾಣಾವರ ಗ್ರಾಮದ ನಿವಾಸಿಗಳಾದ ಶಿವಪ್ಪ, ಜಯಮ್ಮ, ನೀಲ, ಮತ್ತು ಮೀನಾಕ್ಷಿ ರವರು ಪಿರ್ಯಾದಿ ಪ್ರೇಮ ಎಂಬವರ ಜಾಗಕ್ಕೆ ಅಕ್ರಮ ಪ್ರವೇಶ ಮಾಡಿ ಹೊಲದಲ್ಲಿ ಉಳುಮೆ ಹಾಗೂ ಇತರೆ ಕೆಲಸಗಳನ್ನು ಮಾಡುತ್ತಿದ್ದು, ಅದನ್ನು ತಡೆಯಲು ಹೋದಾಗ ಆರೋಪಿಗಳೆಲ್ಲ ಸೇರಿ ಫಿರ್ಯಾದಿ ಪ್ರೇಮರವರ ಮೇಲೆ ಕೈಯಿಂದ ಹೊಡೆದು ಅವಾಚ್ಯ ಶಬ್ದಗಳಿಂದ ಬೈದ್ದು, ಎಳೆದಾಡಿ ಬಟ್ಟೆಗಳನ್ನು ಹರಿದು ಹಾಕಿ ಕೆಳಗೆ ಬೀಳಿಸಿ ಒದ್ದು, ತಾಳಿ ಜೈನನ್ನು ಆರೋಪಿ ನೀಲರವರು ಕಿತ್ತು ತೆಗೆದು ಕೊಂಡು ಹೋಗಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ಜೀವನದಲ್ಲಿ ಜಿಗುಪ್ಸೆ ವಿಷ ಸೇವಿಸಿ ವ್ಯಕ್ತಿ ಆತ್ಮಹತ್ಯೆ:

       ವಿರಾಜಪೇಟೆ ನಗರ ಠಾಣಾ ಸರಹದ್ದಿನ ನೆಹರು ನಗರ ನಿವಾಸಿ ಪಿರ್ಯಾದಿ ಎಂ.ಬಿ. ಬಾಬು ಎಂಬವರ ಮಗ ವಿಜು @ ವಿಷ್ಣು ಎಂಬುವರಿಗೆ ವಿಪರೀತ ಮದ್ಯ ಸೇವನೆ ಮಾಡುವ ಅಭ್ಯಾಸವಿದ್ದು, ಮದ್ಯಪಾನ ಮಾಡಿದರೆ ಮಾನಸಿಕ ಸ್ಥಿರತೆ ಇಲ್ಲದ ಸ್ಥಿತಿಯಲ್ಲಿ ವರ್ತಿಸುತ್ತಿದ್ದು, ಅದರಂತೆ ದಿನಾಂಕ 14-6-2016 ರಂದು ಪಿರ್ಯಾದಿಯವರ ಮಗ ವಿಜು @ ವಿಷ್ಣು ಎಂಬುವರು ಸೀತಾ ಲಕ್ಷ್ಮೀ ಲಾಡ್ಜ್ ನಲ್ಲಿ ರೂಮ್ ಮಾಡಿ ದಿನಾಂಕ 16-6-2016 ರಂದು 4-00 ಪಿಎಂ.ನಿಂದ 8-15 ಪಿ.ಎಂ.ನ ನಡುವಿನ ಅವಧಿಯ ಮಧ್ಯೆ ಮದ್ಯಪಾನ ಮಾಡಿ ಜೀವನದಲ್ಲಿ ಜಿಗುಪ್ಸೆಗೊಂಡು ಜೊತೆಯಲ್ಲಿ ಯಾವುದೋ ವಿಷ ಪದಾರ್ಥ ಸೇವಿಸಿ ಮೃತಪಟ್ಟಿರು ವುದಾಗಿದೆ. ಈ ಸಂಬಂಧ ವಿರಾಜಪೇಟೆ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

Thursday, June 16, 2016

ಕ್ಷುಲ್ಲಕ ಕಾರಣ ವ್ಯಕ್ತಿಯ ಮೇಲೆ ಹಲ್ಲೆ:

     ಸೋಮಾರಪೇಟೆ ತಾಲೂಕು ಜಂಬೂರು ಗ್ರಾಮದ ನಿವಾಸಿ ಫಿರ್ಯಾದಿ ಮಂಜುನಾಥ ಎಂಬವರು ದಿನಾಂಕ  14-06-2016 ರಂದು ಸಮಯ  ರಾತ್ರಿ  11  ಗಂಟೆಗೆ   ಅದೇ ಗ್ರಾಮದ  ನಾಗರಾಜು ಎಂಬುವವರ  ಮನೆಯ ಹತ್ತಿರ ಈ ಹಿಂದೆ ಫಿರ್ಯಾದಿ ತಾಯಿ ಸರಸುರವರಿಗೆ ಬೈದ ವಿಷಯವನ್ನು ಕೇಳಲು ಪಿರ್ಯಾದಿಯವರು ಅರೋಪಿಯ  ಮನೆಯ ಹತ್ತಿರ ಹೋಗಿ ಕೇಳಿದಾಗ  ನಿನಗೂ ಬೈಯ್ಯುತ್ತಿನಿ ಅದನ್ನು ಕೇಳಲು ನೀನು ಯಾರು ಎಂದು ಹೇಳಿ ಮನೆಯ ಮುಂದೆ ಇದ್ದ  ಒಂದು ರಿಪರ್ ಪೀಸ್ ನಿಂದ  ಪಿರ್ಯಾದಿಯ  ತಲೆ, ಬಲಕೈ ಮತ್ತು ಮುಖಕ್ಕೆ ಹಲ್ಲೆ ಮಾಡಿ ನೋವು ಪಡಿಸಿರುತ್ತಾರೆ ಎಂಬುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮಕೈಗೊಂಡಿದ್ದಾರೆ.

Wednesday, June 15, 2016

ಅಕ್ರಮ ಜೂಜಾಟ, 6 ಜನರ ಬಂಧನ
              ಅಕ್ರಮವಾಗಿ ಜೂಜಾಡುತ್ತಿದ್ದ ಪ್ರಕರಣವನ್ನು ಪತ್ತೆ ಹಚ್ಚಿದ ಪೊಲೀಸರು ಆರು ಜನರನ್ನು ಬಂಧಿಸಿರುವ ಘಟನೆ ಕುಶಾಲನಗರದ ಬಳಿಯ ಶಿರಂಗಾಲ ಗ್ರಾಮದಲ್ಲಿ ನಡೆದಿದೆ. ದಿನಾಂಕ 14/06/2016ರಂದು ಕುಶಾಲನಗರ ಬಳಿಯ ಶಿರಂಗಾಲ ಗ್ರಾಮದ ಬಳಿ ಅಕ್ರಮವಾಗಿ ಜೂಜಾಡುತ್ತಿರುವ ಕುರಿತು ದೊರೆತ ಮಾಹಿತಿಯ ಮೇರೆಗೆ ಕುಶಾಲನಗರ ಗ್ರಾಮಾಂತರ ಠಾಣಾ ಪಿಎಸ್‌ಐ ಜೆ.ಇ.ಮಹೇಶ್‌ರವರು ಸಿಬ್ಬಂದಿಗಳೊಂದಿಗೆ ಶಿರಂಗಾಲ ಗ್ರಾಮಕ್ಕೆ ತೆರಳಿದಾಗ ಗ್ರಾಮದ ಬಸ್‌ ತಂಗುದಾಣದ ಹಿಂಭಾಗದ ಕಾಡು ಸ್ಥಳದಲ್ಲಿ ಅಕ್ರಮವಾಗಿ ಜೂಜಾಡುತ್ತಿದ್ದ ಶಿರಂಗಾಲ ಗ್ರಾಮದ ಮಧು, ಶಿವ, ರಾಜ, ಮಹೇಶ ಮತ್ತು ಕಂಟೇನಹಳ್ಳಿಯ ಭೈರೇಗೌಡ ಮತ್ತು ರವಿ ಎಂಬವರನ್ನು ಬಂಧಿಸಿ ಪಣವಾಗಿಟ್ಟಿದ್ದ ರೂ.2550/-ಗಳನ್ನು ವಶಪಡಿಸಿಕೊಂಡು ಮೊಕದ್ದಮೆ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ನೇಣು ಬಿಗಿದುಕೊಂಡು ವ್ಯಕ್ತಿಯ ಆತ್ಮಹತ್ಯೆ 
                      ನೇಣು ಬಿಗಿದುಕೊಂಡು ವ್ಯಕ್ತಿಯೊಬ್ಬ ಆತ್ಮಹತ್ಯೆ ಮಾಡಿಕೊಂಡ ಘಟನೆ ಕುಟ್ಟ ಬಳಿಯ ಮಂಚಳ್ಳಿ ಗ್ರಾಮದಲ್ಲಿ ನಡೆದಿದೆ. ಮಂಚಳ್ಳಿ ಗ್ರಾಮದ ಅಜ್ಜಮಾಡ ಬೋಪಯ್ಯ ಎಂಬವರ ಲೈನು ಮನೆಯಲ್ಲಿ ವಾಸವಿರುವ ಜೇನುಕುರುಬರ ತಮ್ಮಯ್ಯ ಎಂಬವರು ದಿನಾಂಕ 13/06/2016ರಂದು ರಾತ್ರಿ ವೇಳೆ ಮನೆಯಿಂದ ಹೊರಗೆ ಬಂದು ಲೈನು ಮನೆಯ ಮಾಡಿನ ಕೌಕೋಲಿಗೆ  ನೇಣು  ಬಿಗಿದುಕೊಂಡು  ಆತ್ಮಹತ್ಯೆ ಮಾಡಿಕೊಂಡಿದ್ದು ಮೃತ ತಮ್ಮಯ್ಯ ಅತೀವ ಮದ್ಯವ್ಯಸನಿಯಾಗಿದ್ದು ಮದ್ಯದ ಅಮಲಿನಲ್ಲಿ ಪತ್ನಿಯು ಆತನನ್ನು ಬಿಟ್ಟು ಮಗಳ ಮನೆಗೆ ಹೋಗುವ ವಿಚಾರದಲ್ಲಿ ಬೇಸರಗೊಂಡಿದ್ದೇ ಆತ್ಮಹತ್ಯೆಗೆ ಕಾರಣವೆನ್ನಲಾಗಿದೆ. ಕುಟ್ಟ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

Tuesday, June 14, 2016

ಕಾಡಾನೆ ದಾಳಿ ವ್ಯಕ್ತಿ ಸಾವು:

     ಕಾಫಿ ತೋಟದಲ್ಲಿ ಕಾಡಾನೆಯ ದಾಳಿಗೆ ಕಾರ್ಮಿಕನೋರ್ವ ಸಾವನಪ್ಪಿದ ಘಟನೆ ಪೊನ್ನಂಪೇಟೆ ಠಾಣಾ ವ್ಯಾಪ್ತಿಯ ನೋಕ್ಯ ತಿತಿಮತಿ ಗ್ರಾಮದಲ್ಲಿ ನಡೆದಿದೆ. ನೋಕ್ಯ ತಿತಿಮತಿ ಗ್ರಾಮದ ನಿವಾಸಿ ಕೋದಂಡ ಮುತ್ತಣ್ಣ ಎಂಬವರ ಲೈನು ಮನೆಯಲ್ಲಿ ವಾಸವಾಗಿದ್ದ ಕೂಲಿ ಕಾರ್ಮಿಕ 55 ವರ್ಷ ಪ್ರಾಯದ ಮೋಹನರಾಜು ಎಂಬವರು ದಿನಾಂಕ 13-6-2016 ರಂದು ಬೆಳಿಗ್ಗೆ ತಮ್ಮ ಯಜಮಾನರ ಕಾಫಿ ತೋಟದಲ್ಲಿ ನಡೆದುಕೊಂಡು ಹೋಗುತ್ತಿದ್ದಾಗ ಆಕಸ್ಮಿಕವಾಗಿ ಕಾಡಾನೆಯೊಂದು ದಾಳಿ ನಡೆಸಿದ ಪರಿಣಾಮ ವಾಗಿ ಸದರಿ ಮೋಹನ ರಾಜುರವರು ಸ್ಥಳದಲ್ಲಿ ಸಾವನಪ್ಪಿದ್ದು, ಪೊನ್ನಂಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ. 

ಅಸ್ವಸ್ಥ ಅಪರಿಚಿತ ವ್ಯಕ್ತಿಯ ಸಾವು: 

      ಶ್ರೀಮಂಗಲ ಠಾಣಾ ಸರಹದ್ದಿನ ಕುಮಟೂರು ಗ್ರಾಮದ ಸಾರ್ವಜನಿಕ ರಸ್ತೆಯ ಬದಿಯಲ್ಲಿ ಒಬ್ಬ ಅಸ್ವಸ್ಥ 45-50 ವರ್ಷ ಪ್ರಾಯದ ಅಪರಿಚಿತ ವ್ಯಕ್ತಿಯೊಬ್ಬರು ಬಿದ್ದಿದ್ದು, ಅವರನ್ನು ಅದೇ ಗ್ರಾಮದ ನಿವಾಸಿ ಫಿರ್ಯಾದಿ ಕೋಳೆರ ಮಹೇಶ ರವರು ಶ್ರೀಮಂಗಲ ಸರ್ಕಾರಿ ಆಸ್ಪತ್ರಗೆ ಕರೆತಂದು ಚಿಕಿತ್ಸೆಗಾಗಿ ದಾಖಲಿಸಿದ್ದು ಚಿಕಿತ್ಸೆ ಫಲಕಾರಿಯಾಗದೆ ಆತ ಮೃತ ಪಟ್ಟಿದ್ದು ಶ್ರೀಮಂಗಲ ಪೊಲೀಸ್ ಠಾಣೆಯಲ್ಲಿ ಈ ಸಂಬಂಧ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

 ಹಳೆ ದ್ವೇಷ, ಮಹಿಳೆಯ ಮಾನಭಂಗಕ್ಕೆ ಯತ್ನ, ಹಲ್ಲೆ:

      ದಿನಾಂಕ 12-06-2016 ರಂದು ಸಮಯ ಮದ್ಯಾಹ್ನ 02.30 ಗಂಟೆಗೆ ಮಡಿಕೇರಿ ನಗರದ ಕನಕದಾಸ ರಸ್ತೆ ವಿಳಾಸದಲ್ಲಿ ವಾಸವಾಗಿರುವ ಪಿರ್ಯಾದಿ ಶ್ರೀಮತಿ ಜಮೀಲರವರು ತನ್ನ ಮನೆಯಲ್ಲಿರುವಾಗ್ಗೆ ಅವರ ಗಂಡನ ತಮ್ಮನಾದ ನಿಸಾರ್ ಎಂಬುವವರು ಬಂದು ಹಳೆ ದ್ವೇಷದಿಂದ ಮತ್ತು ಪಿರ್ಯಾದಿಯವರ ಮಗಳನ್ನು ಕುಂಬ್ರದಲ್ಲಿನ ಕಾಲೇಜಿಗೆ ಸೇರಿಸಿದ ಬಗ್ಗೆ ತನ್ನ ಮಾವನ ಜೊತೆಯಲ್ಲಿ ಮಾತನಾಡಿದ ವಿಚಾರದಲ್ಲಿ ಅಸಮಧಾನಗೊಂಡು ಪಿರ್ಯಾದಿಯವರ ಮಗಳು ಸಲ್ಪತ್ ರವರಿಗೆ ಅವಾಚ್ಯ ಶಬ್ದಗಳಿಂದ ಬೈದಿದ್ದು ಅಲ್ಲದೆ ಪಿರ್ಯಾದಿಯವರ ತಲೆ ಕೂದಲನ್ನು ಹಿಡಿದು ಎಳೆದಾಡಿ ಮಾನಭಂಗ ಮಾಡಲು ಪ್ರಯತ್ನಿಸಿದ್ದಲ್ಲದೆ, ಕೈಯಿಂದ ಕೆನ್ನೆಗೆ ಹೊಡೆದು, ಕೊಲೆ ಬೆದರಿಕೆ ಹಾಕಿರುತ್ತಾರೆ ಎಂದು ನೀಡಿದ ದೂರಿನ ಮೇರೆಗೆ ಮಡಿಕೇರಿ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಮನೆಯಿಂದ ಚಿನ್ನಾಭರಣ ಕಳವು:

     ಮಡಿಕೇರಿ ತಾಲೂಕು ಬೇತು ಗ್ರಾಮದ ನಿವಾಸಿ ಕೆ.ಸಿ. ಬೋಪಣ್ಣ ಎಂಬವರಿಗೆ ಸೇರಿದ ಬೇತು ಗ್ರಾಮದಲ್ಲಿವ ಮನೆಗೆ ದಿನಾಂಕ 10-06-2016 ರ ಬೆಳಗ್ಗೆ 09-00 ಗಂಟೆಯಿಂದ ಸಂಜೆ 6-00 ಗಂಟೆಯ ಮಧ್ಯದಲ್ಲಿ ಯಾರೋ ಕಳ್ಳರು ಮನೆಯೊಳಗೆ ನುಗ್ಗಿ ಮನೆಯ ಮಲಗುವ ಕೋಣೆಯಲ್ಲಿದ್ದ ಮರದ ಕಪಾಟಿನ ಬಾಗಿಲು ತೆರೆದು ಲಾಕರ್‌ನ ಬೀಗ ಮುರಿದು ಅದರೊಳಗಡೆಯಿಟ್ಟಿದ್ದ ಅಂದಾಜು ರೂ. 7,42,500/-(ರೂ. ಏಳು ಲಕ್ಷದ ನಲ್ವತ್ತೆರಡು ಸಾವಿರದ ಐನೂರು ಮಾತ್ರ) ಮೌಲ್ಯದ ಚಿನ್ನಾಭರಣಗಳನ್ನು ಕಳ್ಳತನ ಮಾಡಿಕೊಂಡು ಹೋಗಿದ್ದು, ನಾಪೋಕ್ಲು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

ಬೈಕಾ ಡಿಕ್ಕಿ ಪಾದಚಾರಿ ಮಹಿಳೆ ಸಾವು:

     ಕುಶಾಲನಗರ ನಗರದ ಕಾಳಮ್ಮ ಕಾಲೋನಿಯಲ್ಲಿ ವಾಸವಾಗಿರುವ ಹೆಚ್.ಕೆ. ಲಕ್ಷ್ಮಯ್ಯ ಎಂಬವರು ತನ್ನ ಮೊಮ್ಮಗ ತೇಜಸ್ವಿ ಎಂಬವನೊಂದಿಗೆ ದಿನಾಂಕ 11-6-2016 ರಂದು ಸಂಜೆ 7-45 ಗಂಟೆಗೆ ಕುಶಾಲನಗರದ ಕೊಪ್ಪ ಗೇಟ್ ಬಳಿ ವಾಯು ವಿಹಾರಕ್ಕೆಂದು ನಡೆದುಕೊಂಡು ಹೋಗುತ್ತಿದ್ದಾಗ ಹಿಂಬದಿಯಿಂದ ಬಂದ ಮೋಟಾರ್ ಸೈಕಲ್ ಸವಾರನೊಬ್ಬ ಸದರಿ ಮೋಟಾರ್ ಸೈಕಲ್ ನ್ನು ಅತೀ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಬಂದು ಫಿರ್ಯಾದಿ ಲಕ್ಷ್ಮಯ್ಯ ಹಾಗು ತೇಜಸ್ವಿರವರಿಗೆ ಡಿಕ್ಕಿಪಡಿಸಿದ ಪರಿಣಾಮವಾಗಿ ಇಬ್ಬರು ಗಾಯಗೊಂಡು ತೀವ್ರವಾಗಿ ಗಾಯಗೊಂಡ ತೇಜಸ್ವಿಯವರನ್ನು ಮೈಸೂರಿನ ಕೆ.ಆರ್. ಆಸ್ಪತ್ರೆಗೆ ದಾಖಲಿಸಿದ್ದು, ಅಲ್ಲಿ ಸದರಿಯವರು ಮೃತಪಟ್ಟಿದ್ದು, ಈ ಸಂಬಂಧ ಕುಶಾಲನಗರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

Monday, June 13, 2016

ವ್ಯಕ್ತಿಯ ಜಾತಿ ನಿಂದನೆ, ಕೊಲೆ ಬೆದರಿಕೆ:

     ದಿನಾಂಕ 12-06-16ರಂದು ಸಮಯ ರಾತ್ರಿ 8-00ಗಂಟೆಗೆ ಪಿರ್ಯಾದಿ ಹೆಚ್.ಬಿ. ಉಮೇಶ್, ಉಪವಲಯ ಅರಣ್ಯಾಧಿಕಾರಿ, ಮಾಕುಟ್ಟ ಇವರು ತನಿಖಾ ಠಾಣೆಯಲ್ಲಿ ಕರ್ತವ್ಯದ ಉಸ್ತುವಾರಿಯಲ್ಲಿರುವಾಗ್ಗೆ, ಜಗದೀಶ್, ದ್ವಿತೀಯ ದರ್ಜೆ ಸಹಾಯಕ ರವರು ವಿಪರೀತ ಮದ್ಯಪಾನ ಮಾಡಿ ಪಿರ್ಯಾದಿಯವರ ಮೇಲೆ ವಿನಾ ಕಾರಣ ಹಲ್ಲೆ ನಡೆಸಿ ಜಾತಿ ನಿಂದನೆಯನ್ನು ಮಾಡಿ ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದು ಅಲ್ಲದೆ ಗುಂಡು ಹೊಡೆದು ಸಾಯಿಸುತ್ತೇನೆ ಮತ್ತು ಕೆಲಸದಿಂದ ಸಪ್ಪೆಂಡ್ ಮಾಡಿಸುತ್ತೇನೆ ಎಂಬುದಾಗಿ ಬೆದರಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ. 
ಮೋಟಾರ್ ಸೈಕಲ್ ಗೆ ಕಾರು ಡಿಕ್ಕಿ ಇಬ್ಬರಿಗೆ ಗಾಯ:

     ಪರಿಯಾಪಟ್ಟಣ ತಾಲೂಕಿನ ಮುಮ್ಮುಕಾವಲು ಗ್ರಾಮದ ನಿವಾಸಿ ಎಂ. ಪ್ರಶಾಂತ್ ಎಂಬವರು ದಿನಾಂಕ 12/06/2016 ರಂದು ಅವರ ಸ್ನೇಹಿತ ಮಣಿಕಂಠರವರೊಂದಿಗೆ ಅವರ ಬಾಪ್ತು ನಂ. KA01EU2329 ರ ಮೋಟರು ಸೈಕಲ್ ನಲ್ಲಿ ಪಾಲಿಬೆಟ್ಟಕ್ಕೆ ಕಟ್ಟಡ ಕೆಲಸಕ್ಕೆ ಬಂದು ಕೆಲಸಮುಗಿಸಿಕೊಂಡು ವಾಪಾಸ್ಸು ಮನೆಗೆ ಹೋಗುತ್ತಿರುವಾಗ್ಗೆ ಮಾಲ್ದಾರೆ ಗ್ರಾಮದ ಗೂಡ್ಲೂರು ಜಂಕ್ಷನ್ ಬಳಿ ಸಮಯ 19.00 ಗಂಟೆಗೆ KA12-Z-4729 ರ ಕಾರಿನ ಚಾಲಕ ತನ್ನ ಕಾರನ್ನು ಅಜಾಗೂಕತೆಯಿಂದ ಚಾಲನೆ ಮಾಡಿಕೊಂಡು ಯಾವುದೇ ಸೂಚನೆ ನೀಡದೆ ಬಲಭಾಗಕ್ಕೆ ತಿರುಗಿಸಿ ಪಿರ್ಯಾದಿಯವರ ಮೋಟಾರ್ ಸೈಕಲ್ ಗೆ ಡಿಕ್ಕಿಪಡಿಸಿದ ಪರಿಣಾಮ ಪಿರ್ಯಾದಿ ಹಾಗೂ ಮೋಟಾರ್ ಸೈಕಲ್ ನಲ್ಲಿಂದ ಮಣಿಕಂಠ ರವರಿಗೆ ಶರೀರದ ಭಾಗಗಳಿಗೆ ಗಾಯನೋವುಂಟಾಗಿದ್ದು ಈ ಬಗ್ಗೆ ಸಿದ್ದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

Thursday, June 9, 2016

ವಿನಾಕಾರಣ ಮಹಿಳೆ ಮೇಲೆ ಕತ್ತಿಯಿಂದ ಹಲ್ಲೆ:

     ವಿರಾಜಪೇಟೆ ತಾಲೂಕು ಶ್ರೀಮಂಗಲ ಗ್ರಾಮದ ನಿವಾಸಿ ಫಿರ್ಯಾದಿ ಶ್ರೀಮತಿ ಪಣಿಎರವರ ಬೊಳಚಿ ಎಂಬವರು ದಿನಾಂಕ 31-5-2016 ರಂದು ನಾಥಂಗಾಲ ಗ್ರಾಮದಲ್ಲಿ ವಾಸವಾಗಿರುವ ತನ್ನ ಮಗಳ ಮನೆಗೆ ಹೋಗಿದ್ದು, ಅಲ್ಲೇ ಪಕ್ಕದಲ್ಲಿ ವಾಸವಾಗಿರುವ ಫಿರ್ಯಾದಿಯ ಅಕ್ಕನ ಮಗ ಕರ್ಪ ಫಿರ್ಯಾದಿ ಮಗಳ ಮನೆಗೆ ಬಂದು ವಿನಾ ಕಾರಣ ಜಗಳ ಮಾಡಿ ಕತ್ತಯಿಂದ ಹಲ್ಲೆ ಮಾಡಿ ಗಾಯಪಡಿಸಿದ್ದು, ದಿನಾಂಕ ನೋವು ಜಾಸ್ತಿಯಾದ ಕಾರಣ ಕುಟ್ಟ ಆಸ್ಪತ್ರೆಯಲ್ಲಿ ಚಿಕಿತ್ಸೆಗೆ ದಾಖಲಾಗಿ ನೀಡಿದ ದೂರಿನ ಮೇರೆಗೆ ಕುಟ್ಟ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.
Posted by P.Rajendra Prasad, IPS at 6:19 PM
Wednesday, June 8, 2016
ಜೀವನದಲ್ಲಿ ಜಿಗುಪ್ಸೆ ವ್ಯಕ್ತಿ ಆತ್ಮಹತ್ಯೆ:

       ವಿರಾಜಪೇಟೆ ತಾಲೂಕು, ತೋರ ಗ್ರಾಮದ ನಿವಾಸಿ ಹೆಚ್.ಟಿ, ಕೃಷ್ಣಪ್ಪ ಎಂಬವರ ಸಹೋದರ ವಸಂತ ಸುಮಾರು 18 ವರ್ಷಗಳ ಹಿಂದೆ ತೋರ ಗ್ರಾಮದ ಲತ ಎಂಬುವವರನ್ನು ಮದುವೆಯಾಗಿದ್ದು ಇವರಿಗೆ ಒಂದು ಗಂಡು ಮತ್ತು ಒಂದು ಹೆಣ್ಣು ಮಕ್ಕಳಿದ್ದು ಈಗ್ಗೆ 8 ವರ್ಷಗಳ ಹಿಂದೆ ವಸಂತನ ಪತ್ನಿ ವಂಸತನನ್ನು ಬಿಟ್ಟು ಅವರ ತಂದೆ ಮನೆಯಲ್ಲಿ ಇದ್ದು ಇದೇ ವಿಚಾರದಲ್ಲಿ ತುಂಬಾ ನೊಂದು ಜೀವನದಲ್ಲಿ ಜಿಗುಪ್ಸೆಗೊಂಡು, ದಿನಾಂಕ 7-6-2016 ರಂದು ಅವರ ಮನೆಯಲ್ಲಿ ಯಾರು ಇಲ್ಲದ ಸಮಯದಲ್ಲಿ ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದು, ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಕಾರು ಅಪಘಾತ ಒಬ್ಬರ ಸಾವು ಇಬ್ಬರಿಗೆ ಗಾಯ:

        ಚಾಲಕನ ನಿರ್ಲಕ್ಷ್ಯದಿಂದ ಕಾರು ಅಪಘಾತಕ್ಕೀಡಾಗಿ ವ್ಯಕ್ತಿಯೊಬ್ಬರು ಸಾವನಪ್ಪಿ ಇಬ್ಬರು ಗಾಯಗೊಂಡ ಘಟನೆ ನಡೆದಿದೆ. ವಿರಾಜಪೇಟೆ ತಾಲೂಕು ಕಡಂಗ ಮರೂರು ಗ್ರಾಮದ ನಿವಾಸಿ ಬಿ.ಎ. ಮಾದಯ್ಯ, ಸುಬ್ರಮಣಿ ಹಾಗು ಟಿಟು ಎಂಬವರು ದಿನಾಂಕ 7-6-2016 ರಂದು ಮಂಗಳೂರು ಕಡೆಯಿಂದ ಮಡಿಕೇರಿ ಕಡೆಗೆ ಕಾರಿನಲ್ಲಿ ಬರುತ್ತಿದ್ದಾಗ ಚಾಲಕ ಟಿಟುರವರು ಕಾರನ್ನು ಅತೀ ವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿದ ಪರಿಣಾಮವಾಗಿ ಸಂಪಾಜೆ ಬಳಿ ಕಾರು ರಸ್ತೆಬದಿಯ ತಡೆಬೇಲಿಗೆ ಡಿಕ್ಕಿಯಾಗಿ, ಕಾರಿನಲ್ಲಿ ಪ್ರಯಾಣಿಸುತ್ತಿದ್ದ ಸುಬ್ರಮಣಿಯವರಿಗೆ ತೀವ್ರತರದ ಗಾಯವಾಗಿ ಸ್ಥಳದಲ್ಲಿಯೇ ಮೃತಪಟ್ಟಿದ್ದು, ಬಿ.ಎ. ಮಾದಯ್ಯ ಹಾಗು ಚಾಲಕ ಟಿಟು ರವರು ಸಹ ಗಾಯಗೊಂಡಿರುತ್ತಾರೆ. ಈ ಸಂಬಂಧ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ. 

ಅಕ್ರಮ ಗಾಂಜಾ ವಶ, ವ್ಯಕ್ತಿಯ ಬಂಧನ:

       
ಕುಶಾಲನಗರ ಗ್ರಾಮಾಂತರ ಠಾಣಾ ಸರದಹ್ದಿನ ತೊರೆನೂರು ಗ್ರಾಮದಲ್ಲಿ ಅಕ್ರಮವಾಗಿ ಗಾಂಜಾವನ್ನು ವ್ಯಕ್ತಿಯೊಬ್ಬರು ಮಾರಾಟಮಾಡುತ್ತಿದ್ದುದನ್ನು ಪತ್ತೆ ಹಚ್ಚಿನ ಪೊಲೀಸರು, ತೊರೆನೂರು ಗ್ರಾಮದ ನಿವಾಸಿ ಆರೋಪಿ ಟಿ.ಕೆ. ಲಕ್ಷ್ಮಪ್ಪ ಎಂಬವರನ್ನು ವಶಕ್ಕೆ ಪಡೆದು ಅವರಿಂದ 12 ಗ್ರಾಂ ತೂಕದ 8 ಪ್ಯಾಕೇಟ್ ಗಳನ್ನು ವಶಕ್ಕೆ ಪಡೆದುಕೊಂಡು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ಹೊಟ್ಟೆನೋವಿನಿಂದ ಬಳಲುತ್ತಿದ್ದ ವ್ಯಕ್ತಿ ಆತ್ಮಹತ್ಯೆ:

         ಕೆಲವು ಸಮಯದಿಂದ ಹೊಟ್ಟೆನೋವಿನಿಂದ ಬಳಲುತ್ತಿದ್ದ ವ್ಯಕ್ತಿಯೋರ್ವರು ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡ ಬಗ್ಗೆ ವರದಿಯಾಗಿದೆ. ಸೋಮವಾರಪೇಟೆ ಠಾಣಾ ಸರಹದ್ದಿನ ಬಜೆಗುಂಡಿ ಗ್ರಾಮದ ನಿವಾಸಿ 56 ವರ್ಷ ಪ್ರಾಯದ ಮಣಿ ಎಂಬ ವ್ಯಕ್ತಿ ಕೆಲವು ಸಮಯದಿಂದ ಹೊಟ್ಟೆನೋವಿನಿಂದ ಬಳಲುತ್ತಿದ್ದು ಇದೇ ಕಾರಣದಿಂದ ಜೀವನದಲ್ಲಿ ಜಿಗುಪ್ಸೆಗೊಂಡು ವಿಷ ಸೇವಿಸಿ ಆತ್ಮಹತ್ಯೆ ಮಾಡುಕೊಂಡಿದ್ದು, ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಮೋಟಾರ್ ಸೈಕಲ್ ಗೆ ಬಸ್ ಡಿಕ್ಕಿ, ಮೃತಪಟ್ಟ ಸವಾರ:

         ಮಡಿಕೇರಿ ಗ್ರಾಮಾಂತರ ಠಾಣಾ ಸರಹದ್ದಿನ ಮದೆನಾಡು ಗ್ರಾಮದ ನಿವಾಸಿ ಬಾಲಕೃಷ್ಣ ಎಂಬವರು ದಿನಾಂಕ 7-6-2016 ರಂದು ತಮ್ಮ ಮೋಟಾರ್ ಸೈಕಲ್ ನಲ್ಲಿ ಕಲ್ಲುಗುಂಡಿಯಲ್ಲಿರುವ ತನ್ನ ಅತ್ತೆ ಮನೆಗೆ ಹೋಗುತ್ತಿರುವಾಗ ಎದುರುಗಡೆಯಿಂದ ಕೆ.ಎಸ್.ಆರ್.ಟಿ.ಸಿ. ಬಸ್ಸು ಮೋಟಾರ್ ಸೈಕಲ್ ಗೆ ಡಿಕ್ಕಿಯಾದ ಪರಿಣಾಮ, ಮೋಟಾರ್ ಸೈಕಲ್ ಸವಾರ ಬಾಲಕೃಷ್ಣ ರವರು ತೀವ್ರವಾಗಿ ಗಾಯಗೊಂಡು ಅವರನ್ನು ಆಸ್ಪತ್ರೆಗೆ ಸಾಗಿಸುವ ವೇಳೆ ಮೃತಪಟ್ಟಿದ್ದು, ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

ಅಪ್ರಾಪ್ತ ಹುಡುಗಿ ಕಾಣೆ ಅಪಹರಣ ಶಂಕೆ:

      ವಿರಾಜಪೇಟೆ ತಾಲೂಕು ಹೆಗ್ಗಳ ಗ್ರಾಮದ ನಿವಾಸಿ ಮೊಣ್ಣಪ್ಪ ಎಂಬವರ ಮಗಳಾದ ಜಮುನಾಳು ವಿರಾಜಪೇಟೆ ನಗರದ ಜ್ಯೂನಿಯರ್ ಕಾಲೇಜಿನಲ್ಲಿ 2ನೇ ಪಿಯುಸಿ ಯಲ್ಲಿ ವ್ಯಾಸಾಂಗ ಮಾಡುತ್ತಿದ್ದು, ದಿನಾಂಕ 04-06-16ರಂದು ಸಮಯ ರಾತ್ರಿ 20-00ಗಂಟೆಗೆ ಪಿರ್ಯಾದಿಯವರು, ಅವರ ಹೆಂಡತಿ ವನಿತಾ, ಹಾಗೂ ಮಕ್ಕಳಾದ ಮೋಹನ್ ಮತ್ತು ಜಗಧೀಶ್ ರವರೊಂದಿಗೆ ಊಟ ಮಾಡುತ್ತಿರುವಾಗ ಜಮುನಾಳು ಬಾತ್ ರೂಂಗೆ ಹೋಗಿ ಬರುವುದಾಗಿ ಹೇಳಿ ಹೋದವಳು ಸುಮಾರು 1/2 ಗಂಟೆಯಾದರೂ ವಾಪಾಸ್ಸು ಬಾರದೆ ಕಾಣೆಯಾಗಿದ್ದು ಈಕೆಯನ್ನು ಯಾರೋ ಅಪಹರಣ ಮಾಡಿರಬಹುದೆಂದು ಸಂಶಯವಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ. 

ಗಂಡನಿಂದ ಹೆಂಡತಿಯ ಕೊಲೆ:

      ಕುಡಿದ ಅಮಲಿನಲ್ಲಿ ಗಂಡ ಹೆಂಡತಿ ಜಗಳವಾಡಿ ಗಂಡ ತನ್ನ ಹೆಂಡತಿಯನ್ನು ದೊಣ್ಣೆಯಿಂದ ಹಲ್ಲೆ ಮಾಡಿ ಕೊಲೆ ಮಾಡಿದ ಘಟನೆ ಸಿದ್ದಾಪುರ ಠಾಣಾ ಸರಹದ್ದಿನ ಹಾಲುಗುಂದ ಗ್ರಾಮದಲ್ಲಿ ನಡೆದಿದೆ. ಪಣಿಎರವರ ಬೊಳ್ಳಿ ಮತ್ತು ಪತ್ನಿ ಗೌರು ಎಂಬವರು ಹಾಲುಗುಂದ ಗ್ರಾಮದ ಪಂದಿಕಂಡ ಬೋಪಣ್ಣ ಎಂಬವರ ಲೈನು ಮನೆಯಲ್ಲಿ ವಾಸವಾಗಿದ್ದು, ದಿನಾಂಕ 7-6-2016 ರಂದು ಸಂಜೆ ಇಬ್ಬರು ಮದ್ಯ ಸೇವಿಸಿ ಪರಸ್ಪರ ಜಗಳವಾಡಿಕೊಂಡಿದ್ದು, ಗಂಡ ಬೊಳ್ಳಿ ದೊಣ್ಣೆಯಿಂದ ಪತ್ನಿ ಗೌರು ಮೇಲೆ ಹಲ್ಲೆ ಮಾಡಿದ್ದು, ತೀವ್ರವಾಗಿ ಗಾಯಗೊಂಡ ಗೌರು ಸಾವನಪ್ಪಿದ್ದು, ಸಿದ್ದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

Tuesday, June 7, 2016

ಅಪ್ರಾತ್ತ ಬಾಲಕಿ ಕಾಣೆ ಪ್ರಕರಣ ದಾಖಲು:

     ಶಾಲೆಗೆ ಹೋಗುವ ವಿಚಾರದಲ್ಲಿ ಬೇಸರಗೊಂಡ 9ನೇ ತರಗತಿ ವಿದ್ಯಾರ್ಥಿಯೊಬ್ಬಳು ಕಾಣೆಯಾದ ಘಟನೆ ಮಡಿಕೇರಿ ತಾಲೋಕು ಬಾವಲಿ ಗ್ರಾಮದಲ್ಲಿ ನಡೆದಿದೆ. ಬಾವಲಿ ಗ್ರಾಮದ ನಿವಾಸಿ ಶ್ರೀಮತಿ ಬೇಬಿ ಎಂಬವರ ಮಗಳಾದ 15 ವರ್ಷ ಪ್ರಾಯದ ಹೆಚ್.ಇ. ಪ್ರಿಯಾ ಎಂಬಾಕೆ ಪಾರಣೆ ಪ್ರೌಢಶಾಲೆಯಲ್ಲಿ 9ನೇ ತರಗತಿಯಲ್ಲಿ ವ್ಯಾಸಂಗ ಮಾಡುತ್ತಿದ್ದು ಸದರಿ ಶಾಲೆಗೆ ಹೋಗಲು ಇಷ್ಟ ಇಲ್ಲದೇ ಇರುವ ಕಾರಣ ಬೇಸರಗೊಂಡಿದ್ದು ದಿನಾಂಕ 31-5-2015 ರಂದು ಪಕ್ಕದ ಮನೆಯ ನಿವಾಸಿ ಕವಿತಾ ಎಂಬವರಲ್ಲಿ ಹೋಗಿದ್ದು ಅಲ್ಲಿಂದ ಕಾಣೆಯಾಗಿರುತ್ತಾಳೆಂದು ನೀಡಿದ ದೂರಿನ ಮೇರೆಗೆ ನಾಪೋಕ್ಲು ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಜಾಗದ ವಿಚಾರದಲ್ಲಿ ಬೇಲಿ ಕಿತ್ತು ಹಾನಿ, ಕೊಲೆ ಬೆದರಿಕೆ:

     ಮಡಿಕೇರಿ ಗ್ರಾಮಾಂತರ ಠಾಣಾ ಸರಹದ್ದಿನ ಮೆಕೇರಿ ಗ್ರಾಮದ ನಿವಾಸಿ ಶ್ರೀಮತಿ ಜಯಲಕ್ಷ್ಮಿ ಎಂಬವರಿಗೆ ಸೇರಿದ ಜಾಗದಲ್ಲಿ ಅವರ ಮನೆ ಇದ್ದು ಸದರಿ ಜಾಗಕ್ಕೆ ಬೇಲಿಯನ್ನು ನಿರ್ಮಿಸಿಕೊಂಡಿದ್ದು, ಅದೇ ಗ್ರಾಮದ ಮೇಚನ ಚಿಣ್ಣಪ್ಪ ಎಂಬವರು ದಿನಾಂಕ 4-6-2016 ರಂದು ಮದ್ಯಪಾನ ಮಾಡಿಕೊಂಡು ಬಂದು ಜಾಗಕ್ಕೆ ಹಾಕಿದ ತಂತಿಬೇಲಿಯನ್ನು ಕಿತ್ತು ಹಾಕಿದ್ದು ಅಲ್ಲದೆ ಕತ್ತಿಯಿಂದ ಕಡಿದು ಕೊಲೆ ಮಾಡುವುದಾಗಿ ಜೀವ ಬೆದರಿಕೆ ಹಾಕಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ದ್ವೇಷದ ಹಿನ್ನೆಲೆ ದಾರಿ ತಡೆದು ವ್ಯಕ್ತಿ ಮೇಲೆ ಹಲ್ಲೆ:
     ವಿರಾಜಪೇಟೆ ಗ್ರಾಮಾಂತರ ಠಾಣಾ ಸರಹದ್ದಿನ ಅಮ್ಮತ್ತಿ ಕಾರ್ಮಾಡು ಗ್ರಾಮದ ನಿವಾಸಿ ಬಿ.ಎ. ದಿನೇಶ್ ಎಂಬವರನ್ನು ದಿನಾಂಕ 6-6-2016 ರಂದು ಅಮ್ಮತ್ತಿ ನಗರದಲ್ಲಿ ಆರೋಪಿಗಳಾದ ಮಧು, ಬೋಪಣ್ಣ, ಕೀರ್ತಿ ಮತ್ತು ಪವಿತ್ರ ಎಂಬವರು ದಾರಿ ತಡೆದು ನಿಲ್ಲಿಸಿ ಹಲ್ಲೆ ಮಾಡಿರುವ ಬಗ್ಗೆ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಕ್ಷುಲ್ಲಕ ಕಾರಣ ಕತ್ತಿಯಿಂದ ಕಡಿದು ವ್ಯಕ್ತಿಯ ಕೊಲೆ:

      ಕುಟ್ಟ ಠಾಣಾ ಸರಹದ್ದಿನ ನಾಲ್ಕೇರಿ ಗ್ರಾಮದ ನಿವಾಸಿ ಪಣಿಎರವರ ಕಾಳಿ ಎಂಬವರ ಗಂಡ ಚಾಣೆ ಎಂಬ ವ್ಯಕ್ತಿಯನ್ನು ಪಣಿ ಎರವರ ಚಿಣ್ಣ ಎಂಬ ವ್ಯಕ್ತಿ ಕ್ಷುಲ್ಲಕ ಕಾರಣಕ್ಕೆ ಕತ್ತಿಯಿಂದ ಕಡಿದು ಕೊಲೆ ಮಾಡಿದ್ದು, ಕುಟ್ಟ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಅಂಗಡಿ ಬಾಗಲು ಹೊಡೆದು ಕಳವು:

      ದಿನಾಂಕ 05.06.2016 ರಂದು ರಾತ್ರಿ 10.30ಗಂಟೆಗೆ ಮಡಿಕೇರಿ ನಗರದ ಶಾಂತಿನಿಕೇತನ ನಿವಾಸಿ ಪಿರ್ಯಾದಿ ಶ್ರೀಮತಿ ಪವಿತ್ರ ಎಂಬವರು ಸುಂಟಿಕೊಪ್ಪದಲ್ಲಿರುವ ತಮ್ಮ ಮೊಬೈಲ್ ಅಂಗಡಿಗೆ ಬೀಗ ಹಾಕಿ ಮನೆಗೆ ಹೋಗಿದ್ದು ದಿನಾಂಕ 06.06.2016 ರಂದು ಸಮಯ 10.15 ಎ ಎಮ್ ಗೆ ತನ್ನ ಮೊಬೈಲ್ ಅಂಗಡಿಗೆ ಬಂದು ಬಾಗಿಲು ತೆಗೆಯಲು ನೋಡಿದಾಗ ತನ್ನ ಅಂಗಡಿಗೆ ಹಾಕಿದ ಬೀಗ ವನ್ನು ಯಾರೋ ಒಡೆದಿರುವುದು ಕಂಡು ಬಂದಿದ್ದು, ಒಳಗೆ ಹೋಗಿ ಪರಶೀಲಿಸಿದಾಗ ಅಂಗಡಿಯ ಶೊಕೇಸ್ ನಲ್ಲಿದ್ದ ವಿವಿದ ಕಂಪೆನಿಯ 12 ಮೋಬೈಲ್ ಸೆಟ್ ಗಳು ಕಾಣೆಯಾಗಿದ್ದು ಅವುಗಳ ಮೌಲ್ಯ 51.199 ರೂ .ಅಲ್ಲದೆ ಡ್ರಾಯರ್ ನಲ್ಲಿದ ಚಿಲ್ಲರೆ ಹಣ 1,040 ರೂ ಹಾಗೂ ಡ್ರಾಯರ್ ನಲ್ಲಿದ್ದ ಪರ್ಸ್‌ ನಲ್ಲಿದ್ದ ರೂ 37,800 ಕಾಣೆಯಾಗಿದ್ದು ಎಲ್ಲಾ ಒಟ್ಟು ಸೇರಿ 90,039 ರೂ ಗಳಾಗಿರುತ್ತದೆ ಎಂದು ನೀಡಿದ ದೂರಿನ ಮೇರೆಗೆ ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

Monday, June 6, 2016

ಕಾರು ಮತ್ತು ಮಾರುತಿ ವ್ಯಾನ್ ಪರಸ್ಪರ ಡಿಕ್ಕಿ ಮೂವರಿಗೆ ಗಾಯ:
 
     ಮೈಸೂರು ನಗರದ ರಾಜೀವ ನಗರದ ನಿವಾಸಿಗಳಾದ ಫಿರ್ಯಾದಿ ಅಸ್ಲಂ ಪಾಷಾ ರವರು ತಮ್ಮ ಸಹೋದರ ಅಜಾಂ, ನಿಗಾರ್‌ ಸುಲ್ತಾನ, ಅಪ್ಸ ಮತ್ತು ಗುಲ್ನಾಸ್‌ ರವರುಗಳೊಂದಿಗೆ ಕೆಎ.13.ಸಿ.9696 ರ ಕಾರಿನಲ್ಲಿ ದಿನಾಂಕ 5-6-2016 ರಂದು ಮೈಸೂರಿನ ಕಡೆಗೆ ಹೋಗುತ್ತಿದ್ದಾಗ ತಿತಿಮತಿಯ ಮತ್ತಿಗೋಡು ಆನೆ ಕ್ಯಾಂಪ್‌ ಬಳಿ ಒಂದು ಮಾರುತಿ ಓಮಿನಿ ವ್ಯಾನ್‌ನ್ನು ಅದರ ಚಾಲಕ ಅಡ್ಡಾದಿಡ್ಡಿಯಾಗಿ ಅತೀವೇಗ ಮತ್ತು ಅಜಾಗರೂಕತೆಯಿಂದ ಚಾಲಿಸಿಕೊಂಡು ಹೋಗಿ ಅಸ್ಲಂ ಪಾಷಾರವರ ಕಾರಿಗೆ ಡಿಕ್ಕಿಪಡಿಸಿದ ಪರಿಣಾಮ ಕಾರಿನ ಮುಂಭಾಗ ಜಖಂಗೊಂಡು ಕಾರಿನಲ್ಲಿದ್ದ ನಿಗಾರ್‌ ಸುಲ್ತಾನ ಮತ್ತು ಅಪ್ಸರವರಿಗೆ ಗಂಭೀರ ಗಾಯಗಳಾಗಿದ್ದು, ಅಲ್ಲದೆ ಕಾರನ್ನು ಚಾಲನೆ ಮಾಡುತ್ತಿದ್ದ ಅಜಾಂ ಮತ್ತು ಫಿರ್ಯಾದಿಗೆ ಸಣ್ಣಪುಟ್ಟ ಪೆಟ್ಟಾಗಿರುವುದಾಗಿ ನೀಡಿದ ದೂರಿನ ಮೇರೆಗೆ ಪೊನ್ನಂಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ವ್ಯಕ್ತಿಯ ಜಾಗಕ್ಕೆ ಅಕ್ರಮ ಪ್ರವೇಶ, ಗೇಟ್ ಕಿತ್ತುಹಾಕಿ ಹಾನಿ:

     ಭಾಗಮಂಡಲ ಪೊಲೀಸ್ ಠಾಣಾ ವ್ಯಾಪ್ತಿಯ ಚೇರಂಗಾಲ ಗ್ರಾಮದ ನಿವಾಸಿ ಫಿರ್ಯಾದಿ ಮಂದಪಂಡ ಮಂದಣ್ಣರವರ ಜಾಗಕ್ಕೆ ದಿನಾಂಕ 4-6-2016 ರಂದು ಆರೋಪಿಗಳಾದ ಪಾಪಯ್ಯ ಹಾಗು ಇತರೆ 10 ಜನ ಕುಟುಂಬಸ್ತರು ಅಕ್ರಮ ಪ್ರವೇಶ ಮಾಡಿದ್ದು ಅಲ್ಲದೆ ಕಬ್ಬಿಣದ ಗೇಟನ್ನು ಕಿತ್ತು ಬಿಸಾಕಿ ಸುಮಾರು 3,000/- ರೂ. ಗಳನ್ನು ನಷ್ಟಪಡಿಸಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಭಾಗಮಂಡಲ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ. 

ಕೆಲಸಕ್ಕೆ ಹೋದ ವ್ಯಕ್ತಿ ಕಾಣೆ:

     ಗಾರೆ ಕೆಲಸಕ್ಕೆಂದು ಹೋದ ವ್ಯಕ್ತಿಯೊಬ್ಬರು ಕಾಣೆಯಾದ ಘಟನೆ ನಡೆದಿದೆ. ವಿರಾಜಪೇಟೆ ನಗರ ಠಾಣಾ ಸರಹದ್ದಿನ ಸುಂಕದಕಟ್ಟೆ, ಐಮಂಗಲ ಗ್ರಾಮದಲ್ಲಿ ವಾಸವಾಗಿರುವ ಶ್ರೀಮತಿ ಅನಿತ ಎಂಬವರ ಪತಿ ಸಂತೋಷ್ (29) ರವರು ದಿನಾಂಕ 1-6-2016 ರಂದು ಬೆಳಗ್ಗೆ ಗಾರೆ ಕೆಲಸಕ್ಕೆ ಹೋಗಿದ್ದು ಮರಳಿ ಮನೆಗೆ ಬಾರದೆ ಕಾಣೆಯಾಗಿದ್ದು, ವಿರಾಜಪೇಟೆ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

ಅನಾರೋಗ್ಯದ ಹಿನ್ನಲೆ ವ್ಯಕ್ತಿ ಆತ್ಮಹತ್ಯೆ:

     ಸುಂಟಿಕೊಪ್ಪ ಠಾಣಾ ಸರಹದ್ದಿನ ಗರಗಂದೂರು ಗ್ರಾಮದ ನಿವಾಸಿ ರುಕುಮಯ್ಯ ಎಂಬವರು ಅನಾರೋಗ್ಯದಿಂದ ಬಳಲುತ್ತಿದ್ದು ಇದೇ ಕಾರಣಕ್ಕೆ ಜೀವನದಲ್ಲಿ ನೊಂದು ದಿನಾಂಕ 4-6-2016 ರಂದು ತಮ್ಮ ಮನೆಯಲ್ಲಿ ಯಾರು ಇಲ್ಲದ ಸಮಯದಲ್ಲಿ ಕುತ್ತಿಗೆಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು, ಸುಂಟಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
 
Posted by P.Rajendra Prasad, IPS at 5:14 PM
Sunday, June 5, 2016
 
ಅಕ್ರಮ ಪ್ರವೇಶ, ಕೊಲೆ ಬೆದರಿಕೆ:

     ಸಿದ್ದಾಪುರ ಠಾಣಾ ಸರಹದ್ದಿನ ಯಡೂರು ಗ್ರಾಮದ ನಿವಾಸಿ ಡಾ:ಐಯ್ಯಂಡ ಬೋಪಣ್ಣ ನವರಿಗೆ ಸೇರಿದ ಜಾಗಕ್ಕೆ ಆರೋಪಿಗಳಾದ ಬಿ.ಟಿ. ಕುಟ್ಟಪ್ಪ ಎಂಬವರು ಅಕ್ರಮ ಪ್ರವೇಶ ಮಾಡಿ ಜಾಗದಲ್ಲಿ ಕೆಲಸ ಮಾಡುತ್ತಿದ್ದ ವ್ಯಕ್ತಿಗಳನ್ನು ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದು, ಅದೇ ಸಮಯದಲ್ಲಿ ಫಿರ್ಯಾದಿ ಡಾ: ಐಯ್ಯಂಡ ಬೋಪಣ್ಣನವರು ಅಲ್ಲಿಗೆ ಹೋದಾಗ ಅವರಿಗೂ ಬೈದು ಜಾಗಕ್ಕೆ ನಿರ್ಮಿಸಿದ್ದ ಸಿಮೆಂಟ್ ಕಂಬಗಳನ್ನು ಕಿತ್ತು ನಷ್ಟ ಪಡಿಸಿ, ಕೊಲೆ ಬೆದರಿಕೆ ಹಾಕಿರುವುದಾಗಿ ನೀಡಿದ ದೂರಿನ ಮೇರೆಗೆ ಸಿದ್ದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ವರದಕ್ಷಿಣೆ ಕಿರುಕುಳ ಪ್ರಕರಣ ದಾಖಲು:

     ಗೋಣಿಕೊಪ್ಪ ಠಾಣಾ ಸರಹದ್ದಿನ ಬೆಮ್ಮತ್ತಿ ಧನುಗಾಲ ಗ್ರಾಮದ ನಿವಾಸಿ ಫಿರ್ಯಾದಿ ಯು.ಸಮೀನಾ ರವರು ದಿನಾಂಕ 26/05/2011 ರಂದು ಗೋಣಿಕೊಪ್ಪಲಿನ ಹರಿಶ್ಚಂದ್ರಪುರದ ಮದರಸದಲ್ಲಿ ಮುಸ್ಲಿಂ ಸಂಪ್ರದಾಯದ ಪ್ರಕಾರ ಅಜೀಜ್ ಎಂಬವರನ್ನು ವಿವಾಹವಾಗಿದ್ದು ವಿವಾಹದ ಸಮಯದಲ್ಲಿ ಪಿರ್ಯಾದಿಯವರ ಪೋಷಕರು ಅಜೀಜ್ ಮತ್ತು ಆತನ ತಂದೆಯ ಬೇಡಿಕೆಯಂತೆ ವರದಕ್ಷಿಣೆ ರೂಪದಲ್ಲಿ 3 ಲಕ್ಷ ಹಣ, ಹಾಗೂ 200 ಗ್ರಾಂ ಚಿನ್ನವನ್ನು ನೀಡಿದ್ದು ಸ್ವಲ್ಪ ದಿನಗಳ ನಂತರ ಪುನಃ ವರದಕ್ಷಿಣೆಗಾಗಿ ಪೀಡಿಸುತ್ತಿದ್ದಾಗ 1.50 ಲಕ್ಷ ರೂಗಳನ್ನು ಪಿರ್ಯಾದಿಯವರ ತಂದೆಯವರು ನೀಡಿದ್ದು ನಂತರ ಪಿರ್ಯಾದಿಯವರೊಂದಿಗೆ ಅಜೀಜ್ ರವರು ಸ್ವಲ್ಪ ದಿನ ಚೆನ್ನಾಗಿದ್ದು ಇವರಿಗೆ ಒಂದು ಗಂಡು ಮಗು ಇರುತ್ತದೆ. ನಂತರ ದಿನಗಳಲ್ಲಿ ಪಿರ್ಯಾದಿಯವರ ಮಾವ ಅಬ್ದುಲ್ಲಾ ರವರು ಪಿರ್ಯಾದಿಯವರಿಗೆ ಲೈಂಗಿಕ ಕಿರುಕುಳ ನೀಡಲು ಪ್ರಾರಂಬಿಸಿದ್ದು ಇದಕ್ಕೆ ಪಿರ್ಯಾದಿಯವರು ಪ್ರತಿರೋಧ ವ್ಯಕ್ತ ಪಡಿಸಿದ್ದಾಗ ಪಿರ್ಯಾದಿಯವರ ಮಾವ ಮತ್ತು ಗಂಡ ಒಂದೆರಡು ಬಾರಿ ಹಲ್ಲೆ ಮಾಡಿದ್ದು ಮತ್ತು ಅತ್ತೆ ಖತೀಜ, ನಾದಿನಿ ಸಮೀರಾ, ಮತ್ತು ಸಮೀರಾತರವರ ಗಂಡ ಹ್ಯಾರೀಸ್ ರವರು ಮಾನಸಿಕ ಹಿಂಸೆ ನೀಡುತ್ತಿದ್ದು ಇದರಿಂದ ನೊಂದು ತವರು ಮನೆಗೆ ಬಂದ ಫಿರ್ಯಾದಿಯನ್ನು ದಿನಾಂಕ 30/04/2016 ರಂದು ಫಿರ್ಯಾದಿಗೆ ದೂರವಾಣಿ ಕರೆ ಮಾಡಿ ಅವಾಚ್ಯ ಶಬ್ದಗಳಿಂದ ಬೈಯ್ದು ನೀನು ನನ್ನ 2ನೆಯ ಮದುವೆಗೆ ತಡೆಯೊಡ್ಡಿದರೆ ನಿನ್ನನ್ನು ಆಕ್ಸಿಡೆಂಟ್ ಮುಖಾಂತರ ಮುಗಿಸುತ್ತೇನೆ ಎಂದು ಕೊಲೆ ಬೆದರಿಕೆ ಹಾಕಿರುತ್ತಾರೆ ಎಂದು ನೀಡಿದ ದೂರಿನ ಮೇರೆಗೆ ಗೋಣಿಕೊಪ್ಪ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ. 
ಯುವತಿ ಮೇಲೆ ಅತ್ಯಾಚಾರ: 

     ಸೋಮವಾರಪೇಟೆ ಠಾಣಾ ಸರಹದ್ದಿನ ವಳಗುಂದ ಗ್ರಾಮದ ನಿವಾಸಿ ಚಂದ್ರಶೇಖರ್ ಎಂಬವರ 20 ವರ್ಷ ಪ್ರಾಯದ ಮಗಳಾದ ವಿ.ಸಿ. ಪವಿತ್ರ ಎಂಬಾಕೆಯು ದಿನಾಂಕ 31.05.2016 ರಂದು ಸಮಯ ರಾತ್ರಿ 10:00 ಗಂಟೆಗೆ ತನ್ನ ತಾಯಿಯೊಂದಿಗೆ ಮದುವೆಯ ವಿಚಾರದಲ್ಲಿ ಜಗಳ ಮಾಡಿಕೊಂಡು ಮನೆ ಬಿಟ್ಟು ಬಂದು ಆತ್ಮಹತ್ಯೆ ಮಾಡಿಕೊಳ್ಳುವ ಸಲುವಾಗಿ ಸೋಮವಾರಪೇಟೆಗೆ ಬಂದು ಹೊನ್ನಮ್ಮನ ಕೆರೆಗೆ ಆಟೋದಲ್ಲಿ ಹೋಗುವಾಗ ಆಟೋ ಚಾಲಕ ತೇಜು ಎಂಬುವನು ನೀನು ಆತ್ಮಹತ್ಯೆ ಮಾಡಿಕೊಳ್ಳುವುದು ಬೇಡ ಎಂದು ಹೇಳಿ ನೀನು ನನ್ನೊಂದಿಗೆ ಬಾ ಎಂದು ಆಟೋವನ್ನು ಸೋಮವಾರಪೇಟೆಯ ಮಡಿಕೇರಿ ರಸ್ತೆಯ ಬಳಿ ಇರುವ ತೋಟದ ಹತ್ತಿರ ಕರೆದುಕೊಂಡು ಹೋಗಿ ಮೈ ಮೇಲಿದ್ದ ಬಟ್ಟೆಯನ್ನು ಬಿಚ್ಚಿ, ಅತ್ಯಾಚಾರ ಮಾಡಿರುತ್ತಾನೆಂದು ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

Friday, June 3, 2016

ಮಹಿಳೆ ಮಾನಭಂಗಕ್ಕೆ ಯತ್ನ: 

      ಸೋಮವಾರಪೇಟೆ ತಾಲೂಕು ಹಾನಗಲ್ಲು ಗ್ರಾಮದ ನಿವಾಸಿ ವಿಶ್ವನಾಥ ಎಂಬವರ ಪತ್ನಿ ಶ್ರೀಮತಿ ತುಳಸಿ ಯವರು ದಿನಾಂಕ 02-06-2016 ರಂದು ಸಮಯ 11.00 ಗಂಟೆಗೆ ತನ್ನ ಮನೆಯಲ್ಲಿರುವಾಗ್ಗೆ ಅದೇ ಗ್ರಾಮದ ನಿವಾಸಿ ಸುರೇಶ ಎಂಬ ವ್ಯಕ್ತಿ ಮನೆಯ ಒಳಗೆ ಬಂದು ಮನೆಯೊಳಗೆ ಆಟವಾಡಿಕೊಂಡಿದ್ದ ಪಕ್ಕದ ಮನೆಯ ರೀತು ಎಂಬ ಬಾಲಕಿಯನ್ನು ಮನೆಯಿಂದ ಹೊರಗೆ ಕಳುಹಿಸಿ ಮನೆಯ ಮುಂದಿನ ಬಾಗಿಲು ಹಾಕಿ ಶ್ರೀಮತಿ ತುಳಸಿಯವರ ಕೈಯನ್ನು ಹಿಡಿದು ಮಲಗುವ ಕೋಣೆಗೆ ಎಳೆದು ಕೊಂಡು ಹೋಗಿ ಬಟ್ಟೆಗಳನ್ನು ಎಳೆದು ಹಾಕಿ ಎದೆಯ ಭಾಗಕ್ಕೆ ಕೈ ಹಾಕಿ ಪರಚಿ ಕೈಯಿಂದ ಫಿರ್ಯಾದಿಯವರ ಎಡ ಕೆನ್ನೆಗೆ ಹೊಡೆದು ಕೂದಲನ್ನು ಹಿಡಿದು ಎಳದಾಡಿ ಮಾನಭಂಗಕ್ಕೆ ಯತ್ನಿಸಿದ್ದಾರೆಂದು ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಪೊಲೀಸರು ಪ್ರಕರಣವನ್ನು ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.

ಅಪ್ರಾಪ್ತ ವಯಸ್ಸಿನ ಹುಡುಗಿ ಕಾಣೆ: 

     ವಿರಾಜಪೇಟೆ ಗ್ರಾಮಾಂತರ ಠಾಣಾ ವ್ಯಾಪ್ತಿಯ ಹೆಗ್ಗಳ ಗ್ರಾಮದ ಬೂದಿಮಾಳ ಎಂಬಲ್ಲಿ ವಾಸವಾಗಿರುವ ಫಿರ್ಯಾದಿ ಹೆಚ್.ಎ ರಾಯ್ ಎಂಬವರ ಮಗಳು ಧಾಮಿನಿಯು 9ನೇ ತರಗತಿ ವ್ಯಾಸಾಂಗ ಮಾಡುತ್ತಿದ್ದು, ದಿನಾಂಕ 31-05-16ರಂದು ಪಿರ್ಯಾದಿ, ಅವರ ಹೆಂಡತಿ ಶಾಲಿನಿ, ಮಗಳು ಧಾಮಿನಿ ಹಾಗೂ ಮಗ ಪೂವಣ್ಣ, ರವರು ರಾತ್ರಿ ಊಟ ಮಾಡಿ ಮಲಗಿದ್ದು, ದಿನಾಂಕ 01-06-16ರಂದು ಬೆಳಿಗ್ಗೆ 06-00ಗಂಟೆಗೆ ಎದ್ದು ನೋಡುವಾಗ ಪಿರ್ಯಾದಿಯವರ ಮಗಳು ಧಾಮಿನಿಯು ಮನೆಯಲ್ಲಿ ಇಲ್ಲದೆ ಕಾಣೆಯಾಗಿರುತ್ತಾಳೆಂದು ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂಗತ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

ಬುದ್ದಿ ಭ್ರಮಣೆಗೊಂದ ವ್ಯಕ್ತಿ ಆತ್ಮಹತ್ಯೆ: 

     ವಿರಾಜಪೇಟೆ ಗ್ರಾಮಾಂತರ ಠಾಣಾ ಸರಹದ್ದಿನ ಕಂಡಂಗಾಲ ಗ್ರಾಮದ ನಿವಾಸಿ ಸಿ.ಟಿ. ಸುಬ್ಬಯ್ಯ ಎಂಬವರ ಮಗ ಭೀಮಯ್ಯ@ ಬಿಪಿನ್ ನು ದಿನಾಂಕ 01-06-16 ರಂದು ಊರಿನಲ್ಲಿ ಬೇಡು ಪಾರಣ ಹಬ್ಬದಲ್ಲಿ ದೇವರ ವೇಷವನ್ನು ಹಾಕಿದ್ದು, ಹಬ್ಬ ಮುಗಿದು ರಾತ್ರಿ ಸಮಯ ಸುಮಾರು 8-00ಪಿ.ಎಂ.ಗೆ ಮನೆಗೆ ಬಂದು ಬುದ್ದಿ ಭ್ರಮಣೆ ಯಾದಂತೆ ವರ್ತಿಸುತ್ತಿದ್ದು ನಂತರ ಅಂದು ರಾತ್ರಿ ಸಮಯ 9-30ಪಿ.ಎಂ.ಗೆ ಮನೆಯಿಂದ ಹೊರಗಡೆ ಓಡಿ ಹೋಗಿ ಪಿರ್ಯಾದಿಯವರ ಗದ್ದೆಯಲ್ಲಿರುವ ಕೆರೆಗೆ ಹಾರಿ ಆತ್ಮಹತ್ಯೆ ಮಾಡಿ ಕೊಂಡಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

ದಾರಿ ತಡೆದು ವ್ಯಕ್ತಿ ಮೇಲೆ ಹಲ್ಲೆ: 

     ಸೋಮವಾರಪೇಟೆ ತಾಲೂಕು ಬಾಣವಾರ ಗ್ರಾಮದ ನಿವಾಸಿ ಅನಿಲ ಎಂಬವರು ದಿನಾಂಕ 01-06-2016 ರಂದು ಮೊಟಾರ್ ಸೈಕಲಿನಲ್ಲಿ ಹಿಂಬದಿಯಲ್ಲಿ ತನ್ನ ತಮ್ಮ ಸುನಿಲ ನನ್ನು ಕೂರಿಸಿಕೊಂಡು ಸೋಮವಾರಪೇಟೆ ನಗರದಿಂದ ಬಾಣವಾರ ರಸ್ತೆಯಲ್ಲಿ ಹೋಗುತ್ತಿರುವಾಗ ಆರೋಪಿಗಳಾದ ಸಂತೋಷ ಹಾಗು ಆತನ ಗೆಳೆಯ ಕೆಎ-46 ಇ-6722 ರ ಮೋಟಾರ್ ಸೈಕಲಿನಲ್ಲಿ ಬಂದು ಅನಿಲ್ ರವರ ಬೈಕನ್ನು ಅಡ್ಡಗಟ್ಟಿ ಬೈಕಿನ ಡೂಮ್ ಹೊಡೆದು ಹಾಕಿ ಅನಿಲ್ ರವರ ತಮ್ಮನ ಮೇಲೆ ಕೈಯಿಂದ ಹಲ್ಲೆ ನಡೆಸಿ ಮೊಬೈಲನ್ನು ಒಡೆದು 6,000 ನಷ್ಟ ಪಡಿಸಿರುವುದಾಗಿ ನೀಡಿದ ದೂರಿನ ಮೇರೆಗೆ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ. 

ಖಾಸಗಿ ಬಸ್ಸಿಗೆ ಸರ್ಕಾರಿ ಬಸ್ಸು ಡಿಕ್ಕಿ, 

     ವಿರಾಜಪೇಟೆ ಗ್ರಾಮಾಂತರ ಠಾಣಾ ಸರಹದ್ದಿನ ಬಿಟ್ಟಂಗಾಲ ಗ್ರಾಮದ ಸಾರ್ವಜನಿಕ ರಸ್ತೆಯಲ್ಲಿ ಫಿರ್ಯಾದಿಯವರು ತಾವು ಕರ್ತವ್ಯ ನಿರ್ವಹಿಸುತ್ತಿದ್ದ ಸರ್ಕಾರಿ ಬಸ್ಸನ್ನು ವಿರಾಜಪೇಟೆ ಕಡೆಯಿಂದ ಬೆಂಗಳೂರು ಕಡೆಗೆ ಚಾಲಿಸಿಕೊಂಡು ಹೋಗುತ್ತಿದ್ದಾಗ ಖಾಸಗಿ ಬಸ್ಸೊಂದು ಡಿಕ್ಕಿಯಾಗಿದ್ದು, ಎರಡೂ ಬಸ್ಸುಗಳು ಜಖಂಗೊಂಡಿರುವುದಾಗಿ ನೀಡಿದ ದೂರಿನ ಮೇರೆಗೆ ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

Thursday, June 2, 2016

ಕಾರಿಗೆ ಲಾರಿ ಡಿಕ್ಕಿ ನಾಲ್ವರಿಗೆ ಗಾಯ:


     ದಿನಾಂಕ 01.06.2016 ರಂದು ಮಡಿಕೇರಿ ನಗರದ ಸುದರ್ಶನ ವೃತ್ತದ ಬಳಿ ವಾಸವಾಗಿರುವ ಪಿರ್ಯಾದಿ ಎನ್. ಬಿ. ನಾಗೇಶ ಎಂಬವರು ಅವರ ಬಾಪ್ತು ಕಾರು ನಂ. ಕೆಎ-12ಎನ್-6977 ರ ಕಾರಿನಲ್ಲಿ ಮೈಸೂರಿನಿಂದ ಮಡಿಕೇರಿಗೆ ಬರುತ್ತಿದ್ದು ಬೋಯಿಕೇರಿ ಗ್ರಾಮದ ತಿರುವು ರಸ್ತೆಯಲ್ಲಿ ತಲುಪಿದಾಗ ಎದುರು ಗಡೆಯಿಂದ ಕೆಎ-05ಎಸಿ-4533 ರ ಲಾರಿ ಚಾಲಕನು ಲಾರಿಯನ್ನುಅದರ ಅತೀವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಬಂದು ಪಿರ್ಯಾದಿಯವರ ಕಾರಿಗೆ ಡಿಕ್ಕಿ ಪಡಿಸಿದ ಪರಿಣಾಮ ಕಾರಿನಲ್ಲಿದ್ದ ನಾಗೇಶ್, ಚಂದ್ರಕಲಾ, ನಿಶ್ಮ, ಕೌಶಿಕ್‌ ರವರಿಗೆ ಗಾಯಗಳಾಗಿ ಕಾರು ಜಖಂಗೊಂಡಿರುವುದಾಗಿ ನೀಡಿದ ದೂರಿನ ಮೇರೆಗೆ ಮಡಿಕೇರಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

ನಗರ ಸಭಾ ಸದಸ್ಯೆಯ ದಾರಿ ತಡೆದು ಕೊಲೆ ಬೆದರಿಕೆ:

     ಮಡಿಕೇರಿ ನಗರದ ದೇಚೂರು ನಿವಾಸಿ ಪಿರ್ಯಾದಿ ಶ್ರೀಮತಿ ಲಕ್ಷ್ಮೀ ರವರು ನಗರ ಸಭೆ ಸದಸ್ಯರಾಗಿದ್ದು, ದಿನಾಂಕ 01-06-2016 ರಂದು ಸಮಯ ಬೆಳಿಗ್ಗೆ 10.45 ಗಂಟೆಗೆ ತಮ್ಮ 9ನೇ ವಾರ್ಡಿನ ಫಾತಿಮ ಎಂಬುವವರ ಮನೆ ಕೆಲಸವನ್ನು ನೋಡಲೆಂದು ಭಗವತಿ ನಗರಕ್ಕೆ ಹೋದಾಗ ಫಾತಿಮ ಎಂಬುವವರ ಮನೆಯ ಹಿಂಭಾಗದಲ್ಲಿ ವಾಸವಿರುವ ಆರೋಪಿಗಳಾದ ಶೇಕ್ ಅಬ್ದುಲ್ ರೆಹಮಾನ್ ಮತ್ತು ಅಸ್ಮತ್ ರವರು ಪಿರ್ಯಾದಿಯವರನ್ನು ದಾರಿ ತಡೆದು ನಿಲ್ಲಿಸಿ, ಅವಾಚ್ಯ ಶಬ್ದಗಳಿಂದ ಬೈದು, ಕತ್ತಿಯಿಂದ ಕಡಿದು ಸಾಯಿಸುತ್ತೇನೆಂದು ಕೊಲೆ ಬೆದರಿಕೆ ಹಾಕಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಮಡಿಕೇರಿ ನಗರ ಠಾಣೆಯಲ್ಲಿ ಪ್ರರರಣ ದಾಖಲಾಗಿದೆ.

Wednesday, June 1, 2016

ತಂದೆಯಿಂದಲೇ ಮಗನ ಹತ್ಯೆ:
        
     ವ್ಯಕ್ತಿಯೊಬ್ಬರು ತನ್ನ ಮಡದಿಯೊಂದಿಗೆ ಜಗಳ ಮಾಡುತ್ತಿದ್ದುದನ್ನು ಬಿಡಿಸಲು ಹೋದ ಮಗನನ್ನು ತಂದೆಯೇ ಹತ್ಯೆ ಮಾಡಿದ ಘಟನೆ ನಡೆದಿದೆ. ಸೋಮವಾರಪೇಟೆ ಠಾಣಾ ಸರಹದ್ದಿನ ಶಾಂತಳ್ಳಿ ಗ್ರಾಮದಲ್ಲಿ ಪಿರ್ಯಾದಿ ಶ್ರೀಮತಿ ಎಸ್.ಎಲ್. ಲಲಿತ ರವರು ಗಂಡ ಲೊಕೇಶ ಮತ್ತು ಮಗ ಕಿರಣ್ ನೊಂದಿಗೆ ವಾಸವಾಗಿದ್ದು ಫಿರ್ಯಾದಿ ಗಂದ ಲೋಕೇಶನಿಗೆ ಕುಡಿಯುವ ಚಟವಿದ್ದು ಪ್ರತಿ ದಿನ ಮದ್ಯಪಾನ ಮಾಡಿ ಮನೆಯಲ್ಲಿ ಜಗಳ ಮಾಡುತ್ತಿದ್ದು, ದಿನಾಂಕ 29.05.2016 ರಂದು ರಾತ್ರಿ ಸದರಿ ವ್ಯಕ್ತಿ ಮದ್ಯಪಾನ ಮಾಡಿ ತನ್ನ ಪತ್ನಿ ಫಿರ್ಯಾದಿಯೊಂದಿಗೆ ಜಗಳ ಮಾಡುತ್ತಿದ್ದುದನ್ನು ತಡೆಲು ಹೋದ ಮಗ ಕಿರಣ್ ಮೇಲೆ ಚಾಕುವಿನಿಂದ ಹಲ್ಲೆ ನಡೆಸಿ ಕೊಲೆ ಮಾಡಿದ್ದು, ಈ ಸಂಬಂಧ ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಜೀವನದಲ್ಲಿ ಜಿಗುಪ್ಸೆ, ವ್ಯಕ್ತಿ ಆತ್ಮಹತ್ಯೆ:

     ಸೋಮವಾರಪೇಟೆ ಠಾಣಾ ಸರಹದ್ದಿನ ಕುಸುಬೂರು ಗ್ರಾಮದ ನಿವಾಸಿ ಕಾರ್ಯಪ್ಪ ಎಂಬವರು ಅನಾರೋಗ್ಯದಿಂದ ಬಳಲುತ್ತಿದ್ದು, ಇದೇ ವಿಚಾರವಾಗಿ ಜೀವನದಲ್ಲಿ ಜಿಗುಪ್ಸೆಗೊಂಡು ದಿನಾಂಕ 30-5-2016 ರಂದು ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದು ಸೋಮವಾರಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಸಿಡಿಲು ಬಡಿದು ಮಹಿಳೆ ಸಾವು:

     ದಿನಾಂಕ 31-05-16ರಂದು ಪಿರ್ಯಾದಿ ಸೈಜು ಮ್ಯಾಥ್ಯು ಹಾಗೂ ಅವರ ಹೆಂಡತಿ ರೇವತಿ ರವರು ಬಾಳುಗೋಡು ಗ್ರಾಮದ ಬಿ.ಆರ್ ಗಂಗಾಧರ ರವರ ತೋಟದಲ್ಲಿ ಕಾಫಿ ಗಿಡಕ್ಕೆ ಗೊಬ್ಬರ ಹಾಕಲೆಂದು ಕಾಫಿ ಗಿಡದ ಬುಡ ಕ್ಲೀನ್ ಮಾಡುತ್ತಿರುವಾಗ ಸಮಯ ಸುಮಾರು 1-30ಪಿ.ಎಂ.ಗೆ ದಿಢೀರನೇ ವಿಪರೀತ ಮಳೆ ಗಾಳಿ ಬಂದು ದೊಡ್ಡದಾಗಿ ಸಿಡಿಲು ಹೊಡೆದಾಗ ಪಿರ್ಯಾದಿಯವರ ಪತ್ನಿ ರೇವತಿಗೆ ತಾಗಿ ಮೃತಪಟ್ಟಿದ್ದು ಈ ಸಂಬಂಧ ವಿರಾಜಪೇಟೆ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ಮುಂದಿನ ಕ್ರಮ ಕೈಗೊಂಡಿದ್ದಾರೆ.