Monday, January 10, 2011

ವಾಹನ ಅಪಘಾತ, ವ್ಯಕ್ತಿಯ ಸಾವು.

ಖಾಸಗಿ ವಾಹನವು ಮೋಟಾರ್‌ ಸೈಕಲ್‌ಗೆ ಡಿಕ್ಕಿಯಾಗಿ ಸವಾರ ದುರ್ಮರಣ ಹೊಂದಿದ ಬಗ್ಗೆ ವಿರಾಜಪೇಟೆ ನಗರ ಠಾಣಾ ಸರಹದ್ದಿನ ವಿರಾಜಪೇಟೆ ನಗರದಿಂದ ವರದಿಯಾಗಿದೆ. ಈ ದಿನ ದಿನಾಂಕ 10-1-2011 ರಂದು ನಗರದ ಎಫ್‌.ಎಂ.ಸಿ. ರಸ್ತೆಯಲ್ಲಿರುವ ಜಯಪ್ರಕಾಶ್‌ರವರ ಟೈಲರ್‌ ಅಂಗಡಿಯ ಮುಂಭಾಗ ಆರೋಪಿ ಖಾಸಗಿ ಬಸ್ಸನ ಚಾಲಕ ತನ್ನ ವಾಹನವನ್ನು ಅತೀ ವೇಗ ಮತ್ತು ಅಜಾಗರೂಕತೆ ಯಿಂದ ಚಲಾಯಿಸಿ ಮೋಟಾರ್‌ ಸೈಕಲ್‌ಗೆ ಡಿಕ್ಕಿ ಪಡಿಸಿದ ಪರಿಣಾಮ ಮೋ.ಸೈಕಲ್‌ ಸವಾರ ತೀವ್ರ ತರಹದ ಗಾಯಗೊಂಡು, ಆಸ್ಪತ್ರೆಗೆ ಸಾಗಿಸುವ ಸಮಯ ಮೃತಪಟ್ಟಿದ್ದು, ವಿರಾಜಪೇಟೆ ಪೊಲೀಸರು ಪ್ರಕರಣವನ್ನು ದಾಖಲಿಸಿ ಮುಂದಿನ ತನಿಖೆ ಕೈಗೊಂಡಿರುತ್ತಾರೆ.

ಜೀವನದಲ್ಲಿ ಜಿಗುಪ್ಸೆಗೊಂಡು ವ್ಯಕ್ತಿಯ ಆತ್ಮಹತ್ಯೆ.

ದಿನಾಂಕ 9-1-2011 ರಂದು ವಿರಾಜಪೇಟೆ ಗ್ರಾಮಾಂತರ ಠಾಣಾ ವ್ಯಾಪ್ತಿಯ ನಾಂಗಾಲ ಗಾಮದಲ್ಲಿ ಬ್ಯಾರ ಎಂಬ ವ್ಯಕ್ತಿಯು ಜೀವನದಲ್ಲಿ ಜಿಗುಪ್ಸೆಗೊಂಡು ತನ್ನ ಮನೆಯಲ್ಲಿ ಕುತ್ತಿಗೆಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು ವಿರಾಜಪೇಟೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಂಡು ಮುಂದಿನ ಕ್ರಮ ಜರುಗಿಸಿರುತ್ತಾರೆ.

ದಾರಿ ತಡೆದು ವ್ಯಕ್ತಿಯ ಮೇಲೆ ಹಲ್ಲೆ.

ದಿನಾಂಕ 9-1-2011 ರಂದು ಪೊನ್ನಂಪೇಟೆ ಠಾಣಾ ಸರಹದ್ದಿನ ನಡಿಕೇರಿ ಗ್ರಾಮದಲ್ಲಿ ಫಿರ್ಯಾದಿ ಎಂ.ಕೆ. ಗಣಪತಿ ತಮ್ಮ ಗದ್ದೆಯಿಂದ ಕಣಕ್ಕೆ ಭತ್ತದ ಹೊರೆಗಳನ್ನು ತುಂಬಿಸಿಕೊಂಡು ಹೋಗುತ್ತಿವಾಗ ಆರೋಪಿಗಳಾದ ಸೂರಪ್ಪ ಹಾಗು ಸೂರಪ್ಪನ ಅತ್ತಿಗೆ ಸೇರಿ ಫಿರ್ಯಾದಿಯ ದಾರಿ ತಡೆದು ಹಳೇ ವೈಷಮ್ಯದಿಂದ ಜಗಳ ಮಾಡಿ ದೊಣ್ಣೆಯಿಂದ ಹಲ್ಲೆ ಮಾಡಿ ನೋವನ್ನುಂಟುಮಾಡಿದ್ದು, ಚಿಕಿತ್ಸೆಗೆ ಗೋಣಿಕೊಪ್ಪ ಆಸ್ಪತ್ರೆಗೆ ದಾಖಲಾಗಿದ್ದು, ಈ ಸಂಬಂಧ ಪೊನ್ನಂಪೇಟೆ ಪೊಲೀಸರು ಪ್ರಕರಣವನ್ನು ದಾಖಲಿಸಿ ಮುಂದಿನ ಕ್ರಮ ಜರುಗಿಸಿರುತ್ತಾರೆ.

ಅಕ್ರಮ ಪ್ರವೇಶ, ಆಸ್ತಿ ನಷ್ಟ.

ದಿನಾಂಕ 9-1-2011 ರಂದು ಭಾಗಮಂಡಲ ಪೊಲೀಸ್ ಠಾಣಾ ವ್ಯಾಪ್ತಿಯ ಬೇಂಗೂರು ಗ್ರಾಮದಲ್ಲಿ ಫಿರ್ಯಾದಿ ಎಂ.ಎಂ. ಅಯ್ಯಣ್ಣ ಎಂಬವರ ತೋಟಕ್ಕೆ ಆರೋಪಿಗಳಾದ ಎಂ.ಯು.ಅಯ್ಯಣ್ಣ ಹಾಗೂ ಎಂ.ಕೆ. ವೀರರಾಜು ರವರುಗಳು ಅಕ್ರಮಪ್ರವೇಶ ಮಾಡಿ ತೋಟದ ತಂತಿಬೇಲಿಯನ್ನು ಕುತ್ತು ನಷ್ಟಪಡಿಸಿದ್ದೂ ಅಲ್ಲದೆ ಅವಾಚ್ಯ ಸಂಬ್ದಗಳಿಂದ ನಿಂದಿಸಿದ್ದು ಈ ಬಗ್ಗೆ ಭಾಗಮಂಡಲ ಪೊಲೀಸರು ಪ್ರಕರಣವನ್ನು ದಾಖಲಿಸಿ ಮುಂದಿನ ಕ್ರಮ ಕೈಗೊಂಡಿರುತ್ತರಾರೆ.