Saturday, January 29, 2011

ಪಾದಾಚಾರಿಗೆ ಜೀಪು ಡಿಕ್ಕಿ, ಪ್ರಕರಣ ದಾಖಲು:

ದಿನಾಂಕ 28-1-2011 ರಂದು ಕುಶಾಲನಗರ ಠಾಣಾ ವ್ಯಾಪ್ತಿಯ ಬಸವನಳ್ಳಿ ಗ್ರಾಮದ ಆನೆಕಾಡು ಬಳಿ ಫಿರ್ಯಾದಿ ರಾಜ ಎಂಬವರು ಬಸ್ಸಿನಿಂದ ಇಳಿದು ತಮ್ಮ ಮನೆಯ ಕಡೆಗೆ ಹೋಗಲೆಂದು ರಸ್ತೆಯನ್ನು ದಾಟುವ ಸಮಯದಲ್ಲಿ ಮಡಿಕೇರಿ ಕಡೆಯಿಂದ ಜೀಪನ್ನು ಓಡಿಸಿಕೊಂಡು ಬಂದ ಅದರ ಚಾಲಕ ಅತೀ ವೇಗ ಮತ್ತು ಅಜಾಗರೂತೆಯಿಂದ ಓಡಿಸಿ ಫಿರ್ಯಾದಿಯವರಿಗೆ ಡಿಕ್ಕಿ ಪಡಿಸಿದ ಪರಿಣಾಮ ಫಿರ್ಯಾದಿಗೆ ರಕ್ತ ಗಾಯವಾಗಿದ್ದು, ಕುಶಾಲನಗರ ಪೊಲೀಸರು ಪ್ರಕರಣವನ್ನು ದಾಖಲಿಸಿ ಮುಂದಿನ ತನಿಖೆ ಕೈಗೊಂಡಿರುತ್ತಾರೆ.

ವ್ಯಕ್ತಿಯನ್ನು ನಂಬಿಸಿ ವಂಚನೆ:

ವ್ಯಕ್ತಿಯೊಬ್ಬರಿಗೆ ಹೊರದೇಶದಲ್ಲಿ ಕೆಲಸ ಕೊಡಿಸುವುದಾಗಿ ನಂಬಿಸಿ ವಂಚಿಸಿದ ಪ್ರಕರಣ ಮಡಿಕೇರಿ ನಗರ ಠಾಣೆಯಲ್ಲಿ ವರದಿಯಾಗಿದೆ. ದಿನಾಂಕ 3-8-2010ರ ಹಿಂದಿನ ದಿನಗಳಲ್ಲಿ ಫಿರ್ಯಾದಿ ಅನ್ವರ್‌, ಗಣಪತಿ ಬೀದಿ, ಮಡಿಕೇರಿ ಇವರಿಗೆ ಆರೋಪಿ ಲತೀಪ್‌ ಎಂಬಾತನು ಹೊರದೇಶವಾದ ಮಲೇಷಿಯಾ, ಅರೇಬಿಯಾ ದೇಶದಲ್ಲಿ ಕೆಲಸ ಕೊಡಿಸುವುದಾಗಿ ನಂಬಿ ರೂ. 1,25,000 ಗಳನ್ನು ಪಡೆದುಕೊಂಡು ನಂತರ ಕೆಲಸವನ್ನು ಕೊಡಿಸದೇ ಹಾಗೂ ಹಣವನ್ನು ನೀಡದೆ ವಂಚಿಸಿರುವುದಾಗಿ ದೂರು ನೀಡಿದ ಮೇರೆ ಮಡಿಕೇರಿ ನಗರ ಪೊಲೀಸರು ಪ್ರಕರಣವನ್ನು ದಾಖಲಿಸಿ ಮುಂದಿನ ತನಿಖೆ ಕೈಗೊಂಡಿರುತ್ತಾರೆ.